رواية احتواء القاسي الفصل الثالث والثلاثون33بقلم سوسو تويكس
مرّ 9 يوم حاسيها 9سنه عديل، يخ والله اتعودت على وجودها وفرقت عني شديد، صوتها هبالتها البتقولها وهي ما واعيه وقت اصحيها من النوم، يخ حتى طريقة نومها الشين داك، وصوت تلاوتها للورد اليومي دي كلها حاجات ادمنت اني ابدا بيها يومي-اليله اخر لي يوم وبكرة ح راجع منتظر بفارغ الصبر، عاينتا للساعه لقيتها زمن الصلاة جا اتصلت عليها زي باقي الايام الفاتو _ردت لي بصوت ناعس:هممم _معتصم:ننتي يلا قومي للصلاة_ودت لي وهي بدت توعا :خلاص سمح _معتصم:يلا ح اقفل عشان الحق الصلاة_لينه:اسمعني مش ح تجي بكرة _معتصم:ايي تاني ما بصحيك بالتلفون بتلقيني في وشك بصحيك بالمويه_لينه:تعال ساي لاقياك وين انا_معتصم:تمام يلا ح اقفل_لينه:رافقتك السلامه_ابتسمت، يومي بحس بيهو ما ببدا كان ما سمعتا بتقولا_معتصم:يلا خلي بالك على نفسك_قفلت الخط وانا بحسب الساعات عشان اليوم يمضي_بلسان لينه:مضت ال١٠ يوم وانا بحسبهم بالثواني واليله قمتا بنشاط من الصباح عشان معتصم حيصل اليله _كان عندنا محاضرة واحد في الجامعه اليله، حضرتها وانا معظمها ما فاهمه ليها شي كل تركزي مع الساعه _بعد انتهت طلعتا بسرعه وصلتا البيت طبعا قاعده مع ناس خالتو ساميه لقيتها جهزت الأكلات المفضله عن معتصم، وملاذ بتساعدها بتاكل منهم_مشبت ليهم في المطبخ وانا بقول:حسي يا خالتو كان تخلينا انا وملاذ بنطبخ ما كان تتعبي روحك_ملاذ:كلمتها لكن عاد ده ما معتصم نني عيونها لازم تطبخ ليهو هي وتدلعو، أما نحنا ديل لينا الله وقعاد المظله و... _ما تمت كلامها بالمفراكة جات في نص الهدف😂_ساميه:والله كلكم عندي وااحد، بس اخوكي عشان حلي من سفر_المهم انا وملاذ عملنا التحليات والعصير، ومضى الوقت وسط درامات ملاذ وخالتو ساميه 😂_لحدي ما حل العصر وسمعنا عمو سليمان بسلم جرينا طلعنا وكان وراهو معتصم الجاري شنطتو بتاعت السفر، يخ من شفتو الابتسامه ما فارقت وجهي، خالتو ساميه جرت حضنتو وهي بتبكي اتقول غاب ١٠ سنه واثناء ما هي حاضنااهو انا كنت وراها عيني وقعت في عينو قام غمز لي، عملتا فيها ما شايفه، بعد ملاذ سلمت ليهو، جا دوري وطبعا كلهم اتقدمو للصاله بقينا انا وهو مديت ليهو يدي عشان اسلم بس جراني عليهو وحضني همس لي:اصبري يا جافيه عامله فيها ما بتعرفيني وسلام في اليد صاح صبراََ لينا بيت يلمنا، زح وغمز لي ومشا بقيت واقفه اهدي ضربات قلبي..
يتبع