رواية لأنها توسل
الفصل التاسع والعشرون 29
بقلم سوسو تويكس
مرة اسبوع و غزل ما بتخليني ازح من جمبها بحكم اني أقرب زول ليها، شفتها رقدت نامت خليت معاها فطوم وطلعتا لي غيث في الجناح يادوب ح القى فرصه اقابلو، دخلت الجناح لقيتو قاعد في بلكونة الجناح وشارد، حس بحركتي قال لي:جيتي عشان الطلاق،، وقت قام من الكرسي فقد توازن ثبت في الكرسي، ما عرفتا اقول شنو فعلا الفترة الفاتت دي مرت عليهو صعبه كيف ما قدرت اشوف التغير الواضح نحف وعيون دبلانات حتى فقد لمعة اللون العسلي الكان فيهم و الهالات الماحوطه عيونو ده كلو كوم وملامحو الباهته كوم تاني كان حابس حزنو عشان يقدر يقوي اخوانو، ما عرفتا اقول شنو مشيت حضنتو وانا ببكي في الاول كان مصدوم بس تاني حسيت بدموعو الساخنه، ما عارفه بكينا قدر شنو،، حسيت بانتظام انفاسو عرفتو نام، قومتو بعد تعب رقد في السرير عايزه اطلع جراني ورقد نام طول اليل بعاين ليهو وبفكر انا ظلمتو قدر شنو معاي،، جا الصباح وصحيتو عشان يصلي، قالي:والله حاسي حلم،، ابتسمتا ليهو وقلت:لأ ما حلم، وحسي قوم نلحق الصلاة،،، اتوضينا وصلينا، بعد الصلاة مسك يدي وهو مركز مع عيوني وقال:انا مستعد اشرح ليك الحصل كلو و.. ،،توسل:لأ ما تشرح شي الفت كلو كان سوء تفاهم وانا ظلمتك معاي اعفي لي،،، طبعها على يدي وهو بقول:بالجد ما عارف انا عملتا شنو لمن الله يعوضني بيك، كنتي دايما بتساليني لي الا انتي التعامل معاك كده،، توسل✨كفايه اسمك الببعث الراحه وقت سماعو وعيونك الباسروني وقت تبكي او نظره التحدي الفهم او وقت تخجلي، كفايه صوتك الحافظ رنتو، كفايه ملامحك شخصيتك البريئه المغلفاها بي طباعة الحاده، رغم تقلبات المزاجيه وكونك زوله منفسنه ولئيمه وورداحه و بتحبي المشاكل بس وربي دي اول الحاجات الادمنتها فيك يمكن انتي في عيون الناس زيك زي اي بت عاديه بس في عيوني انا غيير عن كل بنات حواء، كفايه انك توسل،،،(بعيداََ عن الروايه،خلونا نتفق انو الكلام العن توسل ده حقيقه ✨🥺، توتا كيف تمم🥺🫂)،،توسل:غيث انت لي عيونك لونهم عسلي كده،،، كنت منبرشه في العيون الدمار نص كلامو ما سمعتو😂،، غيث:انا بقول في شنو وانتي في شنو 😒،، توسل:معليش يخ ما ركزت، خلاص عيدو الدوره دي بسمعك😂،،، قلبي وقع عديل وقت قالي:تاني بعيد عملي بس🙂،،وقبل ما استوعب لقيت نفسي محاصره عندو وحصل ما حصل .....