رواية احتواء القاسي
الفصل السادس6
بقلم سوسو تويكس
بلسان لينه:وقف العربيه قدام الجامعه عايزه انزل قالي:انتظري شويه المطوع حاليا شاده مسافه تصلي للجامعه ح تبلي ملابسك_اتكلمت وانا اصلا عايزه اتخارج بسرعه من جو التوتر ده:ما مشكله بمشي بسرعه بس_انفعل وهو بقول:كفايه انو ملابسك ما محتشمه فما تخليها تتبلا عشان ما تظهر جسمك_اتصدمتا من صراحتو التافه ديما حادلتو لانو فعلا كانت شاده ولو طلعت ملابسي كلهم ح يتبلو، رطوبة الجو مع عطرو المالي المكان موقف قبيل كافي يخليني اموت من التوترقطع الصمت وهو بقول بجديه:اسكيرتيك ده تاني ما تلبسي والقميص الشامه ده طلعي وطرحتك دي صغيره شديد وما تكفكفي يدين القميص_لينه:لشنو وعشان شنو اصلا؟ _معتصم:ما بتعرفي نظره الاولاد ليك كيف عشان كده احسن ليك احتسمي والبسي عديل_انفعلت فيهو:بعرف مصلحتي بنفسي وياريت للمره المليون ما تدخل في اي شي بخصني اوكي؟ لو لقيتني واقعه في الشارع اعمل فيها ما شايفني، ما عايزه منك اي نصيحه_عايزه اطلع لانو حسيت المطره وقفت من العصبيه عايزه تفتح الباب حلف كان يفتح، ثواني ولقيتو قريب وهو بحاول يفتح التأمين يلا انا توتري تاني رجع ما فضل لي الا ابكي، وقت لاحظ توتري عاين لي وهو ما زال قريب وقال:ماف داعي للتوتر ده كلو انا ما بعاين للزيك يا بت أمريكا_رجع كرسيهو طلعتا وانا بقول بانفعال:انا من أرضك ما شايلاك لمن اعاين ليك؟_ورزعتا ليهو باب العربيه بقوة لكن كالعاده ولا هببو لي عاين لي بس بي برود، دخلتا الجامعه وانا بسب ليهو، لقيت المحاضره بدت لكن الحمد لله الدكتور دخلني_مضى اليوم وخلصنا المحاضره الاخيره لينا زي الساعه ٤ كده و(غسان) واحد من شلتنا يعني فريند معاي في نفس التخصص قالي:والله يا لولو انا ما فهمت اي شي من الدكتور ده ممكن تشرحي لي_بعد تحنيس وافقتا قالي:خلاص اعزمك على مطعم قريب نتغدا تشرحي لي _ ركبتا عربيتو شفتو وقف قدام عماره ، قلتا ليهو باستغراب:ده ما مطعم_قالي:ما شايفه خلقتي كيف امشي استحمي واغير ونمشي_لينه:خلاص بحرسك هنا_غسان:لالا ما ممكن، انتي خشى سمر وزحل قاعدين مسافه تصلي العصر بكون حهزتا_سمر وزحل ديل اخواتو، وافقتا دخلتا وانا بتصل لي معتصم عشان يوريهم اني ح اتأخر الباقين تلفوناتهم ما خشت معاي يمكن بسبب المطره، اول ما رده، تاني اتصلتا وانا بأشر لي غسان سمر وزحل وين؟، بس ابتسم بخبث في نفس الوقت المعتصم رده فيهو قلتا :معتصم الحقني
يتبع