رواية احتواء القاسي
الفصل الخامس عشر15
بقلم سوسو تويكس
بعد المشكله الحصلت وانها عايزه ترجع، ابوي ناداني في الجنينه برا عرفتا انو الموضوع جادي، قعد قصادي وقال:يا ولدي انا حصل غصبتك على حاجه او اتدخلت في
قراراتك_معتصم:لأ يا ابوي لي في حاجه_سليمان:انا عايزك تتزوج بت المرحوم لينه لي اسباب كتيره وأهمها دي الطريقه الوحيده عشان تقعد وما تسافر هي اخر قطعه من المرحوم وهو وصاني عليها وحتى امها الله يرحمها وصتني عليها لانو ولد خالها بكري طلب يدهامن المرحومه قبل ما تتوفى وجاي يتقدم ليها خلال اليوم وهي عارفه اخوانها وأهلها ديل ما عندهم بت بتقرا جامعه لحدي الثانوي وخلاص، وخايفة على مستقبل بتها انو لو اتزوجت ود خالها يمنعوها تمم جامعتها و..._بقيت ما سامع بقول في شنو صدمات جات ورا بعض، عشان كده خالتو ندى قبل ما تتوفى وصتني عليها وقالت العمر ما معروف_ما ركزت الا بي صوت ابوي وهو بسالني:معتصم شردتا وين_معتصم:هااا؟، لالا مركز معاك_سكت مسافه وقال:لو انت معترض انا ما بغصبك وما بصر عليك عادي بزوجها لي ماجد اخوك بعمل اي شي عشان بت اخوي دي تكون قريبه مني_ابوي ده بقول في شنو مرة بكري ومره ماجد وفي لحظه ضياع،تشتت، غيرة، تملك، قلتا باندفاع واضح: لأ انا موافق_ابتسم وقال:عرفتا لي ندى الله يرحمها كانت مؤيدا فكرة زواجك منها، بس... إذا هي أصرت ووافقت على بكري انا ما بقدر اغصبها_قمتا وانا ما قادر افكر مشاعر متناقضه، انا كيف وافقتا؟ ده شنو التهور ده عمري ما كنت كده، طيب وامنيه ووعدي ليها، حاسي اني اتسرعت في
موافقتي، هي اكيد ح تختار ود خالها بكري هو أصحاب من زمان ومتفاهمين لانو عقليتهم زي بعض ده غير انو مستقر في أمريكا وهي اصلا عملت مشكله عشان راجعه ليها، وهو عقليتو مختلفه ما زي ناس ابو، اكيد ح يخليها تكمل جامعتها_كل الاسهم بتشير على موافقتها على بكري واتامدتا لمن سألتها وجاوبتني _ناس خالها وصلو، ووقت ابوي كلمهم انو برضو طلبها لي اتفاجئو وقالو يخيروها وماف زول يجبرها، بعد ما وروها بقت تعاين لي بكري، من الزعل الاحتلاني لبستا قناع البرود زعلتا اكتر وقت شفتا بكري يبتسم و عاين لي بنظرة بتقول:محسومه من الاول، صديق الطفوله ولا ود عمها المتحكم_اصلا من زمان عندي حساسيه معاهو، قالو توريهم قرارها بعد يوم عشان بكري مسافر أمريكا الاصلاََ هي ماشه ليها وجاتها وجاتها فرصه على طبق من ذهب_فكرة انو تختار بكري بتقتلني بالبطئ...
يتبع