رواية احتواء القاسي
الفصل الحادي عشر11
بقلم سوسو تويكس
دقايق صمت مرت وماف صوت غير عيونا المعلقه مع بعض وريحة عطرو الاختلطت مع ريحة برفاني ورطوبه الجو، قالي بهدؤ:من الأحسن انك تطلعي بعده_قلتا بي توتر:ا.. ايي ا.اانا اصلا ططالعه_بعد مني وانا ركبي ساحو عديل، وقعت عيني على صورة بت جميله خاتي الصوره في غرفتوقلبي وجعني من فكره انها تكون حبيبتو او خطيبتو طلعتا من الغرفه وانا صوتي متغير من الزعل وسؤال واحد في راسي يا رب البت دي منو، نزلتا تحت بقينا في كلام تجهيز الفطور وبعداك انا وملاذ في المطبخ انا بسوي العصير وهي بتسوي الجبنه سالتها:ملاذ انتي معتصم ده مرتبط او خاطب_ضحكت وهي بتقول بغمزه:لأ، لكن بنفتش ليهو في عروس جايه من امريكا بتسأل عنو كلو 5 دقايق_قلتابخجل:لالا ما كده بس فضول لاني شفت صورة بت في
غرفتو_ملامحها بقت حزينه وهي بتقول:دي امنيه مرتو الاتوفت ليها سنتين_وقعتا الكبايه من يدي وانا مصدومه كيف يعني مرتو؟ هو طلع متزوج_ملاذ اتخلعت وسألتني انت كويسه حصل ليك شي.. الخ،بس انا الوقت داك في عالم تاني مشيت غرفتي من سكان وانا ببكي وبقيت ابكي زياده لاني ماعارفه انا زعلانه وببكي لي شنو_زي بعد الضهر كده ملاذ جاتني في الغرفه، ملاذ:جبتا لي معتصم القهوة في عرفتو وجيت اشوفك بقيتي كيف لانك قلتي مصدعه_لقيت نفسي يسالها بي زعل:امنيه دي منو احكي لي عنها بالتفصيل_ملاذ:انتي ما بتعرفيها لانك مقاطعانا ليك ٤ سنه حتى عرسو ما جيتي بس يلا... الخ_حكت لي كل شي انو معتصم حباها ولسه بحبها قدر شنو ورفض يتزوج من بعدها وهم من صغار مع بعض واتربو سوا لأنهم جيران،جرح في قلبي انفتح وكلو كلمه بتقولها بتألم من جوا قلبي، قطع سرحاني ملاذ وهي بتقول:بس الايامات دي في واحده شاغله بالو_سالتها باندفاع:ودي منو_ضحكت وهي طالعه من الغرفه وبتقول:ده سر اعرفيها براك_طلعت وخلتني عايزه انفجر من الزعل ونمنا من التفكير الكتير_صحيت بي صوت بكا عالي نزلت تحت باستعجال حتى التوب مالبستو لقيتهم كلهم قاعدين ودموعهم سابقاهم سالتهم بخوف:في شنو _خالتو ساميه جات حضنتني وهي بتبكي:ندى ماتت يا لينه ندى فاتت خلتنا يا بتي وااي انا_بعدتها عني بصدمه وانا بقول:ندى منو؟ ق.. ققصدك نندى ا.. اامي...
يتبع