رواية بدون حياة
الفصل الثاني 2
بقلم سارة بكرى
ماما قالت: و الله حياة دى نحس من يوم ما حملت فيها
ضحك و فارس كـ عادته إبتسامة ثابتة، ماما فضلت تقول علي عيوبى الكتير و انا من جوايا متعذبه و ما قدرتش أكمل و الضغط اللى فيا زاد لـ درجة إنى أتصرفت تصرف مش طبيعى لما قومت و بصيت لـ ماما و فى إيدى كوباية و الكوباية وقعت و انا انا ما حستش بـ اى حاجة، بعد شوية فتحت عينى لقيت نفسي فى حضن محكوم كويس عليا، حضن!! انا متعودتش على الأحساس ده قبل كده!
فارس: حياة انتِ كويسة؟؟
كنت حاسة بـ توهان: هو انا جرا ليا ايه؟؟
فارس: أتعصبتى و زعقتى لـ والدتك... حياة انتِ إزاى تزعقى لـ والدتك كده
أنتبهت ليه و مش فاهمة اللى بـ يقوله: انا عملت كده؟!... و قولت ايه
فارس: مش مهم يا حياة اللى قولتيه... والدتك يمكن ما فكرتش فى كلامها و كلامها بـ نية الهزار بس ده نش رد فعل طبيعى إنك تقوليلها
قد ايه بـ تكرهيها و إنك ما صدقتِ بعدتى عنها
عيطت و قولت: انا.. انا قولت؟؟
جسمى أنتفض و مش مصدقة اللى هو بـ يقوله
لقيت فارس طبطب عليا و قال: انا قولت لهم إن اللى انتِ فيه بسبب المشاكل اللى حصلت معاكى مش أكتر
قولت من وسط دموعى: انا مخنوقة جدًا و يمكن أعصابي بايظة و...
فارس: ما فيش داعى لـ الزعل ده كله و إن كان على الكلية فـ هـ ترجعى من بكرا
هزيت راسي بـ هذيان و رجعت الكلية من تانى، كنت فى اسوأ فترات حياتى لما رجعت و كنت حديث الكلية... "البنت اللى باسم فوزى سابها و هرب".." من حقه" و يوم بعد يوم كلامهم بـ يأثر عليا و فارس يكاد يكون مش معايا، كل ليلة بـ أسمعه بـ يتغزل فى خطيبته!!... أيوة فارس كان خاطب و خطيبته سابته يوم فرحى بسبب جوازنا بس هو رجع لها!
_أزيك يا ماجى
ماجى زميلة فى الكلية لكن كل سنة يعتبر بـ تعيد و ليها سنتين بـ تعيد، نفخت سيجارتها و بصت ليا بـ أستغراب!
قولت بـ تبرير: انا مش عاوزة أكون ضدكم انا عاوزة أكون منكم و و انا مستعدة أعمل اى حاجة
ماجى بصت لـ الشلة و هى كبيرتهم يعتبر و قالت: أما نشوف... فيه حفلة بـ الليل أثبتى لينا ولائك و تعالى
هزيت راسي: حاضر ما فيش مانع
ردت بنت و أسمها شذى: بس أكيد مش هـ تيجى بـ لبس زى ده... لبس ما يليقش بـ مرات فارس فوزى
رديت بـ سرعة: قوليلى اللبس اللى يعجبك و ألبسه
شريف: من ناحية اللبس فـ ده لعبتى انا... ولا اى يا شباب
شذى ضحكت ضحكة عالية : طول عمرك مهتم بـ المرأة و تفاصيلها
بـ الليل روحت الحفلة و كانت فى ڤيلا، شباب بـ ترقص مع بنات، و بـ يشربوا و عايشين من غير حدود، كنت مستغربة، متكتفة، فجأة سمعت من ورايا صوت صفير.
شريف: أيوة بقى يا حيوشا... كده تعجبينا
أبتسمت بـ توتر: شـ.. شكرا يا شريف
شذى: شريف ايه يا بنتى أسمه شوتس
أستغربت: شوتس؟؟... حاضر هـ ناديه كده
شذى: و انتِ كمان يا حياة هـ يكون أسمك حيوش
الجو كان غريب عليا لكن مع الوقت أتعودت، الصبح بـ أذوغ من المحاضرات و بـ الليل بـ أسهر مع الشلة، كنت حاسة إن الأنسانة اللى انا عليها بـ تبدأ تموت و التانية بـ تهتم بـ نفسها و بس!
لـ درجة أن فيه شباب بقيت بـ تنجذب ليا، و انا بـ أرقص فى مرة لقيت واحد بـ يرقص معايا و حسيته نركز معايا، روحت عند البار راح ورايا.
هو مد إيده: هاى انا حسام و انتِ
قولت بـ عدم أهتمام: حيوش
أبتسم: أسمك الحقيقى كده
بصيت له بـ ملل: أسمى حياة ها هـ تقولى نتصاحب هـ أقولك لاء
حسام: انتِ ليه عايشة حياة مش بتاعتك مع إنك غير كده... هـ تفضلى تعيشى فى شخصية كل يوم كده
قومت و انا مصدومة هو قدر يعرف عنى كل حاجة تقريبا : انت انت مين بـ الظبط
حسام وقف: انا اللى هـ أنقذك من الطريق ده... هـ أنقذك من الماضي يا حياة... ده رقمى
لقيته ساب لى ورقة فيها ورقة، ما عرفش ليه أخدتها و هو مشي و ما طلبش اى حاجة تانية!!
هو مش عاوز يصاحب زى اى شاب بـ أقابله
#سارة_بكرى
فى يوم رجعت متأخر و الغريب إنى لقيت فارس قاعد و شكله متعصب على الأخر!
قولت و انا داخلة: هاى فارس
و مرة واحدة لقيت فارس وقف فى وشي و مسك دراعى و قال بـ لهجة أول مرة أسمعها: كنتِ فين لحد دلوقتى؟؟
أتوترت: انا المحاضرات كانت كتير النهاردة
فارس صوته عليى: محاضرات لحد الساعة واحدة؟؟ و تليفونك مقفول؟؟!
أيدى وجعتنى و خوفت من طريقته اللى تقريبا بـ يستخدمها مع المجرمين بس الغريبة إنى أفتكرت طشاش من الماضى، ضرب، تعذيب!!!
_كفاية يا ماما!
فارس أستغرب و انا جسمى كله كان بـ يتكتف و منهارة من العياط لـ درجة أنى وقعت على الأرض، فارس نزل لـ مستوايا و لقيته مسك وشي بـ أندهاش و بـ يقول: حياة فيه ايه؟؟
بصيت له: حيوشة!!... انت عاوز تضربنى يلا أضربنى و خلصنى
فارس: لا يا حياة انا مش هـ أضربك انا عاوز أعرف كنتِ فين
غمضت عينى: يااه من إمتى الأهتمام ده يا فارس بيه؟؟
انا زهقت و عاوزة أنام
فارس: ده مش أهتمام يا حياة ده حقى أعرف بـ تروحي فين
قولت بـ زهق: خرجت شوية أشم هوا ... أيه حرام أخرج... هو انا هـ أترهبن ولا اى
فارس: حياة أتكلمى عدل انا أصلا مش داخل عليا الشويتين اللى بـ تعمليهم
بصيت له و دموعى لمعت فى عينى و لقيته بصيت يبص و حسيته تايه و عاوز يفهمنى أكتر!!
تانى يوم كنت مع الشلة كـ العادة و المرة دى ما كنتش فى وعيى يمكن المشروب ده ينسينى اللى فات و يمحى الماضى اللعين، مع كل وجع أتوجعته بـ أشرب.
و لقيت نفسي واقفة و بـ أرقص و الكل مبهور، شريف بـ يصفر و ماجى و شذى و باقى الشلة مبسوطين و مستغربين فى نفس الوق
لحد ما لقيت الأصوات وقفت و صوت ضرب جامد، بصيت عشان ألاقى قدامى فارس و الغضب كاسي وشه، شدنى قصاد الكل و يا ويلى من فارس فوزى فى غضبه، يا ترى فارس هـ يعمل إيه خصوصًا بعد ما عرف انا بقيت اى!!