رواية احتواء القاسي الفصل الحادي والعشرون21بقلم سوسو تويكس
بعد سمعنا صوت البوري قلبي انشلع من محلو عرفتو وصل، البنات طلعو وهو بزغرتو اتقول ده الناقصني وقت جا وقف في الباب وريحة عطر داك سبقو وملا المكان كان لابس جلابيه سعوديه باللون السمني يحردوها لي ومع العمة والشال الاطرافهم مطرزة كان حاجه ما بتتوصف يلا هو عشان طويل طلعت فيهو مشاالله10 مرات، وقت بقا يقرب عملتا وضعية الهروب والله قربتا اجري، ابتسم يخ عندو ابتسامه استغفر الله بس، سلم على في راسي وبدأ يحصني، غطى لي شعري بالتوب، خليتو يقبل كده طوالي رجعتا التوب زي الاول، مسك يدي ونحنا طالعين وأصوات صحبانو البصفرو والبنات البزغرتو ركبنا العربيه الكان سايقها صحبو،و البنات اتوزعو على باقي العربات_وصلنا الصاله و خلونا بغنية :مادام معاي بدر البدور... الخ_حسي لو دخلونا بي راب مالو🥲، انا الاغاني العاديه دي ما بتنفع معاي، ما عغنو كتير زي فاصلين ولا تلاته بس+انا اصلا ما بحب الجوطه بتاعت القونات دي قصوها كلها يا فلان ويا علان ويا سجمان _وحسيت يدي اتشلا من كترة السلام والمباركات_رجعنا البيت وطوالي بدو تجهيزات الجرتك غيرو لي التوب بواحد كبدي، وتفاصيل الجرتك عارفنها لحدي ما جا وقت اللبن ادونا الكبابي همسلي:عايني اشفطي كبايتك دي وبلاش عولاق_انا اصلا ما كنت ناويه ارشو بس بعد كلامو ده عاينتا ليهو بتحدي ورشيتوبالكبايه كلها، شماني ليك شم اتقول يخبط بي الأرض، والناس دي فطست من الضحك، يخ منظرو بقا اللهم لا شماته وانا كاتمة الضحكة الجلاله، علين لي بي نظرة خلتني افصل من الضحك وقت قال:ايي زيدي في اغلاطك وتقلي حسابك اتحملي العقاب بس _شيلني هم عقاب شنو ده الاتحملو_جا وقت الوداع ودعونا وحرفيا انا كملت كل موية راسي في البكا بالجد فقدت امي في اللحظه دي وفرقت معاي شديد_وصلنا في شقه كده في مكان راقي كانت شقه كبيرة فيها غرفتين وصاله ومطبخ والحمامات، ولقيت الشنط شكلها رصلت قبلينا، شفتو دخل غرفة، وانا دخلتا التانيه لقيت شنطتي فيها طلعتا الكرورالفي راسي لمن حسيت بيهو بقا خفيف، مشيت استحميت وغيرتا، والله كنت جوعانه شديد من الصباح ما اكلت، طلعت المطبخ فتشتا شي اكلو بس ما لقيت، وهو اتأخر في غرفتو، فمشيت ليهو في الغرفه لقيتو....
يتبع