رواية لعنة السحر الاسود
الفصل الاول1
بقلم ابرار محمد طرخان
المسدج ده اتبعت ليا من رقم غريب الساعه 1 بـ ليل، انا استغربت لأني قاعد لوحدي، واهلي مش موجودين راحو فرح بنت عمي وقالولي تعالي بس انا مبحبش الدوشه فـَ مروحتش، ومحدش يعرف اني قاعد لوحدي غير اتنين صحابي، وكانو قاعدين معايا يونسوني شويه ولسه ماشيين،
_ قومت افتح باب الشقه، وقبل ما افتحه بصيت من العين السحريه ملقتش حد، يمكن حد من صحابي بيشتغلني، بس لي يعملوا كده وهما عارفين أني مبحبش الحركات دي،
_ بس مشغلتش بالي بيحصل، وجه في بالي الكتاب اللي لقيتو في بيت جدي القديم قولت اقوم اجيبو واسلي نفسي فيه شويه لأني مش عايز انام، واشوف هو بيحكي عن ايه، لأن شكل الكتاب غريب و اسمه اغريب، اسمه
« السحر الأسود »
ومجليش فرصه اني اقرائو،
_ لسه بـ فتح الكتاب لقيت النور بيطفي ويشتغل، بس قولت يمكن ضعف في الكهربه، وبقراء اول سطر في الكتاب لقيت مكتوب، لو انت وصلت لـ هنا يبقى انت عايز تعرف الحقيقه، قولت في نفسي حقيقة اي دي،
_ سمعت صوت مسدج وصل بفتح الموبايل، لقيت باعت
" اوعى تقراء الكتاب واقفلو ورجعو مكان ما جبتو يا حسن"
_ بصيت علي صورة البروفايل وعملت زوم لقيت نفس الصورة اللي علي الكتاب، انا دماغي اتشلت عن التفكير،
_ اتكلمت بصوت وقولت، هو ايه ده هو مين ده وعايز مني اي وعرف بـ قصة الكتاب دا ازاي دا مقولتش لحد عليه اصلا،
_ لقيت مسدج اتبعت من نفس الرقم وبيقول
" الأفضل ليك متعرفش حاجه ورجع الكتاب مكانو، عشان اللعنه مش توصل ليك أنت كمان، و متخفش انت مش لوحدك "
_ انا شوفت المسدج ده ورجلي خبطت في بعضها والموبايل وقع من ايدي وفتحت الباب وخرجت برا البيت خالص، ملقتش ولا مخلوق في الشارع وكأن الكل هاجر والدينا ضلمه وفي اصوات ظهرت غريبه جدا،والهواء بقى شديد جداً، فـَ رجعت البيت تاني وانا بقدم رجل وبأخر رجل.
_ اول لما فتحت باب الشقه لقيتو اتقفل لوحدو، رجعت لورا بضهري، لقيت النور فجأة قطع، حاولت اوصل لـ الموبايل عشان اقدر الشغل الكشاف، ولقيت صوت بيقول،
" ليه يا حسن كل الخوف ده قولتلك انك مش لوحدك خلي قلبك جامد كده احنا هنا عشانك متخفش "
_ انا عشان احاول اخرج من كل ده واحاول انهم مش يأذوني لسه بقراء اية الكرسي، لقيت صوت طخين بيقول انت عايز اللعنه تحاوطك مدا الحياة، اوعي تقراء تاني عشان نهايتك متكنش زي اهلك،
اهلي اهلي ازاي.!! اهلي راحو عند عمي ازاي ده بيقول اهلي
_ مسمعتش ليه وحاولت اقراء قران، بس لقيت لساني مش حافظ اي حاجه كل حاجه نسيتها، يمكن عشان بعدت عن ربنا واني بعدت عن كتاب الله، ف نسيتو انا مقراتش قران من حوالي 5 سنين، ف كل اتمسح من دماغي،
_ ومن خوفي الشديد دخلت جوا الدولاب، معنديش حل وقفلت على نفسي، واتصلت علي احمد صاحبي يجي ليا، وانا بتصل عليه وانا جوا الدولاب وبتكلم بصوت واطي عشان محدش فيهم يسمعني قولت ليه، احمد بالله عليك تعالالي دلوقتي، قالي ليه يا حسن حصل حاجه انا لسه سايبك،
_ ولسه هرد لقيت في نفس ساخن ورايا جسمي ولساني اتشلو عن الحركه لدرجة مقدرتش ارد علي احمد، وكل مادا النفس ده بيقرب مني وبيعلى، وكل ده وانا في الدولاب، لقيت صوت طخين بيقولي متخفش انت مش لوحدك كلنا معاك يا حسن، وسمعت صوت برا قولت ممكن احمد جه، لسه بفتح الدولاب مكنش احمد كااان...