رواية قابل للترك والكسر
الفصل الثاني 2
بقلم علا احمد
اخذت نفساً عميق و زفرتة لتتجة إلي الخارج
تقدمت منه وعيناها لا تفارق الأرض
عائشه بصوت منخفض: صباح الخير
وليد لم يرد عليها
عائشه: هتفضل زعلان مني ومش بترد عليا كدا كتير ثم قالت بنبرة تحمل الندم وليد أنا آسفة
تنهد وليد قائلا: تعالى يا عائشه
جلست بجانبه : وليد أنا عارفة إني غلطانه بس والله كنت هقولك أول ما ترجع مش كنت هكدب عليك ودي اول مره اعمل فيها حاجه من وراك أنا عائشة حبيبتك أنا عمري ما اعمل حاجه غلط يا وليد
وليد: عارف يا حبيبي أنتي عمرك ما تعملي حاجة غلط أنتي ملاك ماشي على الارض مش بيعمل غير الصح بس
ابتلعت ريقها بصعوبة و نظرت أرضآ وهي خجلة
وليد : عائشة بصيلي
رفعت عيناها بدموع : نعم
وليد : أنا بثق فيكي يا حبيبتي ثم تنهد خلاص أنا مش زعلان بس دي طبعاً اول و اخر مره
عائشه: وعد يا حبيبي والله وعد
اقترب منها وطبع قبلة علي خدها : اتفقنا يا حبيبي
@@@@@@@@@@@@@@
في نهاية اليوم وقف هادي أمام فيلا الدكتور زاهر
هادي : اتفضلي يا انسه ديم وصلنا
ديم : طيب ادخل اشرب حاجه معايا
هادي ببرود: لأ شكرا
ديم : طيب أنت هتيجي بكرا أمتي
هادي : علي حسب جدول حضرتك
ديم : أنا عندي بكرا ٣ دروس اول واحد الساعة ٩
هادي: خلاص هكون عندك ٨
ديم بحماس: طب ما تجيب رقم فونك
رفع حاجبة: وعايزه الرقم ليه
ديم : عشان أكلمك لو في في جديد
هادي : اممممم طيب اكتبي عندك ٠١٥
ديم : رقمك سهل أوي
هادي: لا دا مش رقمي دا رقم الشغل رقمي الخاص مش بدية لحد
ديم بكسوف: اه طيب باي
لم يرد عليها واول ما نزلت من العربية انطلق هادي بسرعه
ظلت ديم واقفه تتابع عربية هادي
مين دا يا بت
ديم بخضة: حرام عليكي يا أمل خضتيني
أمل: سوري يا بيبي المهم مين الأمور
ديم: دا هادي ابن عم عبد الله السواق
أمل : دا سواق ثم قالت بغمزه بس برنس اوي في نفسه
ديم : اه جدا بس دمه ثقيل اوي يا أمل مش بيضحك خالص
أمل : وأنتي بقي يا دودو مهتمة إذا كان بيضحك ولا لأ ليه
ديم : وأنتي مالك دا أنتي باردة اوي ثم توجهت إلى داخل الفيلا
أمل : استني هنا أنا لازم أعرف كل حاجه
@@@@@@@@@@@
عائشه: عايزين نقدم لي كندة في المدرسة السنه دي يا حبيبي
وليد : تمام يا حبيبتي انتي عايزه مدرسه معينه
عائشه : لا يا حبيبي شوف انت عايز ايه
نظر وليد لعينها بحب شديد: انا عايز البنات تكون زيك تطلع زيك في كل حاجه عشان حبيبتي ما فيش منها
احتضنته عائشه بقوه وهي تبكي : ساعات كثير بسال نفسي انا عملت ايه حلو في حياتي عشان ربنا يبعتلي احن واحلي و اطيب زوج في الدنيا ثم ابتعدت عنه أنا بحبك أوي يا وليد بحبك بجد من كل قلبي
امسك يدها و قبلها قائلا بابتسامة: وانا بحبك اكتر و هفضل احبك لآخر نفس يطلع مني ثم قال عايز منك حاجه
عائشه بمرح : اعتبرها حصلت يا فندم
ضحك وليد : ادعيلي كثير الفتره الجايه عشان انا عندي مهمه صعبه قوي
عائشه: حبيبي ربنا معاك وربنا يسهلك كل صعب يا رب انت قدها يا يا حضرة الرائد
وليد : يآرب يا عائشه يارب نفسي اقضي على الشبكه دي مش بس بيشتغلوا في تجاره المخدرات كمان بيستغلوا البنات في اعمال مش كويسه
عائشه : ان شاء الله هتقضي عليها كل واحد مش كويس لازم يتحاسب كل واحد عمل حاجة غلط لازم يدفع الثمن
وليد : أن شاء الله يا حبيبتي
@@@@@@@@@@@@@@
في شقة في حي المعادي
دخلت أمنية المطبخ علي بلال
أمنية: صباح الخير يا بيبو
بلال: صباح الخير يا حبيبتي نمتي كويس
أمنية اقتربت منه و احتضنته من الخلف: اممممم بس بردو لسه عندي صداع بفكر اخد انهارده إجازة كمان ماليش نفس أشتغل خالص
بلال
التفت بلال لمواجهتها : خلاص يا حبيبتي خليكي في البيت لحد ما تكوني كويسه يلا عشان نفطر عملتلك فطار روعة
أمنية بضحك: ربنا يستر يا حبيبي
تناولت الفطار مع بلال في جو هادي وبعد الفطار قامت أمنية بتحضير كوبين من الشاي وجلسوا في البلكونه
أمنية : الله بص يا بلال الفستان دا حلو عايزه اجيبه
نظر بلال إلي الفستان المعروض علي النت : اممم هو حلو فعلا بس غالي قوي
أمنية بدلال: ايه يا بيبو خسارة في حبيبتك
بلال : يا روح قلبي أنتي تخدي عيوني بس سكت قليلا ثم رد قائلا حاضر يا امنية اول الشهر يكون عندك
أمنية بفرحة: ربنا يخليك ليا يآرب يا حبيبي يس كنت عايزه حاجه كمان الفون بتاعي بيعلق قوي كنت عايزه اجيب واحد جديد
بلال : امنيه حبيبتي انا مش مدير بنك انا مجرد موظف في شركه المرتب بتاعي ما يسمحش اجيب منه كام حاجه في شهر واحد
أمنية بضيق: اه من عارفه عشان كدا أنا رجعت اشتغل تاني عشان عارفه أن المرتب بتاعك مش كبير
بلال: لا يا امنية أنتي رجعتي الشغل عشان أنتي عايزه كدا والمرتب بتاعك كله رايح علي لبسك و خروجات مع اصحابك وعموماً حاضر هجبلك موبيل جديد
أمنية : ربنا يخليك ليا يا بيبو يآرب
@@@@@@@@@@@@@
في منزل عم عبد الله
عبدالله بضحك : مالك بس ايه اللي مش عجبك في الشغل
هادي : البت بنته دي مايعه و مستفزة كدا وعايزة تتربا من اول وجديد
عبدالله: حرام عليك دي ديم عسل و مؤدبه جدا انت بس اللي مش بتفهم في التعامل مع البنات
هادي: دي رغاية و بتضحك من غير سبب المفروض البنت تكون مش كدا
عبدالله: تصدق أنا زهقت منك هقول ايه ربنا يهديك ويصلح حالك يا هادي
ابتسم هادي: بقي كدا ماشي يا بابا
عبدالله: أنا هعمل شاي تشرب معايا
هادي: لا خليك أنا هعمل أنا
في صباح اليوم التاني في عربية هادي
ديم : بعتلك امبارح علي الفيس بوك
هادي : اه شوفته
ديم بضيق: ولما شوفته مش قبلت الاد بتاعي ليه
هادي بحده: ومش هقبله أصلا
ديم بصدمه من رده : ليه يعني
هادي بنفس النبره: عشان احنا مش اصدقاء يا انسه ديم اللي بنا شغل بس مش اكتر وياريت حضرتك تفهمي دا
ديم بدموع: تمام انا اسفه ليك
وصل هادي بعد فترة أمام السنتر
ديم كانت عيناها حمره من البكاء طول الطريق بمجرد مع وقف هادي أمام السنتر نزلت بهدوء من غير حرف
هادي: اعدي عليكي الساعه كام
ديم بحزن: بعد ساعتين قالت جملتها و ذهبت من أمامه
تنهد هادي بضيق وظلت صورتها وهي تبكي في باله حتي انتهت الساعتين كانت ديم تقف تحت السنتر تنتظر هادي
نزل هادي وفتح لها باب السيارة: اتفضلي ركبت وظلت صامته تنظر أمامها شعر هادي بتجنب ديم الحديث معه
هادي : هنروح علي فين دلوقتي
ديم لسه فاضل ساعة ونص علي الدرس التاني
وقف هادي أمام محل اكل و نزل اشتري كام سندوتش منه وركب سيارته مره اخرى: يلا كلي ساندويتش قبل الدرس الثاني
ديم بدهشه من تصرفه : لا شكرا مش عايزه
هادي بهدوء: لا ما ينفعش انتي ما اكلتيش حاجه من الصبح ودا غلط ممكن تتعبي كمان عدم الاكل بيعمل قله تركيز انتي ثانويه عامه
ابتسمت ديم: خلاص ماشي انا فعلا جعانه قوي
أبتسم هادي لاول مره: ما انا عارف عموما ألف هنا
ديم: الله يهنيك اكلت ديم مع هادي و رجعت تتكلم كتير تاني و تضحك كتير
شاركها هادي الحديث لأن شعر انه طريقته كانت حاده معها