رواية ذئاب لا تعرف الحب
الجزء الثاني2الفصل الرابع4
بقلم نجمه براقه
هاجر
تفاجأت واتوترت من كلمته اللي واضح ان وراها قصة كبيرة ف التيفت ليه في قعدتي وقولت بتركيز
_ كمل سمعاك
_ ودامت زمالتي بالولد ده لغيت الكليه وكنت بروح اذاكر عندهم واشوف اخته دي عماله تكبر قدام عيني
شرد بعنيه وكمل بإبتسامة خفيفه
_كانت بتفرح جداً لما تشوفني كانت بتحبني اكتر من اخوها ويمكن اكتر من ابوها وامها
_ اممم وبعدين
رجع بصلي وقال
_ وبعدين لقيت نفسي بحبها
قولت باستنكار
_ بتحبها!!
_ ايوه
_ اه ، طيب وهي ، حبتك!
_ عمرها ما حست بيه ، معتبراني اخ وبس
_ اه ، قولتلي اتولدت وانت في سته ابتدائي
_ اه
_ قدي يعني
_ تقريبا
_ اها ، طـ... طيب وانت لسه بتحبها
_ اه بس حب اهبل لانها عيله جمبي وبتحب واحد غيري
_ اه
_ طيب إيه ، حللي يا دكتوره
_ احلل اقولك ايه يعني
ديرت وشي عنه وانا متضايقة لانه طلع بيحب ومقاليش ف قالي
_ سكتي ليه
قولت وانا لسه باصه بعيد
_ هقول ايه
كملت بنرفزه بعد ما رجعت ابصله
_ قصة حب فاشلة بكل المقاييس ، اولاً بتحب غيرك وثانيا صغيرة قوي عليك هتجوزها تلفلها ضفاير ولا ايه
كملت بقرف
_ معجبتنيش قصتك وحشه قوي ياريتك ما حكيت بجد نزلت من عيني
_ ياه لدرجة دي
_ واكتر انا مش فاهمه كان عقلك فين وانت بتحب واحده لما انت كنت في الجامعة كانت هي لسه في تانيه ابتدائي
_ عامل نفسي صغير علشان اسيب كل البنات اللي في سني واحب دي مش كده
_ ايوه ، انا حسيتك اناني شويه لا مش شويه اناني جداً ، وحتي لو حبتك هتجوزك ازاي ، يعني بعد عشر سنين هي هتكون في عز شبابها وانت دخلت في مرحلة منتصف العمر ، بجد بجد قصة وحشه قوي مكنتش فاكره ان ده اللي مانعك من الجواز
_ عندك حق ، نمشي ولا هتحكي قصتك
_ لا طبعاً هحكي انت حكيت انا كمان لازم احكي
_ احكي
_ انا كمان بحب حب من طرف واحد ، بحب بدر اخوك بس من سني تقريبا ، فرق السن مناسب جداً حتي لو مبيحبنيش وكمان لما عرفت انه بيحب غيري فوراً شيلته من دماغي علشان مقبلش علي نفسي احب واحد بيحب غيري ، كرامتي متسمحليش
_
_ وبعدين تعاله هنا ، حبيت فيها ايه ، عجبتك وهي حطة فيونكه هنا وفيونكه هنا ، ايه شدك في عيلة كانت لسه في اللفة وانت في مرحلة البلوغ ، فيها ايه يشد ولا تفكيرك كان زي الرجاله اللي بتجوز بنات صغيره علشان تكون لسه شباب ويـتمـتعـ.... مكملتش ف قال باستفهام
_ لسه شباب وايه
_ ولا حاجه
اتنهد بعمق وقال وهو بيدور العربية
_ فهمتك وانتي عندك حق في كل كلمة قولتيها واضح اني لازم انساها واكبر
_ انت مكنش المفروض تفكر فيها اصلا
_ صح
قال كده ومشي بينا وطول الطريق محدش فينا اتكلم انا متكلمتش لاني متضايقه لانه طلع بالشكل ده ، وهو تقريبا كلامي زعله ، مكنش حابب حد يواجهه بالحقيقة وهو انه طمع في البنت محبهاش ولا نيلة
#بشر
كلامها كان زي قلم نزل علي وشي فوقني من الوهم اللي عايش فيه بقالي سنين مع اني كنت فايق بس لأنه جه منها هي بذات فوقني اكتر وفي نفس الوقت ندمني اني حكيت ومحتفظتش بسر زي ده لنفسي ومكسوف اقول حسيت بالوجع منها ، بس الحقيقه اني فعلاً حسيت بالوجع ولكن دي مش اول مره ، حسيته قبل كده لما لاحظت اهتمامها ب بدر من سنين ، وبحسه في كل مره بتقولي بحبك وتلحقها بكلمة انت اخويا ، بحس بالوجع في كل مره بتكون قريبه مني وامنع نفسي بصعوبة من اني احضنها او اقولها بحبك وان سبب عدم جوازي لغيت دلوقتي هو انتي لاني مستني يجي اليوم اللي تنسي فيه انك كنتي بتقوليلي يا عمي وتنسي مشاعرك تجاه بدر اخويا وتبادليني شعوري انا تجاهك ، الحقيقه ان وجودها في حياتي او حتي عدم وجودها واختفائها وجع ومش عارف هبطل اتوجع امتي ..
#زيد
بعد تلات ايام كلمتني تاني ومع اني شاكك انها ممكن تكون خلود بس قولت اجاريها واشوف اخر ما عندها
_ وعليكم السلام ورحمة الله ، اهلا بيكي
_ اهلا بحضرتك ، واسفه بس انت مقولتش امتي اكلمك وازاي ابعتلك فلوسك
_ اه صحيح ، بنسبة للمواعيد ف احنا هنخليها تلات جلسات في الاسبوع والفلوس خلي انا كده كده في حالات مبحاسبهاش
_ ليه
_ واضح انك مش بتشتغلي و واضح انك بتكلميني من غير ما حد يعرف
_ اه بس معايا احاسبك
_ بتشتغلي يعني
_ لا
_ ههههه امال هتحاسبيني منين
_ معايا
_ اه واضح يا اسيل إن عندك اسرار كتير هنكتشفها، كنت اتمني ان الجلسات تكون عندي في العيادة
_ للاسف انا بعيد مش هينفع اروح لحضرتك
_ صحيح ، انتي منين من الصعيد يا اسيل
_ من قنا
_ عظيم انا كمان من قنا منين في قنا
_ من نجع حمادي
_ نجع حمادي ازاي ، دي جمب محافظة قنا مش تبعها
_ اه صحيح بس انا في بلد وسطهم
_ اسمها ايه
_ لا خليها لنفسي
_ واضح انك خايفه حد يعرف تفاصيل عنك
_ اه بصراحه اصل انا محدش يعرف اني عامله فيسبوك
_ اه تمام قوي ولا يهمك
_ متشكره
_ احكيلي بقا طفولتك كانت عامله ازاي ، مع الاهل وكده
_ تمام كانت طفولة كويسه
_ مين اقربلك امك ولا ابوكي
_ ماما
_ اه ، وعلي كده بتقولي ماما وبابا ولا يامه ويابه
_ ماما
_ اه
_ ايه دخل الاسئله دي بالجلسه
_ هو كده لازم اعرف خبايا نفسك واسرارها وكل ده بيبان من الاسئله دي
_ اه فهمت
_ طيب قوليلي كانت ازاي طريقة تعاملك مع مامتك
_ حلوه
_ وبابا
_ تمام
_ لا انا مش بسالك ازي حالهم انا عايز اعرف تعاملهم معاكي كان عامل ازاي
_ اب وام عاديين
_ لا مفيش حاجه اسمها عاديين ، احكي بيتعاملوا معاكي ازاي
مردتش وده خلا شكي يزيد في انها هي لان خلود مشافتش مامتها ولا ابوها تقريبا من بعد ما اتجوز وسابها تعيش مع جدتها ومع ان السؤال عن الام بيوجعني انا شخصياً بس كنت عاوز اعلمها الأدب علشان تشتغلني تاني
#بدر
كنت واخد وعدها ليه علي محمل الجد كنت فاكر ان بكده هتطلع تقابلني او علي الاقل ترد علي اتصالاتي بس ده محصلش دي بعدت اكتر بطلت اشوفها نهائي مبتخرجش من اوضتها وكل ما اطلب اسلم عليها امها تدخل وتطلع بعد اقل من دقيقة تقولي نايمة ولما الموضوع زاد عن حدة قولت
_ في يا طنط انتوا قاصدين متخلوهاش تقابلني ، انا غلطت في حاجه
_ لا ياحبيبي بتقول كده ليه
_ مش عارف بس بقالي كام يوم كل ما اسأل عنها تقولوا نامت ، في ايه فهميني
اتنهدت وقالت
_ شوف ياحبيبي انا مش هخبي عليك بس ابوها واخوها بيقولوا ميصحش اللي بيحصل
_ وهو ايه اللي بيحصل ، ما انا بقعد معاها قدامكم بلاش دي ما احنا من صغرنا مع بعض اشمعنا دلوقتي إيه اللي جد
_ انت عارف إيه اللي جد
_ ماشي بس انا صارحتك وقولتلك عاوز اتجوزها
_ وهو ده اللي قولته لابوها وقالي لو صح مقاليش انا ليه ، متزعلش بس هو عنده حق
_ اها ، طيب انا دلوقتي عاوزها بس حضرتك عارفه ان بابا مش ممكن هيوافق اتجوز او اخطب قبل بشر
_ عارفه وميجراش حاجه لو استنينا يكون بشر خطب
_ بشر مش موافق انه يتجوز
_ طيب انت عايز ايه ، يعني مش هتطلبها قبل ما بشر يتجوز وبشر زي ما بتقول مش هيتجوز ، ايه اللي انت عاوزه
_ مش عاوزكم تخفوا جويريه مني
_ بتتكلم جد ، ياحبيبي انتوا صعايدة وتفهموا في الاصول
قالت كده ف دخل علينا بيجاد و وجه نظراته نحيتي لغيت ما وصلني وقال
_ انت عايز ايه
قالت امه
_ بيجاد ادخل غير هدومك
_ استني يا ماما
رجع بصلي وقال
_ انت عايز تقابلها وتتكلموا وتقعدوا علي السلم وتخرجوا بأي صفة
جمعت شجاعتي وقولت
_ ابن عمها مؤقتاً يكون بشر وافق يتجوز
_ ابن عمها راضع معاها يعني ولا ايه ، لا ميمشيش معانا الكلام ده
_ اها
قال وهو حاطط ايده علي كتفي
_ انا فاهم انك مش بتاع لعب ولسبب ده لو دخلت بالاصول انا وبابا مش هنرفض.. ومش بطلب منك تيجي تتقدم انا عارف ان عمي عبيدة مستحيل هيجوز ولا يخطب لواحد فيكم قبل بشر بس انا بوضحلك الصوره علشان منحرجش بعض، ف ياريت لو هتيجي تاني تيجي لما نكون انا وبابا هنا
قالت امه
_ بيجاد عيب
قولت
_ لا يا طنط هو عنده حق ، ماشي يا بيجاد انا مش هاجي تاني غير لما بابا يجي معايا نطلب ايدها
_ انا مقولتش كده انت تنور في اي وقت بس لما احنا نكون في البيت
_ لا مش هاجي غير لما اكون جاي اطلب ايدها
قولت كده ومشيت وطلعت علي طول لفوق ودخلت ل ماما الاوضه وقولت بنرفزه
_ ماما
سابت الهدوم الي بتطبقهم وقالت
_ إيه يا حبيبي
_ انا عاوز اخطب جويريه تتصرفي تخلي بابا يوافق
قامت وقفت قدامي وقالت
_ سلامتك يا حبيبي انت كويس
_ مش هكون كويس لو بابا رفض يا ماما
_ طيب براحه تعاله اقعد وفهمني في ايه
_ في ان عمي وابنه مانعين اني اقابل جويرية من غير صفة رسمية
_ كلام ايه ده وهما قالوا اكده ليه
_ خدوا بالهم اني بروح عشانها
ابتسمت وقالت
_ وبتروح عشانها ليه
_ يا ماما مش وقته ها هتقولي لبابا ولا لا
اتنهدت وقالت
_ انا هكلمه بس عارفه انه مش هيوافق
_ اقنعيه علشان خاطري يا ماما
_ أقنعه ازاي يا ولدي ده ابوك من زمان قايل ان مفيش حد يفكر يخطب قبل بشر
_ لييييه طيب هو مش عاوز يتجوز احنا ذنبنا إيه
_ مش ذنبكم حاجة ، ادعي بس انت ربنا يهديه ويوافق يتجوز وبعدها تقدر تخطب حتي قبل زيد
_ ولو موافقش انا اعمل ايه
_ ههههه تعمل ايه في ايه ، يا ولدي انت لسه في عز شبابك يعني لو اتأخر تلات أربع سنين هتكون عزك علي الجواز
_ انا عندي 26 لو تاخدي بالك يعني لو مكنتش أصغر اخواتي كنت اتجوزت من زمان ده بابا نفسه اتجوز مراته الاولانيه وهو 22 سنه وقبل اخوه الكبير كمان
_ طول بالك يا ولدي لما يجي هنتكلم معاه مين عارف يمكن يوافق لما يلاقيك ملهوف اكده
_ يااااارب يا يوافق
طلعت من عندها ودخلت عند زيد قعدت من غير ما انطق بكلمه ف بصلي وقال
_ إيه
_ عاوز اتجوز جويريه
_ فجأة كدة
_ من زمان بس دلوقتي بقي ضروري اخطبها علي الاقل
_ ايه اللي جد
_ بيجاد قالي بصراحه مروحش بيتهم غير وهما هناك
_ ليه قال كده لاحظ حاجة ولا ايه
_ ايوه
_ لو كده يبقي لازم تتكلم مع بابا
_ ما انا قولت لماما تكلمه بس خايف ميوافقش
_ انا حاسس انه مش هيوافق بس زي ما قولتلك اشرحله وجهة نظرك ويمكن يوافق
_ اها
قام وقال وهو بيشيل الاب توب
_ طيب انا رايح العيادة ولما هرجع هنتكلم تاني
_ طيب
#خلود
مش هقول اني حزينه بسبب فقداني امي وبسب بُعد بابا عني بس حسيت بالحزن لأني معرفتش اتخيل حتي ممكن يكونوا بيتعاملوا معايا ازاي ف سكت وقررت مكلمهوش تاني لغيت ما سمعت صوته ورايا وانا واقفه في المطبخ بيقول
_ اسيل
وقفت مكاني ابلع ريقي بتوتر شديد من غير ما ابصله وبقيت اكمل اللي بعمله وانا مش عارفه هواجهه ازاي وبعد لحظات رجع يتكلم ويقول
_ انتي سمعاني
غمضت عنيه وانا حاسه قلبي هيخرج من بين ضلوعي ف خدت نفس وبصتله لقيته حاطط التليفون علي ودنه وبيقول ونظراته كلها مكر
_ تلاقي المشكله في الشبكه ولا يهمك هكلمك لما تتظبط
حسيت انه عرفني وبيستهبل ولكن قررت معترفش مهما يقول وبعد ما خلص بصلي وقال وهو بيقرب
_ خلود لو سمحتي ابقي نضفي الاوضه
_ علي فكره انا قاعده مع تيته وبساعدها تكرم مني مش خدامتك يعني
رد بإبتسامة استفزازيه
_ مين قالك اني معتبرك خدامه انا بطلب من اختي تنضف الاوضه
_ مش هنضفها
رد بنفس الإبتسامة
_ اوكي مش هغصبك
_
_ مالك
_ مالي
_ حاسك متوتره ، متنرفزه ، حزينه ، في حاجه حصلت ولا ايه
_ اه فيه
_ ايه احكيلي
_ شوفتك
_ لدرجة دي شوفتي بتزعلك
_ جداً
قال بإبتسامة
_ امال ليه بتفرحني انا سبحان الله ياخي علي الدنيا والناس ، يلا محدش بياخد غير نصيبه
_ دنيا بقا
قال بإبتسامة
_ دنيا ، بس ايه ده
_ اييييه
_ مش ماسكه تليفونك النهارده انتي كويسه
_ اه كويسه وهنزل فيديو كمان شويه عن الناس المؤذيه
_ ههههه معقول هتتكلمي عن نفسك
_ هتكلم عنك!!!
زقيت كتفه بغيظ وانا ماشيه وطلعت من البيت روحت عند البحر وانا حاسه ان دمي لسة بيغلي وبعد ما حسيت اني هديت شويه فتحت الايف وبقيت ساكته لغيت ما لقيت عدد فاتحين ف قولت بتنهيده
_ ازيكم عاملين ايه ؟ طبعاً بتسألوا نفسكم ايه سبب الايف ده علي غير معاده
#زيد
فتحت الايف بتاعها وبقيت بسمعها وانا في العربيه وكنت شايف كمية الحزن اللي في صوتها وتنهيداتها هي وبتتكلم وتقول
_ ازيكم عاملين ايه ؟ طبعاً بتسالوا نفسكم ايه سبب الايف ده علي غير معاده بس انا... لا مش عارفة بصراحه بس انا كنت قاعده فيه اللي مكفيني وفجاة ظهر اكتر حد مؤذي في حياتي ، مش مؤذي بيعمل مشاكل وكده مؤذي نفسياً ، والنوعية دي اوحش بكتير من الناس اللي بتعمل مشاكل لأن دول كل همهم يحبطونا ويحطموا احلامنا البسيطه جداً لسبب واحد وهو انهم مش مقتنعين بيها ، بس انت مااالك انا لا طلبت منك دعم ولا طلبت رايك ف انت مالك
سكتت شويه وبعدين اتنهدت بعمق وقالت
_ مش عارفة اقول ايه بجد ومش لاقيه كلام اقوله تاني ، ف مستنيه اعرف تجاربكم مع الناس المؤذيه واتصرفتوا معاهم ازاي وبعدوا عنكم ولا لأ وازاي بتتجاوزوهم ومش بيفلحوا في مضايقتكم
قالت كده وقفلت الايف وانا بقيت مش عارف اضحك ولا اتضايق ف قررت اطنش واتعامل مع اسيل ده ان كلمتني تاني يعني
#بشر
كنا قاعدين مع بعض انا وابوي وخالتي وطول القعدة ساكت وتركيزي مع الباب ولسه جوايا حاجه مستنياها تيجي رغم محاولاتي اني انسي حفظ للباقي من كرامتي ولكن بعد ما طال غيابها واقتنعت انها مش هتيجي قومت ف قالت خالتي
_ رايح فين
_ داخل اوضتي
_ اقعد شويه
_ تعبان هدخل ارتاح
_ دقيقة وامشي في حاجه عاوزه اقولها
قال ابوي
_ مالك يا بشر
قولت وانا بقعد
_ مفيش حاجه سلامتك يا بوي ، اتفضلي يا خالتي
سكتت شويه وكانها مصتصعبه الكلام اللي هتقوله وبعدين قالت
_ بدر
قال ابوي
_ بدر مين فيهم
_ ولدك
_ ماله
_ عاوز يتجوز جويريه
مردش عليها ورجع يقلب في التليفزيون بعدم اهتمام للي قالته ف قولت
_ اشمعنا جويريه
_ عاوزها ، وبيجاد قاله انه غلط دخلته عندهم
قال ابوي
_ عنده حق
_ ايوه بس يا عبيدة بدر عاوز يتجوزها ما تخطبهاله
بصلها بلا مبالاه ورجع يقلب في التليفزيون ف رجعت تبصلي وكانها بتطلب مني اتكلم ف قولت
_ فيها ايه يا بوي ، جويريه بنت عمنا وهو اولي بيها
_ وانا معنديش مانع
قالت خالتي بفرحه
_ يعني هتخطبهاله
_ لا
راحت ابتسامتها ف قولت انا
_ ليه يابوي
_ انا من زمان قايل ومنبه ان محدش هيتجوز قبلك ، قولتها علشان محدش فيهم يفكر ويقول يا جواز
_ يابوي انا مش لاقي اللي تنفع ومش هتجوز غير لو لقيتها ، ما تسيب اخواتي يتجوزو اللي عاوزينهم
_ لا
_ ليه بس يابوي ، هتوقف حالهم عشاني ليه
_ قولت اللي عندي ياد ، محدش هيتجوز قبلك عاوزهم يتجوزوا اتجوز انت الاول
_ يابوي انا مش عايز اتجوز
_ خلاص يبقي هما كمان ميتجوزوش
_ حرام عليك يابوي
_ طيب
قالها ببرود ف لقيت بدر طالع من الاوضه وبيقول
_ ليه يابوي ، يعني افرض بشر عمره ما اتجوز احنا كمان منتجوزش
قال بنفس الهدؤء
_اه
قال بنرفزه
_ يعني ايه اه؟!
قامت خالتي وقالت وهي بتمسك فيه
_ اسكت!!
_ لا مش هسكت ، انا عايز جويريه وطالما هو حاطط العقدة في المنشار يبقي عمري ما هتجوزها
قولت
_ براحه يا بدر هتجوزها ابوك هيوافق ادخل اوضتك دلوقتي
_ لا اسمعها منه الاول
_ امشي بقولك دلوقتي ، بعدين هنتكلم
قال وعينه بتبص لبوي بترقب
_ لا لما يقولها الاول
قال من غير ما يبصله
_ لا
قال بعصبيه
_ يعني ايه لا ، انا مش هسكت غير لما توافق
بصله بطرف عينه وقال
_ هتجبرني يعني
قولت
_ لا يابوي يجبرك ايه هو بس بيحب البت وعاوزها امشي دلوقتي يا بدر وبعدين هنتكلم
تجاهلني وقال وهو بيقعد جمبه
_ يا بابا ، انا عايز اخطبها علي الاقل علشان اقدر اساعدها تخرج من الحالة اللي هي فيها ، وافق اخطبها وانا كده كده مش هقدر اتجوزها علشان هي مش هتوافق تجوز وهي في الحاله دي
قال ببرود وهو بيقلب في التليفزيون
_ لا
ضم بوقه بغيظ ف قال وهو بيبصله بطرف عينه
_ نفسك تضرب ولا ايه
قام من جمبه وقال
_ حاشة لله بس انت لو موافقتش او بشر اتطوع واتجوز انا هسيب البيت ومش هرجع تاني
قالت خالتي
_ بدر اتلم لا اضربك
وقفت عنده وقولت
_ ايه اللي بتقولوا ده اقعد بلا تسيب البيت
_ هسيبه يا بشر علشان انت ترتاح
كمل بغصبية
_ ممكن اعرف ليه مش عايز تجوز عندك مشكله نعالجك
نهي جملته وفجاة هدوء ابوي اتحول لبركان انفجر وهو بيقول بعلوا صوته
_ بدر!!!! عليه الحلال ما اسمع صوتك لا انزل فيك ضرب لغيت ما تموت تحت يدي
قرب منه وقال
_ كيه ياد تقول لاخوك اكده
كمل بانفعال وهو بيضربه بقلم بكل قوته
_ كيه تقول لاخوك اكده رد !!!!
وقفت بينهم وقولت وانا بمسك فيه
_ اهدا يابوي في ايه!!! استهدي بالله
بصيت لبدر اللي حاطط ايده علي وشه ودموعه ماليه عنيه وقولت
_ ادخل اوضتك دلوقتي يا بدر
وزع نظراته بينا ودموعه في عينه وبعدين
سابنا وطلع من البيت ف قال ابوي بغضب
_ غور في مليون داهيه
قالت خالتي ودموعها علي خدها
_ متزعلش نفسك ، هو مش عارف بيقول ايه
_ يعرف!!! ، وسع انت كمان
بعد ايديه عنه ودخل بس بعد ما حملني ذنب اخواتي في عدم قدرتهم علي الجواز
#بيجاد
من وقت ما مشيتها من السيشكن وهي وحمو بتاعها حطيني في دماغهم وبدأت الاشاعات تنتشر في كل الجامعة وهي اني بحارب النقاب واني خرجت عن الاسلام وبحب التبرج وعاوز اشوف جسم البنات عريان وكلام من ده ، وده خلي كل المنتقبات اللي من عينتها يثوروا ضدي ولكن انا مدتلهمش اي اهتمام وبقيت بتابع شغلي زي الاول لغيت ما عمي الدكتور شبل بعتلي وطلب اروحله مكتبه وقالي
_ هببت إيه
_ هببت إيه في ايه يا دوك
_ مش عارف
_ مش واخد بالي
_ ايه حكاية محاربتك لنقاب ومطالبتك بان اي بنت بنقاب متدخلش الكلية
_ انا قولت كده ، اول مره اعرف
_ بيجاد
_ ياعمي ده كلام فارغ كل الحكاية اني طردت بنت هي وخطيبها بيسيبوا الشرح ويحبوا في بعض
_ بيجاد
_ عجبك الاسم تاخده
_ لا يا حلو بس انت الكل عارف انك بتعارض النقاب وكده هتعملنا مشاكل
_ بعارض إيه انا اتكلمت ، انا اه بكرهم بس مبتدخلش
_ وبتكرهم ليه هما كلموك
_ اه كلموني ورحمة جدي كلموني تحب اوريك كمية الرسايل اللي بتوصلني من منتقبات ولا اصورلك نظراتهم ليه اللي مفيش فيها اي حياء
_ مبيقدروش يقاوموا وسامتكم يا سيدي نعمل اية وبعدين مضايقينك طنش وملكش دعوة
_ يااالله طيب اقولك ايه ، يااااعمي ، يااااادكتور وربنا ما بكلمهم كل الحكاية اني مش بطيقهم ويمكن ده بيبان علي وشي
_ طيب اسكت واسمع اللي بعتلك عشانه
_ ايه
_ انت دلوقتي في مشكله يمكن تتوقف عن التدريس في الكلية بسببها
_ لييييه
_ علشان الكلام اللي بيتقال
_ طيب اتوقف لو لقوا دليل ملموس انما اتوقف علشان كلام معقول ده
_ ما انا بعتلك علشان كده ، خايف يلاقوا دليل ملموس نضف ورقك يا بيجاد
_ انضف ورقي ليه ماهو نضيف ومعلهوش غبار هما اللي محروقين مني
_ يقربلك رضوان العربي
_ لا بس نفس الاسم مكتوب في بطاقتي ليه
_ اصلك رداح زيه
_ الله يرحمه
_ عايش
_ عايش بجد
_ للمره المليون بنقولك عايش
_ والله انا فكرتكم بتهزروا
_ عايش يا خويا اصل عيلته معمرة
_ يا نهار ابيض يعني حضرتك مشرفنا كتير
_ ولد هسقطك
_ تسقطني ايه شايفني طالب عندك في المدرج ، ده ايه الحظ العاسر ده حبكت تكون انت المشرف علي الرسالة بتاعتي
_ وبعدين!!!
_ اسفين يا دوك اه وبالمناسبة عاوزك تلقي نظرة علي اخر تطورات الرسالة
_ بعدين قوم شوف وراك إيه علشان انا ورايا محاضره دلوقتي
_ اوكي
مشيت وفي طريقي قابلت مجموعة من البنات المنتقبات بيوقفوا قدمي وبتقولي زعيمتهم
_ انت مبتخفش ربنا
_ لا بخافه انتي بتخافيه
قولتها ببرود كده وسيبتهم يشتموا بكلام مش مفهوم وبعد كام خطوة لقيت هاجر في وشي وبتقولي
_ انت مبتخفش ربنا
_ استغفر الله العظيم يارب انتي بتطلعيلي منين
_ بطلعلك منين يعني ايه هكون براقبك يعني ، اسكت انت النهارده محدش طايقك انا من الصبح سامعه شتيمتك بودني في كل الجامعه واضح انك هتسيب التدريس
_ ام بوزك ده اسكوتي ، انا مروح هتروحي ولا قاعده
_ لا استني جيبالك مصيبة تانيه
_ اهلاااا قولي
_ واضح والله واعلم انك كنت السبب في مشكله فخيمة في بيت عمي عبيدة
_ انا عملت مشاكل فخيمة في بيت عمك عبيدة وربنا ما دخلته من رمضان اللي فات لما كنا معزومين فاكره
_ فاكره بس انا بتكلم علي الكلام اللي قولته ل بدر
_ إيه الكلام اللي قولته ل بدر
_ انه ميجيش بيتكم
_ انا قولت كده
_ علشان جويريه يعني المهم هو راح قال لابوه عاوز اتجوزها ف قاله مش قبل بشر ف بدر اتعصب بقا وشوح بايده قام عمك رزعه قلم وساب البيت
_ امتي الكلام ده
_ امبارح بالليل
_ وانتي عرفتي منين ، ااااه مفيش غير خلود
_ هي
_ يخربيتكم دلوقتي يقولوا قوم الواد علي ابوه
_ افتكر كده
_ ايه البرود ده ابعدي
_ استني
_ إيه
_ انت ليه مش عاوزه يجي عندكم ماهو ابن عمها
_ ملكيش دعوة
_ ااااااهاااا فهمت كده صح
_ انتي هبلة يابنتي
_ مش قوي
_ امششششي
قولت كده ومشيت ولما وصلت البيت لقيت ماما في وشي وبتقولي
_ عاجبك كده يا وش المصايب
_ في ايه يا ماما
_ بدر ساب البيت بسببك
_ يابخته
قالت وهي بتضربني
_ يابخته!!! بقولك ساب البيت وتقولي يا بخته عاوز تسيب البيت انت كمان
_ فوفااااا اهدي غلط علي صحتك ، ما يسيب البيت هو مش راجل ولا لسه بيسنن ، وبعدين انا غلطت في ايه انا بمنع الغلط ولا انتي عاوزاه يخطفها زي بدر عمه ماخطفك
مسكت دراعي وعضتني في قولت وانا بصرخ من الوجع
_ اااااه عيب كده انتي دكتورة دورك تداوي مش تعضي ابعدي
شديت منها دراعي ف قالت
_ اتصرف صلح اللي عملته
قولت وانا بشوف مكان العضه
_ لما تصلحي انتي اللي عملتيه شوفي اسنانك دخلوا لغيت العضم ازاي
_ يااابارد
_ فوفا ابعدي عني علشان والله دراعي بيغلي من الوجع ، اجري هاتي حاجه تخفف الالم ، مش ممكن الوجع ده يكون من عضة انسان مش ممكن