رواية رايتك صدفه
الفصل التاسع9
بقلم صفاء حسني
حسيت بنغزة فى قلبي ومش عارفة ليه رغم ده حقه من حقه يتجوز ويجهز نفسه هو بردو كبير مش صغير من امتى بقيت انانى يا اريج وفى الأول والآخر هو ابن خالك ومش كل حب انحبه يكون لينا لكن بجد مش عارفة ليه قلبي مش بيدق غير ليه وسالت اشجان وقتها
هو يعنى طلب ايد بنت
وقتها ردت عليا ملك وقالت
هو انا سمعت من طنط رحاب انها بترشح ليه بنت سليمان عارفها يا اشجان
هزت راسها اشجان
طبعا ده بنت زى القمر وادب وأخلاق بس احتمال مش يوافقي البت فى طب وانتى عارفه ان الطب تعليمه 7 سنين يعني يا مين يعيش
لاقيت نفسي بسالها
هو لو بيحبها يستنها صح
ضحكت ملك
مش عارفين لكن اعتقد صعب اجود يستنها وهى اصلا فاضل لها الا سنتين امتياز ونزلت كمان اشتغلت في المستشفيات يعني ممكن تتجوز وتكمل تعليمه عادى على الاقل تبقي دكتورة العيلة
ضحكت اشجان
يا مصلحكى لا انا عارفه ذوق اجود مش يقتنع بيها
بلعت ريقي وقتها وقولت
ما هو بيحب واحدة تانى صح
نظرت ملك بدهشةولهفة
بجد هى مين ده انا نفسي امسك عليه حاجه مش عارفة الكل بيقولي عليه صعب جدا ده مش بيدي لحد ريق حلو
رفضت اريج
لا طبعا بيتكلم معاكى عادى وكمان حبيبته بيتكلم معها بالساعات ب الامراة السنه الا فاتت شفوته واقف معاها وفضلت توصف شكلها
اڼصدمت ملك
انتى تقصد بنت الخياطة فرح
اتكلمت اشجان بعصبي اول مره اشوفها كدة
بلاش حد يطلع إشاعة على أخوى ب العطالة مفهوم ونخلص كلام على كده وندخل نحط حجاتنا فى الدولايب وقت ما يختار الانسانة الا يحبها يتجوز
دخلت ملك واشجان وانا فضلت واقفه ابوص عليه من بعيد وانا سمعهم كانت ملك بتقول ل اشجان
اعملي حسابك انا سمعت جدى بيقول لازمنا اجود يتجوز خلال شهرين عشان جدى تعبان ونفسه يفرح بحفيد ليه منه واجود وافق انا سمعتهم من يومين وقاله لو الا فى بالك يا جدو انا موافق من بكرة
ووقتها جدو قاله
يعني انت موافق عليه يا ولدى
وقتها اجود رد عليه
طبعا يا جدى بس مستنى انت عارف
ضحك الاب اه يا ولدى لسه صغيره لكن ملحوقة فاضل شهرين ٣ بالكتير ووقتها تتجوزى وتريح قلبي
وكانوا بيضحكوا مع بعض
انا سمعت كلمتها من هنا وحسيت انى مش على بعضى والدنيا بتلف بي وكانى بشوف ماما اقدمى وهى بتقع ومش عارفه حصل ايه