رواية لأنها توسل
الفصل السادس عشر 16
بقلم سوسو تويكس
وقت شوفتا روايات المكتبه لمن زهجتي فكت، بعد طلع من الحمام لقاني مندمجه في الروايه بي كلو، جا قعد جمبي وقالي :بتحبي الروايات،، نسيت اني زعلانه منو اتكلمت وانا بضحك:يخ بعشقها عشق😂🫶،،فصلت من الضحك وقت قال:عقبال تعشقي الزول المكسراهو بي ضحكتك دي🙂،، بقيت اتمتم اختكم فاقده حنان😂، ضحك فيني ومشا رقد في السرير نام، بقيت اتامل في ملامحو من بعيد شخيصتو الجديدة وطريقه تعاملو دي بتولد مشاعر واحاسيس انا ما عايزاها،،شويه كده صحى قال عندو حاجه نساها مشى لبس وعايز يمرق البت ديك جات سلم عليها وقال:انا مارق خلي بالك على مرتي دي يا ملك،، وقت غمز لي احاا وقلبي زحاا😂 ومرق، يلا ملك دي طلعت اختو بت أرق من شكلاته جلكسي وقرضه شكلو الشي ماشي في الجينات من امهم 😂 يخ ظريفه شديد ودخلت قلبي بي سرعه سالتني :اتلاقيتي مع غيث كيف عندي فضول،، ولا كذبتا قلتا ليها:اتشاكلنا والمشكله بقت بدايه قصة حبنا،، مع بعض الكذبات يعني 😂،، ملك:ما بصدقك، يخ غيث ده الرجال الكبار في عيلتنا بعملو ليهو الف حساب وما بناقشو،،، توسل:كان كده انا عملتا انجاز انو عايشه لي حسي 🙂،، ملك:انجاز عظيم 😂،، اتذكرتا انو في شي بتعلق بي اسمي قمتا سالتها:لوكا حبيبتي ممكن سوال،،، ملك:مصالح 🙂، اها اسألي،، توسل:انتي في بت في حياة غيث كان اسمها توسل،، اتلبكت وخافت بعد تحنيس حتى رضت تحكي لي:ايي كانت زميلتو في الجامعه و خطبها امي ما كانت موافقه لأنها كانت زوله استغلاليه وكلو شويه تطلب قروش واي حاجه عايزاها تطلبها من غيث وكان متكفل بي مصاريفها هي وناس امها لانو ابوهم متوفي كلنا شوفنا طمعها الا غيث، كان مجنون بيها عديل وجا وقت العرس قالت هم ما عايزين شيله ولا اي شي بس يدوهم القروش و بجيبو حاجاتهم نفذ كلامهم وطول فترة الحبس برسل ليها مصاريف كل أسبوع، جا يوم العقد وغيث ما خلى زول ما عزمو اصحابو وزملاؤو في الجامعه ناس كتار اتاخرت وما بترد وقت يتصل ليها مشا بيتهم ولقا فاضي والباب مطبول سال الجيران قالو ليهو الناس ديل رحلو قبل اسبوع، اتبين انهم محتالين ولقي حساب الفي المصرف ساحبين منو قروش كتيرة واتحول العرس من عزومه لي فضيحه كبيرة بين اصحابو والأهل وكذلك امي ما سلمت من كلام الناس غيث خسا في حاله وسافر دبي 3سنه حتى قدر يتخطا الفضيحه دي وياهو رجع في الشهر الفات ده طلعت َخلتني تايهة بفكر انو هو اتخدع قدر شنو واخيرا لقيت تبرير لي تصرفات معاي يمكن شافني على هيئتها بس برضو ده ما تبرير ذنبي شنو اذا بنتشابه في الأسماء، زعلتا عليهو والله ما بيستاهل بس معقول يكون بحبها لي حسي على حسب كلام ملك انو لو حب زول ما بنساهو بي سهولة،، قطع تفكيري وهو بدخل الجناح وشايل معاهو اكياس هدايه شافني متغيره سالني :مالك، باين عليك زعلانه،، توسل :لأ ماف شي،، غيث:في شي لكن بعرفو بعد نتغدا ونجي حسي البسي حارسنا للغدا،، قمتا بي كسل لبستا لي فستان اسود مناسب فيهو لؤلؤ وطرحه بالأبيض كان ضيق حبه من فوق وفاري من تحت،، وقت شافني صفر بي إعجاب قالي:انا مده بغير رايي وما بخليك تنزلي،، غصباََ عني ضحكتا من تصرفو ده قالي:شوفتي الضحكة دي بتجهجهنا وما مسؤل من البعملو،، طوالي فصلتا وقلتا احسن نتخارج ضحك وهو بقول:احبك وانت خجلان🙂،،، بي طريقتو والله بحبو🥲 وانا ما عايزة كده....