رواية أرض الهلاك
الفصل الحادي عشر 11
بقلم رشا منصور
سرحان. …
كنت قاعد ع سطح السفينه شوفت حمامه ومعاها رساله شكيت أنها جايه ل صفوان مسكتها بسرعه قبل ما يشوفها رسلان ولما قرأتها عرفت أنها من السلطان وروحت بلغت رسلان أننا كدا فى الصباح نطلع ع الجانب الغربي وده قريب من أرض النعمان
نجم الدين…..
طلبت من علاء الدين أنه يساعدنى نوصل لأرض الهلاك ولقيت عمي عفان قالي ع فكرة يابني التنين مسحور ولو رميت عليه الميه اللى فى الازازة هيرجع لطبيعته وعمره ما يضر'ك لأنه مسالم. ومش مؤذي. هو مغصو'ب ربنا يسامح بنتي
قولت له أهم حاجه أنى عرفت فين مكان الأميرة وخلي بالك يا عمي أوعى ياسمين تعمل اى حاجه تانيه
وإنتي يا صابرينا ساعدى البحارة يعدوا من أرض الضباب وخليهم ينتظروني فى الجانب الغربي المفروض ان السلطان منتظر الأميرة هناك بس كنت عاوز أعرف فين رسلان دلوقتي
عفان….
تعالي معايا وسألت المرآيا المسحورة ولقينا سرحان ماسك رساله وبيقرأها ل رسلان وبيقوله كدا إحنا هنطلع الجانب الغربي وهنوصل هناك فى الصباح
وبعدين يابني كدا لما رجالتك توصل هناك يمكن يتقبض' عليهم العمل إيه
نجم الدين …
اخدت ورقه وكتبت فيها أول ما يوصل رسلان احتفظ به علشان أقدر أجيب الأميرة فى اما'ن ومضيت بإسمي البحار نجم الدين
واديت الرساله ل ضرغام وقولت له وصلها للسلطان وانتظرني مع حمدان ولو عرفت اى حاجه تعالى وبلغني واخدت علاء الدين ومشينا من بيت عمي
صفوان. …
أول ما عرفت برساله السلطان عرفت إنه ناوى ل رسلان ومش عاوز حد من شعب. الجانب الشمالي يعرف حاجه من اللى حصلت
مينفعش شكل الأسرة الملكية. يتهز قدام الشعب.
قمرالزمان. ..
عرفت ان التنين حزين وأنه بيحب واحدة من زمان من أيام ما كانت طفله وكبرت قدام عنيه وكان بينفذ لها كل حاجه علشان يفرحها وفى الآخر سحرته لتنين وفضل لسنين محبو'س فى جحرالتنين اللى فى جبل الظلام. كنت مستغربه ان فى واحدة ممكن تعمل كدا فى اللي بتحبه ولما سألته عليها لقيته رفع الثياب اللى كانت فيها الفاكهه ولما دققت فيها
ده ده فستان👚ياسمين ازاى أنت قصدك ان ياسمين هى حبيبتك وعملت فيك كدا
بصلي وهز رأسه وحسيت ان الدموع فى عينه صعب عليا وقربت منه قولت له متزعلشي أكيد فى حل
علاء الدين …..
دعكت الخاتم اللى فى ادي وطلعلي العفر'يت طلبت منه يحضر البساط السحرى وجبهولى فى الحال
واخدت نجم الدين وأمرت البساط يطير بينا ل أرض الهلاك. وطار بينا بعيد بين السحاب وبعد فترة وصلنا لأرض صحراء جرداء والدنيا ظلا'م ومش شايفين اى حاجه وكان فاضل ع طلوع النهار ساعتين انتظرنا وفضلنا ساكتين خايفين نعمل اى صوت يحس بينا التنين ونكون متأكلين
نجم الدين….
انتظرنا ومع أول شروق الشمس شوفت من بعيد قمرالزمان وهى نايمه ع جناح التنين استغربت وقولت ل علاء الدين اظاهر عليه مسا'لم زى ما قال عم عفان
وقربت براحه من قمرالزمان اصحيها وخليت علاء الدين خلف التنين وطلبت منه يطلع العفر'يت يساعدنا لو احتاجنا ليه
وببص لقيت التنين هو اللى صحي وبصلي وبص ل قمرالزمان ولقيته بيحرك جناحه براحه وابتدت تصحي وأول ما شفتني لقيتها قامت بسرعه وقالت للتنين مش قولتلك أنه شهم. وشجاع. ومش هيسيبني قولت لها هو ده وقته أنا هتجنن.منك
قمرالزمان. .. .
أنت مش فاهم يا نجم الدين التنين بقي صديقي وع فكرة بقي ده غلبان ومسحو'ر زيي كمان ومحتاج اللى يساعده
علاء الدين….
كنت سامع اللى بيتقال وواضح إنى مش هحتاج للعفر'يت وظهرت للأميرة وقولت لها إيه الحلاوة دى إنتي جميلة آوى ولقيت نجم الدين قالي كلمه كمان وهنسي أنك صاحبي
ابتسمت له وقولت كان لها حق تغيير ده أنت دايب يا مسكين طيب أنا قاعد ع البساط لحد ما تخلصوا كلام 😅
قمرالزمان…..
اخدت بالي من غيرة نجم الدين عليا وبصيت للتنين وبعدين افتكرت ياسمين أنا لازم أساعده
قولت ل نجم الدين هى ياسمين اللى باعتتك هنا راح قالي هى مكنش قصدها تعملك سحر هى بس كانت عاوزة تحافظ عليكي بعيد عن رسلان لحد ما تخلص. منه وبعدين ترجعك فى اما'ن اخلعي العقد ده وقطعيه علشان ينفك السحر فى الحال
بصيت للتنين لقيته هز رأسه قولت له بس أنا مش هتحرك من غير التنين لازم أخده معايا ل ياسمين علشان تحر'ره واتفاجأت ب نجم الدين قالي….
نجم الدين….
طول ما قمرالزمان بتكلم وأنا ببص للتنين لو كان مؤ'ذي كان زمانه كلنا ولا حر'قنا لكن ده ساكت قولت لها مدام يهمك أمره أنا هساعده
ابعدى عنه وروحت فتحت الازازة ورشيتها عليه ولقيت فجأة
بدء يدوب وجناحاته بتتخلع وتطير هو اتبخر ولا إيه 😯
التنين(شمشون)
لقيت نفسي فجأة بدوب وبتحول بعد ما نجم الدين الهجين رمي الميه عليا ورجعت ل صورتي الطبيعيه وكنت فرحان أوى وشكرته وشكرت الأميرة قمرالزمان ولقيتها قالتلي مش هسيبك هنا لازم اخدك ل ياسمين فرحت أوى
قمرالزمان. …
انت عسول أوى ومكنتش متخيله شكلك كدا
نجم الدين….
مكنتش طايق نفسي وأنا شايفها معجبه به وبتكلم معاه مش عارف ليه حسيت بالغيرة وقولت لها واضح انك كنتي مبسوطه معاه وأنا جيت ضايقتكم ولقيت علاء الدين قال ما يلا بينا من هنا انتوا مش شايفين الصحراء اللى واقفين فيها ده مافيش نقطه ميه نشربها
بصيت ل قمرالزمان قولت لها اتفضلي علشان اوصلك للسلطان
قالت ليا لا هتوصلني عند عمك عفان عوزاه فى حاجه وبعد كدا نطلع ع ولدى السلطان قولت ايه
التنين (شمشون )
كنت شايف الغيرة فى عيون نجم الدين ف قولت له انا ممكن انقلكم كلكم لهناك أنا كمان مستعجل عاوز أشوف حبيبتي وأول ما قولت كدا لقيته قالي إيه انت لك حبيبه ضحك وقالي تعالي معانا هنركب البساط ونروح البستان عند عمي عفان
قمرالزمان. …
ركبنا البساط وأنا فرحانه وأنا حاسه بغيرة نجم الدين عليا بس يا خسارة كلها ساعات ومش هشوفه تاني ياريتك يا ولدى تغير قانون المملكة او ياريت ينفع أهرب معاه واعيش فى السفينه وببص لقيت نفسي وصلت عند عم عفان ولقيته واقف منتظرنا ع الباب ورحب بينا وبص لل(شمشون) وقاله إيه اللي جابك مش خلاص اتحر'رت إيه رجعك تاني قولت له استني يا عم عفان أنا اللي جبته وأظن إنى ليا حق عندكم هى فين ياسمين
عفان…
أول ما قمرالزمان ما سألت ع ياسمين شكيت تكون عاوزة تنتقم' منها عن طريق (شمشون ) قولت لها عوزاها فى ايه قالتلي لما تنادى عليها هتعرف ولقيت نجم الدين قالي أفتح لها يا عمي متقلقش.فتحت ل ياسمين وكان بتبكي واخدتها وطلعت لهم وأنا من جوايا بستعد لأى غد'ر من الجن
قمرالزمان. …
بصيت ل ياسمين وقولت لها مفاجأة صح نجم الدين قالي إنك عملتي كدا علشان تحميني. من رسلان وأنا مش مقتنعه بس اللي استغربته أكتر ان فى بنت تبعد حبيبها عنها وكمان تسحره ازاى قلبك طوعك تعملي كدا
ياسمين….
بصيت لها وبصيت ل نجم الدين وقولت لها أنا سحرت حبيبي محصلش لقيتها قالت ليا حبيبك اللى عايش معاكي من صغرك وبيحاول يسعدك طول الوقت وانتى مش حاسه به
قولتلها مش فاهمه أنتي قصدك ان فى حد بيحبني من زمان
قمرالزمان….
أيوة يا ياسمين بيحبك وعاوز يعيش معاكي وأنا دلوقتى بطلب إيدك من عم عفان ل (شمشون ) اللي بيحبك من سنين قولتي إيه بس ع شرط مافيش اسحار تاني ايه رأيك يا عم عفان
عفان…..
أنا نفسي اجوز بنتي لواحد بيحبها ويحافظ عليها ولو هى موافقه أنا كمان هوافق
ياسمين…. بصيت ل شمشون وقولتله انت فعلا بتحبني طب ليه مقولتيش ليا ليه محاولتش تلمحلي
التنين (شمشون)
بحبك من أول مرة شوفتك فيها وشوفتك بتكبري قدام عيني كل يوم وكنت منتظر لما تحسي بيا واحس ان انا بس اللى فى قلبك وساعتها اعترفلك بحبي واطلب إيدك لكن أنتي سحرتيني وحبستيني. فى جبل الظلام. هونت عليكي يا ياسمين تحرميني إنى أشوفك
ياسمين….
كنت فرحانه آوى لأول مرة أحس ان فى حد بيحبني وقولت ل بابا أنا موافقه أتجوز شمشون أنا هحتاج ايه اكتر من واحد بيحبني واستحملني طول السنين دى وحقك عليا يا قمرالزمان ومتشكرة أوى لولاكى مكنتش عرفت ان فى حد بيحبني
نجم الدين…..
كنت بتابع اللى بيحصل وازاى رغم اللى شافته قمرالزمان من ياسمين إلا أنها فكرت ازاى تسعدها وتجمع بينها وبين حبيبها ولقيت عمي عفان بيبصلي وقالي دواءك عندى يابن أخويا
السلطان لقمان….
وأنا قاعد مع اخواتى وبقولهم ع اللى عرفته من صفوان وان كل أفعال رسلان دى سببها أنه ميعرفش حقيقه اللى عمله روهان أبوه وأنه لازم يعرف الحقيقه قبل ما ياخد جزائه.
وببص لقيت النسر ظهر ومعاه رساله قولت لهم أكيد دي من قمرالزمان واخدت الرساله وعرفت أنها من البحار وأنهم ع وصول وطلبت من الحر'اس أول ما يوصل رسلان يحضروا فى الحال
علاء الدين….
اظن أنا دوري هنا أنتهي ومن حقي بقي أروح أكمل نوم ولقيت عم عفان بيقولى لا لسه مطلوب منك تنقلني أنا ونجم الدين وقمرالزمان
تودينا عند السلطان لقمان فى الجانب الغربي بس مش دلوقتى أنتظر فى حاجه الأول محتاج أعملها واستدعيت ضرغام واخدته ع جنب وقولت له ع حاجه يوصلها ل صابرينا وطار
رسلان….
وصلنا للجانب الغربي ولقيت فى حر'اسه كتير وخدوني عند قصر خالي بلهان ولقيت الجميع هناك واتفاجأت أول ما لقيت قدامي 😲😲😲