رواية عودة ابليس
الفصل التاسع عشر 19
بقلم رشا منصور
عزيز…
أول ما دخلت وببص لقيت 😲 البوابه اختفت والأرض اتغيرت ولقيت قصور وجناين كل ده ظهر أمتى أنا كنت شايف البوابه وراها صحراء اتحولت كدا إزاي
واضح ان البوابه دى بتنقلنا لعالم تاني وفضلت أتفرج ومزهول بجمال الزهور وأشكال أول مرة اشوفها
أحنا عندنا أماكن وحاجات كتير لكن أعترف ان عمري ما شوفت الجمال ده قبل كدا
نورين….. عزيز عزيز فوق سرحان فى ايه
عزيز. . حد يشوف الجمال ده ميسرحش فيه
نورين…. طب يلا بينا وصقفت بأيدي وكنا قدام الحكيم لقمان واختفيت فى الحال بعد ما استأذنت بالرحيل
الحكيم لقمان….
أهلا بك شكلك معجب بجمال القصور والحدائق مع أن في أجمل منها بكتير اتفضل أقعد ع الكرسي
وطبعا الكرسي كان ع بساط البيان وقولت له طمني عليك بلغني إنك كنت مرهق وتعبان
عزيز ….
اة اول ما وصلت أوضتي حسيت بضعف شديد ونمت ولما صحيت حسيت بجوع كأن بقالي سنه مكلتش أول مرة يحصلي كدا ولولا الحبايه اللي أخدتها من نورين يمكن مكنتش استعدت قوتى من جديد بس مش فاهم إيه سبب التعب ده
الحكيم لقمان…
كنت بتابع كلامه وكذلك لون البساط وقولت له ياتري قولت إيه ل إبليس عن مقابلة الأولي لك معانا
عزيز….
أنا فعلا قبلت إبليس لكن محكتش له عن اى حاجه حصلت بينا وبردو مش هحكي لك عن إي حاجه بتم بيني وبين إبليس أنا جاي هنا للعلم والمعرفة مش علشان أنقل الكلام
الحكيم لقمان…
رغم من أسلوبه المتعجرف. ألا إنى أعجبت بتفكيروا وصراحته كان ممكن ينكر مقابلته ل إبليس او يقول اى كلام ع لسانه علشان يكتسب ثقتنا لكنه فضل عدم الكذب
ابتسمت له وقولت اليوم سوف أحكي لك الحكايه من البدايه
كان يوجد زمان نبي الله واسمه سيدنا سليمان وكان يملك قدرات كثيرة منها أنه بيفهم لغه الطيور وحتى الحشرات وكان قوى وله سلطه ع الجان لدرجه أنه كان بيشغلهم فى الأعمال اللى فيها مشقه وتعب حتى يبعد اذاهم عن البشر ومحدش كان يقدر يعترض الكل بيخاف منه رغم قوة الجان ألا انه كان أقوى منهم بعلمه وذكائه
وفى يوم كان سيدنا سليمان بيتابع شغل الجان بكل هيبه وظل يراقبهم سنه كامله وهو ثابت فى مكانه حتي وقع وهنا أكتشف الجن ان لولا أكله الأرض ما كانوا اكتشفوا وفاة سيدنا سليمان
وهنا كان أول مرة الجن يكتشف ضعفه ويعرف أنه معندوش القدرة انه يتنبأ بالمستقبل ومعرفة الغيب وإلا مكنش أستمر سنه كامله يشتغل في أعمال شاقه
وجاء بعض الجن ووضع كتب السحر والشرك تحت كرسي سيدنا سليمان وأدعي انه كان بيتحكم فيهم بأستخدامه السحر
وفي بعض من الجن صدق ومنهم اللى كذب هذا الكلام
وانفصلوا الجن وبقي لكل منهم عشيرة ومكان خاص به وتمر السنين وزاد عدد الجان وظل ما حدث يوم اكتشاف وفاة سيدنا سليمان سر لا يعلمه إلا اللى كانوا موجودين فقط
وباقي الجان لا يعلم عن هذا الكلام شئ
مكنش ينفع ينتشر خبر ضعف الجن بل انتشر كلام كتير عن قدرات الجن اللى لا حصر لها
وفى ليله جاؤ سبع من الجن ع منطقه بالقرب من مكه تسمي
وادى "نخله" وهناك سمعوا رجل يصلي ويقرأ القرآن وجاء ل هذا الرجل وحى من السماء ان الجن يستمع له
وهذا الرجل كان سيدنا محمد عليه أفضل الصلاة والسلام وكان يقرأ سورة الرحمن وبعد ما أنتهي من صلاته
ذهبوا إليه الجن وأعلنوا إيمانهم وإسلامهم وبعد ذلك ذهبوا إلي عشائرهم وبلغوهم بكل ما كان
وكلهم بعد كدا ذهبوا ل سيدنا محمد علشان يتعلموا ويعرفوا كل حاجة عن الدين الإسلامي
واخدهم سيدنا محمد ع جبل في مكة وعلمهم بأمر من الله عز وجل
وتتوالي السنين وتتوارث الأجيال ومازالنا ملتزمين بكل تعاليم الدين من صلاة والصوم والصدقة والحج مثل البشر بالظبط وبنقرأ القرآن وبنحفظه
عزيز ….
إزاي الكلام ده أنا فاكر أول مرة سمعت فيها القرآن اتصبت لولا أمراء الجان كنت اتحر.قت يبقي إزاي انتوا مش بيحصل لكم حاجه
الحكيم لقمان….
لإن إحنا مؤمنين ب ربنا وبرسوله وده سر قوتنا
كفايه عليك لحد كدا انهاردة ع فكرة انت هتحس بتعب وارهاق أكتر من المره الأولى
واستدعيت نورين وقولت لها المرة دى اديله حبايتين بس بعد مقابله إبليس
عزيز…..
وليه لازم يشوفني ضعيف أنا أقوي واحد فى عشيرتي ووحشه فى حقي لما يلاقونى ضعيف قدامهم
الحكيم لقمان…..
لو ظهرت بكامل قوتك قدام إبليس او عشيرتك هما بنفسهم اللى هيقtلوك او ع الأقل هتتسجن.
لأن ده دليل ع إنك خونت إبليس وأصبحت لآ تؤمن به
لكن كل ما كنت ضعيف قدامهم ده معناه إنك مليان بالمعاصي والكفر وانك مؤمن ب إبليس علشان كدا بتتعب من وجودك معانا
عزيز….. اة فهمت
نورين….. تسمح لي يا حكيم لقمان عندى سؤال ل عزازيل
وسمح لي الحكيم بالكلام
ونظرت إلى عزازيل وقولت له انت عارف إنك مراقب مننا ورغم كدا بدبر لدخول سهي المغسلة علشان لوفيرا تاخد مكانها
يا تري انت بتعمل كدا علشان قاصد إنى هدخل في حر.ب مع لوفيرا ولا مع إبليس
فاكر ان بفعلتك دى إبليس هيقدر يتخلص مني 😏
عزيز.. .
ابتسمت لها وقولتلها بعمل كدا لإن لازم اثبت ولائي ل إبليس ول اعوانه وللعشيرة وعارف متأكد أنك تقدري ع لوفيرا
لكن إنتي مش محتاجه تدخلي في حر.ب لأنك ببساطه تقدري تمنعي سهي من دخول المغسلة ووقتها أكون قدامهم عملت اللى عليا ومش هيتشك فيا
الحكيم لقمان …..
كلامه مليان الكثير من الألغازعلشان كدا طلبت منه التوضيح
عزيز…..
أعتذر فى بعض الأمور مش هقدر اوضحها لكن كل اللى أقدر أقوله أن مافيش خوف مني وأظن بسياط البيان بيوضح صدق كلامى وفى طلب عندى ياريت لو توافقوا عليه
نورين…..
أول ما ذكر عزيز بساط البيان نظرت إلى الحكيم لقمان
وقولت ل عزيز بساط إيه اللي بتقول عليه
عزيز….
واضح أنك ناسيه أنا مين وأكيد حضرت محاكمة. بعض الجان المخالف لقوانين العشيرة وكان لازم المتهم يقف ع بساط البيان لمعرفه الحقيقه أنتى عارفه إن الكذب. والخداع من صفاتنا
وأول ما دخلت عند الحكيم لاحظت تصميمكم للجلوس ع الكرسي اللى ع البساط فهمت إنكم مش واثقين فيا
وبصراحه عندكم حق أنا أبن إبليس عدوكم الأكبر
وأكيد طلبي لدخولى عالمكم يثير الشك. والقلق مني
الحكيم لقمان….
طول فترة تواجدك هنا ستظل ع بساط البيان واعتقد انك معندكش مانع والأن قول طلبك
عزيز….
معنديش مانع لو كان ده يزود ثقتكم فيا
وطلبي هو اني افضل معاكم هنا كام يوم ضروري وياريت لو من بكره وخلي فى حراسه ع سهي هى هتفضل قاعدة فى بيتي
الحكيم لقمان ….. لازم تقدم تفسير لطلبك ده
عزيز….
أميرهيسافر بكره والمفروض اخد سهي المغسله واقدمها ل لوفيرا ولو معملتش ده هيتشك فيا ووقتها هعرض امي واولادى للخطر.
لكن بوجودى هنا يكون مثل عذر ليا بجانب أني قدام إبليس بنفذ ما تم الاتفاق عليه وبالنسبه ل جدتى هبررغيابي بأني مسافر أتفق علي أجهزة للمستشفي
نورين ….. ممكن أفهم سهي بالنسبه لك إيه
عزيز….
أنا رشامنصور معجب ب سهي بنت صغيرة ظروفها صعبه وبدل ما تختار الطريق السهل اللى يحقق طلباتها وبالذات ان مافيش عليها رقابه إلا أنها اختارت الطريق الصعب تشتغل وتتعب وتصرف ع مامتها وتتولي مسؤوليه.البيت
وأنا فكرت اساعدها بس من غير ما اجرح كرامتها ولما أمير قالي أنه عاوز يخطبها لقيتها فرصه لها
أمير إنسان كويس وهيقدر يساعدها ويحسن أحوالها الماديه وهيقدر يعوضها عن حاجات كتير نفسها فيها
الحكيم لقمان ….
منكرش إنى مش قادر أحدد شخصيتك انت حيرتني
انت ولي عهد إبليس يعني طوع أمره دورك أنك تفسد وتغوى البشر لعمل المعاصي ويشجعهم ع الخراب. والقتل.
لكن الغريب أنك كنت مشغل الجن لحمايه البشر أيام ما انتشر تجار الاعضاء.. ورغم كدا إبليس أعلن رضاه عنك ومنحك جزء من قوته هديه لك ممكن أفهم انت ايه بالظبط
خير ولا شر … ملاك ولا شيطان
عزيز…..
أنا مخترتش أكون هجين ولا أكون ولي العهد لكن أعتقد ان من حقي أختار حياتي وأنا مش عاوز غير اني اعيش فى هدوء وامان انا وامي واولادى ومراتي وجدتى مش عاوز اى حاجه تانيه
لكن ولا العشيرة ولا إبليس هيوافقوا ع الكلام ده
علشان كدا كان لازم أفكر إنى اكتسب القوة علشان اضمن إنى أقدر أحمي أهلي تفتكر أنا غلطان علشان بفكر كدا
الحكيم لقمان….
بالعكس تفكيرك سليم كل واحد من حقه يختار الحياة المناسبه له وأنا موافق ع طلبك تقدر ترتب امورك مع عشيرتك واهلك ونورين هجيبك هنا وقت غروب الشمس
وبالمرة تكمل تعليمك وطلبت من نورين ارساله لأرض الأنس
نورين….
وصلت عزيز ل اوضته واختفيت وراقبته. كان تعبان لدرجه أنه وقع ع الأرض وحسيت بوجود طاقه سلبيه فى المكان علشان كدا انصرفت فى الحال
لكن ع الرغم ان عزيز وضح هدفه من وجوده معانا إلا أنه دخل نفسه فى طريق مفروش بالشوك …
هدفك عمره ما هيتحقق إلا بالحرب. يا عزيز وعلشان نضعف من قوة إبليس يبقي لازم تموت. ..
ياتري عندك إستعداد تضحي بنفسك لحمايه أهلك؟