رواية ندبات قدر
الفصل الحادي عشر 11
بقلم الشيماء مسعد
"وإن سألوك عن سبب عزلتك قل لهم اخيط جراحا لم ترونها "
دستوفيسكي
وما ان وصل رازي وقدر المنزل حتى تفاجأ رازي بضيوف أتوا لزيارته
كانت المفاجأة تحتل ملامحه وابتسامة عريضة ظهرت على محياه وقال : اهلا اهلا بامرأة هزت عرش إسرائيل
حضرة الظابط سيف العميد وحرمه حضرة الظابط ملك السقا عندنا مش مصدق نفسي
ردت ملك بحماقتها المعهودة : لا ظابط ايه بقى يا رازي المرازي محنا بقينا عواطلية زي بعض
حدجها سيف بنظرات قاتلة اسكتتها وأسرع في إصلاح ما افسدته : ايه اللي بتقوليه دا يا ملك ، رازي باشا مكانه محفوظ والقيادة مستنية رجوعه بفارغ الصبر
لوت فمها هاتفة : والله القيادة خسرت اكفأ ضباطها طبعا رزاريزو وبلا فخر ملك السقا
رفع رازي حاجبه الأيسر وقال : رزاريزو ؟؟؟
حاولت قدر كتم ضحكاتها على هذا اللقب لكنها فشلت مما دفع رازي لينظر إليها قائلا : وانتي بتضحكي ؟؟
لفت وجهها الناحية الأخرى بخجل
تابع رازي : اولا اتفضلوا ، ثانيا يا ست ملك خلى دلعك لجوزك ابعدي عني عشان عقدتيني في الاسم
تحركوا للجلوس في الردهة وقالت ملك : طب بذمتك حد بيدلعك غيري
سيف امسكها من ذراعها وهمس : انتي ما تدلعيش حد غيري فاهمة ولا اعملك قضية واجيبك تشرفي عندي كام يوم
اتسعت عيناها من الصدمة قائلة : اهون عليك يا سيفو
سيف رد بنفس نبرتها : وانا اهون عليكي تخليني غيران كده وانا شايفك بتدلعي رازي شوية وعدنان شويتين ، هاقتلك يا ملك ..
ارتسمت على ثغرها ابتسامة واسعة وقالت : لا ما يرضنيش يا سيفو يا قلبي..
نظرت ملك لتلك الوافقة ولم تجلس وهمست : مين البت القمر دي يا كبير ، اوعى تكون اتجوزت من ورانا
ضحك رازي وقال : لا ما اتجوزتش قولتلك هاستنى مليكة بنتك ، دي الآنسة قدر الممرضة الجديدة
تنهدت ملك طويلا وقالت : يارب تكون من نصيبك يا رازي يا بن ام رازي
حك خلف عنقه بحرج وهو يطالع الواقفة وقد احتلت الصدمة ملامحها
بينما وكز سيف ملك وقال بنبرة تحذيرية : ملك ؟؟
أردفت ملك بغضب : يووووه الواحد مايعرفش يقعد بطبيعته انا هاسيب لكم القاعدة كلها واقوم اتمشى
نظرت إلى رازي بعينين قطة وديعة وقالت رورو
طالعها رازي وقد ضيق عينيه وقال : بعيدا عن القابك اللعينة دي ، لكن اللي بتفكري فيه مش هيحصل يا ملك
تشبثت ملك في ذراع سيف وقالت : سيفو حبيبي بالله عليك خليه يوافق
سيف بغضب مصطنع : مانتي غلطانة يا ملك كل مرة بتروحي فيها الاسطبل بتعملي كارثة اما تخرجي الخيول ويجروا منك ونفضل ندور عليهم واما تركبي الخيل وتقعي ، مش بتقعدي عاقلة ليه ؟؟
ردت ملك بتوسل : عشان خاطري يا رازي باشا هاتفرج علي الخيول من بعيد ، مش خرجهم
زفر الهواء بملل وهز رأسه على مضض وقال : لو عملتي حاجة غبية المرة دي هاكسر دماغك .
سيف ضحك وقال: على اساس انها جاية مع سوسن يعني
رازي عض شفته السفلى وهو يقول : ماليش فيه ، شيلتك تشيلها لوحدك .
أسرعت ملك راكدة كطفل صغير فهي تحب كثيرا أن تطالع مقتنيات رازي كتلك الخيول الذكية الفريدة من نوعها واحيانا تتسلل للجناح الغربي الذي يمنع رازي اي شخص ان يذهب اليه بينما بدأ سيف يتحدث عن عمليات جديدة يتناقش مع رازي بها لطالما كان رازي الادهى والاذكى بينهم جميعا .
__________________________
كانت فاطمة متوجهة ناحية المقهى المقابل للشركة لتحتسى قهوتها المفضلة واذ بسيارة تقف أمامها خرجت منها منال عشيقة ممدوح كانت ترتدي ثياب سوداء وقباعة رأس ونظارة أيضا سوداء نظرت مطولا لفاطمة تتأملها وقبل ان تنصرف فاطمة ..
نطقت منال بعد لحظات : ممكن نتكلم شوية ؟؟
طالعتها فاطمة بجهل فهي لا تعرفها قائلة : نتكلم في إيه وحضرتك مين ؟؟
_ تعالي بس ندخل نقعد جوا
جلستا سويا مرت دقيقة كان الصمت هو سيد الموقف حتى اردفت منال بحنو شديد : أنا صاحبة مامتك الله يرحمها كنت مسافرة برا مصر ودلوقتي رجعت محتاجة حاجة يا حبيبتي
هزت فاطمة رأسها بريبة ثم قالت : حضرتك عرفتي مكان شغلي ازاي ؟ وعرفتي ازاي اني انا فاطمة ؟ وانا تقريبا ما شفتكيش ابدا ولا اعرفك قبل كده
تجمعت الدموع في عينيها وقالت بنبرة حانية : بس انا اعرفك عز المعرفة يا فاطمة ، و اللي يسأل ما يتوهش يا حبيبتي ، ايه رأيك لو تيجي تقضي معايا كام يوم قبل ما اسافر تاني ، انا عايشة برا مصر
طالعتها بشك بدا جليا على ملامحها وقالت : أنا آسفة بس انا ماتعودتش اني اروح ما حد ما اعرفهوش ، وكمان انا عارفة ان بابا مستحيل يوافق على حاجة زي دي ، وغير كده هاكون صريحة معاكي انا مش مقتنعة بكلامك بالمرة
ابتلعت خصة مريرة وتجمعت الدموع في عينيها جاهدت بألا تظهر لكنها دست يدها في حقيبتها أخرجت منها رزمة نقود
وقالت : اتمني ما تكسفيش ايدي خلي الفلوس دي معاكي واعتبريها بديل للهدية ، كان المفروض اجيبلك هدية معايا بس ماكنتش متوقعة أني هاشوفك انهاردة بالذات
شردت قليلا تفكر كيف كانت تراقبها كل يوم منذ شهر تقريبا لكنها لم تستطيع مواجهتها ..
فاقت على صوت فاطمة المعترض : شكرا بجد بس انا مش هاقدر اخد الفلوس دي منك لأني زي ما قولتلك انا مش مقتنعة بكلامك ، وكمان الحمد لله معايا فلوس وبشتغل وبابا مش مخليني محتاجة أي حاجة ، بالمناسبة لو عايزاني اصدقك ممكن تشرفينا في شقتنا المتواضعة اكيد تعرفي بابا
همست منال بندم شديد : عز المعرفة ، عبد الناصر كان شخص خلوق اوي
استقامت فاطمة تستأذن بأدب بعد ان نظرت في ساعة يدها
قائلة : أنا مضطرة اني امشي عشان البريك بتاعي انتهى
هبت منال واقفة وقالت : ممكن تسمحيلي اني احضنك
تعجبت فاطمة وعقدت حاجبيها وقالت بدهشة : ممكن .
اقتربت منها لمست وجنتيها ادخلتها في حضنها وداهمتها الدموع وهي تقول : سامحيني لأني بعدت عنك
ظلت معلقة بها مما دفع فاطمة للتملص منها قائلة : أنا لازم امشي اتأخرت بجد
قبل أن تخرج تواجهت اعينها مع خاصة الياس وقال بتعجب : مين الست دي ؟
رفعت كتفيها وقالت : ما اعرفش بتقول صاحبة ماما الله يرحمها
هز رأسه وقال : غريبة اللي يشوفها كده يقول انها مش مجرد صاحبة والدتك بس ،
فاطمة : تقصد ايه
الياس : ماقصدش حاجة بس فيها حاجة غريبة
كان يقصد تصرفات تلك السيدة المريبة لانهما كانتا تبدوان كأم وابنتها ..
__________________________________
دلفت ملك إلى الاسطبل تتطلع لكل ما فيه بإعجاب وكأنه متحف لأشياء ثمينة او معرض لفنان مرهف الحس لكنها كانت تفكر في شئ ما يعجبها اكثر من الاسطبل الا وهو الجناح الغربي فهي تنبهر بكل ما فيه من أشياء تخص رازي وحده وهي تعلم أنه لن يوافق اذا عرضت عليه الذهاب إلى هناك لكنها تسللت دون أن يراها احد..
كانت قدر تتبعها ، تعجبت ماذا تريد هذه السيدة من الجناح الغربي ، لكن جالت في خاطرها فكرة اذا كانت تلك السيدة المريبة تعرف الجناح الغربي فمؤكد أنها تعلم الكثير عن السيد رازي حمحمت قدر مما دفع انظار ملك التوجه إليها برعب ظنت ان امرها قد كشف عقدت حاجبيها بدهشة
وقالت : انتي بتراقبيني . ولا رازي بعتك انا عارفاه سهون
اسرعت قدر ترد تلك الاتهامات عنها قائلة : ابدا والله انا بس كنت حابة اقعد معاكي لأني مش عارفة اخد راحتي معاهم هما بيتكلموا في الشغل
رحبت ملك : طيب تعالي المهم مايكونش حد شافك لأن المكان دا ممنوع حد يدخله الا رازي ، انتي اسمك قدر مش كده انتي شكلك مزة قمر
ابتسمت لها قدر بخجل واردفت : كنت عايزة أسألك عن حاجة هتساعدني في العلاج السيد رازي
انتبهت ملك لها اكثر وهي تكمل : الحادثة اللي حصلت للسيد رازي هي السبب فإن إيده مش بتتحرك ممكن اعرف ايه اللي حصل عشان يعني اقدر اساعده
ردت عليها ملك بتفهم وكأنها ستقدم خدمة جلية للمجتمع وقالت : الحكاية يا ستي بدأت لما كنا في مهمة اسمها( السكر المفقود) المهمة دي كنت انا ورازي المكلفين بيها عشان سيف وعدنان كانوا في مهمة في شرم الشيخ وكمان عشان رازي دا هو بابا المجال بتاعنا يعني أذكى واحد فينا كلنا
هزت رأسها قدر بحماس فأخيرا ستعرف اللغز
تابعت ملك وهي تسرد الاحداث عندما علم رازي من القائد حازم ان ملك ستكون معه في المهمة
رازي بتزمر : يا فندم انا اقدر اخلص المهمة لوحدي ، ملك لا ما بعرفش اشتغل معاها
أجابت ملك وهي تختبئ خلف حازم : ااه عشان خايف تظهر قدراتك ضعيفة قدامي يا رازي باشا صح ، أنا اصلي بخطف الانظار منك ..
_ سامع يا فندم رد رازي متزمرا
ضحك حازم وقال : لازم تكون معاك ملك عشان انتوا هتروحوا متنكرين في زي طباخين وملك هتساعدك صدقني
اطلق تنهيدة بائسة وافق على مضض : تمام يا فندم
ذهبا إلى حيث وجهتهم صعيد مصر حيث أكبر عصابة لتهريب المخدرات بأمر من جهة اجنبية دخيلة كان زعيم العصابة رجل مخضرم تابع لجهات أخرى تريد الفساد يعم ارجاء المحروسة
دلفا وسط مجموعة الطباخين حيث أتوا لإقامة حفل ضخم كتمويه لتوزيع شحنة المخدرات الضخمة .
ملك أمسكت بطنها وقالت هامسة : دا وقته الحمام في أي جهة بس ياربي .
ابتعدت عن رازي الذي لم يلحظ غيابها وبعد وقت وجدت المرحاض
وبعد قضاء حاجتها عادت تبحث عن رازي او المطبخ فلم تعثر على اي منهم ، وصلت غرفة كان يجلس بها رجل أربعيني نظر لها باعجاب وقال : انتي اللي بعتك فتحي
هزت رأسها : بنعم وقد فهمت ان فتحي هو من ارسل الطباخين
اقترب منها الرجل ولاعب حاجبيه وقال: ايه الحلاوة دي ، إنتي على أكده بتعرفي تهزيها تشقلبيها يعني
عقدت حاجبيها بعدم فهم وقالت : أنا بإذن الله هدوقك اللي عمرك ما دقته
رد الرجل بعينين لامعة من فرط الأمل وقال : ماحنا فيها دوقيني دلوك
لا يا باشا انت مفجوع كده ليه انا لسة واصلة
وهمست ايه الرجل المريب دا
رد عليها : خدي راحتك يا قمر
دلف إليه رجل اخر وقال : الغازية وصلت تحت يا عتمان بيه
نظر إليها بشك وقال : الغازية ؟ اومال انتي تطلعي ايه
ابتسمت بسماجة وقالت : انا الطباخة الجديدة يا عتمان
عتمان حاف يا قليلة الرباية ، كان هذا رد الرجل الثاني
قال عتمان بنظرات لعوب : وماله عتمان عتمان ما يضرش بس ابقى لما تخلصي الاكل تعالي دوقيني طبخك
ردت ملك بتهكم : الا هدوقك ، دانا هاوريك اللي عمرك ما شفته
أسرعت للخروج من غرفته وأخيرا وصلت إلى رازي الذي كان يستشيط غضبا منها وقال : اقتلك ولا اعمل فيكي ايه مش لابسة السماعة ليه يا هانم
انا لحقت ، ردت ببرأة ثم اردفت بما هو ثمين لديها : أنا شفت عتمان الاسيوطي
رازي : شوفتيه فين ؟
قصت عليه ما حدث وبعد أن انتهت
قال رازي : خدي اي طبق من المطبخ واطلعي خلي يدوق وحطي السماعة دي من غير ما يحس في الهدوم اللي هيلبسها بالليل
تحركت خطوة لكن رازي قال: ملك خليكي حذرة انا معاكي
هزت رأسها بتوتر
وبالفعل ذهبت إلى غرفة عتمان الاسيوطي وتصنعت الدلال حتي استطاعت أن تضع جهاز التنصت في جلبابه
توجها إلي حيث دلهم الرجل التابع لهم من رجال عتمان على مكان البضاعة التي ستوزع على جميع نوادي مصر ..
فتح رازي الباب وجدوا اطنان من الافيون الابيض المعبأ في أكياس
نظرت ملك بزهول قائلة : ياااه يا باشا وأنا أقول السكر شاحح ليه اليومين دول في السوق وغلى ومحدش لاقي ، بقى المجرمين دول مخبين السكر هنا
كان رازي ينظر اليها مزبهلا لقد شرح لها المهمة بالفعل لقد كان اسم المهمة( السكر المفقود )كتمويه
وفجأة وقبل ان يتحركا انش واحد هجم عليهم رجال عتمان
اخذ رازي يسدد لهم الضربات ويطلق عليهم الاعيرة النارية
وملك أيضا لم تقصر لقد قامت بواجبها تماما
تسلل رازي إلى الخارج وتبعته ملك لكن اوقفها صوت عتمان ومعه رياض المنشاوي الممول الأكبر للمشروع والتابع لمنظمة إرهابية تحاول النيل من مصر
قال عتمان : ايه يا باشا باعتلي بت غبية تحط السماعة في جلبيتي لقيتها حاطاها عند رقبة الجلبية ليه هاغني في ستار ميكر إياك
وقبل ان يأخذ اي اجراء كانت ملك مصوبة سلاحها تجاه عتمان واصابته بالفعل فوقع ارضا ، نظر لها رازي بصدمة لقد تصرفت خطأ
لكنه يجب أن يدافع عنها أشهر سلاحه على ابن رياض المنشاوي الذي كان مصوب سلاحه على ملك
قال رازي بشر : هتضربها هاخلص عليه
على حين غرة امسك رازي بيد ملك كانا على حافة الشرفة وقبل ان يهبطا اطلق المنشاوي على ملك فأصابها في ذراعها مما دفع رازي ان يطلق على رأس ابن المنشاوي لكن دون قصد لم يرد ان يقتله كان يدافع عن ملك .
صرخت ملك وقفز بها رازي كانت قد أتت شرطة مكافحة المخدرات وداهمت المكان حمل رازي ملك التي كادت تفقد الوعي
قال رازي بأعين تشتعل من الغضب : اخلص بس اللي في أيدي وهارازي فيكي لحد ما يبانلك صاحب
وضع رازي ملك في السيارة وتوجه إلى المنشاوي كاد ان يهرب لكن لحقه رازي وقال : surprise ، أنا جيت
توقف المنشاوي وكانت الدموع تغزو عينيه على فقيده الوحيد
اقترب منه رازي وقال : بخ معاك الرزاي اللي هيرازي فيكم كلكم
رد المنشاوي وقال : اللي حصل انهاردة دا هخليه اسود ذكرى ممكن تفتكرها
ضحك رازي بتهكم وقال : سودة عليك وعلى امثالك
استسلم له المنشاوي وتم القبض عليه كرجل إرهابي، اما الباقي فقد اخذتهم شرطة مكافحة المخدرات
عادت ملك للحاضر وهي تسرد ببساطة شديدة : والحمدلله انا بقيت زي الفل اهو
ردت ملك بملل من كل تلك القصص التي لا دخل لها بها
وقالت : أنا ما عرفتش اي حاجة عن الحادثة برضو يا مدام ولا عرفت اللي في الصورة دي تطلع مين وليه رازي بيكرهها
وقبل ان تكمل حديثها صدح صوت من الخارج : أنا قلت مية مرة ماحدش يدخل هنا
قبض على ذراع قدر وقال من بين أسنانه : انتي مابتفهميش الكلام ليه انا مش قلتلك ما تدخليش في اللي مالكيش فيه
تجمدت مكانها ولم تستطع ان تنطق بحرف واحد كان ذراعها يؤلمها كثيرا
تدخلت ملك مسرعة : هي مالهاش ذنب انا اللي طلبت منها تيجي معايا
اكملت بخجل : إنت عارف انا بحب اتفرج على المكان قد إيه
رمقها سيف بنظرات معابتة وقال : المفروض انك تسمعي الكلام يا ملك صح
هزت رأسها بحزن وقالت : أنا آسفة يا رازي اني دخلت بدون اذن
تركهم رازي جميعا وخرج إلى حيث لا يعلمون أين ذهب
____________________________________
دقات متتالية على باب شقة الاستاذ عبد الناصر
فتح الباب لتتبدل ملامحه إلى الصدمة والغضب معا ضيق عينيه وقال : منال ؟
تابع بجمود : العنوان غلط يا مدام
منال بدموع انكسار : ازيك يا عبد الناصر
لم يرد لكنه سألها : جاية ليه ؟؟!
منال : مش هتقولي اتفضلي انا عارفة ان فاطمة مش جوا
رد هو _انتي مالكيش مكان في البيت دا ووجودك غير مرحب بيه يا منال .
هم ليغلق الباب في وجهها لكنها قبضت على الباب وسقطت دموعها وقالت : ممكن ادخل شكلي كده وحش الناس طالعة ونازلة ، أنا محتاجة اتكلم معاك قبل فاطمة ما تيجي
اشار بيده ليسمح لها بالدخول فليس هناك خيار اخر أمامه ، دلفت الشقة اخذت تنظر يمينا ويسارا وفي كل الاتجاهات ، دهامها شعور الحنين فكرت ، كم كنت غبية حين خلعت عبائتي وركدت خلف السراب تاركة حياتي الهادئة بين جدران تلك الشقة المتواضعة
قال : اتفضلي
جلست بهدوء تزيح عبارتها وقالت : انا شوفت فاطمة انهاردة ، من شهر تقريبا وانا بقف اراقبها من بعيد لكني ما تحملتش اكتر من كده وقابلتها واتكلمنا
عبد الناصر رد مسرعا بغضب : اوعي تكوني قولتي لها انك امها
هزت رأسها نافية ان تكون قالت هذا
تابع هو بارتياح : اظن دا كان اختيارك لوحدك يا منال وانتي اللي لازم تتحملي عواقبه ، واظن فاكرة كويس لما قررتي تنفصلي غصب عني عشان ابن المدير عشمك أنه بيحبك وعايزك ، فقررتي من نفسك ترمي بنتك وتتخلي عن جوزك ، واديكي شوفتي النتيجة ممدوح الصاوي بعد ما هد حياتك اتجوز الجوازة اللي تليق باسم عيلته ، مبسوطة دلوقتي وانتي .... بتر كلمته لأنها جارحة لها
شهقت من شدة البكاء وقالت : عشيقة ممدوح صح
صاحت بانفعال : ندمت ، يا ريتك كنت رفضت ، ياريت كنت ضربتني ، حبستني ، وماكنتش وافقت انك تطلقني انا كنت صغيرة ومش فاهمة حاجة
عبدالناصر بانفعال : مستحيل اخليكي على زمتي بعد ما بصيتي برا وفضلتي حد تاني عليا ، أنا راجل وعندي كرامتي ، نهايته بقى دي مواضيع قديمة عايزة مننا ايه ، ابعدي عن بنتي يا منال فاطمة أنقى من أنها تعرف ان واحدة زيك تبقى والدتها
مسحت عبراتها وامسكت يد عبد الناصر طأطأت لتقبلها وهي تقول : ابوس ايدك يا عبد الناصر سامحني نفسي ارجع اعيش معاكم تاني ، انا عايزة اعيش مع بنتي مش قادرة ابعد عنها خلاص ، من وقت ما رجعت مصر وانا مش قادرة اتخيل ان بنتي قريبة مني وما اشوفهاش ، هابقى خدامة عندك يا عبد الناصر
بالكاد استطاع أن يحرر يده من قبضتها استقام واقفا لينهي ذلك الحوار البغيض بالنسبة له
وقال : من غير اسف يا منال اللي انكسر عمره ما بيتصلح واللي بيبع مرة بيبيع الف مرة، قدرتي تبعدي السنين دي كلها ، واحنا كمان قدرنا على البعد دا ،اظن ماحدش محتاج للتاني ، اتفضلي ارجعي المكان اللي جيتي منه ..
اسرع ليفتح لها الباب تحركت تجاه الباب ولكنها قالت : اسمع يا عبد الناصر بنتي من حقها تعرف ان امها لسة عايشة
رد عبد الناصر بتهديد : من مصلحتك انك تبعدي عن بنتي ومن مصلحة فاطمة انها تفضل معتقدة ان امها ميته ، ابعدي عن حياتنا
أنهى كلامه وأغلق الباب في وجهها
____________________________
بعد أن خيم الليل على القصر كانت تنتظر في الشرفة بقلق فهو لم يعد حتى الآن حتى لم يودع ضيوفه فجأة لمحته عائد وهو يمتطي حصانه هبطت مسرعة تعتذر
وقفت في الردهة وقبل ان تنطق بكلمة واحدة اقترب منها بهدوء وقال :كنتي بتقولي عايزة تعرفي ايه؟؟ مين اللي في الصورة مش كده ؟؟
هزت رأسها ببراءة بنعم ..
وفجأة تحول لكتلة من الغضب ركل المقعد المجاور لها فصرخت ووضعت يدها على فمها من الصدمة حينما نطق هو : دي تبقى مراتي ..