رواية احتواء القاسي
الفصل الخمسون 50
بقلم سوسو تويكس
كلهم اتلمو على صوتي وانا بصرخ كانو مهجومين، دخلو غرفتي لقوني واقعه في الأرض وماسكه بطني بالم وبصرخ، ما قادره اقول غير اسم معتصم، وهم شغالين يهدو فيني، ساميه:معتصم ما قال عايز يسافر يا بتي حسي بنتصل ليهو انتي اهدي بس_لينه:لا.. لا. يا خالتو.. معت.. صم معتصم ما مات صاح_ملاذ:لينه ده كلام شنو قبل ساعه ما كان هنا وجا ودعكم حسي بنتصل ليهو _سليمان:ماف زمن لازم نمشي بيها المستشفى _شالوني وانا خلاص من شدة الألم بقيت ما واعيه ونفس ما قادره اتنفس سامعه كلامهم بعيد، لحدي ما الرؤيه بقت ضلام ومعدومه_ بعد ساعه كامله قمت مخلوعه من السرير وانا بقول:معتصم ما بموت معتصم ما مات صاح_حاولتا استوعب انا وين لقيت نفسي في المستشفى معنى الحصل داك كلو حقيقه اتمنى يكون كابوس واصحا منو، بقيت اكورك:معتصم وينو انا عايزه معتصم_جو جايين بصوتي ومعاهم دكتور كانو بحاول يهدؤني عشان ما انفعل ما هديت الا وقت سمعت الدكتور بقول لي:اهدي هداك ليهو قاعد بره مش راجلك ياهو قاعد بره_قلتا بفرحه:صحي؟ يعني كلامي صاح موش قول انو صاح قول انك ما بتكذب وا... _سكتا وقت حسيت بطعنه حقنه في يدي من ورا لقيتها دي الممرضه يعني الدكتور كان بكذب على عشان اهدا، قال ليهم:اديناها تاني حقنه مهدئ عشان بالطريقه دي بتاذي نفسها والفي بطنها، وكلها 5دقايق ومفعول الحقنه يبدا_الدكتور طلع جات خالتي ساميه وملاذ وعمو سليمان بسالوني فيني_ساميه:يا بتي مالك حصل حاجه؟ بعد كلامك عن معتصم قلبي اصلو ما اتطمن وبنضرب ليهو ما برد _سليمان:ساميه انتي شايفه الدكتور قال شنو عايزها تنفعل تاني خلي بعد تهدأ نفهم منها معتصم شي طبيعي يكون تلفونو مقفول لانو لسه ما وصل _قلتا ليهم بجنون وانا ببكي بهستيريا:لالالالا معتص...م ،ووو الرجل ق.. قال هو م.. مات في حادث وووو اتصل لي ووو_ما قدرتا اكمل انتفقعت في البكا_كلهم اتصدمو ملاذ بقت تسأل فيني بخلعه :كيف ومتين والاتصال منو و ووين مكان الحادث_ما رديت بس بقيت ابكي_قعدت جمبي وهي بتشيل نفس وبتهدي فيني: لينه اسمعي لو عارفه المكان ورينا عشان نقدر نلحقو فاهماني _لينه:ف.. في ال**** الر..اجل قال ع.. ما حادث في شارع ال*** ووو قال انو ممات وعايزين ينق.... _ما انتظروني أتم كلامي من الخلعه جرو كلهم على مكان الحادث وانا طلعتا وراهم طوالي لقيت ناس خالي إسماعيل وبكري وخالاتي بسالو فيهم.. ملاذ:قالت استعجال وهي جاريه لاحقه ناس عمي سليمان الح يسوقهم ماجد :معتصم عمل حادث في شارع ال*** وما شين ليهو _برضو من الخلعه كلهم طلعو باستعجال وانا بقيت جاريه وراهم وحاسه راسي تقيل ده مفعول الحقنه بدا لقيت كلهم اتحركو بعرباتهم وفضل بكري بس البقول: لي لازم ترجعي بطلي عناد ما بتقدري تمشي ما شايفه حالتك كيف_قلتا ليهو وانا ما شايفه شي من الدموع :لو ما بتوديني بمشي برجليني او اي طريقه تانيه انا لازم امشي_ما ناقشني ركبتا معاهو في عربيتو وبقول ليهو كل مره انو يستعجل _وفعلا وصلنا وقف العربيه بعيد شويه لانو كان في زحمه وناس كتيره ملمومه عرفتو ده موقع الحادث نزلتا وانا جاريه وكرعبني بقو تقال وحيلي ده مات عديل وما قادره اتنفس وقت شفتا منظر العربيه والدم المالي المكان والناس البتكلمو عن الحادث _****:والله منظرهم كان فظيع ويقطع القلب _***:انتي ما شايفه الشاحنه دي هسمت العربيه كيف ياخ ديل طلعوهم مهرووسين عدييل_***:كلهم شباب وحلاة الدنيا عليهم وما شفتي القميصو كحلي ده الا لمو جثتو لمليم على مرتين _قبلتا عليهم قميص كحلي ده هو زاتو معتصم كان لابس كحلي، خلاص بطني تاني بقت تفرمني وحيلي ما شايلني ما حسيت الا بكري بطلعني من الزحمه وقعدني في حته قريبه، قالي:ما تتحركي من هنا ماشي اجيب ليك مويه من السوبر ماركت الهنا ده تمام؟ _ما رديت انا لسه ما مستوعبه يعني خلاص كده هو مات لفت نظري تلفون مدشدش مجدوع جمب مكان الحادث، والله حبيت حبي عشان اكتر اصل ليهو وصلت وبقيت اصرخ ايي ياهو زاتو تلفون معتصم وياهو زاتو صورتو الفي الخلفيه معناها كلام الراجل صحي مسكت التلفون ضميتو على وبقيت اصرخ، اصرخ بأعلى حسي :وااااي انا، ما قلت مابتخليني،طيب وينك حسي، كيف يعني تموت وتخليني براي، واولادنا مش قلت عايزه تسميهم، ما عايز تشوفهم يعني، وااااي انا من معتصم،امشي وين انا تاني اعيش كيف_الناس حو اتلمو بعدو فيني يا بت استهدي واستغفري ربك، كلنا مصيرنا نرجع كلنا بنموت_لينه:بس معتصم ما بموت كيف يعني يمشي يخليني _كلهم اتلمو وبقو يهدو فيني لحدي ما بكري جا وطلعني تاني من الزحمه قالي:انا مش قلت ليك ما تتحركي_لينه:قولي معتصم ما مات قولي يا بكري الله يرضا عليك والله ما بعيش بلاهو ثانيه_بقا يهدي فيني قعدني في كرسي جابو من المراسي القدام السوبر ماركت، قال:غسلي وشك بالمويه واهدي شويه عشان نحصل الجماعه ديل فاتو..