رواية لعنة السحر الاسود
الفصل الثالث3
بقلم ابرار محمد طرخان
وقتها خرجنا ومن شدة خوفي كنت ماشي بينهم وببص يمين وشمال لغاي لما ركبنا العربيه، وصلنا عند بيت احمد وبصيت علي الساعه لقيت الساعه 4،وقالو ليا احكيلنا حصل ايه يلا،
_ مكنتش قادر احكي حاجه عشان انهارده كان يوم صعب جدا، وقبل ما اقول ليهم أني مش قادره لقيت الفجر اذن، ومحمد قال طيب نصلي الفجر الأول وخليه ينام شويه عشان حسن تعبان وشكله بقى غريب خالص، انا استغربت من كلمة محمد عليا، انا بقى شكلي غريب وعيني اغرب، فـ احمد قال خلاص يلا وهنصلي جماعه،
_ وقتها قولت ياااه نصلي وجماعه انا مش فاكر اخر مره صليت فيها امتى اصلا، احمد رد وقال أنت اللي ابعدت يا حسن أنت اللي اتلميت علي شله فاسدة واخدوك في الرجلين أنت مكنتش كده،
_ وقتها حطيت راسي في الأرض من كسوفي من ربنا وصُحابي وتأنيب ضمير، محمد قال لسه في فرصة يا حسن ربك كريم ورحيم بعباده ارجع ليه وهو مش هيرفضك بالعكس هو محتاج يسمع صوتك روح وادعي لربك وصلي، انا معرفش حصلك ايه ووصلك لـ كده وبالشكل ده، بس ربك ورب العباد مستنيك يلا قوم يا بطل عشان نصلي،
_ وقتها دخلت الحمام عشان اتوضى وبصيت في المرايه، ببص علي نفسي رجعت لورا من شكلي ده مش انا مين ده، لقيت تحت عيني سوده اللي يشوف شكلي يقول اني منمتش من سنين، وشفايفي بيضه قالبه علي الزراق زي الأموات، وقتها لقيت محمد داخل وبيقول واقف كده ليه يلا صلي، بصيت ليه وفضلت ساكت، قال مستغرب شكلك، مش لوحدك يا صاحبي اتوضي يلا عشان تنام شويه والصبح نفهم منك كل اللي حصل،
_ جيت اتوضى وبصيت في المرايه لقيته ظهرلي تاني وقال، مش هترجع تاني أنت كمان يومين هتبقى تبعنا، وبكره هتجيب صُحابك دول معاك وتبقوا مننا وضحك ضحكه تخوف، وقتها جسمي مقدرتش اتمسك بيه وسندت علي الحوض، وزعقت علي احمد ولقيتهم جم مسكوني وبيسألوني حصلي ايه،
_ عيتط وانا بشاور علي المرايه وقولت عايزين يخدوني معاهم، محمد زعق وقال مين دول ما تفهمني عشان نقدر نساعدك، كنت بتهته في الكلام ومش قادر انطق الكلمه، وبصعوبه خرجت مني كلمة، الجن، بصولي بصدمه،
_ واحمد قال اعوز بالله من الشيطان الرجيم، جن اي ده يا حسن، قولت هو قالي هيخدني معاهم لـ عالم الجن ولما ابقى معاهم هيخدوكم انتوا كمان، محمد قال احنا معانا ربنا رب العباد وربهم كمان يا حسن اتوضي يلا يا صاحبي ومن قربك لـ ربنا مفيش حاجه تقدر تمسك يا صاحبي، لقينا النور بيقيد ويطفي،ونفس الصوت اللي سمعته في البيت،قال بكره هتيجيو عالمنا عالم الجن ومحدش فيكم هيقدر يخرج منه وفضل يضحك، محمد خرجنا برا الحمام وفضل يقراء اية الكرسي وايات معينه من القرآن الكريم، وبدل ما الجن يضحك كان بيصوت وصوته يرعب كنت ماسك فيهم ومرعوب، والجن بيقول..