رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية الزواج الحزين 

الفصل الثالث3

بقلم رحاب القاضي

 

الام _

جايلك حتت عريس ي ليلي ميتعوضش.. 

ليلي _

بس انا مش عايزه اتجوز تاني ي ماما.. 

زعقت ماما فيا _

يعني اي مش عايزه تتجوزي تاني هتقعدي جنبي يعني؟.. 

بكيت وقولتلها _

ي ماما حرام عليكي انا مبقاليش اربع شهور مطلقه جواز اي بس اللي عايزاني افكر فيه.. 

الام _

مهو لو العريس ده مشي، مش هيجيلك احسن منه.. 

ليلي _

يطلع مين ده ي ماما اللي مفرحك اووي كده؟.. 

الام _

هشام ابن الست وفاء اللي ساكنه فوق مننا، غني ومرتاح وعنده شركة ادويه وشكله حلو وظروفه زيك مطلق ومعندوش عيال... 

اتعصبت وقولتلها _

هشام ي ماما انا ايوه معرفوش بس اللي بسمعه عنه لا يتقال ولا يتحكي ده واحد صايع وبتاع بنات... 

ردت عليا ماما بهدوء _

ده بس عشان عايش لوحده وامه مش راضيه تسيب البيت هنا انما لما هيتجوز هيبطل الكلام ده.. 

بكيت وقولتلها _

تاني ي ماما نفس الكلام اللي قولتيه ع عماد بتقوليه ع هشام انتي نسيتي انه لما اتجوز مكملش شهر ومراته اطلقت لما شافته بيخونها.. 

زعقت ماما فيا _

يووه بقي انتي ع طول كده ساده نفسي، بقولك اي الواد بيقول شافك وعجبتيه وراح كلم ابوكي وابوكي موافق وبلاش عند مع ابوكي هو متدايق منك بسبب الكليه اصلا.. 

_ادايقت ودخلت اوضتي وفضلت ابكي.. 

ــــــــــــــــــــــــــــــــــــــــ 

_تاني يوم مروحتش الكليه وكنت قاعده فاوضتي، دخلت ماما وقالتلي.. 

الام _

ليلي تعالي سلمي ع الست وفاء بره عايزه تشوفك.. 

ادايقت ورديت عليها ـ

انا مش عايزه اقابل حد.. 

الام _

يبنتي الست جايه لحد عندنا ميصحش كده ي ليلي.. 

_قومت وطلعت مع ماما ولقيت الست وفاء جارتنا قاعده فالصاله.. 

ليلي _

ازيك ي طنط وفاء؟.. 

ابتسمت وقامت وحضنتي وردت عليا _

الحمد لله ي حبيبتي، انتي عامله اي واخبارك اي؟.. 

رديت عليها بهدوء_

انا كويسه الحمد لله.. 

وقاء _

فرحتلك جدا لما عرفت انك. دخلتي الجامعه برافو عليكي.. 

ليلي _

شكرا جدا ليكي.. 

قامت ماما وقالت _

هقوم انا اعملكم حاجه تشربوها واسيبكم تتكلمو شويه مع بعض.. 

وبعدين بصتلي وقالت _

وانتي ي ليلي متزعليش الست وفاء واسمعي كلامها.. 

_دخلت ماما المطبخ وانا كنت قاعده مدايقه وساكته.. 

وفاء _

هشام ابني شافك امبارح ع السلم وهو جاي يطمن  عليا، وسأل عم حسن البواب وقاله عليكي.. 

سكت وبصيت للارض، وكملت هي كلامها _

انا ي بنتي مش جايه اقولك وافقي لاني عارفه الكلام اللي بيتقال ع ابني كويس بس عشمي فربنا وفيكي خير ان حاله يتصلح ع ايدك.. 

ليلي _

ع ايدي انا ازاي؟.. 

وفاء _

لما هشام جه قالي انه عايز يتجوزك قلبي اطمن انه اختار بنت حلال زيك، هشام ااه طايش شويه بس مش وحش ي بنتي هو محتاج حد يوجهه للصح.. 

مدريتش بنفسي غير وانا بسألها _

انا اسفه بس لي حضرتك منصحتيهوش وغيرتيه.. 

وفاء _

ده انا لساني نشف من الكلام معاه واخرت ما فيها سيبته ورجعت قعدت لوحدي هنا، بس قلبي بيقولي انه هيتغير معاكي.. 

اتنهدت ورديت عليها _

الموضوع مش كده انا بس لسه طالعه من موضوع جواز عقدني فالدنيا ومش جاهزه افكر حتي في جواز تاني.. 

                  الفصل الرابع من هنا

     لقراءة باقي الفصول اضغط هنا

تعديل المقال