رواية الحب اللطيف
الفصل السابع7
بقلم نور محمد
وبعد سبع ساعات اخيرا وصلنا وفهد حط ايده على كتفي علشان اصحي وانا فتحت عنيا بهدووء وبصيت من شباك العربيه قدامي على اكبر قصر شوفته في حياتي كلها بانبهار شديد وبعدها وجهت نظري لفهد بصدمه وزهول وقولت: هو انت طلعت وزير فعلا يافهد
ضحك فهد على شكلي وصدمتي وبعدها طلع ومسك ايدي وانا طلعت معاه وقال:لا انا مش وزير بس حياتي اكبر من كده بكتير ياملوكتي
ابتسمت بتلقائيه على ابتسامه وغمازته الي تجنن وبعدها لقيت مريم صحيت وطلعت وهي بتقول ليسه بنوم:احنا فين؟ وايه الجنه الحلوه دي ياملك؟!!
ضحكت على شكلها قدامي وقولت بهيام:هي فعلا جنه يامريم الظاهر اننا داخلين على دنيا تاني ومغامره من نوع اخر يامريومه
جرت عليا مريم ومسكت ايدي بخوف وقالت:ملك اوعي تبعدي عني انا بخاف من الاماكن الجديده عليا ارجوكي
رديت بهدووء:حاضر ياقلبي متخافيش وانا جنبك أبدا
ابتسم فهد على شكلنا سوي وقرب مسك ايدي بتملك وحب وقال:اوعدك ياملك طول مافي صدري نفس اتنفسه هفضل جنبك وسندك انتي واختك العمر كله مش عاوزك تخافي من أي شئ وانا جنبك ابدا ياحياتي
ابتسمت ليه بحب كبير وكلماته دي دخلت قلبي بجد وبعدها اخدني فهد انا ومريم ودخلنا القصر
وانا طول الطريق بتلفت حولي بنبهار شديد قصر كبير يشبه قصور المسلسلات الهندي الي كونت بشوفها بحديقه جميله جدا مليئه بالاشجار والزهور الساحره وفي نصها حوض لسباحه كبير اوي وجميل جدا فكانت الحديقه القصر مثل الجنه من المناظر الطبيعيه فعلا
دخلنا القصر وانا عنيا وسعو بزهول تام ايه الجمال ده كله انا لو فضلت اوصف في جماله لمده شهر مش هيخلص!!
فجأه قاطع بحر انبهاري وصدمتي من جمال القصر صوت شخص في الخمسين من عمره بيقول:اهلا نورت اخيرا قصرك يافهد بيه
بصت عليه قدامي كان شخص كده هيبه ببدله رسميه وأنيق جدا رغم عمره الكبير
وبعدها رد عليه فهد ببرود وقال:القصر منور بصاحبه ياعمي
رد عليه عمه بضيق وقال:امال كونت فين الفتره الي فاتت دي كلها يافهد باشا
اجابه فهد بضيق مثله:كان عندي شغل مهم في فرع الشركه القاهره ياعمي
تبدلت ملامح عمه لضيق شديد ونزلت بنت من على السلم وهي ترتدي فستان ضيق جدا باللون الازرق وفارده شعرها على ظهرها وكان لونه اصفر داكن وحاطه مصنع بحاله ميكب على وجهها
وانا بصيت عليها بغيره وغضب وهي مركزه نظرها على فهد بحب وانا كان نفسي اروح اجيبها من شعرها وقتها علشان حطت عنيها على حبيبي بس تحاملت على نفسي وسكت علشان خاطر فهد
وقفت البنت دي بدلال جنب عم فهد وقالت:ايه ده فهودي رجع القصر اخيرا عامل ايه ياروحي وحشتني اوي
بصيت عليها بنظرات ناريه ومريم مسكت ايدي بقوه وخوف وهمست ليا بصوت خافت: اهدي ياملك ارجوكي مش عاوزين نعمل مشكله في اول دخله لينا قصره كده اهدي وحيات خاطر فهد عندك دلوقتي وبعدها هنتصرف معاها اوعدك
سمعتها وانا بحاول انظم نفسي واهدي من غضبي شويه وفجأه لقيت فهد حط ايده على كتفي بحب وتملك
وهو بيوجه كلامه لها ببرود:الحمد لله يانرمين كويس اوي طبعا مدام زوجتي وروح قلبي جنبي ومعايا
بصيت بفرحه كبيره على فهد ولقيته غمز ليا ببتسامه ساحره وانا فهمته فبتسمت ليه بحب كبير
وفجأه سمعت صوت عمه بيقول:انت بتقول ايه؟ يافهد انت نسيت انك خطيب نرمين بنتي والا ايه!!
رد عليه فهد ببرود تام:لا منستش ياعمي بس الظاهر ان انت الي نسيت اني قبل مااخطبها قولت اني بحب وحده تاني وهجوزها بس انت الي اصريت اني اخطب نرمين برضو
فهد قال كده وشدد ايده على كتفي بتملك اكبر علشان يوصل ليهم كلامه اوضح وكمل:ودي هي حبيبتي المدام ملك فهد المصري زوجتي على سنه الله ورسوله
فرحت اوي اوي من كلامه ده قدامهم ورجعت بصيت علي نرمين بنت عمه دي بشماته لقيت علامات الصدمه احتلت عنيها هي وابوها وبعدها طلعت لغرفتها وهي في كامل غضبها
وعم فهد بص في اثرها بحزن عليها ووجه نظره لفهد بغضب وقال:تمام يافهد بس افتكر انك كده خونت بنت عمك وعيلتك كلها بعملتك دي
ضحك فهد بسخريه على كلامه وقال:خونت بنت عمي لا ياعماد بيه قصدك اني خونت حبيبتي الاول لما سمعت كلامك وخطبت نرمين وانا قلبي ملك وحده بس وهي مراتي ملك
عماد عمه سمعه ودايق اوي فسابه وطلع بغيظ على غرفته وانا بصيت عليه بنظرات الشماته فيه هو وبنته الملزقه دي كمان
وفهد تنهد بعد مامشو من قدامه ومسك ايدي بحنان وقال: تعالي ياملك نرتاح فوق اكيد تعبانه ياقلبي
ابتسمت ليه وطلعت معاه لغرفنا فوق ومريم فهد حضر ليها غرفه جنب غرفتنا علشان تبقى قريبه مني
ودخلنا غرفنا وانا بفرك في ايديا بتوتر كبير فقرب مني فهد بحب وقال: مالك ياروحي انتي كويسه
ابتسمت ليه بتوتر وقولت: ايوه كويسه بس يعني متوتره شويه كده و..
وقبل مااكمل جملتي لقيت فهد حط ايده على شفايفي بحنان وحضني بحب واشتياق وقال: مش عاوزك تتوتري ابدا في وجودي معاكي ياملك لاني مستحيل اجبرك على شئ انتي مش عاوزاه وانا كل الي محتاجه منك هو وجودك جنبي وفي حضني بس ده كفايه عليا ياقلبي
نزلت دمعه الفرحه من عنيا وانا ببادله الحضن بحب وهيام وقولتله: انا بحبك اوي اوي يافهد
رد فهد بنبره كلها حب وعشق :وانا بعشقك مش بحبك بس ياقلبي
بعد فهد عني ومسح دموعي بحنيه كبيره وكمل وهو مركز عنيه في عنيا وقال: حبيبتي مش عاوز اشوف في عنيكي الجميله دي دمعه واحده تاني ياملك واوعدك طول مانا بتنفس جنبك هملأ حياتك سعاده وفرحه بس
خلص كلامه وهو ليسه مركز في عنيا وانا كمان ركزت في عنيه اوي وقرب مني بهدووء بس فجأه رن فونه
فبعد فهد عني وبص على الفون بتوتر وقال:معليش ياملوكه هخرج شويه بس وهرجع علطول مش هتأخر عليكي ماشي
هزيت رأسي ليه وهو خرج بسرعه وتوتر وانا بصيت في اثره بقلق وعدم فهم
مر وقت كبير وفهد مرجعش وانا بدأت اخاف عليه فمسكت الفون ورنيت عليه بس هو مردش وده زاد من خوفي عليه اكتر فقولت انا لازم اخرج ادور عليه بره احسن
وفعلا خرجت من الغرفه وانا بتلفت حوليا بخوف لان المكان كبير اوي فضلت امشي مش عارفه انا فين في القصر ده وصلت لاخر المرر قدامي وفجأه
لقيت فهد كان واقف قدام شباك كبير وليسه بيتكلم في الفون بتاعه تهندت براحه وجريت عليه بفرحه كبيره وحضنته بقوه وقولتله:خوفتني عليك اوي يافهد كل ده كلام في الفون ياحبيبي
مرت دقيقه بس وانصدمت بشده لما لقيت فهد زقني بسرعه بعيد عنه ووقعت على الارض بقوه وانا ببص عليه قدامي بصدمه ودموع
وفجأه سمعت صوته اجه من خلفي وهو بيجري عليا بقلق وخوف بيقول :ملك انتي كويسه ياحبيبتي؟!..