رواية انتقام عاشق الفصل الثالث والعشرون23بقلم ميفو السلطان
كانت نيران هائمه في احضان يونس ليبعدها ويهتف انت استحاله تكوني لحد تاني طول مانا بتنفس انتفضت هيا حين ينفتح الباب ليسمعا خالد يهتف غاضبا ....هو فيه ايه اللي بيحصل .
ابتعد يونس بهدوء وترتبك نيران وتخرج من العربه خرج يونس وهتف.... خالد بيه مالك متعصب كده ايه شفت حاجه غريبه.
هتف خالد.. لا ابدا.. بس خطيبتي وطليقها السابق قاعدين في العربيه وماعرفش بيعملو ايه.
اقترب يونس...... اقلك بنعمل ايه ولا تزعلش.
لتهتف نيران...... من فضلك يا يونس كفايه كده.
هتف ....ليه انا بس بعرفه مكانته ايه مايبقاش يتحمق اوي كده.
هتف خالد.. مالكش دعوه بيا وخليك في حالك وابعد عن نيران.
ضحك يونس.. انت مصدق نفسك انك ليك مكانه لا بجد كوميدي اوي نيران بتاعت يونس يا شاطر ومالهاش غيره.
هتف خالد بغل.. مش هيحصل نيران مخطوبه واستحاله ترجعلك والا انت هتلاحق شابط في ايدك واحده وبتدور علي اللي في ايد غيرك.
هتف يونس.. مش لما تكون في ايد غيري ابقي اخدها دانت غلبان اوي نيران بتاعتي وعلي اسمي وهتفضل بتاعتي وعلي اسمي .. عموما انا هسيبك تعيش اللحظه ليقترب منه وهمس في اذنه.. بس خد بالك نيران خط احمر انا ما بتهاونش في حبها. نيران مش صيده ليك خلي بالك يونس مش سهل ليتركه ويذهب لنيران.. اشوفك بكره في الشركه ليرفع يدها ويقبلها لتظل واقفه قلبها ينبض من كلامه ...نيران بتاعتي وعلي اسمي ...ليستدير خالد..... انت ايه عايزه تفضحيني انت ماعندكيش كرامه.
لتهمس.. ايه يا خالد اظن تخلي بالك من كلامك وانا اصلا انت عارف اللي فيها لا مخطوبين ولا زفت يبقي تخلي بالك وماتعملهمش عليا احنا اصحاب وولاد عم خلي بالك بقه انا وافقتك عشان المصلحه وبس يبقي توعي لحالك وتركته واقفا مشتعلا ليهتف بغل.. بقي كده طيب يا نيران خلصت كده مش انا اللي يتعلم عليا يبقي لا ليا ولا لغيري ان ما كت احرق قلبك وقلبه ماشي خالد هيعرفكو هو مين.
في الصباح استعدت نيران للذهاب لعملها لتتفاجا بوجود يونس يدخل عليها لتستعجب لتقول.. خير مشرفني بدري كده.
هتف...... لا والله قلت اجي اراعي اللي يخصني قبل ما يفلت.
قطبت....... هو ايه اللي يخصك ويفلت.
غمز لها وهتف.. الحسابات يا قمر قررت الفتره دي اباشر شغلي بنفسي يعني اضبطه اعرفه انه مالوش غيري.
لتنظر اليه بلااهه ......يونس انت جاي ليه.
ليقول..... هيا قصه يا بنتي قلتلك شغل بس الشغل جامد جمدان ماقلكيش الصبر بقه.
لتبتعد مرتبكه وتهتف ....طب يا سيدي حاضر ايه عندك مشاكل في الشغل عرفني.
ليقوم ويقترب منها ليهتف .....سيبك من الشغل دلوقتي مش ملاحظه اني خدت حاجه امبارح منك والا مش فارقه معاك يا قمر يا مز انت .
هتفت.... يونس بطل طريقتك دي الله احنا في شغل.
هتف .....طب يا ستي والله بتكلم جد مش ملاحظه لتقطب جبينها اقترب ومسك يدها وتلمس اصبعها الفارغ لتشهق لينفجر ضاحكا لتهتف الدبله فين..
ليقول.. قلبه يا ناس لسه فاكر دا راحت في الوبا.
لتنظر اليه غاضبه.. انت خدت دبلتي. ليهز راسه اقتربت وخبطته.... انت اتجننت هات الدبله خالد يزعل.
ضحك.. اذا كان صاحبه الدبله نستها يا بنتي بقه خالد ايه بس .
هتف بغضب .....هات الدبله بقلك.
تنهد وقال.... بس كده عيوني دانا هجبها واحطها كمان ليخرج من جيبه الدبله لتمد يدها لتاخذها....مسك يدها ووضع الدبله فيها و قبلها وهمس مبروك يا قلب يونس.
لتشد يدها وتهتف.. مبروك ايه.. انت عقلك خف..
ضحك.... خف ليه مش لسه مخطوبه.
لتقول.... يونس انا مش فاضيالك انا مخطوبه من زمان بطل بقه
ضحك..... لا والله دا لسه حالا وعشان كده لازم قلبي يبارك ويهني اقترب منها لترتبك ايه بتقرب ليه يونس بطل انت اتخبلت جاي تطلع جنانك عليا.
ليركنها علي الحائط.... اه والله اتخبلت لما حبيبي يلبس دبلتي .
قطبت جبينها.... دبله ايه انت اهبل دي بتاعه خالد.
لمس شفتيها.... بس بس خالد مين دا قرني عارف انك قلبك مش معاه وقابل دا حبيبي قلبي بيشع من عيونه.
همست واشاحت بوجهها..... بطل مين ده انت بتقول ايه
التصق بها وضغط علي صدرها بجسده ليهمس.... حبيبي مش حبيبي برضه ليقترب ويلمس شفتيها وحشتيني
لتحس انها ستموت همست..... ابعد عيب كده.
هتف.... ابعد ازاي مش قادر ودبلتي نورت صباعك همست..... بطل انت مجنون دبله ايه.
ابتسم ومسك اصبعها ويدير يدها لتبهت وقلبها يرجف فقد كان اسمه يلمع علي الدبله من اسفلها نظرت اليه مذهوله لتتسع ابتسامته هنا انقض عليها بحب ولوعه وهيا متشنجه من الصدمه ابتعد اخيرا ..... مبروك يا قلب يونس..
تصاعد غضبها ودفعته لتصرخ .....انت اتجننت ازاي تعمل حاجه زي كده.
هتف بتسليه ....ايه عملت اللي لازم يتعمل من زمان مراتي وانا حر فيها حد يقرب افلقه نصين ..وكفايه كده بقه وترجعي لعقلك انا كفايه عليا كده
لتصرخ.... انت مجنون هو ايه اللي كفايه انت ماشي من دماغك وانا ايه طيشه
اقترب ومسك يدها ليهتف.. لا انت زودتيها وكفايه عشان انا جبت اخري خالد ده هيغور في داهيه خالد بيدبرلك مصايب وهنخلص بقه من القص .
صرخت..... انت مجنون هو ايه االي كفايه انت ماشي من دماغك وانا ايه طيشه.
اقترب ومسك يدها ليهتف.. لا انت زودتيها وكفايه عشان انا جبت اخري خالد ده هيغور في داهيه خالد بيدبرلك مصايب وهنخلص بقه من القصه دي عشان بوخت اوي واعقلي بقه انا جبت اخري منك .
هتفت بانفعال..... وانا مالي بيك تجيب اخرك والا تولع انا مالي هو عافيه ومالك بخالد خالد ابن عمي امان عنك الف مره مش عافيه.
هتف.. اه عافيه لما تبقي واحده عقلك مش مضبوط اتعدلي بقه سنه زهقت بجد وتعبت.
صرخت..... انت جاي بعد سنه ماشفتكش تقلي كده بعد ماتخطبت ايه مش قادر اروح لغيرك تجي تقلي زهقت ماتزهق يا بجاحتك انا استحاله ارجعلك ومش عايزاك امشي بدل ماتصرف تصرف وحش انت نسيتني وسيبتني .
صرخ ..سيبتك فين انا مافيش يوم سيبتك انا ماشي وراكي زي المجنون اشيل بلاوي واراقب والبيه بيغرز واشيل نصايب تقليلي سيبتني فين وانا صبرت جيت الف مره واتهانت الف مره وبرضه .
صرخت..... كداب انا ماشفتكش وانت شابك مع الهانم .صفحه حكايات ميفو كامله.
صرخ ..ماشفتنيش والله طالع داخل والهانم بتستخبي ايه مابتشفيش مابتحسيش وجعي وتقطيعي بموت الف مره وبانب نفسي الف مره وبعدك هري قلبي وعايش جحيم مابتشفيش مابتحسيش ايه اعمل ايه ماشي وراكي زي الاهبل وصابر وشايفك راحه جايه وكاتم ويقولولي سيبها وانا اقول بروحها اسيبها ..والدبله دي بتاعتي وهتفضل بتاعتي وانت اصلا كلك علي بعضك بتاعتي . ..
اهتاجت ..قالولك سيبها هاه هما مين الهانم اللي انت راشق معاها صح و جاي تحط اسمك علي دبله واحد تاني فين رجولتك ايه مش راجل كانت تحترق ..انا هينتك اه حس بقه يا اخي هتعيش تحت رجليا لامتي .انا بقه مش عايزاك خليك راجل بقه.
ما ان انتهت نيران من تبجحها ليونس ليظل هو متحكما في نفسه حتي لا يستدير ويوسعها ضربا ليتجلد وينظر اليها ليهوي قلبها عندما قال..... لا فعلا ماليش حق وانت عندك حق عموما انا اسف اني كنت فاكر اني ليا حاجه من هنا ورايح ماهتلاقينيش في طريق ولو شفتك في مكان هودي وشي الجهه التانيه متشكر انك رجعتيلي عقلي فعلا اني ابقي راجل ...كفايه مسخره لحد كده حاضر يا نيران هانم هبقي راجل وابعد ولا هتشوفيش وشي وهنسي ان كنتي في يوم ليا حاجه وفعلا ماعتش هدور عليكي ولا عايزك من اساسه.. خلاص كده وصدقيني هعرف انساكي كويس احنا الرجاله لما بنحب ننسي بننسي وخصوصا لو دخل حد تاني حياتنا... مسك يدها وقبلها اشوفك بخير نيران هانم لينزل بهدوء وينصرف .
وقفت هيا مصدومه تستوعب ما حدث جلست و هيا مصعوقه من كلامه لتظل جالسه وقلبها سيخرج من مكانه لم تتوقع منه ذلك. سالت دموعها..... ايه هو كده خلاص مشي ايه ماعتش هشوفه ماعتش فيه يونس خلاص. لا يا نيران هو بس زعل شويه وهيرجع مش قالك مش هيسيبك اه هو قال كده يونس مش هيسيبني ماينفعش يسيبني لتجهش بالبكاء سمعت نقرا علي الباب لتجد كريم يدخل.. ايه يا بنتي مالك مهريه عياط.
هتفت.. هموت يا كريم يونس مشي وقالي ماعتش هشوفه تاني وهينساني وهيدخل حد حياته.
هتف.... ليه قال كده ليه مش بعد الخطوبه قالك مش هيسيبك لتحكي له ..تنهد...انت بجد قولتيله كده .. وانت مستنيه بعد ماتجرحيه في رجولته مستنيه منه ايه حد يقول كده يا نيران.
هتفت بقهر..... ماهو ساحبلي السحليه بتاعته معاه وهيا قافشه فيه ولا كانها قاضه اعمل ايه ماحسيتش بروحي مقهوره.
هتف..... طب اهدي كلامك صعب يا نيران حد بس يقول كده.
اجهشت بالبكاء.... اعمل ايه يا كريم هموت انا اتعمل فيا كتير قوي هو كده خلاص زعل لا ماينفعش هو قال ماهيسيبنيش عمره.
هتف..... ماهو سنه بعاد برضه بيتغير فيهم الدنيا.
هتفت.... لا هو جه بعد الخطوبه وقالي عايزك والنبي ماتقول كده.
هتف.. طب خلاص روحيله يا نيران روحيله ورجعيه.
هتفت.... لا ماقدرش هو مشي وخد البت دي وقالي ماعتش هيشوفني اروح اتحدف عليه.
هتف.... مش انتو معاكو يا بنتي شغل خلاص روحي شفي شغل معاه وهيبان .ظلت جالسه لتقرر ان تعيده اليها وتنسي اي شئ فهيا تحبه.
مرت الايام حاولت ان تصبر لعله يعود ويكلمها لم تعد تحتمل هبت اليه في شركته بحجه الشغل لتجد معه تاليا اشتعلت بداخلها ولكنها كبتت روحها دخلت وتصنعت الابتسام لتهتف ......يونس بيه معلش بزعجك بس فيه شويه حاجات عايزه اناقشها معاك عشان الحسابات مش فاهماه.ا
رفع حاجبيه وهتف ببرود.... طب حاضر ممكن بس تستني نص ساعه اخلص مع تاليا لتبتسم له وتهز راسها وجلست تتحمل قربهم من بعضهم ووجهها احمر من الغضب وتحملها وتاليا تدلل علي يونس وهو يبتسم لها ولا ينظر الي نيران من اساسه لتمر النصف ساعه حارقه علي نيران انتهي لتقوم تاليا وتنصرف .
اشار اليها وهتف شرفي تحت امرك لتقوم وتجلس بجواره وتبدا في طرح اسالتها عليه ليبدا هو في شرح الكلام َوهيا ساهمه في وجهه وهو ينظر الي الحاسب ويكلمها ويشرح لها وهيا لا تسمع شئ من اساسه فهيا احست ان قربه يحرقها وعيونها تشع حبا همست انت زعلتني كتير يعني لما ازعلك شويه تبعد كده وحشتني اوعي تسيبني ..رفع وجهه ليجدها هكذا حالمه اشتعل بداخله ليتنهد ويزيح وجهه ويتجلد فهيا جرحته بشده بتعملي فيا كده ليه ماعتش قادر قام مبتعدا ليهتف.. متهيالي كده شرحت كل حاجه. لتظل ساهمه لا تفعل شئ وهو محني راسه لا يريد ان ينظر اليها لتستغرق هيا وقتا وهو صامت لتعود الي نفسها رفع وجهه وهتف نيران انت معايا.
لترتبك وتهتف .....هاه اه اه معاك امال.
هتف ....طب انا كده خلصت فيه حاجه تاني
اقتربت ونظرت اليه بحب ...هتفت.. هاه حاجه تاني اه فيه.. لا مفيش.
ابتعد مسرعا فهو تحمل بما فيه الكفايه ليهتف .....يبقي كده خلصنا وذهب مبتعدا فقربها يحرقه.
تنهدت َ وظلت واقفه لاتدري ماذا تفعل لتتشجع وتقترب منه ...... يونس كنت.. كنت عايزه عايزه يعني.. يونس انا يوم ما كت معايا.....
قاطعها.. نيران احنا خلاص قفلنا الصفحه دي خلاص ماعتش فيه كلام يتقال.
ظلت واقفه مرتبكه لتهتف.... طب بس هقلك انا بجد مش قصدي اني قلتلك كلام وحش.
هتف.. انت نهيتي بطريقتك وكده خلاص يا نيران خلصت.
هتفت بقهر.. خلصت.
ابتسم ....اه اكيد.. اديكي حريتك من قلبي عيشي بقه ربما يوفقك وبصراحه الدنيا ما بتقفش عند حد زي ماقلتي واه واصلا انا مسافر مع تاليا شهر فا لو فيه حاجه عندك المحاسبين تحت امرك.
ظلت واقفه مصدومه....هيسافر وهيديني حريتي من قلبه.. تاليا دخلت حياتك . ليستدير ويتركها ظلت واقفه تنظر الي ضهره لتسيل دموعها ولا تعرف ماذا تفعل لتستدير من سكات تلملم كرامتها الذي بعثرها برفضه لاعتذارها لتنصرف باكيه استدار مسرعا اراد ان يذهب ويرجعها ولكن كلامها كان قد جعل بينهم شرخا كبيرا.
دخلت تايا شامته ..ايه مشت خلاص احسن خلاص سكه واتقفلت .
هتف ..عمرها ما هتتقفل يا تاليا انا ونيران روحين .
هتفت ..انت بتقول ايه لسه بتفكر فيها بعد اهانتها ايه ماعندكش كرامه .دي واحده بجحه.
هتف غاضبا ..تاليا كلامك عن نيران ماقبلوش مراتي ماحدش يتكلم عنها كده .
صرخت ..انت مجنون مرات مين انت مش قلتلها هتسيبها .
هتف بوجع ..انا ماقدرش اسيبها .وفيه حجات ماحدش يعرفها غيري فخلي بالك .
صرخت ..انت مش طبيعي ليك سنه بتجري وراها وتحوش بلاوي واخرتها تهينك وجاي تقول مش هتسيبها امال قلتلها هتسيبها ليه كنت بتضحك علينا.
هتف ..لا مابضحكش انا هبعد بس عشان انسي الاهانه وزي ماهنتها هيا هانتني مش هعمل زيها وابيع نيران ضعيفه حتي لو بانت قويه نيران انا لما ابعد هتعرف انها محتجاني علي الاقل تكون خدت حقها من الدنيا ومني ورفضتني وردت كرامتها رفض نيران وجع ليها وموت بس كرامتها بكده ردت اهانات انا عملتها وكلامها اللي وجعني حقها رغم اني موجوع واهانتها صعبه بس انا عملت كتير واستحق ده .
هتفت تاليا مش مصدقه بجد بعد ده كله بتدافع عنها انا قلت هنسافر وهتنساها.
هتف بوجع ..لا انا هسافر عشان اهانتها المه دي كتير عليا هسافر احاول انسي وعشقي ليها هيرجعني اعافر الف مره انا كان لازم اترفض الف مره واتهان الف مره عشان هيا تحس اني بعشق وصابر وعايز حبيبي وجعته وهيرجعلي ودا متاكد منه ومستني اليوم اللي مراتي تبقي في حضني نيران يونس سليمان.
عادت نيران مقهوره ظلت ايام تشعر بجنون الوحده كانت محاولاته استعادتها تجعلها تتنفس ولكن كلامه اصابها في مقتل احست ان قلبها مات هنا قررت نيران ان تنهي ما بينها وبين خالد لتذهب اليه ليقول ....نيران هانم منوراني خيرا يا رب اكيد فيه حاجه..
تنهدت وهتفت.. خالد انت عارف ان انت ابن عمي واللي ليا في الدنيا فا يا ريت تقدر ده وخلعت دبلتها واعطتها له.
بهت وهتف.. ايه داه دا.. انت بتعملي ايه.
هتفت....... ماعتش قادره امثل يا خالد ماعتش قادره.
هتفت بغضب...... ماعتيش قادره تعيشي من غيره صح.
هتفت بوجع .....ايوه يا خالد ماعتش قادره خلاص انا بحبه وبعشقه .
هتف ....هو البيه بيحبك مش سايبك.
هتفت...... لا حاول يرجعني وانا كابرت يا خالد كابرت وخلاص ماعتش قادره انا هرجعله.
هب خالد وهتف بغل.. هتروحي تقوليلي والنبي رجعني انت ايه ماعندكيش كرامه خلاص خدك وضحك عليكي وذلك وطلقك لو بيحبك ماكتش طلقك وقعد يحايل فيكي وسابك سنه و وماشي مع الهانم بنت عمه ولما اتخطبنا لا ازاي نيران ماينفعش تشوف حياتها لازم تتاخد وتتجاب بجد اخص عليكي.
صرخت.... بس بقه ارحمني هو ايه كلو بيمزع فيا اعمل ايه اتوجعت وسيبته وهديت وهرجعله..انت كنت بتعصيني عليه هو جه الف مره وانت عارف وشايف هينته وبهدلته وبرضه ماسابنيش وجاي يقلي انت بتاعتي اه غلط وكان غصب عنه عاش ايام سوده انا عشتها مش متخيله اسامح ناظم الجميل لا انا اتمنيت يموت يونس لا يونس سامحني وسامح ناظم وفاكره ابويا اتخلي عن انتقامه عشاني بس انا كنت موجوعه لا يونس عمل اللي عليه بيحبني وانا عارفه وانا بحبه حرام عليك مش من حقي اعيش مره سعيده اكتب عليا اعيش مقهوره اكتب عليا ماحدش يحبني.
صرخ.... مانا بحبك.
هتفت.... وانا مابحبكش كفايه بقه كفايه.
لتتركه وترحل ليقوم ويزيح المكتب بغضب ....طب يا نيران ماشي ان ما ذليتك وخليته يتحسر عليكي ان ما خليتك ماتنفعيش لحد انا خالد الريميسي هعرفك كويس واغرز غرزتي صح هتبقي خراب علي الكل واستحاله تكوني ليه طول مانا عايش .. ليرفع التليفون ...نفذ في اسرع وقت ...وقف مغلولا شامتا ليبدا في سحق ابنه عمه وذلها وجعلها عبره لاي احد يخرج من تحت طوعه.
ذهبت نيران الي بيتها لتجلس مع سعيده اتصلت بكريم لتستشيره في ازمتها ليدخل عليها ليهتف خير جيباني علي ملي وشي.
هتفت..... خلاص يا كريم... انا هروح ليونس خلاص ماعتش قادره اخبي وابعد انا تعبت انا جرحته اه بس هو بيحبني خلاص بجد هموت عليه هو قالي الكلام الوحش ده عشان يبعدني اه اكيد قالي انه مش عايزني وتاليا دخلت حياته عشان يغيظني صح يا كريم انا مش هسمع كلامه وهروحله .هو بيحبني وكفايه وجع لينا هو عمل فيا وسامح وانا اه ماقدرتش اسامح بس هو ماسابنيش انا بضحك علي روحي انه سابني بس لما قالها في وشي حسيت بروحي بتنسحب.
هتف ....ودا عين العقل هتعمليها ازاي دي.
لتبتسم ....هروحله عادي واقله بحبه خلاص.
هتف..... هتقدري يا نيران.
لتقول.. اقدرواقدر انا خلاص هسامح وهو يسامح ونعيش لازم اعيش والا هنقهر وهموت هو ماعاش وانا ماعشتش انا هقوم البس وعايزاك تقف جنبي والنبي انا خايفه.
انا جنبك علي طول هو بس عندي سفريه بكره بدري ولما هرجع ارجع الاقيكي في بيت جوزك .وقام وودعها وتمني لها الخير .
قامت ولبست فستانا جميلا وتزينت و نظرت لنفسها بحبه والله بحبه ماعتش قادره خلاص لتنزل وتخرج لتنصعق فجاه عندما فتحت الباب لترتعب وتصرخ عندما....
جت الحزينه تفراااااح ...
نزلت نيران لكي تذهب الي يونس لتتفاجا باحد الضباط يقتحم عليها البيت ويطلبها صعقت من ذلك لتقول برعب.. حضرتك عايز مين..
هتف.. نيران الريميسي
هتفت.. ايوه يا فندم..
هتف.. اتفضلي معانا.. معانا امر بالقبض عليكي.
شهقت .. القبض عليا ليه حضرتك فيه ايه.
ليقول.. والله يا فندم كل حاجه هتعرفيها هناك. شدها فصرخ وسعيده تصرخ الا انه اخذها . لتذهب الي محبسها وهنا كانت المفاجاه فكانت بلاغات متعدده عليها من كثير من التجار بشيكات بدون رصيد لتصعق هيا من ذلك .حاولت ان تعلم ما حدث اتصلت بخالد فهو المسؤول عن الشركات والمناقصات ولكنها لم تستطع ان تصل اليه .حاولت ان تتصل بيونس لتجده خارج البلاد شعرت بالقهر من رعبها حاولت ان تبين لهم انها غير مسئؤله عن الشركه ولكن المحقق لم يعتبر كلامها جادا او ان امضائها هيا المسئوله لتحبس نيران وتذهب الي الحبس ولكنها بعثت مرسال الي خالد كي يعرف اين هو ولماذا لم ياتي اليها ولكنه لم يقابله لتتهمه بالتلاعب في الشركه .استدعته النيابه بعد ان تكون قد قضت اياما في الحبس الا انه نفي اي علاقه له بها وانها المسئوله عن الشركه وان الشيكات بامضتها فهو كان يجعلها تمضي علي كل شئ لتحاول ان تتناقش مع المحامين ان يتواصلو لحل مع اصحاب الشركات لتصاب بمصيبه اخري ان الشحنه التي جائت المينا قد احترقت عن اخرها وانها غير مؤمن عليها لتنكشف ارصدتها في شركتها احس انها انهارت وليس في يدها شئ لتقضي اياما واسابيع في الحبس .
اتي يوما دخل عليها خالد في محبسها لتهب اليه وتمسكه.. سايبني هنا ليه عملتلك ايه انا ماعرفش حاجه عن الفلوس دي انت ما أمنتش علي الشحنه انت عملت فيا كده ليه.
دفعها بعيدا وهتف.. مش عارفه ليه عشان تتربي يا بنت عمي.
نظرت اليه برعب.. يعني يا خالد انت اللي عملت فيا كده.
ضحك.. ايه رايك مش استاذ عشان تبقي تفضلي البيه عليا عشان تعرفي اني رجعتك جربوعه تاني وفوق كده هحبسك تنذلي لخلق الله.
نظرت اليه غير مصدقه...... انا بنت عمك لحمك ودمك انا يا خالد ليه حرام عليك تخرب بيتي وتحبسني.
هتف.... عشان ماحدش يرفض خالد الرميسي يا بنت عمي ايه كت فاكراني اهبل تيجي جربوعه ونجدناكي من واحد بيذلك وخدتي فلوس وبقيتي هانم وانت كتي بتشحتي اهوه هتتسجني وتشحتي تاني.
هتفت.. ليه الغل ده ليه تحبسني.
ضحك ....ودلوقتي تمضي علي اصول الشركات ماهي هتتعرض في المزاد اتا اولي ..انت عليكي عشره مليون هنجدك من خمسه مقابل الاصول وتنحبسي بخمسه يبقي انا كده خدت الشركات من سكات وانت اتحبستي بالباقي.. اصول الشركه بتتباع والمحاسبه اتباعت وعليكي لسه ديون شوفي بقه هتجيبي خمسه مليون منين يا بنت عمي.
هتفت.... دا كلو عشان مارضيتش اتجوزك..
ضحك.. وانت فاكره انك لو وافقتي دلوقتي هخرجك.. لااا انت كده بالنسبالي انتهيتي انت كده هتتنشي سنين في السجن وتطلعي تترمي في الشارع واه مالكيش حاجه عندي ماتفكريش تجيلي الفيلا والوليه سعيده طردتها يعني نضفت البيت يلا بقه اشوفك بعد سبع تمن سنين كده ابقي طمنيني عليكي.. ليخرج الملفات ويهتف امضي ..
سالت دموعها بشده اقتربت بقهر وتمضي علي التنازل عن اصول شركاتها له ليخرج ضاحكا َوتنهار هيا من البكاء فلم يعد لها احد ولم يعد معها ماتملكه ليمر عليها شهر محبوسه بلا سند ولا احد يسال عليها.
عند يَونس كان قد سافر بعد ان قابل نيران ليهرب من نفسه ان لا يعود ويطاردها مره اخره فهيا قد جرحت كرامته بشكل قاسي اراد ان يبتعد يهدئ نفسه ويعود يسترضيها بعد ان يكون عالج جرح كرامته فمهما فعلت لن يتركها ...مكث في الخارج شهرا كاملا ليعود اخيرا هو وابنه عمه يمارس عمله في شركته .
دخل عليه بدر صديقه ...هتف..... حمدالله عالسلامه يا كبير.
هتف يونس.. الله يسلمك ايه الاخبار الشغل ماشي كويس.
هتف بدر.. ماشي يا سيدي اتسحلت عشان سيادتك تأجز وتبعد عن الدنيا نفسي اعرف ايه اللي طفشك مره واحده.
هتف يونس بوجع..... مفيش يا بدر مافيش..
هتف بدر.... اسكت شفت اللي جرا لطليقتك.
قطب يونس جبينه....... طلقتي.. نيران ايه اللي جرالها.
هتف بدر..... مش محبوسه بقالها شهر وعليها شيكات والدنيا قايمه عليها.
هب يونس صارخا...... انت بتقول ايه نيران مراتي محبوسه.
هتف.. ايوه يا سيدي عليها شيكات بخمسه مليون ومحبوسه علشان كده وخالد ابن عمها تقريبا فكسلها ماحدش راضي يدفعلها.
صرخ يونس..... وماعرفش نيران تتحبس وماعرفش قلبي محبوس ومتبهدل يا نصيبتك يا يونس رفع التليفون وصرخ في المحامي لياتي له ..ما ان دخل عليه حتي هتف ....اسمع نيران تخرج انهارده فاهم تندفع الفلوس وتخرج انهارده.
بهت بدر.. هتدفع خمسه مليون يا يونس انت ايه علاقتك بيها.
هتف.... وادفع عمري كله اسمع يا متر انهارده فاهم انهارده تطلع وماتعرفش اني انا اللي دافع الفلوس.
هتف بدر.. وماتعرفش ليه هو فيه ايه انت هتخبي خمسه مليون.
هتف..ايوه هخبي خالص عشان ماتحسش بذل او وجع اني شمتان او بتجبي عليها لازم اختفي لحد ماتخرج واروحلها والله ماهسيبها دقيقه بعد ماتخرج شالله اخكفها انما ماتعرفش اني دفعت مليم .. اسمع اللي بقوله نيران تخرج معززه مكرمه وترجع لشركتها تشتغل وتكمل عادي وتجبولها شغل كمان انت فاهم يا بدر تكلم الشركات اللي نعرفهم يودولها شغل لشركه المحاسبه بتاعتها فاهم.
استمع بدر ولم يكن يونس يعلم ان الشركات قد اخذها خالد مقابل بعض الشيكات التي ورطها فيها.جلس يونس والقهر ياكله.... شهر يا قلبي وانا ماعرفش شهر متبهدله من غيري شهر يا عمري محبوسه غلبت احذرك من التعبان ده بس اقول ايه انت اللي عملتي في روحك كده يا رب تتعلمي وتبعدي عنه بقه وتحرسي علي بقيه شركتك.نفسي اجري اخدك في حضني بس انت وجعتيني قوي يا رب هون قربها ليا .
عند نيران استدعاها وكيل النيابه ليخبرها انها قد تم التنازل عن الشيكات فقد دفعت لها لتستعجب وتسال ولكنها لم تعرف .فكرت من يكون قد فعل لها هذا دق قلبها.. لتتذكر يونس.. لكنها ازاحت الفكره من راسها فهو ليس في البلد .
كان يونس ينتظرها بالخارج ويقف يتاملها ويطمئن عليها انها خرجت تمني ان يذهب اليها ولكنه خاف ان تنهره فهيا في حاله ضعف خاف ان يشعرها بالحرج ..كانت تقف مع المحامي ليدير عربته وينوي ان يذهب لليها وياخذها عنوه ..
افرج عنها اخيرا لتخرج الي الشارع لا تعلم اين تذهب ليس لها احد وليس معها مال ظلت تهيم في الشارع لا تعلم اين تذهب... ظلت تدور وتدور جلست علي احد المقاعد وحيده لا تعلم ماذا تفعل.. طب اروح فين خالد قالي ماشوفش وشك وداده سعيده ماعرفش بلدها وماعيش تليفوني ..طب اعمل ايه يا رب اروح فين ماليش حد لتقوم وتدور تبحث عن عمل ظلت تهيم ولا يوجد هناك اي فرصه لها .اتي الليل وتستكين تحت احد الاشجار وحيده ودموعها تسيل ماذا تفعل لتنام من تعبها لاول مره في الشارع رجعت نيران مره اخري وحيده بلا سند ولا احد يراعيها كانها خلقت لتتعذب مرعوبه بمفردها .اتي الصباح كان بيدها خاتم لتذهب وتبيعه فكان معها القليل من المال لتعيش عليه ايام وهيا تبيت في الشارع بلا ماوي .ذهب الي احد المساجد تستنجد بشيخ المسجد حاول ان يبيتها في حديقه المسجد رغم انه ممنوع وبحث لها عن عمل .وجد لها عملا اخيرا عامله نظافه في احد المصانع لترضي بها علي الفور .بدا في العمل وقد وفر لها المبيت في احد حجرات التابعه لاحد البيوت القديمه كانت حجره عالسطح ولكنها تفي بالغرض بدل ان تنام في الشارع وقد وفر لها شيخ المسجد بعض الفرش من اهل الله لتقفل اخيرا علي نفسها ولا تتعرض لاي اساءه من متشردي الشوارع .
مرت عليها الايام رتيبه تعمل في المصنع تنظف وتمسح وترتب في المخازن مع بقيه العاملات وتعود الي حجرتها وحيده متهالكه كانت تقريبا لا تاكل لانها كانت تلم اموالا لدفع اجره السكن فنقص وزنها كثيرا كانت تعيش علي الكفاف . كانت تنام تتذكر سلسالها عليها تتلمس مكانها وتحس باسم يونس علي قلبها وتمنت ان تكون معها .. كانت تنام لتعتاد علي تلك العيشه كانت عيشه صعبه .لكن في كل مكان يوجد السئ والجيد وكما وجد في الدنيا من ساعدها علي وجود الماوي لها كشيخ الجامع بدا احد رؤساء العمال التودد لها والتحرش بها وكان يعلم انها وحيده بلا مأوي .هنا بدات معاناه اخري كان السواد قد حل علي حياتها لتصده بكل السبل ليبدا في التنغيص عليها والاثقال من متاعب العمل فكان يزيد عليها عن بقيه العاملات وهيا تتحمل وتتحمل لان ليس لها خيار اخر ...لتمر ايام واسابيع وهيا في تلك الحاله المريعه.
مر يومان بعد ان خرجت واحس يونس بقلبه ينبض فحبيبته قد عادت امنه ..عند يونس كان بدر قد عاد اليه بمفاجاه فجعته دخل عليه بدر.
هتف يونس... ها ايه الاخبار كلمت الشركات تحول شغلها لشركه نيران.
هتف بدر.... ايوه يا سيدي والرد جالنا عجيب ان الشركه ماعادتش بتاعه نيران.
قطب يونس.. ماعادتش بتاعه نيران امال بتاعه مين٠
هتف .....الشركه بقت بتاعه خالد الريميسي خد الشركه من ضمن الرد عالشيكات وهيا مضت عليهم لما كانت محبوسه.
هب يونس.. ازاي امال هيا بتعمل ايه دلوقتي ايه قاعده عند خالد.
هتف ....بدر والله ماعرف ده اللي عرفته.
قام مسرعا .... لا انا لازم اشوفها واطمن عليها.. هيا قاعده معاه ازاي بعد اللي عمله فيها ايه هيذل فيها والله انهش قلبه حبيبي لازم ارجعه لحضني واياك تجيب سيره اني دفعت فلوس .،لازم تحس نفسها معززه مكرمه امال حاجتها راحت ازاي بس .. ليقوم مسرعا ويذهب الي فيلا الريميسي ليقابله خالد ليهتف.. ايه النور ده يونس باشا مشرفني خير يا رب .
نظر اليه يونس.. انا مش جاي ليك يا خالد انا عايز اشوف نيران .
انفجر خالد ضاحكا ليهتف.. ماتشفها انا مال اهلي.
قطب يونس جبينه.. نعم.. طب ناديها يا بيه.
هتف خالد.. اناديها منين انت مخبول دانت غلبان اوي.
صرخ يونس ....بقلك ايه انا علي اخري ناديها من فوق.
هتف خالد.. والله صعبان عليا.. تدفع خمسه مليون لواحده َو جاي تدور عليها ماتلاقيهاش بجد قلبي واجعني عليك.
بهت يونس ....ما الاقيهاش.. انت بتقول ايه.. فين نيران انطق.
هتف بشماته..... رجعت للشارع اللي خدناها منه رجعت للذل تاني مش احنا خدناها مذلوله َنضفناها اهوه رميناها تاني تنذل في الشارع.
هوي قلب يونس ليهجم عليه.... انت بتقول ايه يا وسخ نيران فين .
تجمع الحرس وبعدوه عنه ليهتف خالد..... نيران انا رجعتها جربوعه في الشارع خرجت من السجن مالهاش حد بقالها شهر في الشارع مع كلاب السكك عشان تبقي تقف لخالد الريميسي .
صرخ يونس اه يا وسخ بنت عمك يا وسخ ترميها في الشارع.
صرخ خالد... ايوه عشان تبقي تفضلك عني وترميلي دبلتي وتقلي هرجعله عشان فكرت تسيبني وترجعلك بس انا خلاص خدت حقي منها اللي ترمي خالد الريميسي تستحق كل ده
بهت يونس.... نيران كانت هترجعلي نيران رمتلك الدبله هاج وحاول ان يهجم عليه اه يا وسخ طب والله مابقاش راجل ان ماكت اخرب بيتك يونس بيقلك هيعيش عمره عشان يخرب بيتك انت عارف مين هو يونس.. يونس هيخليك شحات وهيمشيك في الشوارع مذلول. نيران مايتعملش فيها كده واسكت نيران انا هاخد تارها منك واحسرك علي مالك ودنيتك يا اوسخ خلق الله انا ماشي بس من هنا ورايح خاف علي نفسك يونس مش هيسيبك ليدفع الحرس ويخرج كالمجنون
ذهب الي بيته كان مهتاجا ليستدعي الحرس ويصرخ فيهَم ان يبحثو عنها بكافه الطرق دخلت عليه تاليا ابنه عمه لتهتف ....فيه ايه مالك مجنون كده فيه ايه.
صرخ ....حاسس اني بندبح حاسس اني هيجيلي ذبحه مراتي في الشارع لوحدها خرجت من السجن عالشارع لوحدها.. انا سيبت مراتي في الشارع ليه مارحتلهاش وقلتلها انا اللي دفعت الفلوس وخدتها في حضني ليه ايه الكبر ده عشان قالتلي مانتش راجل ازعل اوي مانا ذلتها ايام واسابيع ذلتها وما كتش راجل ايه عايزها تتراضي من سكات تقعد تحب زي الروايات وتتراضي وخلاص ايه الكبر ده مالهاش تزعل علي حالها مالهاش تنقهر ايوه مش راجل الراجل مايبعدش سنه ومراته بعيد حتي لو عملت ايه ...ايه براقبها من بعيد وجاي اخاف لا دانا كتت قعدتلها عافيه تشتم وتهين ومانطقش هانتني ميت مره ارجع عادي براحتها مانا شتمت وهينت وهيا مانطقتش اعمل ايه هتجنن هتجنن عقلي هيروح وقلبي هينخلع اعمل ايه مراتي في الشارع اجيبها ازاي يا تري فين نايمه في انهي شارع بتاكل ايه حد عمل فيها حاجه دا حبيبي رقيق مابيعرفش يأذي قطه هموت يا تاليا هموت عليها.ماكنتش عايز اخليها تعرف اني دفعت بس غبي غبي كنت رحت وخدتها ان شالله احبسها حبيبي فينه هموت .
لتحاول ان تهدئه....ايه يا يونس انت مالك ماهي هانتك وانت سافرت ونسيت ايه .
صرخ ..مانسيتش ومابنساش انا بعشقها هيا في دمي روحي انت بتقولي ايه انا سافرت عشان اتهانت بزياده عشان احاول اهدي وارجع تاني انذل الف مره زي ماقالت هتفضل طول عمرك تحت رجلي ليوه هفضل انا تعبان روحي مش معايا نيران مراتي مش معايا ..هموت يا رب ايه ده انا عايش ليه يتعمل فيا كده ليه ماشوفش فرح ولا حبيبي يشوف اروح فين هو ذنب ناظم مره وخالد مره واحنا متقطعين بينهم ظل يخبط علي راسه مارحتلهاش ليه ليه يا سوادك يا يونس مراتك فين .،والله لاحرق قلبك يا انجس خلق الله حبيبي كان جايلي حبيبي كان جاي وانا بره طفشان مني لله انا استاهل بس هيا لا هيا لا عملت ايه في دنيتها تستحق كده قلببي بيتمزع .
نظرت اليه تاليا بضيق ..، طب اهدي هنلاقيها وكل حاجه هتبقي كويسه اهدي ماتعملش في نفسك كده.
صرخ ....اعمل في نفسي نفسي دانا هموت دانا مش عارف اتنفس البت اللي هموت عليها ماعرفلهاش طريق من غير مليم في الشارع من غير بيت معهاش حتي قرش تصرفه . يا رب ردهالي يا رب رجعهالي.. ليظل جالس بقهر يشعر بالحنون لا يعلم اين حبيبته التي خلعت قلبه
مرت الايام والاسابيع والشهور والحال كما هو نيران تري العذاب ألوانا من ذلك الحقير الذي يصب عليها حنقه لانها لا تمتثل اليه ويونس يعيش جحيما لا يعرف اين حبيبته التي هلكت قلبه في بعادها ليقوده الي الجنون فهو لم يعد يحتمل فكان يتهيأ ابشع القصص التي تكون قد مرت بها لبس سلسلتها وهيا لا تفارق قلبه وقلبه يأن من الوجع والقهر لتمر اياما لا يعلمها الا الله كيف سيتلاقي الشتيتين بعد ان تفرقا.