الفصل الاول1
بقلم سندس محمد
مازن بعصبيه: ادخلي قدامي يلا
كيان بخوف: انت عايز مني ايه بقى انا مش هقعد معاك في نفس الاوضه اطلع بره
مازن بسخريه: انتي عبيطه ولا انتي بتقوليلي انا الكلام ده انتي مش عارفه انا مين
كيان بعصبيه: لا ومش عايزة اعرف وكفايه انك اتجوزتني غصب عني
مازن بشر: انتي لسه ايامك اللي جايه كلها هتبقى سواد انتي لسه مشوفتيش حاجه بس انا هعرفك ازاي تكلميني كده
وشدها من شعرها وخرج من الاوضه ونزل بيها السلم وهو لسه ماسكها من شعرها ودخل طرقه طويله وكان في اخرها اوضه فتح الاوضه وكانت ضلمه اوي ومليانه حشرات
كيان بخوف شديد: لا لا يامازن خلاص مش هعمل كده تاني
مازن رماها في الاوضه وقفل الباب وبص للحراس الواقفين على الباب
مازن بحزم: محدش يدخلها فاهمين
الحراس: حاضر ياباشا
سابهم مازن وطلع اوضته
كيان بخوف شديد وعياط: طلعني يامازن انا معملتش حاجه عشان تعمل فيا كده طب انا عملتلك ايه عشان تعمل فيا كده انت خطفتني من اهلى واتجوزتني ليه ليه عملت فيا كل ده يامازن انا عملت ايه
كيان ملقتش رد ف خدت جنب ودفنت راسها في رجلها وفضلت تعيط بصمت
عند مازن في اوضته
مازن بعصبيه شديده: انا هحسرك عليها واخليك تبوس ايدي عشان ارحمها وده مش هيحصل
وتليفونه رن وكانت مامته
مازن بحنان عكس عصبيته: الو يا ماما
اعتماد: الوو ياحبيبي عامل ايه
مازن بحب: الحمدلله ياماما وانتو كلكوا عاملين ايه
اعتماد بحب: الحمدلله يابني وحشتني اوي
مازن: وحضرتك ياماما وحشتيني اوي
اعتماد بحب: مش ناوي تيجي بقى
مازن: قريب ياماما هاجي إن شاءالله
اعتماد بحزن: انت لسه ناوي على اللي في دماغك يابني
مازن بعصبيه: ماما بعد اذنك ممكن منتكلمش في الموضوع ده
اعتماد غمضت عنيها بوجع على حال ابنها: حاضر يابني
مازن بحب: وتمارا وتميم عاملين ايه
اعتماد بحزن: الحمدلله يابني دايما بيسألوا عليك
مازن بحنان: هاجي قريب عشان اشوفهم إن شاءالله
عند كيان
كانت ضمه رجلها وهي منهاره في العياط وسانده براسها على الحيطه
كيان ببكاء شديد: يارب ارحمني يارب
وبصت جانبها لقت تعبان بيتحرك بصتله بخوف شديد وعياط
كيان ببكاء شديد: حد يلحقني الحقوني في تعبان حد يلحقني
الحراس اللي كانوا على باب الاوضه سمعوها وقبل مايدخلوا كان التعبان قرب من كيان ولدغها دخلوا الحراس بسرعه لقوها واقعه على الارض ومغم عليها
واحد من الحراس طلع السلاح بسرعه وضرب التعبان
الحارس بخوف شديد: هنعمل ايه لو مازن باشا عرف هيخلص علينا روح بلغه بسرعه
مازن كان قاعد في اوضته وبيشتغل على اللاب بتاعه بتركيز
الحارس بخوف شديد: الحق يا مازن باشا
مازن بخضه: ايه في ايه وانت ازاي تخش كده ياحيوان
الحارس بخوف شديد: انا اسف ياباشا بس عشان المدام في تعبان لدعها
مازن بخوف شديد: ايههه