رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية ذئاب لا تعرف الحب الجزء الثاني2الفصل التاسع والعشرون29بقلم نجمه براقه

 

ريان 

فوقت علي مية بتدلق عليه  وبعد ما خدت نفسي  مررت عيني حوليه لقيتني  في بيت عمي بدر متكتف ومرمي علي الارض  وبدر وبيجاد وابوه  وجويرية وامها وخالها وبنته حوليه كلهم..  ومن بين الكل عيني استقرت علي جويرية اللي ابوها ماسك دراعها وموقفها قدامهم وكأنه بيوريني ليها وانا بتحاسب علي غلطتي  بس هي كانت خايفة   ، شوفت خوفها علية وسيل دموع بينزل من عينيها وبتكتم شهقاتها بأيدها   وهي بصالي وقبل ما عيني تتحرك عنها  لقيت بيجاد بيشدني بعنف ويقول وهو بيقبض علي فكي ويضغط عليه 

_ صحي النوم  كفياك راحة لغيت كدة 

كمل وهو بيهز وشي يمين شمال 

_ فوقلي كدة وركز معايا  ، وقولي  مخوفتش وانت بتفكر تدخل بيتنا وتتهجم علي اختي يلا!! 

قالها ونزل علي وشي بكف بقفا ايده 

وقبل ما افوق منه لقيت بدر بيمسكني من هدومني يوقفني قدامه ويقول بغضب 

_ يا وطي!  ، معملتش حساب  لصحبية ولا عشرة ولا عيش ولا ملح

كمل وهو بيسدد لكمة في وشي 

_ غدرت بينا كلنا!!  ،  وانا اولهم!! 

حاولت اتكلم او ادافع عن نفسي ولكن كانت ايديه مربطين وهما الاتنين مسكوا فيه ضرب  مدونيش فرصة  انطق مكنش في غير صوت اهاتي بتخرج مع كل ضربه باخدها  ومن كتر  الضرب المتلاحق في وشي دوخت ومكنتش سامع غير صوت خالها بيحاول يمنعم ولكن محدش فيهم سمعله واستمروا الاتنين في ضربي لغيت ما وقعت ومبقتش قادر حتي ارفع ايدي عن الارض ورجعت ارفع جفوني بعد جهد كبير وكأن عليه صخور  ورجعت ابص تاني لجويرية واشوفها وهي بتبكي 

#جويرية  

فضلوا يضربوا فيه بعنف قدام عيون بابا وماما اللي متكلموش ولا حاولوا يمنعوهم  وانا زي عادتي خوفت اتكلم في الاول وبقيت أبكي وبس وانا عارفة اني هتحاسب علي البكا دة بس مقدرتش اسكت ومبكيش وانا شيفاه بيموت في ايديهم  وبيسلموه لبعض  زي الكورة وهو بيتلقي كل  ضربه والتانية وقوته بتقل بتقل لغيت ما  وقع علي الارض طريح  وبصعوبة رفع جفونة  و وجه نظره ناحيتي للحظات قبل ما اتفاجيء ب بدر بيمسك مضرب البيسبول  ويهم انه يضربه فوق دماغه بيه ساعتها قولت بصراخ ناسية اللي ممكن يجرالي بسبب الفعل دة  

_ لا لا يابدر لا

وقف وكلهم وجهوا انظارهم ناحيتي  ف قال بابا وهو بيضغط علي دراعي بعنف 

_ معوزهوش يموت..  خايفة عليه بعد اللي عمله  ...  صعب عليكي  !!  

قالها ولحقها بقلم علي وشي من شدته وقعت  موجهة وشي ناحية ريان اللي لسة واقع وبيجاهد علشان يرفع وشه عن الارض 

وبعدها بيجي بيجاد يقومني ويقول 

_ اخرسي انتي دلوقتي 

بصتله وقولت  وانا ببكي 

_ متقتلهوش...  علشان خاطري  يا بيجاد  متقتلهوش 

قال بخفوت وهو بيحط ايده علي بوقي خوف ان بابا يسمعني 

_ اسكوووتي..

قال بابا وهو بيحاول ياخدني منه 

_ بتقول ايه  ..  وسع خليني اسمع بتقول ايه 

حاوطني بيجاد بإيديه وقال 

_ مبتقولش حاجة يا بابا  ..  ماما دخليها جوه 

قال وهو بيمسك دراعي 

_ تدخلها فين  ..  تعالي 

وقف بينا وقال وهو بيفلت ايده عني 

_ ارجوك يا بابا خليها تدخل دلوقتي  ..  خديها يا ماما واقفه ليه 

 مسكتني ماشي وهي بتبكي وشدتني من ايدي ناحية اوضتي في الوقت اللي انا متوجهه بجسمي ناحية ريان وشيفاه بيحاول يقوم وبيقول وهو بيمد ايده 

_ استني...  استني يا خالتي

وقفت ماما ف قال بدموع ورجفة بعد ما رجع يوقع 

_ مكنتش حاسس بحاجة...  والله ما كنت حاسس 

كمل بصعوبة 

_ وما فاكر حاجة من اللي حصل  ، والله ما فاكر عملت كدة ازاي يا جويرية ..  

زادت دموعه وهو بيكمل ويقول 

_ انا عمري ما افكر أآزيكي  ،  ولا اقدر اطعن عمي وبدر او بيجاد او اي حد  في ضهره 

كمل وهو بيحاول يجمع انفاسه 

_ انا اسف يا جويرية سامحيني  ،  والله ما فاكر 

رجعت أبكي بحرقة  وكنت حاسه روحي بتتسحب مني..  بموت حرفياً  وخاصة اني كنت متأكدة انه هيتقتل ومش هيسيبوه   وبالفعل رجع بدر يمسك المضرب بأيدية الاتنين ويرزعه علي رجليه  خلاه صرخ من الألم وقال وهو بيقبض علي شعره بعنف 

_ لا طعنتنا في ضهرنا ومعملتش حساب لحد  ،  ومحدش هيموتك غيري يا ريان  علشان تعرف ان الله حق وان عيلة رضوان مبيسيبوش حقهم 

قالها وهم انه يضربه فوق دماغه بالمضرب وسط صمت من الكل 

ف جريت عليه شديت منه المضرب وقولت وانا بصرخ فيهم من غير ما اعمل حساب للي ممكن يحصلي 

_ بس!!  كفايه حرام عليكم كفاية 

قال بيجاد وهو بيمنع بابا عني بعد ما كان جاي يمسكني ويضربني 

_ بابا اهدا يا بابا... 

كمل بعصبية 

_جويرية!!!  وحيات ربنا هقتلك انا... ادخلي جوه! ، في ايه يا ماما بقولك دخليها   

قال بابا وهو بيحاول دفعه عنه 

_ ياد وسع عني لا اقتلك بدالها

_ والله لا تهدي..  دي بت غبية وقليلة الادب..  وربنا لا اربيكي يا جويرية  غوووري علي اوضتك 

رجعت ماما تشدني  شديت ايدي منها وقولت ببكاء 

_ لااا مش هدخل.. قتل لا يا بابا..  ابوس ايدك بلاش  ، كفاية اللي عملتوه فيه، هو مموتنيش علشان يتقتل ..   ونبي يا بابا..  ورحمة عمتي كفاية   ، خليه يمشي وبس 

سكن غضبه  ونزلت دموعه وهو بيرجع يبص لخالي وكأنه افتكر اللي حصل  مع  عمتي زمان  وساعتها  الباب خبط كانت اسراء راجعه لتاني مره بعد ما قفلوا عليها الباب ومخلهوش تدخل ولا سمعوها وهي بتحلفلهم انه مكنش حاسس  ،  بقت تخبط وتنادي وصوت ابوها وامها معاها  ف قال بابا بصوت مختنق

_ افتحوا 

جريت فاطمة فتحت الباب ف دخلوا كلهم يجروا عليه  ف قال ابوه وسط صراخ وهلع امه واسراء 

_ عملت ايه في ابني يا بدر...  حرام عليكم موتوه 

قال بابا بجمود 

_ لسة بس هيموت 

قالت اسراء وهي بتبكي 

_ انا بقولكم مكنش حاسس بنفسه ...  هو جرحني انا كمان في نفس الليلة لانه كان متخدر   

قال بدر بغضب

_ يعني ايه مكنش حاسس علشان متخدر  ، المتخدر دة يجيب حيل منين يخطي علي بيوت الناس .. ولا يكونش كان مغيب او واحد غيره اللي عملها 

قال ابوه 

_ يابني افهم  ،  ريان كان مدمن مخدرات وفي نفس  الليلة دي رجع في هدومه دم مكناش نعرف انه دم جويرية  ،  وساعتها كان هيقتلنا كلنا وهو مش حاسس بنفسه...  يومها انا خدته بالغصب دخلته المصحه  ولما رجع شاف اخته مجروحة اتفاجيء لأنه كان ناسي اللي حصل  ، ومش عارف الدم جاله منين ولا احنا عرفنا  ، اسراء هي اللي فهمت بعد مانتوا قولتو اللي حصل لجويرية زمان   

قال بدر بعد ما نزلت دموعه 

_ يمكن مكنش حاسس يومها بس اللي قبل كده وبعد كدة كان حاسس بيه..  لا ياعم السبع حتي لو  مكنش  حاسس  بس هو  اللي غلط  مش  حد  تاني واحنا مبنسامحش...  ابنك لوث شرفنا وهيموت...  ولا ايه ياعمي..  مش شرف يعني موت ودم 

قال بابا بجمود 

_ واية دليلك انه كان مش حاسس  وانه كان سكران 

_ في اكتر من كدة  دليل يا ناس...  دليلي انه كان هيقتلني يا بدر كان هيقتل ابوه وامه  ..  وشوف وش اخته  ضربها ونسي ولغيت دلوقتي مش فاكر اللي حصل  

_ اها... طيب خد ولدك وامشوا 

قال بدر 

_ يمشوا ازاي يعمي دة لازم يموت  ده خانا وغدر بينا 

_ انا قولت يمشوا...  ومن الساعة دي حتي الصباح مش هنصبح علي بعض..  واعتبر خطوبة بشر من بتك ملغية 

قالت اسراء بفرحة ودموعها ماليه عينيها

_ ماشي  ،  يلا يا ماما ساعديني 

وقف  ابوه موطي راسة حزين ومكسور  ومتهان بسبب اللي حصل  وبعدين دار ضهره لينا  وشاله معاهم وخدوه ومشيوا وهو بيسحف برجليه علي الارض بعد ما خسر قوته في الضرب وانا بقيت متبعاه بعنيه ودموعي موقفتش لحظة ومن بين الكل جه بدر ناحيتي وقال بخزلان ودموعه معلقة بطرف عينه

_ اطمنتي عليه؟  ، اهو مشي... بس ليه  ، انا ضايقتك وأذيتك في ايه علشان تعملي فيه كدة ؟ 

قولت ببكاء وانا بهز دماغي بنفي 

_ انا معملتش حاجة  ،  بس مينفعش يتقتل 

_ لا عملتي  ،  وافقتي عليه علشانه ..  ومكنتيش تاخدي وتدي غير في سيرته هو .. و دلوقتي عشانه قاومتي وقوعك وفقد الوعي علشان تلحقيه  ،  دة انتي كان بيغمي عليكي من كلمة يا شيخة..  بس  انا مالي ، انااا مااالي  ، وافقتي عليه علشان تعرفي اخباره ليه.. ما كان قريب منك  كنتي سألتيه هو او سألتي اخته عنه  ليه لعبتي بيه عشانه..  دة انا من صغري شايفك ملاك  وطيبة وعمري ما تخيلت انك تغلطي  لدرجة اني كنت شايف اهتمامك بيه دوناً عن الكل ومشكتش للحظة انك تكوني بتستغفليني  ، لا انتي ولا هو شكيت فيكم  مع ان كل حاجة كانت باينة  ، بس  طلعت غلطان ومش فاهم  حاجة  ومغفل وسهل يتضحك علية  ،  بس  كدة  كفاية  " 

قال بنرفزة وهو بيمسك ايدي ويقلعني الخاتم والدبلة 

_ خسارة اسيبهملك..  هاتيهم ينفعوني 

بص لبيجاد وقال 

_ اهي اختك اللي مكنتش تحبني ابصلها سيبتهالك اهو خليها جمبك 

قالها ومشي وبعده جه بابا وقف قدامي وقال بخزلان 

_  زعلانة لية هو غلط في حاجة  ، كلامه صح  بس ساهله هو راح ولا جه كان خطيبك واهو حل نفسه  ، بس انا هحل نفسي منكم ازاي .  

اختي وبتي  اكتر اتنين كسروني و وطوا راسي قدام الناس  وفي المرتين مقدرش اقتل اللي وطوا راسي معاهم 

قولت ببكاء 

_يا بابا انا معملتش حاجة  ، انا مخدعتش حد   كل غلطتي اني فتحت  الشباك  ، بس والله  ما كان في بيني وبينه حاجة 

قال بخيبة

_ والله يابتي لو ما كان فيه ما كنتي خبيتي ولا هو كان دخل عندك حتي لو سكران ومبرشم .. مش عارف اقول ايه ولا عارف اعمل ايه...  انا اللي حكمت النجع سنين ومشيته علي المسطرة  وقفت عندك انتي واختي واتلجمت وبقيت عاجز عن اني اتكلم حتي  

قالها ودخل اوضته وماما راحت وراه وانا بقيت واقفه مكاني قابضه علي قلبي بعد ما حسيته بيعتصر من الحزن ومش قادره حتي احاول اوقفه واحلفله انه غلطان وان مكنش بيني وبينه حاجة او ان الموضوع متطورش لدرجة انه يدخل عندي  ف قال بيجاد وهو بيمسك دراعي 

_ تعالي  ادخلي اوضتك 

خدني الاوضه قعدني علي السرير وقعد قدامي وقال 

_ كفاية!  بطلي عياط 

قولت ببكاء 

_ والله مافي حاجة بيني وبينه ونبي تفهم بابا كدة  

_ ماهو قالك لو مفيش مكنتيش خبيتي..

وجه عينه للقصة بتاعت ريان وقال 

_ بتاعته صح؟ 

ديرت وشي عنه ف قال 

_ دلوقتي فهمت ليه بتقريها هي بذات..  بس غريبة كان المفروض بعد اللي عمله تحرقيها مش تقريها يا خسارة يا جويرية  صدمتينا كلنا فيكي  

#فاطمة  

كنت واقفه بعيد حالتي متقلش عن حالة جويرية بس انا غيرها مكنتش قادرة اتكلم بقيت واقفة في زاوية بكتم صوت بكايا وانا شيفاه بيتضرب ضرب موت  وبعد ما كل حاجة  انتهت وكلهم دخلوا الاوض وسابونا قولت لبابا ببكاء 

_ انا عاوزة امشي من هنا 

قال والدموع في عينه 

_ خوفتي؟ 

_  عااااوزه امشي من هنا  ..  مشيني او همشي وحدي 

 جاني صوت بيجاد وهو جايه ناحيتنا بيقولي 

_ استني شويه انا هوصلكم بس افوق  

_ لا!!! هنعرف نروح لوحدنا..  

كملت موجهه كلامي لبابا 

_ اناهسبقك 

مشيت قدامه وروحت في طريقي لشقة علشان  الم حاجاتنا ونرجع وبعد مسافة لقيت بيجاد جاي ورايا وبيقف قدامي ويقول 

_ بنادي عليكي  ، بتجري ليه تعبتيني  

_ فين بابا؟! 

_ ابوكي تعبان مش هيقدر يمشي... ارجعي 

_ هرجع شقتنا  وسع من طريقي

_ اصبري  ، متعصبة  ليه.. ولا يكونش خوفتي مننا ولا ايه 

_ مش بس خوفت انا كرهتكم...  ايه العنف دة كنتوا هتموتوه  

_ وانتي كنتي عاوزانا نعمل ايه بعد اللي عمله 

_ مهما كان اللي عمله  ميصحش اللي عملتوه فيه دة   ، في قانون يحاسب

_ بس هو مقربش لاخت القانون هو قرب لأختي انا وخطيبة بدر  وبنت بابا 

_ اه وعلشان هي اختك وخطيبة بدر  تقتلوا بأديكم...  ده القانون نفسه مكنش هيعدمه علي غلطة زي دي 

_ ماهي لو اخته كان عدمه علي غلطة زي دي...  واهو مماتش وعايش 

_ لا مات  ، الموت مش بس فقدان الروح انتوا زلتوه وكسرتوه طول عمره...  اتهان لما اتضرب وهو مش فاكر هو عمل ايه...    كان ممكن تتعبوا نفسكم وتسألوه وبعدين تضربوه...  لا  انا مش قادره اشيل شكله من دماغي وهو بيحلف انه ما كان حاسس...  صعب عليه وخوفت حتي اتكلم لا تخدوني معاه

قال بإبتسامة خفيفة

_  ايوه قولي انك خوفتي علي نفسك

_ طبعاً خوفت  ،  مش ممكن  بهدلتوا الراجل 

_ هو الراجل ده يقربلك ما يتبهدل 

_ يتبهدل! 

قال بتنهيدة 

_ شوفي!  جويرية عاشت سنين خايفة من كل الناس  ومكنتش تفارق اوضتها ولما تخرج من البيت كانت تربكنا وهي بتستخبي فينا  وبسببه  هو اللي ضيع مستقبلها..  وهو اللي داس علينا كلنا  لما تخطانا ودخل اوضتها وعمل اللي عمله  ، وحتي لو كان سكران ماهو مش مبرر ولا حاجة تشفعله انه طلع بيتعاطي مخدرات..  واهو لسة عايش مامتش ياستي  بس علي الاقل اللي حصل ممكن يساعد جويرية تخرج من اللي هي فيه...  لا مش ممكن هو ساعدها فعلاً جويرية مكنتش تجراء تتكلم بشكل دة  واديكي زي ما شوفتي محدش وقفنا عن قتله غيرها..   واحنا مش قاسين ولا ظالمين  ،  احنا بنجيب حق اختي وبدر كان بينتقم لخيانة صاحبه وغدره بيه  ،  حاجات انتي مش هتفهميها لانك مكنتيش جزء منها  

_.... 

_ ومتخافيش اكيد مكناش هناخدك معاه ونضربك  ،  افرضي وشك بان وانتي بتضربي  ف شوفته غصب عني  ، اخسر انا بقا الرهان بيني وبين نفسي انك هتوريهوني بمزاجك

_ هههههههه  والله انت مجنون  ،  وده وقته

قال بإبتسامة 

_  لا مش وقته بس اعملك ايه مبتجيش بالحسنة  

#بشر 

رجع بدر من بره متعصب دخل اوضته ورزع الباب وراه من غير ما يفهمنا حاجة  بصينا كلنا لبعض بتساؤل  قبل ما نروحله ويقول بابا 

_ مالك ياد

بصلنا بعيون دامية وقال 

_ اسأل اخوك وهو يقولك

قولت وانا بتقدم ناحيته

_ في ايه يابني مالك..  ماله عمك 

قال بعد سكوت 

_  ريان اللي طلع عمل كده في جويرية  وعمك سابه يمشي 

الكل بصوا لبعض بصدمة ف قال زيد

_ انت بتقول ايه يابني  ، ريان مستحيل يعمل كده 

_ لا عمل  ،  ريان هو اللي عملها وهي كانت مخبية عليه...  تصوروا منعتنا نقتله...  جويرية اللي مكنش بيبنلها صوت وقفت قدام ابوها واخوها  وقدامي علشان ريان ميتقتلش...  طلعوا بيخدعوني الاتنين وانا زي الاهبل المغفل  طنشت كل حاجة تثبت انشغالهم ببعض  

_ طيب اسكت دلوك انا هنزل اشوف في ايه 

قولت 

_ استنا جاي معاك 

نزلنا انا وهو تحت دخلنا  وسألنا في ايه ف قالنا بيجاد ومرات عمي اللي حصل  ،  ف قومت وقولت رايحلهم افهم منهم ف قال بيجاد 

_ علي فكرة يا بشر بابا قالهم يعتبروا خطوبتك من اسراء ملغية

_ إيه؟... وهو يقول لـ... 

قال ابوي بمقاطعة 

_ عندك رأي تاني ولا ايه 

_ لا بس... 

حد  من نظرته وقال 

_ مبسش  ،  روح انهي كل حاجة معاهم 

_ حاضر 

قولتها و روحتلهم بس ملقتهمش في البيت 

#اسراء  

خدناه علي المستشفي وشه كله كدمات بالإضافة للخبطه اللي في دماغه وكان بينه وبين الموت خبطة واحدة كمان ومكناش هنلحقه  وللأسف مقدرناش نقول مين عمل كده وقولنا ان بلطجيه منعرفهمش اتهجموا عليه  وفضلنا قاعدين جمبه وهو علي السرير ساكت وباصص لسقف من غير اي تعابير علي وشه كان ساكت تماماً مبيتحركش حتي ومن غير ارتفاع صدره وهبوطه بسبب التنفس كنت افتكرت انه مات  وبعد وقت خرج بابا عن صمته وقال بخيبة وهو بيضرب كف بكف 

_ اقول ايه لناس  ، ابص في وش عيلة رضوان ازاي تاني   ، شوفتي اهو اخوكي اللي زعلانة عليه  ،  شوفتي عمل فينا وفيكي إيه 

_ مش وقته يا بابا   ، بلاش كلام دلوقتي 

_ بلاش انتي  ، مفيش حاجة مشجعهاش علي الغلط غيرك انتي  ،  كل ما نقسي علشان يتشد تروحي وتطبطي عليه..  حتي بعد اللي عمله فيكي وبعد اللي عمله مع بنت بدر وشوه صورتنا قدامهم بردو لسة بتدافعي عنه 

_ يابابا ارجوك  كفاية 

قال بعصبية

_ كفاية انتي لا ارقدك جمبه  ، كفاية انتي يختي   ،  ماخدناش منه غير الاهانه وبهدلت سمعتنا مع الناس  وفشكلت خطوبتك وتقوليلي كفاية 

كمل بانفعال وهو بيميل عليه 

_ شايف!!!  شوفت اللي عملته فينا  ،  ياريتنا كنا سيبناهم يقتلوك ويخلصونا منك ومن عمايلك  ،  انت مش هترتاح غير لما تموتني ناقص عمر 

_ بابا من فضلك!  

صرخ فيه بانفعال وقال

_ اخرسي!!  مش عايز اسمع حسك..  بتدافعي عنه   ،  دة دمر حياتك وحياتنا  ابقي شوفي مين هيتجوزك  بعد كده...  ربنا ياخدكم انتوا الاتنين  

قال كده وطلع ف قالت ماما ببكاء 

_ بتتنيلي علي ايه انتي كمان خليكي في خيبتك وفي خيبتنا هنوري وشنا لناس ازاي دلوقتي  ،  دائما اسمع البنات هي اللي بتجيب العار لأهلها بس معانا احنا هو اللي جابلنا العار...  ربنا يسامحك يابني..  ولا يهديك لا ياخدك 

_ يا ماما!!  بس بقا...  روحي ورا جوزك بيناديكي 

_ اقوملك اضربك علي خلقتك بالشبشب يعني  يابنت الجزمة.. بتدافعي عن مين يختي  بتدافعي عن مين!!!  طيب اقعدي يختي اقعدي شوفي مين هيبصلك بوشك المتشوه دة  ،  جاكي الهم...  جاكم الهم انتوا الاتنين  خلفت تقصر العمر...  عوض عليه عوض الصابرين يارب  

كلمتها وجعتني ولجمت لساني عن الرد ف ديرت ليها ضهري اداري دموعي و وجعي منها  وهي مهتمتش وسابتنا ومشيت  وبعد وقت عدا وانا ببكي من غير صوت جاني صوت ريان بيقولي بتعب 

_ اسراء  

طلعت من الحالة اللي كنت فيها مجرد ما سمعت صوته وجريت عليه وقولت وانا بمسك ايديه

_ ايوه ياحبيبي..  عامل ايه دلوقتي 

رد بتلبد و وش خالي من اي تعابير 

_ روحي وراهم  ،  متجيش تاني  

هزيت دماغي بنفي وانا بقول ببكاء 

_ لأ مش هسيبك  ،  هنمشي مع بعض لما تخف 

_ بقولك سيبيني يا اسراء  .. انسيني خالص اعتبريني ميت 

_ متقولش كدة!  بعد الشر عنك 

دار وشه عني وقال 

_ بقولك امشي.. مش عايز حد معايا.. امشي وانسي ان ليكي اخ

_ طيب  نام واسكت بقا 

قال بحنق

_ يا اسراء بـ... 

قولت بقماطعة

_ بقولك مش همشي  ،  لما تخف هنمشي مع بعض 

قال بعد ما تجمعت دموعه 

_ انتي فاكرة انك كدة بتريحني...  انا مفيش حاجة تعباني غير تعاملك معايا...  بقولك امشي 

قولت ببكاء 

_ وانا بقولك لا.. ولو رجعت تتكلم هكمل عليك

سكت وانا مسكت ايده وقولت 

_ قولتلك مليون مرة انت ملكش ذنب.. دة كان غلطي انا.. متحملش نفسك ذنبي تاني 

_ اكتر اتنين ازيتهم هما اكتر اتنين اهتموا بيه..  انتي حالفه ما تحمليني ذنبك لحظة وهي عاشت مخبيه اللي عملته عن الكل...  بس انتوا كدة مش بتحموني ولا بتساعدوني بالعكس انتوا بتضروني .. انتي بتعامليني كأنك امي وانا كنت السبب في ضياع فرص كتير لجوازك وده بيعذبني اكتر..  وهي خبت ومقالتش مع انها لو قالت ساعتها كانت هي واهلها عرفوا اني مكنتش حاسس  وهي مكنتش هتعيش خايفة...  انتوا بتزودوا تعبي مش بتساعدوني افهموا بقا 

_ كل اللي فاهمينه اننا بنحبك ومنقدرش نشوف حاجة وحشة بتحصلك 

سالت دموعه بغزار وهو بيقول  

_ ياريتكم كرهتوني..  مش انا اللي اتحب  ولا انا اللي حد يهتم بيه..  انا مش هفيدكم بحاجة

_ لا انت  تتحب وهتفيدنا بحاجات كتير   .. واسكت بقا.. مش عاوزة اسمع كلمة  تاني 

" اليوم التالي "

#مليكة 

روحت المستشفي علشان اشوف جويرية  لسة هناك  ولا  لا ولما فتحت اوضتها ملقتهاش ف عرفت انها مشيت.

 وبعدها رجعت عشان اروحلها وعند باب الخروج لقيت  اسراء داخلة في الاول معرفتهاش بس لما دققت ف شكلها بعد ما شبهت عليها عرفتها وقفت قدامها وقولت 

_ ازيك

_ اهلا وسهلا  ،  انتي تعرفيني

_ انا مليكة مش فكراني 

_ ااااه افتكرتك..  مش انتي صاحبة جويرية 

_ اه انا   ،  وانتي جاية ليه هنا في حاجة 

قالت باستحقار

_ جاية لاخويا اللي بين الحياة والموت بسببك.. انتي احقر انسانة عرفتها في حياتي  ياشيخة ربنا ينتقك منك 

قالتها وخطتي لداخل ف قولت وانا بمشي وراها

_ استني بس يا انسه  ،  هما لقيوه..  لو سمحتي كلميني

_ اه يختي لقيوه وكانوا هيقتلوه لحقناه منهم علي اخر نفس وكله بسببك 

_ طيب وقفي وفهميني في ايه 

وقفت قدامي وقالت باستحقار

_ هو انتي لسة مفهمتيش..  مش انتي اللي قولتيلهم علي ريان..  طيب كنتي افهمي الاول وبعدين اتكلمي 

_ افهم إيه  جويرية قالت اتهجم عليها وكان هيقتلها وهو مأنكرش دة 

_ مأنكرهوش ازاي وهو اصلا مش فاكر..  روحي لحالكم  .. ربنا ينتقم منك ياشيخة  ،  ربنا ينتقم منك 

قالت كده ومشيت حاولت ادخل وراها الاوضه ف زقتني وقفلت الباب وبعد ما يأست من انها تفتحلي 

 رجعت وروحت لجويرية وامها فتحتلي وقالت 

_ اتفضلي

_ عاملة ايه يا طنط 

_ الحمدلله حبيبتي  اتفضلي 

_ جويرية عاملة إيه 

_ كويسة

_ انا اسفة علي اللي حصل بس زي ما حضرتك شوفتي كانت هتموت في ايد  باباها وهو بيضربها 

_ لا حبيبتي انتي تشكري انك قولتي  ،  روحيلها جوها 

_ متشكرة 

دخلت وانا خايفة من مقابلتها بعد اللي حصل كنت فاهمة انها لسة زعلانة وهتطردني  بس لما دخلت وشافتني وقفت وقالت ودموعها في عينيها 

_ تعالي 

قولت وانا بقرب منها 

_ انا كنت خايفة تطرديني 

مردتش و وطت دماغها بحزن ف قولت وانا بمسك ايديها 

_ مش هقدر اقولك متزعليش  ،  بس ممكن اعرف ايه اللي حصل  

قالت ببكاء 

_ جابوه وكانوا هيقتلوه..  بقوا يضربوا فيه لغيت ما كان هيقطع النفس

كملت بشحتفه

_ هو حلف انه مكنش حاسس باللي بيعمله..  طلع كان مدمن مخدرات  ولما خدوه يومها خدوه للمصحه  ، انا كنت حاسة ان في حاجة خلته يعمل كده  كنت حاسه والله..  علشان كدة كنت عايزة افهم..  شوفتي طلع عندي حقي لما خبيت  ،  ياريتني ما كنت قولتلك انتي كمان مكنش كل ده حصل 

رجعت افتكر كلامه اللي قاله في المستشفي ساعتها حسيت اني غلط غلط كبير  ،  حسيت بندم اني محاولتش افهم منه  ولما طال سكوتي قالت ببكاء 

_ سكتي ليه.. مش حاسة بالذنب  

_ حاسة بس انه كان مدمن وغلط وهو مش حاسس ده مش مبرر يكفرله ذنبه دي غلطة اكبر 

_ وحتي دي انا متأكده ان وراها سبب اكيد حد شربه من غير ما يحس  ،  اكيد مكنش بمزاجه 

_ يمكن.. طيب وباباكي عمل معاكي ايه 

قعدت علي السرير وقالت 

_ زعل مني  ،  انا جرحتهم كلهم  ، حتي بدر  جرحته ودلوقتي شايف اننا خدعناه.. وهو صح  انا موفقتش إني اتخطبله  غير علشان اعرف اخبار ريان  واوصل للقصة

#خلود 

بعد ما استلمت رسالة إسلام صبحي دة رجع يبعتلي تاني وتالت  لغيت ما زهقني  كنت هحظره بس محبتش اقل بذوقي وهو بيسأل عن حالي ومهتم كدة  حسيت اني لو حظرته هجرحه  وفي الاخر رديت وقولت 

_  اسفة بس مشغولة شويه   ومتشكره علي سؤالك 

جاني رده بسرعه بيقولي فيه 

_ اخيراً رديتي  ده انا قولت شكلها مرجعتش الحساب لسة

_ معلش 

_ معلشك معاكي يا فنانة ان بس كنت عايز اطمن عليكي وابلغك ان الكل عايز يشوفك امتي بقي هتفرحينا بطلتك علينا تاني 

_ لا خلاص مش هنزل تاني 

_ لا والله نزعل انتي مش عارفة وحشانا قد ايه  ،  هتزعلي معجبينك 

_  ميهونش عليه زعلكم بس خلاص انا بعدت عن الانترنت والسوشيال ميديا 

_ ليه بس  ، دي طلتك كانت محليه حياتنا والله يا فنانة..  علشان خاطر اللي بيحبوكي ارجعي حتي لو بفيديو صغير تطمنينا عليكي فيه 

_ ما اديك اطمنت اهو 

_ غيري عايز يطمن..  الناس بتحبك قوي يا فنانة  يرضيكي تسيبيهم زعلانين  

_  هههههه حاضر عشان خاطرك وخاطر غيرك مع اني حساك بتهول ومفيش حد  مهتم  ، انا هطلع لايف كمان شويه بس يارب الاقيكم  ،  

_ هو دة الكلام ينصر دينك  وهتلاقينا كلنا في  انتظارك   ، انا هروح بقا افرح الناس في الجروب 

_ هو انت في الجروب 

_ طبعاً بس مكنتش بشارك علشان شايف ان كل اللي بيتفاعلوا بنات بس 

_ فعلاً هو كان في الأول بنات بس لكن بعدين بقا مختلط 

_ ايوه ما انا عارف 

_ عرفت منين 

_  اصلي متابع اخبارك 

_ لتكون عامل اكونت بنت وداخل وسط

_ لا ياشيخة  ، الصراحة انا كنت مدخل اختي عندك وبتابع من عندها إسلام رجوله ميعملش اكونت بنت أبداً 

_ هههههه بس بيدخل يتابع وسط البنات من ايميل اخته 

_ انا كنت بتابعك انتي بس  والله  مكنتش  بشوف  اي كومنتات لاي بنات غيرك 

_ ديت بإبتسامة 

_ متشكرة قوي يا إسلام.. وحاضر هطلع لايف علي البيدج النهاردة  وهسلم عليك فيه كمان  

_ يسلم عمرك وكل حياتك يا نجمتنا  ، ربنا يعلي مراتبك ويارب اشوف اشهر بلوجر في الدنيا 

_ هههههههه متشكرة قوي ...مع السلامة

نهيت كلامي معاه بلايك  والحقيقة ان كلامه حمسني اني ارجع  ومنها اخرج من الحالة اللي انا فيها  ف نزلت بوست  بأني هطلع لايف وبعدين قومت غيرت هدومي وظبطت وشي وطلعت من الاوضة وزي عادتي عيني راحت علي الصالون واللي بدور عليه ملقتهوش ف نزلت علشان اطلع الايف علي البحر.

 من ضمن الأسباب اللي كنت عاوزة اطلع عشانها هو زيد   كنت عايزة اثبتله اني مش ضعيفة ومفيش حاجة ممكن توقفني  واني مش ميته عليه  مع إني من جوايا منهارة ومش عاوزة غير انه يكلمني حتي لو هنرجع زي زمان وكأن مفيش حاجة حصلت. 

كلامه هو بس اللي محتجاه واللي  ممكن يرمم الكسور اللي جوايا اللي هو  كان  سبب فيها. 

بعد ما وصلت البحر خدت نفس وحاولت اهدا  وبعدين فتحت الايف  واستنيت يكون الناس جت  

#زيد 

وصلني إشعار من البيدج بتاعها  ان في لايف بدء  ومع اني حاولت اتجاهل ومهتمش  بس كان عندي فضول شديد اعرف طالعة ليه  وايه اللي حصل خلاها ترجع تاني  وهتقول إيه  ، ف فتحت الايف من غير ما اتكلم او اعمل لايك حتي وبقيت شايفها مستنيه شوية وبعدين خدت نفس وقالت 

_ ازيكم..  وحشتوني قوي  ،  وكنت مفتقداكم جداً الفترة اللي فاتت  

ردت علي اسئلة المتابعين وقالت

_ انا بخير يا حبايبي يارب ما يحرمني منكم بس كان عندي شوية لخبطة والحمدلله انتهت 

فضلت تتكلم شوية كلام عادي  ف قررت اخرج وارجع لشغلي ولكن وقفتني كلمتها وهي بتقول 

_ حابه اشكر إسلام صبحي احد المتابعين ليه  ،  كلمني كتير وزن عليه اكتر علشان اطلع واكلمكم  ومقدرتش ارفض  مع اني والله ما كان ليه نفس اعمل اي حاجة  ،  انا بوجهله السلام ،  وبقوله متشكرة قوي يا اسلام  "

رجعت تاني اركز في الايف  ف لقيت واحد بإسم اسلام صبحي بيقولها في تعليق 

_ بقيت من المشاهير  ، نجمتنا قالت اسمي بصلي علي النبي  ...  تعيشي يا فنانه وربنا انا من اكبر المعجبين بيكي وما بفوتلك فيديو ولا لايف وتليفوني اشتكي من فيديوهاتك 

رجعت اركز معاها هي وشوفتها وهي بتضحك وتقول 

_ هههههههه ربنا يخليك يارب..  وميرضنيش تليفونك يشتكي خف الحمل من عليه  واحذف شوية فيديوهات  هههههههه كفاية فيديو واحد 

فضلت وقت كبير تهزر وترد علي الناس  وتضحك ولا كأن في مصيبة حصلانه عندنا ولا اهتمت بحالة بدر  ولا اهتمت بحد خالص  وقتها فهمت انها مش هتتغير طول عمرها وهتفضل تافهه  .. وحاولت اطنش رغم غضبي منها ولكن مقدرتش ولما رجعت وهي مبسوطه وقفتها قبل ما تدخل الأوضة وقولت وانا جوايا كمية غيظ منها لو طلعتها هقضي عليها 

_ لحظة يا فنانة عاوزك  

            الفصل الثلاثون من هنا          

لقراءة باقي الفصول الجزء الثاني من هنالقراءة الجزء الاول جميع الفصول الفصول من هنا           

تعديل المقال