رواية اختلاج روح
الفصل الثالث والرابع
بقلم لولي سامي
انتبه والد جودي لما تقوله والدتها وأخذ يضيق عينيه ثم قال
اشرف باستفسار/قوليلي يا بنتي ايه اللي وصل الموضوع لكدة؟ انتي قصرتي في ايه مع جوزك وقولي كل حاجه بصراحة علشان على أساسها اعرف اتصرف .
سمية بعصبية/تتصرف في أي يا حاج بتقولك اتطلقت يعني مبقاش فيها تصرف ده تقوم تلم هدومها وفي بيتنا نتكلم ونشوف نربيه ازاي؟ هو فاكر نفسه ايه؟ بكرة يتمني ترابها يالا يا بت قومي معايا.
اشرف بهدوء وتروي/استهدي بالله يا حاجه مينفعش الكلام ده نسمع بنتنا الاول وبعدين نشوف هتعمل ايه ؟ مش يمكن تكون غلطانة؟
شهقت سميحة /غلطانة...غلطانة يقوم يطلقها! ليه يعني ملهاش أهل يقولهم بنتكم غلطت ولو لاقناها غلطت نعرفها غلطها؟
اشرف /طب ممكن تهدي شوية علشان اسمعها يا حاجة. ووجه نظره لابنته/ ما تنطقي يا بنتي عملتي ايه ؟ولا ايه اللي وصل الموضوع بينكم للدرجة ده ؟
جودي بابتسامة سخرية /معملتش حاجه غير اني حاولت ابعد جوزي عن العقربة اللي لفت حواليه ومكنتش متخيلة أن الموضوع هيوصل لكدة.
اشرف باستفسار/ عقربة ايه فهميني من الاول ينوبك ثواب مش تجيبي من الاخر.
جودي باسترجاع/من فترة حسيت جوزي متغير اه طبيعة شغله يتاخر بس لا ده بقي بيتأخر بزيادة . وعلى طول سرحان كان دايما بيسأل عليا أو على ابنه أو يتصل حتى لو مرة في اليوم فجأة مبقاش يسأل خالص ولما اسأله يقولي مشغول وحسي بيا والكلام ده بدأت اعذره واسيبه براحته وبعدين لاحظت مكالمات كتير بتجيله حتى في عز النوم يقوم يرد على الفون بره ويرجع تاني يتسحب علشان ميحسسنيش أنه قام من جنبي وفضل كدة فترة وانا بحاول اكدب احساسي واقول اسر عاقل وبيحبني وبيحب بيته وابنه لحد ما في مرة بالصدفة ابنه طلب منه الفون يلعب بيه ادهوله ودخل الحمام ياخد شاور وانا كنت بالمطبخ بجهز الغدا والولد جه يلعب جنبي وبعدين اللعبة راحت منه اداني الفون علشان اجبهاله وانا بدور في الفون على اللعبة لاقيت رسالة ظهرت قدامي مكتوب فيها انت فين يا بيبي وقلوب حمراء انا اتخضيت وشكي اتاكد أن في حاجة أديت الفون لابني وعقلي مشوش مش عارفه اسأله ولا اراقبه من بعيد وفعلا بدأت اراقبه واروحله الشغل مفاجأة ولما روحت له في مرو لاقيت واحدة في مكتبة عرفني عليها انها عميلة وعايزة رسم هندسي للفيلا بتاعتها وبقي كل لما اروحله الاقيها معاه طبعا كانت بتحصل خناقة لما نروح بس في مرة وانا عنده مقدرتش امسك نفسي لما سمعتها قبل ما ادخل وشوفتها ...لما شوفتها.. ووضعت يدها على وجهها وبدأت في البكاء وكأنها تري المنظر مرة اخري وقالت/ شفتها قاعدة على رجله وكانوا واجهشت بالبكاء
Flash Back
فتنة وهي تجلس على قدم اسر وتضع يدها حول عنقه وتنظر لعينيه /ها يا بيبي هتيجي تطلبني امتي ماما بتسال كل شوية
اشرف بتيهه من جرأتها ونظر على شفتيها وقال / الوقت اللي تؤمري بيه يا حبي ثم التهم شفتاها وكأنهم فاكهته المحببه ويداه تتحسس مفاتنها وهنا دخلت جودي عند استماع اهاتهم
جودي بدهشه وقد جحظت عينيها وتسمرت مكانها لبضع ثواني مما رأته ثم انطلقت بسؤالها صارخة/ انتوااااا بتعملوا ايييه؟ معقول انت يا اسر انت تعمل كدة وظلت تصرخ
انتفض كل من اسر وفتنة وانطلقت فتنة تغلق باب المكتب وأسر أخذ جودي يهدأها /بس يا جودي ايه اللي بتعمليه ده احنا في الشركة متعليش صوتك.
جودي بصوت عالي /في الشركة دلوقتي عرفت انك في الشركة وكنت بتعمل ايه من شوية في الشركة
وضع اسر يد على فمها والاخري خلف رأسها حتى يتحكم برأسها واخذ ينظر لها بمتسع عينيه /شششششش فتنة روحي انتي وهنتكلم بعدين واقفلي الباب وراكي
انطلقت فتنة تخرج من المكتب وجدت حشد من الموظفين يتجمعون أمام المكتب ينظرون لها نظرات مخزية خرجت من بينهم ولم تبالي لأحد .
وأسر بالمكتب مازال يضع يده على فمها وينظر لها وهي تحرك راسها يمينا ويسارا لا تعرف هل لعدم تصديق الموقف ام لرفضها كل ما سيقوله حتى نطق هو /كل اللي عملتيه ده حسابه عسير، لينا بيت نتحاسب فيه يا هانم هشيل ايدي لو صوتي ولا عملتي شوشرة اكتر من كدة انتي حرة
ثم سحب يده من على فمها وهو ينظر لها نفس النظرة المرعبة لم تراها منه من قبل ثم استقام وجمع ملتزماته من مفاتيح السيارة والتليفون الخاص به وقال لها /قدامي هننزل من الشركة على البيت مسمعش نفس لحد ما نوصل للبيت وبالفعل خرجا من المكتب وجد كل من بالشركة يتجمع أمام باب مكتبه نظر لهم غاضبا ثم قال لهم بصوت عالي/ كل واحد يتفضل على مكتبة بسرررررعة .
وانطلق يخرج من الشركة بخطوات أشبه بالركض وهو يسحب زوجته كالشاه وهي مستسلمة له لم تستوعب ما وصل له زوجها وقرة عينها.
ركبا السيارة وكل منهم على حاله ولكن شتان فهو حاله كان عبارة عن ترتيب افكاره وردودة وتوقعات ردها.
وهي حالها عدم التصديق ومحاولة الخروج من الكابوس فهي كانت تظن أنها بكابوس وعليها أن تستيقظ منه فكانت جاحظة العينين في حالة من التيهه حتى فاقت من شرودها على صوته يقول لها وهو ينظر امامه /اتفضلي اطلعي الشقه هركن العربية وجاي
نظرت له ثم أومأت برأسها وخرجت من السيارة وصعدت لشقتة جارتها اخذت ابنها منها وجدته نايم فتوجهت الي شفتها وارقدته بسريره وجلست تنتظر زوجها لربما كل ما حدث ليس حقيقيا حتى وجدته يدخل من باب الشقه الذي اغلقه بكل هدوء فتنهدت واحست انها حقا استيقظت من كابوسها ولكن أخطات عندما راته ينظر لها وهو يضيق عينيه ويقول لها /ها ارتحتي دلوقتي بعد ما فضحتيني ؟ تفتكري أنا كدة هبعد عنها؟ تبقي غلطانة. اللي عملتيه ده ملوش غير حل واحد وهو اني اتجوزها وبسرعة كمان بس بدل ما كنت هتجوزها في السر دلوقتي اضطرتيني اتجوزها في العلن والكل لازم يعرف .
استقامت جودي من على سرير ابنها ووقفت أمامه تنظر له وبصوت مهزوز تقول/قولي اللي شوفته ده مكنش حقيقي قولي اني كنت في كابوس مش ممكن اسر اللي حبيته يعمل كدة
اسر بكل هدوء / انا عملت ايه انا استعملت حقي اعتقد من حقي اتجوز لما احتاج ده.
جودي بعدم تصديق وعدم استيعاب بكلماته/لما تحتاج !لما تحتاج ايه ؟ مانت متجوز .
ضحك اسر وذهب يجلس على الأريكة بالصالة ووضع قدم فوق الأخري وقال/اعتقد انا اللي احدد إذا كنت محتاج ده ولا لأ.انا محتاج حد يعوضني عن المحروم منه.
ذهبت جودي تقف أمامه تحاول اثناءه عن ما برأسه / وهي ده اللي هتتجوزها علشان تعوضك عن اللي محروم منه معايا! معايا انا يا اسر ؟ده مبتحبكش لا يمكن تكون بتحبك .ده بتستغلك وبتضحك عليك .
استقام اسر أمامها وبابتسامه خفيفة /ليه شايفاني عيل صغير هتضحك عليا
جودي تمسك يده / لا شيفاها متمرسة وعارفه هي بتعمل ايه ،
اسر فوق لنفسك علشان خاطري وعلشان خاطر ابنك احنا بنحب بعض من زمان واتجوزنا واستحملنا الحلو والوحش مع بعض مش ممكن تكون نسيت حبنا .
أفلت اسر يده من يدها واستدار ليعطيها ظهره وكأنه يهرب من نظرات عينيها التي تحاصره / والله انتي بمجيتك ليا المكتب واللي عملتيه ملوش غير حل من اتنين يا تقبلي اتجوزها وانتي معايا يا تتطلقي وهتجوزها برضه.
ذهبت جودي لتقف أمامه غير مصدقة لما نطق/ مش ممكن اللي بتقوله ده .مش ممكن انت عايز تتجوز عليا ؟
انا لا يمكن اقبل بكدة انت فاهم لا يمكن اقبل.
اسر بكل هدوء وكأنه اتخذ قراره/خلاص براحتك انا خيرتك وشكلك اخترتي
انتي طالق
Come back
وارتمت جودي بحضن والدها بعد أن سردت كله كل ما حدث واوضحت أن خطأها كما أوضحه اسر لها أنها عندما صعقت من منظرهم بأحضان بعضهم غضبت وثارت وكأن هذا ليس بحقها واخذ والدها يربت على ظهرها وهو بداخله جحيم لهذا الأسر الذي يضحي بكل نعم الحياة من اجل ساقطة أجل أنها ساقطة لا يوجد من تفعل كل هذا قبل الزواج حتى ولو روحها بيدي من تحب.
وأخذت والدتها تسب وتلعن بهذا الأسر وكيف ستذيقه من العذاب حتى يتسني له رؤية ابنه وزوجته حتى نطق والدها
/ اسكتي يا حاجه الله يرضي عنك موقف زي ده محتاج اللي يهدي مش اللي يشعلل.
سمية/اهدي ايه وإشعلل ايه مسمعتش يا حاج اديك كنت عايز تعرف مين الغلطان عرفت دلوقتي مين الغلطان؟ انا لا يمكن اسكت عن حق بنتي، هو فاكرها ايه ياخدها شوية ولما يزهق ويشوف غيرها يرميها؟
اشرف وهو يحتضن ابنته/ لا حول ولا قوة الا بالله العلي العظيم مين قال بس هنسيب حق بنتنا بس برضو الراجل معذور لقي اللي تلف عليه وهو مطمئن من ناحية بنتك أنها موجودة وملو ايده اتعامل بطريقة المباح متروك والممنوع مرغوب واحنا هنعامله بنفس الطريقة ولازم نرده ردا جميلا أن شاء الله حتى يقضي الله أمرا كان مفعولا استهدي بالله يا بنتي وقومي اغسلي وشك وفوقي كدة وتعالي هقولك هنعمل ايه.
سمية / هي لسه فيها عمايل يا حاج ده
قاطعها اشرف / حااااجة ينوبك ثواب قومي اعملي لبنتك كوباية لموناته تروق بيها دمها وسندوتشين وتعالي هنتكلم
..............................
ولحد هنا ونقف واسالكم ايه رايكم في كلام الحاج اشرف ؟
وتفتكروا هيحل المعضلة ده ازاي ؟؟
هيصغر بنته ولا هيعززها؟؟
وطبعا منتظرة رأيكم زي معودتوني عن البارت ومناقشتكم انطلقوا يا احلي فانزات ❤️❤️❤️❤️
#اختلاج_روح
#لولي_سامي
البارت الرابع
اخذت فتنة تتراقص على اوتار قلب اسر قبل أن تتراقص على الاستيدج وأسر مأخوذ بجمالها وتلاعبها به وكأنه هو من يريد هذا حتي هلكا سويا من كثرة الرقص وتكلمت فتنة بصعوبة من بين نهجانها /كفاية كدة دلوقتي مش قادرة تعبت خالص تعالي نقعد شوية.
اسر بنهجان /تعالي يا قمر نريح شوية لحسن فعلا مش قادر.
وذهبا ليجلسا بجوار احمد
اسر/ايه يا احمد مجتش ترقص ليه وفين معتز؟
احمد بنصف ابتسامه/قولت اسيبلك الملعب يا باشا شوية الليلة ليلتك انت ولا ايه يا تونة؟
وكان احمد أثناء حديثه يمد قدمه من أسفل المنضدة حتي وصل لقدم فتنه أمامه جحظت عين فتنه وتحدثت بتوتر /ها معلش مخدتش بالي بتقول ايه يا احمد؟
احمد بابتسامة من الجنب /مالك بس يا تونة فرحتك بالخطوبة توهتك كدة! لا فوقي كدة ده اسر باشا عايزك بكل تركيزك ولا ايه يا اسر؟
كل هذا ومازال قدمه تتلاعب بقدمها من أسفل المنضدة
اسر وهو ينظر لفتنة ويمسك يدها /طبعا أنا عايز فكرها وقلبها كله معايا.
ثم قبل يدها ووجه نظره لاحمد /مقولتليش يا احمد خلصت ديكورات شقة فتنة ولا لسه علشان متخليهاش تزعل مني اني وصفتلها شركتكم.
احمد بابتسامة / وانت يعني وصفتلها شركتنا حبا فينا ؟ ده لولا المدام عندنا مكنتش عبرتنا .
اسر / مانت مديتدش المشروع للمدام واخدته لحسابك.
احمد /يا بجاحتك يا اخي بدل ما تشكرني اني مبعتهاش للمدام كان زمانك مقفوش من بدري.
اسر بتجهم/ على رايك واديني اتقفشت في الاخر . ما علينا قولي صحيح فين معتز مشي ولا ايه كان موجود على الاستيدج وفجأة ملقتهوش!؟
احمد وهو ينظر لأسر بنظره لعوبه وغمز بعينيه/معتز راح يسخن ثم نظر تجاه فتنة وأكمل/عقبال ما اروحله .
ثم وجه نظره لأسر باستفسار/مقولتليش يا اسر هتعمل ايه مع مراتك شكلك بيقول أنها عرفت صح؟
اسر بتنهيدة ضيق/عرفت وطلقتها .
احمد بصعقة اعتدل بجلسته/ معقول حصل امتي ده
اسر بضيق ظاهر/النهارده .
فتنة محاولة تغير مجري الحديث/جري ايه يا احمد انت هتحتفل بينا ولا هتنكد علينا سيبونا من السيرة ده بقي يالا اطلبلنا حاجه نشربها
احمد / بس كدة عيوني طبعا الليلة ده كلها عندي .
اسر بضيق/طب يا جماعة هروح الحمام وجاي .
ذهب آسر الي الحمام وغسل وجهه وكأنه يريد أن يستيقظ من ما به ثم نظر أمامه بالمرأة يحاسب ذاته فتحدث مع نفسه/اللي انا عملته ده صح ؟ اه صح حقي بقي وهي كمان بقت مشغولة عني كتير وانا من حقي اعيش مش هقضي عمري كله شغل وبيت ده النهارده بس حسيت اني عايش
ثم تنهد وغسل وجهه مرة أخري وكأنه يريد إزاحة شئ ما من عليه وخرج لهم
.................................... ......
في منزل جودي غسلت وجهها واعدت لها والدتها بعض السندوتشات وعصير اليمونادة وجلستا هي ووالدتها بجوار والدها
سمية بحيرة/ ها يا حج قولتلنا اصبروا وادينا صبرنا وانا اصلا مش عارفه احنا قاعدين ليه لحد دلوقتي هنا !؟
اشرف/ اصبري يا حاجه لما البت تاكل وتشرب العصير .
وأخذ يربت على ظهر ابنته / كلي واشربي يا حبيبتي وان شاء الله محلولة متخافيش
جودي بتصوف/مش عايزة حاجة يا بابا مش قادرة بصراحة.
اشرف /معلش يا بنتي كلي، الاكل ملوش دعوة بالزعل كلي وهتتحل أن شاء الله.
بعد فترة وجيزة أنهت فيها جودي ساندوتش واحد وكوب العصير تحدث اشرف/طيب مش هضغط عليكي اكتر من كدة بس اللي اقوله مش عايز حد يعارضني فيه ولا يقاطعني لحد ما اخلص كلامي .
ثم أخذ نفس عميق وأخرجه ببطئ ونظر لابنته ثم قال/بصي يا بنتي كل چواد وله كبوة وجوزك غلط مش مغلطش بس واجبنا نحوه نفوقه ونرجعه سهل جدا اني اقولك لازم تطلقي وتاخدي حقك تالت ومتلت بس خراب البيوت مش بالساهل، في بينكم بيت وابن لازم نحاول ونعمل كل اللي في أيدينا علشان ترجعوا تعيشوا مع بعض ويعيش ابنكم بينكم، الحياة عثرات وياما هتقابلكم مشاكل مش تعيشي معاه على الحلوة واول ما يغلط تقطعي الحبل اللي بينكم وكلامي ده مش معناه أنه مغلطش ولا غلطة صغير بالعكس ده غلط وغلط جامد جدا بس مين فينا مبيغلطتش ولا مين فينا ملوش نقطة ضعف، وزي ما عيشتي معاه على الحلوة لازم تحاولي تعدي معاه الأزمات ولو غلط تفوقيه مش تسبيه في نص الطريق.
ثم تنهد وأكمل/ عارفه لو اسر واحد بتاع نسوان وكل يوم والتاني نلحق عليه مكنتش قولتلك كدة ابدا ساعتها الوضع هيفرق بس اللي اعرفه ان اسر انسان خلوق وكويس وده ملوش غير معني واحد أن اللي معاه دي عارفه بتعمل ايه كويس علشان توقع واحد زي ده ،ولا انا غلطان وانتي تعرفي حاجه عن اسر ومش عايزة تقوليلي؟
نظرت جودي للاسفل قائلة/ لا خالص يا بابا انت صح فعلا اسر كويس جدا ومش بتاع ستات وهو ده اللي خلاني مستغربه اللي انا شوفته في مكتبه وهي على رجله عمره ما كان كدة.
اشرف /يبقي انا تحليلي صح وانتي لازم تشوفي حقك فين وتاخديه مش حقك في عفش وشقه وكلام فاضي لا ،حقك في اسر لازم ترجعيه أو على الأقل تحاولي ترجعيه وتفوقيه وانا عارف بنتي عنيدة في حقها واكيد مش هتستسلم وتسبيه لوحده زي دي واكيد كمان مش هتسبيه لحد ما يفوق بعد فوات الأوان ساعتها هيكون صغر في نظرك وهو جايلك مكسور واعتقد متحبيش تشوفي جوزك مكسور ولا ايه؟
سمية بقطع حديثه وباستفسار/انت قصدك ايه يا حاج عايزنا احنا اللي نتحايل عليه ونقوله بيتك وابنك والكلام ده لاااا دانا بنتي عزيزة اوي .
تنهد اشرف ونظر لزوجته بصوت هادئ/مش انا قولت مش عايز حد يقاطعني يا حاجه؟ ثم انا عمري مرخص بنتي ولا هنتذل لحد بس برضو ده حقه وحق حفيدك علينا علشان نبقي حاولنا معاه مش محاولناش.
سمية بعصبية/بس يا حاج.....
ليقاطعها اشرف برد قاطع ونبرة حادة/حااااجة لو سمحت سيبيني اكمل كلامي.
والتفت اشرف لابنته التي أصبح عقلها مشوش لا تعرف ماذا عليها أن تفعل .
ثم تكلم اشرف لها/بصي يا بنتي الراجل مننا مبيجيش بالعند هتعاندي وتقوليله يانا يا هي؟ في الحالة ده هيختار هي ومتقوليش أنه رخصك لا هو في الحالة ده مش بيعمل مقارنة اصلا ،هو بيعاند للمعانده ليس إلا، هتقوليله متجوزهاش أكنك بتقوليله اتجوزها .انا عارف ان مخك مشوش وطبيعي مش هتبقي في كل الهم ده وتفكري بالعقل والمنطق علشان كده قولتلك لازم نهدي علشان منهدش كل حاجه في لحظة تهور ولازم تعرفي أن خصمك قوي واكيد عنده من الخبرة في مواضيع الرجال مش عندك وإلا مكنتش عرفت توقع واحد زي جوزك والمفروض أنه ملتزم ومحترم فخلي النقطة ده في بالك دائما علشان اللي جاي هيعتمد عليه.
جودي بعزة نفس/مفيش جاي خلاص يا بابا مفيش جاي انا لا يمكن اسامحه ده استغفلني وخان ثقتي فيه.
وأخذت تبكي مرة أخري ثم أكملت بنحيب/ طعم الخيانة وحش اوي يا بابا وحش اوي.
أشرف بصبر وطولة بال أخذ يربت على قدمها /علشان كده يا حبيبتي لازم تاخدي حقك ولازم يكون في جاي بس اللي جاي يكون ليكي انتي ،ومتخافيش احنا معاكي أي أن كانت النتيجة احنا معاكي، بس اسمعي كلامي ودوريه في عقلك.
انتي دلوقتي هتقومي تغيري هدومك لأحسن حاجه عندك وتحطي ميكياج وكأن حاجه محصلتش واحنا هنروح بيتنا
سمية بعصبية/ايه اللي بتقوله ده يا حاج البت اتطلقت وهتسيبها مع طليقها!؟
اشرف بعقلانية/البنت لسه متطلقتش يا حاجه هنمشي خطوة خطوة ممكن تكون ذلة لسان وطلعت منه عفوا لو وقفنا على الغلطة هنعلي الموضوع ويكبر ومنعرفش نلمه.
ثم التفت لابنته/استهدي بالله يا بنتي الموضوع محتاج صبر وحكمة متتسرعيش انتي لسه على ذمته وممكن تكون ذلة لسان ومش معني كلامي أنه مش هيتعاقب لا احنا هنسويه على نار بارده ووقت ما يعرف غلطه ساعتها ناخد حقنا تالت ومتلت
جودي بحيرة/ازاي يا بابا بس
اشرف /بصي يا بنتي وانتي يا حاجه يا مقموصة علشان زعقت فيكي بس دورك ضروري في اللي جاي .
سمية /اللي انت عاوزه يا حاج.
اشرف/علشان نعرفه غلطه لازم يعرف ويقدر مقدار الخسارة اللي هتحصله مش بالكلام بالفعل انتي دلوقتي يا بنتي يعتبر حسب الشرع طليقته وفي فترة عدة وفترة العدة المفروض الست متخرجش من بيت جوزها وتفضل قدامه كدة لعل وعسى ربنا يرد النفوس لبعضها اعمالا لقوله تعالي بسم الله الرحمن الرحيم (يا أيها النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَبَّكُمْ لا تُخْرِجُوهُنَّ مِنْ بُيُوتِهِنَّ وَلا يَخْرُجْنَ إِلَّا أَنْ يَأْتِينَ بِفَاحِشَةٍ مُبَيِّنَةٍ وَتِلْكَ حُدُودُ اللَّهِ وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ لا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا) [الطلاق:1] صدق الله العظيم.
بس طبعا مينفعش نسلم على طول احنا هنعمل بمقولة الممنوع مرغوب وانتي هتكوني قدامه طول فترة عدتك وهي ٣ اشهر بس ممنوعة فهماني يا بنتي ولا أوضح اكتر ؟
جودي بكسوف/ فهماك يا بابا
اشرف يكمل/ ده شرعا لكن بالنسبة للقانون لسه مراته علشان مطلقكيش رسمي بورق قانوني وده اللي هنلعب عليه شوية يعني انتي دلوقتي هتقعدي مش هتجيبي سيرة طلاق لو رجع عن اللي في دماغة كان بها وهنشوف هنعمل معاه ايه علشان بس يردك مرجعش وطلقك رسمي خلاص هتكملي عدتك في بيتك وهو يشوفله مكان تاني ويمكن ساعتها يقدر أنه مش خسر ست بس هيجيب غيرها لا، ده خسر ست بتحبه وتقدره وابنه اللي مش هيشوفه يكبر قدام عنيه وبيته اللي مسؤول يجيب غيره ويوفرلك ويوفر للجديدة مسكن وانا يا بنتي مش برخصك ولا برميكي ده شرع ربنا اللي كلنا غافلين عنه وعلشان كده المشاكل بتكبر .
انا ممكن اقولك بيت ابوكي مفتوح واكيد بيتي مفتوح بس هو كدة خسر ايه لما يرجع يلاقي شقته موجودة وممكن يجيب فيها الجديدة كمان
جودي /بس هو ممكن ميفهمش كدة يا بابا ويفتكر اني برمي نفسي عليه
اشرف / والله لو مفهمش نفهمه يوم ما يقولك حاجه انا موجود اتصلي بيا بس وقوليله انا قاعدة في بيتي وبيت ابني ولازم يعرف كمان انك حاضنة يعني لازم يهيألك مكان ليكي ولابنك حتى لو طلقك لازم يعرف ده يعرف أن مسؤلياته نحوكم منتهتش بالطلاق وده كمان في شرع ربنا واعرفي أن ربنا عمل كل حاجه لحكمة
جودي /حاضر يا بابا اللي تشوفه وانا دايما بثق في رايك.
اشرف /احنا هنروح دلوقتي وكويس أن ابنك نايم مشفناش واكنك مقولتليش علشان لو عرف انك قولتيلي لازم ادخل واحسم الموقف وانا مش عايزه يتحسم دلوقتي لما نشوف اللي معاه دي هتوصل بيه لفين؟ ولو سالك اذا قولتلنا ولا لا قوليله لا حبيت استني لما تهدأ ونتكلم يمكن يتكسف من نفسه ويرجع عن اللي في دماغه حاولي تتكلمي بكل هدوء علشان متغلطيش يا بنتي.
ووجه نظره لزوجته /يالا بينا يا حاجه قبل ما يرجع ربنا يهدي النفوس.
وتوجه كلا من الوالد والوالدةالي منزلهم وتركوا جودي في حيرة من أمرها كيف ستهدا وتتعامل وكأن شئ لم يكن ؟كيف تتغاضي عن إحساس الخيانة الذي يمزقها من الداخل؟كيف تبتلع طعم الخيانه المر دون حتى التعبير عما بداخلها وبدأت في التفكير بحديث والدها فتذكرت كم كان زوج حنون ومسؤول قولا وفعلا كم مرت بينهم لحظات سعيدة كم كان بجوارها بجميع أزمتها ولكن ماذا لو لم تلتزم بقول والدها واسرعت بإجراءات الطلاق حفاظا لكرامتها هل سيسالها ابنها عندما يعي ماذا حاولتي لإنقاذ الحياة بينكم وهل من الممكن أن تتزوج بغير اسر وهل ستجد من يحبها ويحب ابنها كوالده وهنا فاقت من شرودها وقررت الخوض في الحرب ولكن هل ستعفو وتسامح أكدت لنفسها أنها لم تعفو ولن تسامح الا إذا كان يستحق هذا العفو وذلك متوقف على حال آسر نفسه هل سيفيق من غفلته ام سيصر على الخسارة.
استفاقت جودي من أمرها وقررت أن هدفها الوحيد هو ارجاع زوجها لها ولابنها وهو هدف يستحق التضحيه من أجله
توجهت جودي لدولابها لاختيار ملابسها بعناية ودهاء المرأة ينمو بداخلها وحل محل الغضب لتبدأ مع حبيبها ومعلمها الذي علمها الحب وكيف تعبر عنه. الذي علمها الحياه وكيف تتذوق نعيمها. وهي الآن تتعلم منه طرقا جديدة للحفاظ على هذا الحب كان هو أيضا ملهمًا لها فيه