![](https://blogger.googleusercontent.com/img/b/R29vZ2xl/AVvXsEjQJXTchaDr-2OehOLADrEQSElZC9jSZ4RsB3wjyX3nijyGbECv3oLbeX1MbHfXaDNu1YsjEM-e-CBE9OudimKcJV4nH1ebcJTdbhrBGC54XOJ7npskk_fI6w-W3DjLjaD91R7fe607l9mlRPRPOWL2tciuVaehwajfOi1l1_7PjjaVsVdhfVskYh_4epsY/s320-rw/FB_IMG_1711927479252.jpg)
رواية زهرة وسط اشواك الفصل الثالث والعشرون23والرابع والعشرون24فريدة احمد
فتحت زهرة الباب اتفاجأت ب رحيم
زهرة اتجمدت مكانها بصدمة وهي بتبلع ريقها لكن بسرعة رسمت الجمود علي وشها وقالت بثبات.... جاي ليه. عاوز ايه
رحيم فتح ايديه الاتنين وقال.... تعالي يازهرة
زهرة بتوتر... اجي فين
رحيم.... تعالي في حضني. في حضن اخوكي
زهرة فضلت واقفة مكانها
رحيم.... تعالي يازهرة
زهرة فضلت واقفة بتردد وبعدين قربت ليه بهدوء
رحيم حضنها حضن اخوي يحسسها فيه بالامان
وهو بيمشي ايده علي شعرها قال.... سامحيني يازهرة. انا اسف اني كنت بعيد عنك كل السنين دي.. بس صدقيني مكنتش اعرف
رفعت زهرة وشها من حضنه والدموع متجمعة في عنيها
رحيم ..... مفيش دموع تاني. فاهمة
ضمها ليه تاني واتنهد وقال وهو بيطمنها انو هيفضل جمبها...
في نفس الوقت كان حمزة بيوقف بعربيته تحت لأنو كان عرف هو كمان مكان زهرة، ركن العربية وطلع بسرعة علي الشقة بقلم فريدة احمد
رحيم .... من النهاردة هكون امانك وسندك. اخوكي اللي بيحميكي. مش هسمح لأي حد يزعلك. مش هسمح لاي حد يفكر انو ييجي عليكي
رفع وشها من حضنه وقال ببتسامة يلا ادخلي هاتي حاجتك وتعالي معايا
وقبل مازهرة تتحرك سمعو صوت حمزة اللي بيقول بغضب اول ماشافهم وشافها في حضن رحيم... زهرررة
زهرة تلقائي مسكت في رحيم وهي بتبلع ريقها بخوف
حمزة قرب عليهم بغضب وهو بيقول ل رحيم.... انت بتعمل ايه هنا
رحيم بصله شوية كدة وبعدين قال... جاي اخد اختي.. انت جاي ليه.
حمزة بص لزهرة وقال بسخرية وهو بيتوعدلها... جاي ل مراتي. اللي هعيد تربيتها من اول وجديد.. يلا قدامي
رحيم بص ل زهرة.... عاوزة ترجعي معاه
زهرة هزت راسها بسرعة ب لا
وقالت.... انا عاوزة اتطلق منو
رحيم.... بس كده. هطلقك منو..
كمل وهو قاصد يستفز حمزة.... كل اللي انتي عاوزاه هيحصل
وباسها علي راسها
حمزة بعصبية... وبعدين حاضنها كده ليه. ماتبعد عنها
وشد زهرة بعدها عنو وقالها بغضب وهو ماسك دارعها جامد ... انتي الزاي تسيبيه يحضنك كده
رحيم... ايدك لأقطعهالك
وشال ايده من علي زهرة وقال.... لو فكرت تمد ايد عليها تاني هقطعهالك ياحمزة. سامع
زهرة بصت ل حمزة وقالت بغضب.... وانت مالك بيا. وكملت ببرود وقالت... وبعدين. دا اخويا
حمزة بسخرية... اخوكي بقلم فريدة احمد
زهرة.... ااه اخويا. شكلك نسيت ان انت بنفسك اللي قولتي
رحيم.... لو فكر يضايقك قوليلي بس وانا هوريكي هعمل فيه ايه
وبعدين غمزلها
زهرة ابتسمت وحمزة رفع حاجبه وقال ل رحيم بسخرية..... الله. دا احنا اتقبلنا الوضع اهو ورضينا بالامر الواقع. ودي من امتا الحنية دي..
رحيم.... من النهاردة. من دلوقتي. عندك اعتراض ولا ايه
رحيم... يلا قلب اخوكي ادخلي هاتي حاجتك علشان ترجعي معايا
زهرة دخلت ورحيم ولع سيجارة وهو واقف اخد منها نفس وبعدين بص ل حمزة اللي واقف بضيق منو وقالو... انت واقف ليه. مستني حاجة
حمزة بصله بضيق
رحيم خد نفس تاني من السيجارة بصله وقال.... امشي ياحمزة. اديك شايف البت مش عاوزاك وبصراحة مش هينفع اغصبها تعيش معاك
حمزة .. رحييم. متستفزنيش
..............................
بعد وقت كانو رجعو الصعيد
صفية اول ماشافت زهرة قربت عليها وحضنتها بحب.... حمدالله علي السلامه ياقلب عمتك
زهرة... الله يسلمك ياعمتو
وكلمهم سلمو عليها بحب وهما بيطمنو عليها
الا امينه طبعا اللي قالت ببرود..... حمدالله علي السلامه يامرات ابني.
وكملت بسخرية.... بس مش عيب بردو تسيبي البيت وتمشي ومحدش يعرفلك طريق
زهرة اتجاهلت باقي كلامها وردت عليها ببرود... الله يسلمك ياحماتي
صفية وهي بتطبطب علي زهرة ... الحمدلله انها رجعت بالسلامة بقلم فريدة احمد
هارون.... ينفع اللي عملتيه ده.. في بنت محترمة تمشي كده من غير ماتعرف حد وتختفي. دا يصح يازهرة
زهرة.... وهو اللي ينفع انكو تعيشوني في كدبة طول السنين دي. وتخدعوني. سنين وانا عايشة مع اب وام مزيفين.. حضرتك ياعمي اللي عملته هو اللي يصح.. ليه عملتو فيا كده. ليه عيشتوني في كدبه وحرمتوني من امي. عيشتنوني مع ام واب سنين بيعملوني بجفاف و بكل برود.
لمعت الدموع في عنيها... طبعا ما انا مش بنتهم. هيحبوني الزاي. وانا زي الهبلة معرفش. عيشتوني عمري كلو بشك في نفسي واقول انا فيا ايه علشان يحبو اختي اكتر مني ويعاملوها احسن مني
بصتله وبصوت ضعيف... ذنبي ايه تعملو فيا كده. ها ياعمي. ليه. ليه ابويا يرميني لأخوه ومراتو ويحرمني منو ومن حضنه وحنيته ويحرمني من امي الحقيقية. ذنبي ايه اعيش حياتي كلها اتحرم منهم واعيش مع اب وام مبيحبونيش
هارون قرب منها وطبطب عليها وهو بياخدها في حضنه وقال بندم .. حقك عليا يابنتي. بس عاوزك تعرفي كل اللي كان في دماغنا هو مصلحتك. اهل امك مش كويسين. وطول عمرنا بينا وبينهم عدواة وطار. ولو كانو رفعو قضية علشان ياخدوكي كانو هيكسبوها لأن امك متجوزتش ف القاضي كان هيحكملها بالحضانة. واحنا مكناش هنسمح انهم ياخدوكي تعيشي معاهم.
زهرة.... بس هما في الاول وفي الاخر اهلي. واللي عملتوه انا عمري ماهسامحكو عليه ياعمي.
هارون بندم .... حقك عليا. انا عارف اننا غلطنا في حقك كتير
صفيه بحزن عليها .... تعالي يازهرة اطلعي ارتاحي ياحبيبتي. انتي شكلك تعبانة..
وهي شايفة وشها اللي متغير... مالك يازهرة وشك اصفر كده.. انتي في حاجة بتوجعك ياحبيبتي
زهرة كانت عارفة ان ده من الحمل بس محبتش تقول وتعرفهم انها حامل. لكن قالت.. متقلقيش ياعمتو انا كويسة.انا بس مرهقة لأني مش نايمة كويس
هارون باسها علي راسها... اتطلعي مع عمتك. ووعد هعوضك عن كل اللي فات. اطلعي دلوقتي ارتاحي
زهرة.... انا مش هينفع اعيش معاكو هنا. لأني هتطلق من ابنك ياعمي بقلم فريدة احمد
وقبل ما هارون يتكلم. زهرة قالت... حضرتك اجبرتني علي الجوازة دي. لو فعلا حابب تعوضني. خليه يطلقني
امينه وهي واقفة كانت بتبتسم من جواها
وحبيبة بتدعي في نفسها ان عمها يوافق و يتطلقو بجد
هارون بحنية... كل اللي انتي عاوزاه هيحصل.. بس كملو السنه علي الاقل.. مش يمكن حالكم يتصلح مع بعض
زهرة... لو سمحت ياعمي. انا مش عاوزة اكمل معاه. دي حياتي
هارون محبش يضغط عليها.... اللي ترتاحي فيه انا مش هغصبك تعيشي معاه.
طبعا كل ده حمزة كان مش موجود
هارون..... بس هنا البيت بيتك وهتفضلي هنا زي مانتي حتي لو مش هتكملي مع حمزة
صفية.... طبعا دا بيتها
رحيم.... زهرة هتيجي معايا
هارون... يعني ايه
زهرة بهدوء راحت جمب رحيم.. انا هروح مع اخويا ياعمي
توضيح.. هما الڤلتين جمب بعض في نفس المكان ويعتبر بجنينة واحدة
رحيم اخد زهرة ومشي ومحدش قدر يتكلم
رحيم فتح الباب ودخل ومعاه وزهرة
ياسمين كانت نازلة من علي السلم اول ما شافت زهرة جريت عليها بلهفة وحضنتها باشتياق
ياسمين.... وحشتيني اوي
زهرة.... وانتي كمان. عاملة ايه
ياسمين بصت ل رحيم وسكتت
رحيم نده للشغالة تعمل عشا وطلع علي فوق من غير مايتكلم
زهرة ل ياسمين.... هو صحيح اتجوزك
ياسمين هزت راسها بحزن ..اتجوزني علشان يزلني براحتو
زهرة... معلش.. بس انا عرفت انو خلاص صدق انك معملتيش كده
ياسمين.... انا حكيتلو وهو سمعني. بس مش حاسة انو صدق
زهرة... طب ايه. انتو دلوقتي متجوزين.. طب وليلي
ياسمين.... سابت البيت. لما عرفت
زهرة.... انا خدت بالي لانها مكانتش بتبص ل رحيم واحنا عند عمي . بس افتكرتهم متخانقين عادي. خصوصا انها اكيد عارفة هو اتجوزك ليه
كملت باستفسار.... هو انتو جوازكو ده الزاي. هو رحيم مش ناوي يرجعك لأهلك.انا كنت فاهمة زي مابتقولي انو متجوزك.علشان يعني
وسكتت
ياسمين.... علشان يزلني يازهرة ومحدش يقولو انت بتعمل ايه..عادي يازهرة ما دي الحقيقة
زهرة بزعل عليها ... معلش. علي فكرة والله رحيم بيحبك. بس هو انتي عارفه طبعو مش بيحب يبين حنيته.
كملت بحزن عليها... انا عارفة انو عمل فيكي كتير.. بس اللي متأكدة منو انو لسه بيحبك.. ياسمين رحيم سابك زمان غصب عنو. عمي اللي اجبرو.
ابتسمت بسخرية..قصدي ابويا.
اتنهدت وقالت....اجبرو يطلقك علشان يجوزو ليلي.
ياسمين اتجمعت الدموع في عنيها.... ربنا يسامحو بقا
.................
مساءا
في شقة سهر
سهر خرجت من الأوضة وهي بتقول ل رنا اللي قاعده علي الكنبة بتذاكر.. هنزل اشوف امك يارنا عاوزة ايه. خلي بالك من الاكل اللي علي البوتاجاز. لو طولت ابقي اقفلي عليه. ماشي
رنا.. ماشي
سهر نزلت ورنا رجعت تذاكر
بعد دقايق كان حمزة طالع
حمزة فتح الباب ودخل لقي رنا اللي لسه قاعدة مكانها بتذاكر
حمزة... ازيك يارنا
رنا قامت... الحمدلله
حمزة وهو بيتلفت علي سهر.... امال سهر فين
رنا... دي نزلت تكلم ماما.. هروح اندهالك
حمزة هز راسه بهدوء ودخل جوا ورنا نزلت
تحت
رنا ... كلمي جوزك ياسهر
سهر..... فين
رنا... فوق. بيسأل عليكي
سهر قامت وهي مش مصدقة... بجد. حمزة جي فوق
وراحت تطلع بسرعة
لكن وقفت لما مامتها قالت.... سهر. استني
وقربت عليها وبصوت واطي.. حاولي النهاردة. البسيلو كده واتدلعي
سهر.. حاضر
وطلعت بسرعة
....
عند رحيم كان قاعد في اوضته وهو ساند ضهره علي السرير وفاتح ازازة الفوديـ كا وبيشرب، فضل لحد مادماغه تقلت
قام خرج من الاوضة وهو مش في وعيه وفتح اوضة ياسمين قرب علي السرير وقعد ومد ايده يحركها علي وشها وهي نايمة
ياسمين حست بيه فتحت عنيها اول ماشافته قامت اتعدلت.. رحيم
رحيم وهو بيبصلها بتوهان.... وحشتيني
ياسمين بلعت ريقها... رحيم انت كويس
ياسمين كانت مستغربة لانو بيعاملها بجفاف ويعتبر مش بيتكلم معاها اساسا
رحيم بدأ يمشي ايده علي شعرها بحب .... انتي وحشاني اوي
وميل يبوسـ ها
ياسمين بعدت لما اتأكدت انو سكران
ياسمين.... رحيم.انت مش في وعيك. ابعد. ارجوك
رحيم وهو بيحرك ايده علي خدها لحد ماوصل ل شفايفها
.. انا بحبك
وقرب يبوسـ ها برغبة
ياسمين كانت بتحاول تبعده
لكن في النهاية ضعفت واستسلمت ليه
وبعدين
..............................................
.....
............
عند سهر
طلعت بسرعة ل حمزة
حمزة كان في الاوضة سهر دخلت لاقته واقف ناحية الشباك بيشرب سيجارة بشرود
قربت عليه وهي بتقول... حبيبي. وحشتني
وهي بتحضنه.. وحشتني اووي
بعدت وقالت .... اجبلك تتعشا. انا طبخت ولسه الاكل سخن . ثواني اجبلك
حمزة وقفها... لا خليكي. مش عاوز
سهر.... ليه.
حمزة.... مش جعان.انا هنام..ابقي صحيني كمان ساعتين
ولسه هيتحرك ناحية السرير
سهر.... حمزة
حمزة وقف.... ايه
قربت وهي بتحضنه تاني وبتقول... طب مش هتقعد معايا شوية. انت واحشني اوي..تعالي نقعد برا. وانا هسهرك سهرة. هعملك جو من اللي انت بتحبه
حمزة.... انا محتاج انام
سهر.....طب انا مش واحشاك.
كملت بإغراء وهي بتلعب في ازرار قميصه... مش عاوزني ..
وقربت باسته
سهر..... انت واحشني اوي
وبتحاول تفتح زراير قميصه
حمزة بعدها عنو بهدوء... مش وقتو ياسهر
و راح علي السرير ينام
سهر بصت عليه شوية وهي من جواها هتنفجر وبعدين قفلت النور وخرجت بضيق وهي مش طايقة نفسها وبتنفخ وفي نفسها بتقول بغل.... وحيات امي ماههنيك بيها.
وهي رايحة جاية في الصالة بغضب والنار شايلاها والغيرة بتاكل فيها.... ايه للدرجادي مبقتش عاوزني. امال لو مديالك وش ومش سايباك وطفشانة كان عملت ايه
.........
تاني يوم.
زهرة ورحيم وياسمين قاعدين علي السفرة والاكل قدامهم لكن مش بياكلو لان كل واحد فيهم في دنيا
ياسمين قاعدة شاردة في اللي حصل
وزهرة قاعدة تلعب في الاكل ومش بتاكل وهي بتفكر في حياتها اللي مش راضية تتعدل
خدت بالها من ياسمين ف قالت... مش بتاكلي ليه.. ياسمين
ياسمين انتبهت ليها... ايه يازهرة
زهرة.... مالك. مش بتاكلي ليه
ياسمين بصت ل رحيم اللي قاعد بيتلاشي النظر ليها وهو كمان بياكل اي كلام ومن جواه بيأنب في نفسه علي اللي عملو
ياسمين قامت وهي بتقول... ماليش نفس
وقبل ماتتحرك
في نفس اللحظة جرس الباب ضرب والشغالة راحت تفتح والمفاجأة كانت هيام اللي دخلت وهي بتقول صباح الخير
رحيم اول ماشافها قام بغضب.... انتي ايه اللي جابك هنا ياست انتي
زهرة قامت هي كمان ووقفت جمب ياسمين
هيام .... جاية ل بنتي
رحيم بغضب..... امشي اطلعي بره
هيام..... هاخد بنتي وبعدين هطلع
رحيم..... بنتك مين
هيام..... زهرة
وهي بتبص ل زهرة اللي واقفة مش قادرة تنطق من الصدمة
هيام..... انا عرفت واتأكدت انها بنتي.
كملت بحب وقالت... تعالي في حضني يازهرة.
زهرة فضلت واقفة
هيام... انا امك
ولسه هتتحرك تقرب عليها.لكن وقفت مكانها لما رحيم قال بصوت عالي وبغضب.... اقفي مكانك
هيام بصتله .... دي بنتي يارحيم.كملت بقوة.. وهاخدها
ثم اكملت بثقة.... وانت عارف اني اقدر اخدها
رحيم.... انتي بتحلمي. انتي فاكرة اني هسيبك تقربي منها انتي هتفضلي كده شايفاها من بعيد بس. لاهتعرفي تاخديها في حضنك ولا حتي تكلميها.لاني مش هسمحلك ب ده
هيام... يعني ايه
رحيم..... يعني يلا من هنا.اطلعي برا بدل ما اخلي الرجالة يرموكي . وانسي ان بنتك موجودة. يلاااا
هيام بغضب ... انت عاوز تحرمني من بنتي.. مش كفاية السنين اللي فاتت دي كلها.
رحيم... ولولا انها اختي انا كنت قتـ لتها قدامك. حظك ان بنتك تبقي اختي
هيام.... بنتي انا هخدها. وغصب عنك.. نسيت انا مين ولا ايه. انسي مش هسمحلك. ومتفكرش انك هتقدر عليا.. لاني مش بعد ما لاقيتها هستسلم وهوافق اني اتحرم منها تاني
رحيم ببرود.... هتطلعي ولا انادي علي الرجالة
هيام اتنهدت وحاولت تتكلم بنبرة هادية..... انا عارفة انك عاوز تنتـ قم مني بسبب اللي حصل لأخوك
رحيم بسخرية وهو بيولع سيجارة... طب والله كويس. انا كنت فاكرك مش عارفه
هيام.... انت فاكر اني قتـ لت يوسف. بس الحقيقة لأ
كملت كلامها وقالت.... لأن يوسف متقـ تلش اساسا.
رحيم لسه هياخد نفس من السجارة نزلها من علي بوقه و بصلها باستفهام.
هيام....يوسف متقتـ لش. يوسف عايش يارحيم. اخوك عايش
الفصل الرابع والعشرون
يوسف متقـ تلش. يوسف عايش يارحيم اخوك عايش
قالتها هيام بصدق ل رحيم اللي واقف بيشرب سيجارة ببرود
لكن اول ماقالت كده عينو وسعت بصدمة وهو بيحاول يستوعب اللي قالته
زهرة وياسمين هما كمان بصو لبعض بصدمة وهما مزهولين
فاقو علي صوت رحيم اللي رمي السيجارة علي الأرض وداس عليها برجله وقال لهيام بطريقة ترعب بعد مااقنع نفسه انها جاية تعمل حوار ..... انتي جاية تلعبي عليا. بتقولي كده علشان اسمحلك تاخديها صح. بس ده في احلامك. وزي ماقولتلك هتفضلي شايفاها من بعيد هخليها قدام عينك وانا شايفك بتتعذبي وهي قدامك وانتي مش عارفة تقربي منها
هيام.... بس انا مش بلعب عليك وبقولك الحقيقة
رحيم..... حقيقه اييييييه
هيام..... ان اخوك عايش
رحيم رقت نبرته شوية وبان علي وشه الحزن وهو بيفتكر اخوه وقال...... اخويا انا دفنته بأيديا
كمل بصعوبة .. بعد ما اتبعتلي مقـ تول علي اديكو
وهو بيتألم من جواه وبيفتكر المشهد ده الضربة الوحيدة اللي كسرته بجد يوم ماشاف اخوه مقتـ ول جـ ـثة قدامه
اخيرا زهرة نطقت وقربت ليها وقالت وهي بترجوها تأكد الكلام اللي قالته ده
زهرة... ه. هو حضرتك بتتكلمي بجد. يوسف عايش
هيام ابتسمت لما زهرة قربت وهي شايفاها بتكلمها
مدت ايدها تحركها علي وشها بدموع متجمعة في عنيها
وقالت..... كنت حاسة انك موجودة وحواليا. كنت حاسة ان بنتي عايشة
زهرة تلقائي نفضت ايدها من عليها ورجعت لورا
وقالت بجمود.... لو سمحتي جاوبي..... الكلام اللي بتقوليه ده صح. يوسف فعلا عايش
هيام بصتلها بحزن لكن اتنهدت وقالت.... دي الحقيقة اللي انتو متعرفوهاش. يوسف فعلا عايش
رحيم وهو كمان بيتنمي كلامها يطلع صح بس عقله بيقوله الزاي وهو دافن جثة اخوه بنفسه.
رحيم بص ل هيام وقال .... الزااي. انطقي قولي. قولي ان اللي دفنته ده مش يوسف
هيام بتأكيد.... هو فعلا مش يوسف.
رحيم كان بيبصلها وهي وهي بتأكد كلامها وهيتجنن لكن قال يسمعها ويخليه ورا الكداب لأنه من جواه بيتمني اساسا ان كلامها يطلع صح وان اخوه فعلا يطلع عايش
هيام..... احنا اه خطفنا اخوك علشان نقـ تله
بصت لياسمين وكملت.... بعد ماياسمين رفضت تشارك معانا لأننا كنا ناويين نكلفها هي بالمهمة دي.
بصتله وكملت..... بس لما رفضت اخواتي قالو كده كده لازم نقتـ له ايا كان مين اللي هينفذ و علطول كلمو غسان الراجل بتاعنا وامروه انو لازم يقـ تله وينفذ في اسرع وقت
بعدها انا سيبتهم في الشركة ورجعت القصر. بس مرة واحدة مقدرتش اكمل حسيت ان قلبي وجعني علي الولد وقولت الزاي اوافق ان طفل صغير زي ده مالوش ذنب في اي حاجة يمـ وت كده وعلي ايدينا وانا اكون مشاركة في قتـ له. فوقت لنفسي وقولت مستحيل ده يحصل وجريت بسرعة مسكت تليفوني علشان اكلم غسان والحقو قبل ماينفذ وانا بتمني من جوايا يكون الولد لسه بخير
كلمت غسان والحمدلله كان فعلا منفذش
فلاش باك
هيام..... عملت ايه ياغسان
وهي بتتمني يكون لسه... منفذش
غسان..... لسه ياهانم
اول مارد عليها غسان وقال كده اتنهدت هيام براحة
لكن غسان كمل كلامه وقال.... بس اديني ساعة بالكتير وهكون خلصت وكل حاجة هتبقي تمام والولد هيكون راح للي خلقه
هيام بسرعة..... لأ
غسان باستغراب.... لأ ايه
هيام..... متقت،لوش
غسان..... الزاي ياهانم. دا عمران بيه لسه قافل معايا من دقايق وبيستعجلني اخلص بسرعة
هيام بغضب وحدة .... انا قولت متقت، لش الولد. متسمعش كلام عمران
اتنهدت وقالت.... بص. عمران وصالح مش هيعرفو حاجة
(عمران وصالح دول اخواتها)
وعلشان هيام كانت متأكدة ان اخواتها استحالة يوافقو ويسمعو كلامها ويسيبو الولد
هيام..... انت هتعمل اللي هقولك عليه... علشان كل حاجة تبان طبيعية هتدبر الحادثة لكن من غير ماتأذي يوسف
وانا هقولك تعمل ايه بالظبط
باااااك
هيام.... وقتها خليت غسان بعت عربية نقل خبطت العربية اللي فيها يوسف وهو راجع من المدرسة مع السواق. بس نبهت عليه ان مايبعتش حد غشيم ينفذ بس من غير مايأذي اللي في العربية.. وفعلا السواق بتاعكو خرج بشوية جروح سطحية ويوسف كذالك.. بس انا وغسان فهمنا صالح وعمران ان يوسف مـ ات. وطلبت من غسان ياخد يوسف يخدرو وصوره بهدومه اللي عليها د، م ووشه اللي اتشوه من الحادثة... طبعا هو وشه متشوهش ولا حاجة وكل دي كانت تشوهات مزيفه غسان عملها علشان يصدوقو ان الحادثة كانت جامدة و الولد فعل
مـ ات وبعتلهم الصور.. وهما وقتها اتطمنو ان كل حاجة مشيت زي ماهما عاوزين و قالو ل غسان يبعتلك جثة اخوك
بعدها انا كنت اتصرفت في جثة طفل حقيقية من اللي بيبقو جايين المستشفيات في حوادث وفعلا لقيت جثة طفل بنفس السن والجسم وجبنا وقتها خبير تجميل وشوية حاجات عملها طلع الجثـ ة شبه يوسف وبما انو كان في تشوهات كتير في الوش والملامح مكانتش واضحة علشان الحادثة يعني دا ساعدنا انك متكتشفش انها مش جثـ ة اخوك بجد
رحيم كان بيسمعها وهو مش مصدق ان اخوه فعلا طلع عايش وكل دي كانت تمثيلية
رحيم بلهفة.... ويوسف فين.. اخويا فين
هيام..... انا وقتها قولت ل غسان يهربو يبعتو اي مكان يكون بعيد عند اي حد يكون بيثق فيه. وهو اتصرف
رحيم.... فيين يعني بعتو فين
هيام..... معرفش. انا اهم حاجة اني نجيت الولد من اديهم. وغسان هو اللي اتصرف في الباقي.هو اللي يعرف مكان يوسف. غسان الوحيد اللي هيوصلك لمكانه
هي قالت كده ورحيم مستناش خد سلاحه وخرج بسرعة في طريقه لغسان
رحيم بيفتح العربية
زهرة كانت خرجت وراه ولحقته وقالت... انا هاجي معاك يارحيم
رحيم بحدة..... تيجي معايا فين.. ادخلي جوه
زهرة بترجي.... علشان خاطري خدني معاك.
رحيم..... قولت ادخلي جوا
وركب العربية ولسه هيطلع بقلم فريدة احمد
زهرة فتحت باب العربية... علشان خاطري يارحيم. والله مش هتكلم كأني مش موجودة. بس خدني معاك. علشان خاطري
رحيم اتنهد وهو بيحاول يبقي هادي.... اركبي
زهرة ركبت بسرعة ورحيم طلع بالعربية وساق علي اقصي سرعة
.. بعد وقت قياسي وصل ل مكان غسان ونزل وزهرة وراه
وطلع علي شقة غسان بسرعة
غسان نايم جوا فاق علي خبط جامد علي الباب
قام يشوف فتح الباب اتفاجأ ب رحيم
غسان بتوتر.... رحيم بيه
رحيم دخل..... اخويا فيين يلااا
غسان ... اخوك. اخوك مين.
وبعدين قال....هو مش اخوك بردو الله يرحمه
رحيم وهو بيضغط علي نفسه و بيحاول يبقي هادي..... ولاااا متستهبلش انا عرفت انو عايش... فييين وديتو فين
غسان بغباء مصطنع.... انا مش عارف انت بتتكلم علي ايه
رحيم مسكه من فكه جامد وبغضب حط المسدس في دماغه... انتطق ياروح امك.. يوسف فيييين
زهرة... رحيم اهدي ممكن وهو هيتكلم
رحيم بصلها نظره اخرستها ورجع بص لغسان... هتنطق ولا افضيه في دماغك
غسان بخوف هز راسه بمعني هيتكلم
رحيم سابه.... فييين.. انطقق
غسان وهو بيبلع ريقه.. اديني ثواني بس ه. هعمل حاجة جوا.. ثواني وهرجعلك بقلم فريدة احمد
رحيم وهو مش مستريحلو... هتعمل ايه
غسان..... ياباشا اتطمن انا هادلك علي مكان يوسف. صدقني
رحيم بتحذير.... اقسم بالله لو لعبت بديلك وفكرت تحور عليا وتسوحني ماهسمي عليك
غسان..... مقدرش ياباشا لأني عارف انك مبتهددش. اديني ثواني وهعرفك كل حاجة
واتحرك غسان علطول دخل اوضة وقفل الباب وبسرعة مسك تليفونه وكلم حد بقلم فريدة احمد
غسان..... ايوا ياباشا.. رحيم بيه عندي و.
: وايه ماتتكلم
غسان.. عرف ان يوسف عايش وعايز يعرف مكانه. اقوله ايه ياباشا.
ثم اكمل بخوف..... ده ممكن يقت، لني لو كدبت عليه. لانو جاي ومتأكد اني عارف مكان اخوه
بهدوء : قوله الحقيقة
غسان... الزاي ياباشا. اقوله يعني ان يوسف معاك
: ايوا.. بقولك ايه. انت مش بتقول انو عندك
غسان... ايوا ياباشا
: اطلع واديلو التليفون. هكلمه
غسان بصدمه... ايه.بس انت كده هتنكشف وهو هيعرف
: خلاص ياغسان آن الاون انو يعرف. اطلع اديلو التليفون وافتح الكاميرا
غسان لسه هيتكلم
قاطعه بحزم.... اعمل زي مابقولك
غسان خرج ل رحيم اللي واقف مستنيه بغضب وزهرة بتهدي فيه بقلم فريدة احمد
فتح غسان الكاميرا وقال ل رحيم.... اتفضل يارحيم بيه
وهو بيديلو التليفون اللي اول مارحيم مسكه وهو مش فاهم حاجة وبمجرد ماركز في التليفون يشوف فيه ايه
ظهر يوسف في فيديو كول
رحيم وهو مش مصدق عينه قال بفرحة ودموع.. يوسف
يوسف ببتسامة.. ازيك يارحيم.
رحيم بلهفة.... انت عامل ايه ياحبيبي انت كويس. انت فين
يوسف..... انا كويس متقلقش عليا. بس انت وحشتني اوي
زهرة اللي واقفة جمب رحيم وهو ماسك التليفون مسكت ايد رحيم وهي بتوجه التليفون ليها وبصت ليوسف بدموع ... يوسف. حبيبي عامل ايه
يوسف بفرحة .... ازيك يازهرة. وحشتوني كلكم
رحيم.... انت فين ياحبيبي
يوسف.... انا في امريكا
رحيم بتستفهام.... مع مين يايوسف
وهو بيبص ل غسان ورجع بص ليوسف وقال.... اتكلم يايوسف انت فين في امريكا ومع مين
يوسف..... انا مع بابا يارحيم
رحيم بصدمه... مين
يوسف..... مع بابا. اهو
وفجأة ظهر زيدان اللي قاعد جمب يوسف علي الكنبة بعد مايوسف وجه الكاميرا عليه
رحيم بص ل زهرة بصدمه وزهرة بصتله بزهول
زيدان.... ازيك يارحيم