![](https://blogger.googleusercontent.com/img/b/R29vZ2xl/AVvXsEighwhf4C7dOZSUCapfYuuCel1i4De7BJ_a3T4sN9XPa_z3wXM5X_NYcE6dohqMNPa99Tl1oA_OANMWpCtxUwmeW65cIXAw6dRAX4s22sKNqa-Hv56Oej7X1-LWQJCuzbI6iYuik1vcb3iNRLW4TWV3oFQLQmMYg-sMlyVKacM2d7HeaccyKbocOjTjM0A/w247-h320-rw/IMG_%D9%A2%D9%A0%D9%A2%D9%A4%D9%A0%D9%A5%D9%A2%D9%A6_%D9%A0%D9%A7%D9%A4%D9%A8%D9%A3%D9%A5.jpg)
رواية مأمني وأماني
الفصل التاسع عشر 19
بقلم توسل محمد طه
*حِينَ يُكونَ سِلاَحي هُو أخِي، لنْ يهزُمَنِي العالمْ وَلو أجْمَعو علَى ذلكْ* 🍂🤍.
تلفون جاسر رنن
الووو
اااي ي ماان ادينا الزيت
بديك زيت الزيت زااتو😹
اهااااا عرفت مكانها؟
م اعرفو الا انا
اهااا وين
في حي(.....) جنب مسجد ال(....)
تسلم ي مان نخدمك في الأفراح ان شاءالله🙏🏻
ولووو ياااخ البينا عامره😘
وقفل منوو
فياض وعروه منتظرين جاسر يبشرهم ويقول عرف مكانها وفعلا جاسر اداهم الخبر العايزنو
ع: خلاص ي مان بكره نمشي نشوف
ف: على الطلاق م ابقى كويس م تتحركو
قعدو يضحكو خلاص بعد تبقى كويسه نفترسها😘
وقعدو يضحكو
بهناك مره شهر وتوسل بقت كل يوم تمشي لي بهيسه وبناتها ولو اتأخرت عليهم بجو يفقدوها😹 يعني حالتهم شبه بقت واحده والبينهم عامر شديد 😹
لكن جوري كانت اربعه وعشرين ساعه قاعده وحيده ومكسوره وتبكي💔 لحد م يوم بهيسه قالت لي توسل انتي ي بت مالك غبشه كدي😹
والله ي خالتو مع سندد دا كويس اني بقيت غبشه سااي😹
الليله عاد بجيهك انتي وجمانه دايره احننها تعالي عشان احننك معاها وماشين السوق تمشي معانا؟
لكن سندد
ج: انا بمسكوو لو ممكن🙂
بهيسه وجمانه وتوسل بقو عاملين كدا😳
جووري اخيرا طلعتي من كهفك دا طوالي حبيبه تمسكيهو
جوري جات قعدت قدام امها وبقت تعاين ليها قالت ليها امي اعفي لي وبدت تبكي بهيسه حضنتها عليها وبقت تبكي
ب: خلاص ي بتي عافيه ليك م تبكي عايني انتهيتي من لحم الدنيا كيفن اعفي لي انا ي جوري🥺
ج: عافيه ليك ي امي عافيه ليك😭 وحضنتها
جمانه ساقت توسل ودخلت المطبخ خلو جوري وامها براهم
ج: اكيد نفسك تعرفي الحاصل صح
ت: صراحه نفسي اعرف جوري مالها وعملت شنو من يوم جيتو بس م كنت عايزه أتدخل في خصوصياتكم
ج: ي بتنا حالتنا وحده نحن اقعدي وبقت تحكي ليها من الأول إلى الاخر💔 توسل دموعها جرت
ت: معقوله جوري متحمله دا كلو ي جمانه😭 انتو قسيتو عليها شديددد يااخ🥺 هي لسه صغيره كان توروها الصح من الغلط م تعاقبوها كدا💔
ج: فعلا بس خلاص الحصل حصل وانتها والحمدلله اسي امي رجعت سامحتها🤍 بس باقي جواد جوري وجواد ديل الروح والنفس ي توسل ادعي ان شاءالله جواد يرجع ليها بس
ت: جواد؟؟؟ جواد وين هو صحي؟
ج: في بريطانيا
ت: جواد اخوكم😳😂
بتعرفيهو؟
كيييف ياااخ حق المعرفه😹
من وين يبعدي😹
صاحب يوسف اخوي ومعاهو في بريطانيا هناك برضو
ج: يوسف اخوك انتي يعني😳
اها بتعرفيهو😹
كيييف يااخ حق المعرفه قالتها وهي بتحاكي توسل ساعة قالتها😹
وقعدو يضحكو
جات جوري ضحكونا معاكم🌚
ت: تعالي تعالي اتخيلي طلعت بعرف اخوكم وانتو بتعرفو اخوي من قبل م تجو هنا😹
جوري: اخوي منو واخوك منو فهموني حاجه😹
جمانه: اخونا جواد واخوها يوسف
جوري: يوسف السمح داك اخوك😳
ت: اتخيلي😌
جوري: واااي لكن من نضافتو 😭😂 اخوك دا نضيف شديددد 😭😂
ت: انضف من ضميري وضميركم والله🤣
وقعدو يتونسو
جمانه قالت ليها طبعا جواد نازل بعد كم يوم
ت: ااي يوسف برضو
اهااا عشان كدا انتو ماشين السوق😹
ج: اااي😹 وكويس ذكرتيني يلا يلا
ت: جوري سند اسي نايم بس لو صحا ح يعذبك شديددد😹 بعد يصحا اعملي ليه الحليب بتاعو تمام
ج: حااضر ي ستي😹
وطلعو بهيسه وجمانه وتوسل مشو السوق وجوري بقت قاعده في البيت هي وسند بعد سند صحا وشرب الحليب بتاعو بقا يبكي شديدد وحلف م يسكت ليها مشت دقت الباب لي علاء قالت ليه سند ابا يسكت م عرفت اعمل شنوو😭
علاء ضحك وشالو منها قال ليها بسكتو وبجيبو ليك طيب
قالت ليه تمام وعلاء قفل الباب قبل جوري تقبل عشان تمشي علاء بدا يقرا لي سند قران بصوتو الرهيب داااك😔♥️
جوري ولا كذبت قعدت طوالي في الأرض جنب الباب وبقت تسمع ومتلذذه بالآيات دي♥️
علاء بعد سند هدا شويه ومواعيد الصلاه جات قال يوديهو لي جوري ويطلع على المسجد فتح الباب لقا جوري في وشو😹
ع: جوري😹
نعم وقامت على حيلها
قاعده هنا ليه؟ بتخافي؟ ولا منتظره سندد😹
كل الإجابات خطأ
طيب الصح شنو ي السمحه😹
قاعده اسمع صوتك😔 ياااخ حلوووو شديد دا انت الإمام بتاع المسجد؟؟؟
انت الأسمح😹 اااي انا الإمام
يااخ م كنت عارفه انا كنت كل يوم كل يوم بنتظر المغرب بفارق الصبر عشان اسمع صوتك وبنتظر العشاء ي الله عشان ارجع اسمعو وبقول متيييين الصبح يأذن عشان تاني اسمعو😭 م كنت عارفاك د انت ياااخ صوتك سمح شديد ي علاء الدین😭 انت عارف انا بسبب صوتك لي شهر من جينا ألتزمت بالصلاه وم كنت عارفاك دا انت بس خاويتك في الله وبقيت أقيم الليل وادعي ليك فيهو من غير م اعرف انت منو وانت عارف الخوه في الله لأنك امام طبعا😅 اقسم بالله العظيم ي علاء الدين انا بسبب صوتك حبيت الصلاه وحبيت القران😭 سمعتك اول مره جينا هنا صليت بسوره القيامه وكنت بتبكي دا اللفت نظري ومن اليوم داك انا متابعاك وبصلي معاك من البيت هنا ومره سمعتك صليت بسوره يوسف🥺 انا حبيت السوره شديد ومره سمعتك صليت بسوره طه حبيتها حبيتها شديدد😭 انت عارف اااي آيات تقرأها انا بعد الصلاه ببحث عنها وبعرفها في ياتو سوره وبحفظها😭 ياااخ صوتك سمح شديد يرجع الزول من الغلط ويلهمو التوبه وحب القرآن
علاء الدین انا خاويتك في الله قبل اعرفك واسي بعد عرفتك ممكن نكون اخوان في الله ومدت ليه يدها علاء ابتسم ليها وختا ليها سند في يديها وقال ليها لي الشررف اكون اخوك والله وخت يدو في صدرو بعد أداها سند♥️ هي فهمت انو م بصافح🤍 ابتسمت ليه وقالت شكرا شديدد لانو بسببك رجعت لي ربي🤍
م عندك مشكله وشفتي تاني كل يوم ح اقرا ليك آيات وانتي تحفظيها وانا اسمعها ليك رايك شنوو😹
موافقه مواافقه والله😭
عاين لي ساعة يدو وقال ليها طيب يلا لانو الصلاه خلاص جات وانا اتاخرت
طيب
قبل امشي ناس توسل م وروك هم وين؟ بعد المغرب والواطه بتضلم شديدد واتأخرو يااخ
اسي بجو م تشيل هم بكونو في الطريق
طيب يلا
علاء الدين
ايوا
ممكن طلب🥺
اتفضلي
صلي بينا بي سوره طه الايات بتاعت سيدنا موسى
حاااضر🤍 ونزل
جوري دخلت جوا اتوضت وختت سند قدامها في المصلايه وبقت منتظره علاء يصلى عشان تصلى معاهو🤍
وعلاء صلى ولمن وصل الايات في قوله تعالى" *قَالَ رَبِّ ٱشۡرَحۡ لِی صَدۡرِی، وَیَسِّرۡ لِیۤ أَمۡرِی، وَٱحۡلُلۡ عُقۡدَةࣰ مِّن لِّسَانِی یَفۡقَهُوا۟ قَوۡلِی، وَٱجۡعَل لِّی وَزِیرࣰا مِّنۡ أَهۡلِی، هَـٰرُونَ أَخِی، ٱشۡدُدۡ بِهِۦۤ أَزۡرِی، وَأَشۡرِكۡهُ فِیۤ أَمۡرِی، كَیۡ نُسَبِّحَكَ كَثِیرࣰا، وَنَذۡكُرَكَ كَثِیرًا، إِنَّكَ كُنتَ بِنَا بَصِیرࣰا، قَالَ قَدۡ أُوتِیتَ سُؤۡلَكَ یَـٰمُوسَىٰ* " جوري بقت تبكي في الصلاه مع الايات دي واتذكرت جواد وسجدت ودعوات السجود كلها بقت من نصيب جواد وانو ان شاءالله قلبو م يقسا عليها ويسامحها ي رب وانو هي بتحبو شديدد وهو احن زول عليها في الدنيا دي وربنا يحفظو وبقت تدعي ليه كتيير لحد م الصلاه كملت والدعوات كلها كانت من نصيب جواد🤍 (الخوه سمحه يااخ🤍)
ناس توسل جو وتوسل شالت سند ومشت جهزت حاجاتها كلها لانو يوسف نازل السودان بكرا وطبعا ح ينزل في توسل اول زول عشان يعزيها في اولادها💔
وأهل توسل وشيماء واولادها كلهم ح يجو عشان يتغدو معاها واتفقت مع بهيسه انهم برضو يجو عشان اصلا جواد ويوسف ح ينزلو سوا وح يجيو سوا المهم اتفقوا انو بكرا الغدا عندهم ويعملو الكرامه بتاعتهم في بيت ناس توسل حق ابوها عشان كبير بي كرامه جواد🤍 ( *المثل بقول جارك القريب ولا ود امك البعيد، والرسول صلى الله عليه وسلم اوصانا بالجار وقال: ما زال جبريل يوصيني بالجار حتى ظننت انه سيورثه* ) وتوسل وبهيسه بقو جيران بنكهه اهل🤍
المهم توسل بي مساعده من بهيسه وجمانه وجوري ظبطو السلطات في ليلهم دااك ويوسف وجواد وصلو ومشا علاء وخالد يستقبلوهم🤍
شقه ناس جوري كان فيها الرجال يوسف وعلاء وجواد وخالد وابو توسل واحمد اخو علاء وابوه
وهناك في شقه توسل في النسوان توسل وامها وشيماء وأهل علاء وبهيسه وجمانه وجوري كلهم اتعرفو على بعض وعشان نفوسهم طيبه وقلوبهم بيضاء🤍 تحس كانو اهل بعرفو بعض من زمان كلهم مش جيران ونسابه
يوسف وجواد وصلو ويوسف دخل على توسل واول م شافها دموعو جرت قدام الناس كلهم م قال انا راجل م ببكي ولا بصغر نفسي قدام الناس لا اول م جا داخل حضن توسل عليه وبقو يبكو الاتنين💔 يوسف من بعد علاء اكتر زول حسا بوجع موت اولادها لانو كان شايف نفسو هو وتوسل واحد واولادها ياهم اولادو وهو فعلا كدا لانو *الخال والد* 🥺 بقو يبكو شديد كانو ماتو الليله لانو الوجع في القلب وعمرو وجع القلب م بتنسى بالساهل💔 فكوهم من بعض بالعافيه بعد دموعهم كلها كملت سلم على عمتو وعزاها برضو وابو توسل وشيماء وسلم على القاعدين كلهم لم جا يسلم على جوري حسا برعشه كدا في قلبو وسلم عليها وعمل رايح وشال سندد يبوس فيهو كل ثانيتين😹♥️
ب: جواد مش معاك ي ولدي وينو؟
جواد: جواد هنا ي نور عيون جواد انتي♥️
جا سلم على امو شديد وسلم عليها في رأسها وفي يدها طبعا جواد ويوسف ليهم تلاته سنه في بريطانيا م جوو
المهم سلم عليها شديد لمن بهيسه قعدت تبكي دموع فرح طبعا🥺
اشتقت ليك ي جناااي🥺 طولت وكبرت وانت بعيد من عيني 😭
والله انا اشتقت ليك أضعاف شوقك لي ي ام جواد😭 وحضنها تاني ومره يبوس راسها ومره يرجع يحضنها استمرو كدا حكايه بتاعت سته ولا سبعه دقايق كامله🥺 لمن القاعدين كلهم اتأثرو بعد م بكو مع توسل ويوسف بكو تاني مع جواد وامو♥️ وجواد د لسه م شبع من حضن امو وهو اصلا في زول بشبع من حضن امو؟♥️
المهم سلم على جمانه وعلى القاعدين كلهم لمن جا يسلم على جوري مدا ليها يدو بس
جوري دموعها نزلت وقالت ليه
جوااد💔
جواد مقبل منها م عايز عينو تقع في عينها لانو عارف روحو ح يضعف💔
جوااد انا اسفه😭 وبدت تبكي
جواد م قدر يتمالك نفسو حبو لي جوري اتغلب على غضبو وزعلو منها وحضنها عليه وقال ليها خلاص م تبكي ي جوري خلاص
بقو يبكو شديد لحد م امهم جات وزحتهم من بعض وجواد بقا قاعد مع اختو قال ليها م تخافي اخوك رجع وحقك م بروح ح اجيبو ليك أضعاف أضعاف
جوري ابتسمت ليه
طبعا علاقه جواد وجوري شفافه وبينهم الصراحه لأبعد حد كأنهم م اخوان تقول أصحاب لدرجه بعيده لدرجه ااي شي عارفنو عن بعض
يوسف كان قاعد وشايل سند
جوري همست لي جواد في اضانو لكن صحبك دا م كسااار
جواد قعد يضحك قال ليها عارفو اخطبو ليك عاجبك😹
لالا م عاجبني ولا شي
على هامان ي فرعون😉🤣
قعدت تضحك😹
وتاني دخلو يجهزو الغدا والرجال مشو بهناك والنسوان بي جااي واتغدو وكمل اليوم على خير وبكره الكرامه في بيت اهل توسل🤍
يوم الكرامه جوري كانت شايله سند ومعاها يزن قال الا يمشي الدكان وجات تقطع الظلط كدا تقيف قدامها عربيه مظلله
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*
[٦/١١/٢٠٢٣, ٢:٢٩ م] مناهل: *#مأمني~وأماني《20》*♥️
*#بقلم~توسل~محمد~طه💙*
*ہہـــــــہہہـ٨ـــ٨ــــہہہـ٨ـــ٨ــہہـ٨ــــــــــــ♡♡♡*
*يُحرمك مما تريدك ليُعطيك م تحتاج، وعوضُ الله اعظم من كل الإبتلائات، وقد يحرمك من شي ليُمنحك الأجمل منه فأصبر لحكمه*. ✨🤍
يوم الكرامه جوري كانت شايله سند ومعاها يزن قال الا يمشي الدكان وجات تقطع الظلط كدا تقيف قدامها عربيه مظلله ونزل منها فياض وعروه وجاسر
ف: م اشتقتي لي ي حب😉
ج: فياااض😨
اااي حبيبك زاتو😉
انت شكلك م تبت وناوي تموت المره دي
فياض قعد يضحك وعاين لي عروه وجاسر وقال ليهم بتهدد كمان وضحكو
ف: م مشكله امووت في حبك ي حبي انا😘
ج: ي مان اكسب الزمن نحن في الشارع😘
ف: يلا يلا ي حلوه وعروه شال منها سند ويزن وقال ليه ارفعها ي مان
جوري بقت تكورك وفياض يجر فيها جرت يدها وادتو كفف اياك تتجرأ مره تانيه وتلمسني ي حيوان انت قايل روحك راجل يعني
فياض مسكها من شعرها بفوق لي الطرحه وقال ليها:
ارح اسي وبوريك راجل ولا م راجل قبل يكمل كلامو جواد جا طاير فيهو بي بنيه🤣(احب جواد والبطن البتجيب زي جواد والله😹🤍) وبقو يتضاربو فياض وجواد💪🏻جو جارين احمد ويامن ويوسف وعلاء💪🏻 علاء قال لي أحمد شيل سند ويزن وادخل جوا انت وجوري
احمد ساق يزن وشال سند ورجع البيت هو وجوري والشمار حارقو😹 خشا جوا فتا ليهم الشمار قال ليهم برا في سماحه بنيه بين تلاته شباب كدا وجواد ومعاهو علاء ويامن ويوسف والوضع جوا اتوتر شديد بسبب احمد😹
نرجع للبنيه😹💪🏻
جواد د دق فياض دق العيش وانتقم فيهو حق اختو وكان ح يقتلو لو م علاء مسكو وبهناك يوسف وعلاء ويامن دقو جاسر وعروه😹 دقه مظبوطه ووقفوا لكن جواد كان فاقد السيطره على نفسو ضرب فياض دا لمن جسمو كلو بقا دم وبضرب فيهو وعيونو دي الشرار بسس ويقول ليه:
بتلعب بي اختي انا بي عرضي اخترت البت الغلط المره دي انت اخترت الغلط وانا ح اندمك على غلطك وح اشيل حق بنات الناس الدمرتهم كلهم منك بتحاول تقرب من اختي اختي انا بس غير الكلام دا م كان بقول كل مره يزيد في الضرب ودموعو جرت💔 تسوق اختي انا شقه ي كلب ح اقتلك الليله ح اقتلك لمن علاء انتبه ليهو جا مسكو منو حاول يتفك من علاء وفعلا اتفك منو كم مره ويقع ضرب في فياض لمن خلاص قرب يمووت عديل والناس ديل في الشارع اتلمو كلهم لكن زول واحد قدر يتدخل مااف كلهم كانو خايفين من رده فعل جواد لانو كان معصب شديد وم شايف قدامو عروه وجاسر ديل لمن خاافو وحاولو يزوقو بس جواد مسك ليك جاسر من قميصو ورا ودقاهو بعد الدقه الجاتو من علاء ويامن ويوسف دقاهو هو وبعدو قبل على عروه وتفا ليهم في وشهم عشان تاني لمن تجو تلعبو بي بنات الناس تفكرو كويس وفي البنات تكون اختي انا وتاني رجع لي فياض لمن مسكو علاء ويوسف دخلو جواا ويامن سااق ديلك بعربيتهم الجو بيها وقفهم قدام المستشفى لانو فياض بالذات حالتو كانت كعبه شديد
جواد بقا يبكي زي الطفل خلوني اقتلو خلوني وداير يطلع علاء قال ليه اهدا شويه بسس وجابو ليه مويه بارده حلف م يشرب لمن علاء شربو ليها بي يدو حتى مسك الكبايه شرب وغسل بالباقي وشو
وبقو قاعدين علاء ويوسف وجواد في الغرفه
ع: خلاص ياااخ الولد اخد حقو وزياده انسى الموضوع
ج: انسى؟؟ انسى كيف يااخ دا عرضي انت م عارف عمل شنوو شوه سمعت اختي منو اسي ال ح يقبل يتزوجها منوو💔
ع: اولاد الحلال كتاار والله
ج: يااخ فبرك صورها ونشرها ودموعو تاني جرت💔 شوه لي سمعه اختى طعني في عرضي مااف زول بعد يشوف الصور بصدق انها نقيه وطاهره ويقبل بيها دمر ليها مستقبلها💔
ي: انا مصدق انها نقيه وطاهره وطالبها منك على سنة الله ورسوله
جواد حضن يوسف ودموعو لسه جاريه وقال ليه:
وانا اديتك ي صحبي واثق منك انك م ح تزلها بي ماضيها ولا تعايرها بيهو اديتك ليها واديتك قطعه من قلبي والله💔
علاء ابتسم وقال ليه الف مبروك ي عريس😹🤍
وبارك لي جواد وبي موقف من يوسف قدر يقيف مع صحبو وينسي وجعو لانو كان مكسور شديددد💔
جوري كانت تبكي شديد وامها حاضناها عليها وتوسل تلطف في الجو كانو خايفين جوري يجيها انهيار عصبي تاني بس جو داخلين جواد وعلاء ويوسف وكلهم بقو منتظرينهم يحكو جواد كان مضروب في خشمو وفيها حتت دم جوري من شافتو قامت عليهو وحضنتو وبقت تبكي
جواد: اششششش( دي كدا بسكت فيها فهمتو🌚) خلاص م تبكي انا مش قلت ليك اخوك رجع م تخافي ووعدتك اجيب ليك حقك خلاص اسكتي وكان بمشي يدو في راسها♥️
جوري: يااريت لو كنت قاعد من زماان م كان د كلو حصل م كان قدر يكسرني م كان شوه سمعتي ولا كان دمر مستقبلي ياريتك لو كنت قاعد ي ضهري وسندي😭
جواد: خلاص انا اسي قاعد ودا كلو فات وانتها وتانى راجل ود حرام بقرب منك مااف وانتى نقيه وطاهره وكلنا عارفين كدا م تبكي ومستقبلك م اتدمر يقلب عندي ليك عريس كسسسسااار😉
جوري بقت تضحك ودموعها جاريه وقشت دموعها وقالت ليه كسااار عديل😹
جواد: عدييل والله😹
يوسف يتبسم سااي😹 والناس تضحك قايلين جواد بهظر عشان يضحك اختو بس😹
جوري: لو كساار زي م بتقول مواافقه🤣🤣
جواد: بس خلاص م تنطي بعدين انا اسي جيت اشوف رايك انت وست الحريم دي وعاين لي امو
جوري بقت عامله كدا😐 لمن لقت الموضوع جادي😹 امو قالت ليه تشوفنا في شنو ي جواد؟
جواد: والله ي ستهم يوسف صحبي طلب جوري على سنه الله ورسوله وانا اديتو وجيت اشوف رأي عروسنا وغمز ليها😉 ورأيك
امو جواد دي فرحت فرح وقامت على حيلها زغرتت😹 وقالت ليه انا موافقه وجوري دي بقت بكماء بسس ولا كلمه م قالتها جواد قال ليهم السكوت علامة الرضا وجوري بعرفها انا مكسره في يوسف ونضافتو من كنا في بريطانيا 🤣 حظك ي اختي تعرسي الكراش والله محظوظه😹
الناس دي بقو يضحكو ضحك😹
توسل دي زغرتت ودموعها نزلت وقالت لي يوسف اخيرا ح اشوفك عريس🥺♥️
يوسف قال ليها ااي دااير اجيب لي توسل صغيره كدا😉🤣
ضحكت وقالت ليه اللللف مبروك😭♥️
والفرحه كانت عامه الأجواء بعد الحزن الجاهم نط يوسف قال لي جواد:
انت ي زول انا م بعرس برااي والله😹
والداير يعرس معاك منو ي مان😹
منو غيرك😹 حرررم نرجع بريطانيا محننين يدينا الاتنين ولا م بتبراني😹
لالا بتحنن معاك م تشيل هم😹
والدبله تكون في اصبعك😹
خلاص ي مان بعرس اصلا انا من هناك كنت ناوي اخطب حتى ارجع😑
وطوالي قام على علاء وقال ليه داير سوما اختك على سنة الله ورسوله🙂وسوما والقاعدين بقو عاملين كدا😳
علاء قام على حيله وحضنو وقال ليه *م رأينا فيك من سوء* ♥️
جواد ابتسم ليه وربت على كتفو وجات امو باركت ليه ودموعها في عيونها🥺 ومرت لحظات مؤثره جدااااا🥺♥️
جا قعد جنب جوري اتخيلي نعرس سوا انا وانتي في يوم واحد 😩
وربا🙂
ربا منوو؟
جوااد😒
م ح اقدر اعاين فيها تاني لانو كل م اعاين ليها ح اتذكر فياض وح اتذكر العملو بعدين الله يسألك لو خيروك يكون خال اولادك فياض ولا علاء بتختاري منو فيهم😒
ج: بختار علاء وانا مغمضه😹♥️ (لم تكون واحد كلب زي فياض حتى اختك ممكن تدفع التمن وتفقد البحبها والبتحبو بسبب عمايلك ولم تكون واحد عسسل زي علاء اختك في مكانها بجيها ود الحلال البصونها ولو قلت الدخل د في د شنو اوريكم الدخلو شنو انو انت تعاملك في الشارع بعكس تربيتك وتربيتك وتربية اختك واحد واكيد لو كان الأخ ملتزم وفاهم بالطريقه دي اختو م ح تكون اقل منو ف كل الرجال بكونو دايرنها عشان تربيه اخوها البتعكس تربيه اختو فاهمني انتو؟)
جواد قال ليها يبقى خلاص قفلنا واخترنا علاء خال لي اولادي كان يطلعو زيو😹 لكن بيني وبينك كدا رايك شنو في يوسف😉
جوري قعدت تضحك اسي كنت دايره أرفض بس انتو ضغطتو عليي😔
ج: على هامان ي فرعون😹 قال أرفض قال انتي طايره من الفرح خلي كنت دايره ارفض😹
قطعت ونستهم توسل انتبهو انتبهو يجماعه وكلهم قبلو عليها😹
انا عندي ليكم خبرين سمحات
كلهم بقو يضحكو اها فرحينا ي السمحه
عاينت لي علاء وقالت الخبر الأول انو اسيل في الطريق🙈
علاء قام من مكانو وقال ليها جااده ي توسل ولا بتهظري🥺
لا جااده والله🙈
ضماها عليه قدام الناس وقال ليها ربنا عوضنا ي توسل الحمدلله عوضو سمح شديد🥺 ان شاءالله ربنا يكتب لي عمر اشوفها واشيلها واكبرها واسعدها واعرس ليها هي وسندد😭
ان شاءالله يارب 😭♥️
كلهم باركو ليها بالدور🥺♥️ بس اكتر ناس اتأثرو علاء ويوسف وابوها🥺♥️ ويزن دا ينطط من الفرح😹
جوري قالت ليه فرحان كدا مالك😹
يزن: اثيل مرتي داايه💃🏻
ج: مررتك عديل😹
ي: ااااي والله
ج: غااايتو شفع الزمن😹 يحضرنا زمنكم الله😹
قعدو يضحكو على كلامها😹
قبلو على توسل اها والخبر التاني
ت: الخبر التاني عند علاء😹
علاء وقف وقال ليهم احم احم😹 قعدو يضحكو😹
ع: طبعا ي جماعه وقبل على جواد ويوسف العمر م معروف والزمن م في يدنا وانتو اصلا اجازتكم ٤٥ يوم بسس فشنوو نحن دايرين نفرح بيكم سريع سريع😹
ي: والله انا م عندي مشكله
ج: لو انتو موافقين انا زاتي م عندي مشكله😹
ع: معناها من بكره تمشو السوق وتبدو تجهزو حاجات العرس لانو انا بالجد نفسي اشوف اختي عروس🥺
اتفقوا انو الخطوبه بعد اسبوع والعقد بعد شهر وهم اصلا باقي ليهم سنه يرجعو بريطانيا يكملوها ويجو يتمو العرس💃🏻♥️
بهناك مشكاة علاقتها اتصلحت مع اخوها وورتو بزواج جواد وسوما فرح شديد في الأول بس صدمتو بزواج جوري ويوسف💔 قال ليها الف مبروك ليهم وربنا يسعدهم ان شاءالله وقفل الخط منها وبعد قفل دموعو جرت💔
خ: انا غلطان انا كان اقول لي جواد انا دايرها قبل يوسف م كان اخليها بالساهل كدا💔 كان احاول عشانها ولو مره بحبها شديد انا وم بقدر اعيش من غيرها ي رب ي الله م تحرمني منها انا ح اقول لي جواد انا دايرها والبحصل يحصل وشال التلفون اتصل على جواد
ألوو
هلا بالغلا
كيفك ي صحبي
كويس انا بس انت كويس؟ صوتك مالو؟
م عارف اقول ليك شنو ي صحبي بس انا والله بحب جوري من زمان ي جواد واسي كنت عايز اطلبها منك بس سمعت انو يوسف قال دايرها💔
ج: د كلام شنوو ي مان والله انا م عارف اقول ليك شنوو يوسف طلبها مني قدام الناس وانا اديتو وهي موافقه عليهو م عارف اقول ليك شنوو انت صحبي ويوسف صحبي والاتنين ماف فرق بينكم والله اقول ليك شي نشوف العايزاهو جوري شنو ومنو فيكم ولو قالت انت انا م عندي مشكله ولو قالت يوسف انت لازم...
خالد قطع كلامو وقال ليه ح أتفهم والله انت شوف جوري وارجع لي باقي الليل دا
عديله
طيب يلا
جواد قفل منو ومسك راسو في حيره م داير يخسر واحد من ا