![](https://blogger.googleusercontent.com/img/b/R29vZ2xl/AVvXsEjVGuhE2772toGpG9wWUrm9yzqjqjOJ9MmRbB2H_IQ0MAUC5Xv-MMO0GlTNGcJVe_-asepdtyOb2b2T0HcpjhaF1PwZ25wXzqbeHmMwxy05qzZqeALWgnJ0xVrc4zB91q3hXsmYSB-mzR1QJ9qBoKSvjEwS0_csIKbR9z8_jtyax56QjifpkUwvqeUgG3ra/s320-rw/FB_IMG_1715644431771.jpg)
رواية مزاولة حب الفصل التاسع والثلاثون39والاربعون40بقلم دودو محمد
فى المستشفى
وصلت ندى وهى منهاره ومعاها مالك وقعدوا يبصوا فى المكان على يارا وبدر
مالك :- بدر اهو واقف هناك
ندى :- طلعت تجرى عليه بدموع وقالت فين اخويا يا بدر
بدر :- بحزن فى اوضت العمليات
مالك :- ويارا فين
بدر :- يارا اغمى عليها وانهارت والدكتور أداها حقنة مهدأ
ندى :- بدموع يا حبيبى يا اخويا هيقدر يعيش ازاى من غير رجليه اه يا وجع قلبى عليك يا حبيبى
مالك :- أهدى يا حبيبتى علشان اللى فى بطنك
ندى :- قعدت فى الارض بدموع وقالت مش قادره اصدق ان اخويا رجله اتقطعت حاسه ان انا اللى رجلى اتقطعت مش هو حته منى انا اللى خسرتها مش هو حرام والله ليه يحصله كده ليه
مالك :- يا حبيبتى استغفرى ربنا حرام متقوليش كده على الأقل اخوكى خسر رجله وهو بيدافع عن بلده فيه غيره خسروا عمرهم كله واستشهدوا ربنا اكيد هيعوضه خير عن اللى حصل فيه ده وبعدين اخوكى وسام شرف للكل أنه قدر يتصدا للإرهاب ودافع عن زمايله وانقذ كتير منهم ده بطل كبير وبكره الدنيا كلها تتكلم عنه
ندى :- اااااه يا قلبى قلبى وجعنى اوى عليه يا مالك ياريت كنت انا اللى حصلى كده وانت لاء يا حبيبى
مالك :- بعد الشر عليكى يا حبيبتى خليكى قويه يا ندى هو دلوقتى محتاجكم جمبه اكتر من الاول ولازم تقوى علشان يقدر يعدى المرحله الجايه على خير
بدر :- ايوه يا ندى لازم تكونى اقوى من كده علشان تقوى صحبتك وتقوى اخوكى الفتره الجايه هتكون صعبه عليهم
ندى :- ربنا يستر على ماما لما تعرف دى ممكن تروح فيها
بدر :- خليك انت مع ندى ويارا وانس وانا هحاول اعرفها بطريقه بسيطه واجيبها معايا
بدر :- ماشى ربنا معاك
مالك :- ندى حبيبتى خليكى قويه علشان خاطرى
ندى :- بدموع مش قادره يا مالك بس هحاول
مالك :- باس راسها ونزل ركب عربيته وراح عند ام انس يبلغها
وبعد وقت خرج انس من العمليات ودخل الاوضه الخاصه بيه
بدر :- ادخلى انتى معاه وانا هروح اطمن على يارا
ندى :- بدموع ماشى ودخلت الاوضه عنده وبصت عليه وهو لسه فى البينج وراحت مسكت ايديه وباستها وقعدت تعيط وتقول اه يا اخويا اللى حصلك ده وجعنى انا والله قلبى بيتقطع علشانك اه يا حبيبى
انس :- وهو فى البينج قعد ينادى على يارا
ندى :- طبطبت على أيده وقالت ربنا يصبرها ويصبرنا كلنا يا انس ونامت على صدره وقعدت تعيط
انس :- بدء يفوق وحرك راسه يمين وشمال وبص على أخته على صدره وهى بتعيط ورفع أيده بتعب وطبطب على كتفها
ندى :- رفعت راسها ومسحت دموعها وقالت حمدالله على السلامه يا حبيبى
انس :- بتعب يارا فين
ندى :- ها يارا فى الاوضه اللى جمبك مريحه شويه علشان الحمل تعبها
انس :- انا مش حاسس برجلى الشمال دى خالص
ندى :- بصت ليه بدموع وقالت اهم حاجه انك كويس وعايش وسطنا يا حبيبى اى حاجه تانيه مش مهم
انس :- تقصدى ايه
ندى :- ها ه.ه.هو الدكتور مقالش ليك حاجه
انس :- بتعب انا اخر حاجه فكرها ساعة الهجوم وقنبله اتحدفت علينا واغمى عليا ومحستش بأى حاجه تانى غير دلوقتى
ندى :- حطت ايديها على وشها وحاولت تمسك دموعها وقالت ا.ا انا هبلغ الدكتور انك فؤقت وخرجت تجرى من الاوضه وقعدت فى الارض وقعدت تعيط
انس :- حاول يحط أيده على رجله علشان يحسس عليها ويعرف هو ليه مش حاسس بيها شد الغطا من على رجله واتصدم لما ملاقهاش غمض عينه بوجع وحسره ودموعه نزلت منه وقال الحمدالله على كل شئ اللهم لا اعتراض على امرك وحكمك يارب لا اعتراض على امرك وحط الغطا تانى على رجله وفى الوقت ده الباب اتفتح انس مسح دموعه بسرعه
بدر :- حمدالله على سلامتك يا انس
انس :- الله يسلمك يا بدر يارا عامله ايه دلوقتى
بدر :- هى نايمه شويه بس
انس :- اكيد منهاره لما عرفت ببطر رجلى صح
بدر :- بصله بوجع وبص فى الارض
انس :- ممكن تجيبها عندى
بدر :- بس هى واخده مهدأ ونايمه
انس :- معلش شيلها وهاتها جمبى هنا ممكن
بدر :- اتنهد وقال حاضر وخرج
ندى :- دخلت وقالت الدكتور اهو يا انس
الدكتور :- حاسس بأيه دلوقتى
انس :- بألم مكان رجلى المقطوعه
ندى :- بصت ليه بألم
الدكتور :- معلش هو بس مكان البطر هخلي الممرضه تديك مسكن حالا عاش يا بطل انت وسام كلنا نفتخر بيه
انس :- ابتسم ليه بوجع وقال شكرآ
الدكتور :- عن اذنك وخرج وسابهم
ندى :- بصت لاخوها ودموعها نزلت منها
انس :- فتح دراعه وقال تعالى
ندى :- اترمت فى حضنه وقعدت تعيط
انس :- ششش أهدى يا ندى انا راضى بقضاء الله
ندى :- بدموع ياريتنى كنت انا يا انس وانت لاء
انس :- بعد الشر عليكى يا حبيبتى متقوليش كده امسحى دموعك بقى ومش عايز اشوفها تانى
ندى :- مسحت دموعها وقالت طيب انت حاسس بأيه موجوع صح
انس :- ابتسم ليها وقال شويه صغيرين مش اوى وفى الوقت ده بدر فتح الباب وهو شايل يارا وحطها جمبه على السرير
انس :- قرب من راسها وباسها وشاف دموعها على خدها مسحها واخدها فى حضنه
بدر :- لو هتتعب كده انا ممكن اخليهم يجيبوا سرير ليها هنا وانيمها عليه
انس :- هز راسه وقال لاء خليها فى حضنه ودخلت الممرضه حطت المسكن ليه فى المحلول وخرجت وشويه ووصل مالك ومعاه ام انس
ام انس :- مالك ياروح امك عملوا فيك ايه منهم لله ينتقم منهم ربنا قولى يا حبيبى موجوع ها متزعلش على ابتلاء ربنا وارضى بالمكتوب وربنا هيعوضك خير عن اللى خسرته ودموعها نزلت منها وقالت والله العظيم لو ينفع يخدوا رجلى ليك كنت خليتهم قطعوها وادهالك انا مش عايزه حاجه من الدنيا يا ضنايا غير أن اشوفكم مبسوطين
انس :- أهدى يا امى انا كويس والله والحمد الله مش زعلان وراضى بقضاء الله ومش مهم تيجى فيا انا بس محدش فيكم يحصلوا حاجه
ام انس :- راحت باست راسه وقالت على عينى يا ضنايا لو يخدوا عمرى كله علشان انتوا تكونوا كويسين مش خساره فيكم
انس :- باس ايديها وقال ربنا يديك طولت العمر والصحه يا امى وجودك جمبنا اكبر قوه لينا احنا من غيرك نضيع ،ربنا لما بيسترها معانا علشان خاطر دعائك لينا يا حبيبتى احنا عايشين بفضلك يا امى
ام انس :- ربنا يبارك ليا فيكم يا حبايبى وميوجعش قلبى عليكم ابدآ
انس :- مسك ايديها وباسها
ندى :- باست راسها وقالت ربنا يخليكى لينا
مالك :- الف سلامه عليك يا بطل دى الناس كلها بتتكلم عن شجاعتك وقوتك وانقاذك لزمايلك
انس :- الله يسلمك يا مالك
يارا :- بدأت تحرك راسها وهى فى حضن انس
انس :- بص عليها وهى بتحرك راسها
يارا :- وهى مغمضه عينيها دموعها نزلت منها وقالت انس حبيبى انت فين خدوا عمرى وبلاش تقطعوا رجليه ااااانس يا اااااانس
انس :- قرب من ودنها وقال شششش أهدى يا يارا انتى جمبى وفى حضنى متقلقيش عليا انا كويس
يارا :- فتحت عينيها واحده واحده وبصت حاوليها وبصت جمبها لاقت انس اترمت فى حضنه وقالت انس انت كويس صح محصلش ليك حاجه اكيد ده كان كابوس وصحيت منه
انس :- أهدى يا يارا ده قضاء ربنا وانا راضى بي
يارا :- بدموع يعنى انا مكنتش بحلم وقطعوا رجلك
انس :- ايوه
يارا :- مسكت فيه اكتر وقعدت تعيط
انس :- أهدى يا حبيبتى علشان خاطرى أهدى
بدر :- أهدى يا يارا مش كويس على اللى فى بطنك اللى انتى بتعمليه ده
ام انس :- ربنا يصبرنا كلنا على مصيبتنا بس قدر اخف من قدر يا بنتى كويس أنه معانا ووسطنا
ندى :- أهدى يا يارا مش كده يا حبيبتى متزودهاش عليه
مالك :- احمدى ربنا فى السراء والضراء ربنا ليه حكمه فى كده
يارا :- بدموع الصبر من عندك يارب الصبر من عندك
انس :- باس راسها وضمها اكتر فى حضنه وغمض عينه وقال علشان خاطرى أهدى علشان خاطرى يا يارا
يارا :- بعدت عن حضنه واخدت نفس عميق وخرجته براحه ومسحت دموعها وغمضت عينيها وقالت حاضر انا هديت اهو
انس :- طيب فتحى عينك
يارا :- فتحت عينيها وبصت ليه واترمت تانى فى حضنه وقعدت تعيط
انس :- ضمها اكتر فى حضنه وباس راسها وقعد يطبطب عليها
ورحمه عرفت الخبر وجات وقفت جمب يارا وندى وتمارا عرفت وبقت تتابعهم بالتليفون علشان يوسف رفض ينزلها علشان الحمل ويوسف راح المستشفى واطمن على انس ومر اسبوع وخرج انس من المستشفى ورجع الشقه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا حسام
صحيت تمارا من نومها وبصت جمبها لاقت يوسف لسه نايم قامت براحه من جمبه ودخلت الحمام وبعد وقت خرجت ولسه هتطلع سمعت صوت يوسف بيتكلم براحه قربت ودنها منه وقعدت تسمع كلامه
يوسف :- عايزه ايه يا ارين
ارين :- مش هتيجى تبص على بنتك
يوسف :- مش لما أتأكد انها بنتى الاول
ارين :- اكيد احساسك قالك إذا كانت بنتك ولا لاء
يوسف :- يعنى انتى عايزه ايه دلوقتى
ارين :- بنتك حرارتها عاليه من امبارح وكنت عايزاك تيجى تخدنا لدكتور
يوسف :- ماشى يا ارين اقفل وانا وشويه وجايلك
ارين :- بفرحه باى
تمارا :- دموعها نزلت منها ومصدقتش اللى سمعته غمضت عينيها واخدت نفس وخرجته براحه ومسحت دموعها وعملت نفسها بتفتح الباب وخرجت
يوسف :- اول ما سمع صوت الباب عمل نفسه نايم
تمارا :- بصت ليه مده واتنهدت وقعدت على السرير وقالت يوسف يا يوسف قوم يلا يا حبيبى علشان متتأخرش على الشغل
يوسف :- فتح عينه وباس ايديها وابتسم ليها وقال صباح الخير يا قلبى
تمارا :- صباح النور قوم يلا شكلك كنت نايم مش حاسس بحاجه
يوسف :- ها ا.ا.اه وقام وقف ودخل الحمام
تمارا :- بصت على باب الحمام ومسكت تليفونه وفتحته وبصت فيه وجابت اخر مكالمه مستلمه لاقت رقم سجلته بسرعه عندها وقفلت تليفونه ورجعته مكانه وفى الوقت ده خرج يوسف من الحمام لبس هدومه واده فرضه وباس تمارا من خدها وقال
يوسف :- متتحركيش من على السرير فاهمه
تمارا :- ابتسمت ليه وقالت حاضر
يوسف :- محتاجه حاجه
تمارا :- لاء سلامتك
يوسف :- فتح الباب ونزل
تمارا :- جابت الرقم ورنت عليه وانتظرت الرد
ارين :- الو الو
تمارا :- اول ما سمعت الصوت اتصدمت
ارين :- الو مين معايا وسكتت شويه وقالت يوسف حبيبى هو انت بتتكلم من رقم غريب علشان مراتك متشكش فينا
تمارا :- دموعها نزلت منها وقفلت السكه وقامت لبست هدومها ونزلت تجرى
سميحه :- تمارا انتى رايحه فين كده
تمارا :- ها ه.ه.هشم شويه هوا ارجوكى يا طنط متقوليش ليوسف زهقت من قعدت الأوضه
سميحه :- طيب متتعبيش نفسك يا بنتى يوسف لسه خارج حالا اوعى يشوفك
تمارا :- متقلقيش يا طنط وخرجت تجرى مرضتش تركب عربيتها وقفت تاكسى وقالت ليه يمشى وراه عربية يوسف وبعد وقت وقف يوسف بعربيته ووقف التاكسى وراه ونزل يوسف وحسبت تمارا التاكسى ونزلت تجرى وشافته بيركب الاسانسير تابعت الشاشه وعرفت نزل فى أى دور وركبت الاسانسير التانى وطلعت عند الدور اللى نزل فيه يوسف وبصت على باب الشقه واتنهدت بتوتر وراحت رنت الجرس
يوسف :- فتح الباب وبص لتمارا بصدمه
تمارا :- بصت ليوسف بوجع وبصت على ارين وهى واقفه وراه ونزلت تجرى
يوسف :- بص لارين بغيظ وقال عارفه لو طلعتى انتى وراه اللى حصل ده هيكون اخر يوم فى عمرك وخرج يجرى بص على الاسانسير لاقه مشغول نزل يجرى على السلم
ارين :- ضحكت بشر وقالت نصيبها كده هى اللى استعجلت وعرفت كل حاجه بدرى وقفلت الباب
تمارا :- نزلت والدموع فى عينيها وقعدت تشاور لاى تاكسى علشان يوقف ليها
يوسف :- نزل يجرى ومسكها من دراعها وقال تمارا هفهمك كل حاجه
تمارا :- شدت دراعها من أيده وقالت هتفهمنى ايه كل حاجه واضحه يا يوسف
يوسف :- والله العظيم مش زى ما انتى مفكره اسمعينى بس
تمارا :- مش زى ما انا مفكره اممم وانت بقى عرفت انا مفكره فى ايه ولا أنت علشان على راسك بطحه حسست عليها قولى انت لو شوفتنى فى شقه مع ياسين كنت هتعمل ايه ها كنت هتقولى كملى يا حبيبتى ومتتأخريش ولا كنت دخلت قتلتنا احنا الاتنين انا هتفضل طول عمرك وسخ ومش بتفكر غير فى نفسك وبس طلقنى يا يوسف
يوسف :- والله العظيم ما فيه حاجه من اللى فى دماغك دى كل الحكايه أن انا قعدها هنا علشان متخدش بنتى وتهرب لحد بس ما أتأكد أن اللى معاها دى بنتى وسعتها هخدها منها وارميها فى الشارع تمارا انا بحبك ومستحيل اقرب لواحده غيرك
تمارا :- والله وانت علشان تتأكد لازم تزور امها وتطمن عليها صح ولا كنت بتحاول تخاوى البنت طلقنى بقولك
يوسف :- والله ما فيه حاجه حصلت ما بينا هى اتصلت بيا وقالت البنت حرارتها عاليه وانا كنت جاى اخدها لدكتور بس والله ما فيه حاجه تانى
تمارا :- ضربته على كتفه وقالت انت بتعمل فيا كده ليه كل ما احاول انسى الماضى بتفتحه تانى ليه حرام عليك يا شيخ بقى كفايه
يوسف :- مسك ايديها وقال أهدى يا تمارا علشان خاطرى انا بحبك انتى وعمرى ما فكرت اخونك
تمارا :- حرام عليك كفايه كدب بقى طلقنى وسبنى فى حالى مش عايزه اشوف وشك تانى فاهم ووقفت تاكسى وركبته ومشيت
يوسف :- غمض عينه بحزن وركب عربيته ورجع وراها يجرى
تمارا :- نزلت تجرى من التاكسى ودخلت تجرى على الفيلا بتاعتهم ودخلت على اوضتها واترمت على السرير وقعدت تعيط
سميه :- دخلت تجرى وراها وقالت تمارا مالك يا بنتى
تمارا :- قامت قعدت واترمت فى حضن امها وقعدت تعيط
عماد :- دخل وقال مالك يا تمارا
تمارا :- قامت تجرى واترمت فى حضن ابوها وقالت طلقنى منه يا بابا ده واحد خاين وانا مش هقدر اكمل معاه
سميه :- طلاق ايه بس يا بنتى وانتى فى بطنك عيل منه
عماد :- سميه سبينا لوحدينا شويه
سميه :- حاضر وخرجت وقفلت الباب وراها
عماد :- تعالى يا تمارا اقعدى يا حبيبتى
تمارا :- قعدت على حرف السرير وقالت انا عايزه أطلق يا بابا
عماد :- طيب ممكن اعرف ايه اللى حصل
تمارا :- بدموع بيخونى مع طليقته يا بابا انا شوفته بعينى معها فى شقتها
عماد :- واحده واحده عليا انتى عرفتى ازاى اصلا أن يوسف هناك
تمارا :- انا كنت خارجه من الحمام وسامعته بيتكلم مع واحده وخليته دخل الحمام واخد الرقم سجلته على تليفونى واول ما خرج من الأوضه اتصلت بالرقم وردت عليا ارين وفكرته أن هو وقالت ليه انت بتتصل بيا من رقم غريب علشان مراتك متشكش فينا معنى كده أن فيه حاجه ما بينهم يا بابا خرجت وراه وكل ده وانا برضه مش قادره اصدق وبكدب كل اللى بيحصل ده وروحت وراه وطلعت رنيت الجرس وشوفتهم بعينى فى شقه واحده يا بابا انا غلطانه أن سمعت كلامكم وسامحته
عماد :- طيب أهدى بس علشان التوتر والزعل مش كويسين على الحمل
تمارا :- ارجوك طلقنى منه
عماد :- هعملك كل اللى انتى عايزاه بس أهدى انا هسيبك ترتاحى شويه وبعدين نكمل كلامنا ارتاحى شويه
تمارا :- طول ما انا على ذمته مش هرتاح يا بابا طلقنى ارجوك من الخاين ده
عماد :- ماشى أهدى وقام وقف وقال ريحى ضهرك انتى عملتى مجهود واتحركتى كتير
تمارا :- نامت على ضهرها على السرير وقالت اهو يا بابا بس ارجوك اعمل اللى قولتلك عليه
عماد :- ماشى وخرج وسابها وقال غبى يا يوسف ونزل تحت لاقه بصله وقال تعالى ورايا على المكتب
يوسف :- بحزن حاضر ودخل وراه
كريم :- هو فيه ايه يا ماما
سميه :- ولا اعرف اختك شكلها متخانقه مع جوزها
كريم :- ااااه اهو ده اللى بنخدوا من الجواز الخناق والنكد مالها حياة السنجله وربنا السنجله جنتله
سميه :- بعد الشر عليك يا روحى من حياة السنجله ربنا يرزقك بكتكوته صغيره تدلعك وتملى حياتك سعاده وهنا
كريم :- بالنسبه للكتكوته موجوده بس موضوع سعاده وهنا دى اشك فيها يلا سلام يا مزتى وخرج وسابها
فى المكتب
دخل عماد ووراه يوسف وقفل الباب وراهم
عماد :- انا سامعك اتفضل اتكلم
يوسف :- والله يا عمى ما فيه اى حاجه حصلت ما بينا
عماد :- انا عايز اعرف الموضوع من أوله
يوسف :- كل الحكايه أن ارين ظهرت من اسبوع يوم ما عرفت أن تمارا حامل وجات ليا المكتب ومعها بنتى طبعآ انا كان لازم أتأكد الاول انها بنتى ولا لاء بعد خيانتها ليا وخوفت اعرف تمارا اضيع فرحتها فى يوم زى ده لأنها عمرها ما هتبقى مبسوطه وهى عارفه أن ارين هنا قولت اعمل التحليل اقعدها فى شقه لحد ما أتأكد أن البنت بنتى وامهد الموضوع لتمارا واخد البنت تعيش معانا اصلا احنا متفقين على كل حاجه يوم فرحنا بس المشكله أنها رجعت فى يوم كلنا كنا فرحانين وكانت هتكسر فرحت تمارا والقلق والزعل مش كويسين على الحمل بس والله هو ده اللى حصل
عماد :- وكنت بتعمل ايه عندها
يوسف :- اتصلت بيا الصبح وقالت إن البنت حرارتها مرتفعه روحت أخدها عند الدكتور بس ملحقتش تمارا جات ونزلت اجرى وراها
عماد :- ارين بتلعب عليكم يا ابنى علشان وصلت لمراتك أن فيه علاقه ما بينكم وانكم بتتكلموا مع بعض من وراها وهى عندها حق فى اللى عملته اى واحده مكانها كانت هتعمل زيها كده واكتر
يوسف :- طيب قولى اعمل ايه بس يا عمى انا مقدرش على بعد تمارا عنى انا بحبها والله العظيم بحبها
عماد :- عارف انك بتحبها بس غلط لما مقولتش ليها الحقيقه من الاول تمارا كانت هتقدر موقفك وهتوقف جمبك إنما انتى كده حطيت نفسك فى موضع الشبهات سبها تهدا شويه وانا هبقى اتكلم معها
يوسف :- طيب اطمن عليها
عماد :- هى كويسه ونايمه فى اوضتها
يوسف :- اتنهد بحزن وقال خلى بالك منها يا عمى واشرح ليها الوضع الحقيقى انا بحبها وعينى مستحيل تشوف غيرها
عماد :- تهدا بس وهكلمها
يوسف :- ماشى يا عمى انا هروح الشغل دلوقتى ويارب على بليل تكون هديت
عماد :- لاء شغل ايه روح خد بنتك لدكتور الاول
يوسف :- مش عايز اشوف وش امها
عماد :- حرام البنت ملهاش ذنب خدها اطمن عليها الاول
يوسف :- حاضر عن اذنك يا عمى وخرج وسابه
عماد :- اتنهد وقال ربنا يصلح حالكم يارب وخرج من المكتب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا مالك
صحى مالك من نومه وبص على ندى لاقها نايمه قام براحه من جمبها ودخل الحمام اخد شاور واتوضى وخرج لبس هدومه واده فرضه وراح قعد على حرف السرير جمب ندى وخبط على كتفها براحه وقال
مالك :- ندى حبيبتى ندى
ندى :- امممم
مالك :- هتقومى تجهزى علشان ننزل الشركه
ندى :- فتحت عينيها بتعب وقالت مش عارفه تعبانه اوى
مالك :- تحبى اخدك الدكتور
ندى :- لاء مش لازم انا دلوقتى هكون كويسه
مالك :- خلاص خليكى بلاش تنزلى النهارده
ندى :- لاء مش حابه اقعد فى البيت لوحدى استنى هقوم اجهز وانزل معاك
مالك :- طيب قومى يلا يا حبيبتى ومسك ايديها يقومها
ندى :- قامت من على السرير ولسه هتمشى
مالك :- بصدمه ايه الدم ده يا ندى
ندى :- بصت على السرير و بصت على نفسها وقالت بخوف مش عارفه يا مالك
مالك :- احنا لازم نروح لدكتور حالا
ندى :- انا خايفه اوى يا مالك
مالك :- بقلق أن شاءالله خير وجاب هدوم ليها ودخلها الحمام وفتح الدش وشطف ندى وخرج نشفها ولبسها هدومها ونزلوا ركبوا العربيه وراحوا لدكتور ودخلوا عنده بسرعه وكشف عليها وقال
الدكتور :- اطمنوا هى بس عملت مجهود زياده سبب فى نزول الدم ده محتاجه بس تنام على ضهرها وتاخد العلاج ده ومتتحركش الا لضروره
مالك :- يعنى الجنين كويس
الدكتور :- الحمدالله بس العلاج اللى هتخده ده هيمنع الولاده المبكره لقدر الله
ندى :-بقلق بالله عليك يا دكتور ابنى هيعيش
الدكتور :- يا ستى الاعمار بيدى الله هو كويس مفهوش حاجه بس احنا بنعمل احتياططنا علشان لو حصلت حاجه مفاجئه لقدر الله
مالك :- شكرآ يا دكتور
الدكتور :- العفو ربنا يكملها على خير
مالك :- يارب عن اذنك وخرجوا الاتنين من عند الدكتور
ندى :- انا خايفه اوى عليه يا مالك
مالك :- يا حبيبتى متخافيش الدكتور الحمدالله طمنا وانتى كويسه اهو ومفيش حاجه بس اهم شئ تسمعى كلام الدكتور ومتتحركيش من على السرير عايزه تروحى عند امك وهى تاخد بالها منك ماشى عايزه اجبلك واحده تخدمك وتاخد بالها منك معنديش مشكله اهم حاجه عندى راحتك
ندى :- انا هروح اقعد عند ماما الفتره دى
مالك :- اللى يريحك يا قلبى
ندى :- طيب وانت
مالك :- انا ايه
ندى :- هتقعد فين
مالك :- فى بيتى كل يوم هاجى اطمن عليكى وانا راجع من الشغل وهروح انام فى بيتى
ندى :- طيب ما تنام معايا عند ماما
مالك :- يا حبيبتى مينفعش انا مش هبقى مرتاح غير فى بيتى وهى فتره وهتعدى
ندى :- بس انا مش بعرف انام اللى فى حضنك
مالك :- خلاص خليكى فى بيتنا وانا هجبلك واحده تاخد بالها منك ونامى براحتك فى حضنى
ندى :- بس هتبقى انت فى الشغل طول النهار وانا هبقى قاعده لوحدى إنما عند ماما هتبقى قاعده معايا
مالك :- خلاص روحى عند مامتك
ندى :- طيب وحضنك
مالك :- يا ررررربى انا مش عارف اراضيكى ازاى يا ندى اللى انت عايزاه اعملهولك بس قررى
ندى :- انا عايزه اروح عند ماما بس انت تكون معايا
مالك :- وانا قولتلك مينفعش
ندى :- يووووه بقى
مالك :- يا بنت الناس متجننيش معاكى أرسى على بر بقى
ندى :- خلاص هروح عند ماما
مالك :- ماشى وشغل العربيه
ندى :- بس هحتاج شوية حاجات من الفيلا
مالك :- روحى عند مامتك وقوليلى عايزه ايه وانا بعد الشغل هجيب ليكى كل حاجه
ندى :- انت مالك كده كأنك عايز تخلص منى وترتاح
مالك :- بصلها بصدمه وقال انا؟!
ندى :- ايوه انت
مالك :- ندى يا حبيبتى بقولك ايه انا مش حمل مناهده انا الخضه اللى أخدها الصبح بسببك مخليانى على اعصابى وخلقى عند مناخيرى
ندى :- مالك كده مش طيقنى هو انا اللى عملت كده يعنى
مالك :- بصلها ونفخ ومشى بالعربيه
ندى :- ممكن تبص ليا وتقولى فيه ايه بقى مالك
مالك :- مليش يا ندى قولتلك الخضه اللى اخدها الصبح مسيبى اعصابى وانتى بتعصبينى بكلامك ده ومش عايز اتعصب عليكى علشان مزعلكيش يا ندى خلينى اوصلك عند امك دلوقتى ولما ارجع من الشغل نبقى نتكلم ماشى
ندى :- بصت ليه بزعل وقالت ماشى
مالك :- بعد وقت وصل عند بيت ام انس وبص لندى وقال يلا انزلى وهبقى اكلمك اطمن عليكى
ندى :- بزعل ماشى ونزلت من العربيه ودخلت البيت واتفاجئت بمالك بيشدها فى حضنه وبيبوس راسها
ندى :- مسكت فيه وقعدت تعيط
مالك :- ضمها جامد فى حضنه وقال حقك عليا انا اسف والله متزعليش منى
ندى :- قعدت تعيط فى حضنه اكتر
مالك :- بعدها عن حضنه ومسك وشها بين ايديه وباس راسها وقال انا اسف يا ندى والله اعصابى مشدوده من قلقى عليكى الصبح متزعليش منى انتى عارفه انا بحبك ومقدرش اشوف دموعك دى
ندى :- انت اول مره تتعامل معايا بالطريقه دى يا مالك
مالك :- علشان انا غبى وحمار ومبفهمش
ندى :- متقولش على نفسك كده لو سمحت
مالك :- يعنى خلاص مش زعلانه منى
ندى :- هزت راسها يمين وشمال وقالت انا اصلا مقدرش ازعل منك
مالك :- شدها فى حضنه وقال بحبك يا مجنونه بعشقك وربنا
ندى :- مسكت فيه اكتر وقالت وانا بموت فيك
مالك :- يلا يا روحى وخلى بالك على نفسك ماشى
ندى :- حاضر بس خلص شغل وتعالى بسرعه علشان هتوحشنى
مالك :- ابتسم ليها وقال حاضر
ندى :- مشيت لحد السلم وبصت ليه تانى وابتسمت ليه وبعتتله بوسه فى الهوا وطلعت السلم
مالك :- ابتسم وهز راسه يمين وشمال وراح ركب عربيته وشغلها وراح على الشغل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
صحى انس من نومه وحاول يقوم من على السرير علشان يدخل الحمام بس معرفش حست بيه يارا قامت بسرعه فتحت عينيها وقالت
يارا :- صباح الخير يا حبيبى
انس :- صباح النور وجه يوقف على رجل واحده وقع تانى على السرير
يارا :- قامت تجرى ومدت ايديها وقالت تعالى يا انس أسند عليا
انس :- اتنهد بحزن وقال لاء انا هقوم لوحدى وحاول يوقف تانى لوحده بس وقع تانى على السرير غمض عينه واول مره دموعه تنزل منه قصاد يارا
يارا :- قعدت على ركبتها قصاده ومسكت وشه بين ايديها ومسحت دموعه وقالت دول غاليين عليا اوى مش انس اللى دموعه تنزل أبدآ انا هعيش خدامتك وهتفضل سيدى وتاج راسى يا انس وانا هعيش عكازك علشان متأكده لو كان ده حصل ليا انا كنت برضه هتشيلنى عمرك كله ومش هتتخلى عنى انس انا بعشق التراب اللى بتمشى عليه ولو طلبت عمرى كله مش خساره فيك بس ارجوك بلاش دموعك دى تنزل تانى ودموعها نزلت منها
انس :- مسح دموعها وقرب من راسها وغمض عينه وباسها وشدها فى حضنه ودموعه نزلت منه
يارا :- مسكت فيه اكتر وقعدت تعيط
انس :- مسح دموعه وبعدها عن حضنه ومسح دموعها وقال لو بتحبينى بجد بلاش تعيطى يا يارا
يارا :- هزت راسها وقالت حاضر
انس :- لف دراعه حاولين رقبت يارا
يارا :- قامت وقفت ووقفته
انس :- سند على كتفها وبدء يدوس على رجله السليمه ومشى معها ودخل الحمام
يارا :- بصت ليه وقالت تحب تاخد شاور
انس :- بحزن ماشى
يارا :- طيب خليك قاعد هنا وانا هظبطلك الميه وشغلت الدوش وظبطت الميه
انس :- بص ليها بحب واتنهد بوجع
يارا :- خلصت ونشفيته وحطت الفوطه على وسطه وحطت دراعه على كتفها وخرجوا من الحمام قعدته على حرف السرير ولبسته هدومه وسرحت ليه شعره وباسته فى خده وقالت زى القمر يا قلبى
انس :- شدها فى حضنه وقال ربنا يخليكى ليا يا قلبى يارب
يارا :- بحب وميحرمنيش منك وقامت وقفت وقالت هروح بقى احضر الفطار احسن هموت من الجوع انا وابنك وخرجت من الاوضه ودخلت المطبخ وحطت ايديها على بؤقها وقعدت تعيط
🦋مزاولة حب 🦋 40
🐝الفصل الاربعون🐝
فى الشركه
دخلت رحمه عند بدر ووقفت قصاده وربعت ايديها على صدرها وقعدت تبص ليه بغيظ
بدر :- بص ليها بأستغراب وقال رحمه مالك
رحمه :- ممكن اعرف ناوى تيجى تتكلم مع بابا امته على الفرح انت قولتلى انك هتروح ليه من اسبوع وحصل موضوع جوز اختك ومن ساعتها سكت ومتكلمتش تانى فى الموضوع
بدر :- اهو انتى قولتى حصل موضوع انس مكانش ينفع اسيبهم فى وقت زى ده واروح اتكلم على تقديم ميعاد الفرح
رحمه :- واهو خرج من المستشفى الحمدالله ممكن بقى تكلم بابا
بدر :- حاضر هكلمه
رحمه :- امته
بدر :- بكره
رحمه :- وليه مش النهارده
بدر :- انا بقالى اسبوع مش بنام يا رحمه من المستشفى لشغل ومن الشغل للمستشفى هموت وانام اريح النهارده وبكره هكلمه
رحمه :- اتنهدت بزهق وقالت انا زهقت يا بدر نفسى نتجوز بقى ونبقى انا وانت فى بيت واحد
بدر :- راح عندها ومسك وشها بين ايديه وقال وانا والله العظيم نفسى بس اللى حصل ده مكانش حد عامل حسابه عليه ،اللى خلانا نصبر كل ده نصبر شويه صغيرين كمان
رحمه :- ماشى
بدر :- فكى التكشيره بقى
رحمه :- بصت ليه ومردتش عليه
بدر :- بحبك
رحمه :- وانا كمان بحبك
بدر :- طيب فكى البوز ده
رحمه :- لاء
بدر :- علشان خاطرى
رحمه :- ابتسمت ليه وقالت ماشى انت عارف لو اتأخرت بكره هقتلك
بدر :- لاء وحياتك عندى مش هتأخر
رحمه :- هو انت ليه مش بتبوسنى
بدر :- قرصها من خدها بكسوف وقال بطلى شقاوه كل شئ بأونه
رحمه :- يارب قرب أوانه ده بقى احسن تعبت
بدر :- قعد يضحك على كلامها وقال انتى مشكله
رحمه :- وانا هموت واعرف ازاى بتتكسف كده ده انا زى مراتك يعنى
بدر :- امشى يا بت روحى شوفى شغلك
رحمه :- يا مسهل لما نشوف اخرته ايه الكسوف ده وقربت من خده وباسته وطلعت تجرى
بدر :- حط أيده على خده بصدمه وبص عليها وهى بتجرى وابتسم وقال مجنونه بس بعشقها وبدء يشوف شغله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
وقفت تمارا فى الشباك وقعدت تبص على الفيلا ودموعها نزلت منها بوجع ومسكت السلسله فى ايديها وقالت
تمارا :- انتى سبب الوجع اللى انا عايشه فيه ده كله من يوم ما اخدك عهد واحتفظت بيكى وهبت ليه حياتى كأنى اختارت أرمى نفسى فى النار بأيديا انا تعبت ومبقاش عندى طاقة استحمل كل ده واتفاجئت بيوسف واقف وبيشاور ليها ويقول
يوسف :- تمارا ابوس ايدك انزلى نتكلم مع بعض وحياة ابننا اللى فى بطنك تمارا انا بحبك اقسم بالله بحبك وعمرى ما اقدر اخونك تمارا ردى عليا متسكتيش كده
تمارا :- بصت ليه بدموع ولسه هتدخل
يوسف :- لاء يا تمارا متدخليش وتسبينى ارجوكى طيب انزلى نتكلم مع بعض واسمعينى الاول وبعد كده احكمى عليا تمارا انا يوسف حب عمرك وانتى حب عمرى غلط مره ومقدرش اكررها تانى والله
تمارا :- بصت ليه وسابته ودخلت
يوسف :- اتنهد بوجع ولف ضهره ولسه هيمشى
تمارا :- اتفضل اتكلم انا سمعاك
يوسف :- ابتسم بفرحه ولف ليها وبصلها بحب وقال انا مش مصدق نفسى انك وافقتى تسمعينى يا تمارا
تمارا :- اتكلم واخلص
يوسف :- تعالى نقعد ومسك ايديها
تمارا :- سحبت ايديها ومشيت قدامه وقعدت
يوسف :- قعد قصادها وقال انتى عارفه أن ارين اختفت من ساعه ما ولدت ومقدرتش اوصل ليها من اليوم ده اتفاجئت بيها جايه ليا الشركه فى نفس اليوم اللى انتى طلعتى فيه حامل وكان معاها البنت وقالت ليا أنها مش هتسيب بنتها وأنها هى الام والقانون فى صفها ولو فكرت اخدها منها هتودينى فى داهيه انا مرضتش اجادل معاها الا لما أتأكد الاول من أن البنت بنتى اخدها وعملنا التحليل وكان لازم اخليها تحت عينى علشان متخدش البنت وتختفى تانى بس وقعدها فى الشقه بتاعتى لحد ما تظهر النتيجه والله العظيم هو ده اللى حصل
تمارا :- ومقولتش ليا ليه ما احنا اتفقنا من الاول ان ابنك هيعيش معانا اول ما هى تولد
يوسف :- علشان مزعلكيش وجودها فى يوم زى ده هيكسر فرحتك بالحمل وكمان اتفقنا إن انا كنت هجيب ابنى منها مش هتيجى أمها معاها وتعيش هنا دى حاجه كانت هتزعلك وانا مكنتش هقدر على زعلك كنت متأكد وجود ارين هنا هيخلق ما بينا المشاكل علشان كده حاولت اخفيها عنك يا تمارا
تمارا :- والحمد الله عرفت بطريقتى وفعلا خلقت ما بينا مشاكل لانك مكنتيش صريح معايا من الاول يا يوسف لو صحيح بتحبنى بجد طلقنى وخلينى افوق لنفسى وحطيت ايديها على بطنها وقالت وافوق لده بقى
يوسف :- مقدرش اطلقك يا تمارا انا اموت ولو بعدى عنى
تمارا :- وقفت وقالت وانا لو كملت معاك هموت بقهرتى بوجع قلبى منك مش هقدر اثق فيك تانى يا يوسف مهما عملت
يوسف :- ليييييه يا تمارا كل ده ما انا شرحت ليكى اللى حصل والله العظيم ما خونتك
تمارا :- بصت ليه وقالت عارف انا متأكدة انك مخونتنيش بس فكرة أن انا شكيت فيك دى لوحدها كفيله تخلينا منكملش مع بعض لان اكتشفت ان انا مش بثق فيك يا يوسف وسابته ومشيت
يوسف:- بص عليها وهى ماشيه وحط راسه ما بين ايديه وقال أنا مستحيل أطلقك يا تمارا مستحيل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة انس
حضرت يارا الاكل وخرجت من المطبخ ودخلت الاوضه عند انس لاقيته نايم راحت قعدت جمبه على السرير ومشيت ايديها على خده وقالت
يارا :- انس حبيبى اصحى يلا
انس :- وهو مغمض عينه قال عايزه ايه يا يارا
يارا :- قوم يلا علشان ناكل
انس :- مليش نفس سبينى انام يا يارا
يارا :- علشان خاطرى يا انس انا جعانه اوى ومش هاكل غير معاك قوم يلا يا حبيبى
انس :- فتح عينه وبص ليارا واتنهد وقام قعد ونزل رجله
يارا :- مالت عليه علشان يحط دراعه على كتفها
انس :- بص ليها وهى قريبه منه وبص على شفايفها وشدها قعدها جمبه وقرب من شفايفها وباسها
يارا :- لفت دراعها حاولين رقابته وعمقت البوسه
انس :- مد أيده علشان يقلعها جاكت الترنج
يارا :- مسكت أيده وبعدت عنه وقالت الاكل هيبرد خليها بعد الاكل
انس :- شدها فى حضنه وباس راسها واخد نفس وحط دراعه على كتف يارا
يارا :- ابتسمت ليه وقامت وقفت ووقفته وراحوا على المطبخ وقعدته على الكرسى وقعدت هى جمبه وحطت الاكل قدامه وقالت كل يلا يا حبيبى
انس :- حط الاكل فى بؤقه وبص ليارا
يارا :- ايه رأيك
انس :- ابتسم ليها وقال تسلم ايدك يا حبيبتى وكمل اكل
يارا :- مدت ايديها بالاكل عند بؤقه
انس :- بص على ايديها وقال انا رجلى اللى مقطوعه مش ايدى يا يارا
يارا :- اتحرجت وابتسمت ليه بتوتر وسحبت ايديها وحطت الاكل فى بؤقها هى وبصت ليه والدموع فى عينيها
انس :- اتنهد بزعل ومد أيده مسك ايديها وقال متزعليش منى مكنتش اقصد ازعجك
يارا :- طبطبت على أيده وقالت مقدرش انزعج منك يا عمرى انت احلى حاجه فى حياتى كلها فيه حد ينزعج من القمر ده برضه
انس :- مسك ايديها وباسها وقال ربنا يخليكى ليا
يارا :- باست أيده وقالت وميحرمنيش منك يلا بقى كل قبل ما الاكل يبرد
انس :- طيب هاتى الحته اللى انتى اكلتيها
يارا :- ابتسمت ليه واخدت لقمه وحطتها فى بؤقه
انس :- الله طعم الأكل من ايدك احلى بكتير وباس ايديها
يارا :- بألف هنا وشفا يا روحى وكملوا اكلهم وجرس الباب رن بصت اتجاه الباب وقالت مين اللى هيجى لينا دلوقتى
انس :- معرفش قومى افتحى الباب
يارا :- ماشى وقامت وقفت ولسه هتمشى
انس :- استنى خدينى معاكى
يارا :- ساعدته وخرجوا الاتنين من المطبخ وفتحت يارا الباب وقالت اهلا وسهلا اتفضلوا
مجدى :- عامل ايه يا انس وسلم عليه
انس :- تمام الحمدالله
رامى :- واحشتنا يا بطل
انس :- انتوا اكتر والله
ايمن :- اخبارك ايه
انس :- اهو الحمدالله اتفضلوا اتفضلوا
التلاته دخلوا وقفلت يارا الباب وراحت قعدت انس على الكرسى وسابتهم ومشيت
مجدى :- والله العظيم المكان بقى وحش اوى من غيرك
انس :- نعمل ايه قضاء ربنا وانا راضى بي
ايمن :- لولاك كان زمانه ميتين دلوقتى انت دافعت علينا وكنت هضحى بعمرك علشانه يا انس
انس :- انا معملتش اكتر من واجبى يا ايمن
يارا :- دخلت حطت ليهم العصير وقالت امال فين مراتتكم
رامى :- كانوا عايزين يجوا بس احنا مرضناش علشان الازعاج وكده
يارا :- مفيش إزعاج ولا حاجه ياريت كانوا جم معاكم
مجدى :- مره تانيه أن شاءالله
يارا :- أن شاءالله سلموا عليهم
رامى :- الله يسلمك
يارا :- خرجت وسابتهم
التلاته بصوا لبعض وبصوا لانس
انس :- خير بتبصوا لبعض كده ليه
ايمن :- بص الكتيبه كلها جمعوا فلوس من بعض واشتروا ليك ده علشان تقدر ترجع تانى فى وسطنا
انس :- بص على أيده وقال ايه ده
رامى :- ده طرف صناعى
انس :- اتنهد وقال ملوش لازمه
مجدى :- ليه بس يا انس احنا حاسين بالمعاناه اللى انت عايش فيها حاليآ ومتأكدين أن مراتك بنت اصول وهتشيلك بس هى حامل والحمل هيكون تقيل شويه عليها بالطرف الصناعى ده هتقدر تتحرك براحتك من غير ما حد يساعدك تمشى وهتقدر تتعامل فى حياتك طبيعى وتنزل تشوف مصالحك بقى
ايمن :- احنا عارفين انك تقدر تجيب واحد بس احنا عملنا كده حاجه بسيطه نشكرك بيها على اللى انت عملته علشانه
انس :- انا قولتلك معملتش اكتر من واجبى
رامى :- لاء انت عاملت اكتر من واجبك يا انس انت فعلا كنت فى قمة الشجاعه وعرض نفسك للموت علشان تنقذ اروحنا وخسرت حته من جسمك فى سبيل أن محدش فينا ينضر احنا مهما نعمل معاك مش هنرد ليك ربع جمايلك علينا
مجدى :- قام وقف وقعد قصاد انس وقال هوريك تركبه ازاى زى ما الشركه علمتنى ورفع رجل البنطلون وبدء يركبه عند انس
انس :- كان حاسس بألم شديد بس بيحاول ميظهرش ده
مجدى :- معلش انا عارف انك بتتألم بس فى أولها بس وبعد كده كل شئ هيكون طبيعى وركبه ليه وقام وقف ومد أيده وقال هات ايدك وحاول توقف بقى
انس :- مد أيده ومسك فى ايد مجدى وحاول يوقف بس الالم زاد عنده
مجدى :- معايا يا شباب
رامى و ايمن :- قاموا وقفوا واحد رفع انس من وراه وواحد من قدام والتالت ماسك أيده
رامى :- ابدء بقى حرك الطرف الصناعى
انس :- حاول يحركه مقدرش قال مش قادر
ايمن :- معلش حاول تانى
انس :- حاول وبصعوبه شديده حرك الطرف
مجدى :- حلو استمر تانى
انس :- حرك الطرف مره تانى
التلاته بدأوا يبعدوا عنه رامى :-اتعامل عادى كأنها رجلك بقى دوس عادى عليه
انس :- داس عليه وقال مش قادر فيه الم جامد
مجدى :- ايوه هما قالولى كده أن هيقعد فتره يتعبك شويه لحد ما تتعود عليه يلا امشى لوحدك بقى
انس :- حاول يرفع الطرف ويتحرك كان هيوقع والتلاته طلعوا يجروا عليه ومسكوا أيده
انس :- قولتلكم ملوش لازمه
ايمن :- اجمد يا بطل حاول تانى احنا اتعلمنا منك الإصرار يلا متيأسش
انس :- بصلهم وبدء يحرك رجله التانيه السليمه ويحرك الطرف الصناعى
التلاته بعدوا عنه بفرحه
رامى :- ايوه كده الله ينور
انس :- بدء يمشى لوحده واحده واحده
مجدى :- يلا امشى تانى يلا يا بطل
انس :- مشى تانى ووقف مره واحده وقال خلاص انا تعبت
ايمن :- مسكه وقال تعالى ريح شويه وبقى يمشى شويه ويريح شويه لحد ما اتعود عليه شويه وأصحابه مشوا وقام اتحرك وفتح باب اوضه ودخل
يارا :- بصت ليه بصدمه ودموعها نزلت منها وقامت من على السرير وراحت عنده واترمت فى حضنه وقالت انا بجد مش مصدقه عينى انا فرحانه اوى يا انس اوى
انس :- طبطب على ضهرها وباس راسها وبعد عنها ومسك وشها بين ايديه وقرب من شفايفها وباسها وبعد وقت بعد عنها ومسك ايديها وراحوا قعدوا على السرير وقرب منها و(سكتت شهرزاد عن الكلام الغير مباح)
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شقة ام انس
وصل مالك عند الشقه ورن الجرس وفتحت ليه ندى واترمت فى حضنه وقالت
ندى :- واحشتنى اوى اوى يا مالك
مالك :- ضمها اكتر فى حضنه وطبطب على ضهرها وباس رقابتها وقال وانتى كمان واحشتينى اوى يا ندوش
ندى :- لالالا مش هقدر على الوضع ده احنا لسه فى أول يوم وواحشتنى اوى امال فى باقى الايام هعمل ايه
مالك :- معلش يا روحى فتره وهتعدى وبعدين هتخلينى واقف كتير على الباب ولا ايه
ندى :- وسعت ليه وقالت ادخل
مالك :- دخل وندى قفلت الباب وحط أيده على كتفها واخدها فى حضنه ودخلوا جوه عند امها وقال عامله ايه يا امى
ام انس :- بخير يا ابنى شوفت المجنونه عملت ايه
ندى :- خلاص يا ماما
مالك :- عملت ايه
ام انس :- اول ما سمعت صوت الجرس طلعت تجرى وقالت مالك حبيبى
مالك :- بصلها وقال ده وعدك ليا انك هتخلى بالك على نفسك وهتسمعى كلام الدكتور
ندى :- ما انا محستش بنفسى اول ما سمعت الجرس علشان واحشتنى اوى الصراحه
مالك :- ما انتى كمان واحشانى بس لازم تهدى شويه علشان اللى فى بطنك صح ولا ايه
ندى :- ماشى انا اسفه مش هعمل كده تانى
مالك :- باس خدها وقال ربنا يكملك بعقلك يا حبيبتى
ام انس :- اقوم احضرك الغدا يا ابنى ولسه هتقوم
مالك :- لا يا امى متتعبيش نفسك انا هجيب اى حاجه جاهزه وانا ماشى
ام انس :- ودى تيجى برضه يا ابنى ده انا عامله شوية محشى كرنب هتاكل صوابعك وراها مراتك كانت نفسها فيه وعملتوا علشانكم
مالك :- لاء مدام محشى كرنب يبقى انا جعان وش
ام انس :- هدخل يا ابنى احضرك وسابتهم ودخلت المطبخ
ندى :- نامت فى حضنه وقالت موكه
مالك :- نعم يا روح موكه
ندى :- اوعى تجيب واحده كده ولا كده وانا مش فى البيت
مالك :- وحياة الست الوالده
ندى :- ايه مالك
مالك :- فيه أن انتى ناويه تختمى على جنانى يا بنتى والله العظيم عينى دى مش بتشوف غيرك قلبى ده انتى وبس اللى فيه قاعده ومربعه فيه يا مجنونه
ندى :- بصت ليه وابتسمت وقالت بجد يا موكه
مالك :- باسها فى طرف مناخيرها وقال والله بحبك
ندى :- قربت من شفايفه وباسته
مالك :- قربها اكتر ليه وعمق البوسه
ندى :- رفعت التيشيرت بتاعه وهى لسه بتبوسه
مالك :-بعد عنها وقال بتعملى ايه يا مجنونه احنا عند امك
ندى :- خلاص بلاش التيشيرت وقربت تانى لشفايفه وباسته
مالك :- وهو نفسه سريع بعد عنها وقال أهدى بقى احسن وربنا انا على أخرى
ندى :- وهى بتحسس على صدره قالت بعشقك يا موكه اعمل ايه
مالك :- يا بت حرام انا بنهار
ندى :- مشيت ايديها على شفايفه وقالت بحبك
مالك :- يخربيت كده يا شيخه وقرب من شفايفها وباسها بوسه طويله وفى الوقت ده سمعوا صوت جاى بعد عنها وقال اقول لامك انك انتى اللى بتتغرغرى بيا
ندى :- ضربته على كتفه بكسوف وقالت غلس
ام انس :- جت وقالت الاكل جاهز على الترابيزه يا ابنى يلا ادخل كل، روحى مع جوزك يا بنتى
ندى :- بصت لمالك وغمزت ليه وقالت اوى اوى وهأكله بأيدى كمان
مالك :- ابتسم وقال استعنا على الشقا بالله ودخلوا الاتنين على المطبخ
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الحبس
دخل ياسين الزياره وهو مش عارف مين اللى عايز يقابله بص حاوليه لاقه ارين بصلها بأستغراب وراح عندها وقال
ياسين :- انتى جايه ليه
ارين :- عجبك اللى انت فيه دلوقتى فيها ايه لو سمعت كلامى كان زمانها معاك دلوقتى إنما عملت فيها شريف وفى الاخر رمتك زى الكلاب فى الحبس
ياسين :- لاء يا ارين مش هأذى تمارا ومش هسمح لحد يأذيها حتى وانا هنا فاهمه
ارين :- ضحكت وقالت ورينى هتحميها ازاى وانت هنا يا حلو
ياسين :- داس على أسنانه وقال لو فكرتى تأذيها هيكون اخر يوم فى عمرك يا ارين خليكى حطه كلامى ده حلقه فى ودانك
ارين :- شكل الحبس عجبك اوى خليك انت مرمى هنا وانا بره حره طليقه اعمل اللى انا عايزاه وضحكت بشر ومشيت وسابته
ياسين :- قفل أيده جامد وقال لازم احمى تمارا من شرك يا ارين حتى لو هدفع عمرى تمن حمايتها ورجع تانى على الحبس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى فيلا عماد
دخل عماد الاوضه عند تمارا لاقها قاعده وضمه رجليها عند صدرها وعماله تعيط قعد جمبها على السرير
تمارا :- اترمت فى حضنه وقعدت تعيط
عماد :- وليه غاويه تعذبى نفسك
تمارا :- يا بابا انا من ساعة ما رجع يوسف من السفر وانا اتغيرت ميه وتمانين درجه الضحكه راحت من على وشى وبقت تزورنى كل فين وفين
عماد :- يا حبيبتى اللى وصلك للى انتى فيه ده عنادك لازم تتنازلى شويه جوزك بيحبك بجد يا تمارا وهو عمل كده علشان خايف عليكى يا بنتى لازم تحطى ده فى عين الاعتبار حتى لو كان اتصرف غلط فده بحسن نيه مش قصده حاجه يا حبيبتى اتنازلى عن عنادك شويه علشان اللى فى بطنك ده يتربى بين أمه وأبوه بلاش تسرعك ده
تمارا :- يا بابا افهمنى انا مش قادره اثق فى يوسف
عماد :- يا بنتى جوزك غلط مره واعترف بغلطه يبقى ليه نعلق ليه المشنقه احنا بشر وكلنا بنغلط والشاطر اللى بيعترف بغلطه وميكررهوش تانى وجوزك عمل كده واخلص ليكى وبنته ليها حق فيه برضه
تمارا :- انا مرفضش أن بنته تعيش معانا يا بابا بس امها لاء
عماد :- وهو مقالش أن هيقعد امها معها
تمارا :- لا يا بابا هو قالى النهارده أن قالت ليه مش هتتنازل عن بنتها ومش هتسيبها وهو مش هيتنازل عن بنته يبقى ايه اللى هيحصل اكيد هيعيشها معاهم وانا عمرى ما هقبل اعيش فى بيت واحد معها ومش هيكون عندى ثقه فيها ولا فى يوسف يبقى الحل الوحيد الطلاق يا بابا انا هطلق منه وأشوف حياتى انا واللى فى بطنى واربيه فى جو بعيد عن المشاكل دى كلها يا بابا
عماد :- عمومآ يا بنتى دى حياتك وانتى حره فيها انا عملت اللى عليا والقرار قرارك
تمارا :- بتوتر ي.ي.يعنى ايه
عماد :- يعنى هطلقك منه زى ما انتى عايزه
تمارا :- بتوتر ها
عماد :- ايه رجعتى فى كلامك
تمارا :- ل.ل لاء طبعآ انا مصممه على الطلاق
عماد :- وقف وقال تمام انا هروح ليه وهقوله كل شئ قسمه ونصيب واخليه يطلقك وخرج وسابها
تمارا :- بصت على ابوها وهو خارج بتوتر وقعدت تاكل فى ضوافيرها بقلق