![](https://blogger.googleusercontent.com/img/b/R29vZ2xl/AVvXsEjQJXTchaDr-2OehOLADrEQSElZC9jSZ4RsB3wjyX3nijyGbECv3oLbeX1MbHfXaDNu1YsjEM-e-CBE9OudimKcJV4nH1ebcJTdbhrBGC54XOJ7npskk_fI6w-W3DjLjaD91R7fe607l9mlRPRPOWL2tciuVaehwajfOi1l1_7PjjaVsVdhfVskYh_4epsY/s320-rw/FB_IMG_1711927479252.jpg)
رواية زهرة وسط اشواك الفصل الخامس والثلاثون35بقلم فريدة احمد
فتحت زهرة الباب بهدوء بس شهقت مرة واحدة لما اتفاجأت ب حمزة قدامها واقف بتعب وشه كلو مليان خدوش ودارعه بيـ نزف وهو ماسكه
زهرة بخوف وقلق.... ايه اللي عمل فيك كده. ايه اللي حصل
مردش حمزة ودخل قرب علي الكنبة بتعب
جريت زهرة عليه بقلق وهي بتحط ايدها عليه وبدموع....ا. ايه حصل ياحمزة.. ايه اللي عمل فيك كده
حمزة بهدوء .... عملت حادثة
زهرة بخوف... ط طيب. مروحتش مستشفي ل ليه. ا انت دراعك بيـ نزف
حمزة.... لا ما انا مبحبش المستشفيات
زهرة بصتله.... هو لازم تحبها ما...
قاطعها حمزة.... روحي هاتيلي قطن وشاش وتعالي
زهرة فضلت واقفة
حمزة بصلها بحدة ... يلاا. اتحركي
زهرة بصتله بغيظ واتحركت ناحية الحمام جابت علبة الاسعافات ورجعت
كان حمزة نام بتعب علي الكنبة
قربت زهرة قعدت قدامه... قوم اقعد خليني اطهرلك جروحك
حمزة قام قعد وهو بيصطنع التعب هو اه مدشمل بس كلها خدوش سطحية
زهرة ابتدت تعالجله جروحه وهي مشغولة معاه بتضملو في الجروح
حمزة مرة واحدة .... اااه يازهرة
زهرة بخوف.... ايه بتوجعك جامد
حمزة.... براحة بس.. تعالي هنا كده
زهرة باستغراب.... فين
حمزة شاورلها علي رقبته... دي. اعملي هنا
زهرة وهي مدياه الامان مسكت القطن وقربت علي رقبته...فين ده.انت مش متعور هنا
حمزة.... اهو. امال ده ايه
زهرة.... ده صغير اوي. مش باين اصلا
حمزة.... اهو ده بقا اكتر مكان بيوجعني. الصغير اللي مستقلية بيه ده
زهرة اتنهدت وابتدت تضملو الجرح اللي فيها اللي هو اصلا مش باين
حمزة بخبث.... ايوااا كده
وبدا ينزل هو علي رقبتها و ابتدي يبوسها وهي مشغولة
زهرة بعدت اول ماحست بشفايفو علي رقبتها
وقالت بغيظ... تصدق اني غلطانة
حمزة... ليه بس. ماانتي كنتي كويسة
زهرة.... انت بتستعبط اصلا ياحمزة ومفيش حاجة بتوجعك
حمزة... الله يسامحك.. لو كنتي شوفتي الدم اللي نز، فته
زهرة بخوف... هو انت نزفت كتير
حمزة.... اووي. كنت همووت والعربية بتتقلب بيا.
زهرة بسرعة... بعد الشر
حمزة بمكر.... خوفتي عليا
زهرة... احم
وسكتت وهي بتبص بعيد وبتقول.. عادي يعني
حمزة... طب عيني في عينك كده. علشان انا عندي احساس انو مش عادي
زهرة .. وده حسيتو من ايه
حمزة... من خضتك عليا اول ماشوفتيني
زهرة سكتت
وهو قرب ليها ولسه هيبوسها
اتفاجأو بالباب بيتفتح وكان رحيم اللي داخل
رحيم قرب باستغراب... انت بتعمل ايه هنا ياحمزة
زهرة علطول قالت ببرأة.... رحيم حمزة عمل حادثة. شوفت متعور الزاي
رحيم قعد علي الكنبة وبصله وهو بيقول... ياحرام
حمزة... ااه والله شوفت
رحيم... منا شايف.. بس انت ايه اللي جايبك هنا
حمزة... بتقولك عامل حادثة. مفيش دم
رحيم...ايوا منا واخد بالي. بس بردو مروحتش علي بيتكم ليه. ايه اللي جايبك هنا مش فاهم
حمزة بص ل زهرة وبغمزة قال.... قلبي اللي جابني لحد هنا ووقفني
زهرة اتحرجت من وقاحته وفي سرها قالت... ابو سفالتك
وكملت بصوت... ا انا هروح اجبلك الاكل
حمزة... ياريت. دا انا هفتان
زهرة اتحركت ناحية المطبخ علطول وقالت للشغالة تحضر اكل ووقفت تساعدها
برا
رحيم... ايه اللي حصل
حمزة... كنت زمانك بتقرا عليا الفاتحة لولا فرملت مرة واحدة.
رحيم... الحمدلله جات سليمة
حمزة.. الحمدلله
اتنهد وقال.... عملت ايه مع عيسي الصياد
رحيم وهو بيطلع سيجارة يولعها وبيحدف ل حمزة هو كمان علبة السجاير وحمزة ابتدي يولع هو كمان
رحيم خد نفس من سيجارته وقال.... دفع العربون ومضي العقود واستلم العربيتين
كمل بضيق.... انا مش عارف انت مستحمله الزاي الراجل ده. دا غتت
حمزة.... ياعم هو انا هناسبو انا مالي ومال دم امه. بعدين زبون كويس وبيدفع
خرجت زهرة من المطبخ ومعاها الاكل اللي كان عبارة عن فرخة وشوربة خضار وحطته قدامه
حمزة بص للأكل... ايه ده يازهرة
زهرة... ايه
حمزة... هو انا عيان
زهرة رفعت حاجبها... امال انت ايه.. مش انت نزفت كتير
حمزة... اه
زهرة.... ده اكل صحي علشان يعوض الدم اللي نزفته. يلا كل
حمزة... لا دا طعمه وحش
زهرة بحده.. كل
حمزة بغمزة ... طب ماتيجي تاكليني
رحيم بصله
حمزة.. احم
وبدا ياكل وهو ساكت
بعد شوية قام وراح يطلع علي فوق وهو بيقول... الحقيني علي فوق ب كوباية شاي يازهرة
بس وقفه رحيم لما قال... انت رايح فين
حمزة كمل طلوع... طالع انام ياعم
رحيم.... مش من هنا يلاا. بيتكم من هنا
وهو بيشاور علي الباب برا
حمزة... عارف بس هنام في اوضة مراتي النهاردة.مش قادر اروح. تعبان ياعالم.
رحيم قال بصوت عالي... طب ابقي ادخلي يازهرة نامي في الاوضة التانية واقفلي عليكي الباب كويس
حمزة لف وبصلهم.... عليا الطلاق مايحصل
وقبل ماحد فيهم ينطق
كمل حمزة وقال ببراة مصطنعة.. امال مين اللي هياخد بالو مني. ان مكانتش مراتي تفضل جمبي وتاخد بالها مني. اللي هياخد بالو مني مين ياجدعان
وطلع فتح اوضة زهرة ودخل
رحيم بص ل زهرة وقبل مايتكلم
زهرة قالت بتوتر وهي بتفرك ايدها بكسوف ... م. مش هينفع اسيبه.
رحيم ابتسم ابتسامة جانبية ... اطلعي ياختي
زهرة طلعت علطول بسرعة
دخلت زهرة الاوضة
كان حمزة دخل الحمام ثواني وسمعته بينادي عليها
قربت ناحية الحمام لاقيتو بيقولها هاتيلي فوطة
زهرة... عندك الفوط في الحمام
حمزة... فين دول
وهو شايفهم... انا مش لاقيهم.. متجبيلي واحدة من عندك
رجعت زهرة وقعدت علي الكنبة .. عندك الفوط ياحمزة. انا متأكده انك شايفهم.. وبطل بقا لأني فاهمة دماغك
حمزة... ايه اللي في دماغي
زهرة.... عاوزني اجبلك الفوطة علشان لما تمد ايدك تاخدها تشدني. فاهمة انا الحركات دي
حمزة ابتسم لانو كان هيعمل كده لكن قال... دايما ظلماني
زهرة.. ايوا فعلا
حمزة طلع من الحمام وهو لابس البنطلون بس وحاطط الفوطة علي رقبته
بصت زهرةعلي الفوطة... فعلا طلعت ظلماك
حمزة... شوفتي بقا
وهو بيتجه للسرير
بصتله لاقيته بينام علي السرير ببرود ف قالت... بسم الله ماشاء الله شايفاك واخد راحتك اوي
حمزة... ومخدش راحتي ليه اوضة مراتي زي اوضتي.. تعالي متتكسفيس
وهو بيطبط علي السرير جمبه
بصتله زهرة وقالت بسخرية.... لا وكمان العشم واخدك. فاكرني هنام جمبك
حمزة.... ليه هعضك.. بقولك ايه
زهرة.... قول
حمزة.... ماتيجي تعمليلي مساچ
زهرة.... حمزة
حمزة بصلها.... قلبه
زهرة بحدة... نام
حمزة.... ضهري قافش ولازم يفك علشان اعرف انام.يرضيكي منامش
زهرة اتنهدت بغيظ وقالت... لا. ميردنيش
وقامت قربت علي السرير وقعدت تعمله في مساچ
وهو مستمتع جدا
زهرة خلصت وقامت راحت علي الكنبة
حمزة... ماتيجي جمبي يازهرة
زهرة..... انا مش هنام دلوقتي. عندي امتحان بكرة ولازم اذاكر
(طبعا كنتو متخيلين اني هخلي حمزة يعمل حادثة ويدخل المستشفى ويروح في غيبوبة وزهرة تقف تبص عليه من الازاز وتعيط 😂😂 بس علشان تعرفو اني دايما بخلف توقعاتكو. لا بجد ياجماعة محبيتش اعمل كده لاني زهقتلهم من النكد بجد كفاية نكد وعياااط بقاا )
...
تاني يوم
في الجامعة
خرجت زهرة من المحاضرة هي وصاحبتها
صاحبتها... هتروحي ولا ايه
زهرة... اه
زهرة كانت حاسة بتعب ودوخة وصاحبتها لاحظت ده ف سالتلها بقلق... انتي كويسة
زهرة.... وهي بتحط ايدها علي دماغها... مش عارفه. حاسه اني دايخـ..
ومكملتش الكلمة ووقعت فاقدة الوعي
..
بعد وقت كانت زهرة في المستشفى
حمزة وصل ليها المستشفى وقرب علي صاحبتها اللي واقفة قدام اوضة الكشف... فين
صاحبتها... الدكتورة بتكشف عليها جوا
حمزة.... ايه اللي حصل
صاحبتها... كنا خارجين عادي من المحاضرة وفجأة حست بدوخة واغمي عليها
في اللحظة دي خرجت الدكتورة
حمزة... مالها يادكتورة
الدكتورة... متقلقش. هي بس مبتاكلش كويس علشان كدة جالها هبوط.. انا كتبتلها علي مقويات. بس لازم بردو تتغذي كويس علشان البيبي وميحصلش مضاعفات. والف سلامة عليها
حمزة دخل كانت زهرة علي السرير نايمة
قرب باسها علي راسها.. عاملة ايه دلوقتي
زهرة... الحمدلله
وبعد وقت كان حمزة خدها وخرجو من المستشفى
لكن مرجعوش علي البيت حمزة خدها وراحو مطعم ياكلو
وهما قاعدين وحمزة عمال بيأكلها
زهرة كانت بتبص حواليها باستغراب.. هو المطعم فاضي ليه
حمزة مردش وهو بياكلها
زهرة ... كفاية مش قادرة ابلع.انت بتأكل جاموسة
حمزة... كلي بلاش دلع.الدكتورة بتقول لازم تاكلي كويس وتتغذي.. وكمان انا عاوز الواد يطلع صحته حلوة
بصتله زهرة وقبل ماتتكلم لاقيتو بيأكلها
زهرة اكلت بضيق
بعد شوية
في العربية كان حمزة سايق بص جمبه علي زهرة اللي نامت بتعب
بعد وقت قامت زهرة لاقت نفسها علي سرير في اوضة غريبة قامت بتعب فتحت باب الاوضة وخرجت واول ما استوعبت هي فين بقت مرعوبة وابتدت تصرخ وهي بتقول... حمزززة
وهي شايفاه من بعيد
لف حمزة اللي كان واقف بيأكل في الاسد بصلها لاقها واقفة ميته في جدلها حرفيا مرعوبة
قرب عليها بسرعة
زهرة بخوف.... ا انت ا الزاي ت تجبني هنا
حمزة.... اهدي. اهدي
زهرة وهي بتبلع ريقها برعب وجسمها كلو بيترعش... جبتني هنا ليه. ا انت عارف اني بخاف منو
حمزة... اهدي مش هيعملك حاجة. دا محبوس في القفص
زهرة.... لا لا.. يلا روحني حالا. مشيني من هنا
وهي بترجع لورا
حمزة بضحك .. يابت مابيعملش حاجة.. حتي بصي اهو بيسلم عليكي.. ماتيجي تسلمي عليه
زهرة... لا لا لا. مشيني من هنا ارجوك
وبعصبية... انت الزاي تجيبني هنا اصلا... يلا مشيني من هنا حالا
حمزة اتحرك راح قعد علي كنبة بعيد شوية في مكان زي استراحة وهو بيولع سيجارة وقال ببرود ... انا بايت هنا النهاردة
زهرة... نعمممم.. واناا
بعد شوية
حمزة نايم علي الارض وهو غير مبالي ب زهرة اللي رايحة جاية في المكان بغضب
زهرة.... انت جاايبني هنااا ليييه عاوزة افهمم. هو اي عند وخلاص.. انا عاوزة امشي يلا روحني حالاا. يلاا
وهي هتموت من العصبية
كل ده وحمزة ساكت مش بيرد ولا كإن في حد جمبه بيتكلم وده عصبها زيادة
زهرة بعصبية.... ياربييي
وهي حاطة صوابعها بين شعرها بعصبية
فجأة عينها جات علي مفاتيح العربية اللي علي الترابيزة زهرة وهي بتبص علي المفاتيح قالت.... تماامم. خليك انا هعرف ارجع لوحدي
واتحركت ناحية والمفاتيح واخدتها
وخدت شنطتها ولسه هتتحرك علشان تمشي فجأة شهقت لما وقعت علي حمزة اللي شدها من رجلها مرة واحدة وقعت عليه
زهرة وهي بتحاول تقوم وهتموت من العصبية.. ياحيوان اوعي. اوعي
بس حمزة كتفها وشل حركتها خالص وهو بيمشي ايده علي شعرها بيرفعه لأنو كان كلو نزل علي عنيها
حمزة... فيه ايه.. اهدي. اهدي ياماما
زهرة وهي بتتنهد بغضب.... سيبني خليني اقوم
لكن حمزة قربها ليه اكتر و هو ايده في شعرها وباسها وقال. لأ. خليكي في حضني شوية
زهرة بغضب... اخر مرة تبوسني. سااامع
حمزة باستفزاز..... هبوسك براحتي
زهرة بغيظ.... بارد
حمزة ضمها اكتر لحضنه وهو مكتفها لسه وبص للسما وقال.... بذمتك مش مكان مريح وحلو
زهرة بدأت تنسي وردت وقالت بدون وعي.... مريح اووي
وهي بتبص للسما هي كمان
حمزة بصلها بخبث وقال.... وممكن ناخد راحتنا هنا كمان. وتبقي احلي ليلة
زهرة بصتله بدون فهم... هاا
وقبل ماتستوعب
حمزة وهو بيميل علي شفايفها يبوسها.... سيبيلي نفسك
وبدأ يبوسها وكانت زهرة استسلمت ليه وهي مغيبة
وبعدين.......
.................................................
.................
تاني يوم فاقت زهرة بصت لاقت نفسها نايمة في حضن حمزة. ثواني وافتكرت اللي حصل هزت راسها برفض وهيستريا وهي بتقول .. لا لا لا
وهي حاطة ايدها علي دماغها وهاين عليها تضرب نفسها علي غباءها كل مرة بتسلم نفسها ليه. زهرة كانت هتتجنن
وابتدت دموعها تنزل
حمزة قام لما حس بيها اتخض وقالها.... في ايه. بتعيطي ليه
وهو بيحط ايده عليها
بس زهرة علطول نفضت ايده من عليها بغضب وهي مش عارفة تتكلم من العياط.... كل.. مرة.. بتضحك عليا. انا بكرهك. بكرهك
حمزة مسح علي وشه وقام قعد علي الكرسي وهو بياخد السجاير من علي الترابيزة
سحب سيجارة ولعها وخد اول نفس بصلها وقال... تعالي يازهرة
زهرة كانت قاعدة حاطة راسها بين رجليها وبتعيط اوي
حمزة.... زهرة قومي.
كملت بضيق في سره... حبكت الهرمونات تطفح دلوقتي.**ابو ده نكد ثم اكمل بصوت عالي.... زهرة. قومي بقولك
بس زهرة كانت بتعيط ومش راضيه ترفع وشها ولا ترد عليه
حمزة اتنهد وهو بيحاول يكلمها بهدوء وقام قرب عليها وقعد قدامها وهو بيرفع وشها
وقال.... انتي ليه مش عاوزة تصدقي اني بحبك.. انا والله بحبك ومش عاوز من الدنيا غيرك.. ليه مش عاوزة تديني فرصة وتدي لنفسك...
كمل بحيرة... طيب استسلامك ده مش بيدل غير علي حاجة واحدة بس.. انك بتحبيني.. ليه غاوية توجعي قلبك وتتعبيني. ليه يازهرة
مسك وشها بين ايديه... زهرة. انا بحبك فاهمه. بحبك اكتر من نفسي. انتي روحي. انا بتنفسك
زهرة كانت دموعها نازلة وهو ماسك وشها بين ايديه
حمزة ضمها ليه بتملك... متبعديش يازهرة
زهرة بخفوت غمضت عنيها وقالت..... مش هبعد.. انا بحبك
حمزة رفع وشها من حضنه بدهشة وهو مش مصدق انها قالتها
وقال.... قولتي ايه. انتي قولتي بحبك. انا سمعت صح
زهرة وهي بتمسح دموعها.... طب ما انت عارف اني بحبك ياحمزة. ليه مستغرب
حمزة..... علشان مقولتهاش من سنين يازهرة
زهرة.... حتي لو مقولتهاش. طول السنين دي.
اتنهدت وكملت... حبك مانقصش من قلبي..
هزت راسها برفض.... معرفتش اتخلص منو. حاولت كتير. بس معرفتش
حمزة ضمها ليها تاني.... انا بعشقك يازهرة. صدقيني
زهرة غمضت عنيها وهي بتقول..... انا خايفة
حمزة وهو ضاممها ليه.... من ايه ياحبيبي
زهرة..... خايفة اتوجع منك تاني.. مش هستحمل. والله ماهستحمل
حمزة..... عمري ما هاخزلك. ثقي فيا
رفع وشها وبصلها ببتسامة وقال..... بحبك
وقام وهو بيشلها
زهرة.... هتوديني فين
حمزة..... لو عليا مش عاوز امشي من هنا.. بس زمانهم بينادو علينا في الجوامع
زهرة ابتسمت
حمزة فضل شايلها لحد ماوصل للعربية وركبها ورجع اخد باقي حاجتهم وقفل البوابة وبعدين رجعو البيت