![](https://blogger.googleusercontent.com/img/b/R29vZ2xl/AVvXsEhmL4rRiidw8P0AZMHDdamEZIQNOWmCPkfI_I5Crk-Aq-b8vDtP63Gi0QqUHaCrzIvOe3sjhwFom_MTXd9_6okM9qLg4ZWeMbnFSBe1XgpcIdkdtAaBA1-M0sJaDsibYFcJOxe5L7jNjTQ7yGXlbghndOz4iOH3y7j5dd9HEmnh7Tgj1cO2QgEbZ0ygGEFo/s320-rw/FB_IMG_1715283058049.jpg)
رواية حلم واقع الفصل الحادي عشر11والثانى عشر12بقلم رانيا عماره
تيم:بصي ياست انتي ده الكارت بتاعي.. هاتيلي رقمك
سميه:انا مبفهمش ف المحمول والكلام ده
تيم:انا هعمل كل حاجه
وخد رقمها وادالها رقمه ووقفلها تاكسي ودفع فلوسه ومشيت هي وابنها وهو ماشي لقي حته ارض كأنها مهجوره بيبص لقي الشيخ الـ قابلوه قبل كده في المقابر كان بيبصله بـ نظرات غريبه ومشي بس تيم فضل ماشي وراه
تيم:انا مش هسيبك المره دي!!! رد عليا.. انا بكلمك.. استني هنا بقولك
فـ لفله
الشيخ (بإبتسامه بارده) :ابعد عشان هتخسر كتير
تيم:انت بتقول ايه؟ اتكلم بقولك؟؟
الشيخ :عليك مس انت والانسه الـ معاك وعلي يدي
تيم(بإستغراب) :انا مش فاهم حاجة من الـ بتقوله فهمني
الشيخ :فلوس
وبيمد ايده لـ تيم
تيم:هديك كل الـ انت عايزوا بس تفهمني قصدك ايه بالظبط
الشيخ:تعالي ورايا
طبعا تيم كان رايح معاه وهو قلقان بس كان مضطر علشان يفهم لحد مادخلوا مكان غريب مليان شمع ونار وحاجات غريبه وقعدوا
تيم:عايز افهم؟
الشيخ :صبرك عليا انا عايز فلوس قبل اي حاجه
تيم:بس انا مش معايا دلوقت
الشيخ :اتصرف
تيم:طيب هرجعلك تاني
ورجع البيت عند جدته
عند فتحي ورجالته
نور(بعياط) :فكني بقي فكني انا عايزه اروح
حماده :قولتلك المعلم فتحي يطير رقبتي انتي ايه غبيه مابتفهميش
نور(بعياط) :خلاص
وبدأت تفكر وبعد ٥ دقايق
نور(بإبتسامه) :انا موافقه اتجوزك
حماده :ده بجد الكلام ده ولا انا بيتهيئلي
نور(بإبتسامه) :ايوه انا موافقه اتجوزك فكني
حماده :هفكك بس هربطك تاني
نور(بإبتسامه) :ماشي فكني
وفكها
نور:شكرا
حماده(بيقرب منها) :تعالي
وبيشدها
نور(بتوتر) :هعملك كل الـ انت عايزوا بس اديني فرصه عايزه اهدي الأول
حماده :وبعدين في ام الليله دي ماتنجزي
نور:معلش ممكن بس كوبايه مايه
حماده:طيب اما نشوف اخرتها ايه معاكي
وخرج وقفل الباب عليها فـ استخبيت في مكان صعب حد يوصله ولا ياخد باله فـ جه وملقهاش
حماده:جيبتلك المايه ع الله نخلص ايه ده انتي روحتي فين؟
َورمي المايه وفضل يدور ومش لاقيها وهي كاتمه نفسها وجسمها بيترعش
حماده :يامعلم فتحي... يامعلم فتحي الحق البت هربت مننا
فتحي(بعصبيه) :يانهارك مش فايت هربت ازاي ياغبي؟؟ هو انا مش قولتلك تاخد بالك منها؟؟؟
حماده:يامعلم انت قولتلي نفذ وانا فكيتها علشان انفذ لقيتها بتقولي هاتلي كوبايه مايه روحت اجيبها ورجعت ملقيتهاش
فتحي(بعصبيه) :علشان غبي بتفكها ليه؟؟ لنا قولتلك تفكها؟؟ بتتصرف من دماغك ليه هتودينا في ٦٠ داهيه
حماده :الـ حصل حصل خلينا نتصرف يامعلم البت زمانها في طريقها للحكومه وهتحكيلهم على كل الـ حصل وهيعرفوا المكان
فتحي(بعصبيه) :هو انا مشغل عندي شويه حمير وبقر ولا ايه؟؟ مش عارفين تشتغلوا يبقى هوونا وكل واحد يترزع ف بيته ايه ده
وراح زاقق الكرسي بـ رجله من كتر العصبيه وراح ماسك في حماده بكل عصبيه
فتحي(بيجز علي اسنانه) :روح بلغ بقيت الرجاله يغيروا المكان وانقلوا الحاجه ١٠ دقايق بالظبط ويكون كله متشال فاهم ولالا؟؟؟
حماده (بخوف) :حا... حاضر حاضر هروح اهو
فـ سابه وكانت دماغه هتنفجر من كتر التفكير
نيجي بقي لـ أهل نور كانت امها مش بتبطل عياط وابوها بيقطم في امها وبيلومها دايما
مامت نور(بعياط) :ياعيني عليكي يانور ياحبيبتي كان مالنا ومال كل الـ بيحصل ده انا الـ غلطانه اني سيبتك تخرجي كان زمانك قاعده في البيت وفي حضننا هموت عليكي ارجعي بقي
أبو نور(بزعيق) :عاجبك كل الـ بيحصل ده لا وايه مشاركه البنت في الجريمه عايزه اخرج ياماما وماله اخرجي ياحبيبتي وانا هنا قرطاس مش داري بالـ بيحصل
مامت نور(بعياط) :كفاياك تقطيم فيا انا تعبت يامحمد ارحمني انت مابترحمش
أبو نور:وانتي كنتي رحمتيني ده انتي سبب كل الـ حصل ده
مامت نور(بتقوم وبتزعق) :انا هروح بيت اهلي شكلك زودتها واوعي تنسي ان المسئوليه عليا انا بس احنا بالنص وزي ماهي ليها فيا فـ ليها فيك انت كمان
ابو نور:اتفضلي انتي هتهدديني ولا ايه
مامت نور: واهدد ليه انا همشي واروح بيت ابويا وكلهم هيعرفوا ازاي يقفوا جنبي كويس
ابو نور(بزعيق) :مع الف سلامه انتي هتلوي دراعي ولا ايه لا عاش ولا كان الـ يلوي دراعي انتي متعرفيش انا مين ولا ايه؟
عند تيم كان راح بيت جدته
جده تيم :ايه يابني خلصت؟
تيم:ايوه بس عايز لين في مشوار
منال:طيب بقولك ايه ياماما انا هاخد ريكو وهمشي كفايه كده
جده تيم:يابنتي ماتقعدي انتي مونساني
لين:طيب ثانيه ياتيم
منال:لا ياماما ياحبيبتي هروح بقي وهبقي اعدي عليكي في يوم تاني
جده تيم :خدي بالك من نفسك يابنتي
منال(بتبوسها) :حاضر اشوفك بخير
جده تيم:مع الف سلامه يابنتي
منال:الله يسلمك يلا يالين نمشي مع بعض
*خرج تيم من الأوضه بعد ماجاب الفلوس*
تيم:لا مش هينفع ياطنط منال مينفعش نبان احنا التلاته في نفس الصوره
لين:تيم عنده حق وغير كده ياماما لازم نغير السكن انا لو حد شافني كل حاجه هتتكشف
تيم:صح وكل حاجه عملناها هتضيع يبقي لازم تغيري السكن اقولك حل اتمني توافقي
منال:اتفضل ياتيم قول
تيم:حضرتك عايشه لواحدك وجدتي عايشه لواحدها وكده كده انا ولين عندنا شغل كتير الفتره دي ومش هنرجع الا آخر اليوم فـ بما ان كل واحد فيكم لواحده ايه رايكم ناخد شقه ٣ اوض وصاله؟
منال(بتبص لـ جده تيم) :فكره جميله اوي ياماما فعلا تيم عنده حق ايه رايك نعيش سوا
جده تيم:انا موافقه يابنتي هو انا اطول نعيش سوا وكل يوم اصحى علي وشك الجميل ده
منال(بتضحك) :حبيبتي ياماما ده انا مش هخليكي محتاجه حاجه ابدااا
تيم:طيب مادام موافقين قريب اوي هنشوف شقه
منال :مفيش مشكله
تيم:انا هخرج وخليكي انتي ياطنط استني شويه متخرجيش عالطول
منال:ماشي يابني خدوا بالكم من نفسكم خدي بالك من نفسك يالين وابقي ارجعي علي هناك
لين:حاضر ياماما
وبتحضنها ومشوا
لين:ممكن اعرف احنا رايحين فين
تيم:الشيخ الـ شوفناه هنروحله انا مقدر الحاله المرضيه الـ انتي فيها بس حاجه زي دي مينفعش تتأجل
لين:وهنروحله ليه؟ انا مش فاهمه حاجه؟
تيم:هتفهمي كل حاجه
ولما وصلوا اول حاجه عملها تيم انه دفع فلوس للشيخ
الشيخ :كده نبدأ علي رواقه ونتكلم ب قلب جامد ماجده عملالكم عمل من وانتوا قد كده
تيم(مش مقتنع) :ايه التخاريف الـ بتقولها دي
لين:استني ياتيم نفهم الأول يعني ايه عاملالنا عمل من واحنا قد كده مش فاهمه؟
الشيخ:ماجده مرات ابوك الله يرحمه ياتيم، وماجده تبقي اخت ابوكي الـ مطلعش ابوكي جمعتكم لهدف واحد
لين وتيم:ايه هو؟
الشيخ :تجميع وتقابل ثم موت
لين:لاااا لالالا انت بتهزر
الشيخ :ههزر ليه؟ ده شغلي يااستاذه لين وهي عملت كده علشان تحرق قلب كل واحد فيكم
تيم:اسمع كويس انا هدفعلك اي مبلغ تحتاجه بس تفكهولنا
الشيخ :وانا من ايدي دي لـ ايدي دي
راح تيم مطلع فلوس من جيبه وادهاله
الشيخ :كده تمام التمام هدلكم علي مكانه وتجيبوه وترجعولي وكل شئ هينتهي
لين(بعياط) :اعمل اي حاجه اتصرف انا مش هقدر استحمل كل الـ بيحصل ده مش هقدر
تيم:اهدي يالين.. فين مكانه؟؟
عند نور استنيت اول مامشوا وراحت ناطه ع الارض رجليها اتجرحت جرح كبير
نور(بتتوجع) :اااه اااه رجلي ااه
وقامت بصعوبه وبدأت تجري لحد مادخلت وسط اراضي زراعيه وفضلت تجري لحد ماطلعت علي الطريق وشاورت لـ ميكروباص
نور:ارجوك وصلني انا في مشكله كبيره محتاجه مساعده
السواق:اركبي انتي زي بنتي
وركبت وكان في ناس كتير غيرها والمكان أمان
السواق :يلا ياخوانا كل واحد يطلع الأجره
نور: من فضلك انا مش معايا فلوس وفي مشكله ومحتاجه ارجع بيتي في اقرب وقت
الست:علي عيني بس الفلوس ال معايا يادوب تكفيني
نور:خلاص متشكره
نور(في سرها) :معقول كل ده حصلي انا كان جرالي ايه لما اتهددت وبرضه عملت الـ ف دماغي مكنش ينفع اكمل كان لازم اخاف علي نفسي بابا كان عنده حق لما منعني اروح وف نفس الوقت ماما ملهاش زنب هي كانت عايزه تراضيني وتريحني.. انا كل الـ يهمني دلوقت ارجع بيتي وانام علي سريري عايزه اعيش في أمان كفايه جري ورا المشاكل لازم احافظ على نفسي
عند ماجده وبنتها حنان في الصاله
ماجده :اما قوليلي مبسوطه بالبيت الـ جوزك جايبهولك ده
حنان:مبسوطه ايه ده بيت زي الزفت بدل مايجيبلي فيلا زي عبير ماالاخ ده هيجيبلها اهو رضينا بالهم والهم مرضيش بينا
ماجده: وهو ده حيلته اللضي ده مقشفر من كل حته ده انا مستغربه ازاي جابلك السلسله دي وهيجيب فلوسها منين ده منحوس
حنان :اهو جاله قرشين من الشركه الجديده بس انتي فكرك اني هرحمه ده انا هخليه زي الخاتم في صباعي
ماجده :تربيه امك جدعه ياحنان اوعي تخليه يحس انه حاجه عليكي ده انتي يابت كان يطول يتجوزك
حنان:الله هو مش من كام ساعه كان هو انتي كنتي طايله حد يتجوزك كلامك اتغير ليه
عند تيم ولين بعد ماخرجوا من عند الدجال الـ بيتدعي انه شيخ كان الجو ليل ولازم يرجعوا علي الشركه في اقرب وقت
لين:هنروح فين دلوقت؟
تيم:خلاص آخر حاجه هنعدي على الشركه نثبت انك جيتي معايا وهروحك ترتاحي ونستحمل يومين الدنيا مش هتطير لو استنينا
لين:مينفعش ياتيم كل يوم بيضيع مش لـ مصلحتنا لو يوم عدي وصاحب الشركه سحبها مننا في الوقت المحدد هنتصرف ازاي ساعتها
تيم:هي فعلا مشكله بس مجاتش من يوم يا لين اهم حاجه ترتاحي
لين(بإبتسامه) :انا مرتاحه
تيم(بإبتسامه) :يلا بينا
وراحوا الشركه وطبعا كان ياسر بيسمع كل كلمه ماجده وبنتها بيقولوها
تيم:مساء الخير
ياسر:مساء النور ها عملتوا ايه طمنوني؟
تيم(بيقعد) :خدت الست سميه وروحنا عملنا تحليل الـ DNA لإبنها بس المشكله في حاجه لازم عينه من فتحي وإلا مش هنعرف
ياسر :طيب انا عارف هنعمل ايه
فـ اتصل ب جوز حنان وجاله
تيم:انت هتروح لـ مراتك وتقولها انك عايز تشتغل شغل جديد وانك سيبت الشغل في الشركه
جوز حنان: وبعدين اعمل ايه تاني
تيم :وقولها انك عايز تشتغل مع خالها فتحي بس خد بالك الا تقع بالكلام
جوز حنان:عيب عليك متقلقش عليا ده انا جامد واسد في اي مكان وف اي وقت
ياسر:هنشوف اذا كان كلامك بجد ولا مجرد كلمتين بتريحنا بيهم
جوز حنان :عيب عليكم انتوا شكلكم متعرفونيش
تيم:عارف هتعمل ايه بعد كده ولا هتودينا في داهيه؟
جوز حنان :عيب عليك هعمل ايه
تيم: واضح.. الباقي كله هقولك عليه بعدين
لين:وهو هيرضي يشغله بعد الضرب الـ اداهوله
ياسر :يتمسكن لحد مايتمكن
تيم:تمام طيب انا هوصل دينا اشوفكم بكرا
ياسر :يلا سلام خد بالك من الطريق هاا
تيم(بيضحك) :ماتتعدل هو انا عيل صغير
عند نور كان الميكروباص وصل وكل الناس دفعت الا هي وكانت محرجه من السواق
نور(بتوتر) :لو سمحت انا مش معايا فلوس
السواق :اتكلي علي الله احنا عندنا بنات ربنا يسترها معاكم ومعانا
نور(بتوتر) :متشكره جدا عمري ماهنسي الـ حضرتك عملته طيب حضرتك مسامحني؟
السواق :مسامحك فيهم يلا الليل هل
نور:شكرا
ومشيت ووقفت تاكسي
ولما وصل بيها
نور :ممكن تستني هنا ٥ دقايق هطلع اجيب الفلوس وانزلك
السواق:طيب
وطلعت وفضلت تخبط علي الباب وهي كلها تعب لحد ماابوها فتح
ابو نور:نور!!!! انتي رجعتي ازاي؟؟ ادخلي
ونور اترميت في حضن ابوها وفضلت تعيط
نور(بعياط) :حقكم علياا انا الـ عملت ف نفسي كل ده كان عندك حق لما قولتلي ملكيش دعوه بمشاكل لين وطنط منال انا غلطانه يابابا
ابو نور:خلاص يانور متعيطيش اللهم لك الحمد والشكر اللهم لك الحمد انا مش مصدق انك رجعتي
وخدها ودخلها اوضتها
نور(بحزن) :انزل يابابا ودي الفلوس لـ التاكسي الـ وصلني
ابو نور:هنزل وهرجعلك تحكيلي كل حاجه
نور(بحزن) :حاضر
عند لين وتيم كانوا وصلوا
تيم:اطلعي وخدي بالك من نفسك
لين(بإبتسامه) :وانت كمان ياتيم اشوفك بكرا علي خير
تيم(بإبتسامه حب) :ان شاء الله
وفضل مستنيها تطلع لحد مااتأكد انها وصلت ولما لين طلعت وقفت تبص عليه من شباك أوضه مامتها منال
منال:انتي رجعتي يالين
لين:ايوه ياحبيبتي
منال:مالك شكلك مرهقه كده ليه
لين:لا ابدا مفيش
منال:بتخبي علي مامتك برضه تعالي بس اقعدي واحكيلي كل حاجه
وقعدوا
منال:مالك بقي احكيلي
لين:تعبانه اووي ياماما
منال(بتحضنها) :تعالي في حضن امك ياحبيبتي احكيلي حصلك ايه
لين:وقعت امبارح من تيم وكنا في المستشفى
منال (بصدمه) :وازاي متقوليليش يعني كنتوا بتضحكوا عليا وبتشتغلوني؟؟
لين:لا ياماما احنا خوفنا عليكي
منال:يابنتي حرام عليكي انا مليش غيرك في الدنيا مش عايزه حاجه قد كده تمسك وتتعبك
لين:متقلقيش عليا انا بخير
منال:ايه رايك تغيري هدومك واحكيلك حكايه زي زمان؟
لين:ياريت وحشني النوم في حضنك
منال:حبيبه قلبي ربنا ميحرمنيش منك
عند جوز حنان كان رجع متأخر وراح رازع الباب وراه وكان شايط من حنان بعد كل الـ سمعه
حنان:ايه ده انت جيت
جوز حنان :لا ياختي مجيتش
فـ افتكر ياسر لما قاله
(((جوز حنان :بتستغفليني يابنت ماجده طب وديني لأعلمك الادب
ياسر:ادب ايه اهدي علي نفسك احنا هنتكشف لو اتكلمت نص كلمه اي حاجه تسمعها هنا كأنك متعرفهاش واياك تبين اي حاجه)))
جوز حنان :اما عاملالنا ايه ياحنون
حنان:معملتش اكل
جوز حنان :ليه ده انا حتي بعشق الاكل الـ من ايديكي بحس انه له طعم على غير العاده
حنان:تسلم ياخويا ايه الكلام الملزق ده
جوز حنان :برضه هو كلام حلو مش عاجب كلام وحش مش عاجب قوليلي يعجبك ايه؟
حنان:مبيعجبنيش اما فين الفلوس
جوز حنان :انا اتطردت من الشركه ياحنان
الفصل الثاني عشر
جوز حنان :برضه هو كلام حلو مش عاجب كلام وحش مش عاجب قوليلي يعجبك ايه؟
حنان:مبيعجبنيش اما فين الفلوس
جوز حنان :انا اتطردت من الشركه ياحنان
حنان (بزعيق) :اتطردت ليه هو انت لحقت ولا كل شويه انا رايح ياحنان الشركه انا راجع ياحنان من الشركه ده انا هصيغك دهب من الايد دي للإيد دي فين كل ده؟
(وحاطه إيديها في جنبها ورافعه حواجبها)
جوز حنان:مانتي لو تصبري ياحنان هأكلك الشهد كله بس عايزك تكلمي خالك فتحي يشغلني معاه
حنان:اااااه لا بقولك ايه انسي خالي.. خالي فتحي مش هيشغلك
جوز حنان :اسمعي الكلام يابت ياحنان ده انا بحبكم اوي حتي وعايز اشتغل مع خالك وابقي ضهره وسري معاه
حنان(بتريقه) :بتحبنا ومن امتي الحب ده
جوز حنان :ماالـ يحب حد ياحنان يحب اي حد من طرفه وانا بحب خالك فتحي اوي اوي
حنان:خلاص بكرا هكلمهولك بس اوعي تكسفني
جوز حنان:ده انا هشرفك تقوليلي اكسفك، انا داخل اعمل الاكل
حنان(بإستغراب) :وانت من أمتي بتعمل الاكل
جوز حنان :من النهارده ياحنون ده انا عايز اريحك حتى من شغل المطبخ
حنان(في سرها) :غريبه يعني
عند لين كانت نايمه في حضن مامتها ومنال بتحرك ايديها على شعرها
منال(بإبتسامه):كان في بنت اسمها لين..كانت لسه بيبي صغيره ومامتها فرحت بيها اووي اووي كانت عالطول بتشيلها وتفضل تلعب معاها هي وباباها ولما دخلت المدرسه كانت الفرحه مش سيعاهم فضلت تكبر تكبر قدام عينيها لحد مامتها اتجوزت واحد تاني ودخلت الجامعه ومامتها كانت فرحانه بيها اوي وكانت مستنيه تشوفها مع الـ يستاهلها بس كانت خايفه لـ يحصل معاها زي ماحصل مع مامتها وفي يوم سابتها لواحدها ومشيت وجه راجل ربنا لا يوفقه ولا يسامحه اذاها اذي جامد وساب اذي كبير جواها مابقتش قادره تبص في عيون الناس زي زمان وبقي جواها شئ مكسور
(ويدأت تعيط فـ لين صحيت)
لين:ماما انتي بتعيطي ليه؟
منال(بتمسح دموعها) :لا ياحبيبتي ولا بعيط ولا حاجه كملي نومك
لين (بتحضن منال) :انا عارفه بتعيطي ليه وانا وعدتك ان حقك هيرجعلك وهيرجع ياماما
منال(بدموع) :خايفه عليكي اوي
لين: متخافيش مفيش حاجه هتحصل
منال:طيب ياحبيبتي يلا ننام
لين(بإبتسامه) :يلا
--------تـانـي يــوم--------
صحي تيم من النوم وجنبه الموبايل وبعت مسدج لـ لين
تيم:صباح الخير يا لين، خليكي في البيت النهارده لحد ماتخفي وتقومي بالسلامه
وقام دخل التويلت وغسل وشه وكانت جدته بتحضر الفطار علي السفره
جده تيم: ايه ده انت صحيت، صباح الخير
تيم:صباح الخير ياتيته
وقعد علي السفره
جده تيم:يلا كل بسم الله، تعرف ياتيم انا فرحانه اوي اننا هنقعد مع منال حاسه انها هتونس وحدتي اوي خصوصا انك بتنزل وبتسيبني يابني وبفضل قاعده ملانه
تيم:ايوه ياتيته ده انسب حل خصوصا لازم نبعد عن المكان ده
جده تيم :بس انا مش عايزه ابيع الشقه دي انا عيشت فيها ذكريات كتير اوي
تيم: ومين قالك انها هتتباع بالعكس احنا هنقفلها كويس وحياتنا هتكون في مكان تاني وبعدين في مفاجأه انا محضرهالكم
جده تيم( بفرح) :مفاجأه ايه دي؟
تيم(بيضحك) :هنسافر تركيا ياتيته وتعيشوا هناك خليكم بعيد عن المشاكل
جده تيم:هنعيش في تركيا بجد يابني؟؟
تيم:ايوه دي المفاجأه انا اعرف ناس هناك هنسافر كلنا ونظبط حياتنا بس انا و لين هنرجع
جده تيم:انا خايفه عليكم اوي ياتيم يابني ماتبعدوا نفسكم عن المشاكل دي
تيم:حق امي وحق طنط منال مش هيضيع لازم حقهم يرجع علشان انام مرتاح، انا مبعرفش انام الليل دماغي عماله تودي وتجيب عايز انتقم
جده تيم:ربنا بيخلص حقوق ناس عن طريق ناس تانيه انا مش هقدر استغني عنك ياتيم
تيم (بيبوس ايديها) :ومين قالك ياتيته انك هتستغني عني ده انتي هتعيشي في مكان تحفه شجر وورد وانا عارفك بتحبي الجو ده اوي وهيكون معاكي طنط منال ومفيش احسن من كده حياه
جده تيم:انت بصراحه شوقتني اروح هناك
تيم:يبقى خلاص هنبقي نجهز الباسبور ونسافر
صحيت لين وكانت مامتها لسه نايمه فـ باست ايديها ودخلت التويلت خدت الشاور وخرجت كانت لسه الساعه 10 وقالت تجهز الفطار وتريح منال
لين:انا اكيد بعرف اطبخ بس بقالي كتير مطبختش ولا عملت اي حاجه خايفه حاجه تبوظ مني
فـ منال صحيت
منال:انتي بتكلمي نفسك
لين(بتضحك) :لا ابداا ياماما ده قولت اجهزلك الفطار واريحك النهارده
منال(بتضحك) :ياعيني ياعيني معقول منال هترتاح النهارده
لين(بتضحك) :ايوه ياحبيبتي
منال:بس انتي تعبانه يا لين لا بصي ارتاحي النهارده وابقي ساعديني يوم تاني
لين: ياماما متبوظيش فرحتي انا حاسه ان روحي ردت اول ماوقفت في المطبخ
منال:طيب خلاص نساعد بعض
عند حنان اتصلت بـ خالها فتحي
حنان:ازيك ياخالي عامل ايه
فتحي:يااهلا ازيك يابنت اختي الغاليه
حنان:نحمد ربنا كنت عاوزاك في موضوع
فتحي:هه عايزاني ارزع جوزك العلقه التانيه ولا ايه اوعي يكون زعلك اقطم رقبته
حنان:لالاا ده هو واد غلبان وكان عايز يشتغل معاك وكان زعلان اوي اوي بيقولي انا بحب خالك فتحي بس خايف يرفضني
فتحي:ليه المحروس مش لاقي يشتغل
حنان:اه كان شغال في شركه وطردوه
فتحي: ما ليهم حق يابنت اختي يطردوه ده مخه مقفل ده الحمار بيفهم عنه هههه
حنان: ولازمته ايه الكلام ده ياخالي بس
فتحي:ايه الحلوه زعلت عشان جوزها بعد الـ عمله فيها بس واضح ان العلقه جابت نتيجه وعدلته
حنان:بصراحه اه بس هو عشمان فيك تشغله معاك ده عايز يبقي دراعك اليمين
فتحي:ابعتيهولي ياختي علي العنوان ده
وبعتلها العنوان الجديد
عند تيم كان وراه مشواريين ومينفعش ياخد لين معاه لانها تعبانه فـ راح يجيب التحليل وراح للمحامي
تيم:ده نتيجه التحليل المشكله كلها فـ فتحي هنجيبه ازاي
المحامي:انا قولتلك اتصرف ممكن تخدروه او تعملوا فيه اي حاجه المهم ناخد العينه بتاعته علشان نعرف هل ده ابنه ولالا
تيم:احنا بنفكر في فكره يارب تنفع
المحامي:واضح ان فتحي ده مش سهل
تيم :هو من ناحيه مش سهل فـ هو مش سهل هو واخته ماجده الاتنين عايزين يتعدموا في ميدان عام بعد كل المصايب الـ عملوها دي
المحامي:مسيرهم يقعوا مهما الواحد خد باله وخططلها مليون مره مسيره يقع
تيم:يااريت انا مستني فتحي يقع عايز ارتاح بعد الـ عملوه فـ أمي
عند لين بعد ماخلصت أكل هي ومنال
منال:تسلم ايديكي شاطره زي
لين:حبيبتي ياماما
وبتفتح موبايلها لقيت تيم باعتلها مسدج
تيم:صباح الخير يا لين، خليكي في البيت النهارده لحد ماتخفي وتقومي بالسلامه
لين:صباح النور لا مينفعش ياتيم ده شغل واحنا لازم نكون قده وانا اخدت مقويات لازم نخلص كل حاجه في اقرب وقت
تيم:انا لسه خارج من عند المحامي وهروح اطلع الـ اتفقنا عليه
لين:استني انا عايزه اجي
تيم :طيب ربع ساعه تكوني جهزتي هعدي عليكي
لين:حاضر مش هتأخر
منال:ايه رايحه فين
لين:هقوم اجهز علشان تيم هيعدي عليا ورانا شغل
منال:طيب خدي بالك من نفسك
لين:حاضر
ودخلت لبست وبعد ربع ساعه لقيت الباب بيخبط ومنال فتحت
منال:ازيك ياتيم اتفضل
تيم:شكرا ياطنط حضرتك عامله ايه
منال:بخير الحمدلله انت عامل ايه
تيم:الحمدلله
فـ لقوا لين خارجه من أوضتها
لين :انا جاهزه
منال:خدوا بالكم من نفسكم
لين وتيم:حاضر
وراحوا المكان الـ الدجال قالهم عليه وكان تيم معاه شنطه فيها اداه حاده يحفر بيها
تيم:تقريبا المكان الـ هناك ده
لين:عايزين نخلص بسرعه قبل ماحد يجي
تيم:طيب امسكي الشنطه
وقلع الشنطه وادهالها ونط من فوق السور وفضل واقفلها تحت فـ رميتله الشنطه وجات تنط فـ شدها ونزلها وراحوا المكان
تيم(بيحفر) :يارب يطلع هنا
لين(بتوطي) :هساعدك
وبدأو يحفروا لحد ماطلعوه وبيفتحوا الورقه كان كلها رسومات غريبه بالقلم الأحمر ومثلثات وطلاسم ومكتوب لين تحت وفوق خالص تيم حب وفراق وموت
لين(بعياط) :مش معقول لاا
تيم :متخافيش يالين هنحل المشكله دي
لين:انا عملتلها ايه ولا انت عملتلها ايه؟ يعني كل الأحلام دي كانت علشان نتجمع وبعد كده نتفرق
تيم:نتفرق لو فضل موجود انما هنوديه للراجل ده ونفكه
لين(بحزن) :تفتكر
تيم:طبعا افتكر كل حاجه ليها حلها.. يلا بينا
وراحوا للدجال
عند عبير في الشركه
عبير:صباح الخير
علي:صباح النور
عبير(بتقعد) :الطريق كان طويل يااه وزحمه اوي تعبت من التاكسي وسنينه
علي:وتاكسي ليه اول مانتجوز هجيبلك احلي عربيه بـ سواق
عبير(بطمع) :عربيه بس؟
علي:عربيه وفيلا وكل الـ تطلبيه هتلاقيه عندك
عبير:ميرسي ياعلي ده انا ناقصني حاجات كتير اوي
علي :ده دلوقت انما بعدين انسي كل ده انما تحبي نكتب الكتاب امتي؟
عبير:الـ تشوفه بس بيني وبينك مش عايزه اعزم خالتي وبناتها دول يطيقوا العما ولا يطيقونيش
علي(بقرف) :قولتلك مليون مره غيري طريقه كلامك دي ايه القرف الـ بتقوليه ده
عبير: قرف؟ جرا ايه ياعلي ماتسيبني اتكلم براحتي
علي:ياحبيبتي انتي هتبقي مرات مدير الشركه يعني لازم تغيري من طريقتك
عبير:ليه انت هتفضل مدير الشركه كتير؟
علي:نترقي شويه بـ شويه مش كله مره واحده
عبير:وفيها ايه لما تبقي رئيس الشركات دي كلها
علي:هيحصل بس كله في وقته
عبير:ياريت اما مشوفتش الحاج قبل كده يعني
علي:لا بابا مسافر مش فاضي لكل ده
عبير:طيب والدتك اخواتك اي حد ايه مفيش خالص؟
علي:بعد مانتجوز هعرفك عليهم لما نسافر برا
عبير:ايه ده هو كله عايش برا ولا ايه
علي:طبعاا احنا مش بنعيش في اي حته
عبير:غريبه بس الموظفين قلوا اوي الفتره الـ فاتت دي
علي:الـ عايز يمشي همسك فيه ليه كل واحد حر ولعلمك الموظفين لما بيقلوا بيبقي أفضل
عند تيم ولين راحوا للدجال
الدجال:عاوز فلوس
وبيمد ايده
تيم:يادي الفلوس الـ مش بتخلص دي هو انا كل مااجيلك هتاخد مني فلوس
الدجال:ده شغلنا ان كان عاجبك ولو مش عاجبك بقي شوف مين هيفكهولك خصوصا ان انا الـ عامله بـ ايديا دول
تيم:طيب هديك الفلوس بس تفكهولنا
الدجال:هات وانا انفذ
طلع الفلوس واداهاله
وخد منه الورقه وفضل يعمل فيها حاجات غريبه وف الأخر خالص حرقها
لين:كده خلاص؟؟
الدجال :خلاص وحذروا من ماجده
تيم: لو الست دي رجعتلك متسمعش كلامها
الدجال:الـ يدفع اكتر
تيم :خد فلوس تاني بس اسمع ومتطاوعهاش في اي كلمه
الدجال:كله تحت السيطره، يطاعوا
لين(بإستغراب) :هو بيقول ايه
تيم :سيبك من الـ بيقوله المهم اننا حلينا المشكله دي يلا بينا
الدجال:في حفظهم ورعايتهم
تيم(في سره) :ربنا يحرقك انت والـ معاك
الدجال:سمعتك
وخد لين وطلع برا
لين(بعصبيه) :كل الـ حصلنا ده بسبب ماجده وانت ايه ضمنك ياتيم ان الحقير الـ جوا ده فكه مايمكن خد الفلوس ومعملش اي حاجه
تيم:هنتأكد اذا كان نفذ الـ طلبناه ولالا المهم يلا بينا علي الشركه
عند حنان وجوزها كانوا رايحين لـ فتحي في مكانه الجديد وكان قاعد يشرب شيشه كالعاده
فتحي:ايه ده بنت اختي يااهلا نورتي
حنان:ازيك ياخالي
فتحي:فل الفل اقعدي انتي والمحروس الـ معاكي
جوز حنان:تسلم يامعلم فتحي
حنان(بتبصله) :اتكلم
جوز حنان: انما عدم اللمؤاخذه انا محرج منك يامعلم فتحي اصل انا جاي وكلي عشم كنت عايزك تشغلني معاك واكون ضهرك ده حتى الاقربون اولي بالمعروف
فتحي:بس ياض انت غبي ودماغك مقفله هتودينا في داهيه لو فضلت زي مانت
جوز حنان :وهو ال يشتغل معاك يامعلم فتحي هتبقي دماغه مقفله ده يبقي عين العقل
فتحي:تسلم شكلك اتعلمت من غلطك وانا احب الـ يتعلم من غلطه بيبقي في كافه والناس التانيه في كافه تانيه
جوز حنان :يبقى شغلني معاك وجرب
فتحي:انا الـ يشتغل معايا لازم تكون عينه في وسط راسه يعني مدردح وذكي
جوز حنان :وانا هفتح دماغي مخصوص عشانك
فتحي:الواد ده يعجبني طيب قد السر
جوز حنان :ده انا قده وقده كمان انت متعرفنيش انا الـ يعرفني سر يبقي في بير مالهوش نهايه
فتحي:حلو عجبني كلامك طب قوم يالا هز طولك كده ونضفلي المخزن
حنان:اسمع كلام خالي فتحي
جوز حنان :ده انا هخليهولك بيلمع
فتحي:منوره يابنت اختي
حنان:بنورك ياخالي
*عند نور *
كان اهلها كلهم جم اول ماعرفوا انها رجعت وطبعا حكيتلهم على كل حاجه
نور:انا حسيت بـ غلطي مكنش ينفع الـ انا عرضت نفسي له انا فعلا غلطانه
مامت نور:الحمدلله المهم انك رجعتي لـ حضننا بالسلامه بس اوعدينا ان مفيش لين تاني!!
نور:اوعدكم ان مفيش لين تاني
يدخل عمام نور
عم نور:خد بالك من بنتك يامحمد كفايه الـ حصلها
ابو نور :خلاص نور اتعلمت من غلطها ومش هتكرره بس لازم نطلع علي الشرطه ونبلغ ان نور رجعت
عم نور:قومي يانور البسي علشان ناخدك ونروح القسم
نور:حاضر
وطلعوا من اوضتها وسابوها تجهز وراحت مع ابوها وعمامها ومامتها
*هناك في القسم*
الظابط(في التليفون) :معقول نور رجعت؟ طيب دخلهم
ودخلوا جوا عنده
الظابط:حمدالله على السلامه اتفضلوا
ابو نور:نور رجعت امبارح ونجت بأعجوبه
مامت نور:اللهم لك الحمد والشكر
عم نور:الكلب الـ اسمه فتحي ده لازم يتقبض عليه
الظابط: احنا بنحاول نوصل لـ مكانه
ابو نور: ياريت في أقرب وقت انا مكنتش هستني لما بنتي تروح مني ده لولا انها هربت كان زمانها راحت مننا
الظابط :احنا لما اقتحمنا المكان القديم الـ فتحي كان فيه تبينلنا ان في حد عرف اننا في طريقنا ليهم فـ نقلوا المكان.. ممكن يانور تحكيلي الـ حصل؟
نور:انا بعد ماطلعت من عند المحامي لقيت ميكروباص ماشي جنب مني سحبوني وحطولي منوم محستش بنفسي غير وانا مربوطه في مكان ضلمه ولقيت فتحي خارج وبيضحك ومصمم يجوزني لواحد اسمه حماده وبعد يومين جه حماده وقولتله انا موافقه اتجوزك فكني ولما فكني قولتله عايزه كوبايه مايه خرج وقفل وراه وانا نطيت علي المواسير ومسكت فيها لحد ماطلعت في فتحه في السقف وفضلت ماسكه في المسامير الـ فيها كنت خايفه أقع بس لقيت حماده ده بيجري على فتحي برا ويقوله ان انا هربت وقاله لازم يغيروا المكان ولما مشوا نطيت ووقعت علي رجلي وهربت ورجعت البيت
الظابط: كتبت كل الـ هي قالته؟
_ايوه يافندم
الظابط :فتحي نهايته علي ايدينا قريب.. طيب متعرفيش المكان الـ نقلوا في فين؟
نور :للاسف مقالش اي حاجه
الظابط: تمام فين المكان الـ اتخطفتي فيه؟؟
عند جوز حنان وفتحي
جوز حنان :انا نضفتلك المخزن خليته زي القشطه مفيهوش هفوه تراب
فتحي(بعدم اهتمام) :جدع روح خد البضاعه الـ هناك دخلها جوا واوعي تنسي حاجه فيهم
جوز حنان:من عينيا
ودخل نقل الحاجه ولما طلع كان فتحي مشي ومفيش غير حماده ده الـ واقف
جوز حنان :ااه عطشان اووي ده الشغل ده متعب بطريقه اما بقولك يااستاذ...
حماده: اسمي حماده
جوز حنان :اللهي يسترك يااستاذ حماده تجيبلي ازازه مايه الا الشغل متعب اوي اوي
حماده:ده انت تؤمر
وراح يجيبله الازازه كان جوز حنان زرع كاميرا صغيره اوي في حته مش باينه وعاليه الدقه كـ صوت وصوره ويستحيل حد يشوفها الا لو ركز فيها اوي وطبعا ياسر وتيم فهموه بتشتغل ازاي
حماده:خد
جوز حنان :شكرا
وخد منه ازازه المايه
وطبعا الشرطه راحت علي المكان القديم
الظابط:واضح ان مفيش حد هنا
_وهنعمل ايه دلوقت
الظابط:يبقي كلام نور كان صح عايزين نعرف مكانه الجديد فين
عند لين وتيم في الشركه
ساره:انت مقعدني ليه مادام انا مهمتي خلصت
ياسر :ومين قال انك مهمتك انتهت كده؟
ساره:ااه شكل الموضوع هيطول طيب الخطوه الجايه ايه؟
ياسر:هتروحي لـ فتحي
الكل:فتحي؟؟؟
يتبع