رواية احتواء القاسي الفصل الخامس والثلاثون35بقلم سوسو تويكس
عايزة لي ''يك'' واحد بس واحجج كلبي وافوز عليك _معتصم:وانا عايز لي 5 بس واديك الحمار ال3_كسح الظهرات جاتو 6و6و5، حجج وقالي:بقو ٣ حمير امشي بيعيهم في السوق_ياخ زعلتا زعل، انا لعابه والله لكن هو حظو سمح مع الستات_لينه:ارح نلعب تاني _معتصم:عايزني اديك الحمار الرابع ولا شنو _لينه:عايزه ارجع حميري_مع كلامي ده الكهربا جات_كنا قاعدين في النجيله القدام الصاله _قفل نور الفلاش الكان مشغلو وقت الكهربا قاطعه وقال:الكهربا زاتها جات والزمن اتأخر ة، انتي عندك جامعه وانا وراي شغل، خلي يوم تاني _رقدتا جمبو زي رقدتو، راقده على ضهري وموجهة نظري لي نجوم السماء فوق كنا مركزين مع الشهب وحقيقي كان منظر رهيب، والجو الهادئ مع مع نسمات اليل والسكون ده زكرني لكن كنا في أمريكا جمب الشاطئ، واتذكرتا السؤال الكان سألتو ليهو، اذا حبه واحده تاني غير امنيه وهو جاوب بي''لأ ''_شلتا نفس وسالتو وانا لسه بعاين للنجوم والشهب الفي السما فوق:امنيه ليه عندها مكانه في قلبك صاح_رده لي وهو في نفس رقدت وموجه نظر للسما فوق:حسي في داعي لي سؤالك ده _لينه :ايي عندي فضول عايزه اعرف_معتصم:الاجابه ما ح تعجبك _لينه:انا اصلا عارفاها لكن حابه اتأكد بس_شال نفس طويل وبعد أخد ليهو صنه طويله لانو خايف من ردة فعلي قالي بهدؤ:اي لسه عندها مكانه، ما بالساهل انك تنسي زول وخصوصاََ اتربيتو سوا من صغار وقضيت كل طفولتك معاهو، ولا بكذب واقول ليك ح اكرها وانساها، لأنها لاخر لحظة نفس ليها انا ما شفت منها شي سئ، وليه بحترمها_صلح رقدتو وقبل علي بقا يعاين لي عايز يشوف ردة فعلي، عاينت ليهو لقيتو لسه مركز معاي_استعدلتا انا زاتي في رقدتي بحيث الاتنين بقينا موجهين بعض، وقلتا لي بهدؤ:ما تعاين لي كده وما تستغرب، ايي انا ما زعلتا من جوابك حتى لو عندها مكانه في قلبك، كفاية انو مكانتي أعمق وانو الشعور البتحسو اتجاهي ما حب بس معاو #احتواء، سوو آيم ريلاكس _ابتسم ابتسامه واسعه ظهرت انيابو الطوال، معتصم:اول مره مخك الدكوة ده يفكر ويجيب كلام صاح، في الاول لمن شلتا هم اشرح ليك كيف لمن تزعلي انو مكانتك أعمق وكلك على بعضك حاجه خاصه ماف زول قدر او يقدر يحصلها_ قرب وطبعها على خدي وهو بقول:احبك وانتي بتفهمي _بقيت اتبسم ساي زي الهبله،
رجعنا تاني اي زول راقد على ضهرو وموجه نظرو للسما شبك يدينا مع بعض وقال لي:ننتي_لينه:هممم_ معتصم :اعفي لي_رفعتا راسي بخلعه بعاين ليهو باستغراب، لينه:لي عملتا شنو _قالي وهو بحاول يكتم ضحكتو:في الليدو لعبتك بكلاب(عيال الليدو🐸) زياده غير الاربعه _قعدتا وانا بقول باستغراب:كيف يعني بكلاب غير الاربعه_انفجر في الضحك وهو بقول:انتي كنتي مركزه كيف تلقى فرصه تقتليني بيها، وانا كلو ما تحججي واحد برجعو ليك بيتو تاني بتلعبي بيهو_احترتا من عقلو الاجرامي ده، عرفتا لي انا ما قدرتا افوز في ال٣ مرات حالتي لعابه زمن كنت بلعبها مع حبوبه الله يرحمها قبل ما تتوفى، قمتا بضرب فيهو، لينه:انت اصلا ما عندك لعب بنزاهة مرّ في لعبة الكوره وحسي في الليدو_مسك يديني عشان اوقف ضرب وهو ميت من الضحك وبقول:في زول قاليك العبي بنزاهة _تنرفزني ياخ، يعني انا كلو ما احجج برجعو لي وانا الهبله العب سااي وما حاسه_قالي وهو بضحك :والله يا ننتي كان الله ادانا بت وجريتبها بي راسك الفاضي ده تكوني ما قصرتي_لينه:لي رصيد هي عشان تجي بالسرعه دي 🐸_غمز لي وهو بقول:المشكله ما في الرصيد، المشكله في التلفون والشبكة هم المحتاجين صيانه_قمتا من النجيله دخلتا الصاله وانا بقول:كل مره بتثبت لي انو كلمة تافه بسيطه عليك _رجع يضحك لحقني الغرفه وهو بقول:ننتي ياخ اسمعي كلامي... _مرّ شهرين وبقيت مضغوطه مع الجامعه ومسؤولية البيت وحقيقي معتصم ما كان مقصر معاي مشاركني في مسؤوليه كل شي، بس فكرة انو يجي يوم و#يمل مني ملاوزه لي شديد، لانو الأساس من طبعو بمل بسرعه، رغم انو معتصم كلو مره وكلو يوم بعدي بثبت لي انو الفكرة ده غلط، واليله كان ال١٧ من رمضان واخر امتحان لي بتاع السمستر التاني _رجعتا زي الضهر وانا فرحانه انو الامتحانات خلصت فضل هم النتيجه، بديت اجهز الحاجات(طبعا عصيده وكسره وحاجات زي دي ما بعرفهم 🐸ديل الحاجات الوحيده الما اتعلمتهم من حبوبه غير كده الأكلات السودانيه جت بعرفها، جارتي كوركت لي بالحيطه قالت نسابتها جاينها بي فطور رمضان وعازماني،قلتا ليها سمح لمن اشوف معتصم يجي، طبعا ما بحب الطلعات الكتيره دي عشان كده اول شي فكرت فيهو، العصر جا وصفبت المويات وجهزتا كل شي ومعتصم للان ما جا، قلتا لان انا ما من عوايدو يتأخر يعني الساعه٤ دي بتلقاهو في البيت، اتصلت عليهو دخل جرس لكن ما رد، حاولتا كم مره نفس الشي بس ما برد، قلتا يمكن مشغول، مشيت اراجع الجزء بتاع سورة البقره عشان بعدين ح يسمعو لي، وطبعا ح يطلع زيتي لو لقتني ما حافظه عديل، بقيت اراجع لحدي ما الساعه ٥ جات وهو لسه ما وصل ولا حتى رجع لي مكالماتي، بقيت اتصل تاني وانا خلاص حيلي انهدا من القلق والله لمن هبطتا بعد كم محاوله رده لي وقبلي ما يسمعني قال:لينه انا حاليا مشغول تمام_وقفل الخط عرفتا انو مشغول وبكون معاهو زول لانو ما بناديني بي لينه الا لو قدام زول_ما اداني فرصه اوريه اني معزومه، عشان كده جهزتا ليهو الصينيه لو جا، ولبستا توبي وشلتا حاجاتي ومرقتا _في مكان تاني : ***:يلعن اليوم الجبتك فيهو، لو الولاده زيك اخير تنعدم، يا حيوانه يا وسخه حامل كيف يعني_***:يـ... يا اا.. امي عليك الله ما تكوركي ابوي ما يسمعك عليك الله اسكتي ما تكوركي 😭_***:لو بتراعي لابوك كا كان عملتي عملتك الوسخه دي ندمتبني على اليوم الجبتك فيهو، ما تبكي لي انطقي غلطتي مع منو هااا؟، حامل من منو انطقي قبلي ما ارتكب فيك جنايه باقي اليوم ده_***:ممـ.. معع...تصم....
يتبع