رواية مأمني وأماني
الفصل الثالث عشر 13
بقلم توسل محمد طه
*سنشد عضدك بأخيك* 💕 *حين اختار الله موسى نبياً لينشر دينه، إختار موسى أخيه ليُشدد به عضده فقال تعالى* " *واجْعَل لّىِ وزِيرًا مّنْ أَهْلِي، هَارُونَ أَخِى، أُشْدُدْ بهِ أَزْرِى، وَأُشْرِكْهُ فِى أَمْرِى* "🤍 *صدق الله العظيم* .
لا شنو😹
خلي الخط فاتح😘
كيف يعني😹
خليهو فاتح كلامي د واضح م عايز ليهو شرح صح
اااي
طيب خليهو فاتح
م بقدر
يعني شنو؟؟؟
يعني م بقدر اخلي الخط فاتح كلامي انا زاتي واضح
فياض لم حس انو جوري جاده في كلامها وراسها بدا يقوا
حاول يتدارك الموقف
حبيبي مش انا راجلك؟
لسه م بقيت
لكن ح ابقى صح؟
بعد تبقى يلا سلام
وقفلت الخط وبدت تبكي بحرقه جات اختها جمانه لقتها تبكي
مالك ي جوجو؟
ماف شي
بتبكي مالك؟
قلت ليك ماف حاجه م بتفهمي وطلعت خلت ليها المكان
شالت جوالها وطلعت السطوح اتصلت على جواد
جواد: اختي السمحه يااخ مشتاقين😍
جواد د الأكبر منها طوالي وقبليهو جمانه واكبر زول جمال كان اكتر زول بفهما وصاحبها شديد وكان اكتر زول حنين معاها
جوري قعدت تبكي
جواد اتخلع في شنو ي جوجو؟ طمنيني علييك انتي كويسه؟
جوري وهي بتبكي قالت ليهو ماف حاجه
طيب افتحي الكاميرا خليني اشوفك واتأكد انو ماف حاجه
جوري فتحتها واول ما شافتو زادت بكا
يااريتك لو كنت هنا ي جواد😭
في شنو ي عيون جواد احكي لي انا معاك اوريكم جواد
كان يشبه جوري لحد كبير بس لونو افتح منها عيونو كبيره وعسليه زي عيون جوري وشعرو كتير وناعم النوع المربي شعر كتيييير دااك عرفتو وطويل وشنبو يدااب خت كان في عمر فياض هوو يعني قدرو
ماف حاجه😔
كيف مااف حاجه وانتي بتبكي كدا🙂
سكتتت
جوري
نعم😔
فياض؟؟؟
جوري رفعت راسها مخلوعه والدموع سألت من عيونها
مالو فياض😳☹️
قرب منك تاني؟ او بتكلم معاك؟
ااااا لالا م متواصلين
متأكده؟
ااي
طيب انا واثق فيك لأنك محصل كذبتي علي صح ي جوري😘
اااي💔
بتسمعي نصيحه من اخوك ي جوري؟
ياتو يوم انا م سمعت فيهو كلامك
عشان كدا انا بريدك😉
وانا كماان بريدك شدييييييد
طيب اسمعي كلام اخوك واوعك تقربي من الاسمو فياض دا حاضر؟
ليه؟
حاااضر؟
طيب حااضر😔 بس م ح توريني ليه؟
لا
ليه لا؟
بس لا ... كدي خلينا من سيره الناس انتي كيفك يااخ
كويسه
انا م شاايف كدا☹️
شايف شنو
شايف انو اختى السمحه وعيونها السمحه زعلانين وهي عارفه انو اخوها الاسمح منها بزعل بزعلها😔
اخوها شنووو😒
الأسمح منها مالك عندك اعتراض😒
اااي عندي اعتراض😒
ي بت اتادبي م تخليني اطلع ليك بالجوال دا🙂
جوااااد ممكن سؤااال🌚
م ممكن
ح اسأل😑
انتي مدام كدا كدا ح تسألي بتستأذني لشنو😹
الحاصل شنو بينك وبين ربا🌚
ولا شي
على هامان ي فرعون😹😹
غايتو انتي😹
احكي احكي
م عارف ي جوجو لكن انا بحبها وم عايز اغلط معاها واتكلم معاها في الخفا عشانها هي م عشاني انا
جوري من جواها قارنت بين اخوها وفياض وسالتو
كيف عشانها هي؟
ااي عشانها ي جوري لانو انا لو بحبها بحافظ عليها م ح ادي الناس فرصه يتكلمو عنها ح اخليها طاهره ونضيفه كدا لحد م اجيها بالدرب الحلال لو ربنا كتب لي معاها نصيب
ولو ربنا م كتب نصيب🙂💔
حواء ولاده😹
اسي م قلت بتحبها؟
اااي بحبها بس لو ماف نصيب ح اعمل شنو يعني😑
تحاول
احاول كيف اكتر من كدا سافرت واتغربت وبعدت عن امي وابوي وعنك وعنها عشان اكمل قرايتي واشتغل شغل محترم واجيها بالباب ولو هي انتظرت لحد م انا جيتها ح اخليها اسعد انسانه بالكون بعدك طبعا😉 ولو لقيتها عرست ربنا يسعدها وين م تمش
طيب سؤال تاني
اهااا
انت كيف تقول لي ابعدي من فياض وانت تحب اختو🤔
فياض م زيها هي بت وقاعده في البيت ومحترمه ومؤدبه
وفياض قليل ادب يعني😹 قالتها بضحكه وحذر عشان اخوها م يحس انها مهتمه للموضوع
اااي🙂
اااي شنوو😳
ااي فياض قليل ادب وم مؤدب خااالص
كيف يعني؟
كيف دي خليها بس اعرفي اياك تديهو فرصه يتكلم معاك لانو انا بعرفو كويس بت حلوه زيك كدا م ح يخليها ح يحاول يوقعك ويقول ليك بحبك😉
بالله😒
والله جاادي معاك ي جوري🙂 ابعدي من فياض للمره الالف لو لقيتيهو في الشارع غيريهو فاهمه😒
فاهمه
يلا انا طالع
ماش وين
مالك ومالي انتي😹
بوري ليك ربا اقول ليها شفت معاهو خواجيه 😹
وريها عاادي ولا بفرق معااي عارفاني براك😹
عليك الله طالع وين☹️
انتي مالك جنك شمارات كدا😹 طالع مع يوسف
يوسف صحبك السمح دااك😹
اااي
عرسو لي اختك😔
ي بت م تتلمي شايفك بقيتي قليلة ادب اليومين دي😹
قعدت تضحك وقالت ليه اعمل شنو لكن يوسف دا سمح عدييل ونضيف وراقي ومهندم وشاطر ودكتور كمان 😔
جوري😒
خلاص خلاص😹
جواد
عيون جواد
انا رفعت صوتي على جمانه😔
ليه يااخ جمانه دي طيبه شديد ي جوري ليه دائما بتتكلمي معاها بجفاء كدا؟
م عارفه والله
كيف م عارفه😒
عديل
طيب اسي امشي اعتزري منها وانا متأكد انها ح تسامحك عشان هي نسخه من امنا وقلبها طيب شديد امشي اعتزري منها حاضر؟
حااضر
وسلمي عليهم ياااخ اشتقت ليهم😔
حاااضر
احضر عرسك😹
عرسك انت اول😹
لالا انا بعدك ويلا اقطعي وشك الحامض دا😹
هو في احمض من وشك😒
وقفلت الخط وقعدت تضحك ومن قعدتها ديك نزلت تحت لجمانه وهي مبسوطه ونست فياض وعمايلو
جمانه
عيونها
انا اسفه😔
على شنو حبيبتي
عشان رفعت صوتي عليك
عاادي م يهمك عارفاك مضغوطه مع القرايه م بلومك
يسلمووو وحضنتها😘
جمانه قعدت تضحك وقالت ليها جواد قال اخبارو شنو
عرفتي كيف كنت بتكلم معاه😃
بعرفك لم تكوني مضايقه م بتتكلمي مع زول غيرو😹
ضحكو وقعدو يتغدو كلهم مع بعض وجوري كأنو جواد امتص غضبها🤍
*في بريطانيا*
جواد كان قاعد مع يوسف ويوسف كان سرحان
ج: ي مكنه😹
ي: مرمي الله م بترفع😹 السودان خليتو لكن م خليت مصطلحاتو😹
ياااخ دي م بتتخلى😹 المهم سرحان وين والشاغله بالك تتهنى بيهو😉
ح يكون الشاغلو منو غيرها😹
تتهنى بيه ان شاءالله
متهنيه مع غيري هي😹
اححااا م رضيتها ليك ي صحبي😹😔
خلي قلة ادبك انا بتكلم عن توسل😹
على هامان ي فرعون😹
الجمله دي بتذكرني توسل بتقولها لي كتيير😹😹
جوري اختو برضو بتقولها اتعلمتها منها😹
احكي ليكم قصه على هامان ي فرعون دي عشان تفهمومها😹 لكن على قدر العارفاهو وبطريقتي وقصه مختصره عشان تعرفوها بس👍🏻
فرعون -لعنة الله عليه- لمن كان مدعي الألوهيه كان هو وومعاهو وزيرو اسمو هامان متفقين على اساس انو فرعون بعيد الحياة للحيوانات وهو عندو حيوانات كتيره تقريبا ماف زول عارفاها غيرو هو وهامان المهم بجي الزول ومعاهو حصانو مثلا ميت وبقول لي فرعون رجع ليهو الحياه وفرعون بشيل الميت وبديهو حصان تاني كويس وعلى أساس كدا رجعت ليه الحياه يلا يوم هامان قال ليه في "جمل- ناقه" ميته وعايزنو يرجع ليها الحياه قام فرعون قال ليه اطلع برا عشان انا م بعرف ارجع ليها الحياه ومعاي زول قام هامان قبل عليهو وقال ليه على هامان ي فرعون😹 يعني انا عارفك وعارف الحاصل كلو تقول لي اطلع عشان ارجع ليه الحياه😹 نرجع..
يوسف قعد يضحك وجواد معاهو
مالها توسل احكي؟
خاايف عليها
من شنوو مش هي بقت كويسه بعد العمليه؟
ااي لكن اولادها م كويسين
الاسمو سند تعبان شديد يااخ ورتني عمتي وحاسين انو م ح يعيش وتوسل بعد صدمه الجنين المات وبدا يتحلل في بطنها صعب عليها تتحمل صدمه تاني وانا قلبي بألمني شديد عشانها يااخ م بقدر اتحمل اااي ألم يقرب منها😔
انت توسل دي بتحبها؟
توسل دي الروح والنفس ي جواد م بحبها بس يااخ حياتي كلها فداها
وليه م عرستها؟
انت حيواان😹 اختي اعرسها كيف؟
اختك عديل؟
لا بالرضاعه
هي قدرك؟
لا انا اكبر منها بسنه ونص😹
واختك بالرضاعه كيف😹
عمتي رضعتني معاها كان لسه م فطموني🤣
ايواا واسي الريده دي كلها ريده اخت بس؟
وعمري م فكرت فيها غير كدا😹
وهي بتريدك نفس ريدتك ليها دي؟
واكترر😌
واثق كمان😹
ااي اهم شي😹
طيب م تخاف عليها ي صحبي م بتجيها عوجه انت ادعي بس
ان شاءالله
***نرجع لجوري
فياض اتصل عليها بالليل
ألوو
هلا
اشتقت ليك ي حبي
وانا كمان
اسمعيني
احكي
عايز منك طلب ضروري ومنو بتثبتي لي لو انتي بتحبيني او لا
شنوو
تمشي معاي عيد ميلاد صحبي
وين؟
في شقه في كافوري