رواية لعنة السحر الاسود الفصل الثاني2بقلم ابرار محمد طرخان
ولسه هرد لقيت في نفس ورايا جسمي ولساني اتشلو عن الحركه لدرجة مقدرتش ارد علي احمد،
_وكل مادا النفس ده بيقرب مني وبيعلى، وكل ده وانا في الدولاب، لقيت صوت طخين بيقولي متخفش انت مش لوحدك كلنا معاك يا حسن، وسمعت صوت برا قولت ممكن احمد جه، لسه بفتح الدولاب مكنش احمد كان، جسم ضخم طويل جداً ، وعينه بتنزل دم وشكله بشع بطريقة لا تطاق، حاولت الهروب لكن لقيت حاجه قيدتني جامد، بس مكنش في حاجه جمبي غير الجسم الضخم قدامي وعينه بتنزل دم و ليه انيااب كبيره، لقيته ضحك وقال انت بتحاول الهروب يا حسن لكن للأسف كانت متأخره قوي ولقيت حاجه بتشدني من رجلي وطلعتني برا البيت ومن بعدها محستش بحاجه تانيه،
_ صحيت لاقتني نايم في بيت مهجور، لا دا مش بيت دا زي قصر كبير ومهجور والمكان مليان دم علي الحيط وفي كل مكان وحاجات مكتوبه علي الحيط بطريقه، غريبه زي طلاميس حاجات الجن، وحاولت اني اهرب من المكان ده وقبل ما اوصل للباب لقيت، صوت بس مش نفس الصوت اللي سمعته في البيت، قال انت رايح فين يا حسن دا بقى مكانك خلاص عشان هتيجي معانا عالم الجن، رديت وانا جسمي بيرجف وهموت من الرعب، وقولت انتم مين وعايزين مني ايه انا ماذتش حد ، قال انت اللي فتحت علي نفسك ابواب جهنم، انت اللي روحت برجلك لكتاب السحر الأسود اللي متخبي من سنين، واللي كان السبب في موت جدك واحيائه في عالم الجن، رديت وقولت جدي وسحر اسود اي انا معرفش اي حاجه وازاي جدي موجود في عالم الجن، قال جدك مامتش جدك عايش لكن موجود معانا وبقى واحد مننا، جدك زمان كان ماشي في الاثار ولاقى كتاب السحر الأسود والكتاب ده، لو حد فتحو وقراء اللي فيه اللعنه بتحاوطه وبيجي لـ عالمنا عالم الجن، وجدك فتحو وقراء وفكر انه هيوصله لـ ذهب ولما وصل ليه كان عمره انتهى لانه كان عليه حراسه مشدده من الجن وبقى معانا دلوقتي، و زي ما انت هتيجي وتبقى مننا وفضل يضحك
_ بعدها محستش بنفسي غير وحد بيصحيني وبيقول، يا حسن قوم يا حسن، انا عارف الصوت ده كويس قوي ده صوت احمد صاحبي و محمد ، حاولت افتح عيني واقوم،
_ محمد قال، حصل ايه يا حسن احنا سبناك كويس يا بني، احمد قال هو أنت شكلك عامل كده ليه دا احنا كنا سواا من ساعه بالضبط، جسمك بيرجف كده لي اهدى كده واحكيلنا حصلك ايه يا بني
_ وقتها معرفتش انطق غير بكلمه واحده بس من شدة خوفي، انا خايف متسبونيش لوحدي، وقتها عيتط من شدة خوفي، احمد جه وحضني وقال متخفش يا صاحبي احنا جمبك وهنفضل جمبك بس احكيلنا ايه وصلك للحاله دي وعينك عامله كده ليه، وايه طلعك برا البيت، احنا جينا لاقيناك مرمي برا قدام البيت
_وقتها استغربت من كلمه عيني وبرا البيت انا ازاي وصلت لـ هنا اصلا، قولت هيا عيني فيها اي، محمد جاب المرايه وحطها قدام وشي وببص لشكلي، لقيت نفس الشخص اللي ظهرلي لما خرجت من الدولاب واقف ورايا وبيقول،و عينه بتنزل دم بردو، صُحابك مش هيقدرو ينقذوك، انت اللي فحرت قبرك بأيدك، احنا حذرناك وأنت مهتمتش لكلامنا في متلومش غير نفسك علي اللي هيحصلك، لأنهم مش هيسيبوك وهما هيجو يخدوك لـ عالمهم عالم الجن.
_ رميت المرايه من ايد محمد،وفضلت اعيط وحطيت ايدي علي وشي، احمد حضني وقولت ابعدو بعيد عني أنا مأذتش حد، محمد بالله عليك ابعدوه عني هما هيموتوني متسبونيش لوحدي،
_ محمد زعق وقال ما تحكيلنا علي اللي حصل احنا مش فاهمين حاجه، قولت خرجوني من البيت مش عايز اقعد فيه، احمد قال طيب تعالي معايا بيتنا واهلي مش موجودين فـ يلا قوم، وقتها خرجنا ومن شدة خوفي كنت ماشي بينهم وببص يمين وشمال لغاية...