رواية ذئاب لا تعرف الحب
الجزء الثاني2الفصل الثالث عشر13والرابع عشر14
بقلم نجمه براقه
فاطمة
بعد ما دورت في الصيدلية عن انتينال وملقتش رجعت عندهم وقولت ببغض
_ مفيش انتينال عندنا
تجاهل نبرت صوتي وتجاهلني انا كلي وقال وهو بيقوم
_ هنزل اجيب واجي
قالها ومشي وانا قعدت جمب بابا وقولت
_ عامل اية دلوقتي يا حبيبي
_ الحمدلله حبيبتي كويس ، شوية مغص وهيروحو لحالهم
_ ليه بس يا بابا ، يجرا ايه لو كشفت
_ ما انا كشفت عند عمتك ، قالتلي عندي مشاكل في القولون
_ طيب ومجبتش دوا ليه
_ نسيت الروشته هناك لما نروحلها هجيبها
_ الف سلامة عليك يا حبيبي
_ الله يسلمك ، بس مالك مش طايقة الواد ليه
قولت ببغض
_ علشان قليل الذوق
_ عمل ايه
_ ولا حاجه شكله كده مضايقني
غمض عينه بإبتسامة خفيفه حالمه وبعدين بصلي من غير كلام ف قولت
_ إيه
قال بإبتسامة
_ يعني لو طلب يتجوزك ترفضي
_ يتجوووزني!! ، بابا حبيبي متتكلمش علشان صحتك ، يتجوزني قال ، لا حول ولاقوة الابالله العلي العظيم ، استغفر الله العظيم من كل ذنب عظيماً
_ هههههه لدرجة دي
قولت بضيق نفس
_استغفر الله العظيم يارب هووووف ، الله يغفرلك يا بابا
_ هههههههه
_ بابا متضحكش ، يعني ازاي تقول كلمة زي دي ، بجد حاسة نفسي راح مني
_ هههههههه
_ هههههههه متضحكش ، انا اتجوز ده ، ريلي ريلي انا مكرهتش حد في حياتي قده ، ده كفاية انه بيكره النقاب انا فهمت كده من نظرته ليه اول مره ، ده من الناس اللي متخيلين ان بنت عاشت في امريكا يعني هيلاقيها مش لابسة هدوم ، اوه ماي جاد "
رمقني بطرف عين وزم شفايفه ف قولت بزهق
_ بابا بليز انا متنرفزة دلوقتي سيبني اتكلم براحتي
_ امممم
_ حاااااضر يا بابا حاضر
_ بس بردو هو شاب كويس ومحترم يمكن ملهوش كلام مع البنات مش لازم يكون كاره النقاب
_ لا كارهه انا فهمت كده من اول مره شوفته فيها ، ايني واي ...
قصدي مش مهم ميهمنيش يتحررررق بجاز وسخ
_ هههههههه هو لا ايني واي لأما جاز وسخ
_ هههههههه اعملك إيه طيب..
قضينا الوقت نهزر ونضحك لغيت ما جه وجاب مجموعة ادوية في ايده ودخل من غير ما يهتم ب مين فتحله وقعد جمب بابا خرج الادويه وبقا يشرحله هياخدهم ازاي وانا اتقدمت ناحيتهم وبقيت باصه ليهم وشيفاه وهو بيتكلم بثقة وكأنه فاهم في الطب ودكتور كمان حاولت اغض بصري عنه ومركزش معاه بس تعابير وشه وطريقته في الكلام وشكلة يجذبوا غصب وكنت كل ما ابعد نظري عنه ارجع تاني لغيت مابصلي وقال
_ بلاش اكل متسبك ، اكله يكون مسلوق ، وعلبة زبادي قبل ما ينام يتعشي بيها
_
_ وينسون ونعناع بقا...
مدتلهوش اي رد ف قال عاقد حواجبه ونظراته بتتفحص هيئتي
_ سمعاني! ، هوووي فين وشك من قفاكي انتي ، بصالي طيب ولا باصه الناحية التانية
منعت نفسي من الضحك علي جملته دي ف قال بابا بضحك
_ هههههههه ما تردي يابنتي لخبطتي الراجل
_ سامعه مش لازم ارد
_ طيب يا خالي خلي بالك من نفسك ومتنساش تاخد الدوا
_ متشكر يابني ، ربنا يكرمك
_ ربنا يشفيك ويعافيك يارب
كمل وهو بيوقف
_ الوقت اتأخر ولازم امشي ، الف سلامة عليك
_ لا مش هتمشي الدنيا ليل بات معانا الليلة دي والصبح امشي
_ لا ميصحش ، متقلقش عليه
_ اقعد بلاش سواقه في الوقت ده اقعد
_ والله مشـ......
قولت بنرفزه
_ ما تقعد ايه المناهدة دي
بصلي من غير كلام ف قولت
_ اقعد والصبح امشي كلها ست ساعات ويطلع النهار
_
_ في اوضة جاهزة عندنا مش هنومك في الصالون يعني وفي اكل هنفطرك، احنا بردو مصريين ونفهم في اكرام الضيف ، اقعد!!!!
اتنهد بزهق وقال
_ خالي اسف بس مش متعود ابات في بيت حد انا هطلع اقعد علي اي كافية يكون طلع النهار عن اذنكم
قال كده ومشي ف قولت
_ واااالله ما عنده ذرة ادب ، ايييه دة مش محترم حد
#بيجاد
ربنا خلقني خلقي ضيق ومكرهش في حياتي قد البنات الرغايه والثرثاره وكمان المنتقبات وسبحان الله جمع كل ده في بنت واحده وخلاها بنت خالي ، وبعد ما مشيت حمدت ربنا انهم ساكنين في محافظة تانيه وبكده هنقلل الزيارات ومش هشوف وشها كتير. اقصد مش هشوف نقابها كتير...
بعد ما طلعت من عندهم رجعت البيت علي طول ولما اتصل بيه في السكة قولتله وطبعا لام عليه وقالي ليه ف طمنته وقولته لما اوصل هكلمه وبالفعل اول ما وصلت اتصلت وهي اللي ردت عليه وقالت
_ خالك نايم عاوز ايه
اتنهدت بزهق وقولت
_ عاوز اطمنه اني وصلت
_ اوك
قالت كده وقفلت السكة في وشي ف قولت بنرفزه بعد ما رفعت التليفون لمستوي نظري
_ امريكانيه هتتربا ازاي ، جاكي قطر يدوس دماغك ، يديني خير قد ما بكرهكم وانا هكون اغني انسان في الدنيا
قولتها ف لقيت ماما بتبصلي وتقول
_ يكفينا شر لسانك يابني ، حرام عليك قطر يا جاحد
_ يا وفاء دي بنت مشافتش خمس دقايق تربية ، اقسم بالله العظيم ما شافت تربيه
_ عملتلك ايه ان شاءلله
_ ولا تقدر تعمل حاجه بس بجحه ولسانها طويل ، انتي عرفاني ااااكره ما عليه البنات الرغايه لا وكمان منتقبة
_ اه لو تشوف المنتقبة دي وجمالها ولا ذوقها في الكلام ورقتها
قولت بقرف
_ جمال وذوق ورقة نينينيننيي نينيني
_ ولد!!
_ فوفا فكك مش هتجوز بنت اخوكي
قالت بقرف
_ مين يتجوز مين ، هو حد قالك تجوزها ولا هي تبصلك ولا تعجبها اصلا
_ ياستي متبصليش ، وانا عاجب نفسي وبردو مش هتجوزها
مطت شفايفها بقرف وقالت
_ انت اهبل يابني. لا بجد انت اهبل مين قالك تجوزها ، طيب والله انا ما ارضاهالها
_ مترضلهاش تجوزني؟
_ اااه مرضلهاش
_ فوفا روحي شوفي جوزك الله يهديكي.، امشي بقا انا عايز انام
_ انت ولد مش متربي
_ يعني انتي فاكره لما تقوليلي مش متربي كده بتشتميني ، ما دي غلطتك انتي !!!!
_ صح دي غلطتتتي وانا هصلحها حالا
مسكت في دراعي وغرزت اسنانها فيه خلتني اصرخ والم البيت علينا ومفيش حاجة حاشتها عني غير بابا
#وفاء
رجعت الاوضه وبدر جه ورايا يقولي
_ طولي بالك يعني بيجاد غريب عنك
_ الولد مترباش يا بدر ، لسانه طويل وقليل الادب
_ بيهزر معاكي وبيحب ينكشك مانتي عرفاه
كمل بإبتسامة خفيفه
_ بيحبك قوي يا وفاء
_ وانا بحبه بس يحترمني شويه ده انا امه مش اخته ، ده بيناديني باسمي اكتر ما بيقولي يا ماما
_ طيب ما ده زين علشان ميكبركش
_ ههههههه يكبرني بس المهم يحترمني شوية يا بدر
كملت مغيره مجري الحديث
_ سامحنا صدعناك وطيرنا النوم من عينك ، يلا علشان تلحق تنام شوية قبل ما تروح الشغل
قرب مني خطوه حاوطني بأيديه وقال وهو بيتأملني
_ لا ، عاوز اقعد معاكي شوية
_ لما ترجع هنقعد بس انت منمتش خالص الليلة دي
_ مش مهم
قولت بإبتسامة
_ يعني مش هتروح الشغل مرهق وتعبان من قلت النوم
_ بقولك مش مهم
_ اممم عاوز ايه من الاخر
ميل علي ودني همسلي بكلمه ف قولت
_ ههههههه لاااا
_ اه
_ لاا
_ وانا قولت اه
قولت وانا ببعد ايديه عني
_ طيب نشوف مين هيفوز
قولتها وطلعت اجري من الاوضه وهو ورايا ف لقيت بيجاد في وشي بيبصلي ويبصله وهو مضيق عينيه وبيقول
_ امممم ، مالكم
بصينا انا وبدر لبعض ف قال
_ مااالكم ها مالكم بتجروا ليه
قال بدر
_ وانت مالك ، ايه موقفك هنا
_ اممم انا ماالي اه ، طيب ، انا كنت متضايق لوحدي وخلاص النور طلع ومفيش نوم ف كنت في حاجة ملحه لترابط اسري وعاوز اقعد معاكم شوية في في جو اسري جميل يملئه المحبه والدفيء ، بت يا جوووويريه تعالي نتدفا ابوكي وامك فاضينلنا شوية
بصيت لبدر وقولت بضحك
_ هههههههه خد اهو ابني اللي بيحبني ، يلا يا حبيبي ندفيكم
حط ايده علي كتفي وخدني معاه وقال وهو بيبص لابوه
_ مش هتيجي تدفا معانا ولا انت حران
همس في ودني وقال
_ صارحيني هو كان بيجري وراكي ليه
#خلود
صحيت الصبح مسكت التليفون ادور علي رساله من زيد ملقتش ولقيت بدالها رساله من رقم غريب ولما فتحتها لقيت صور ليه وانا في السوق وصور تانيه وانا في سوبر ماركت وفي الشارع ورسالة بيقولي فيها انا عارف انك قلقتي عليه لما اتاخرت عليكي ودي حاجه صغيرة يارب تعجبك.
قومت من مكاني مفزوعه حاولت اتصل بيه لكن مردش وبعد تفكير دام لاكتر من ساعة ملقتش قدامي غير اني اتصل بالبنت اللي بتساعدني واقولها وفعلاً اتصلت
#زيد
صحيت الصبح غيرت هدومي وطلعت من الاوضه علشان أفطر قبل ما ابتدي شغل ف لقيت خالتي ودادة امينة بيجهزوا فطور صبحت عليهم وطلعت من المطبخ وفي حاجة خلتني اركز مع اوضة خلود واتمني تطلع علشان انرفزها زي عادتي او يمكن كان فضول مني لتأكد من اللي شكيت في قبل كده مع اني حتي لو اتاكدت بردو مش هبادلها نفس الشعور .
ف رجليه خدتني لهناك مكنتش هخبط بس كنت عاوز اعرف صاحيه ولا نايمه وبعد ما وصلت حسيت بسخافة تصرفي اللي ملهوش معني ولقيت انه تصرف طايش ميلقش بيه ولا بأي انسان محترم وهميت عشان ارجع لكن استوقفني صوتها وهي بتقول
_ بيراقبني ، باعتلي صور ليه وانا في السوق وفي السوبر ماركت وفي الشارع
كلامها شد تركيزي ف قربت خطوه كمان وسمعتها وهي بتقول
_ انا مش عارفه الجأ لمين ، ومش عارفه لو لجأت لحد وبلغ ممكن يعمل فيه ايه... لا طبعاً منزلتش حاجة... منزلتش وخلاص ، الموضوع بقا اكبر من سرقة حساب ده مراقبني وحططني في دماغه
اتضايقت جداً لما فهمت انها كدبت عليه واتضايقت اكتر انها بتقول مش عارفه تلجأ لمين واحنا كلنا بنعتبرها واحده مننا ف مشيت وقعدت في الصالون وبعد ساعتين تقريباً بابا وبشر راحوا الشغل وبدر خرج يقابل ريان ودادة امينة راحت السوق وخدت خالتي معاها بعد ما خلود رفضت تروح واتحججت انها تعبانه وطبعا مكنش هو ده السبب هي مراحتش خوف من اللي بيراقبها وبعد وقت جت وفي ايدها القهوة حطتها قدامي وقالت في الوقت اللي انا مش طايق ابصلها
_ القهوة
مردتش ف قالت
_ القهووة
كملت في عدم الالتفات ليها ف قالت
_ في حاجة؟
استمريت في اللي بعمله من غير ما ابصلها ف قعدت وقالت
_ دكتور!
رمقتها بطرف عين ف قالت بتوتر
_ في ايه
_ ايه
_ ايه انت
_ مش عارفه في ايه
ارتبكت وهي بتقول
_ لا مش عارفه ، في حاجة حصلت
_
_ في ايه فهمني
_ كدبتي عليه ليه!!!
قالت بتلعثم
_ انت! .... انت عرفت ازاي
_
_ انا والله كنت هقولك بس ....
قولت بمقاطعة
_ انتي حرة دي حياتك بس انا مكرهش قد اللي يكدب عليه ، انا مجيتش عندك قولتلك اساعدك انتي اللي طلبتي ف مش من حقك تكدبي عليه وتخبي بعد كده
_ مش فاهمه ، هو انت بتتكلم عن ايه
_ يعني ايه بتكلم عن ايه ، انتي كمان من كتر كدبك مش عارفه انا اقصد ايه ، بتكلم عن الحساب اللي اتسرق والمصايب اللي هتوقعي نفسك فيها
خدت نفس براحة وقالت
_ عارفه ، بس انا كدبت علشان مش عارفه ممكن يعمل ايه لو بلغت اصله حظرني اعمل اي حاجة ، خوفت
_ مش بيخاف غير اللي وراه حاجة
قالت بنرفزه
_ لا موريش حاجة وانت عارف اني كتاب مفتوح بس طبيعي اخاف ما انا في الاول وفي الاخر بنت ومفيش حد هيحميني
_ لا يا شيخه
_ ايووه
_ ايوه ايييه انتي مصدقة نفسك ، ما انا قولتلك هساعدك وهاخدك ونبلغ ، عاجبك كده اهو بيراقبك وحطك في دماغه ولسه ياما هيحصل
_ ماشي انا رفضت وكدبت علشان خايفه، هو انت كنت هتفضل ماشي ورايا تحميني من اي حاجة ممكن يعملوها فيه
_ وهما ممكن يعملوا فيكي ايه ده حتت عيل صايع اخره يسرق من ورا شاشه وانتي كدة بتساعديه يستغلك لما تعمليله قيمة
ظهرت دموعها وهي بتقول
_ اهو الصايع ده طلع بيراقبني ومصورني في اماكن كتير علشان يعرفني انه قادر يوصلي ، لو نزلي صوره واحده وحشه هيضيع حياتي كلها ، انا مقولتلكش علشان تقولي نبلغ كنت عاوزاك تفكر معايا في حل وبس
_ وانا جبتلك الحل اللي مينفعش يكون في غيره ، انتي خايفه وبتحرصي بس انا مش خايف وشايف عيل زي ده ديته ايه ، اول ما يعرف ان البوليس بيدور عليه هيهرب
_ وبعد ما يهرب
قولت بنرفزه
_ اااه ده انتي حابه شعور الخوف والضعف بقا
_ لااا ، انت مش فاهم اللي حاسه بيه وعمرك ما هتفهمه
قولت بسخرية
_ واية بقا اللي انتي حاسه بيه ، انتي اللي حابه تعملي مغامرة تافهة زيك
لمعة دموعها وهي
_ بطل الاسلوب ده!!! ، بطل تقلل مني كل شوية ، حتي الخوف هتسخر منه
كملت وهي بتقوم
_ انا في الأول جيتلك علشان كنت فاكره انك ممكن تفكر معايا ، بس انت قررت اننا نبلغ ومهتمتش بأي حاجة ممكن تحصل بعد كدة ، وحتي محاولتش تفهمني او تطمني ان مفيش حاجة وحشة هتحصلي اسلوبك كان زفت
خدت نفس عميق وقالت
_ انا اسفه لو تجاوزت حدودي ونسيت انا ايه ، بس انا مبقتش عاوزه منك مساعدة ، ولو هيلاقيني ويموتني بردو مش عاوزه منك مساعدة
قصدت اضايقها السبب الاول علشان تعرف غلطها وتفوق من اللي هي فيه وتاني سبب علشان اقتل اي مشاعر ممكن تكون جواها من ناحيتي وفي نفس الوقت مكنتش هسيبها وهساعدها غصب عنها ان شاءلله حتي اقول لجدتها وخليها تزعل تزعل وهو بالمره تكرهني اكتر
لان هي متناسبنيش بكل المقاييس مش هي دي قطعة البازل اللي تناسبني وعلي سيرة قطعة البازل
بعد ساعة تقريبا وصلتني رساله من اسيل بتقولي فيها
_ صباح الخير يا دكتور
رديت بإبتسامة وقولت
_ صباح الورد
_ ازي حضرتك
_ الحمدلله وانتي عامله ايه
_ الحمدلله
_ دائما ، تسمحيلي اقولك وحشتيني
_ متشكرة
_ متشكرة؟ ، مفيش وانت كمان
_ وانت كمان ، بس شكلي هوحشك كتير
_ ليه
_ اصلي مش فتح تاني
_ يعني ايه مش هتفتحي تاني
_ مش هفتح
_ ليه يعني
_ بدأت تحصلي مشاكل من قعدتي كتير بالتليفون
_ مش لازم تفتحي والكل حوليكي افتحي في وقت تكوني فاضيه ولوحدك
_ انا اسفه بس مش هينفع
حسيت انها بتتهرب والقصة مش قصة مشكله ف قولت
_ مفيش حاجه اسمها مش هينفع اللي عاوز حاجه بيعملها
_ مش فاهمه
_ يعني في سبب تاني مش موضوع ان التليفون عملك مشاكل
_ لا هو ده بس
_ يبقي مكنش مهم عندك عشان تقدري تبعدي عنه ببساطة كده
_ حضرتك بتتكلم عن ايه ، ده تليفون وبقا مصدر مشكله في حياتي المفروض اعمل ايه
_ هتسيبي التليفون يعني ولا تبعدي عن الانترنت
_ هبعد عن الانترنت
_ هو ده اللي اقصده ، كده كده التليفون معاكي واي انسان في الدنيا بيفضي ولو دقيقة يعمل فيها الحاجه اللي حاببها ، واضح ان الاكونت ده مكنش فارقلك قوي
_ ويفرقلي ليه ده اكونت
_ وبنسبة للي عليه إيه
_ صحابي القريبين مني معاهم رقمي هيكلموني والباقين معرفهمش
_ اه ، طيب يا اسيل اعملي اللي يريحك واللي شيفاه صح
_ حضرتك عندك حل تاني
_ لأ
_ تمام ، اشوف حضرتك علي خير
_ اسيل دقيقة متقفليش
_ نعم
_ مش عارفه انتي قاصده تقفلي معايا انا بذات ولا لا بس انا من يومين قايلك ان بحب كلامي معاكي وبستناه ، ده مفرقش معاكي
طال سكوتها ف قولت
_ سكتي ليه
_ يا دكتور انا مجرد حالة وخلاص مبقتش محتاجة دكتور نفساني
_ اه ولو اني قولتهالك اكتر من مره انك مش مريضة وانا بعتبرك صديقة بس تمام كل واحد ادرا باللي يريحه
مردتش تاني مع انها استلمت الرساله وانا محبتش اقل من نفسي واكلمها تاني ، وسكت وقولت لو مهم عندها هترجع تاني و وقتها مش هسيبها غير لما اعرف السبب
#خلود
بكره انتقاده ليه وسخريته من كل حاجه بعملها ، وسخريته ده موقفتش بس عند التصرفات لا دي وصلت للاحاسيس كمان ، هو مش فاهم ولا مقدر حجم الخوف اللي حاسه بيه ، مش فاهم ان انا مليش ضهر ولا فاهم وضعي إيه وبالتالي بقا يدوس عليه بكلامه ويتعبني نفسياً وده خلاني اكره كلامي معاه ف نهيت كل حاجه وانا ناوية مرجعش اكلمه واخترت راحة بالي بعيد عنه وبعد وقت وانا في المطبخ وصلتني رساله من نفس الرقم ولما فتحتها لقيت صور ليه بفستان مكشوف لواحده مبينه تفاصيل جسمها بشكل يغمي النفس وفوراً اتصلت بالرقم وقولت اول ما رد
_ انت مين
_ نسيتيني؟
_ انت؟
_ ايوووه انا ، قلقتي من تأخيري عليكي صح
_ انت عاوز مني إيه!!
_ عاوزك في شغل
_ افندم ، وشغل إيه ده بقا ان شاءلله
_ ترويج عن منتجات ببيعها وملقتش انسب منك
_ ترويج عن ايه بالظبط
_ ملابس داخليه ، قمصان نوم ، شوية حاجات قليلة الادب زيك وزي فيديوهاتك هبعتلك صورهم تاخدي فكرة
_ انت متخلف؟
_ لمي لسانك ، ده احنا لسة مبدئناش ، يلا بقا شدي حيلك علشان هنعمل شغل حلو مع بعض الفترة الجاية
_ ومين قالك اني ممكن اعمل اللي بتقول عليه ده
_ لا ما انا مش بعمل معاكي شغل بعقد ، ده انا مربطك واقدر اجيبك غصب
_ ومربطني بأيه بقا طيب ما انا ممكن ابلغ عنك وتروح في ستين داهيه
_ مششش هتعرفي تعملي حاجه ، وحتي لو بلغتي وهما وصلوا لجهاز اللي هكرتك منه والمكان والصور ، مش هيعرفوا يوصلوا لمكاني الاصلي ولا يوصلوا لنسخه التانية من الصور المركبة بقا ، هتقوليلي هقول انها مركبه هقولك هتشرحي لكام واحد ، محدش هيصدق اصلا لأن الكل عارفك شمال ، ولو نفدتي من قصة الصور مش هتنفدي مني
قولت بصوت مخنوق ودموع بتسيل
_ انت بتعمل معايا كده ليه ما في كتير غيري ممكن يعمل اللي بتقول عليه ده
_ وانا مش عايز غيرك مزاجي كدة ، ايه هتعترضي ، واخلصي اسمعي الجديد ، بكرة هتطلعي من البيت تروحي «******» وتستني مني اتصال
_ مش رايحه
_ اوووكي براحتك بس لو اتأخرتي ثانية صورك هيتنشروا علي نطاق واسع ، وبعدها هنتقابل تاني ومش محتاجه اقولك هعمل فيكي ايه ، وانتي بنت غلبانه مش قدي
قفل وسابني هتجنن ومش عارفه اعمل ايه ولا اكلم مين يقف جمبي وبعد دقيقة وانا بلف حولين نفسي اتصلت بالبنت وقولت
_ مصيبة!!!
_ يا ساتر يارب مصيبة إيه تاني
_ الولد كلمني وبيطلب مني اقابله بكرة
_ تقابليه ليه
_ مش عارفه بيقولي عاوزني اروج ليه عن شغل وبيهددني اني لو مروحتش هينشرلي صور وحشة وبيلمح انه ممكن يقتلني ، اعمل ايه
_ تبلغي طبعاً انتي لسه هتسألي
_ مقدرش
#هاجر
بعد ما التفكير هلكني طول الليل في ايجاد مسمي لشعوري تجاه بشر وملقتش طلعت من البيت وعند مدخل العمارة لقيت بدر ابن عمي واقف مع ريان قدام بيتهم وبيتكلموا وقفت شوية ابصله وافكر انا ليه نسيته بسرعة لما عرفت انه عاوز جويرية وليه عيشت سنين شايفة اني بحبه معقول اكون اقنعت نفسي بحاجه مش حقيقية؟
_ واقفة عندك لية
قالهالي زيد من ورايا ف قولت
_ كنت همشي
_ مالك في ايه
_ مفيش
_ متاكده؟
_ اه
_ طيب هتفضلي واقفه كده كتير
_ لا همشي ، انت رايح فين
_ أبداً كنت طالع اشم هوا
_ مخوفتش الاب توب يزعل
_ ما انا خدت إذنه يا ظريفة
_ خدت إذنه ولا إذن الموزة
_ موزة؟
_ ايوة
_ موزة ايه
_ اكيد في موزة في حياتك كده ولا كده
_ لا فالحه وبتلقطيها هي وطايرة
قولت بإبتسامة
_ طيب ما تحكيلي عنها شويه
_ احكيلك عن مين
_ عن الموزة
_ هاجر انتي هبله يا حبيبتي
_ هبلة بس احكيلي
_ احكيلك عن ايه يابنتي مفيش
رفعت حاجبي وبصتله بعدم اقتناع ف قال
_ بايخه قوي علي فكره ، مفيش حاجه
_ ههههههه ماشي متقولش مسيرك تتكشف
بقا باصصلي من غير كلام ف قولت
_ مالك
_ انتي قربتي ناحية الاب توب بتاعي
_ ههههههههه يعني فيه اهو
_ يعني قربتي
_ لا والله انا عرفت من شكلك وانت مشغول في الكتابه حسيت ان في حاجه
_ اه عشان كده ، انا دلوقتي عرفت البنت قررت متكلمنيش ليه اتاريكي انتي نبرتي فيها
_ قررت ما تكلمكش ليه
_ مش عارف
_ يمكن ضايقتها بكلمه
_ أبداً ده احنا كنا قبلها بيوم كويسين قوي مع بعض
_ اممم بتتكلموا علي انكم صحاب ولا...
_ لا صحاب ياختي
_ وانت معتبرها صحبتك
_ اه صحاب ومتدخليش في اللي ملكيش فيه
ابتسمت بمكر وانا ناوية اخليها تكلمه تاني ف قال
_ مالك يابت
_ مالي مش قولتلي متدخلش
_ مش مطمنلك
_ هههههههه ولا انا والله انا شاكة فيك، شكلك وقعت ولا حدش سمي عليك ابن عمممي
_ رخمه بنت عمممي
قال كده ومشي وانا طلعت جري علي فوق وخلود فتحتلي ودموعها في عينيها ف قولت
_ ايه ده!! مالك
قالت ببكاء
_ واقعة في مصيبة مش عارفه اعمل فيها ايه
_ مصيبة ايه!!
_ واحد سرق الحساب بتاعي وخد صوري من عليه وركبها علي جسم بنات عريانه وبيهددني بيها
_ يا نهار اسود ، طيب وبعدين عاوز ايه عاوز منك إيه
_ عاوزني اعمله إعلانات عن ملابس داخليه وحاجات وحشة
_ بيبتزك عشان تعمليله اعلان ، معهوش فلوس يخلي موديل تعمله ولا ايه ، احنا لازم نبلغ
_ مقدرش ده قالي ان البوليس مش هيوصله وهيلاقيني ، انا خايفه
_ يابنتي لازم تبلغي مينفعش تسكتي علي ابتزازه ده
_ بقولك مش هيقدروا يوصلوله وهينشر صورة ليه لو بلغت ، هو مأمن نفسه كويس
_ طيب وبعدين هتوافقي علي طلبة
_ لا طبعاً لو فيها موتي
_ طيب خلاص لازم تبلغي
_ مقدرش ، افرضي رش في وشي مية نار او دبحني
_ يدبحك ايه يا هبلة ، البلد فيها قانون ، اسمعي مني ، انتي دلوقتي سواء روحتي بلغتي او مروحتيش وفضلتي في البيت هينزل الصور ، ولو روحتيله هيجبرك تعملي الاعلانات يعني في كل الحالات خسرانه ، ف انتي تروحي تبلغي يمكن يقدروا يتصرفوا
_ ما هو اكيد هيشوفني وانا وطالعه ويمشي ورايا ومش بعيد يوقفني في الطريق
_ انا عندي حل المشكلة دي ، بس دقيقة هعمل مكالمة
_ استني فهميني الاول
_ استني بس ، فين تليفونك
_ اهو
_ هاتي
خدت منها التليفون واتصلت علي بشر ومن اول اتصال رد وقال
_ ايوه يا خلود
_ انا هاجر عاوزة اشوفك دلوقتي
_ هاجر انا دماغي وجعاني سيبيني في حالي
_ في مشكلة ولازم تساعدني
_ مشكلة ايه
_ مشكلة بجد مش هتكلم معاك في حاجه تانيه ، ارجع البيت دلوقتي لو سمحت
_ طيب
قفلت معاه ف قالت
_ وبشر هيعمل إيه
_ هيساعدنا
#بشر
رجعت البيت وانا متخيل انها هتتكلم في نفس الموضوع بس لما روحت لقيتها هي وخلود باين عليهم التوتر وخاصه خلود اللي دموعها علي خدها ف قربت مني هاجر وقال
_ اتاخرت لية
_ في ايه
حكتلي اللي حصل ف قولت ل خلود بنرفزه
_ كل ده يحصل ومحدش يعرف ، مقولتيش ليه ، كنتي مستنيه ايه علشان تقولي
نزلت وشها ف قالت هاجر
_ براحة البنت خافت ، بس احنا لازم نبلغ النهارده قبل بكره لازم يتقبض عليه
_ طبعاً لازم نبلغ ، يلا، ونعقل شوية النت مش هينفعنا لما نضيع نفسنا
_ استنا انا هاخدها معايا الشقة تلبس لبسي مش عاوزين اللي بيراقبها يعرف انها بلغت بلاش ياخد حظرة
رفعت حاجبي وقولت لنفسي بتعجب
_ امال غبيه معايا انا ليه
_ يلا استناها قدام شقتنا
نزلنا تحت وبقيت مستني لغيت ما خرجت بلبس حجاب هاجر ف قولت
_ يلا
وقفتني هاجر وهي بتقول
_ انا مش هقول لحد اللي حصل مش عاوزين نقلقهم وبذات دادة امينة
_ يستحسن ، ولو سألوا عليها قولي راحت تشتري اي حاجه
_ تمام ، ابقوا كلموني
كملت بتردد
_ ممكن تشيل البلوك
شيحة نظري عنها وانا بقول
_ شيلته من امبارح ، يلا يا خلود
#جويرية
جت ماما تقولي
_ مليكة يا جويرية ، اتفضلي حبيبتي
دخلت عليه وقالت بإبتسامة
_ صباح اااالخير
_ صباح النور
_ تسمحيلي ادخل
_ اتفضلي
قالت ماما
_ اسيبكم مع بعض اقعدوا براحتكم وانا هروح الشغل ومش هتاخر
_ اوكي اتفضلي
مشيت ماما وهي قعدت علي الكنبة وقالت
_ انا اسفة اني جيت من غير معاد بس لقيتك وحشتيني ف جيت
رديت بإبتسامة ظاهريه ف قالت
_ عامله اية طمنيني عليكي
_ الحمدلله
_ بتعملي اية بقا
_ قاعده
_ طول اليوم قاعدة كدة مبتخرجيش
كملت بعد ما جت عينيها علي قصص ريان
_ممكن اتدخل واعرف ايه ده ، شكلهم مذكرات شخصية
_ قصص
_ واووو حد كاتبهم بخط ايده
_ اه
_ انتي!!!
_ لا
قالت وهي بتمسك واحده منهم
_ امال مين
_ واحد جارنا
مردتش علي كلامي وبدأت تمشي بعنيها بين السطور وبعدين بصتلي وقالت
_ باين عليها قصة حلوة بس الشخص ده معندهوش لاب توب يكتب عليه بدل كل الكتابة دي
مردتش وهي كملت قراية وبعدين بصتلي وقالت
_ شكله غاوي غموض
كملت وهي بتمسك اجندة تانيه
_ نشوف دي بقا
مشيت بعينيها بين السطور لدقايق وبعدين بصتلي وقالت بإبتسامة
_ حلوين بجد شكله موهوب ، وشكله كمان علي قده والا كان كتبهم علي لاب توب مش بخط ايده ، خسارة
شردت بنظري وعقلي بيفكر في كلامها معقول يكون جاب لاب توب وكتب القصة بتاعتي عليه ، معقول ليه لا ، طيب ولو كان كاتبها علي لاب توب انا ممكن اشوفها ازاي
_ اسمه ايه الشخص ده
_ ليه
_ كتاباته عجبتني ، هو نشر قبل كده في دار لنشر؟
_ لا
_ حرام ، طيب انا ممكن اساعده ينشر انا اعرف ناس كتير بينشروا في دور نشر وببلاش كمان
كانت فرصه اني اعرف حاجه عن القصة ف قولت
_ ياريت ، هو اسمه ريان السبع جارنا ساكن في البيت اللي قدامنا
_ البيت اللي قدام العماره علي طول
_ اه
_ طيب وانا ازاي اقدر اتواصل معاه
_ عن طريق بدر
_ باباكي
_ ابن عمي
_ اه ، طيب ممكن رقمه
_ اه ، اهو
اظهرت رقمه وادتهولها ف كتبته عندها وقالت
_ تمام انا هشوفة وان شاءلله اقدر اساعدة ده ان كان محتاج مساعدة
حيرني اهتمامها الزايد بيه وهي شكلها متعرفش حتي شكله ف قولت
_ هو انتي ليه اهتميتي بيه بشكل دة
_ لان كتاباته جميله وحرام متتعرفش
_ اه
_ اممم هو في حاجه
_ حاجة إيه
_ يعني هتضايقي لو كلمته
_ لا
_ اهاا ، لو هتضايقي بلاش ، او ممكن انتي تعرضي عليه اني اساعدة واتواصل معاه عن طريقك
قولت بعد ما حسيت انها بتلمح لحاجة
_ مليش كلام معاه وبدر ابن عمي اللي خدتي رقمه يكون خطيبي
_ يعني انتي مخطوبه
_ لسة بس وافقت عليه وهنتخطب قريب
قالت بإبتسامة
_ الف مبروك حبيبتي
_ شكرا
_ طيب حيث كده انا هكلمه قدامك
_ ماشي
اتصلت بيه وفعلت الاسبيكر وبصتلي بإبتسامة وكأنها بتقولي متخافيش مش هخطفه منك ولما رد قالت
_ السلام عليكم
_ وعليكم السلام ، مين؟
_ انا مليكه صاحب هاجر وجويريه
_ ايووه
_ سوري ، بس انا كنت عاوزه اتواصل مع الاستاذ ريان السبع
_ اااه تتواصلي مع الاستاذ ريان السبع ، ليه؟
_ عاوزاه في شغل
_ عاوزاااه في شغل ، اه ، طيب هو معايا دلوقتي
_ طيب ممكن تدهوني
_ اه اتفضلي
ديرت وشي عنها بعد ما توتري وصل لذروته لما سمعت صوته بعد لحظات وهو بيقول
_ ايوه؟!!
_ ازي حضرتك
_ حضرتي تمام ، مين انتي
_ انا مليكة صاحبة جويرية وكنت شوفت قصصك عندها وعجبتني جداً
_ اه اه اهلا وسهلا متشكر
_ هو انت نزلت كتب ورقي قبل كدة
_ لا محصلش
_ طيب وايه المانع
_ طموحي قصصي تتنفذ فيلم او مسلسل
_ طيب ما انت ممكن تنزلها ورقي واول ما تتشهر في منتجين ومخرجين هيحبوا ينفذوا قصصك دي
_ اه بس الحقيقة انا مش هقدر انشر معرفش حد ممكن يطبعلي قصص
_ انا ، انا اعرف دور نشر بينشروا وببلاش كمان ، خسارة موهبتك دي تروح علي الفاضي
_ ايوه ، طيب انتي هتستفادي إيه
_ مش هستفاد ايييي حاجه، ومش هخسر حاجه كمان لو ساعدتك
_ اه ، طيب سيبني افكر وارد عليكي
_ تمام ، سؤال اخير
_ اتفضلي
_ عندك قصص علي لاب توب او اي جهاز
_ لا معنديش كله كتابه بخط الايد
_ طيب ليه متكتبش علي جهاز احسن واسهل
_ يعني
_ اه تمام ، علي العموم انا مستنيه اتصالك ، تقدر تاخد نمرتي من الاستاذ بدر وتتواصل معايا لما تفكر
_ تمام متشكر علي اهتمامك
_ علي ايه بس ربنا يجعلني سبب في ظهور موهبتك لنور
_ متشكر
#مليكة
خلصت معاه المكالمة ورجعت بصتلها لقيت دموعها بتسيل بغزارة ف قولت وانا بقعد جمبها
_ ايه ياحبيبتي مالك
مردتش ف قولت
_ في ايه بس انتي كنتي كويسه
دارت وشها عني وقالت
_ عاوزه انام
قولت بحرج
_ طيب ياحبيبتي نامي
سيبتها ومشيت وبعد ما وصلت العربية لقيت اني ماسكة اجندة من اللي عندها فكرت ارجعها بس قولت مره تانيه واهو يكون عندي سبب اجي عشانه ومنها اقراها في البيت ، وروحت علي طول دخلت البيت ف لقيت ماما قاعدة في الصالون ومبتسمه ف قولت
_ امممم خيييير انا بقلق من الابتسامة من غير سبب
_ اظهر وبان عليك الأمان
قالت كده وفجاة ايد اتحطت علي عيني ف قولت بزهق
_ غلاست اهلك ، ايسل انتي عارفه اني بكره الحركه دي
شالت ايدها وجت قدامي وقالتلي بقرف
_ انا غلطانه اني حبيت اعملك سوبرايس
_ سوبرايس ولا تعميني ، ايه جابها دي
_ انتي ايه اللي جابك ده بيت خالتي انا بروح بيت خالتك
_ اه مقيمة في بيت خالتي ، بس هي فين ، مريووومه !
قالت ماما
_ مش هي اللي جابتها ، احمد اللي جابها وراح مشوار وهيجي ياخدها اخر اليوم
_ طيب بأمانة شحطه زي دي يخافوا عليها تخرج لوحدها ليه ، عندك كام سنة يابنتي
_ 18 سنه وشهرين وخمس ايام
_ يعني سننتني امال خايفين عليكي ليه
_ قوليلهم لحسن انا حطيت ايديه في الشق منهم
قالت ماما
_ يمكن علشان بتيجي من محافظة تانية ومينفعش بنوته في عمرها تيجي كل المسافة دي لوحدها ، اتلمي انتي وهي ، مليكة يلا غيري علشان هنحضر الغدا
كملت بعد ما شافت الاجندة
وايه ده؟ ، يابنتي انتي مش اجازة
_ لا دي مش اجندة محاضرات دي رواية
_ رواية ، طيب يختي يلا قوام جوعنا
سيبتهم ودخلت جوه وقبل ما اعمل حاجة فتحت الرواية وقريت منها صفحتين ، كانت رواية فيها غموض واثارة وشكلها شيقة ، ف قولت دي محتاجه تتقري علي رواقة وسييبتها وغيرت هدومي وبعدين طلعت عشان نتغدي
#بدر
حسيته اتضايق من كلام البنت معاه ف قولت
_ مااااالك !!
_ مالي
_ غم ونكد البنت بتقولك هتساعدك تنشر ومن غير فلوس في ايه
_ اصل انا عارف حظي اكيد مش هيقبلوها
_ ليه ان شاءلله
_ وهما ينشرو ليه لواحد مش معروف علي حسابهم ومين اللي هيروح يشتري كتاب لواحد اسمه مظهرش قبل كده
_ يخربيتك يا ريان ، يابني تفائل بالخير مالك
_ تفائلت وبعدين
_ يخربيتك قنبلة طاقة سلبيه
_ اسكت يا بدر ، ياعمي ده انا حتي مش قادر اجيب لاب توب اوتابلت اكتب عليه ، صاحبك نحس
_ يخربيتك يا ريان
_ اخرب ياخويا اخرب وهو امتي عمر
_ يييييه ، مالك بس قالبها نكد ليه ، يابني انت ربنا مديك موهبه لو استغلتها صح والله ما هيكون فيه زيك ، وهيجي يوم وكتاباتك هتبان واسمك هيلعلع
_ ممكن بس اكيد مش هشوفه ، يمكن بعد ما اموت
_ الله ياخدك ولااااا انا ماشي
_ طيب ما تمشي وانا امتي داملي حد ما كله بيروح ، كله رايح وما دايم اللي وجهه وحظي العاسر
_ لا لا لا وربنا فاضلي تكة وهشنق نفسي ، يابني حرام عليك
_ هههههههههههههههه
_ هههههههه ياحبيبي فك والله جبتلي اكتئاب
_ هههههههه سكت اهو
كمل بعد ما بهتت ابتسامته
_ ممكن طلب
_ اطلب
_ انا والله مكنتش عايز اقولك بس مفيش غيرك قدامي
_ قول ، عايز فلوس
_ عاوز شغل
_ بس كده ، ماشي انا هشوفلك شغلانه
_ ماشي ، انا اصلا مش عارف ممكن ادور فين ، انت عارف بقالي كتير بره مصر ومش عارف حاجة
_طيب مقولتليش ليه
_
_ انا اسف يا ريان والله راح من بالي خالص اني اعرض عليك تشتغل معانا
_ وانا مكنتش بفكر في كدة بس الليله اللي فاتت قولت هفضل لامتي من غير شغل
_ طيب انا هكلم بابا وارد عليك
_ ربنا يخليك
_ طيب فك بقا لا افكك من بعضك ده انت قلبت مصريني
ابتسم ف قولت
_ بس البنت اللي اتصلت من شويه صوتها حلو قوي لا ومهتمه بيك وعجبها قصصك
_ كويس
قولت بقرف
_ كويس!! انا ماشي يا ريان ، مااااشي
_ طيب ما تمشي وانا امتي دام ليه حـ.....
قاطعت كلمته وانا بزق الكرسي اللي قاعد عليه برجلي اوقعه علي الارض ف قال
_ يابن الكلب يا واااااطي
#ريان
مش عارف ليه حاسس ان جويرية ممكن تكون طلبت منها تعمل كدة اصل واحدة متعرفنيش هتعمل معايا كدة ليه.
_ ممكن تخلي دي عندك
قولتها ل اسراء وانا بديها قصة جويرية ف قالت
_ ماشي بس ليه
_ مش عارف بس خايف توصلها ، خبيها كويس
_ حاضر متقلقش
_ تسلميلي
خدتها ومشيت ورجعت بعد شوية تقولي
_ خبيتها
_ شكرا يا اسراء
لاحت ابتسامه خفيفه علي وشي وانا بقول
_ اممم يممممكن يمكن مش اكيد ان ينزلي كتاب
قالت بذهول
_ بتهزر
_ بقولك مش اكيد
_ طيب ايه اللي خلاك تقول كده
_ واحدة شافت القصص بتوعي عند جويرية كلمتني وبتقولي انها ممكن تساعدني انشرها ومن غير فلوس
_ طيب ياريت ، بس هو ينفع من غير فلوس
_ في ناس بتنشر من غير فلوس بس مش واثق اذا هيقبلوها ولا لا
_ هيقبلوها باااذن الله هيقبلوها انا حاسه ان ربنا اراد انك تنجح ويعوضك عن كل حاجه
_ نفسي يا اسراء ، نفسي احس اني نجحت في حاجه واحده واحده بس ، يأست من الفشل
_ ان شاءلله هتنجح قريب قوي
_ ان شاءلله ، بس عارفه حاسس ان اللي حصل ده جويرية سبب فيه مش بعيد يكون طلبت القصص علشان كده
_ والله يمكن ليه لأ
_ طيب مكلمتهاش؟
_ لا مشوفتش حد منهم
_ طيب ما تروحيلها كل الشباب بره دلوقتي ، روحيلها علشان خاطري ، بس متجبلهاش سيرتي كانك رايحه تزوريها
__ حاضر ، هروحلها دلوقتي
14
#اسراء
خبطت الباب وطنط وفاء فتحتلي ومجرد ما شافتني اترسمت ابتسامه علي وشها وقالت وهي بتستقبلني بالحضن
_ اسراء حبيبتي ، اهلا بيكي ، نورتي
كملت وهي بتحررني من حضنها
_ عاملة ايه ومامتك ازيها
_ الحمدلله وحضرتك عامله ايه
_ الحمدلله حبيبتي بخير تعالي تعالي
دخلنا جوه وقعدنا شوية وبعدين قولت وانا ببحث بعنيه بداخل البيت
_ امال فين جويرية نفسي اشوفها
_ في اوضتها ، دقيقة اندهالك
دخلت ورجعت بعد شوية وشها عابس وهي بتقولي
_ معلش حبيبتي بس هي مكسوفة تيجي
قولت وانا بقوم
_ مكسوفة يعني ايه ، اسمحيلي ادخلها
_ طبعاً حبيبتي اتفضلي البيت بيتك
سيبتها واتجهت لغرفة جويرية اللي اول ما شافتني سهمت ف قربت منها وقولت بإبتسامة
_ جويرية!!!
مدتنيش اي رد وبقت مركزه نظرها في الجرح ف قولت بربكه وانا بحاول اداريه بطرحة
_ عامله اية وحشاني قوي ، ما شاءلله عليكي كبرتي اهو وبقيتي انسه
قامت وقفت قدامي وقالت بعد صمت دام في تفحصها لجرحي ولمسه بأيدها
_ مين عمل كده في وشك
بعثرت نظراتي وانا بقول
_ حادثة
_ حصلت ازاي
_ بلطجيه قابلوني وعوروني والحمدللة
فضلت ساكته ونظرات الشك في عينيها ف قولت بتوتر
_ في حاجه
_ ليه عوروكي
_ يعني ايه ليه ، عشان بلطجيه
قالت امها
_ مالك يا جويرية
ازدردت لعابها وقالت
_ مفيش ، بس انا... انا عاوزه اشرب عصير ، عطشانة
_ حاضر هعملكم انتوا الاتنين ، ارتاحي يا اسراء
مشيت وسابتنا وبعد ما طالت نظراتها ليه قالت
_ مين اللي عورك
_ انا قولتلك انهم بلطجيه
_
_ في ايه يا جويرية مالك
_
_ جويرية مالك
رغرغت عيونها بالدموع وهي بتقول
_ تؤ مفيش ، كمل القصة
_ قصة ايه
_ اللي قالي عليها
_ قصدك ريان
_ اه
اضطريت اكدب من خوفي لايزعل مني وقولت
_ لا مكتبش اصلا ، هو مفضيش يكتب
زادت دموعها وهي بتقول
_ بس هو قالي كتب
_ يمكن كتب كام صفحة بس بعدين سابها وتقريبا اتحرقت مع الورق اللي ملهوش لازمة ، انتي بتسألي عنها ليه
قالت بصوت متحشرج
_ عاوزه اعرف كان بيفكر في ايه لما عمل فيه كده
_ بيفكر في ايه في ايه وعمل ايه انا مش فاهمه حاجه
قالت بنفس النبرة
_ اسأليه وهو يقولك ... خدي قصصه معاكي
_ جويرية انا مش فاهمه حاجه ماله ريان
_ قولتلك اسأليه ، ومتجيش هنا تاني
اومات بدماغي وانا محرجه وفوراً استدرت علشان امشي ف قالت بنرفزه
_ خدي قصصه بقولك
خدتهم ورجعت البيت ودخلت اوضته حطيتهم علي التربيزه ف وقف قدامي وقال باهتمام
_ عملتي ايه؟ ، قابلتيها؟
قولت وانا بمط شفايفي بعبس
_ قابلتيها
_ ايه ده مالك
_ مش عارفه
_ عملت ايه معاكي طيب
_ الاهم من هي عملت ايه معايا هو انت اللي عملت ايه معاها
_ عملت معاها ايه مش فاهم
_ ولا أنا
_ ايه اللي حصل اتكلمي
_ سألتني علي القصة ولما سألتها مالها بيها قالتلي عاوزه اعرف كان بيفكر في كل لما عمل فيه كده
عقد حواجبه باستفهام وقال
_ وانا عملت فيها ايه ، مش فاهم
_ ولا انا ، يكون قصدها انك وعدتها بالقصة وموفتش
_ معقول؟
_ معرفش
_ انا مش فاهم حاجه ، معقول يعني بتقول كده علشان القصة
_ هو انت وعدتها بحاجة غيرها
_ لا
شرد شوية وبعدين قال
_ تكون خدت تلميحي علي انه وعد بحاجة
_ مش عارفه
_ لا كده مش هينفع انتي تروحي تاني وتفهمي منها في ايه
_ دي طردتني
_ طردتك؟
_ اه
زاغت عينيه بحيره وهو بيقول
_ هيكون في ايه ، ماهو مفيش غير انها ممكن تكون زعلت علشان مدتلهاش القصة او اعتبرت تلميحاتي وعد ليها... اسراء انا لازم اعرف في ايه ، كلميها ولو كان قصدها علي القصة قوليلها اني كنت بكتبها هدية لعيد ميلادها ومقصدش اكتر من كده
_ ما انا قولتلك طردتني هكلمها بأي عين.. اقولك حاجه انسي ومتدورش عليها
_ مدورش ازاي انتي كده شغلتيني وعاوز افهم
#هاجر
كنت واقفه في البلكونة مستنياهم لغيت ما لقيتهم جاين ف طلعت من البيت بسرعة استقبلهم ولما وصلوني قالتلي خلود
_ هدخل اغير
_ روحي
دخلت وهو كان هيمشي ف وقفته وقولت
_ بشر استني
وقف من غير كلام ف قولت
_ عملتوا ايه
_ اسأليها هي
_ ومتقولش انت ليه
_ علشان مش فاضي
قالها وخطي خطوتين ف قولت وانا بروح وراه واشد كتفه بغيظ
_ انا بكلمك متمشيش وتسيبني
بص لمكان ايدي ف قولت
_ زعلتك قوي طيب اهو
قولتها وضربت كتفه ف وجه نظرة ليه من غير كلام ف قولت
_ مش هخاف
_ انتي عاوزه ايه !!!
_ عاوزك انت
_
_ بشر احنا ليه وصلنا لهنا ما انا اعتذرتلك ، انت اخويا مقدرش استغني عنك ازاي قادر تستغني عني
سكت شويه قبل ما تظهر ابتسامه علي وشه وفجاة يضحك من غير سبب
_ هههههههههههههه
_ ايه ، قولت ايه يضحك
_ أبداً بس لو كنتي قولتي الجملة كامله مع بعضها كان هيكون احسن ، ليه تقطعي كلامك علي دفعتين ، لييه
_ مش فاهمه
_ طيب وايه الجديد وانتي من امتي بتفهمي
_ كتر خيرك
_ يارب يكتره ، انا طالع
_ بشر!!!
_ اممم
_ يعني مش هنصتلح
_ ما احنا مصتلحين
_ لا كده مش مصتلحين
_ امال انتي عاوزه ايه
_ ترجع زي الاول
_ مينفعش يا هاجر
_ ليه
_ علشان انا هتجوز وقولتهالك كتير
_ تصدق بالله
_ لا اله الا الله
_ انا بفكر اروح لاسراء واقولها انك بتحب غيرها ومتجوزها سد خانه وتعطف عليها ، ااااالله ياخد إسراء واللي يعرف اسراء
_
_ انا كرهتك وكرهتها
_
_ متبصليش كده
_ انتي زعلانه ليه ، مش ده اللي كنتي عاوزاه
معرفتش ارد ف كمل باستفهام
_ زعلانه عشان هتجوز واحده فيها جرح في وشها ولا عشان هتجوز وهتتحرمي من الدلع والفسح
_
_ سكتي ليه
_ انت رايك إيه
_ لا مترديش علي سؤالي بسؤال ، انا دلوقتي بسالك ايه اللي مزعلك
_ زعلانه عشان وصلنا لهنا ، انت لو متغيرتش معايا مكنتش هزعل
_ وازاي متغيرش معاكي لو انتي اتجوزتي وجت بنت عم جوزك اتصرفت معاه زي ما بنتصرف مع بعض هتحسي بأية
_ معرفش انا مش هحط نفسي مكان حد ، انا اللي يهمني ما اخسرش حد عشان حد تاني دخل حياته
_ اممم
_ اييه
_ ولا حاجه
_ طيب رد
_ ارد اقول ايه
_ قولي هنفضل زعلانين لامتي
_ انا مش زعلان
_ امال ده ايه
_ مفيش حاجه انتي شايفه اني زعلان بس انا مش زعلان
_ طيب لو كده ، لو قولتلك تفسحني هتفسحني
_
_ اييييه، صعب قوي انك تفسحني ولا انت خايف منها امال اما تجوزها هتعمل ايه
_ مش خوف ده اسمه احساس ودي حاجه انتي متعرفهاش ولا جربتيها
_ ايوه هتفسحني يعني ولا لا
_
_ لا ماهو بص انت لو مفسحتنيش انا مش هسيبك وهنكد علي اللي جابوك ، فسحني واتقي شري
_
_ بششششر
_ ماشي بس مش هفسحك عشان خايف منك انا هفسحك علشان دي هتكون اخر مره قبل ما اسراء تدخل حياتي وافسحها هي
قولت بقرف
_ مش لايق عليك المحن
_ هاجر!!
_ قصدي الرومانسيه
_ اممم ❤❤❤❤
_ طيب خلاص خلاص متزعلش ، انا عاوزه اتفسح دلوقتي
_ دلوقتي!
_ ااااه دلوقتي دلوقتي
قال بزهق
_ ماشي ، اجهزي وخلصيني
قولت بسعادة
_ اوكي
طلعت اجري علي البيت وانا الفرحه مش سيعاني وهناك لقيت خلود في وشي بتقولي
_ رايحه فين
_ رايحه اتفسح مع بشر
بهتت ملامحها وهي بتقول
_ دلوقتي مش هتقعدي معـ...
قاطعت كلامها وقولت
_ بعدين بعدين انا صدقت ما وافق
_ ماشي
سيبتها ودخلت اوضتي ف وقفت لما افتكرت حاجه وفوراً رجعت عندها ولقيتها مشيت ، كنت عاوزه اسألها عملت ايه مع البوليس وفرحتني نستني
#بشر
مش راسيه علي حال نص كلامها حلو بيرفعني لسابع سما من كتر السعادة والنص التاني يكسر النفس وبيوقعني علي جدور رقبتي لسابع ارض ومع كل الحيرة اللي حطاني فيها إلا اني مش قادر اعمل سد متين بيني وبينها وامنع اي كلام بينا ، وروحت افسحها زي ما طلبت لكن الحقيقة ان انا اللي كنت محتاج الفسحه دي مش هي ، كانت وحشاني وكنت محتاج اعوض الوقت اللي بعدت عنها فيه واشوفها كويس واشبع منها وبعد ما خرجنا من البيت بمسافة قالتلي
_ هتجبلي إيه النهاردة
_ استغفر الله العظيم يارب ، يابنتي وانتي فكراني مخزن فلوس علي قلبي لما في كل مره تطلبي اجبلك
_ هو انت بتجيب إيه يعني ، شيكولاتات علي شيبسي علي كولا ، امال لو كنت بتجبلي اكسسوارات كنت عملت ايه
_ وانتي امتي بتلبسي اكسسوارات عشان اجبلك
_ ايوه بس انا اقصد انك مبتجبش حاجات غالية وبعدين ده بدل ما تقول فداكي الدنيا كلها
_ فداكي بس انا فلوسي ضايعة عليكي
_ ما تضيع ويجي غيرها
_ اممم انا بقول امشي احسن
_ هههههههه ، طيب عاوزه اروح مول
_ ننيل ايه في المول
_ نتفرج
_ ماشي بس انا مش معايا غير 500 جنيه عشان متطمعيش بس
_ هههههههه حلوين يكفو الشيبسي والقهوة
_ الصبر يارب ، امشي يا هاجر لحسن والله ارجع واسيبك "
مسكتتش للحظة لغيت ما وصلنا المول وطلعنا في الاسانسير اللي للأسف انا عندي رهبه منه زي الملاهي بالظبط ويمكن اكتر
#هاجر
كان واقف متوتر جداً وبيصب عرق بالاضافة لضيقة النفس اللي كان حاسس بيه ومخليه عمال يوسع ياقة قميصة عشان يعرف يتنفس ، وانا حاولت مضحكش علشان مضيقهوش بس مقدرتش
_ هههههههه انت خايف من ايه ده اسانسير
قال بتوتر شديد
_ اسكوتي ، مسمعش صوتك
_ هههههههه طيب اهدا متخافش ، خد نفسك
خد نفس واستمر في النظر حولية بتوتر ، كان شكله يضحك ومقدرتش امنع ابتسامتي وانا بصاله وحاسه اني انا اللي مسؤؤله عني مش هو ، وطول الوقت وانا متردده امسك ايده ولكن تجرأت ومن غير ما أعمل حساب لأي حاجة مسكت ايده وده خلاه ينتفض وهو بيبصلي ف قولت وانا بحتضن كفه
_ اهدا مش هيحصلك حاجة
بص لأيدي شوية وبعدين رجع يبصلي من غير كلام ف قولت وانا حاسة بتوتر شديد من نظراته
_ ثواني ونوصل
دامت نظرته ليه وهو بيضم أيدي لغيت ما الاسانسير وقف وطلعنا ف قال
_ حاسك بتقصدي تشوفيني خايف قدامك
قولت بإبتسامة
_ مش مقصودة بس وانت وخايفة شكلك بيكون زي العيل الصغير
_ وشكلي حلو وانا عيل علي كده
قولت بإبتسامة
_ ايوه
_ ربنا يجيرنا منك
_ هههههههه طيب هتجبلي ايه
_ انتي استغلالية ، ما تجربي تجبيلي انتي مره
_ طيب هات فلوس وانا اجبلك
_ كمااان انا اللي هدفع
_ هدهملك لما اروح مش جايبه فلوس
_ طيب بس هترجعيهم لاني مش هقبل هدية انا دافع تمنها
_ اوكي، هات
_ عاوزه كام
_ 200 جنيه
_ ماشي
كمل وهو بيطلعهم
_ خدي عاوز هديه حلوه
_ اوكي ، سيبني بقا وروح لف في المول مش عاوزاك تعرف سعر الهديه
_ هستناكي هنا متتأخريش
سيبته وطلعت اتمشي في المول ادور عن حاجة تنفع وكل ما اسأل عن حاجه تعجبني الاقي اقل حاجه سعرها 300 جنية وبعد ما دوخت وتعبت ملقتش غير اني اجبله مج واي حاجة تانيه وفعلاً جبتله مج شكله حلو قوي علي ذوقه هو وطلبت منهم يحطوه في علبة هداية ودورت في المديليات عن اسمه ملقتش بس لقيت كلمة عريس ف طلبت منهم يحطوهالي في العلبة وخدتها ورجعتله ولما شاف العلبة قال
_ شكلك مكلفة وريني جيبالي ايه
_ يارب تعجبك بس
_ لو معجبتنيش هرجعهالك
_ هههههههه ماشي بس متاكدة هتعجبك
_ اما نشوف
#بشر
لما فتحت العلبة لقيت فيها مج لونه اسود لامع وعليه رسمه مدهبه كان شكله حلو وعجبني لأني بفضل اللون الاسود وهي تقريباً راعية النقطة دي وهي بتختاره ودي حاجة بسطتني ان اخيراً حست بيه في حاجة ، بس اللي خلاني اقف للحظات متوتر وخايف من اني اقع تاني علي جدور رقبتي لما لقيت مديليه بكلمة عريسي ف بصتلها وقولت وانا برفع المديليه
_ حلوة بس....
تلاشت ابتسامتها و وسعت عينيها وهي بتقولي
_ احيييييه
كانت كلمة احية بمثابة اعتراف رسمي منها بأنها كانت غلطانه ف قولت
_ جيباها بالغلط
_ طبعاً بالغلط ده انا قريتها عريس اااسفه يا بشر
بهتت ملامحي وانا بقول بخيبه زي كل مره
_ بتتأسفي ليه عادي ، حلوة هحتفظ بيها
_ لا لا هات هرجعها
_ لا خليها
قالت بعبس
_ انا اسسسسفة
بقيت بقلب في المديليه وبفتكر كمية الصدمات اللي حصلتلي علي ايدها ومقدرتش مضحكش علي هبلي اللي مخليني في كل مره اتعشم
_ هههههههه
_ مالك
_ ههههههههه
_ يابني مالك في ايه
_ بصراحه يا هاجر انا فاضلي خبطة واحده واموت هههههههه
_ في ايه يابشر انت كويس
_ اه كويس طبعاً هههههههه نمشي
مسكت في دراعي وقالت
_ استني ، في ايه ، ايه الضحكه دي
_ مفيش افتكرت حاجه كده
_ طيب ما تقول انت كده شغلتني
_ مفيش حاجه ، يلا نمشي
سيبتها واتجهت للأسانسير وركبنا وزي اول مره حسيت بتوتر بس كسرت نفسي بسببها للمره الالف كانت لهياني شوية عن التوتر ده وفجاة وانا داير ليها وشي لقيتها جايه قدامي وبتقولي
_ بشر
_ اه
_ في ايه
_ مفيش سلامتك
_ انت زعلت عشان غلطت وجبتلك ميديله زي دي
_ اه زعلت عشان غلطتي
_ والله ما خدت بالي انا اسفة
_ بطلي الكلمة ، الموضوع مش مستاهل
_ طيب متزعلش
_
_ طيب اعملك ايه علشان متزعلش
_ تسكتي علشان متوتر من الاسانسير
اومات بدماغها وجت وقفت جمبي كنت متمني تمسك ايدي وتحسسني بقربها حتي لو كان قربها من باب الاخوه ولكن حتي في دي جبله
#فاطمة
دخلت علي بابا لقيته بيكلم عمتي ف خدت منه التليفون اكلمها
_ عمتو! وحشتيني
_ وانتي كمان ياقلب عمتو ، لا كده مش هينفع انتوا لازم تيجوا واتعرف عليكي
_ هنيجي طبعاً
_ طيب انا مستنياكم بكرة
_ بكرة هنكون عندك
اتكلمت معاها شوية وبعد ما قفلت قولت لبابا
_ نروح بكرة
_ انتي بتسأليني بعد ما اتفقتي معاها
_ اكيد انت مش هترفض
_ حابه قوي تشوفيها
_ ايوه ، انا من زمان حابه يكون ليه عيلة وما صدقت لقيت ليه قرايب
_ افهم من كده انك زعلانه علشان عيشنا لوحدنا
_ اكيد لا بس طول عمري كان نفسي يكون ليه قرايب نزورهم ويزورونا
بهتت ملامحي وانا بكمل واقول
_ أنت عندي بالدنيا كلها بس انا ربنا مأردش إني اعيش طفولتي مع ام ولا خالات ولا عمام ولا حتي اخوات
_ زعلانه انك عيشتي يتيمة الام
قولت بعبس
_ اكيد ، كنت اتمني اجرب احساس حنان الام ، نفسي اعرف حضن الام اللي الكل بيتكلم عنه ، وطول عمري بحس بألم لما بشوف ام مهتمه ب بنتها وبتحضنها وتصاحبها
بعثرت نظراته وهو بيقول
_ نصيب يا فاطمة ، ربنا عاوز كدة ، وانا كمان معشتش كتير مع امي وعمتك كمان ، الدنيا مبتديش كل حاجه، ادعيلها بالرحمة
_ الله يرحمها ، والحمدلله كفاية عليه انت من الدنيا كلها
قالت بإبتسامة باهته
_ بتحبيني يا فاطمة
_ بحبك وبس ده انت عمري كله
كملت وانا ببوس ايده
' ربنا يخليك ليه وما يحرمني منك أبداً
_ ويخليكي ليا حبيبتي
كمل مغير مجري الحديث
_ طيب الهدايا جاهزة
_ كله في الشنطة
_ تمام بكرة ان شاءلله نروح
#بيجاد
كنت في اوضتي بذاكر ف لقيت ماما داخلة عندي وبتقولي
_ بيجاد
_ نعم
_ عاوزاك بكرة الصبح بدري تروح تجيب خالك وبنته
_ جاين بكرة
_ اه وانت هتروح تجيبهم بدل ما يجو مواصلات
_ تمام
#خلود
عدت ساعات خايفة وبفكر في اللي ممكن يحصل معايا واحساس الخوف مش سايبني وكأن موتي قرب وقتها بس ولأول مره تنزل دموعي لأني مليش حد يقف معايا لا اب ولا ام ولا اخ ولا حتي خوالي موجودين عشان يوقفوا معايا ويحموني ، وحتي لو كان عمي عبيدة و ولادة هيوقفوا معايا مره مش هيوقفوا معايا التانيه واكيد بعد ما بلغت اتفتحت عليه ابواب جهنم اللي محدش هيحوشني منها
***
وبعد وقت قضيته في حزن وخوف ودموع وصلني اتصال من نفس الرقم ف رديت و وطيت صوتي علشان تيتة متصحاش ف قال بنبرة كلها مكر
_ ده انتي صاحيه اهو
_ عاوز ايه
_ عاوز افكرك بمعادنا اوعي متجيش
_ ولو جيت هتعمل ايه
_ هعفيكي من اللي ممكن اعمله فيكي لو مجتيش
_ وانا اضمن منين انك متأذنيش
_ الاذيه مش هتحصل غير لو مسعتيش الكلام لكن طول مانتي عاقلة انا هفضل مؤدب معاكي
_ ولو قولت مش هاجي
_ بعد ما تقوليها علي طول اتعبي ادخل البيدج بتاعتك من اي حساب وشوفي اول صوره ليكي
نزلت دموعي وانا بقول
_ انا عملتلك ايه مالك بيه حرام عليك
_ تاني ، ما انا قولتلك عاوزك في شغل ، يلا نامي علشان تصحي بدري
« تاني يوم»
#فاطمة
صحيت تاني يوم الساعة 8 الصبح وقومت غسلت وشي وجهزت فطار وبعدين دخلت فتحت شنطة الهدايا وطلعت منهم الهدايا المناسبة لكل واحد من اللي حسبهملي بابا ولكن كان في مشكله وهي ان الهدايا ملهمش شنط هدايا ف خرجت من الاوضه وقولت
_ بابا
_ ايه يا فاطمه
_ نسينا حاجة مهمة
_ هي إيه
_ مجبناش شنط هدايا
_ مش لازم شنط
_ لا طبعاً لازم ، ما تيجي نروح نجيب شنط او ناخدهم لأي محل ونخليهم يلفهملنا لفة حلوة
_ يابنتي ولزمتها ايه كده هنتاخر
_ نتأخر ساعة احسن ما نقدم حاجة وحشة ، من فضلك
قال بتنهيدة
_ طيب يا فاطمة طيب.، انا هروح وانتي اجهزي يكون جيت
_ ماشي وبالمره انضف البيت قبل ما نروح الغبار ماليه من الهوا اللي امبارح
_ خليه لما نرجع
_ متشغلش بالك هتيجي تلاقيني مخلصه كل حاجه
_ ماشي حبيبتي
ادتله الهدايا في كيس كبير وبعد ما مشي ربطت شعري بدبوس وغسلت المواعين ونضفت المطبخ وبعدين بدات اكنس التراب وزي عادتي طلعت التراب بره الشقه علشان اكمل الحته اللي قدام البيت ولأن ده الوقت اللي بيكون صاحب البيت اللي قدامنا في الشغل زي ما بسمعه دائما اكتفيت بطرحه فوق راسي وفستان بلبسه في البيت وطلعت اكنس المكان وفجاة الباب اتقفل وانا بقيت بره لا معايا تليفون استعجل بابا ولا معايا المفتاح علشان افتح ف بقيت الوم نفسي اني منتبهتش وكنت قلقانه ان حد يجي ويشوفني من غير نقاب والعباية المقسمة جسمي شيء ما ومكنتش عارفه اتصرف ازاي هل اخبط علي الجيران ولا استنا شوية يمكن بابا يجي وبعد حيرة قررت استني وكدة كده صاحب البيت مبيجيش غير في العصر وبعد وقت وانا واقفه وببص علي مدخل العمارة زهقت في قررت انزل وابص علي الشارع واشوف لو بابا جاي وبمجرد ما وصلت عند المدخل اتصدمت لما شوفت بيجاد جاي ف طلعت اجري اجري لفوق وقفت عند باب الشقة وبصيت لتحت لقيته طالع ف جريت لدور اللي فوق وقفت هناك وبقيت بصاله وانا مداريه وشي بالطرحه وفجاة لقيت عيلين جاين يجروا من فوق وبيخبطوا فيه يوقعوني من فوق السلم ولكن شاء ربنا يكون ليه عمر ولحقت امسك في الدربزين وصرخت صرخه سريعة من خوفي اني اقع ومن طرحتي اللي وقعت وبقيت بشعري اللي اتفك منه الدبوس كمان
#بيجاد
وانا طالع درجات السلم سمعت صوت بنت بتصرخ صرخة سريعة ولما بصيت فوق لقيت بنت متدليه من السلم ومكلبشه في الدرابزين ، ف جريت عليها واول ما وصلت مسكت ايدها وقولت وانا بشدها
_ مسكتك ، تعالي
كانت باصه لتحت وبتبكي بخوف وبعدين بتمسك في ايدي بأيدها التانية وترفع وشها ليه ، وشها اللي اول ما شوفته بقيت مبلم للحظات ومذهول من جمالها اللي مشوفتش زيه وبعد ما طالت نظرتي ليها قالت بخوف وكأنها متوقعة اني ارميها
_ سااعدني بليززز متسبنيش
قولت بعد ما فوقت
_ اه طيب طيب ، تعالي ، سااااعديني
شديتها واول ما وصلت الدرابزين حطيت ايديه علي وسطها ونزلتها وللحظة بقت في حضني وشعرها ملامس وشي ولكن بسرعة بعدت وبقت بصالي وجسمها بيترعش من الخوف ف قولت وانا مش قادر اشيل عيني عنها
_ انتي كويسة
هزت دماغها بالايجاب مع رجفه في جسمها وبعد ما طالت نظرتي ليها بتأمل جمالها ورقتها وهي بتسمح دموعها اللي مش راضيه توقف من الخضه بصتلي وقالت
_ متشكرة
قولت بإبتسامة وانا بتأمل شكلها
_ العفو ، انتي كويسه دلوقتي
قالت وهي بتاخد نفسها
_ اه الحمدلله
قولت بإبتسامة
_ الحمدلله ربنا ستر
_ الحمدلله
قولت بتردد
_ انتي ساكنه فين ، علشان اوصلك شكلك لسه خايفة
_ انا ساكنه هـ.....
بترت كلمتها فجأة و وسعت عينيها لأخرهم وهي بتحط دراعتها علي شعرها تداريه مني وقالت بصدمة
_ شت
_ ش ايه؟ ، في ايه
_ انت انت .....
رجعت تبص لتحت تدور عن حاجة وبعدين بتبصلي وتزقني من قدامها وتجري لفوق وانا وقفت مكاني ابتسامتي علي وشي
_ انت اللي وقعتها
كانت كلمة عيل من العيلين اللي لقيتهم واقفين ورايا ف قولت
_ انتوا اللي وقعتوها
قال واحد منهم
_ ده اللي كان بيجري و وقعها مش انا
قال تاني ملقي التهمه علي اخوه
_ اقسم بالله هو
_ طيب بس بس اهي كويسة وموقعتش ، بس هي مين دي واسمها ايه
قال واحد منهم بنظرات تحرش
_ اسمها غزززززل
رجعت ابص لفوق وقولت بإبتسامة
_ غزل
_ لا مـش غزل .....
قاطعه اخوه وقال
_ اسمها غزل ، ترهني علي 100 جنية
_ اراهنك علي 100 مليون
قولت باستفهام
_ انتوا بتتراهنوا علي إيه ، اسمها غزل ولا مسمهاش
_ اه اسمها غزل انا سمعت امها بتقولها يا غزل
_ كداب
_ انت شوفت امها
_ لا
_ يبقي تسكت ، اسمها غزل
قولت بضحك
_ هههههههه يعني متأكد
_ ايوه طبعاً
تجاهلت خناقتهم ورجعت ابص لفوق شوية وبعدين بصتلهم وقولت
_ هي ساكنه في الدور الكام
_ السابع
_ مش من هنا
_ ايه ، هي في السابع ولا مش من هنا
قال الولد اللي قال اسمها
_ بقولك في السابع انا شوفتها
_ طيب ابوها اسمه ايه
_ اسمه الاستاذ فواز
_كداب الاستاذ فواز بنته وحشه
_ خلاص يبقي اكيد بنت الاستاذ عبدالجواد
_ انتوا بتقولو ايه
_ هات عشرين جنيه وانا اقولك كل حاجه
طلعت خمسين جنيه من جيبي وقولت
_ اهي قول
_ منعرفهاش اول مره نشوفها ، اجري يلاا
قالها وطلعوا يجروا لتحت ف قولت
_ يا ولاد الايه نصبوا عليه
قولتها ورجعت ابص لفوق ولقيت رجليه بتاخدني لهناك لغيت ما وصلت فوق السطوح
#فاطمة
بعد دورين لقيت واحده فاتحة باب شقتها وبتنضف ف قولت وانا بدخل
_ اسفه بس الطرحه بتاعتي وقعت من فوق وفي راجل غريب طالع وهيشوفني بشعري ممكن طرحة
_ عندي حبيبتي تعالي ، بسم الله ما شاءلله انتي جميلة قوي
قولت بإبتسامة
_ مرسي
قولتها وفجاة سمعت صوت خطوات بتقرب ف دخلت ورا الباب واستخبيت وبعد دقيقة بصتلي وقالت
_ اهو طلع فوق
_ هو مين
_ واحد غريب يعني اكيد هو
طلعت دماغي من الباب وبصيت لقيته بيطلع السلم واول ما اختفي عن عيني قولت وانا بجري
_ ميرسي قوي انا هنزل اجيب طرحتي
كملت جري لغيت الشقة وقبل ما انزل لقيت بابا طالع السلم ف جريت عليه وقولت
_ المفتاااح
_ ايه ده ، خارجه بشعرك
_ المفتاح مش وقته!!!! هات وبعدين افهمك
نزل الحاجه اللي معاه وخرج المفتاح ف خطفته منه وجريت فتحت وكملت جري علي اوضتي وبعد دقيقة لقيته جاي ورايا وبيقولي
_ في ايه يا فاطمة
حكتله اللي حصل وانا بنهج وبعدين قولتله
_ بس معرفنيش بليييييز متقولهوش حاجه مش عاوزاه يعرف ان دي انا
_ هو فين دلوقتي
_ فوق السطوح
_ طيب يلا اجهزي وانا هشوفة
سابني وطلع وانا خدت غياري وجريت علي الحمام قبل ما يدخل الشقة واستحميت ولبست لبسي كامل داخل الحمام وبعدين طلعت ولقيته قاعد لوحده شارد وابتسامته علي وشه وقفت شوية مكاني افتكر الموقف اللي حصل وانا قلقانه من انه يكون عرفني وعلشان اتاكد انه مشكش فيه اتقدمت ليه وقولت
_ اهلا وسهلا
# بيجاد
فوقت من شرودي علي شكل المنتقبة وهي واقفة علي بعد مسافة مني ف تلاشت ابتسامتي واتحولت لاشمئزاز لما شوفت شكلها وخاصة وهي جاية ناحيتي وبتقولي
_ اهلا وسهلا
رديت من غير نفس وقولت
_ اهلا
_ جاي تاخدنا؟
_ بيقولوا
_ اوكي ، شويه وبابا هيجهز ونمشي
_ ماشي
فضلت علي نفس الوقفه لغيت ما جه خالي ومشينا كلنا ولما وصلت تحت شوفت طرحه ودبوس شعر واقع ومكسور ، عرفت انهم ليها ويمكن علشان كده هي لما هديت اتصدمت وخبت شعرها ف اتجهت ناحيتهم وخدتهم ف قال خالي
_ هتعمل بيهم اية
_ لا ولا حاجه بس بحب امسح العربيه كل شويه ودي هتنفعني
بصوا لبعض هو وفاطمة ف جاني صوتها وهي بتقول
_ يمكن صحبتها عاوزاها
قولت برخامة
_ لو عاوزاها رمياها ليه ، اتفضلوا
وصلنا العربيه وطلعنا وانا مش قادر اشيلها من دماغي لحظة واحدة ولا قادر اخفي بسمتي وبعد مسافة فوقني خالي من شرودي وهو بيقول
_ سرحان في ايه
_ هه لا أبداً مش سرحان ولا حاجة
_ كده مش سرحان
_ اه
قال موجه كلامه لفاطمة
_ باين كدة انه بيفكر في حاجة حصلت ومش عايز يقولنا عليها ولا ايه يا بطة
قولت
_ هههههه أبداً مفيش اي حاجة مهمه انا بس بحب اركز في السواقة
#خلود
قضيت الليل كله افكر اروح ولا مروحش وقبل المعاد بساعة بدا خوفي يزيد من اللي ممكن يعمله لو مروحتش ومع كده مكنتش قادره اخد قرار لغيت ما اتصل بيه بشر وقالي
_ مستنيه ايه
_ خايفه
_ متخافيش الظابط قالك انه هيتابعك لغيت ما يظهر ويمسكوه
_ افرض قتلني قبل ما يلحقوه
_ مش هيقدر يعمل حاجة متخافيش احنا وراكي
_ انت هتروح معاهم؟
_ طبعاً رايح
_ ماشي بس ونبي ما تسبوني ، انا مرعوبة بجد
_ قولتلك متخافيش ويلا الظابط قالي خليها تتحرك
_ حاضر
قفلت معاه وبعدها خرجت من الاوضه لقيت زيد قاعد نفس القاعدة بتاعته والاب توب قدامه وقفت لثواني ابصله وانا مش شايفه اندل منه ولا شايفه ان حد ليه ذنب في اللي حصل غيره وبعد ما شافني بعدت عيني عنه وطلعت من البيت ولما وصلت عند المدخل لقيته يناديني ويقولي
_ خلود!
وقفت لغيت ما وصلني وقال
_ رايحه فين
_ ليه
_ هو ايه اللي ليه مش خايفه من اللي بيهددك
_ لا
_ اه ده انتي شكلك غاوية عِند معايا وخلاص
_ والله ما بقيت تهمني ثانية واحده عشان اعند معاك
_ اه ده معناه اني كنت بهمك
ارتبكت من كلمته ف قولت وانا بدير وشي عنه
_ اه كنت معتبراك بني ادم سوي بس طلعت بوشين ومش سالك
_ عمري ما كنت بوشين ولا عمري نافقتك انا بقولك اللي في بالي ناحيتك من غير مجاملة ، انتي بس اللي مبتحبيش حد يقولك غلطانه في حاجة ولا بتقبلي النصيحة
قولت بعد ما اتجمعت دموعي في عيني
_ لا بقبل بس النصح لو كان كله معايرة واستهزاء وسخرية من اي حاجة بعملها ف اكيد مش هكون حابه النصح ده ولا اللي بينصح
كملت ببكا
_ انا دلوقتي مش لاقيه غيرك احط عليه اللوم في اللي بيحصلي
_ ليه هو انا قولتلك تعملي حاجه ولا انتي اختارتي بمزاجك
_ مش هتفهم ، طالما شايفني تافهه ف مش هتفهم كان تفكيري ازاي في الوقت اللي كنت باخد اي قرار وانفذه
_ الحاجه الوحيدة اللي انا فاهمها انك دخلتي طريق مش بتاعك ولا بتفهمي فيه عشان تقلدي وبس ، انتي كنتي عايزة تكوني زيي تعملي اللي انا بعمله وناسية الفرق اللي بيني وبينك ، انا راجل مفيش خطر عليه من الانترنت بس انتي فيه خطر كبير عليكي ، انا دكتور اتعلمت سنين علشان اقول الكلام اللي بقوله في الفيديوهات وانتي حتي كسلتي تكملي تعليمك ، انا ليه عيلة هتقف في ضهري مهما اغلط ، بس انتي ايه ، ده انتي حتي مدخلتيش كلية وضيعتي مستقبلك مع انك كنتي شاطره وجبتي مجموع عالي يدخل احسن كلية ، يعني سيبتي فرصة كبيرة تخليكي متفوقة عني في مجال خاص بيكي وركزتي في مجال متعرفيش حاجة عنه
_ كلامك مش ماشي مع بعضه ، بس هوضحلك حاجة ، انا مدخلتش كلية يا دكتور علشان اي كلية ممكن ادخلها بمجموعي العااالي محتاج فلوس كتير وانت سيد العارفين بحالتنا وانت قولتها مليش حد ، مفيش حد كان هيتكفل بمصاريف كليتي ، وحتي لو كلامك صح انا بقلد وبغلط وبعمل كل المصايب اللي في الدنيا ، ف انا مكنتش محتاجه اكتر من نصح بطريقة كويسة من غير سخرية وتقليل مني وكنت هسمع الكلام مكنتش هعند وخلاص
كملت بتنهيدة
_ وشكرا علي اهتمامك اللي خلاك تسيب الاب توب وتيجي تشوفني رايحة فين ، عن اذنك
مشيت في طريقي للمكان اللي اتفقنا عليه وطول الطريق شايفة واحد بيتابعني وتوقعت انه يكون واحد من البوليس وده خلاني اطمن شوية ف كملت طريقي ولما وصلت ملتقش حد بقيت مستنيه شويه لغيت ما عيني جت علي كراسة محطوط عليها حجر ف قربت منها مسكتها وقريت اللي عليها
_ مستنيكي عند «*******» معاكي نص ساعة علشان تكوني هناك
بصيت حوليه ملقتش حد غير الراجل اياه واقف بعيد ف مشيت وروحت المكان اللي قالي عليه ولما وصلت هناك وقفت شويه استنا لغيت ما لقيت ولد صغير بيقولي
_ انتي خلود
_ ايوه انا
_ عمو باعتلك دي
اداني ورقة ولما قريتها لقيت مكتوب فيها
_ عارف اني تعبتك معايا بس كملي وروحي «*****» واخرجي من الباب الخلفي واستني هناك
رجعت ابص علي الراجل اللي كان ماشي ورايا لقيته لسه موجود ف كملت طريقي للمكان اللي قالي عليه ودخلت هناك ومريت من الباب الخلفي زي ما قال وبعد ما وصلت وبصيت حوليه علي الراجل ملقتهوش كان اختفي وفجاة وفي وسط قلقي وخوفي لقيت نيرة في وشي وبتقولي
_ خلود؟
قولت وانا بدير وشي عنها
_ ايوه ، عاوزة ايه
_ بتعملي ايه هنا
_ مش بعمل
_ طيب انتي كويسه ، مالك
_
_ عارفه اننا مبقناش صحاب بس انتي شكلك فيكي حاجه ، محتاجه مساعدة
قولت بعد ما ظهرت دموعي وحسيت ان مفيش حد هيساعدني
_ اه محتاجه
_ انتي يتبكي ، في ايه احكيلي
حكتلها اللي حصل ف قالت
_ يا مصيبتي ، طيب وازاي ريحاله يابنتي افرضي عمل فيكي حاجه
_ ما انا مقدميش حل تاني حتي العسكري اللي كان بيراقبني اختفي وشكلي تهت منهم
_ يالهوي يا خلود ، لا انا مش هسيبك تروحي لا
_ امال اعمل ايه ما انا مجبورة انفذ كلامه
_ لا مش مجبورة ولا حاجة اسمعي انا هساعدك وهعرف اوصل للواد ده واجيبهولك متكتف عشان يعرف ان بنات الناس مش لعبة تعالي معايا
_ لا استني مقدرش ده بيهددني انه هينشرلي صور وحشه لو مروحتلهوش
_ وحشه علي نفسه هي ساعه وهنوصله معاكي رقمه صح
_ معايا
_ طيب ادهوني وانا هديه لحد يعرفلنا هو مين ويجيبلنا قراره وهكر بهكر احنا هنجبله صور امه واخته كمان
_ بجد يا نيرة
_ بجد ، مهما كان اللي حصل ف انتي صحبتي واختي مقدرش اشوفك في مشكلة زي دي واسيبك
قولت وانا بحضنها وببكي
_ ربنا يخليكي ليه ، انا اسفة قوي يا نيرة حقك عليه
_ يابت انتي اختي ، ومش عاوزاكي تخافي طول ما انا جمبك ، تعالي
مشيت معاها وفي الطريق اتصلت بحد وقالت
_ ايوه يا حسن .. الحمدلله ... تسلملي بس كنت عاوزاك في خدمه صغيرة... واحده صحبتي واقعة في مشكله ومفيش غيرك هيعرف يساعدها"
ابتسمت وهي بتقول
_ متشكرة قوي يا حسن ربنا يخليك ، انا هجبها دلوقتي وهجيلك مع السلامة
قفلت معاه وبصتلي ف قولت
_ هنروح فين
_هنروحله المحل بتاعه وفي قعدة واحده الحوار ده هيخلص
_ متأكدة
_ طبعاً انا مجرباه قبل كدة
روحنا مع بعض وعدينا في طرق كتير لغيت ما وصلنا عمارة قديمة في مكان شبة مهجور ف قولت بأستغراب
_ اية المكان ده ، معقول المحل بتاعه هنا
_ هو مش محل محل هي شقة فيها عدة الشغل بتاعته يلا زمانه قلقان بسبب تأخيرنا عليه
طلعنا و ولد فتحلنا وقال
_ ده انا كنت همشي اتأخرتي ليه
_ كنا بنتوه حد
_ باين عليه حوار كبير ادخلوا
دخلنا ف لقيت ولد تاني طالع من اوضة هناك بقيت ابص لشكل الشقة وانا خايفه ومكلبشه في دراع نيرة وفجاة الولد اللي فتحلنا قفل الباب بالمفتاح ف قولت بعد ما قلقت اكتر
_ هو بيقفله بالمفتاح ليه
فلتت ايدي عنها وبعد خطوتين وقالت بإبتسامة خبيثه
_ علشان الشغل اللي اتفقنا عليه ولا نسيتي