رواية لأنها توسل
الفصل الثاني عشر 12
بقلم سوسو تويكس
بلسان توسل:صحيت من النوم وحسيت حركتي مقيده فتحتا عيوني لقيت نفسي في حضن غيث ومحاوطني من خصري احترت الحصل شنو ما متذكرة شي غير انو سمعته تلاوة قران متقنه وصوت عذب جميل،معقوله يكون ده غيث،كنت عايزة اقوم بس انبرشتا😂 ملامح الهاديه وهو نايم رموشو الطويله ولحيتو المرسومه بي دقه حواجب الشكلها خورافي من قريب وشعرو المبعثر قلتا من غير وعي:حسي الجنا الزي خبيز العيد ده كان جعتا بليل ما باكلو🤤،، طوالي ابتسم وفتح عيونو العسليه وقال بي غمزة :كان كدا اخاف على نفسي منك🙂،، وااي من الاحراج حاولتا اقوم ثبتني بي قوة ، توسل:فك حبوبتك دي يا مان،، غيث:ولو ابيت،، توسل:تبيت في الحراسه،، غيث:لو معاك امين،، احترتا اليله ده مالو محموم ولا شنو قلتا اغضبو عشان يفكني ،، توسل: قايل تمثيلك ده ح يخليني أتراجع عن الطلاق،، يا داب غضب وصرة وشو وهو عايز يتكلم سمعنا صوت ضرب قوي على باب الشقه، قام وعايزة اطلع كده مسكني من يدي وهو بقول:طالعه بي بجامتك دي وين، امشي البسي ليك عبايه احتمال يكون راجل،، وطلع احترتا في المنفسن ده مالو الشمار حرقني عايزة اشوف ده منو لبستا لي عبايه وطرحة طلعتا برا لقيت في مرءة في الأربعينات كده لكن قرااضه باين عليها زوله تقيله الدهب ده للكوع وكانت بتسأل في غيث بي لهفه :انت كويس والحمه راحت ولا لا ومشيت الدكتور،، بس اسمع صوت غيث بقول :امي الجابك هنا شنو،، وفي نفس الوقت المرءة لاحظت لي وسالتو وهي بتعاين بي استعلاء:دي منو البت دي،، غيث سكت مسااافه وعاين لي وهو بقول:دي مرتي يا أمي،، قالت ليهو بي عدم تصديق:لالالا مستحيل بتهظر صاح،، وقت سكت عرفتو جادي، حمرت لي وقالت:كلامنا ما انتهى حسي ده تجي الفيله حالا فاهمني حااالاََ،، ومرقت انا بقيت مصدومه ده شنو المصايب كلها بتجي ورا بعض كده،، بعد امو طلعت قعد في الكرسي وهو ماسك راسو ما قدرتا احدد ملامحو،، قلتا ليهو :ما كان في داعي توريها اصلا زواجنا ما حقيقي كان تكذب وي..، ما تميت كلامي رمقني بي نظرة ناريه وكانو بقول ما ناقصك،، شال مفتاح العربيه وقال:امرقي بي عبايتك دي ارح،، توسل:ما ماشه مكان دي مشاكل عائليه تخلوها براكم،، جراني من يدي وهو بقول:افتكر العائله دي بقيتي جزء منها...