رواية مجنون فرح
الفصل الثاني 2
بقلم رنا أشرف
ألفت:صباح الخير ياهانم
فرح بصوت نايم: ايه الدوشه ال تحت دي
ألفت: دي ناس بتجهز للحفله بتاعت حضرتك...عاصم بيه طلب مني اصحيكي عشان فيه واحد تحت مستني حضرتك عشان تشوفي فستان تحضري بيه
فرح اتعدلت: اوك هاتيلي قهوه وشويه وخليه يطلع
ألفت: عن اذنك
*فرح الغرباوي مِثال للكبرياء هي بنت جميله ملامحها هاديه عكس ال بتظهرو انهارده عيد ميلادها ال 24...شعرها قصير شويه عند كتفها بني فاتح عينها زرقه لون البحر في صفاءه بشرتها قمحاويه نسيبا مامتها ماتت من وهي صغيره وده سببلها مشاكل كتير وخصوصا مع والدها وهنعرفها قدام...ابوها مهملها جدا وده خلاها تسهر كل يوم وتعمل ال هي عايزاه وبقت بتكرهه....
______________________
_ good morning
فرح كانت قاعده في البلكونه: انت مين
_ انا سامر ال fashion designer
فرح بصتله ببرود: اوك..اتفضل
سامر: اتفضلي دي تشكيله رائعه من الفساتين المودرن والشيك خصوصا ليكي
فرح كانت بتقلب ومش عاجبها حاجه: ليه كله نفس الشكل وال design!!
سامر: عاصم باشا طلب مني اجيب حاجه مناسبه وكمان متكونش مفتوحه او قصيره..
فرح عوجت بوقها بزهق: عاصم باشا!! طيب انسي بقي ال انت جايبه... وانا عايزه ده
طلعت موبايلها وورته صوه لفستان *
سامر: بس ده...
فرح: اعتقد انا اللي هلبس مش عاصم باشا بتاعك!!
سامر: طيب عن اذنك وبليل هيكون عندك
فرح بابتسامه: اوك..
__________________________
* في الحفله *
عاصم كان بيرحب بضيوفه: اهلا مكرم باشا
مكرم: اهلا ياعاصم...كل سنه وفروحه طيبه..هي فين عشان اباركلها بنفسي
عاصم: هروح اناديها حالا...اتفضل انت
عاصم خبط ودخل بسرعه: ايه ده كله مخلصتيش
فرح كانت واقفه في البلكونه بتشرب سجاير: جايه اهو
عاصم بعصبيه: ايه ال انتي بتهببيه ده!! وايه الفستان ده!!
* فرح متعوده تعمل اي حاجه بضايق ابوها او لو حاجه فرضها عليها بتعمل عكسها...وهي كانت لابسه فستان قصير ومفتوح من عند ضهرها كله وحاطه ميكيب كتير وسايبه شعرها..
فرح ببرود: نعم!!
عاصم: اطفي الزفته ال ف ايدك دي..ورحي غيري القرف ده
فرح رمت السيجاره ووقفت قدامه: مش مغيره حاجه ولو مش عاجبك ممكن منزلش خالص واريحك
عاصم بصلها بعصبيه: ماشي يافرح الحفله دي تخلص علي خير وهتشوفي...اتفضلي معايا عايزك تسلمي علي الناس عِدل...فااهمه!!
*فرح نزلت معاه ببرود والكل شافها وكلهم كانو معجبين بيها....
مكرم اول ماشافها وقف ومد ايده: كل سنه وانتي طيبه يافرح...
فرح مدت ايدها ببردو: وانت طيب..
*في حد جه ينادي علي عاصم عشان في ناس واقفه بره وهو استأذن وسابهم *
فرح: طيب عن اذنك
مكرم مسك ايدها بسرعه: ايه ده رايحه فين
فرح بزهق: معلش يااونكل رايحه اقعد مع صحابي
مكرم بصلها بشهوانيه: خليكي واقفه معايا شويه انا لسه مشبعتش منك
فرح: نعم!!
مكرم بسرعه: قصدي يعني مينفعش تمشي وتسيبيني واقف لوحدي...
فرح وقفت وهي ساكته وهو كان بيتكلم وهي واقفه بتبتسم وخلاص *
عاصم: اهلا اهلا زين باشا نورت
زين سلم عليه ببرود: بنورك.. كل سنه و... هي بنتك اسمها ايه
عاصم : اسمها فرح..اتفضل معايا تقولها بنفسك
زين كان ماشي معاه وهو بيفكر هو ليه جاه الحفله مع انه مش بيطيق عاصم..حس انه عايز ييجي...
عاصم قرب من مكرم: اومال فين فرح يامكرم
مكرم: قالت رايحه تظبط الميكيب وجايه
عاصم بص ل زين: انت عارف بقي البنات وعمايلها
زين ابتسم: براحتها الليله ليلتها
عاصم: طيب عن اذنكم عايزك تتصرف براحتك خالص يازين باشا البيت بيتك
زين ابتسم: اتفضل
*زين كان رايح يجيب كاس..صب واحد وكان ماشي يبص حواليه لحد ماخبط في حد
فرح بعصبيه: noo...مش تحاسب
زين: سوري مخدتش با...... انتي!!
فرح بصتله بعصبيه واتفاجأت لما شافته نفسه ال خبطها بالعربيه: انت تاني!!
زين مسكها من ايدها بعصبيه: كويس انك جتيلي بنفسك...انا مش هسيبك غير لما تعتذري علي ال عملتيه
فرح زقت ايدها بعصبيه: تبقي بتحلم!؟ انا اعتذر! ومنك انت!!
زين: بقولك ايه انتي معتذرتيش دلوقتي انا هطلبك البوليس... مش عارف اصلا واحده زيك بتعمل ايه هنا
فرح ابتست باستهزاء: انا ال بعمل ايه هنا!! ااه شكلك شارب كتير " طبطبت علي كتفه بتريقه" بعد كده متشربش كتير ياحلو
زين: بت انتي متجننيش عليكي!!
وهنا عاصم قرب منهم: ايه ده انتو اتعرفتو علي بعض..كويس
فرح بعد فهم: انت تعرف الاشكال دي
عاصم باحراج: ومين ميعرفش زين باشا
زين: وانت تعرف الناس دي منين!!
عاصم وهو مش فاهم مالهم: دي فرح بنتي!!
زين بصلها شويه: دي بنتك!!
فرح: مالها؟! علي الاقل مش زيك
زين كان هيتعصب بس مسك نفسه: انا هحترم والدك عشان عازمني غير كده كان هيبقي ليا تصرف تاني...
عاصم:معلش يازين تلاقيها بس متعرفش كويس
فرح: ولو اعرفه يعني هيحصل ايه!! هيفضل حيوان
زين كان لسه هيتعصب بس عاصم سبقه واتكلم بعصبيه: فرح متخلنيش اتعصب عليكي..مينفعش كده زين باشا ضيفنا
فرح: والله هو ضيفك انت مش انا...عن اذنك
عاصم بعصبيه: استني هنا
زين مسكه: سيبها
عاصم: معلش بقي بس هي عصبيه شويه ومش بتسمع الكلام وبتحب تعاند معاه
زين بصلها كان بيتابع تصرفاتها:اممم يبقي لازم تتعلم تحترم نفسها وال حواليها
عاصم: بتقول حاجه
زين فاق من شروده: لا لا..عن اذنك
*سابه ومشي قعد علي ترابيزه وهو بيتابع تصرفاتها..حاسس انها غريبه فيها حاجه..فضل متابعها كانت واقفه بتشرب سجاير راجل كبير قرب منها *
فرح حست بحد وراها ب لفت وشها بسرعه ولقته مكرم: اووه!! في حاجه!!
مكرم وهو بيبص عليها من فوق لتحت: القمر واقف لوحده ليه.!!
فرح نفخت دخان السجاير ف وشه واتكلمت بغرور: مبحبش الزحمه والدوشه
مكرم وهو مبتسم وسمح لنفسه يقرب ومسك خصله من شعرها وبيلفها بإيده: فعلاً مفيش احلا من الهدوء
فرح بصتله باشمئزاز اي حاجه مفروضه عليها بتقرف منها: فعلا...عن اذنك
كانت ماشيه بس وقف قدامها: علي فين انتي كل شويه هتمشي وتسيبيني
فرح حست انه لو ممشيش من قدامها دلوقتي هتديله بالقلم بس اتكلم ببرود: البيت بيتك يااونكل...مش اونكل بردو!!
مكرم اضايق منها: لا زي مانا بقولك يافرح انتي تقوليلي يامكرم
* كان لسه بيقرب منها عشان يحط ايده علي خدها بس لقي حد بيمنعه...
مكرم بعصبيه: انت مين
زين وهو بيبعد ايده عن فرح:زين صفوان
مكرم: ااه هو انت زين!! طيب عايزه حاجه يافرح هروح اشوف ابوكي
فرح كانت ماشيه وهو مسكها من ايدها: علي فين
زقت ايده بعصبيه: انت مالك.!!
زين: تعرفي ابو كرش ده؟ ٠
فرح بصت لمكرم ببرود: ميخصكش
زين بزهق:هو مش كان بيقرب منك!! محاولتيش تبعديه ليه وانتي ماشاء الله يعني دبش وتقدري
فرح رفعت صباعها ف وشه: مش هقولك تاني شيء ميخصكش..وهو مكنش بيقرب ولا حاجه ده قد ابويا ويمكن اكتر...عن اذنك
زين بيكلم نفسه: المجنونه دي ازاي مش شايفه كان بيبصلها ازاي.!! انسي يازين انت مالك بيها انت ناسي عملت ايه وكمان بتكلمك ازاي!! بس مش عارف حاسس ان وراها حاجه حتي معاملتها مع ابوها!! يووه انا همشي احسن حاجه ابعد عنها
ندي: هااي!!
زين بص للصوت ولقي بنت واقفه ومعاها كاسين: هااي!!
ندي وهي بتمد ايدها: تشرب
زين بص لإيدها كتير: وماله
ندي: انت تعرف اونكل عاصم!!
زين: يعني تقدري تقولي شركاه
ندي وهي بتقرب منه: انا ندي وانت
زين بعد خطوه عنها: زين...زين صفوان
ندي قربت منه تاني: اممم مبسوطه اني شوفتك
زين بصلها من فوق لتحت ببرود: ميرسي
فرح بعصبيه: ندي!!
ندي بعدت عن زين: فرح...happybirthday
فرح ببرود: ميرسي..واقفه كده ليه..." بصت لزين ال كان واقف بعصبيه" مش لاقيه غير ده وتقفي معاه
زين بعصبيه: أعتقد ان انا سكتلك كتير..تاني مره هتشوفي وش مش هيعجبك أبداً
فرح ببرود: اممم واي كمان
زين محسش بنفسه غير وهو بيرمي المشروب في وشها: انا زين صفوان..متنسيش
*رمي الكاس في الارض ومشي وسابهم *
فرح بعصبيه: how dare you !!
ندي بصدمه: فرح؟ are you ok!!
فرح وهي طالعه تغير هدومها: اكيد لأ.. هيندم والله هيندم
_________________________
زين بعصبيه: هتجنن..هتجنن..بقي واحده زي دي تكلمني كده لو مخلتهاش تندم...لازم اكسرها واعرفها بتتعامل مع مين
عمرو بيحاول يهديه: اهدي بس يازين..الموضوع مش مستاهل
زين: مش مستاهل!! بقي واحده زي دي تكلمني انا كده!! مفيش حد بيجرؤ انه يقف قصادي لأ وعاصم يتصل بيا يقولي ازاي تعمل كده مع بنتي وبوظتلها الحفله.. انا هبوظلها حياتها كلها.. مش ههدأ غير لما تعتذر
عمرو: وهتعمل ايه!!
زين بتفكير: لازم اكسر عاصم الغرباوي..ال عرفتو امبارح انه مهتم ببنته زي شغله... الشراكه ال بينا تنتهي بس طبعاً يطلع هو الخسران لازم اخسره فلوسه كلها..عشان يعرف هو وبنته مين هو زين صفوان
عمرو: اهدي متخليش عصبيتك تغلبك...الشركه دي مهمه لينا زي ماهي مهمه ليه
زين: مش مهم اني اعرفهم انا مين..ده المكسب بالنسبالي..روح وبلغني ال هيحصل
عمرو: ساعه زمن والموضوع ينتهي...
_________________________
عاصم بعصبيه: يعني ايه!! مستحيل طبعاً
كامل' مدير اعماله': ده ال حصل ياعاصم باشا..مكتب زين بيه كلمنا وقالنا ان الصفقه خسرت وانك ملزم تدفع عشرين مليون في اسبوع وإلا.. هتتسجن
عاصم بعصبيه: خسرت ازاي!! مستحيل انا حاطط كل فلوسي فيها
ألفت خبطت علي المكتب ودخلت: في واحد عايز حضرتك بره
عاصم بعصبيه: مش عايز اقابل حد
زين دخل بغرور: ليه ياعاصم باشا انا جايلك بنفسي
عاصم: روحو انتو وسيبوني مع زين باشا لوحدنا
زين قعد وحط رجل علي رجل وطلع سيجاره: معلش ياعاصم انت عارف ان السوق مكسب وخساره
عاصم قعد قصاده بضيق: بس الخساره دي بتموت..وانت ادري
زين ضحك: بصراحه عندك حق انا ممكن اسجنك دلوقتى حالا وكل املاكك دي هتبقي تحت ايدي
عاصم بخوف: دي مش اصول يازين
زين ضحك اكتر: وانت بقي تعرف الاصول!! علي العموم انت ممكن تنقذ نفسك من السجن تنقذ شركتك وفلوسك ومركزك بشرط واحد بس
عاصم بسرعه: موافق طبعا
زين بصله بخبث: مش لما تعرف هو ايه الاول
_ فرح كانت نازله وسمعت عاصم وهو بيتكلم وسمعت اسم زين ف قربت تعرف بيتكلمو عن ايه
عاصم: وانا قولتلك موافق مفيش اغلي من شركتي ال ضيعت عمري كله عليها..اطلب ال انت عايزو
زين بثقه: اتجوز فرح.!