رواية أرض الهلاك
الفصل الخامس 5
بقلم رشا منصور
نجم الدين….
ظهر الأخطبوط العملاق وبدأ يهز السفينه والبحارة تقع فوق بعض وسمعت صوت سفروت وبيقولى هحاول أشد السفينه بس حاول تشتت تركيزه وتخليه معاك
طلعت سيفي' وابتديت اضر'ب فى رجل الأخطبوط وقولت للبحارة يحاولوا يربطوا دراعه بالحبال ويكتفوا لكن حجمه العملاق خلي كل محاولاتهم محاله وفضل يضر'ب فينا وبسبب حركة السفينه مكناش قادرين نقف ثابتين ورغم طعني' فيه إلا إني مقدرتش اصيبه' وطلعت ع اعلي حته فى السفينه يمكن اقدر أتمكن منه لكن ضر'بني بدراعه ووقعني ع السطح ولقيت السفينه هتبدأ تتكسر بينا وتتمايل شمال ويمين والشراع هيقع مبقاش قدامى غير حل واحد قولت لكل البحارة انزلوا تحت فى الكبينه بسرعه
و نزلت تحت البحر وناديت ع اى حد من الجان المائي يساعدنى وفجأة لقيت الاخطبوط قدامى نزل ليا تحت الميه
وجيت اعوم بدأ يلف حواليا ويكتفني بدراعه العملاق وبدأ سفروت يستنجد ويبعت استغا'ثه للحيتان وحسيت ان عضمني بيكسر'
وفجأة سمعت اصوات الجان فى كل مكان وبدأ الاخطبوط يتلفت فى كل إتجاه والجان يلف من حواليه
وظهرت قدامى صابرينا صديقتي جت ومعاها أصحابها وابتدوا عرايس البحار يغنوا بأصواتهم اللى تسحر الأذهان وبدأ الاخطبوط يدوخ وشدتني صابرينا منه وطلعتني اخدت نفسي فوق سطح الميه ونزلنا تاني ولقيت عرايس البحر قدروا يدوخوا وأخدوا الاخطبوط العملاق بدون اى عر'اك وبعد بعيد
وقالتلي صابرينا هفضل معاك لحد ما توصل عند عمك عفان هنا مافيش مكان للبشر والافضل تمشي من هنا اوام وطلعت بسرعه ع سطح السفينه وطلبت من سفروت يشدنا وناديت ع البحارة بأعلي صوت قولت لهم اطلعوا إحنا خلاص فى أمان
قمرالزمان….
طلعت من الحجرة ولقيت نجم الدين واقف غرقان ميه وبيقول أننا بأمان وببص فى البحر لقيت بنات شكلها عجيب وغريب و منهم اللي من غير رجلين بتعوم زى الاسماك وبصيت ل حمدان قولت له مين دول قالي دول أصحاب نجم الدين وأكيد دول اللى انقذونا ولقيته بيشاور لهم بأيدوا بيحيهم ويشكرهم وسمعت صوتهم بيغنوا بأصوات تسحر. خلتنا كلنا نهدى وننسي اللي حصل لنا
رسلان…
وصلنا ل أرض النعمان وسألت العسكر' اللى ع الحدود المدينه ع سفينه قراصنه' قالولى ممنوع ينزل هنا قرصان' كانوا هجمو'هم فى الحال قولت لهم القبطان بتاعهم إسمه نجم الدين
قالولى أيوة البحار نجم الدين وصل ومعاه تلاته من الرجال واشتروا الطعام والماء ومشيوا فى اتجاة أرض الضباب
بس أكيد هيرجعوا فى الحال لصعوبه الرؤيه هناك
سرحان….
ما تخلينا هنا يا أمير رسلان وبعد كدا نرجع للسلطان ونقوله ع الفديه ووافق ع الكلام ولكن لقيته بيسال العسكر' وبيقوله متعرفش حد ممكن يوصلني ل نجم الدين يعني له قرايب او معارف فى اى مكان ولقيت العسكر' بيقوله فى هنا عراف ممكن يساعدك
خوفت ع نجم الدين لكن مقدرتش أنطق
القائد صفوان…
كنت واقف ومتابع رسلان ولقيته بعدها جالي قالي خليك مع الجنو'د فى السفينة أنا لقيت هنا عراف هروح واشوفه يمكن يوصلنا للأميرة قولت له خلي معاك حد من الجنو'د لحمايتك. يا أمير مينفعشي واحد زيك يمشي بين الناس من غير حر'اسه وطبعا لأنه متكبر ومغر'ور وافق وأمرت اتنين من جنو'دى ميبعدوش عنه لحظه واحدة ويتابعوا كل حاجه أحسن يكون فى مكيدة.
وبعد ما مشيوا سألت عسكر' النعمان عن اللى قاله ل رسلان وعرفت ان اللى بندور عليه إسمه نجم الدين وكتبت رساله وباعتها للسلطان لقمان أعرفه فيها ع إسم القرصان'
قمرالزمان. …
فضلت قاعدة ع سطح السفينه أسمع أنغام عرايس البحر والبنات الغريبه والحوت بيشد السفينه وبيعمل صوت جميل كأنه بيغني معاهم أول مرة أعيش مغامرة زى دى لاني ع طول فى القصر وفسحتى الوحيدة كانت فى سوق التجار
ياريت لما أرجع لولدى يسمح لي أطلع رحلة معاهم تانى بس ياتري إحنا رايحين ع فين إحنا بعدنا كتير عن الجزيرة
رسلان…
روحت عند عراف اللى فى أرض النعمان لقيته قاعد وقدام منه بلورة زجاج مدورة وكبيرة أول ما قولت له عاوز أعرف فين نجم الدين بصلي وقالي عاوز منه إيه
قولتله عاوزه فى مهمه كبيرة وبدور عليه راح قالي …
العراف عدنان
عاوز نجم الدين فى مهمه كبيرة ياتري دى أكبر من خطفه' لبنت السلطان ولقيته بصلي وقلقان
قولتله متخافش. يا أمير سرك فى بير بس خليك معايا صريح انت عاوز منه إيه
رسلان….
قولت للعراف عاوز اخد قمرالزمان وهو هر'ب بها وخلف الإتفاق رغم أنه آخد عشر أكياس من الدنانير
علشان كدا طالب مساعدتك إلا أوصله او أوصل لأي حد من أهله أقدر وقتها أعمل معاه صفقه يسيب قمرالزمان مقابل أهله
العراف عدنان…
بصيت ل رسلان قولت له أنت عاوز تخطف' أهل نجم الدين 😄
بصيت ع البلورة وقولتله يا أمير رسلان نجم الدين دلوقتى فى أرض الضباب بيحا'رب الأمواج ولو عدى منها سليم
يبقي أكيد هيطلع ع الغابه السوده روح له هناك وأكيد هتقدر توصل معاه للأتفاق بس متنساش تدفعلي المال
رسلان….
إزاي أوصل هناك من غير ما اعدى ع أرض الضباب
العراف عدنان ….
فى جنوب أرض النعمان طريق بين الجبال هتفضل ماشي فيه وبعد يومين هتكون وصلت عند الغابه السودة بس احتر'س ع نفسك من الذئاب والتعابين. خلي حر'اسه معاك
اما بالنسبه لنجم الدين له أحباب كتير هناك وبصيت ل سرحان كنت عارف إنه بيساعد صاحبه وصاحبي أنا كمان 😄
رسلان….
دفعت ل عدنان المال ومشيت من عنده وقررت اخد صفوان والجنو'د معايا وتركنا السفن فى حر'اسه عسكر' النعمان
سرحان….
فهمت من نظرات عدنان أنه عارف نجم الدين وخصوصا ان فى طريق بين الوديان يوصلنا بأقل من كدا بكتير وكأنه بيبلغني أقول لنجم الدين ان قدامه يومين ويهر'ب من عند عمه عفان بس هعرفه ازاى أنا كنت ببعتله مع ضرغام ولما رجعنا السفينه علشان ناخد اسلحتنا' والأكل يكفينا
ببص لقيت صفوان ماسك حمامه وبيلف فى رجلها رساله وطارت
استنيت لما خرج من السفينه ودخلت اوضته لقيت قفص كبير مليان حمام أخدت منهم واحدة وكتبت رساله ل نجم الدين
قولته فيها بعد يومين هنكون فى الغابه السودة
قمرالزمان. …
روحت ل نجم الدين قولتله طب إحنا بنبعد عن أرض الضباب علشان نعيش لكن هنرجع تانى إزاي للجزيرة
زمان ولدى السلطان قلقان وحزين ده أنا بنته الوحيد أرجوك لو ناوى فعلا تساعدنى تلاقي حل اطمن به ولدى
نجم الدين….
لقيت ان قمر الزمان ع حق قولت لها تعالي ونزلت تحت فى الكبينه قولت لها اكتبي بخط إيدك رساله بس أوعى تقولى ع مكانا
وكتبت الأتي
"ولدى السلطان لقمان اطمن أنا فى أمان نجم الدين والبحارة بيحمونى من رسلان أول ما هنهرب' منه هنرجع فى الحال واحذر' من كهرمان هى شريكه معاه ابنتك الوحيدة قمرالزمان "
واديت الرساله ل ضرغام وقولت له وصلها للسلطان لقمان بنفسه وارجعلي عند عمي عفان
وقولت لها اطمني وحاولى تنامي اليوم كان طويل ومتعب وأحنا دلوقتي فى أمان وبعدها لقيت حمامه واقفه ع سطح السفينه روحت لها واخدت الرساله وعرفت أنها من سرحان
طب وبعدين إيه اللي عرف رسلان بالغابه السودة وأنا كنت ناوى نفضل هناك لحد ما يعدوا السبع أيام
كدا عمي عفان مش هيكون فى أمان مافيش قدامي غير أني أطلب منه يساعدنى ويشوف ليا مكان نستخبي فيه من رسلان
أنا رشامنصورايه اللي كان خلاني أقبل بالمهمة دى !؟
ياسمين…..
كنت قاعدة قدام المرآيا ولقيت فجأة خالتي وردشان ظهرتلي وقالتلي ان نجم الدين كان فى أرض الضباب ومعاه رجالته وبنت جميله واضح أنه مهتم بها
يعني إيه فى واحدة دخلت فى حياة نجم الدين ده أنا اقتلها' تطلع مين دى وشافها امتي وفين
وردشان….
متستعجليش يا ياسمين كلها ساعات ويكونوا عندك موجودين وحاولى تاخدى اطرها واعرفي منها تطلع بنت مين من غير ما نجم الدين ما يلاحظ حاجه
واتعملي معاها ع أنها ضيفه علشان عفان ميرميش عليها حمايه وتصبح عن عيونا مخفيه فاهمه يا ياسمين
ياسمين. …
فاهمه وهستعد لها من دلوقتي ده حتى إكرام الضيف واجب ودى بالذات وجبها عندى 😯 بقي كدا يا نجم الدين بتفكر فى غيري يعني مش كفايه أنك إبن جنيه كمان رايح تجيب ضره عليا ده ايه البلويه. ديه
السلطان لقمان…
كنت قاعد فى غرفتي وحيران ياتري إيه حالك يا قمرالزمان وولقيت الحمامه واقفه ع الشباك اخدتها أكيد رساله من صفوان
ولقيته قدر يوصل لاسم القرصان'
نجم الدين أنا فاكر ان كان فى بحار زمان كان له إبن إسمه نجم الدين بس ده ماله ب بنتي ويعرفه منين رسلان
وبعد شويه قرب شروق الشمس لقيت نسر قدام الشباك جبت سيفي' علشان اهجم' عليه لقيته رمي ليا رساله وطار وشوفته وقف بعيد
فتحتها دى من قمر الزمان بنتي حبيبتي الحمد لله أنها بخير
بس لازم احميها من رسلان
بس ازاى دى بتقول ان نجم الدين هو اللى بيحميها ياتري دى الحقيقه ولا بيضحك عليها
كتبت رساله وقولت لها حاولى توصلي لحد من اعمامك وهما هيوصلوكي ليا فى أمان
وشاروت للنسر وأنا خايف منه ومن حجمه الكبير ولما قرب رميت الرساله ووقفت بعيد لقيته اخدها وانحني برأسه ليا وطار
حسابك معايا يا كهرمان إنتي ورسلان