رواية ذئاب لا تعرف الحب
الجزء الثاني2الفصل الخامس5
بقلم نجمه براقه
بيجاد
رجع بابا من الشغل قبل معاده ودخل عليه الاوضه من غير ما يخبط وقال
_ انت ايه اللي عملته ده ، كيه تقول لولد عمك ميجيش البيت
رديت وانا بقف احتراماً ليه
_ يا بابا انا قولتله يجي بس لما نكون انا او انت في البيت
_ وقولتله كمان مينفعش يجي من غير صفة رسمية يعني قولتهاله مباشرة تعاله اخطب اختي
_ لا مقولتش كده ، حضرتك مسمعتهوش بيقول ايه لماما ده بيقولها انه مش هيقدر يتجوز قبل بشر وبشر مش هيتجوز ف عاوز يخرج ويدخل مع جويريه بحجة انه بيخرجها من اللي هي فيه ، ينفع الكلام ده؟
سكت ف قولت
_ يابابا اللي انا عملته هو الصح مش مشكلتي ان هو وقف ضد ابوه
_ طيب اسكت ، ويلا روح شوف بشر او زيد وروحوا شوفوه فين ورجعوه
_ حاضر
طلع وسابني وانا غيرت هدومي وطلعت فوق وهناك قابلت عمي كان قاعد في الريسبشن وشكله زعلان ف قربت منه وقولت
_ ازيك ياعمي
_ الحمدلله تعاله اقعد
قعدت وقولت
_ متشكر ، وانا اسف علي اللي حصل ، بس حضرتك تفهم في الاصول واكيد مكنش هيرضيك يدخل ويخرج ويطلب ياقابلها وهو عينه منها من غير ما يكون بينهم حاجه
_ فاهم انت جدع في اللي عملته ، بس انا مش هقبل انه هو او زيد يتجوزا قبل بشر
_ حقك محدش يقدر يقول حاجه ، واحنا اكيد مش هنجوز جويريه وهي في الحالة دي انا كنت بتكلم في الاصول مش بطلب منه يجي يخطبها
_ انت بتحكي في ايه انا فاهم مش محتاج تشرحلي ، انا عاوزهاله اكتر منه ويمكن لو هو مقالش كنت جوزتها ل بشر نفسه بس انا بتكلم في مبدء مش هتنازل عنه محدش هيتجوز قبل بشر
جاني صوت بشر وهو بيقول
_ يابوي وانا مسامح ، خليه يخطبها وانا لما الاقي اللي تناسبني هتجوز
_ وانا قولتلك لا ، لا خطوبه ولا جواز قبلك ، شد حيلك انت بس واتجوز واكده تبقي ساعدته
مردش علي كلامه وبصلي وقال
_ ازيك يا بيجاد
_ الحمدلله وانت
_ تمام
_ عارف مكانه نروح نجيبه ولا ايه
_ ايوه انا كلمت حسام صاحبه قالي قاعد عنده وكنت رايحله دلوقتي
_ انا جاي معاك ، عن اذنك يا عمي
خدت بشر ومشينا ولما وصلنا شقة عمي شبل اتفتح الباب وخرجت منه هاجر وقف لثواني عينه معلقة عليها وبعدين بص بعيد ف قالت وباين علي وشها الازعاج
_ رايحين فين
_ وانتي مالك
_ ميل ضروسك ، بسالك رايح فين
_ اسكوتي يا لزقة يلا يابني
مشينا ف قالت
_ ماشي يا بيجاد والله لا اقول لبابا يسقطك
#هاجر
بقاله كام يوم مكلمنيش ولما بروح عندهم مبيكونش موجود وحتي لما شوفته دلوقتي معبرنيش بسلام حتي وده ضايقني قوي ف طلعت فوق ودخلت لخلود عشان احكيلها لقيتها ماسكه التليفون وبتقرقض في ضوافرها بتوتر ف قربت منها وقولت
_ مالك
_ واضح اني وقعت نفسي في مشكله
_ مشكله إيه
ادتني التليفون وقالت
_ شوفي
خدته منها وبقيت اقرا المحادثه اللي بينها وبين زيد ف رجعت بصتلها وقولت
_ بتشتغليه؟
_ المفروض بس واضح ان هو اللي بيشتغلني شوفي هو اللي بيكلمني تاني مع ان لسة معاد الجلسة التانية
_ بس انتي اللي مكلماه في الاول
_ ايوه انا كنت عاوزه اضايقة زي ما بيضايقني بس واضح انه عرفني
_ امممم طيب هتعرفيه؟
_ لا انا هقفل الاكونت ده ومش هقوله حاجة
_ كده هيتأكد انك انتي ، اقنعيه انك مش انتي الاول وبعدين اقفليه
_ اقنعه ازاي يعني افرضي طلب حاجه او تصرف تصرف علشان يكشفني
_ لو طلب حاجه ارفضي مانتي كده كده وصلتيله انك عامله الفيس من ورا اهلك ف هيكون طبيعي لو رفضتي
_ طيب افرضي عمل حاجه تانيه غير الطلب علشان يكشفني
_ بصي هو تقريبا عرفك بس علشان يحس انه غلطان استمري
_ مليش نفس انا بجد كرهته
_ ههههه هو مستفز بس يضحك استفزيه انتي كمان وطلعي عينه وبالمره شوفهولنا بتاع بنات ولا لا
_ بتاع بنات ولا رجاله بقا مش عاوزه اعرفه
_ يابنتي طالما خدتي خطوه كملي ، اسمعي الكلام وكملي واهو علي الاقل تشيلي من دماغه انك انتي
_ امممم تصدقي صح وبالمره اعرفه انه دكتور فاشل
_ ههههه صح بس ونبي اديني الباسورد اتابع معاكي نفسي اعرف ايه اللي هيحصل واهو بالمره تكوني محرصه في كلامك ومتوقعيش في حبه
_ وقع علي جذور رقبته اقع في حبه قال ده انا بكره
_ ههههه والله شكلك هتحبيه
_ هاجر هزعل منك والله
_ في ايه يابنتي بهزر
_ لا متهزريش وخدي ياستي الباسوورد علشان تشوفي بنفسك اني مستحيل اقع مع واحد متخلف زي ده
_ هههههه اوكي
خدت منها الباسوورد وطلبت منها ترد ف ردت وقالت
_ وعليكم السلام اسفه بس كنت مشغوله شويه
_ ولا يهمك ، انا لقيت نفسي فاضي شويه قولت اكلمك نعوض الجلسة اللي فاتت اللي متكلمناش فيها
_ ايوه فعلاً متشكرة قوي
_ طيب نكمل
_ اتفضل
_ اول حاجة عاوز اعرف ليه اتضايقتي من سؤالي عن تعاملك مع اهلك
بصتلي ف قولت
_ قوليله لانكم مش عيلة مترابطه ومفيش بينكم تفاهم
رجعت تكتب وقالت
_ لاننا مش عيلة مترابطه ومفيش بينا تفاهم ودايما في شد وجذب مع بعض لاختلاف افكارنا لا انا فهماهم ولا هما فاهمني ف مبحبش نهائي اتكلم عنهم ، اسفه اني هطلب منك تستبعد اسئلتك عنهم أكيد مش ضروري
_ هو ضروري ودلوقتي بقي ضروري اكتر لان واضح ان ف فجوة كبيرة بينكم وممكن تكون هي السبب الاول في مشكلتك بس مفيش مشكلة هنستبعد الأسئلة دي وهسألك عن تعاملك مع اللي حوليكي وخاصه انك في مجتمع منغلق شويه ، طبعاً بتواجهي انتقادات كتير علي بعض التصرفات بما انك صعيديه وكده
في الوقت اللي كانت بتكتبله انا دخلت صفحتها لقيت ان كل التفاصيل متناسبش كلامها معاه ف قولتلها
_ بت قوليله ان الحساب مش بتاعك علشان كل تفاصيلك مختلفه عن اللي قولتيه واكيد خد باله
بصتلي بعبس وقالت
_ طيب وبعدين
_ قولي عادي
_ طيب
بعتتله وقالت
_ الاول كنت عاوزه اقولك لحضرتك حاجة علشان متقولش اني بخدعك
_ قولي طبعاً
_ الاكونت ده مش بتاعي انا خدته من واحده واسم اسيل مستعار عشان انا محدش يعرف اني عامله فيس بوك ومقدرش اقول تفاصيل عني
_ ايوه انا فهمت كده من الاول ومفيش مشكله انا مليش دعوه بالتفاصيل دي مش هتفدني بحاجه
_ الحمدلله
_ بس ممكن اعرف اسمك الحقيقي
_ خليها اسيل
_ وياترا من قنا بردو
قولتلها
_ قولي لا
_ ليه
_ بس قولي لا فهميه ان كل تفاصيلك غلط بخلاف مشكلتك
رجعت تكتبله وقالت
_ لا كل التفاصيل غلط بخلاف المشكلة بتاعتي بصراحه واسفه اني كدبت بس حسيتها مش هتفيد حضرتك حاجة في علاجي
_ اه واضح انك بتخافي
_ اه
_ طيب سؤال تاني ، متجوزه
_ لا
_ كم سنه
قولتلها
_ 26 بردو متغيريش السن علشان هيشك فيكي أكتر
رجعت تكتبله وقالت
_ 26
_ تمام طبعاً مش هسألك انتي منين عشان واضح انك مش هتقولي
_ ايوه ياريت
_ تمام يا اسيل نكمل
_ اتفضل
بقا يتكلم معاها ويسأل بنعومه في الكلام وهي بقت تبصلي بطرف عين ف قولت بمكر
_ واضح انه مش هيجيبها لبر
_ واضح انه مُصر يوقعني
_ ايوه واخده بالي بس متدلهوش فرصه اهزميه
_ ماشي وربنا لا اعرفه انه غبي عشان يبطل يقلل مني
_ ههههه برافوا عليكي
بقيت بصالها وهي بتكتب وانا بضحك علي زيد اللي واضح قوي انه عرفها وبيوقعها ومع تبادل الرسايل حسيت بتحدي وكأنه بيتخابث عليه انا ف بقيت اشجعها انها تفوز عليه وخاصة ان الحوار مبقاش ماشي مع دكتور نفساني والحاله بتاعته
#بشر
روحناله عند صاحبه لقيناه لسة متضايق ف قولت وانا بقعد جمبه
_ ايه لعب العيال ده يا بدر معقول تسيب البيت انا قولتلك تدخل اوضتك مش امشي
_ وانت كنت عاوزني اعمل ايه بعد ما ضربني
_ ده ابوك واتعصب شويه مخربتش الدنيا ، قوم هنرجع
_ لا وقوله مش هرجع غير لما يكلم عمي ويطلب ايد جويريه
قال بيجاد
_ طيب اتكسف مني
_ وحيات ابوك تهدي انت دلوقتي علشان انت السبب في كل ده
_ وانت كنت عاوزني اعمل ايه وانا شايفك بتيجي عشان اختي لو عندك اخت ترضي حد يجي عشانها ، بلاش لو اختك لو عرفت ان حد بيجي العماره عشان واحده من البنات هيعجبك
سكت ف قولت
_ اهو قالك
بصلي وقال
_ انت متتكلمش لان كل المشكله بسببك انت كمان ، تقدر تفهمني مش عاوز تجوز ليه ، إيه السبب اللي يمنعك تجوز عاوز شقة ولا مش لاقي حق الشبكة
سكت ف قال بيجاد
_ ليه مش عايز تجوز يا بشر هتقعد لامتي من غير جواز
_ طيب جاوب انت علي سؤالك وانا هجاوب بعدك ليه مش عايز تجوز مش شايف حاجه تمنعك
_ انا معنديش مشكله ممكن اتجوز بس لما الاقي اللي تناسبني
_ وده رايي انا كمان مستني اللي تناسبني ومش هتجوز صالونات
قال بدر
_ طيب ولامتي واحنا حياتنا واقفه علي ظهور اللي هتناسبك دي ، ما تجوز هاجر واهو انتوا الاتنين قريبين من بعض وتنفع
سكت ف قال بيجاد
_ لا يا شيخ هاجر صغيره بس في كتير ينفع
بصتله ف قال
_ قول ل دادة امينه وهي تجبلك عشره ، بلاش ، كريم صاحبك معاه بنات خاله يناسبوك شوفهم
طال سكوتي وهما لسة بيتكلموا ويقترحوا عليه ف قومت فجأة وقولت
_ هتروح معانا ولا لا
_ لا
_ تمام
قولت كده ومشيت من غير ما ابص ورايا ولا اخد بيجاد معايا ورجعت البيت ف قابلتني خالتي عند الباب وقالتلي بلهفه
_ اخوك جه معاك
_ لا
قولت كده ومشيت خطوتين ف لقيت هاجر طالعه من الاوضه بتاعت دادة امينة وقفت للحظات ابصلها وكلامها وكلام بيجاد رجع يتردد في ودني ومشيت متجاهل نظراتها ليه وعدا يوم واتنين وانا من الشغل لاوضتي لا شوفتها تاني ولا بدر رجع البيت
« بعد يومين»
#بيجاد
فتحت الباب علي جويريه لقيتها فاتحة القصة وشارده وبتفكر في حاجة بقيت باصصلها وانا خايف اني اكون فوت فرصة كان ممكن تطلعها من اللي هي فيه وقولت لنفسي مكنش لازم تبقي حمش قوي كده وكنت استنيت يمكن وجوده يفرق معاها ويقدر يساعدها وبعد ما طالت وقفتي وهي مخدتش بالها مني قولت
_ احم ممكن ادخل
كملت طريقي وانا بقول
_ متشكر ، إيه الاخبار
قالت وهي بتسيب القصة
_ تمام
_ بتعملي ايه
_ مش بعمل
_ طيب ما تيجي تقعدي معايا انا تعبت من المذاكره وعاوز اقعد جمب التليفزيون شوية
_ طيب
_ يا سلام ايوه كده ، يلا بقا نعمل قهوه ونحط جمبها شيكولاته وهاتي القصة بتاعتك قال واي كأننا مثقفين
_ طيب
_ ايه مفيش ضحك علي كلامي
مردتش ف قولت
_ قنبلة نكد وبتفصليني
خدتها ودخلنا المطبخ وبدأت اعمل القهوة وبعدين بصتلها وقولت
_ بقولك ايه الدراسه قربت تخلص إيه رأيك نروح في الاجازة نقضي اسبوع في اي مكان ، العين السخنه ، الغردقة ، راس البر
قالت باستغراب
_ راس البر؟
_ اه اي حاجه المهم نسافر
_ لا
_ ليه ده احنا هننبسط قوي
_ مش عاوزه
_ طيب بلاش سفر قوليلي عاوزه ايه وانا اجيبهولك
_ مش عاوزه
_ غم يا جويريه ياختي
صبيت القهوة وخدتها وقعدنا عند التليفزيون وبعد شوية سابت الفيلم وعينها اتعلقت علي صورة خالي بيجاد ف قولت
_ باصه لصوره ليه
سكتت شوية وبعدين قالت
_ حلمت بيه
_ حلمتي ب مين
_ خالي
_ حلمتي بيه ازاي
_ شوفته جه عندنا وجابلي كتاب
_ اااه انتي نفسك في كتاب بقا
_ لا ده حلم من اللي بيتحققوا
_ حلم من اللي بيتحققوا ، امممم طيب احكيلي حصل ايه في الحلم
_ حلمت بيه بيخبط ولما فتحت وشوفته قولتله انت لسه عايش قالي اه واداني كتاب
_ طيب وانتي إيه عرفك نوع الاحلام اللي بتتحقق
قالت وهي لسة بصاله
_ بتكون قصيره وبتكون زي رساله من الشخص اللي حلمت بيه
_ اه يعني انتي مجربه
_ اه
_ طيب احكيلي حلم حلمتيه واتحقق
سكتت شوية تفكر وبعدين قالت
_ لما انت جيت في اخر سنه ليك في الكلية وكنت زعلان قوي وبتقول محلتش كويس وهتسقطت بعد يومين شوفتك جاي فرحان وبتقولي جبت امتياز قولتلك بس انت قولت محلتش كويس قولتلي طلعت حليت الحمدلله وبعدين جبت امتياز بجد
ابتسمت وانا بقولها
_ صحيح ، طيب وايه تاني
سكتت شوية تفكر وبعدين قالت بشرود وكانها في عالم تاني
_ من سنين حلمت اني في البيت لوحدي بالليل وانتوا مش موجودين
قولت باهتمام بعد ما فهمت انها بتفكر في حاجه مهمة حصلت معاها ومستبعدتش ان الحاجه دي ممكن تكون السبب في حالتها
_ وبعدين حصل ايه
شردت شوية وقالت
_ محصلش حاجه
_ لا حصل ، اتكلمي
_ محصلش حاجة
_ جويريه!! ايه اللي حصل بعدها
سكتت ف قعدت علي ركبي قدامها وقولت وانا ماسك ايديها
_ ايه اللي حصل اتكلمي مفيش حاجه هتحصلك انا معاكي ، الحلم ده اتحقق ازاي
سكتت شوية وبعدين بصتلي وقالت
_ اتحقق لما راحو الشغل بعد عيد ميلادي وصحيت لقيت النور مطفي وانا كنت بخاف من الضلمه ف شوفت عفريت
_ شوفتي عفريت عفريت
_ اه
_ جويريه ، ايه اللي حصل
_ هو ده اللي حصل
_ طيب شكله إيه العفريت ده
_ مشوفتش غير عينيه منوره في الضلمة وبعدين مشي
_ يمكن قطه
_ مش عارفه
_ جويريه
_ ايه
_ في حاجه انتي مخبياها
_ لا
_ اكيد
_ اه
حسيت ان في حاجه مقالتهاش بس مرضتش اضغط عليها عشان متبكيش لكن إيه هي الحاجه دي مش عارف دماغي مجبتهاش
#جويريه
مكنش عفريت كان انسان بيتحول لشيطان قدامي وفي الحلم مكنتش اعرف ان هو ده مكنش شكله باين وحتي لو بان مكنتش هصدق ان الشخص ده ممكن يطلع مؤذي قوي كده ولو كان وضح ان هو في الحلم كنت هقول انه مجرد حلم مش هيتحقق لان الشخص ده كنت شيفاه اطيب من انه يفكر حتي يصبني بخدش صغير مش يجرحني جرح كان قادر يموتني..
بعد ما خلصت قعدتي مع بيجاد دخلت اوضتي وقلعت الفستان وبصيت لجرحي في المرايا جرح رغم مرور السنين بس لسة ظاهر بشكل واضح ولولا اني من زمان وانا بستحمي لوحدي وبقصد دائما البس لبس يداري دراعي كان اتشاف من زمان وكان اتفتح معايا مليون تحقيق عن سببه
#هاجر
مش فاهمه انا ببعد عنه ليه مع انه مغلطش فيه ومش عارفه بردو ازاي هو قدر ميكلمنيش كل ده وليه مش بيكلمني اصلا واحنا مفيش بينا مشكله ومع اني عنيدة ومبحبش ابدء الكلام في مواقف زي دي بس اتصلت بيه ف قفل رجعت اتصل تاني وبردو قفل ف بعتله رساله قولت فيها
_ هو احنا زعلانين ولا ايه
جاني ردة بعد وقت يقولي
_ علي حد علمي مفيش حاجه حصلت تزعلنا بس ليه
_ امال ليه مبتكلمنيش ولما بتشوفني بتبص بعيد
_ مش مقصوده انتي عارفه دوشت الشغل ومشكلة بدر
_ ايوه بس انت كده من قبل مشكلة بدر
_ لا أبداً مش مقصوده
_ طيب ، اصلي لقيت اننا بنتصرف كأننا زعلانين وانا مش لاقيه سبب ف كلمتك
_ ربنا ميجبش زعل انا مش زعلان ، انتي بقا في حاجه مزعلاكي
_ لا
_ ولا حتي اللي حصل مع بدر
_ عادي
_ مفرقش معاكي انه ساب البيت علشان جويريه
_ انا نسيت يا بشر ، مش هاخد مكان مكنش ليه من الاول ، خلاص هو ادرا باللي قلبه عاوزها وانا مش ههلك نفسي بالزعل
_ يابختك
_ ليه
_ في ثانية قدرتي تنسي عملتيها ازاي
_ افهم من كده انك مش قادر تنسي اخت صاحبك
_ ايوه
_ دي مشكلتك انت ، اتعذب لغيت ما تنسا او تتأقلم مع العذاب ده وبردو ملهاش حل مفتكرش هترضا بيك
_ ليه علشان بتحب غيري ولا عشان صغيرة
_ الاتنين
_ ايه اكتر حاجه فيهم
_ انها بتحب غيرك الا بقا لو قدرت تتنساه وتجوزك
_ تتنساه يعني يكون لسة في قلبها وعامله ناسية صح
_ مثلا
_ لا وعلي ايه خلينا كده احسن
_ وانا رايي كده وبطل صبيانيه ، ايه القرف ده
_ انا صبياني
_ اه
_ اوكي
_ بشر انا اسفه بس بجد انت تضايق يعني سايب كل اللي حواليك ورايح تحب بنت صغيرة
_ مين اللي حوليه
_ كتير
_ ولو اني مش شايف بس عندك حق ، هنساها يا هاجر مش هفكر فيها تاني
_ احسن
_ اه
_ طيب هتجبلي إيه بقا
_ اجبلك إيه ازاي
_ حلاوة الصلح
_ احنا مزعلناش اصلا
_ ايوه بس بقالنا ايام متكلمناش ولازم حلاوة الرجوع
_ يا سلام
_ ايوه
_ لا مش هجيب
_ بشر!!!!
_ لأ
_ بلاش يا بشر
_ بلاش انتي علشان والله ما هتفلحي المره دي
_ ههههه اوكي
_ اوكي ، باي
_ استنا
_ اييييه يا هاجر مش فاضي
_ مالك
_ ورايا شغل
_ في حاجه مزعلاك
_قولتلك لا بس مشغول يلا سلام
قال كده وقفل وبطل يرد علي رسايلي ف قررت اعمل زي كل مره ومكلمهوش وانا متاكده انه هو اللي هيكلمني بس عدا يومين وتلاته ومتصلش وده زعلني بجد وبعد ما طالت قعدتي في البيت مبخرجش جت ماما عندي قعدت جمبي وقالتلي
_ مالك مش بعادة تقعدي كده ومتطلعيش فوق
_ مش هطلع
_ ليه
_ كده
_ كده ليه ، في حاجه حصلت
_ اه فيه
_ ايه قولي
_ بشر ليه اربع ايام علي كده مفكرش يسأل عني وقبلها خمس ايام ، ده مكنش يقدر يبعد عني يوم واحد وكان يتصل ويكلمني اكتر من مره في اليوم
_ انتوا زعلتوا مع بعض
_ لأ
_ طيب امال في ايه
_ مفيش اي حاجه فجأة سكت وبقا يشوفني يبصلي بصه سريعه ويمشي ولما كلمته قولتله في ايه قالي مشغول في الشغل وفي مشكلة بدر
_ طيب ما ممكن عنده حق متنسيش ان هو دلوقتي محطوط في وش المدفع وشايف ان هو السبب في المشكلة
_ لا مش هو، هو معملش حاجه
_ لا عمل انتي ناسيه ان عمك رافض جواز اي حد من عياله الباقين غير لما هو يتجوز ، وهو مش عايز يتجوز ومحتار مش عارف يعمل ايه يتجوز اي واحده وخلاص ولا يسيب اخوه طفشان من البيت ومحروم من البنت اللي عاوزها
_ عمي محبكها مش فاهمه هو ليه ميخليش بدر يتجوز طالما عايز ليه يحط العقدة في المنشار
_ مين اللي بتتكلم
_ ايه
_ ايه ايه يعني لو بدر اتجوز مش هتزعلي
_ وانا ازعل ليه
_ يابت
اتهربت من نظراتها وقولت
_ ايه يا ماما انا مالي
_ يعني مش بتحبيه
_
_ بتحبيه؟
قولت بتنهيده
_ بحبه بس هو مش عاوزني انا وبيحب غيري خلاص يتجوزها مش هفرض نفسي عليه
_ ببساطة كده
_ لا بس اعمل ايه ، اغصبه يحبني ، هو حر
_ تبقي محبتهوش
_ لا حبيته ولسه بحبه بدر هو الوحيد اللي قلبي دق ليه وعشان بحبه لازم اسيبه براحته
قالت بإبتسامة
_ صح ، ربنا يكملك بعقلك حبيبتي ويرزقك بأحسن منه
_ لا مش عاوزه
_ هتترهبني عشانه
_ اه ، لا هو لا بلاش
_ ههههه غريبه بس مسيرك تغيري رايك
_ مظنش ، المهم قوليلي اعمل ايه مع عمو ده اللي لاطعني مش راضي يصالحني
_ يصالحك ايه هو انتوا زعلانين
_ مفيش حاجه مزعلانا بس تصرفه بيقول انه زعلان مني واخد جمب ومش بيكلمني زي الاول
_ يفوق من اللي هو فيه ويكلمك انا قولتلك اللي هو حاسس بيه ف خفي شويه متزودهاش عليه
#زيد
بقيت اكلمها كل يوم علي الانترنت ، واستفزها كل يوم في البيت وانا مش مستني الوقت اللي تنفعل عليه فيه وتقولي انها هي بس مقالتش ولا بان عليها مع ان اللي اعرفه عن خلود انها مبتعرفش تتلون و واضحه
جداً ومش بالهدؤ والثبات ده وده خلاني بقيت شاكك في نفسي وبقول معقول تكون مش هي وانا غلطان وعشان اتأكد عملت حركة وهي اني رجعت البيت واتأكدت انها موجودة في اوضة دادة امينه قعدت في الريسبشن وكلمتها
_ مساء الخير
_ مساء النور
_ ازيك عامله ايه
_ تمام وحضرتك
_ الحمدلله ، اخبارك ايه النهارده ، النفسية تمام
_ اه الحمدلله
_ فاضيه دلوقتي ولا مشغوله
_ فاضيه
_ طيب حابه تتكلمي
_ اه وحابه اسألك سؤال
_ اتفضلي
قولت كده وندهت عليها
_ خلوووود!!
جاني صوتها من جوه الاوضه مهزوز وبتقولي
_ نـ نعم ، ايوه جايه
استنيتها شوية وانا عيني علي الشات وشايف « جاري الكتابه» وحتي بعد ما طلعت وايدها فاضيه كان لسة ظاهر عني انها بتكتب ف وقفت قدامي وقالت
_ نعم
_ بتعملي اية
_ بلعب في التليفون في حاجة
_ طيب اقعدي عايز اتكلم معاكي
_ تتكلم في ايه
_ اقعدي بس
قعدت وفي اللحظة دي وصلتني رسالة من اسيل بتقولي
_ هو الطبيعي عند الدكاتره النفسيين انهم هما اللي يبتدوا الكلام ولا انا المميزة
كانت مفاجأة كبيرة خلتني ابص لخلود اللي قاعدة ومش باين عليها اي حاجة وادور عن اي تعابير في وشها تعرفني اذا هي ولا لا بس هي ازاي وهي قاعدة قدامي مبتعملش حاجة واسيل التانيه بتكلمني ، كنت هتجنن وخاصة اني لسة شاكك فيها وعشان اتاكد اكتر انها مش هي او انها متكونش عملت حاجه خلت رسالتها توصل متأخر رديت وقولت
_ كله ده بتكتبي في السؤال ده
_ اسفه بس النت قطع ورجع تاني
رجعت ابص لخلود اللي بتبصلي بزهق وتقولي
_ افندم قول عشان برد علي البنات
_ تليفونك فين
_ مالك بيه
_ بقولك تليفونك فين
سيبتها قبل ما ترد ودخلت الاوضه وهي ورايا ف مسكت تليفونها وفتحت المسنجر لقيت الحساب بتاعها الاساسي وكذلك الفيس وملقتش اي حساب بأسم اسيل ف بصتلها وقولت بتوتر
_انا ،انا اسف
_ انت ازاي تفتش في تليفوني
_ أبداً كنت بتأكد من حاجه بس خدي
شدت مني التليفون وقالت
_ واتأكدت
_ اه
_ متطفل
_ اسكوووتي
قولتها بنرفزه ورجعت مكاني وانا نفسي اغمض عين وافتحها ويطلع كل ده حلم بعد ما بقا منظري زباله وانا بكلم واحده معرفهاش ومش عارف هتقول عليه ايه ومع كده رديت عليها تاني وقولت
_ اسف جاني اتصال ، وبنسبة لسؤالك ف اه في بعض المرضي اللي بيكونو خجولين وصعب انهم يتكلموا انا ببدء بالكلام معاهم وزي ما تقولي كده بحط تحدي بيني وبين نفسي اني هعالجهم
جاني ردها بعد دقيقة تقريباً
_ اه قولتلي علي العموم انا متشكره ، بجد كلامي مع حضرتك فرق معايا كتير واتمني متزهقش مني
_ لا مزهقش اهلا بيكي في اي وقت ، هنتكلم تاني
قفلت معاها ورجعت ابص لاوضة خلود وانا مش مصدق ان مطلعتش هي واني بستهبل لواحده انا معرفهاش
#خلود
قمة السعادة وانا شايفاه مصدوم وحمار قدامي بعد ما حس بغبائة واتصدم ان اللي بتكلمه مش انا وبعد ما هاجر نفذت طلبي قولتلها تبطل تبعت ورجعت دخلت علي الحساب وبعتله منه تاني وشكرته وقررت اكمل للأخر واحسسه انه دكتور فاشل وكمان انجح وازود المتابعين في نفس الوقت بس ازاي مكنتش اعرف بجد
وبعد ايام وانا لسه بتواصل معاه وطبعاً من غير اهتمام ولا نعومة في الكلام زي الاول كلمتني واحده قالتلي
_ ازيك يا خلود انا عندي مشكله وياريت تعرضيها علي البنات يمكن تلاقولي حل ويمكن اكون سبب في حرص بنات غيري وميوقعوش في نفس المشكلة
رديت وانا كلي اهتمام اسمع اللي هتقوله
_ اتفضلي حبيبتي
_ متشكره قوي انك اهتميتي بجد مفيش غيرك اهتم واتشتمت بسبب المشكله دي
_ قولي حبيبتي معاكي
_ الحكاية بدات لما انا اتعرفت علي شاب من علي الانترنت حبني وحبيته وبعد فترة طلب يقابلني في الأول رفضت بس بعد الحاح منه وافقت وروحت قابلته ودي كانت اول مره اشوفه ف قالي اني هقضي معاه اليوم كله ولاني بحبه و واثقه فيه وافقت وفعلا قضيت معاه اليوم كله واتفسحنا في اماكن كتيره واحنا ماسكين ايدين بعض واخر اليوم قالي هيعزمني علي العشا قبل ما اروح وروحت معاه وطلبلنا اكل كتير جداً وكلنا وبعدين قالي هروح الحمام واجيكي وبقيت مستنياه ساعه كامله ولما دورت عليه ملقتهوش ومش بس كده ده كمان عملي بلوك ، طبعاً انتي دلوقتي شايفه ان القصة تضحك وانه موقف كوميدي بس اللي جاي هو اللي يبكي ، انا بسبب الحركة دي مقدرتش اروح البيت لانه كان طالب اكل باكتر من الفين جنيه وانا كل اللي كان حيلتي 500 بس بقيت اقول للوتر اني هجبله الفلوس وهو رفض وقالي اتصل بحد يجيبهم او هيبلغ البوليس ف لقيت واحد جاي بيقوله هدفع انا ولما سألته ليه وتعرفني منين قالي هساعدك وبعدين نتكلم
وفعلا دفعلي الفلوس و وصلني للبيت من غير ما يقولي هياخد فلوسه ازاي وبعد يومين نفس الشخص اللي كنت بكلمه بعتلي صور لكل الخروجه اللي خرجتها معاه وسكرينات لشات بتاعنا وصور ليه مع الشخص اللي دفعلي وبقا يبتزني اني لو منفذتش كلامه هيفضحني قدام اهلي مع العلم اني فهمت اهلي يومها اني روحت لوحده صحبتي عامله عمليه ولو عرفوا هيدبحوني وانا مش عارفه اتصرف ازاي
_ لا اله الا الله هي فعلاً مشكلة وانتي غلطانه مكنش المفروض تعملي الحاجات دي ، بس اللي حصل حصل و انتي دلوقتي اسلم حل ليكي انك تعرفي حد من اهلك وهما يتصرفوا
_ مقدرش المشكله مش في خروجي معاهم وبس المشكلة ان انا ليه اصدقاء شباب وده بذات تجاوزت معاه في الكلام كتير لابعد حد ف لو عرفوا حاجة زي دي هيدبحوني
_ ايوه طيب ايه المطلوب مني دلوقتي
_ تعرضي مشكلتي عندك يمكن الاقي حل بدل ما اطر انفذ طلباتهم
_ هي ايه طلباتهم دي
_ صور عريانه ومقابلات في شقتهم
رجعت افتكر قصة نيرة بس دي كانت اهون والبنت خايفه وقولت يمكن نلحقها ف وافقت وعرضت المشكلة وسيبت التليفون ولما رجعت مسكته تفاجات بكمية التفاعل عليه والمشاركات وعدد الفلورز اللي زاد شوية
#نيرة
ايه رايك
قولتها ل حسن صاحبي وانا قاعدة معاه وبراسل خلود ف قالي
_ وربنا ابليس هيزعل من نفسه ان في حد غلبه
_ ليه بقا يا لذيذ ، وانت شايفني شيطانه يعني
_ لا بس مش شايف سبب يخليكي تعملي كدة هتستفادي ايه لما تخليها تنزل مواضيع زي دي
_ هستفاد انها تبطل تعمل عليه بنت محترمه دي خدامه
_ بس موزة بت الكلب ما تشوفهالي وانا اظبطهالك ونخليها تبطل احترام
_ وحيات خالتك
_ هههههههه ايه يا نيرو بتغيري عليه ولا ايه
_ اغير عليك ، طيب خليني ساكته عشان موقعش معاك في الغلط واسكت وركز معايا
_ اممم
_ عاوزاك تعمل شير للفيديو اللي هتنزله بالقصة عاوزة التفاعل والفلورز يزيدوا علي الفيديو ده بذات
_ مااااشي بس انتي عارفه النت خلص ومحتاج فلوس اجدد الاشتراك
_ وحيات عمتك عاوز مقابل لمساعدتي ياعرة الصحاب
_ نيرة! بطلي تطولي لسانك عليه عشان مقلبش عليكي هتدفعي ولا تولعي مع نفسك
_ ماشي يا ابو علي بس مردودالك
_ ماشي ياختي فين بقا
طلعت ميتين جنيه وضربتها في ايده وقولت
_ اهو ياخويا هتنفذ امتي
_ حااالا
_ مشوفتكش جددت اشتراك يعني
_ لا ما انا شاحن كارت فكة
_ ندل
_ بنتعلم منك
#بشر
بدر رفض يرجع البيت قبل ما ابوي يوافق انه يخطب جويريه او انا اتجوز والكل سايب اللي بيحصل وماسكين فيه انا وبيلموني اني مش راضي اتجوز وفي وقت كانوا اعمامي وزيد وابوي في الشغل وانا معاهم قال عمي شبل
_ ما تقولنا يا بشر سبب رفضك لجواز يمكن نفهم
قال ابوي
_ بيقول مش لاقي اللي تناسبه
رد عمي عليه وقال
_ لو كده ف تعاله الجامعه وشوف هتلاقي مليون واحده تناسبك
قولت وانا مش فاكر غير كلام هاجر وبيجاد
_ وبنات الجامعه دول مش صغيرين عليه ياعمي
_ صغيرين فين مناسبين جداً
قال زيد
_ ما لو كده ممكن تجوزه هاجر ههههه
بصيت ل زيد بحده وقولت
_ هاجر اختي
_ اه طبعاً بس انا بضيف اقتراحات مش اكتر
قال عمي شبل
_ انا لو مش عارف انه معتبرها اخته كنت قولتله يتجوزها بس ازاي دي كانت بتقوله ياعمو من سنتين بس
سكت ف قال عمي بدر
_ بلاش الكلام في حاجات ملهاش لازمه ، دلوقتي احنا نشوفلك عروسه يا بشر ومش هنغصبك علي حاجه بس اهو نحاول نحل المشكلة
_ ياعمي انا مش هتجوز بالطريقة دي
_ امال هتجوز بأي طريقة يكون نفسك تجوز عن حب
_ بلاش حب بس واحده اعرفها وتعرفني
قال زيد
_ ودي هتعرفها وتعرفك ازاي وانت حاصر نفسك في قمقم مش لازم تتواصل مع الناس ، عيش حياتك اخرج مع صحابك وانت هتقابل كتير
قولت بتنهيده
_ طيب ادوني فرصه سنه ولا حاجه
قال عمي شبل
_ يخربيتك يا بشر اخوك هيفضل سايب البيت سنه كامله
_ وليه يسيب البيت لما ممكن ابوي يوافق يخطب
قال ابوي
_ قولت لا مفيش خطوبة او جواز قبل ما انت تخطب ولو علي بدر انا هعرف كية اخليه يرجع ، اديني عنوان صاحبة
#بدر
كام يوم عدوا ومفيش تغيير لا بشر وافق يتجوز ولا ابوي وافق اخطب جويريه وبعد ما زهقت وكنت هنفجر من احساسي بالظلم خبط الباب في عدم وجودي حسام صاحبي ولما فتحت تفاجات ب دخول بابا ف بقيت واقف قدامه داير وشه عنه ف قال
_ مطايقش تبص في وشي
_ اسف ، اتفضل
_ بتعزم عليه في بيت اللي خلفوك ، تعاله هنتمشي
_ انا مش هرجع يابوي غير لما....
قال بمقاطعة
_ ومين قالك اني جاي ارجعك ، خلص هتكلم معاك
طلعت معاه ف بصلي وقال
_ اول حاجة انا هطق منك علي قلة ادبك
_ ما حضرتك اللي رافض
_ وافرض رفضت تقل ادبك علي اخوك وتخليني اضربك
_ اسف
_ طيب ياخوي ، اسف قال اعمل ايه بأسفك ده وانت بجحت فيه وقليت ادبك علي اخوك
_ يا بابا ماهو السبب لو وافق يتجوز مكنش ده كله حصل
_ بردك لسانك ميطولش عليه حتي لو هيفضل طول عمره من غير جواز وانت زيه وبعدين متسربع ليه خلاص ايمانك ضعف مش مستني
_ حضرتك مش فاهمني انا مكنتش عايز اكتر من خطوبه، سبب يخليني اتواصل مع جويريه واساعدها تعدي اللي هي فيه
_ يا حنين ومين قالك انك هتقدر
_ هقدر
_ واد
_ اسف
_ جك حشه تحشك
_ ربنا يسامحك
_ طيب ياخوي هيسامحني ، واسمع
_ افندم
_ انا مرافضش جوازك منها واقدر دلوكتي اروح اخطبهالك بس اخوك....
قولت بمقاطعة
_ اخويا مش عايز يتجوز اعمله ايه
رفع يده وهو بيقول
_ هضربك علي خشمك اسمع
_ اتفضل
_ اخوك لما يلاقي المشكلة بسببه ومش هتتحل غير بجوازه هيتجوز اصبر شويه وخليك عند صاحبك وكمل زعل لغيت ما يقول هتجوز وانا هطلب جويريه ليك علي طول حتي لو هعملكم الخطوبه مع بعض
قولت بسعادة
_ بجد يا بابا
_ ايوه بجد ياخوي جك حشه تحشك علي قلة ادبك دي ، بس انا الغلطان مكنتش اضربك كان لازم اربيك من صغرك قبل ما تكبر وتتطاول عليه وعلي اخوك
_ اسف
قال بقرف
_ اسف!!! جك قبر ، ارجع مطرح ما جيت وانا مروح
_ لا انا جاي معاك وهعتذر ل بشر
_ يا ضياع عقلك يا عبيدة ياد انت جحش ، ترجع ايه ، انا بحكي في ايه من الصبح