رواية عودة ابليس
الفصل العشرون 20
بقلم رشا منصور
عزيز…. أول ما نورين نقلتني ل أوضتي مقدرتش أقف ووقعت ع الأرض وغمضت عيني كنت حاسس بكل حاجه بس من التعب مش قادر أتكلم او أفتح عيني وسمعت صوت ميسان وهي بتنادى عليا بس مكنتش قادر أتحرك
ميسان….
عزازيل حبيبي فوق يا حراس احضروا الأطباء في الحال 😢 حبيبي أرجوك فوق انت أقوى من كدا
حضروا الأطباء والحراس رفعوا عزازيل من الأرض للسرير واتعمل كشف شامل عليه
الأطباء…. .
المريض بيعاني من هبوط حاد وضعف شديد محتاج ل راحه تامة وتغذيه جيدة وممنوع اى مجهود لأن جسمه البشري ضعيف وده هيأثرعليه لو حاول يتحول وياخد جسم الجن
عزيز….
كنت سامع كل حاجه بتتقال بس فضلت مغمض عيني لأنى مجهد فعلا بس خليني كدا أنا محتاج أنام
فجأة سمعت صوت نورين بتقولي اتحمل مش من مصلحتك أنك تستعيد قوتك دلوقتي
وانصرفوا الأطباء بعد ما ادونى حقنه فيتامين تقوى جسمي
ميسان…
فضلت جنب عزازيل مش قادرة أرجع العشيرة واسيبه وحسيت إنى عاجزة إنى أنقذ جوزى حبيبي وفضلت أصرخ
يا عشائر الجن المسلم ليه بتعملوا في جوزى كدا هو معملش لكم حاجه ليه عاوزين تحطموا' عزازيل 😢😢😢
هو عمره ما ضر. حد منكم ليه عملتوا فيه كدا آآآه عزااااازيل
يا نار قلبي عليك 😓
نورين….
كنت شايفه وسامعه كل حاجه صعبت عليا وواضح أنها بتحبه فعلا لكن الأوامر كانت وضحه مظهرش إلا ل عزيز وبس
وبعدها سمعت حركه وصوت حد
صرماط….
إنتي بتعملي إيه هنا اتفضلي ارجعي للعشيرة خليكي جنب احفادى
وملكيش دخل بأى حاجه يعملها عزازيل
ميسان….. مش قادرة اسيبه لوحده وهو بالحاله دي
طب لو ممكن أخده معايا أرجوك مش هسيبه هنا
صرماط…. مافيش الكلام ده أحنا بنفذ أوامر إبليس وبس حتى لو هنضحي بحياتنا كلنا فاهمه يلا اتفضلي
ميسان…. كنت مصدومة من كلام الأمير صرماط واختفيت وطرت ل طنط نهي وقولتها ع كل حاجه حصلت
نهي….
يعني صرماط مستعد يضحي بأبني تمام
روحي يا ميسان للأولاد خلي بالك منهم وزى ما قالك عزيز قبل كدا وقت ما تحسي بالخطر' تاخدى أولاد عزيز واقعدى عند مها واطلبي منهم الحمايه والتحصين لكم كلكم
ميسان…. إيه اللي ممكن يحصل أنا خايفه 😓
نهي….
مش مهم إيه اللي يحصل المهم عندى عزيز يبقي بخير اطمني
سهي…
صحيت من النوم الفجر وصليت وقرأت القرآن من الموبايل بعد ما أمير نزل ليا المصحف بالكامل عليه وقالي علشان لما تكونى فى اى مكان يكون القرآن معاكي
وبعد ما خلصت طلعت أقعد في البلكونة أشوف شروق الشمس وفجأة سمعت صوت أمير
أمير….
هتوحشيني أوى رغم إنى عرفتك من كام يوم بس إلا إنى حاسس إنك بقيتي جزء منى مقدرش استغني عنك
واتفاجات لما لقيت الدموع فى عيونها اتخضيت عليها اوى
وفضلت اقولها مالك فيكي إيه فى حد زعلك فى حاجه تعباكي حبيبتي قوليلي فيكي إيه
سهي…
أمير قال كل اللي كان جوايا أنا اتعلقت به أوى ومش متخيله إنه هيبعد عني وغصب عني دموعي نزلت
وشوفت أمير وهو قلقان عليا كنت عاوزة أقوله أنا تعبانه بك انت متبعدش عني بس مقدرتش انطق وقولت له أصلي مش بحب الفراق وأميرة وطنط مها هيوحشوني نفسي يفضلوا معايا
أمير. …
حبيبتي أنا رشامنصورحاسس بكي اطمني مش هتحسي إنى بعيد عنك أهم حاجه أوعي تنسي تشحني الموبايل وبكره تزهقي من كتر اتصالي
جدتى….
صباح الخير يا ولاد أنا عاوزة أقولكم ع حاجه من الاخر كدا أنا رافضه الخطوبه دى
سهي… أنا وأمير فى صوت واحد إيه ليه 😨
جدتي…. أيوة خطوبه إيه إحنا نكتب الكتاب ع طول وانت اجدعن وجهز الشقه وخلونى الحق أشوف ولادكم
أمير…
والله يا تيتا ما هنزل كلمتك أول ما عبدالله يوصل هنعمل الشبكه وكتب الكتاب ع طول وهخلي أميرة تجيب فستان الفرح من فرنسا يا قمر انتي
سهي…. اتكسفت من كلامهم وجريت عند ماما قولتلها وأنا فرحانه
ام عبدالله. …
ربنا يابنتي يكتبلك اللى فيه الخير ده يوم المني لما أشوفك عروسه
عبدالله….
من أول ما سفرت للبحر الأحمر واستلمت الشغل وأنا معرفش حاجه عن أمي واختى يا تري عايشين ازاى وبيصرفوا منين أهو فات عشر أيام وفضلي لسه ستاشر يوم كمان بس عرفت ان عم محمد جارنا اللي جابلي الشغل اتنقل للفرع هنا ع الله يطمني عليهم
يارب انت عالم بالحال لولا الحوجه مكنتش سيبتهم أبدا 😔
صرماط. …
فضلت بالقرب من عزازيل وأنا قلقان عليه إذا كان ده حاله من تاني مقابله اومال بعد كدا هيجري له إيه
لولا خوفي من الأمير المخلد كنت رفضت ذهابه للجن المسلم
أنا عارف ان سبب تعبك ده هو ولائك ل إبليس المخلد بس مع الأسف مش قادر احميك بس هحاول أطلب إنهاء مهمتك
مع إني عارف طلب زى ده هيتفهم إنى خائن' وهتعرض للمحاكمة بس ع الأقل يبقي حاولت أنقذك يا إبني
وفجأة اتنقلت أنا وعزازيل فى جزيرة وسط البحر
لوسيفر…..
بتفكر في إيه يا صرماط أنا عارف أنك قلقان ع أبنك بس واضح أنك نسيت ان عزازيل ولي العهد ونائب عني في عالم البشر
أنا مقدر مشاعرك لكن حذاري وغضبي' عليك
وبالنسبة ل عزازيل هيستعيد قوته من جديد لأن أنا بحميه ولولا ان بداخله جزء من قوتي كان زمانه مات. يعني انت مدين ليا بحياة أبنك علشان كدا المفروض ولائك ليا يزيد
وتأكد طول ما أنا راضي عنكم عزازيل هيفضل بخير
صرماط….
الأمير المخلد لوسيفر الأعظم سامحنى واستسمحك ان تمنح قوتك ل عزازيل حتى يسترد صحته ويقدر ينفذ مهمته بنجاح
كلنا خدام لك ولا يهمنا إلا رضاك عنا
لوسيفر ….
عزازيل هيسترد قوته لأنه نال رضايا ومن اللحظه دى محدش له دخل به ونظرت إلي عزازيل وجدته فاقد الوعي وواضح عليه أثار' التعب و مافيش حاجه اقدر أعملها
بصيت ل صرماط وقولت اذهبوا فى الحال ورجعتهم ل عالم الأنس
صرماط ….
وجدت نفسي أنا وعزازيل في حجرته ونظرت إليه بحصره وذهبت إلي العشيرة ونبهت ع الحراس يظلوا بالقرب منه ويبلغونى أخباره
نورين….
أول ما رجعت من عند عزيز ذهبت الي الحكيم لقمان فى عندي أستفسار هل في أمل أن ننقذ عزيز وأهله ويعيشوا هنا معنا او يظلوا فى عالم البشر لكن بعيد عن بطش إبليس هو ناوى يعيش فى سلام وأحنا نقدر نساعده
بصراحه صعب عليا بكاء زوجته وأكيد إبليس مش هيرحمهم
الحكيم لقمان ….
أحنا مسؤولين عن عالمنا وليس من الحكمة ان ندخل حرب' علشان واحد كافر. من نسل إبليس
هل من العقل ان أعرض أبنائنا لاى مخاطره.
تفتكري لو أنك ذهبتي إلي إبليس لطلب الحمايه منا هيقدر يعرض نفسه للمخاطر. علشانك
نورين….
أنا عارفه ان فى معاهدة ان لا يتدخل أحد فى شؤون الآخر ألا لو طرف منكم اخل بالعهد
الحكيم لقمان….
صحيح يعني ببساطة لو وقفنا قصاده علشان عزازيل هيقول بكل ثقه انه عاوز إبنه ومنقدرش وقتها نعمل حاجه غير أننا نسلم عزيز له حسب شروط المعاهدة ودى حقيقه منقدرش ننكرها
إبليس وأبنائه ملعونين. ليوم الدين حتى لو حد منهم كان قاصد خير
نورين….
يعني مافيش حاجه نقدر نعملها من غير ما نكسر المعاهدة
الحكيم لقمان….
لا يعلم الغيب غير الله سبحان وتعالي سيبي كل حاجه ع ربنا
المهم فى الوقت الحالي سهي وفري لها الحمايه الكامله لأن ممكن لو إبليس علم بنوايا عزيز يخطف. سهي ويساومنا بها
نورين …. سأذهب بنفسي لتحصينها استأذنك
ذهبت إلي بيت عزيز وحصنت سهي من شياطين الأنس والجان
وبعد كدا روحت ل اوضه عزيز عرفت أنه فايق بس مجهد همست له وقولت
الحبوب معايا أنا عارفه إنك سامعني لو انتهيت من مقابله إبليس تقدر تاخدها لأن كل ما الوقت بيعدى انت بتضعف زيادة
عزيز….
لما كنت عند إبليس مكنش يعرف إني فايق ومقدرش يساعدنى وتركني بحالتي دون محاوله منه
لكن نورين قدرت تعرف إنى سامعها امتي أقدر اكتسب القوة دى واكون زيها
فتحت كف أيدي وقولت بصوت يشبه الهمس اخفيني وفعلا لقيتها ظهرت واديتني حبايتين واول ما اخدتهم حسيت إنى قادر أتنفس وضربات قلبي بدأت تنتظم بعد ان كانت ضعيفه بصيت لها وقولتها شكرا انا كنت حاسس اني بموت
ونبهتني ان مينفعشي افوق دلوقتي ع طول لازم أصبر شويه وكأن مفعول حقنه الفيتامين جاب نتيجه
واضح أنها متابعه كل حاجه بتحصل هنا المهم دلوقتي الخطوة الجايه تتنفذ صح
جدتى …. يا أمير روح يابني صحي مها وأميرة وأنا هجهز الفطار وشوف عزيز لو يصحي يفطر ويكمل نوم
أمير ….
صحيت ماما وأميرة وخبطت ع اوضه سهي وقولتلها صحي طنط لأن تيتا بتجهز الفطار
ودخلت ل عزيز وفضلت افوق فيه ولما ابتدي يفوق كان شكله كأنه لسه مفقش من النوم قولت له فوق يلا علشان تفطر واسلمك التصميم ع فكرة انا كلمت المكتب الهندسي وأول ما توافق ع التصميم هبعته لهم ع طول
عزيز…
من غير ما أشوف حاجه أنا واثق في شغلك وأنا كمان كلمت شركه أجهزة المانيه وهسافر انهاردة اعاين كل حاجه بنفسي
وهقعد كام يوم هناك ادلع نفسي شويه واهو سهي ومامتها مع جدتى وهسيب حمايه لهم هنا
أمير… هتسافر إزاي بحالتك دى انت مش شايف شكلك
عزيز ….
أنا اظاهر تعبت من اكله السمك بتاعه امبارح ومحتاج بس اكل واشرب شوب قهوة علشان افوق كنت شايف حراس العشيرة واقفين فى أركان أوضتي
قولت ل أمير روح انت وإنا هاخد شاور وهحصلك
وعملت نفسي بقوم بالعافيه وكأني دايخ وشكلي كدا هسيب الطب واشتغل ممثل 😂