![](https://blogger.googleusercontent.com/img/b/R29vZ2xl/AVvXsEjQJXTchaDr-2OehOLADrEQSElZC9jSZ4RsB3wjyX3nijyGbECv3oLbeX1MbHfXaDNu1YsjEM-e-CBE9OudimKcJV4nH1ebcJTdbhrBGC54XOJ7npskk_fI6w-W3DjLjaD91R7fe607l9mlRPRPOWL2tciuVaehwajfOi1l1_7PjjaVsVdhfVskYh_4epsY/s320-rw/FB_IMG_1711927479252.jpg)
رواية زهرة وسط اشواك الفصل الحادي والثلاثون31والثاني والثلاثون32بقلم فريدة احمد
كف شديد نزل علي وش سهر من حمزة من قوته وقعت علي الارض
حمزة بغضب.... بتستغفليني يابنت الكلب
حطت سهر ايدها علي خدها بدموع وقالت بحرقة وهي لسه مكانها علي الارض.. عملت كده علشان ماتسبنيش.. خوفت تسيبني. انا حبيتك ياحمزة
حمزة.... انتي حبيتي الفلوس.. خوفتي ترجعي للفقر تاني.. بس ماتخافيش. انا مش هظلمك. اي فلوس هتعوزيها انا تحت امرك. كل اللي تطلبيه هتاخديه. والشقة هسجلها باسمك
قامت سهر وهي بتقول .... لا متسبنيش ياحمزة. انا بحبك. متظلمنيش
حمزة..... انا مضحكتش عليكي. انا من الاول اتفقت معاكي اتفاق. عرضت عليكي عرض وانتي وافقتي بالمقابل. يعني لا لعبت بيكي ولا خدعتك. ولا غصبتك علي حاجة..
سهر.... بس..
قاطعها بهدوء.... انا بحب زهرة وهعمل المستحيل علشان ترجعلي... انتي طالق ياسهر
........................................
في اوضة ليلي
ليلي نايمة علي السرير وهي بتمشي ايدها علي شعر كنز بنتها اللي نايمة في حضنها
امينة دخلت وهي بتقولها... نامت
ليلي اتعدلت... اه
قربت امينة وقعدت قصادها.... قوليلي بقا. مرجعتيش مع جوزك ليه.
ليلي.... زهقتي مني ولا ايه ياماما
امينة.... بطلي هبل.ازهق منك ازاي يعني. انا بس عاوزة اتطمن عليكي. عاوزاكي ترجعي لعقلك. وترجعي لجوزك قبل مايروحلها تاني
ليلي ابتسمت بسخرية.... طب مايروحلها.
اتنهدت وقالت بحزن.... هو كده كده بيحبها سواء هي جمبه او بعيدة. كده كده في قلبه
امينة .... ماتبقيش خايبة بقا. هو لو عاوزها مكانش رجعها لاهلها وجالك انتي
اتنهدت وقالت... انا عاوزة اعرف لما جالك رفضتي ترجعي ليه. ماهو عملك اللي انتي عاوزاه ورجع المحروسة لاهلها
عاوزة ايه تاني
ليلي.... ميخصنيش ياماما يرجعها يسيبها. يفضل معاها. ميخصنيش. انا هتطلق
امينة.... تطلقي ده ايه. اسمعي ياقلب امك انا معنديش بنات تطلق. فاهمة.. عاوزة ستات البلد اللي ميسووش يقولو بنت امينة اتطلقت وجوزها اتجوز عليها.. اسمعي انا مش هسمحلك تخربي بيتك. لاني مش هسمح حد يتكلم نص كلمة عليكي. مش بنتي اللي جوزها يجيب مكانها واحدة
ليلي بملامح جامدة... و انا مش هكمل مع رحيم ياماما. مش هكمل. وميهمنيش كلام حد
بصتلها بسخرية وقالت.... وبعدين خايفة اوي اتطلق. مش قابلة ان بنتك تطلق ولا جوزها يتجوز عليها.. امال ليه كنتي طول الوقت عاوزة حمزة يتجوز علي زهرة. ولما عرفتي انو متجوز غيرها فرحتي وشمتي فيها. ليه طول الوقت بتفكري الزاي تخربي بينهم ويطلقو. لما مش قابلة كده عليا. عاوزة تعملي كده ليه في زهرة وبتفكري بس الزاي توجعيها وتكسريها..
كملت بدموع.... بس ربنا مش بيسيب حق حد ياماما وزي ماكنتي عاوزة تعملي كده فيها انا اللي اتعمل فيا كده. اتردلك فيا ياماما. ياريت تبقي مرتاحة دلوقتي
امينة بتوتر.... انتي ايه اللي انتي بتقوليه ده. وانا هبقي حابة اخرب علي ابني ليه يعني
ليلي.... ايوا ياماما عاوزة تخربي عليه.مع انك عارفة ان سعادتو معاها وبيحبها.. ايه كنتي فاكراني مش عارفه.. ليه بتعملي معاها كده. انتي عندك بنات. حرام عليكي.. بجد انا مصدومة فيكي
امينة بغضب... انتي الزاي بتكلميني كده. وبعدين اللي بتقوليه ده كلو تخاريف
ليلي.... مش تخاريف. انا بقولك الحقيقة. اللي انتي فاكرنا مش عارفينها
....................................
تاني يوم
عند رحيم
رحيم وصل بيت ياسمين
مامتها قابلته... نعم
رحيم.... ياسمين فين
مامتها... في اوضتها
وبجمود... خير.
رحيم من غير مايرد عليها اتجه ل اوضة ياسمين
كانت ياسمين قاعدة علي السرير بتعيط
اول ماشافته قامت بلهفة..... رحيم
وحضنتو
غمضت عنيها وهي بتقول... وحشتني. وحشتني اوي
رحيم بعدها عنو بهدوء وطلع شيك من جيبو وهو بيديهولها... دا شيك ب 5 مليون
ياسمين بصتله بدون فهم وبستفهام وهي بتمسح دموعها.... بتاع ايه ده
رحيم.. افتحي بيهم المشروع اللي كنتي عاوزة تعمليه
ولو عاوزة اكتر..... قوليلي.وهديكي اللي انتي عاوزاه
ياسمين وفهمت بصتله لثواني وبعدين قالت بصعوبة..
انت جاي ليه يارحيم
رد عليها الرد اللي خلي الدم يهرب منها... البسي هنروح للمأذون دلوقتي
ياسمين بدموع....هتطلقني
رحيم..... يلا البسي
ياسمين مسحت دموعها وبسخرية بصت للشيك....وده تمن طلاقي.ولا علشان متحسش بالذنب... رد عليااا. ده ليه
رحيم بهدوء..... ده حقك
ياسمين..... وانا مش عاوزاه
وبعصبية قطعته 100 حته ورمته في وشه
ياسمين..... مش عاوزة فلوسك. فلوسك دي مش هتداوي جرحي. ولو قد كده مليون مرة... مش هتخفف الوجع اللي سببتهولي
رحيم وهو شفقان عليها..... عاوزة ايه
ياسمين بدموع.... لسه بتحبني يارحيم. لسه بتحبني
رحيم فضل ساكت
ياسمين وهي بتهز فيه..... رد عليا. لسه بتحبني
مسكت وشه بإديها الاتنين وهي بتحاول تخليه يبص في عنيها وبتقول بدموع.... رد عليا ارجوك. لسه بتحبني. بتحبني يارحيم. بتحبني
رحيم..... بحبك. لسه بحبك يا ياسمين.
ياسمين ابتسمت بفرحة لكن اتلاشت ابتسامتها لما كمل وقال... بس ماينفعش يابنت الناس
ياسمين وهي بتمسح دموعها.... ليه. ليه ماينفعش... انا بحبك وانت بتحبني. لا انا عرفت احب غيرك. ولا انت قدرت تحب مراتك.. احنا لبعض يارحيم. كفاية السنين اللي اتحرمنا فيهم من بعض.. بحبك. مش شايفة غيرك. ومش عاوزة اشوف غيرك
وقربت حضنته... بحبك يارحيم.. بعشقك
رحيم... متصعبهاش عليا وعلي نفسك.. احنا حكايتنا انتهت من زمان.. انا منفعكيش.
وهو بيبعدها عنو بهدوء
رحيم .... انتي تستاهلي حد يقدرك... مش انا. لأني مستاهلكيش
ياسمين بدموع.... بس انا عاوزاك انت. مش عاوزة غيرك..
ورجعت حضنته تاني وهي بتقول..... بحبك...بحبك اوي..حاولت كتير اشيل حبك من قلبي معرفتش
بعدت عنو فجأة وصرخت فيه ودموعها بتنزل اكتر بانهيار.... حس بيا بقاااا. مش عارفة اعيش من غيرك.. حراااام عليييك.. حرام علييك
وهي بتضربه علي صدره بانهيار وبتقول.... ل تاني مرة عاوز تكسر قلبي وتسيبني ليه. لييه
وهي لسه بتضربه.. لييه حرام علييك
رحيم مسك ايديها الاتنين... اهدي. اهدي..
وشدها لحضنه وضمها ليه وهو بيمشي ايده علي شعرها.. .... اهدي خلاص. انا مش هسيبك
وفضل حاضنها لحد ماهديت
رفع وشها من حضنه ومسك وشها بين ايديه وهو بيتأملها.عنيها الحمرة اثر الدموع ورموشها المبتلة
ياسمين.... مش هتسيبني
وهو تايهه في ملامحها... تؤ. مش هسيبك. مش هتخلي عنك تاني
وميل عليها بدون وعي وبدأ يبوسها بشوق ورغبة
رحيم.. عمري.... عمري ماهسيبك تاني
وهو بيرجع شعرها لورا ورجع يبوسها من تاني بقوة وهو بيتعمق معاها
ياسمين حاوطت رقبته وهي بتحضنه وبتغمض عنيها باستمتاع من قربو.. بحبك يارحيم. بحبك اووي
وغابو الاتنين في دنيا تانيه
وبعد لحظات كان شالها وبينزلها علي السرير وبعدين....
.............
.............................
عند زهرة
زهرة خارجة من باب الجامعة لاقت حمزة واقف مستنيها
زهرة قربت بهدوء وفتحت العربية بتاعتو وركبت فيها.
حمزة كان مستغربها لأنها معارضتش زي كل مرة
وركب هو كمان وقبل مايطلع بصلها وقال... انا سيبت سهر خلاص يازهرة
زهرة من غير ماتبصله... ميخصنيش ياحمزة. تتجوز او تطلق. ميفرقش معايا
حمزة.... امال ايه اللي يفرق معاكي
زهرة.... تطلقني. انا مش عاوزة غير انك تطلقني بس
حمزة مسح علي وشه وهو بيتنهد بغضب وبعدين شغل العربية وطلع من غير مايتكلم
........
عند رحيم وياسمين
مامت ياسمين قلقت لما طولو جوا قامت تشوفهم خبطت علي الباب لكن مفيش رد استغربت وهي بتقول في نفسها.. هو اي اللي حصل. حتي صوتهم اختفي
وخبطت تاني... ياسمين. افتحي ياحبيبتي
بس بردو مفيش رد قلقت وبراحة فتحت الباب بصت اتفأجات بيهم نايمين في حضن بعض ورايحين في النوم كمان راحت قفلت الباب براحة تاني وهي بتقول... قطيعه تقطع الحب وسنينه
..............
عند حمزة وزهرة وهما لسه في الطريق كانو ماشيين في وسط البلد وفي مكان زحمة
زهرة.... بقولك ايه وقف هنا بسرعة
حمزة باستغراب.... ليه
زهرة وهي بتبص من شباك العربية... وقف بس
حمزة وقف.... في ايه
زهرة بصتله.... انزل هاتلي حمص الشام من الراجل ده
وهو بتشاور علي واحد واقف بعربية بيبيع حمص الشام
حمزة.... انتي بتهزري.. يعني موقفاني في وسط الزحمة دي علشان عاوزة حمص الشام
زهرة.... ايوا. انزل يلا هاتلي
حمزة ابتسم عليها ونزل راح يجيب ليها.
ثواني ورجع فتح العربية وهو بيديها الكوباية
زهرة خدتها وابتدت تدوقها .. بس اول ماداقتها لاقيتها مفيهاش شطة بصتله وقالت.... دي من غير شطة
حمزة.... وبعدين يعني
زهرة.... دي من غير شطة. كنت عاوزة فيها شطة
حمزة.... ايوا يعني. اعملك ايه دلوقتي
زهرة.... انزل وخلي الراجل يحطلي شطة
حمزة بنفاذ صبر نزل
زهرة.... استني خدها اهي
حمزة بصلها ومتكلمش لكن خد الكوباية حدفها بعيد
زهرة.... ليييه. بترميها ليه
حمزة.... يعني هاروح اقول للراجل خد حطلي شطه هنا
وراح جابلها واحدة تانية فيها شطة ورجع اداهالها
زهرة اخدتها... مجبتش لنفسك ليه
حمزة.... مبحبوش
زهرة ابتدت تاكل وحمزة فضل واقف ساند علي العربية بعد ماولع سيجارة وابتدي يشربها
حمزة كان ساند بظهره علي العربية ومن الناحية التانية كان واقف شاب بموتيسيكل قصاد زهرة اللي قاعدة في العربية
الشاب اول مالمحها بصلها بإعجاب وابتدي يعاكس فيها زهرة اول مالقيته كده بصت قدامها وتجاهلته
الشاب... هو الجميل مش معبرني و زعلان ليه. طب بصلي طيب مش يمكن اعجبك
حمزة اللي واقف ظهره للعربية مش شايف حاجة ولا الشاب نفسه شايف حمزة
بس حمزة سمع الصوت لف و ميل بص عليها من شباك العربية
زهرة اول ماحست بحمزة انو اخد بالو راحت بصت للشاب وابتسمتله وهي قاصدة تضايق حمزة
حمزة رمي السيجارة علي الارض وهو بيبصلها بغضب وقرب علي الشاب اللي لحد اللحظة دي كان يفكر زهرة لوحدها ومفيش معاها حد
حمزة شدو من علي الموتيسيكل وقال بغضب..... انزلي ياروح امك..
الفصل الثاني والثلاثون
شد حمزة الشاب من علي الموتيسيكل بغضب وهو بيقول..... انزلي ياروووح امككك
ونزل فيه ضرب بغضب اعمي فضل يضربو لحد مابقي في ايده زي الجـ ثة مش بيتحرك وصحاب الشاب كلهم واقفين مفيش حد اتجرأ ولا قدر يقرب وهما شايفينو جثة في ايد حمزة
لحد ما اخيرا حمزة سابو مرمي علي الارض وداس عليه برجله
الشاب بتعب وهو قاطع النفس... ا. اسف ياباشا و. والله مااعرف انها ت تخص ساعدتك
..
زهرة كانت شايفاه من شباك العربية وهو حرفيا الواد في ايده جـ ثة كانت مرعوبة وهي بتقول في نفسها... يااانهارر اسود. دا هيمـ وته
وافتكرت انو شافها لما ابتسمت للشاب بقت مرعوبة وهي بتتشاهد علي روحها وبتقول.... يانهار اسود.. يانهار اسود. دا هيمـ وتني زييو. هو انا ايه اللي هببته ده. دا مش هيرحمني
وهي خايفة ومرعوبة من رد فعله
لحد ماشهقت لما سمعت باب العربية بيتقفل بعد ماحمزة ركب
زهرة كانت بتتشاهد علي روحها في سرها لانها عارفه انو ده دورها. لكن محبيتش تبين خوفها واصتنعت الثبات واتظاهرت بالقوة وبصتله وقالت بغضب.... هو ايه اللي انت عملته ده. طول عمرك همجي وايدك سبقاك. مكانش لي لزوم اللي عملته ده وفرجت علينا الناس.
حمزة بهدوء مريب.... كان عاجبك قرطاس اللب ده
زهرة بتوتر ... انت بتقول ايه. يعني ايه عاجبني. ماتحترم نفسك
حمزة.... انا بردو. وانتي يامحترمة قاعدة بتبتسميلو. وفرحانة بمعاكسته..
زهرة بلعت ريقها بخوف لكن قالت بغضب... انت ب بتقول اايه. انا محترمة غصب عنك.
حمزة بنفس هدوءه.... واضح. اقسم بالله يازهرة ل اربيكي من جديد. هعرفك ازاي تعملي كده.
زهرة بعصبية... انت ملكش دعوة بيا. فاهم. وبعدين هو انا ذنبي ايه. هو انا قولتلو يعاكسني
قاطعها حمزة بغضب وقال.... ماهو لو الهانم لابسه حاجة عدلة مكانش عيل معفن زي ده اتجرأ وبصلك
زهرة بصتله جامد .... يعني ايه مش فاهمه . مالو لبسي. ماهو لبسي محترم. ولا مش لاقي حاجة تقولها
حمزة وهو بيبصلها بغضب.... لبسك زفتتت. بصي لنفسك.
وانتي تعرفيي
زهرة بدون فهم بصت علي نفسها. كانت لابسة جاكيت چينيز وتحتو توب بس التوب كان ظاهر جزء من صدرها
وهي مكانتش واخدة بالها
زهرة اتوترت وهي بترفع التوب لفوق بإحراج
و قالت بتوتر وكسوف.... ا. انا م مخدتش بالي
حمزة وهو لسه بيبصلها بغضب.... اخر مرة هكلمك في موضوع لبسك ده.
وبص علي حجابها كانت لابسه الطرحة اي كلام علي شعرها ويعتبر نصه باين ورقبتها
حمزة وهو بيشاور عليها ... وده اسمه ايه.. دا مش حجاب
شعرك كلو باين ورقبتك.لابساها ليه.
وبسخرية.... اقلعيها احسن
زهرة بضيق... دخلت شعرها وعدلت الطرحة... كده كويس حمزة بتحذير.... لو شوفتك لابسه حاجة ملفتة.هزعلك بجد. انا مش هقولك تاني
زهرة.... انا لبسي محترم علي فكره.. ومش معني كده واني مكنتش واخدة بالي دلوقتي. انك تحكم عليا اني مش بلبس كويس
حمزة وهو بيولع سيجارة .... ابقي خدي بالك بعد كده. علشان اي غلطة هزعلك حتي لو مش مقصودة.. اخر مرة هحذرك
زهرة بعصبية وصوت عالي...ماتبطل بقاا طريقتك دي. هو انت عاوز مني ايه. بتعمل معايا كده ليه.
حمزة.... صوتك دا ميعلاش. فاهمة
زهرة بنفس عصبيتها.... لا مش فاهمة. انا اقول ال
قاطعها حمزة بغضب.... فاهمممة
زهرة بخوف .... فاهمة. فاهمة
حمزة شغل العربية وطلع بيها
.......
بعد وقت وصلو بعد مافضلو طول الطريق محدش فيهم بص للتاني
زهرة نزلت علطول دخلت البيت وحمزة لف بالعربية ورجع تاني
زهرة دخلت البيت كانو كلهم موجودين لكن اتفاجات ب جدتها وامال ومحمد موجودين
هارون.... تعالي يازهرة
قربت زهرة عليهم بهدوء وقالت... مساء الخير
جدتها قامت بلهفة حضنتها.... وحشتيني يازهرة. وحشتيني ياقلب تيتا
زهرة بهدوء.... وحضرتك وحشتيني يا..
وسكتت
جدتها.... انا تيتا. هفضل طول عمري جدتك. مفيش حاجه اتغيرت.. هتفضلي حفيدتي يازهرة.. اوعي يازهرة تبعدي عني
زهرة... مقدرش
وحضنتها تاني
امال قربت ومحمد علشان يسلمو عليها
امال بدموع ... وحشتيني يازهرة
ومحمد حضنها... وحشتنيني يابنتي
امال قربت تحضنها لكن زهرة كانت متجمدة ومبدلتهاش الحضن لانها كانت مستغربة
امال بعدت بحرج وقالت.... انا عارفة انك زعلانه مني.. بس ربنا يعلم اني بحبك والله. انا نفسي تسامحيني يازهرة علي معاملتي معاكي.. عارفة اني كنت بعاملك ببرود وعمري ماحسستك بحبي وعمري ماحنيت عليكي. ياريت تسامحيني لاني ندمت. ندمت بجد.
امال كانت بتتكلم بندم واضح وصادق وزهرة كانت مستغربة اول مرة تشوف امال كده
محمد باسها علي راسها وقال.... هتفضلي بنتي يازهرة
امال بدموع ... نفسي تسامحيني يازهرة علشان ابقي مرتاحة.. انا عارفة اني كنت ام وحشة. واخر مرة انا كنت مقهورة علي شيماء. علشان كده مش عارفه كنت بقول ايه. اعذريني يازهرة
زهرة بهدوء .... مفيش حاجة. وبعدين عادي يعني. ماهو انتي مش امي. مش مفروض عليكي انك تحبيني
امال بسرعة.... لأ انا والله بحبك. متعرفيش لما بعدتي انا كنت عاملة الزاي. كنت هموت عليكي.
مدت ايدها تحركها علي وشها وهي بتقول.... انتي معايا وفي حضني اكتر من 23 سنة. انتي بنتي بجد. صعب عليا اخسرك
محمد.. حاوط زهرة في حضنه وقال... زهرة بنتنا مفيش حاجة هتتغير .
امال.... ياريت.ياريت ترجعي لحضننا تاني. احنا ملناش غيرك دلوقتي
وكملت بدموع.... صعب عليا اخسر بناتي الاتنين. كفاية شيماء
ومسكت ايد زهرة.... متبعديش عننا يازهرة. ابقي اسالي علينا. ممكن
زهرة كانت شفقانة عليها مسكت ايدها وقالت.... حاضر
مش هبعد. انتو كده كده اهلي. اكيد مش هنساكو
محمد وامال حضنوها الاتنين وهي بادلتهم الحضن
.........
عند رحيم وياسمين
رحيم فتح باب شقته ومعاه ياسمين
ياسمين... هو احنا مش هنرجع الصعيد
رحيم..... خليكي هنا احسن
ياسمين فهمت انو بيعمل كده علشان ليلي بس متكلمتش
رحيم قرب باسها علي راسها وقال... عندي شغل.. لو عوزتي حاجة كلميني
وباسها تاني علي راسها وخرج
.....
تاني يوم
زهرة رايحة جاية في جنينة الفيلا وهي فاتحة كتاب بتذاكر فيه
عمتها نادت عليها من علي باب الفيلا.... زهرة.. تعالي
زهرة.... ايه ياعمتو
صفية... تعالي عاوزاكي
زهرة راحت ليها.... في ايه ياعمتو
صفية.... تعالي. ادخلي
زهرة بصت ل عربية حمزة وقالت... لا. حمزة جوا. وانا مش عاوزة اشوفه. لما يخرج هجيلك
صفية.... حمزة نايم فوق.. وبعدين دا جوزك.
زهرة بضيق... متقوليش جوزي
صففية بضحك.... الله. ماهو جوزك.. تعالي بس
واخدتها ودخلو
زهرة راحت جمب ليلي اللي قاعدة علي الكنبة... عاملة ايه يالوله
ليلي ابتسمت بهدوء... كويسة. انتي عاملة ايه
زهرة... الحمدلله
وبصت ل عمتها... كنتي عاوزة ايه ياعمتو
اتنهدت صفية وقالت ... هتفضلي كده لحد امتا سايبة البيت. ارجعي يازهرة. حمزة بيحبك.. وبعدين هو خلاص طلق مراتو. عاوزة ايه تاني. متعانديش ياحبيبتي وارجعي
ليلي.... حمزة بيحبك يازهرة. فكري كويس. وانتي بتحبيه. متخسروش بعض
زهرة.... انتو مش فاهين حاجة. انا معنديش ثقة فيه اساسا.
كملت بسخرية... دا مش بعيد يطلع متجوز تاني. اسالوني انا
صفية.... انتي عارفة انو بيحبك
زهرة.... وبيحب غيري. وبيشوف غيري.. عمتو انا مش هكمل معاه. وياريت تقنعوه يطلقني
صفية.... يعني مفيش فايدة
زهرة.... لا ياعمتو.. مفيش
وفتحت الكتاب ورجعت تذاكر تاني
وهي بتحاول تقفل في الموضوع
صفية اتنهدت بيأس
شوية وهما لسه قاعدين حمزة كان صحي ونزل
حمزة قرب باس راس عمتو وراس ليلي
وقرب علي زهرة باسها علي خدها
زهرة بضيق.... متبوسنيش تاني. ساامع
حمزة... براحتي
صفية وليلي ابتسمو
حمزة اخد الطفاية من علي الترابيزة واتحرك ناحية باب البيت ووقف قدام الباب يشرب سيجارة
شوية ونادي ل زهرة وقال.... اعمليلي قهوة يازهرة
زهرة بصت ل عمتها
صفية علطول ... فيها ايه. اعمليلو. دا جوزك
زهرة بصتلها بغيظ.وقامت وهو بتمتم... انسان بارد ومستفز
وراحت تعملو
شوية وخرجت بالقهوة وراحت تديهاله
حمزة اخدها منها ولسه هي هتمشي لقت ايده بتشدها عليه
زهرة.... فيه ايه.سيبني
حمزة.... بقولك ايه
زهرة وهي بتصطنع الهدوء .... نعم
حمزة حاوط كتفها وقال.... ماتروحي تلبسي وتيجي نخرج نتعشي برا النهاردة
حمزة كان بيحاول يدخلها سكة
زهرة ببرود.... وانا ايه اللي يخليني اخرج معاك
حمزة.... مراتي وحابب استفرد بيكي..قصدي ابقي انا وانتي لوحدنا.. انتي وحشاني يازهرة... قولتي ايه
زهرة شالت ايده من عليها وقالت.... هو انت هتطلقني امتا خليني اخلص
حمزة مسح علي وشه بضيق وقال بغضب مكتوم ... هو ده وقته.. انا بقولك ايه وانتي بتقولي ايه
زهرة.... ماهو اللي انتي بتعملو ده مش هياكل معايا.
حمزة... ليه يازهرة. انتي عارفة اني بحب..
قاطعته زهرة....... لأني ببساطة معنديش ثقة فيك..
اتنهدت وقالت... انا مش هتنازل عن الطلاق ياحمزة. ياريت تخلص بقا وتطلقني بهدوء.
حمزة ببرود... مفيش طلاق يازهرة. انسي. لانو مش هيحصل
زهرة بعصبية.... يعني ايه.
كملت بتهديد.... بقولك ايه. انت هتطلقني. وياريت بهدوء.. متضطرنيش اعمل حاجة مش هتعجبك
حمزة باستهزاء.... هتعملي ايه يعني
زهرة بقوة.... هرفع عليك خلع... وبتكلم بجد. مش بقول اي كلام... لو مطلقتنيش ياحمزة بالذوق هخلعك
حمزة بسخرية.... وايه اسبابك بقا.. مبصرفش علي العيال ولا معرفتش ادخل عليكي.. انتي بتتكلمي في حاجة خسرانة.. خلع ايه اللي عاوزة ترفعيه. دا انتي حتي بتدرسي قانون وفاهمة
زهرة... انا ميهمنيش اخسرها او اكسبها.. انا اللي يهمني. اني اقدم الدعوة. وكلو يعرف ان مراتك رافعة عليك خلع
حمزة اتعصب ورمي فنجان القهوة علي الارض بغضب ومسك دراعها جامد.... انتي بتهبلي بتقولي ايه
زهرة حررت دراعها منو بقوة.... بقول اللي سمعتو..
صفية وليلي لاحظو صوتهم العالي... دول شكلهم بيتخانقو
وقامو قربو عليهم
صفية... في ايه. ايه اللي حصل بس. مالكو
بصت زهرة لحمزة وبتحدي... ... انا هقدم الخلع ياحمزة واهينك. طالما مش عاوز تطلقني بهدوء.. انا هرفع القضية. هقل منك قدام الناس واخلي شكلك مايسواش واهينـ...
مكملتش كلامها
لان حمزة محسش بنفسه غير وهو نازل علي وشها با لقلم