رواية مدرسة البنات الفصل الرابع عشر14والخامس عشر15بقلم منه محمد
رقيه : مبتكلمنيش يا دعاء مش عارفه اعمل ايه ؟
دعاء : فعلا الموضوع طول اوي دي داخله ف بقالها اسبوعين مبتجيش المدرسه
نفيسه : هما فعلا ممكن يكونوا قعدوها من المدرسه
رقيه : للاسف ممكن اهلها دول صعبين و يعمولها
نفيسه : طب مش المفروض نساعدها
رقيه : حاولت بس لما روحتلها مرضيوش يدخلوني اصلا
دعاء : احنا ممكن نتكلم مع ميس سحر و هنقولها ع اللي حصل اكيد هي ممكن تساعدنا
رقيه : ياريت ، طب يلا بينا
ذهبوا لمعلمتهم و حكوا لها كل ما حدث مع "ندى"
سحر : بالرغم من ان اللي عملته ندى غلط لما هربت من المدرسه بس انا اكيد قرار اهلها لو ده فعلا اللي ناويين يعملوه انا هتكلم معاهم و احاول اعمل اللي اقدر عليه ، بس انتوا كمان لازم تحاول تساعدوا صاحبتكم لما ترجع المدرسه ان شاء الله
كانت تنام علي فراشها مهومه لا تفعل شئ سوى البكاء و النوم حتي هاتفها منعت منه لكنها استطاعت اخذه دون ان يلاحظ احد و بدأت بالحديث مع "احمد"
احمد : ندوشه وحشتني بقالك مده مبتكلمنيش
ندى بحزن : اهلي عرفوا باللي حصل يا احمد
احمد بقلق : عرفوا يعلاقتنا !!
ندى : لا عرفوا اني هربت من المدرسه و دلوقتي شاكين فيا بس ميعرفوش اني مرتبطه بيك بالظبط
احمد : و انت دلوقتي متعاقبه
ندى : اه ، احمد ينفع اطلب منك طلب
احمد : اؤمريني يا قمر
ندى : انا عايزه اهرب معاك
احمد بصدمه : انت بتقولي
ندى : بقولك اللي سمعته انا خلاص مبتقطش طايقه العيشه دي انا هاهرب معاك
احمد : طب بس اهدي احنا نتقابل الاول ف اى مطعم و بعدين نشوف انت عايزه ايه
ندى : ماشي ، انا اهلي مش ف البيت دلوقتي خمس دقايق و هجيلك
استعدت "سحر" اهل "ندى"
ام ندى : خير المزغوده دي عملت حاجه تاني انا حاسبها ف البيت من ساعه المصيبه اللي عملتها
سحر : لا الحقيقه انا كنت عايزه اتكلم معاكوا ف موضوع تاني
ام ندى : موضوع ايه ؟
حاولت "سحر" اقناع امها بان تعود "ندى" للدراسه و انها ستكون تحت رقابه المدرسه ، و بينما يتحدثون كان البنات يقن في الخارج يراقبن الوضع
رقيه : و بعدين هما بيقولوا ايه كل ده
دعاء : رقيه الاحسن نمشي عندنا حصه كده هنتأخر
رقيه : استني خمس دقايق
اتت المعلمه و رأتهم و هن يقن ف الخارج : انت بتعملوا ايه عندكم اتفضلوا علي فصلكوا يلا
ركضن مسرعات إلي فصلهم
عادوا " اهل ندى " بعد ان قرروا العفو عنها و اعطائها فرصه اخري
ام ندى : اما اشوف المزغوده دي نامت و لا صاحيه ، ندى بت يا ندااااا
فؤجئت عندما لم تجدها بالغرفه و الشباك مفتوح
الفصل الخامس عشر
هربت " ندى" من المنزل و التقت ب"احمد" في احد المطاعم
احمد : مالك بتنهجي كده ليه ؟
ندى : كنت عايزه اهرب بسرعه قبل ما حد يشوفني
احمد : خلاص اهدى تحبي تأكلي ايه ؟
_________________________________________________________
______________________
فتشت الام الغرفه بهلع و لم تجدها في اي مكان : البت هربت م البيت
الاب : يعني اييييه ، اكيد هربت مع واحد مستحيل تعملها لوحدها انا لو لقيت البت دي هقتلها
_______________________________________________________________________________
عادت " رقيه" لمنزلها و حاولت الاتصال ب"ندى" لكن هاتفها كان مغلق كالعاده
رقيه : و بعدييين بقي مبترديش ليه يا ندى
قررت الاتصال بوالدتها : الو ازيك يا طنط ندى موجوده
الام بغضب : ندى هربت من البيت
رقيه بصدمه : اييييييه
_______________________________________________________________________________
ندى : اسمع انا سرقت الغويشه دي من ماما احنا ممكن نبيعها و اشوفلي اي شقه بس ف حته محدش يعرفها اهلي لو لقوني هيدبحوني
احمد : متبالغيش يا ندى
ندى : انا بكلمك بجد
احمد : خلاص ماشي هاتي الغوشيه، اخذ يتأملها : عيار كام دي ؟
ندى : معرفش انا اخذتها و خلاص بس هي اكيد هتجيب فلوس حلوه هساعدني
احمد بخبث : اكيد
_______________________________________________________________________________
اتصلت "رقيه" ب "دعاء" : الحقيني يا دعاء ندى هربت من بيتها
دعاء : هربت هربت يعني ايه ؟
رقيه : معرفش انا اتصلت بأمها قالتلي انها هربت م البيت
دعاء : اكيد هربت مع احمد
رقيه : طب هانعمل ايه ؟
دعاء : انت معاكي رقم احمد ؟
رقيه : اه بس هو مستحيل يقولي علي مكانها
دعاء : تعاليلي البيت انا عندي فكره
_______________________________________________________________________________
وصلوا بالسياره إلي احد محلات الذهب
احمد : استنيني هنا هاروح اشوف حوار الغويشه ده ، انت معاكي حاجه تانيه ؟
ندى : لا هي دي بس اللي عرفت اخدتها
احمد : طيب
خرج و تركها وحدها ف السياره ، كانت تراقب الشارع بخوف ، لا تعرف لماذا فعلت في نفسها ذلك فجأه سمعت صوتا تعرفه و نظرت من بعيد فعرفت انه صوت صديق والدها
ندى : يا دي المصيبه
انبطحت ف السياره و قلبها ملئ بالرعب تدعو الله ان تخرج من ذلك المأزق التي وضعت نفسها فيه