رواية احتواء قلب
الفصل السادس والثلاثون36
بقلم عبير سليم
الحلقه السادسة و الثلاثون
احتواء قلب
عبير سليم
.....................
تنبيه هام
ممنوع نقل الروايه او نشرها في أي جروب أو أي مكان قبل الرجوع لي
تفتح الخط بعد مرات كثيره من الاتصال : أيوة يا عزت طمني
عزت : كله تمام بقية المبلغ عاوزه دلوقتي
ذكرى : ماشي المهم قللي عملت ايه بالظبط
عزت :خبطته بالعربيه معرفش بقى اذا كان عايش و اللا لاء
ذكرى : انت غ*. بي يا عزت هو مش انا قايلالك مش عاوزة غير انه يتأدب و بس
عزت : هي جت كده و خلاص المهم دلوقتي بقية الفلوس تكون عندي ذكرى : ماشي استناني و انا جيالك
تروح له ذكرى و تديله الفلوس اللي هو عاوزها : مالك هو في حاجه حصلت مش عاوز تقولها و اللا إيه
عزت : ايوة في حاجه قلقاني انا نسيت أشيل رقم العربيه و قلقان يكون حد شافها
ذكرى : انت بتهزر صح مش معقوله تكون عملت كده
عزت : معرفش بقى اللي حصل
ذكرى : هو كل حاجه تقول اللي حصل هو انت عقلك ده فيه ايه عالعموم لو حصل حاجه تبقى غلطتك انت و تشيلها لوحدك
عزت : نعم
ايوة : نعم الله عليك يا حبيبي امال انت فاكر ايه هو زي ما قلتلك كده انت ملكش عندي غير اللي اتفقنا عليه و انا مش مسئوله عن اللي عملته ده و خد بالك لو اتقفشت و فكرت بس تجيب سيرتي مش عاوزة اقولك عاللي حيحصلك متنساش اني دلوقتي لية علاقات بناس تقيله و يتمنوا من ذكرى اشاره تمام الفلوس اهيه و مشوفش وشك تاني
ياخدها منها و يرجع البيت و هو قلقان من موضوع نمر العربيه
.......................................
بعد مرور عدة ساعات
يجلسون جميعهم مع الدكتور للاطمئنان على حالته الصحيه : طمنا يا دكتور عدي حالته ايه بالظبط
الدكتور : ان شاء الله خير بس المشكله دلوقتي في الحركة هو للأسف حياخد وقت على ما يقدر يرجع طبيعي
يونس : دكتور الله يخليك وضحلنا الكلام بشكل اكبر يعني عدي حيقدر يمشي على رجليه تاني
الدكتور : ان شاء الله بالعلاج الطبيعي و الادويه ان شاء الله حيرجع يمشي بس الموضوع محتاج شوية صبر و الله يا جماعه كونه قام منها على خير دي لوحدها كفايه دي حاجه مكنتش متوقعه اصلا ده داخل المستشفى و هو يعتبر حاله ميئوس منها منتهي و لولا رحمة ربنا بيه و وقفته معاه كان بنسبه كبيره مش حيكون معانا دلوقتي احنا نقول الحمد لله انها جت على اد كده و هو ماشاء الله جسمه رياضي و صحته كويسه و ده أن شاء الله حيساعده بشكل كبير انه يرجع لوضعه الطبيعي بأمر الله
هادي : و حيفضل كتير في العنايه يا دكتور
الدكتور : حوالي يومين تلاته بالكتير ان شاء الله نطمن على أجهزة الجسم و ان حالته استقرت و يخرج غرفه عاديه بأمر الله
يخرجوا من عند الدكتور و هما بيسألوا نفسهم : يا ترى اللي حصل ده كان مدبر و اللا صدفه
فهد : النيابه الصبح حتحقق مع كل اللي كانوا موجودين وقتها و يارب يقدروا يوصلوا لحاجه
بشمهندس يونس حضرتك لازم تروح ترتاح دلوقتي و انت يا هادي كمان روحوا يا جماعه و انا حفضل هنا
هادي : لاء انا مش حمشي غير لما اطمن على عدي
فهد : يابني ريح قلبي انت عندك شركه الصبح و لازم تناملك ساعتين انا معنديش حاجه و نجلاء كده كده عندكم في بنها فأنا مورييش حاجه روح بقى متتعبش قلبي
يونس : بلغت حد من عنده يا فهد
فهد : أيوة اتصلت على باباه بلغته و هو زمانه جاي في الطريق
يونس : ماشي يا فهد انا حاخد هادي و نمشي حرتاح بس شويه و حجيلك ان شاء الله بس بالله عليك لو حصل اي حاجه تتصل علية على طول
فهد : حاضر و الله متقلقش ياللا يا هادي اتوكل على الله مع البشمهندس
هادي : أنا مش حروح للجماعه انا حروح شقتي ارتاح فيها لحد الصبح و اجيلك على طول
تمر الساعات القليله المتبقيه من الليل و ييجي النهار
اسمك و سنك و عنوانك
_محمد احمد محمود سني ٣٣ سنه و عنواني ٥ شارع الزهور......
وكيل النيابه : تعرف ايه عن اللي حصل
محمد : انا كنت راجع من مشوار و لمحت عربيه بتتجه نحو شخص بسرعه شديده جدا و كأنها قصداه و فلمح البصر صدمته و جريت بسرعه
وكيل النيابه : و ملمحتش نمر العربيه او لونها
محمد : أيوة يا فندم انا جمعت نمرها بسرعه و سجلتها بسرعه عالموبيل عشان منسهاش
و يفتح موبايله و يقولله رقم العربيه و لونها و يسأله وكيل النيابه شوية اسأله و بعدها يسمحله بالانصراف
.......................................
كلهم قاعدين مع بعض بيفطروا و جميله مهتميه جدا بأكل جنه و نجلاء
نجلاء : خلاص يا طنط وربنا ما قادره
جميله : يا حبيبتي انتي بتاكلي لاتنين و لازم تتغذي كويس
نجلاء : أنا كده باكل لعشره مش لاتنين انا قربت ابقى شبه البقره و بدل ما اولد عند دكتور نسا أدهم هو اللي حيولدني
كلهم يضحكوا : هههههههه هههههههه
أدهم : ياللا عالبركه و انا علية فاتحة بطن إنما ايه عنب
جميله : فال الله و لا فالك ان شاء الله يولدوا طبيعي
جنه : و ايه المشكله لو ولدنا قيصري يا ماما
جميله : الولاده الطبيعيه زي المثل اللي بيقول وجع ساعه و لا كل ساعه بتتعبي وقتها و بعدها بتبقي زي الفل لكن القيصريه دي بهدله و تعب
غاليه : ربنا يكملهم على خير يا رب
جنه : يارب يا طنط
تيجي ناديه و تقعد : جاسر بيسلم عليكي يا جنه
جنه : عامل ايه يا ماما
ناديه : الحمد لله بخير يا حبيبتي بس جنه هي اللي تعبانه شويه
جنه : مالها جنه يا ماما
ناديه : برد و سخونيه مطلعه عنيهم و طول الليل قاعدين بيها هو و مامتها
جنه : يا حبيبتي يا جنه
جميله : يمكن تكون بتسنن
ناديه : اه شكلها كده بس يا عيني فتحلي الكاميرا عشان اشوفها وشها مدعبل خالص مع انها زي القمر
غاليه : ألف سلامة عليها ربنا يشفيها يارب
أدهم : هو هادي جاي امتى
جنه : مش عارفه يا أدهم و الله بس هو شكله مش حيقدر ييجي غير اما يطمن على عدي
جميله : يا حبيبي يا بني ربنا يشفيه يارب
ده هادي بيقوللي انه في العنايه
أدهم : إيه ده يا عمتي حضرتك بقيتي بتقولي هادي زينا
جميله : ما هو يا حبيبي قاللي انه بيحب اسمه و اتعود عليه فمش حتفرق بقى هادي فؤاد المهم انه رجع لحضني بس انا قلبي مش حيطمن غير لما اسم ابوه يرجعله
مراد : ان شاء الله يا عمتي قريب اوي بأمر الله
أدهم : جنه هو هادي حيروح الشركه
جنه : هو زمانه دلوقتي في الشركه
أدهم : تمام يبقى على بركة الله
مراد : هو البعيد مبيفهمش يعني عمالين يقولولك صاحبه تعبان و في العنايه و مش فايق لحاجه و انت بردو مفيش اي تركيز يابني مش كده حتشلني
نجلاء : هههههههه معلش يا مراد اعذره هما يستاهلوا الصراحه
أدهم : قوليله و النبي يا نجلا ناس مبتفهمش حاضر يا سيدي خليني قاعد مستنيه لحد ما يطيروا و ساعتها انا اللي حطيرك من الدنيا
فاروق : كل واحد بياخد نصيبه يا أدهم و اللي ليك نصيب فيه حتشوفه اهدى يا حبيبي و روح المزرعه اطمن عالمواشي و بعدها تروح الاسطبل سلطانه على وش ولاده و انا قلقان عليها
ادهم : عيب عليك يا حاج تقلق عليها و انا موجود
فاروق : ما هو ده اللي قالقني
الكل يضحك : هههههههه
أدهم : ده انا بتهزا يا جودعان
مراد : مش انت اللي قلت عاوز اتهزأ اشرب بقى يا معلم
أدهم : لا يا تحفه انا عاوز اتهزأ تهزيئ من نوع آخر
ناديه : عسل وربنا يا أدهم تعرف حركاتك و كلامك كلها فهد جوز نجلا
مراد : اهو فهد ده الصراحه اللي أمره غريب اوي اوقات يبقى عقل و رزانه و حكم و مواعظ و اوقات تانيه هههههه بيبقى العكس تماما مش حنسى ابدا وقت ما كان عند عبده البواب في اوضته هههههه
كل ما افتكر شكله اول ما شافنا داخلين عليه و هو عمال يحب في الشيشه كأنها مراته هههههههه
نجلاء : هو ده فهد جوزي يا مراد ده انت بقى لو عاوز تضحك بجد شوفه هو و بابا و هما الاتنين مع بعض قسما بالله محتقدر تمسك نفسك من الضحك
جميله : ربنا يسعدكم و يهنيكم يا ولاد يارب و يطمن قلبك يا أدهم قبل ما يحصل لعقلك حاجه يا حبيبي
أدهم : يارب يا عمتي يارب
..........................................
في اليوم التالي
جالسا في بيته فيتفاجا بزوجته تحدثه و هي قلقه : الحقني يا عزت
عزت : في ايه يا تهاني
تهاني : زين تعبان اوي يا عزت
عزت : ايه تعبان ازاي
تهاني : معرفش تعب تاني مع انه كان بقى كويس دخلت دلوقتي اصحيه لقيته عرقان جامد و مش قادر ياخد نفسه احنا لازم نروح بيه المستشفى حالا
عزت : و مستنيه ايه ياللا بسرعه
يسمعوا خبط عالباب : و ده مين اللي جاي عالصبح ده يقوم و يروح يفتح الباب : ده بيت عزت منعم
عزت : أيوة انا
_طب اتفضل معانا
عزت : اتفضل معاكم فين ان شاء الله
_معانا امر بالقبض عليك و اتفضل من غير شوشرة
عزت : انا ابني تعبان و رايح بيه المستشفى
_خده يا عسكري
عزت : تهاني خدي الولد روحي بيه المستشفى حالا
تهاني : هو واخدينك على فين يا عزت
عزت : أكيد سوء تفاهم و حاجي متقلقيش اهم حاجه الواد
بعد مرور قليل من الوقت
لا محصلش الكلام اللي حضرتك بتقول عليه ده
وكيل النيابه : محصلش ازاي هي دي مش نمر عربيتك بردو و ده لونها
عزت : و هو اي حد يمليكم نمر عربية حد تصدقوا كده علطول انا معرفش حاجه و معملتش حاجه
وكيل النيابه : كنت فين في الوقت ده
عزت : في البيت يعني حكون فين
وكيل النيابه : اكتب يا بني يتم حجز المتهم اربعه ايام على ذمة التحقيق خده يا عسكري
عزت : ياخدوني فين انا معملتش حاجه هي سايبه و اللا إيه
...........................................
بعد مرور يومين يخرج عدي من العنايه لغرفه عاديه و يدخل له فهد يطمن عليه : الف حمد لله على سلامتك ياصاحبي
عدي بتعب : الله يسلمك
فهد : عامل ايه دلوقتي طمني
عدي : الحمد لله والله احسن
فهد : انا عاوزك تطمن خالص احنا اطمنا عليك من الدكتور و هو أكد لنا انك ان شاء الله حتبقي زي الفل
عدي : خايف مقدرش امشي على رجلي تاني
فهد : لاء متقلش كده ان شاء الله حتمشي و تجري كمان و ترجع احسن من الاول بس انت قول يارب
عدي : يارب يا فهد يارب
يدخل له الدكتور و يطمن عليه و يسمح لوكيل النيابه انه يدخل يسأله و عدي يقولله اللي حصل
وكيل النيابه : يعني انت مبتشكش في حد
عدي : لاء
وكيل النيابه : انت شفت اللي كان سايق العربيه
عدي : أيوة انا عيني جت فعينه و شفته
الدكتور : تمام احنا ان شاء الله حنعرض عليك بعض المشتبه فيهم و يارب تتعرف عاللي عمل كده
عدي : ان شاء الله
يخرج وكيل النيابه و فهد يكلم عدي : أنا حاسس ان ذكرى ورا الموضوع ده
عدي : مش عارف يا فهد
فهد : مش عارف ازاي اكيد هي اللي ورا الموضوع ده محدش ليه مصلحه يعمل كده غيرها هي هو انت قابلتها بعد ما مشيت من الشركه
عدي : أيوة جاتلي البيت و واجهتها بكل حاجه و طردتها وبعدها نزلت الجامع صليت و وانا راجع البيت حصل اللي حصل
فهد : يبقى هي يا عدي مفيش حد ممكن يعمل حاجه زي دي غيرها هي
عالعموم هما قبضوا على صاحب العربيه اللي عرفوا رقمها و حيعرضوه عليك بكرة ان شاء الله مع المشتبه فيهم و حنعرف كل حاجه
عدي : ان شاء الله يا فهد
فهد : اهم حاجه دلوقتي اننا اطمنا عليك الحمد لله
عدي : تعبتكم معايا يا فهد
فهد : عيب عليك احنا اخوات و هادي و البشمهندس حيخرجوا من الشركه و ييجوا ان شاء الله انا و الله كنت بمشيهم بالعافيه
عدي : ربنا يخليكم لية يارب
في اليوم التالي
بالفعل يعرضوا عليه بعض الأشخاص و اول ما عدي عينه تقع عليه يشاور عليه و يقول ايوة هو ده
عزت : هو مين ده أن شاء الله ده بي*خرف يا باشا
_انت متأكد ان هو اللي كان سايق العربيه
عدي : ايوة متأكد هو
في شركة يونس عمرو بيشتغل في مكتبه و اول ما يخلص شغله يتصل على همسه
عمرو : همسه خلصتي حبيبتي
همسه : خلاص قربت يا حبيبي
عمرو : طب خلصي بقى اوام عشان نروح لعدي
همسه : حاضر يا حبيبي انا خلاص اهوه قربت و الله على ما تيجي حكون خلصت شغلي كله
يقفل معاها الخط و يلاقيها بتخبط عليه الباب و بستئذنه تدخل : تعالي يا مرام
مرام : عمرو انت رايح لعدي مش كده
عمرو : ايوة يا مرام انا و همسه رايحين له دلوقتي ان شاء الله
مرام : طب هو انا ممكن اروح معاكم اشوفه
عمرو : ايوة طبعا ممكن ياللا بينا
ياخدها و يروحوا الشركه عند هادي و تنزل مرام من جنبه و تقعد عالكرسي ورا و تدخل همسه العربيه و تقعد جمب عمرو و تسلم عليها حبيبتي ازيك يا مرام عامله ايه دلوقتي
مرام : الحمد لله و الله يا همسه انا كويسه
عمرو : مرام يا ستي عاوزه تطمن على عدي
همسه : كتر خيرك و الله يا مرام
يوصلوا المستشفى و يدخلوا لعدي اللي كان وقتها لوحده : سلام عليكم
عدي بابتسامه : و عليكم السلام ورحمة الله وبركاته
عمرو : ألف حمد الله على السلامة يا عدي
عدي : الله يسلمك يا عمرو
همسه : ألف حمد الله على السلامة يا عدي
عدي : الله يسلمك يا همسه تعبتي نفسك و الله
همسه : تعبك راحه يا عدي اهم حاجه اننا نطمن عليك عامل ايه دلوقتي
عدي : الحمد لله و الله احسن شويه
مرام : حمد الله على سلامتك يا عدي
عدي : الله يسلمك يا مرام عامله ايه دلوقتي
مرام : الحمد لله و الله انا كويسه المهم انت دلوقتي
عدي : أنا الحمد لله بخير بس مكنش فيه لزوم تتعبي نفسك و تيجي انتي لسه قايمه من عمليه
مرام : ازاي يعني مكنش ليه لزوم من بعد خيرك يا عدي و اللا نسيت ان لولاك كان زماني دلوقتي في العالم الآخر
عدي : ألف بعد الشر عنك يا مرام متقوليش كده انا معملتش غير الواجب
مرام : لا يا عدي انت عملت كتير اوي ده انا دخلت اوضة العمليات و انت دفعت الفلوس و مكنش لسه حد من اهلي وصل و تقوللي معملتش حاجه
عمرو و هو بيغمز لهمسه : حاضر يا حبيبتي
عدي بص حبيبي انا حخرج مع همسه بس تكلم جدتها و حنرجعلك على طول
همسه : ثواني بس يا مرام و راجعين يا حبيبتي
يخرجوا و هما بيكتموا ضحكتهم يلاقوا عدي جاي عليهم : أهلا بالحلوين انتوا واقفين كده ليه عندكم
عمرو : بنوفق راسين في الحلال
عدي : هنا في المستشفى
عمرو : أيوة
فهد : و دول راس مين دي ان شاء الله اللي بتوفقوها
همسه : عدي و مرام
فهد : مرام بتاعتنا
عمرو : أيوة
فهد : البت القشطه دي
همسه : هههههههه بالظبط كده
فهد : و عدي طب و دي جت ازاي
عمرو : جت زي ما جت بقى بس انت ابعد عينك عنهم الله يخليك خللي الليله تعدي على خير
بقولك ايه ما تيجي نشرب حاجه في الكافيه تحت
فهد : تعالوا انجروا ادامي مانتوا عالم ميجيش من وراكم غير الخساره
همسه : هههههه
عمرو : فهد هو باباه جاله
ايوة يا مرام بابا جه لكن ماما مجتش بس هي تقريبا متعرفش ان حصللي حاجه
مرام : هي لسه مسافره
عدي : و الله ما اعرف حاجه عنها و لا اعرف اذا كانت هنا و اللا مسافره انا خلاص يا مرام اتعودت على اني لوحدي و ان مفيش حد معايا
مرام : بس المفروض باباك كان بلغها عشان تعرف
عدي : صدقيني يا مرام انا مش فارق معايا اذا كانت تعرف و اللا لاء حتفيدني بإيه يعني لو جت و لا حاجه
مرام : ازاي يا عدي لاء طبعا انا مش معاك لازم مامتك و باباك يكونوا جمبك
عدي : بابا جه و قعد حوالي عشر دقايق و مشى هما من زمان و كل واحد فيهم اختار الطريقه اللي يكمل بيها حياته و انا خرجت برة حساباتهم انا لولا جدتي الله يرحمها هي اللي رعيتني و اخدت بالها مني انا معرفش كنت حكمل حياتي ازاي محدش كان بيحبني و بيخاف علية بجد و قلبه علية غيرها هي و بس و من يوم ما توفت و انا بقيت عايش لوحدي كل حاجه بعملها لوحدي و بابا و ماما كل واحد منهم بقى عنده حياته اللي عايشها و مبسوط بيها و نسيوا ان ليهم ابن اسمه عدي ده حتى اخواتي منهم انا معرفش عنهم حاجه
فمش حتفرق معايا بقى انها تيجي او متجيش
مرام : معلش يا عدي متزعلش نفسك و احنا كلنا جمبك على فكرة ماما و بابا عاوزين ييجوا يزوروك و يطمنوا عليك بس انا قلتلهم يستنوا لحد ما تبقى كويس
عدي :مفيش داعي و الله يتعبوا نفسهم
مرام : انت بتقول ايه تعبك راحه يا عدي انت متعرفش و الله من يوم وقفتك معايا و هما بيحبوك ازاي
انت غالي عندي قصدي عندنا يا عدي تحس بالخجل و تبص في الأرض و ترجع تكمل كلامها و هي محرجه : هو عمرو و همسه اتاخروا كده ليه
عدي : عاوزة تمشي
مرام : إيه لاء بس اصل يعني
يبص لها عدي و يبتسم عليها و هي بتبص في الارض بخجل هي زميلته في الشغل من فتره و اتكلموا مع بعض بس مش كتير و هي زيها زي معظم اللي شغالين عارفه ظروفه و أنه باباه و مامته منفصلين طول الوقت الكل بيشهد بأدبها و أخلاقها العاليه لكن يمكن هو مكنش واخد باله منها أوي وطول الوقت بيتعامل معاها كزميله فقط لا غير حتى لما تعبت و وداها المستشفى فده بحكم الزماله اللي بينهم وأول مرة ينتبه ليها دلوقتي و هي قاعده قصاده اول مره ياخد باله من هدوءها وجمالها الهادي وحجابها البسيط اللي مزود جمالها جمال كان بيتاملها و كأنه بيشوفها لأول مرة
خبط الباب عليهم و دخل
هادي : سلام عليكم
ردوا عليه التحيه
عدي : مرام يا هادي زميلتنا في الشركه اتعينت عندنا بعد ما انت مشيت علطول
هادي : أهلا وسهلا بيكي
مرام : أهلا بحضرتك
عدي : ده بقى يا ستي
مرام : استاذ هادي انا عارفاه
هادي : عرفاني
مرام : أيوة بشوف حضرتك عندنا كتير و الكل بيتكلم عن حضرتك دايما
هادي : و بيتكلموا عني ازاي يا ترى
مرام : بكل خير و الله كلهم بيحبوك اوي
يبص هادي لعدي و عينه عليها و هي بتتكلم و يبتسم و يلاقوا الباب بيخبط و هما داخلين : هادي انت هنا من امتى
هادي : لسه جاي حالا يسلم على عمرو و فهد و همسه و يعرف ان مرام جايه معاهم و تستئذن مرام عشان تمشي
عمرو : همسه انزلي انتي و مرام استنوني و انا ححصلكم
يسلموا عليه و يخرجوا
عدي : إيه رأيك في الواجب اللي عمله صاحبك ده معاك
عدي : إيه ده انت كنت قاصدها بقى
عمرو : معقوله مفهمتهاش لوحدك
هادي : و الله انا لما دخلت و لقيتهم لوحدهم قلبي حس ان في حاجه
عدي : لا و الله يا هادي دي مرام انسانه مهذبه جدا
هادي : واضح والله من غير ما تقول
ربنا يكتبلكم الخير يا رب
عدي : فين بقى يا هادي وانا الله اعلم بية بعد كده حكون فين
هادي : حتكون بيننا و منورنا ان شاء الله طبعا انت بخير والله وان شاء الله لما تنفذ التعليمات اللي قال عليها الدكتور حتبقى زي الفل احسن الظن بالله و قول يارب
عدي : يارب يا هادي يارب
يقعدوا يتكلموا معاه و يحاولوا يخرجوه من الحاله اللي هو فيها و يقرروا يسيبوه عشان يرتاح
هادي : احنا حنسيبك عشان ترتاح دلوقتي و حنرجعلك بالليل ان شاء الله
عدي : مفيش داعي و الله تتعبوا نفسكم
يونس : لا اتعبهم ملكش فيه هما وراهم ايه يعني مراتاتهم الاتنين في بنها و مدلعين اخر دلع و هما قاعدين هنا بدل ما كل واحد يقعد لوحده و الباشا ده يروح يسرح عالقهاوي اللي حتج*ننه ييجوا يسهروا معاك احسن مش كده و اللا إيه
فهد : يعني انا قلت خلصت من نجلاء و حاخد راحتي معاها و اسهر وياها لحد الصبح و اغنيلها سهرنا يا ليل للصبح يا ليل و امانه ما تمشي يا قمر الليل اه يا محلا الليل ويا حبيبي دي حياتي معاه بقى ليها حياه لو حفضل طول الليل حضناه مش حشبع من حضن حبيبي
تقوم حضرتك تضيع اللحظه السعيده دي علية طب هو ينفع اجيبها و افرش بيها هنا في الأرض
يونس : تجيب مين الشيشه الحقني يا هادي الواد ده حيجلطني
فهد : هو انا حجلط مين و اللا مين لا و على ايه خلاص حستنى بقى لما اروح بنها و اقعد مع عبده يا لهوي با بشمهندس عليه رصة حجر
عدي : هههههههه و النبي خلاص يا فهد بجد مش قادر
يخرجوا من عنده و عنيه تغمض شويه و فجأة عيونه تفتح عليها و هي واقفه قدامه : حمد الله على السلامة يا عدي
عدي : ذكرى انتي ايه اللي جابك هنا
ذكرى : جايه اطمن عليك و اقولك حمد الله على السلامة مع ان الواضح كده ان مفيش منها سلامه و شكلك كده حتقضي بقية عمرك على كرسي يا عدي
عدي : انتي اللي ورا اللي حصللي ده مش كده
ذكرى : خمن انت بقى انا و اللا مش انا شوف انت بقى مين اللي زعلته منك و خلاه يعمل فيك كده
عشان تبقى تعرف ازاي تتعامل معايا كويس بقى انا تعمل فية كده يا عدي طب افرح بنفسك بقى و انت مرمي كده و لا حتنفع حاجه بعد كده و متفرحش اوي باللي حواليك دلوقتي دي الحماسه بس وخداهم يومين تلاته و حيسيبوك يا معلم و ابقى دور بقى على حد يسقيك كوباية مياه سلام يا يا مخلص
.
تسيبه و تروح تستلم نتيجة التحاليل و تدخل بيها للدكتورة عشان تطمن منها : هاه يا دكتورة ايه الاخبار طمنيني الله يخليكي
الدكتورة : كان بودي اطمنك لكن
ذكرى : لكن ايه يا دكتوره حضرتك عاوزة تقولي ان الورم مطلعش حميد
الدكتورة : للأسف ايوة كانسر في عنق الرحم
ذكرى و هي بتبكي : و انا المفروض اعمل ايه دلوقتي
الدكتورة : لازم نعمل العمليه بسرعه قبل ما ينتشر لاجزاء تانيه في الجسم لأنه المشكله ان حجمه كبير
تخرج ذكرى من عندها و هي مش شايفه ادامها مش عارفه تعمل ايه و لا تروح فين
تلاقي كالعاده اشرف بيتصل يطمن عليها تقولله عاللي قالتهولها الدكتورة
اشرف : اطمني يا ذكرى ان شاء الله خير
ذكرى : خير هو فين الخير ده يا اشرف ما خلاص
اشرف : يا بنتي بلاش التشاؤم ده ربنا جعل الطب و الدوا و ياما ناس بيكون عندها الموضوع ده و بيبقوا كويسين
ذكرى : أنا حشيل الرحم يا اشرف عارف ده معناه ايه معناه اني خلاص مبقاش لية مستقبل
اشرف : ذكرى عشان خاطري متفكريش في أي حاجه دلوقتي غير انك تبقي كويسه و بعد كده اي مشكله و ليها حل ان شاء الله
حتعملي العمليه امتى
ذكرى : مش عارفه يا اشرف مش عارفه
اشرف : مفيش حاجه اسمها مش عارفه احنا لازم نتحرك بسرعه كل ما تتأخري حيكون مش كويس عشانك
ذكرى : حاضر يا اشرف
اشرف : و اهلك يا ذكرى مش حتقوليلهم
ذكرى : أهلي لاء يا اشرف مش عاوزاهم يعرفوا عني حاجه
اشرف : ليه يا ذكرى دول اهلك و انتي الفتره الجايه حتكوني محتاجاهم جمبك
ذكرى : مين اللي حيكون جمبي بابا اللي ميهمهوش غير الفلوس و بس و غير كده ميهمهوش حاجه و اللا همسه اختي اللي قاطعه علاقتها بية و مش طايقاني و لا بتطيق تسمع اسمي
عاوزني اقولها عشان تشمت فية يا اشرف لاء يا اشرف انا لو حم.. وت لوحدي مش حخللي حد يشمت فية
اشرف انا عارفه اني تقلت عليك و شيلتك همي كتير و انت كفايه عليك لحد كده و انا حتصرف مع نفسي و اشوف انا حعمل ايه
اشرف : معقوله يا ذكرى بتقولي كده ذكرى انا اذا قلتلك على موضوع اهلك فعشان واجبهم تجاهك انهم يكونوا جمبك مش اكتر من كده و ده حيكون داعم نفسي ليكي لأنك الفتره الجايه لازم نفسيتك تكون كويسه لكن انا عند وعدي ليكي يا ذكرى و مش حسيبك مهما حصل
ذكرى انا حتصل بدكتور شاطر انا اثق فيه كويس يرشحلنا حد يعملك العمليه
ذكرى : ربنا يخليك لية يا اشرف مش عارفه من غيرك كنت حعمل ايه
اشرف : ان شاء الله حتبقي كويسه
و فعلا يحجزلها عند دكتور و يتفق معاهم على معاد العمليه و اللي حيحصل بعدها و تجهز ذكرى فلوس العمليه و تفتكر كلام اشرف ليها لما قاللها ان الط.. مع بيقل ما جمع و ممكن كل اللي جمعته يضيع منها فلمح البصر و هو ده فعلا اللي بيحصل معاها دلوقتي
...............................................
في اليوم التالي بالشركه و هادي في مكتبه بيشتغل يتفاجئ بادهم عنده يتخض هادي من وجوده ادامه : أدهم خير في ايه ماما حصللها حاجه جنه فيها حاجه اتكلم يا أدهم الله يخليك
أدهم و هو بيقعد ادامه : يا لهوي عليك ده شعب على طول التفاؤل ده عندكم كده يعني هو عشان انا اجي يبقى لازم يكون في حاجه و بعدين ما هو لو بذكاءك ده في حاجه انا مش حاجي لحد هنا يعني تليفون حيجيبك يا معلم
هادي : اصلك اول مره تيجيلي الشركه و خلتني قلقت اول ما شفتك
أدهم : يعني تقدر تقول كده حبيت اشوفك و انت بتشتغل بقى و صاحب شركه و رجل أعمال بقى و الحركات دي
هادي : هههههههه لا لو كده يبقى تنورني يا دكتورنا لا دكتورنا ايه بعد الش.. ر عننا قصدي دكتور بقية سكان الكوكب
أدهم : هههههههه لا حلوة مقبوله منك يا برنس
هادي : في إيه يا بني متتكلم
أدهم : مانا جاي عشان اتكلم اكيد يعني مانا لو عرفت اتكلم وسط العيله الكئيبه دي مانا كنت اتكلمت و ريحت نفسي و ارتاحت لكن أعملهم ايه واقفينلي زي اللقمه في الزور كل ما اجي انطق بس عيب ميصحش مش وقته مش فاهم انا اعمل إيه طيب اقدم طلب و امضيه من اتنين موظفين و اختمه ختم النسر عسان اعرف اتكلم واللا ايه قرفوني عالم خنيئه و خصوصا اللي اسمه مراد ده بالاسم بس توأمي و هو مش شبهي خالص لا شكل و لا مضمون
قمت عملت ايه بقى غفلتهم و جيتلك يا ابو نسب
هادي : ابو نسب
أدهم : ايوة طبعا مش هما اخواتك و اللا إيه تبقى ابو نسب و اللا لاء
لا بس البنت السكرتيره اللي برة دي ايه قمر مزة الصراحه تفتح النفس للشغل و ربنا مش محتاجين دكتور بيطري هنا في الشركه
هادي : ههههههه و ربنا انت ما ليك حل يعني انا عاوز افهم انت إيه اللي في دماغك دلوقتي ارسالك على بر يا ادهم و ارحمني الله يخليك
أدهم : و هو انا لو مرسيتش على بر كنت حبقى هنا ليه دلوقتي ادامك
هادي : مش انت اللي عمال تعاكس السكرتيره
أدهم : يا عمنا بتكلم هو الكلام عليه جمرك الكلام حاجه و الفعل حاجه يا معلم و فعلي هو اللي فقلبي و البت بيسان هي اللي قعدت فيه و ربعت يا ابن عمتي
يقوم و يقرب عليه و يمسكه من جاكيته : هادي انا ابن خالك يا هادي
هادي : ايوة مانا عارف و الله بس سيب الجاكيت يخرببيتك
أدهم : يبقى تقف جنبي و تجوزهالي
و بسرعه الله يخليك انا مش قادر
هادي : مش قادر ايه يخرببيتك
أدهم : مش عارف بس اهو مش قادر و خلاص هما فين هاه هما فين
هادي و هو يبعد ايده و يعدل هدومه اللي بهدلهاله : و انا ايش عرفني انا
أدهم : يعني هما مبيجوش هنا و اللا إيه
هادي : و هما ايه اللي حيجيبهم هنا هما في الشركه عند باباهم بيتعلموا الشغل
أدهم : طب انا مينفعش اعلمهم حاجه
هادي : تعلمهم ايه انت هو انت إيه علاقتك اساسا بشغلنا اما نبقى نفتح دار رعايه للحيوانات نبقى نقولك
أدهم : خلاص يبقى تاخدني عند ابوها انا مليش دعوة انا مش ماشي النهارده من هنا غير و انا قاري فاتحه مليش دعوة
هادي : هههههههه هههههههه طب اهدى طيب حاضر و الله حاخدك بس احنا و الله اليومين دول قلقانين على عدي نطمن عليه بس و حاخدك عندهم و الله
أدهم : هو انتوا مش قلتوا بقى كويس
هادي : أدهم يا حبيبي اهدى كده عشان خاطري و اوعدك اني حكلمهم بنفسي ياللا اتوكل دلوقتي على الله انا عندي دلوقتي اجتماع مع الموظفين يا للا حييبي الله يخليك
أدهم : و البت القمر دي حتحضر معاك الاجتماع
هادي : ايوة طبعا عشان بتسجل كل اللي بيتقال
أدهم : طيب هو انا ينفع احضره معاكم هادي : أدهم
أدهم : خلاص يا ساتر يارب انا ماشي
يخرج أدهم و هادي بيضحك عليه و يطلب من السكرتيره تحضر الورق اللي حيدخل بيه الاجتماع يخرج هادي من مكتبه و يتجه ناحية حجرة الاجتماعات يلاقي شخص رايح ناحية مكتب همسه شكله مش غريب عليه حاسس انه شافه قبل كده يحاول يفتكر ده مين بس يلاقي السكرتيره بتبلغه ان الكل منتظره يروح الاجتماع و هو بيحاول يفتكر شافه فين قبل كده
في مكتب همسه اهلا بحضرتك يا افندم
_اعرفك بنفسي اشرف حسام الدين رجل أعمال بس يعني لسه على ادي
همسه : أهلا بحضرتك يا استاذ أشرف خير اتفضل اتكلم حضرتك
اشرف : انا جاي في حاجه تخصك و تخص اختك
همسه : حاجه تخصني انا و تخص اختي انا مش فاهمه ياريت حضرتك توضح كلامك اكتر من كده
اشرف : ذكرى اختك يا همسه اسمحيلي اقولك همسه من غير القاب لأنك تقريبا اد اختي الصغيره
همسه : خير ذكرى مالها حضرتك في حاجه حصلتلها
اشرف : ايوة في حاجه حصلت معاها بس مش خير
همسه : استغفر الله العظيم ياربي بص حضرتك انا مليش دعوه بيها واي تصرف هي اتصرفته فده بعيد عني و حضرتك جيت
العنوان غلط انا معنديش اخت اسمها ذكرى
اشرف : لاء عندك و دي حاجه انتي متقدريش تنكريها و لا تتبري منها لأن اللي بينكم مش صداقه و لا زماله حتنهيها وقت ما تحبي لا يا همسه دي صلة رحم بتفرض عليكي انك تكوني جمبها ومتتخليش عنها في محنتها
همسه : محنتها حضرتك بتقول إيه
اشرف : اللي سمعتيه يا همسه اختك ذكرى فمحنه و ابتلاء كبير و هي دلوقتي محتاجاكي اوي جمبها اكتر من اي وقت فات و مر عليها
ينتهي هادي من الاجتماع و يروح ناحية مكتب همسه عشان يعرف مين اللي كان عندها فميلاقيهاش في المكتب يتصل عليها متردش يسأل عنها الأمن يعرف انها خرجت مع الشخص اللي جالها يقلق عاوز يفهم في ايه و مين ده و ليه خرجت معاه
بعد حوالي نص ساعه لابسه روب العمليات و بتستعد لدخول العمليات فتتفاجئ بيها بتفتح عليها الباب و تدخل لها : همسه
تجري عليها همسه و تاخدها فحضنها : سلامتك يا ذكرى الف سلامه عليكي يا حبيبتي ان شاء الله حتخفي و حتبقي زي الفل
ذكرى و هي بتحضنها وعينها فعين اشرف مش عارفه تلومه و اللا تشكره : كده بردو تخبي على اختك و متقوليليش انك حتعملي عمليه طب ده ينفع بردو عاوزه تدخلي عمليات و انتي لوحدك ليه يا ذكرى انتي نسيتي ان ليكي اهل
ذكرى : انتوا اللي نسيتوني يا همسه و بالتحدبد انتي يا همسه نسيتيني و خرجتيني برة حياتك
همسه : لا يا ذكرى انتي اللي خرجتي برة حياتنا مش احنا اللي خرجناكي
ذكرى : انتي معزمتنيش في فرحك يا همسه و حتى لما عرفت و رحت حسيت اني غريبه عنكم ومليش مكان بينكم
همسه : انتي اللي عملتي فينا و فنفسك كده انتي اللي وصلتينا لكده يا ذكرى طول عمرك تصرفاتك غلط وعمرك ما بتسمعي لحد غير لنفسك و بس الحاجه الوحيده اللي كانت صح فحياتك ضيعتيها من ايدك و لسه مستمريه في اللي انتي فيه مش عاوزة تقوليلنا ليه مش عاوزة اختك تكون جمبك ليه خايفه اشمت فيكي بزمتك ده تفكير حد عاقل انا حشمت فيكي يا ذكرى حشمت في اختي الوحيده اللي مليش غيرها في الدنيا يعلم ربنا اني بدعيلك في كل صلاه ان ربنا يهديكي و يتوب عليكي من اللي انتي فيه و يبعد عنك نفسك و هواها و يرشدك للطريق الصح و ينور طريقك
ذكرى اللي انتي فيه ده ابتلاء من ربنا و اخر فرصه ليكي عشان ترجعي عن كل اللي انتي فيه استغفري ربنا يا ذكرى استغفري ربنا و ابدئي صفحه جديده يا حبيبتى تعالي ننسى كل اللي فات و نبدأ من جديد
تدخل الممرضه : ياللا يا مدام ذكرى
ذكرى : حتستنيني يا همسه
همسه : حستناكي يا ذكرى حستناكي يا اختي يا حبيبتي