رواية لأنها توسل
الفصل الخامس 5
بقلم سوسو تويكس
رجعتا البيت منهارة بي كلو لقيت اتصال من فطوم حكيت ليها كل شي ربع ساعه ولقيتها في بيتنا بعد تمينا بكيتنا سالتني: توتا عندك رقمو،،، توسل:وقت كان اتصل لي عشان ارجع الشركة لي؟،، ولا اتفاهمت معاي طوالي شالت التلفون هي اصلا عارفه الباسويرد لقت مسجلا بالبغل😂 اتصلت سبت ليهو ما خلت زول من سلالتو وبعداك فصلت فيهو الخط عرفتو لي بعشقها♥️🌚 ،،،وجات رقتد في سريري،، توسل:احساس انك بايته معانا،،فطوم:احساس اني ما محتاجه اذنك عشان ابيت،، يخ فرحتا شديد اصلا هي بيتهم قريب من بيتنا، قضيناها ونسه او الاصح هي حاولت تشغل تفكيري مر اليوم الأول بدون تفاصيل تذكر واليوم التاني كان العقد ومختصر شديد رفضتا اعمل اي شي بعد تعب وافقت البس توب كان توب رقيق لامع بيجي مدرج بالبني،، زي الضهر كده سمعنا صوت الرصاص عرفتهم عقدو بقيت ابكي على حالي التغير وعرس الرخصة ده في العاده البت بتبكي من الفرح صاح؟، جات امي ونسوان أعمامي وبناتهم باركو لي وهم ببكو ومفكرني ببكي حالي حال اي بت بعد شويه سمعتا زغاريد وابشر يا عريس قلبي اتقبض من الألم والخوف في نفس الوقت بنات أعمامي طلعو وغطوم اثناء ما مارقه اتلاقت معاهو في الباب حمرت ليهو وطلعت اما هو كل العمل جا كراني من يدي زي البهيمة وطلعنا اتكلمت مع نفسي:يعني متخيله يقول ليك مبروك علينا اصحى واوعي للواقع😰،، رفض يقعد للجرتق وما خلاني اشيل شنطة هدومي قال ليهم هناك حاجتها جاهزة،،، جا معاهو اخوه وصحبو ده الشي العرفتو واعتذر انو ناس امو ما قدرو يجو لأنهم عندهم ظرف عرفتو كذاب ما كلم ناس امو هو اصلا ما معتبرو زواج عشان يكلمهم وسط حزني وقهري وغضبي منو بس برضو لابده من الانبرااااش🙂، كان لابس (جلابيه بيضة والشال لفحووو في الكتف يا وليد الناس❤️) يخ طلع قمر سبعطاااش🤤 +عطرو البدروخ داك بنات أعمامي جد انبرشو فيهو والواحد تجي تبارك مرتين وتلاته😂 عشان تمسك يدو وتشوف وجنتو الحفرة ديك وقت يبتسم احيي انا 🤤عارفه ما وقت بس لابد من الانبرااش يا جماعه🌚 وقت مسك يدي وجينا طالعين جسمي لمن هبط ويديني بقو تلج بس (وقليبي دقاتو دقاتو زايده شديد😂) انا عارفه الشعور ده شنو بس اقنعتا نفسي انو اول مرة راجل غريب يمسك يدي وكده وصلنا الشقه وخلقتو اتغيرت 360درجه فتح باب الشقه وكانت عبارة عن كوشه جحر الضب انضف منها،، غيث:*******،،، توسل:بس اتفاقنا ما كان كده😳