رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الفصل الخامس والخمسون55بقلم نجمه براقه

شبل

 _ انت واخدني علي فين  

  _ هتعرف بعدين 

قال كده وشالني حطني علي الكرسي وقتها بس عرفت اني خفيف وسهل اتخطف بسهوله .

 وروحت معاه بعد ما قولت ل ورد متخفش وطمنتها ان مفيش حاجه  وخدني وروحنا شقة تانيه ف قولت وانا ببص حوليه 

  _ بيت مين ده 

   _ بيتي  هتقعد هنا لغيت ما بدر يرجع  

   _ طيب ليه  ،  ومين قالك تعمل كده  

   _ انا مش خاطفك  ف متقلقش وخليك هادي  يومين وهتمشي  

   _ طيب انت مين وبتعمل كده ليه 

   _ بعمل كده علشان في ظابط دور عليك في الشقة التانيه وكان عايز ياخدك 

   _ ظابط ياخدني انا؟!  ، ليه سرقت ولا قتلت  

   _ لا  عشان اخو بدر 

   _ افندم  ، انت بتقول ايه  ،  هي اخويت بدر بقت تهمه بيعاقب عليها القانون 

نفخ بزهق وقال 

   _ اسألتك كتير وانا بتخنق  ، اسكت 

   _ يا اخ انت جايبني هنا  من غير ما اعرف انت مين  ،  ازاي يعني خنقتك  ،  إيه العبط ده   

   _ العبط؟!  ماشي  ،  معاك العبيط  ،  اقصد الرائد احمد  من مباحث الاسكندريه  

بلعت ريقي بربكه وقولت 

   _ احم  اهلا وسهلا  تشرفنا  

   _ اهلا  

قال كده ودخل جوه وبعد خمس دقايق رن الجرس و طلع يفتح ف لقيت واحده  داخلة بتحاوط رقبته وبتقوله بدلال 

  _ بيبي وحشتني اووووي  

    _ سوسو حبيبتي  إيه جابك دلوقتي 

    _ بقولك وحشتني ايه موحشتكش يا وحش كده متسألش علي سوسو حبيبتك 

قال وهو بيشاور عليه 

    _ عندي ضيوف روحي دلوقتي وبعدين هنتقابل 

بصتلي ف ابتسمت ابتسامه واسعه ف قالت وهي بتمدغ اللبانه 

   _ مين ده يا بيبي 

   _ قريبي  يلا بقا  امشي  

بصتلي من فوقي لتحتي وقالت 

    _ بس ده شكله بيبي اووي  ،  هااااي 

    _ هاي هههههههههه 

سكت لما بصلي وبعدين طلعها وهو بيقول 

   _ يلا بقا  مش وقتك يا روحي  ،  يلا بقا  

   _ زحلانه منك 

   _ ازحلي وبعدين هصالحك يلااااا بقا متفضحناش قدم الغرب  

قفل الباب عليها ورجع يشوف تليفونه اللي رن ف رد وقال 

   _ مرمر حبيبتي 

بصتله بصدمه وهو  بيقول 

   _ أبداً يا روحي مشغول شويه  ...  نسيتك؟!  هو انا اقدر...  اجي؟!   لا مش دلوقتي  لما  افضي...  لا وربنا  ازعل لو قولتي  كده  طبعا بحبك بس انتي عارفه شغلتنا   ...  حبيبتي اللي بتحس بيه ..  هكلمك تاني    ،  باي ياقلبي  

ساب التليفون وبصلي وقال 

  _ مالك  مبحلق كده ليه 

   _ أبداً  بس حضرتك بتخون سوسو مع مرمر  ممكن تزعل 

عقد حواجبه باستغراب وبعدين سابني ودخل الاوضه ف رن تليفونه تاني وطلع يرد ويقول  

   _ هاي  ميري ،  اه يا روحي  ،  نسيتك؟  لا انساكي ايه  ،  علي بالي ياقلبي  ،  اه هبقا اجيلك  بس اخلص الشغل  ..  طيب ياروحي هكلمك تاني علشان عندي ضيوف  ، اخونك؟  ده يبقا انا مبفهمش  هو اللي يعرف ميري يعرف غيرها  ،... لا والله  زعلان  .. ههههههه يا جامد  ماشي هشوف هتصلحيني ازاي... لا الاسود بيكون حلو عليكي.... اه الاسود بلاش الاحمر  بيخنقني  ... اه حبيبتي  يلا  هكلمك تاني  . 

قفل معاها وبعد شوية وصلته رساله ف فتحها وسمعت صوت بنت بتقول 

   _ مخمصاك بقا كده  متسألش عليه  يا وحش  مش احبك انا كده  

بصلي وانا بحاول اكتم ضحكتي ف قال 

   _ بقولك إيه عدي يومينك علي خير ومتركزش  كتير  معايا 

  _ اسف في  السؤال   ، هو انت بتخون مين مع مين  

  _ انت هتصاحبني  ،  ااااخرس 

  _ خرست 

   سابني وخد موبايله معاه وبقيت كل شويه اسمع رنته والرغي مع البنات  وبعد ساعات تقريبا وانا زهقان من اللي انا فيه طلع من الاوضه وقالي 

  _ سوري نسيتك   ،  جعان؟ 

  _ مش قوي 

   _ طيب انا هطلب اكل  

قال كده واتصل بمطعم طلب اكل وبعد وقت جه الديلفري وخد منه الاكل وحطه علي التربيزه وبعدين خدني هناك وقال 

  _ كل  

  _ ماشي  

بدأنا ناكل ف قولت 

   _ هو انت تعرف بدر منين 

   _ معرفهوش 

   _ طيب ايه جابك عندنا وليه واخدني 

سكت شوية وبعدين قال بتنهيده 

   _ انت اكيد عارف ان اخوك اتقبض عليه  ،  ف الظابط اللي قبض عليه حطكم في  دماغه وبعت حد يقبض عليك  وطبعا  بما انه كارهكم ف مش هيسيبك من غير ما يشلفط وشك  

  _ عارفه جه قبل كده عندنا وقبض علينا وكسرنا انا واخواتي  ، وخلي المساجين يضربوني وروحت المستشفي  ،  واكيد مبهدل بدر دلوقتي  

   _ متقلقش هيخرج  بس استنا شوية 

   _ انت ايه عرفك انه هيخرج 

   _ كل وكفاية اسئلة 

   _ طيب انت بتساعدنا ليه 

   _ بقولك كل  

   _ حاضر  

    

#حامد 

كنت مستني يدخل عليه بيه وبعد انتظار لساعات في المكتب دخل عليه وقال 

  _ ملقنهوش يا باشا 

  _ يعني ايه ملقتهوش  ، راح فين 

  _ معرفش والله يا باشا  دورنا ملقناش حد في الشقه ولما سألنا صاحب العماره قال ميعرفش راح فين 

  _  يعني ايه ميعرفش؟!!  الأرض انشقت وبلعته ولا حصلت معجز و وقف علي رجليه ومشي لوحده  

   _ مش عارف سعادتك

قولت بشك 

  _كلمت احمد؟! 

   _ لا مكلمتهوش 

   _ يعني مجبتلهوش سيرة انك رايح تجيب الولد 

   _ لا مجبتش 

    _ امتي اخر مره كلمته

   _ بقالي كتير 

   _ طيب تليفونك يا فهمي  

قال بارتباك 

   _ ليه يا باشا 

   _ بقولك تليفوك يا فهمي  

   قال وهو بيطلعه من جيبه 

   _حاضر  ،  دقيقه بس احط الباسورد 

شديته منه فجأة وقولت 

   _ مليني 

   _ يا باشا... 

   _ مليني يا فهمي!!!! 

  _ حا...  حاضر  

ملاني الباسوورد وفتحته ودخلت علي المكالمات ف لقيته متصل ب أحمد من ساعات ف وريتله الرقم وقولت  

   _ وايه ده 

قال بربكه

   _ اه افتكرت  ،  كلمته بس كنت مستعجل وقفلت معاه 

   _ واتصلت بيه ليه وانت مستعجل 

   _ رنيت بالغلـ... 

قاطعت كلمته بقلم علي وشه وبعدين رميت التليفون علي الحيط كسرته ف حط ايده علي وشه وقال  

   _ إيه ده يا باشا  

 قولت وانا بمسك فيه 

   _ بتكدب عليه  ،  علي  ريسك يا فهمي  ،  دفعلك كام احمد 

  بعد ايدي وقال 

   _  مدفعليش  ،  بس ريسي مش من حقه يمد ايده عليه  ،  ما بالك بقا لو كان صاحبي   ،  شكرا اوي يا باشا 

قال كده ومشي ف قولت وانا بطلع من ورا مكتبي

  _ استني عندك   ،  بقولك استنا  ، انا بأمرك 

 مشي من غير ما يرد  عليه ف رجعت قعدت واتصلت ب أحمد  وانا دمي بيغلي منه  ف رد وقال 

  _ نعم 

   _ وديت الولد فين 

   _ ولد مين 

    _ شبل رضوان العربي يا احمد  وديته فين 

    _ معايا بتسأل ليه  

    _ وليه معاك  

    _ وانت مالك  

    _ انت بتتحداني يا أحمد 

    _ اتحداك ليه  ،  إيه دخل الولد بتحدي بيني وبينك  

    _ انت عارف اني بعتهم يقبضوا عليه 

    _ يقبضوا عليه ليه  ، معاك اذن نيابه؟ ،  بلاش دي  ، ايه تهمته؟ ،  قتل ولا  سرق وهو قاعد علي كرسي متحرك 

   _ انت هتسلمني الولد ولا اقلب عليك 

    _ والله لو قولتلي عاوزة ليه واسبابك اقنعتني هسلمهولك 

    _ يعني كده  ،  بتتحداني 

    _ اه بتحداك  ،  ولو عاوز  تتقي شري تخرج بدر  وتصلح الفضيحه اللي عملتها ل وفاء 

   _ ده انا بردو اللي عملتها  مش انت؟  

   _ انت هتصيع عليه  ،  كله بأمر منك  ،  انت اللي طلبت مني اعمل كده  علشان مش عاوزاك    

   _  اخرس!!!!  انت حسابك  تقل معايا قووي يا احمد 

   _ لو كده قابلني وخلينا نتحاسب  ،  راجع القاهرة بكره  

   _ ماشي مستنيك 

#ورد  

رجع عبيده ومن اول ما دخل قولت

   _ الحقني يا عبيده  ، الظابط اللي جالنا قبل اكده خد شبل ومشي 

   _ ايه!!!  خد شبل يعمل بيه ايه 

   _ معرفش بس شبل قالي وهو ماشي امعاه مخافش وهكون بخير 

   _ يادي النصايب اللي حلت علي راسكم يا عيال رضوان  ،  طيب وداه فين  وهي مشلول قدامه   ياالغلب يارب 

# عبيده

 سيبت البيت وطلعت جري علي القسم سألت علي شبل قالولي مفيش حد بالاسم ده تم ضبطه ف سألت عن الظابط قالولي في مؤمريه  ،  ف بقيت واقف هتجن وانا مش عارف ممكن يكون راح فين  ولا حصله ايه ولا هقول ايه ل بدر لو سألني عنه  ، مكنتش عارف افكر ف رجعت البيت وقعدت لا حول ليه ولا قوة ف جت ورد وقالتلي 

   _ عملت ايه يا عبيده  ،  عرفت حصل ايه 

   _ معرفش قالوا انه مش اهناك والظابط في مؤمريه وانا مش عارف ممكن اوصله كيه 

   _ يا نصيبتي  كيه يعني مش اهناك  امال ودوه فين وهو في الحاله دي 

  قومت لما افتكرت عم محمد وطلعت جري علي المحل من غير ما ارد عليها واول ما شوفته قولت 

   _ عم محمد  ، انا واقع في نصييه 

   _ يا ساتر يارب  في ايه يابني 

   _ الحكومه خدت شبل ومعرفش اوصله متعرفش محامي يسألنا هو فين وقبضوا عليه ليه 

   _ ايوه  اعرف  ،  بس هما يقبضوا عليه ليه وهو بالحاله دي 

   _ معرفش  ما انا هتجنن  ،  كلملي المحامي اسألهولي يا عم محمد خليني اشوفه 

   _ حاضر حاضر  ،  متقلقش كله خير 

 اتصل بالمحامي وقاله اللي حصل ف بصلي وقال 

   _ اخوك اسمه إيه بالكامل 

قولتله الاسم وبلغه للمحامي وبعدين قفل وقالي 

   _ هيشوفه ويكلمني 

استنيت يجي ساعتين علي نار   لغيت ما اخيرا اتصل وقال مفيش حد بالاسم ده اتقبض عليه  وده كان هيجنني اكتر  ومش لاقي حل ولا تفسير 

#طارق 

عملت مشوار لغيت شركة الاتصالات وجبت تسجيلات المكالمات اللي عملتها ومنهم تسجيل حامد نفسه اديت منهم نسخه لواحد صاحبي وقولتله لو مكلمتهوش لأخر اليوم يسلمهم لمكتب النائب العام  بنفسه   ،  

 وروحت قابلته في مكان بنقعد فيه دائما وحطيت التليفون  اللي فيه التسجيلات  ، وتسجيلات الكاميرا اللي  بتبين ان وفاء مكنتش بوعيها قدامي وقولت  

  _ هات اللي عندك 

   _ بقا كده يا احمد  خلاص بقينا اعداء وبنوقف في طريق بعض 

   _ حامد حبيبي   ، انا هوفر عليك كلام كتير  ،  انا دلوقتي بقولك تحل المشكلة وتبراء وفاء قدام الكل  بمعرفتك انت  ،  سايبلك الحريه في الطريقه اللي تنهي الحوار بيها واللي تشوفها مناسبه  ،  وكمان تخرج بدر من السجن  ،  شوفت بقا انا لغيت دلوقتي بعاملك علي انك صاحبي ازاي 

  _ لا انت فهمتني غلط  

   _ فهمني الصح 

   _ الصح اني انا مش جاي علشان اتفاوض معاك في حوار وفاء و بدر  علشان دول اتحكم عليهم وانتها الموضوع  

   _ امال جاي تقابلني ليه 

   _ علشان اخوه  ،  سلمهوني 

   _ اها  ،  طيب اسلمهولك بصفتك ظابط ولا زعيم عصابة 

   _ بصفتي صاحبك ولازم توقف معايا 

   _ اقف معاك في ايه  ،  طيب وفاء وفضحناها  ، وبدر قبضت عليه واكيد عدمته العافية  ،  شبل بقا المشلول اللي لا حول ليه ولا قوة عاوزة تعمل بيه إيه  

   _ انا حر  

   _ لا مش حر  ،  انت ظابط دورك تحميه مش تحبسه ظلم وهو في الحاله دي  ،  ده انا مش مستبعد انك  تعذبه 

   _ مش هضربه ولا همسه بسؤ انا بس عاوز اخوه يعترف بكام حاجة وهيخرج 

   _ كمااان؟!  ايه ده  هو ده اسلوبك في الشغل  

   _ لأ وانت عارف بس دي مسأله شخصية مع بدر  ،  متنساش انه خطف عروستي وشوه صورتي قدام الناس  ده حقي وانا بجيبه 

  _ اممم واضح اننا هنعيد نفسنا ونقول نفس الكلام بتاع كل مره وهو ان البنت مكنتش عاوزاك وانت اللي هزقت نفسك  

  _ احمد انا لغيت دلوقتي بكلمك بلساني  ومهدي نفسي علي الاخر  هتقول الولد فين ولا اتفاهم معاك بطريقتي 

  _ واللي هي ايه 

   _ ارفض بس تسلمهوني وانا هعرفك ايه هي 

   _ امممم طيب لحظه واحده  ،  ثوووواني  ،  ايوه هو ده  ،  اسمع الكلام ده  

شغلت التسجيل بتاعه  وبعد ما انصت لغيت ما خلص بصلي وقال 

   _ بتسجلي يا احمد 

   _ ومش انت بس   ،  لحظه واحده  ،  اسمع ده كمان  ،  دول  علاء وفهمي  

شغلت تاني تسجيل ف قفله وخد التليفون وقال 

   _ كده مبقاش في تسجيلات  نرجع لموضوعنا  ،  هتسلمني الولد ولا اتصرف معاك انت وتليفونك 

_ إيه ده؟ هههههههههه  بتتكلم جد  ، لا وانت فاكر اني جايلك كده من غير ما اكون مأمن نفسي  ومحتفظ بنسخة تانية ،  حبيبي  بعد ساعة لو متصلتش بواحد صاحبي  وقولتله اني بخير  ،  هيقدم التسجيلات لنائب العام بنفسه  

_  بقا كده  

   _ ايوه   ،  ف اديني التليفون خليني امشي وانت يدوب تلحق تخرج بدر  علشان تشوف هتعمل ايه في موضوع وفاء 

_ هتندم يا احمد  

_ للأسف مفيش في قاموسي كلمة ندم  ،  بس نجرب يمكن تقدر تندمني  ،  اديني التليفون 

خدت التليفون ومشيت وفي الطريق كلمت صاحبي قولتله يخلي الحاجات معاه لو حصلي حاجه يبلغ  ، وطلعت علي بيت اهلي قعدت هناك لساعات مستني اتصاله اللي مجاش ف رجعت اتصل عليه ويديني مغلق  ،  قولت يبقي مش ناوي يجيبها ل بر  ف طلعت علي مكتب النائب العام وانا مستبيع علي الاخر ومفكرتش في اي حاجه غير اني اعرفه انه غلط لما استهون بيه  ،  وهناك قدمت كل حاجه واعترفت باللي حصل وطبعا اتوقفت عن العمل واتحولت لتحقيق  وطلبوا يجيبوا علاء و فهمي علشان يستجوبوهم واكيد هيجيبوا حامد بردو  

#بيجاد  

كنت قاعد جمبها وهي نايمه ف جه عمي وقال 

_ بيجاد 

_ نعم  

_ كنت بفكر في حاجه بس مش عارف صح  ولا لا 

_ هي ايه  

_ يوم الحفله وفاء رجعت بنفس اللبس بتاعها وكانت طبيعية  ،  ليه ميكونش اللي اتعرض ده فبركه ومش حقيقه  

_ مش هتفرق كتير  ، اهي الفضيحه حصلت سؤاء فبركه او غيره  

_ طيب ما تيجي نخلي دكتوره تكشفلها 

_ هتفرق في ايه  

_ يمكن يطلع  كدب ومحصلش   ، وقتها ندور ونثبت ان التسجيلات دي مش حقيقيه ونجيب حقها منهم 

سكت شوية افكر وبعدين قولت 

_ ماشي بس الاول يدولها منوم علشان لو حست هتتعب اكتر 

_ ماشي  ،  انا هروح اشوف دكتوره هنا في المستشفي  ونخلي الممرضه تديلها حقنه علشان تكشفلها 

طلع وانا بقيت باصصلها وبقول لنفسي 

_ مهما كانت النتيجة  مش هتفرق في اللي ناوي اعمله فيهم  ،  سواء طلعت بنت بنوت  او لا

#طارق

 

بعد ما طلعت من مكتب النائب العام روحت المستشفي  وانا بدعي  ميكونش حد منهم هناك ولكن للأسف  شوفت اخوها واقف عند  الباب ف مقدرتش اروح وقررت ارجع  ومشيت وبعد ما وصلت المدخل اتصدمت بدخول بدر اللي وشه كله متخرشم وتعبان وقريبت وفاء معاه بتحاول تسنده وهو بيمنعها  ولما شافني وقف قدامي و قال 

  _ إيه جابك اهنه 

   _ مين خرجك 

    _ بقولك مين جابك اهنه 

    _ قول مين خرجك!!!!  ،  خلاص مش عايز اعرف 

قولت كده وطلعت بسرعه وانا بخرج تليفوني واحاول اتصال علي حامد اللي اخيرا فتح تليفونه ف رد وقال 

  _ بتغدر بيا يا احمد  ،  بتخليني اخرجه وتروح تسلم التسجيلات  

  _ انا كنت فاكرك اتهربت لما مردتش وقفلت تليفونك  ،  طيب مردتش ولا اهتميت تعرفني ليه 

  _ ماشي يا احمد  ماشي  افوقلك بس  وديني ما هعدهالك 

  

#بدر 

  

 لو كان فيه حيل مكنتش هسيبه يمشي غير علي قبره  واضطريت إني اعديها يكون خفيت و فوقتله  ..

وبعدها روحنا انا وكاريمان عند اوضة ف لقيت بيجاد واقف اهناك ولما شافني جه عندي  قال 

   _ بدر!  خرجت امتي 

استغربت طريقته الجديد ف قولت رد علي سؤاله 

   _ من ساعتين  

   _ مين خرجك  

   _ مكنتش عاوزني اخرج 

بلع ريقة وقال وهو بيبعد عينه عني 

   _لا كنت عاوزك تخرج  ،  انا بسأل بس سابوك ازاي 

   _ حامد بنفسه طلعني ومعرفش ليه  

   _ مش مهم  المهم انك طلعت  ،  تعاله نشوف دكتور انت متبهدل خالص 

   _ لا ،  انا جاي اشوف وفاء  ،  ياريت متقولش لا  ،  هشوفها وهمشي 

   _ لا يا بدر 

   _ لا؟... 

    _ قصدي لا مش هتمشي   تقدر تطمن عليها  بس استنا لما تفوق  من شويه واخده حقنة منيماها ،  وتعاله لازم الدكتور يشوفك 

   _ له انا زين 

    _ زين فين انت متبهدل  ، يلا لازم يشوفك 

روحت معاه وكشفت والدكتور كتبلي روشته وبعدها رجعنا وقعدنا في الاستراحة ف خد مني الروشته وقال 

   _ هروح اجبلك الدوا 

كنت هرفض بس هو مشي ف سكت وبعدين بصيت لكاريمان وقولت 

   _ فين اوضتها 

   _ اللي هناك دي 

   _ طيب  هدخل  اشوفها

   _ اتفضل 

 دخلت  لقيتها نايمه والمحلول معلق في يدها  ف قعدت قريب منها  ابصلها وافتكر خوفي إني الاقيها ميته ودموعي اللي نزلت من شدة الفرح  لما كاريمان قالتلي انها عايشه وفاقت  ،  بقيت باصصلها ومستنيها تفتح علشان اكلمها واقولها اني اتوحشتها قوي وكنت خايف مشوفهاش تاني   ،  مسكت يدها وقولت  

  _  انتي مش حاسه بحاجه طبعاً   ، ولا عارفه ان انا جمبك دلوك  ،  وانا كمان والله ما مصدقك اني جمبك  ،  كنت خايفه مشوفكش تاني  ، كنت مرعوب الاقيكي ميته صح   ،  لو كان ده حصل صح   ، انا مكنتش اعرف ممكن اعيش تاني كيه  ،  ليه عملتي في نفسك اكده  ،  ليه هانت عليكي نفسك وانتي مغلطتيش في حاجه  ،  هما اللي لازم يموتوا مش انتي ،  مش عارف  اقولك  ايه انتي اكده ساعات بتعملي  حاجات  تزعل يا شيخه  ، لا وكمان  بسكينه وفي بطنك  وقبلها رصاصه  ليه مضحيه في  نفسك  اكده  ،  ليه حياتك  رخيصة عندك... 

بقيت اكلمها واعاتبها واقولها كل اللي في قلبي لغيت ما الباب اتفتح ودخل بيجاد ف سيبت يدها و وقفت وانا مقادرش ابصله ف قال  وهو بيديني الكيس 

  _ الدوا 

   _ شكرا  

رجعت بصتلها بصه سريعه ورجعت ليه وقولت 

   _ انا كنت بشوفها عامله ايه وهمشي  ،  عن اذنك  

مشيت كام خطوه ف وقفني عند الباب وقال 

  _ بدر  استنا 

  _ ايوه 

اتقدم عندي وقال بتردد وهو بيفرك في  صوابعه 

   _  انا مش عارف اقول ايه  ،  بس انا ندمان بسبب اللي حصل  ،  انا كنت السبب في فضيحة اختي  

كمل بصعوبة 

   _ وكنت السبب في موت فاطمة  ،  الحقيقة  انا عاطفي شوية وعواطفي هي اللي بتتحكم فيه  

كمل بتنهيده 

_ وبمناسبة اللي حصل  مع وفاء  واللي حصل  عندكم  ،  ف انا عيشت اربع سنين في النجع مكنتش طايق القعدة  هناك بس كنت مستني يمكن تحصل معجزه واقدر اتجوز فاطمه  بس ده محصلش  قوانينكم كانت بتمنع جوازي منها  حتي انت مع انك كنت عارفني بس مجرد ما لمحتلك سكتني وهددتني علشان مفكرش في الموضوع ده  . 

كمل بصوت مخنوق ودموعه معلقة بطرف عينه 

  _ وماتت فاطمه  ،  اتقتلت من غير ذنب  ، وبقيت اقول لنفسي لو انك كنت ادتني فرصه اتكلم  و وافقتوا كان زمانها عايشه.

 انا عارف ان الكلام ده غلط وهيزعلك بس انا حبيتها بجد ومكنتش عاوز غيرها من الدنيا كلها  ،  دفنت نفسي عندكم اربع سنين عشانها وبردو مطولتهاش  ومش مزعلني اني متجوزتهاش  انا اللي مزعلني انها اتقتلت من غير ذنب وهي طيبة مأذتش حد  ،  ومكنتش شايف ان ذنبها في  رقبة حد  غيركم  ،  وبقيت اقول لو وافقوا كان زمانها عايشه  ف كان صعب عليه اني اوفق انك تجوز اختي او يكون بينكم كلام وانتوا استكترتو اختكم عليه   ،  انا مجروح مش معترض علي  شخصك انا عارف ان انت شخص  كويس بشهادة الكل  ،  بس وجعي علي فاطمة عمي عنيا وقلبي 

  _ ايوه فاهمك ومقدر   ، بس ده  مش غلطنا   ، دي عاداتنا  من سنين  وقواعد معموله من زمان  ،  مكنتش هتتغير علشان انت حبيتها  ،  انا وابوي ومن قبلي جدودي كنا موجودين علشان نحمي القواعد دي  ، قواعد مكنتش هتنتهي بمجرد ما الاقي عريس زين ومفهوش غلط  عايز يتجوز اختي لانه حبها  ، النجع مبيعترفش بالكلام ده علشان ينهي عاداته علشانه   ، و محدش قالك تضيغ اربع سنين من عمرك عندنا علشان فاطمه ولما نرفض نبقوا احنا المجرمين  ،  مينفعش  دي غلطتك انت  ،  غلطه كبيره خسرتنا اختي وجبتلنا العار  ،  ومش بس اكده  ده انت متعرفش ان اهل النجع قالوا مش عاوزينكم وخلاص مبقناش كبار علي حد وكله ده بسببك انت  ،  انت مفكرتش غير في نفسك  ومهمكش بلد كامله تتأذي  ،  ولو انت وهي مكنتوش غلطتوا مكنوش اللي قتلوها خطر علي بالهم يقتلوها علشان السبب ده  ، مكنوش قتلوها من اصله  ،  احنا اللي نزعل مش انت  

_ كلامك صح  ، بس غصب عني  ، انا مكنتش بتسلي  ،  انا كنت عاوز حلال ربنا  مكنتش اعرف ان في ناس وحشه قوي كده  حقدهم يسمحلهم انهم يقتلوها من غير ذنب 

  _ اللي حصل حصل  ،  مش بيدنا غير ندعيلها بالرحمة  ،  كل حاجه انتهت علي اكده  

   _ لا لسه 

  _ في ايه تاني  

   _ في  انت و وفاء  لسه عايشين  ،  بس الاول  هوضحلك حاجه  

كمل بتردد

  _ عمي شك ان التسجيلات اللي اتعرضت   تكون متفبركه  او زي ما طالع الأيام  دي معموله بذكاء الاصطناعي  ف اقترح نخلي دكتوره  تكشفلها  وانا  وافقت وخلينا الدكتورة تكشف لها وعرفنا انها سليمه  ،  ف. 

سكت وبعدين  قال 

_  انا مش بقولك كده علشان بدلل علي اختي  انا بس بعمل اللي ممكن يكون يرضيكم انتوا الاتنين   ،  ف لو كان رفضك علشاني انا  ف انا بقولك اني معنديش اي مشكله لو عاوز تجوزها  ...  ومش بقولك كده علشان استر علي فضيحتها اكيد فاهم قصدي  

_ تدلل ايه وفضيحة إيه  ،  لو هنرجع لاصل المشكلة هنلاقي ان انا السبب يمكن لو مخطفتهاش مكنش خطيبها فكر يعمل فيها اكده  ومعنديش اي مشكله في اللي حصل  ،  بالعكس  ،  بس...  

_ بس إيه  

_ انا رفضت علشان سبب تاني  

_ الخلفه؟! 

_ ايوه علشان اكده 

_ طيب دي ساهله شوف هي رايها إيه  

_ بيجاد انا مش عايز اكون قليل الذوق ،  بس الموضوع ده انا حاسمه من زمان  رافض رفض قاطع اني اتجوز  والله لولا اكده ما كنت استنيت وكنت اتجوزتها  ،  مكنتش هسيبك غير لما توافق 

_ اها  ،  ماشي يابدر انا بس حبيت اقولك اني خلاص مبقاش في اعتراض من نحيتي والباقي حاجه تخصك انت 

_ متشكر يا بيجاد  وانا فاهمك زين  

_ شكرا  ،  واسف علي يومين السجن واسف علي اللي حصلك

_ عادي تتأسف علي إيه  ، يلا انا هرجع الاسكندريه علشان اطمن اخواتي 

_ اسكندريه؟ 

_ ايوه ما انا قولتلك مبقناش كبار  وانا واخواتي سيبنا كل حاجه وقاعدين في اسكندريه 

_ اها  ، طيب ربنا معاكم 

_ ومعاكم  

قولت بتردد 

_ الف سلامة عليها  ،  لو ينفع ابقا طمني عليكم 

_ ماشي  هكلمك  

_ شكرا  عن اذنك  

ودعتها بنظره سريعة ومشيت ورجعت اسكندريه ولما وصلت قدام محل عم محمد لقيته مقفول ف كملت طريقي لشقة ودخلت  اترميت علي السرير في اوضتي ونمت محستش بنفسي تاني    ،  كنت مقتول من التعب ومقدرتش اطمن اخواتي حتي 

#شبل 

سابني لوحدي في الشقة لساعات  ولما جت الساعة 12 بالليل  الباب خبط ف زقيت الكرسي وفتحت وانا بقول يمكن يكون حد يفكره بيه ولا حاجه  ف اتفاجأت ب واحده جميله قوي لابسه فستان قصير وضيق ومكشوف بشكل يظهر كل مفاتنها ولابسه جزمه بخيوط لغيت الركبه وبالاضافه لريحة البرفان اللي جايبه لأخر اسكندريه ف قالت 

_ انت مين   ،  واحمد فين  

_ أحمد خرج   ، انتي بقا مرمر ولا  ميري  او ميرا  لا لا شكلك البنت بتاعت الفيسبوك 

_ إيه 

_ مفيش اتفضلي

_ انت مين 

_ انا شبل صاحب  احمد  

_ اه  ،  طيب هو جاي امتي 

_ مش عارفه  انتي ممكن تكلميه

_ لا انا  اصلي فوني ضاع ورقمه ضاع معاه 

_ يبقي انتي واحده تانيه  

_ إيه؟ 

_ لا مفيش هتيجي ولا تمشي 

_ انا عاوزه اشرب  هدخل اشرب وامشي 

_ ماشي اتفضلي 

زقيت الكرسي وهي دخلت ورايا وقفلت الباب وبقت تبص لشقة وبعدين تقولي 

_  انت عايش معاه هنا 

_ لا  

_ طيب وامه واخواته عايشين فين 

_ معرفش الحقيقه 

_ انت مش بتقول انك صاحبه 

_ اه بس معرفش مين اهله ولا منين ولا جايبني هنا ليه  ولا عارف هو راح فين اصلا  

_ انت بتقول ايه 

_ ولا حاجه  ،  ممكن حضرتك تديني تليفونك اتصل باخواتي اطمن عليهم 

_ اه اوي اوي اتفضل  ،  خلص وانا هشرب واجي اخده 

_ اوكي  ، متشكر قوي 

خدت منها التليفون واتصلت ب رقمي لأني مش حافظ غيره  ف رد عليه عبيده وقال 

_ الو 

_ ايوه يا عبيده

_ شبل !!!  انت فين؟ 

_ انا في بيت ظابط اسمه احمد خدني علشان حامد كان باعتلي ظابط يقبض عليه  ،  طمني بدر عمل ايه 

_ سيبك من بدر دلوكتي وقولي خدك فين وليه 

_ ما  بقولك خدني علشان حامد ،  اطمن هو باين عليك شخص كويس  

_ بلا كويس بلا بتاع  ،  قولي انت فين دلوك 

_ انا في شقته 

_ اديني العنوان بسرعة  انا جايلك 

_ طيب  

ادتله العنوان وقفلت ف لقيت البنت واقفه وبتقولي 

_ خلصت 

قولت بامتنان 

_ ايوه متشكر جداً  

ادتلها التليفون وخدته ورجعت تبص لشقة ف وقفت تبص لصورة الظابط وتصورها و واضح قوي انها بتحبه  ،  صعبت عليه وهي حباه كده في الوقت اللي هو بيخونها  ف قولت 

_ انتي تعرفيه من امتي 

_ من شهرين  

_ باين عليكي بتحبيه قوي

_ اه بحبه ومتفقين علي الجواز  

قولت في نفسي 

_ يا واطي  

كلمتها وقولت 

_ وهو بيحبك 

بصتلي وقالت 

_ اه طبعاً امال هيتجوزني ليه 

قولت لنفسي 

_ مسكينه  بتحب واحد خاين  بيخونها مع 14 واحده..

بقيت باصصلها وبفكر احذرها منه وقبل ما اتكلم  الباب خبط تاني وقبل ما اتحرك قالتلي 

_ ده اكيد احمد  انا هفتح 

ظبطت شعرها وراحت تفتح ف لقينا واحده تانيه داخله وبتبصلها باستغراب وتقول

_ مي!  إيه جابك هنا 

قالت بارتباك 

_ جايه علشان...  علشاان   ..  اااه علشان ده

قولت

_ ده مين 

_ ااانت  ، انت

بقت تغمز ف قولت دي بتتبلا عليه ف قولت  

_ لا والله مش جاية عشاني انتي مش قولتي انك جايه لاحمد يا ست انتي بامارات ما قولتي بتحبو بعض  وهتجوزوا

شهقت التانيه وقالت 

_ اييييه تجوزوا   ،  بتخونيني يا مي 

قالت 

_ اخونك إيه ده اهبل بيقول كلام وخلاص "

استفزتني كلمتها ف قولت 

_ انا اهبل  ،  طيب والله هي قيلالي بلسانها انهم متفقين علي الجواز   ،  بس هي عبيطه زيك   احمد مبيحبش حد فيكم  هو بيخونكم كلكم  

بصولي الاتنين ف اتقدمت مي وقالت 

_ انت بتقول ايه ياولد انت  ازاي بيخونااا 

_ والله بيخونكم انا سامعه بودني طول الليل بيكلم سوسو ومرمر وميري و نوره  وعواطف كتير قوووي 

قالت البنت الجديده 

_ انا ميري 

_ ايوه عرفتك انتي ام قميص اسود  ، اهو بعدك كلم تلاته وقالهم بيحب اللون الاحمر  مش الاسود 

قولت كده ف اتفاجأت بصوته عند الباب بيزعق ويقولي 

_ ولااااا  ،  هسجنك يالااا  ،  ميري حبيبتي متصدقيش الحيوان ده  ،  ده مجرم انا قابض عليه  

قولت ل مي اللي واقفه عندي  

_ بالله عليكي ده كلام يتصدق  في ظابط يقبض علي حد ويسجنه في بيتهم  ، والله بيخونكم انتوا العشره  ، اصل انا ليه تجربه  واحده خانتني ف مبحبش الخينين خالص يا مي  

قولت كده ف لقيته مطلع المسدس وبيشد الزيناد ويصوبه في وشي وهو بيصك علي اسنانه ويقول 

_ اخرس يا حيوان!!!! 

قال كده وفجأه لقيت شنطت ميري بتترزع في وشه وبعدها بتتقدم مي وتخبطه بالقلم  وبيمشوا وسابهم يمشوا ورجع يرفع عليه انا المسدس وهو بيغلي ف قولت بخوف 

_ انا مالي هما اللي ضربوك 

           الفصل السادس والخمسون من هنا 

   لقراءة باقي الفصول من هنا

تعديل المقال