رواية حلم واقع الفصل السابع عشر17والثامن عشر18بقلم رانيا عماره
حنان(بزعيق) :لم نفسك ياصبري بدل مااطلع القديم والجديد علي جتتك انت واهلك
جوز حنان :ولا تقدري ده انا هجرصك في الحته كلها هعرفهم حنان السحاره هي وامها ماجده بيعملوا ايه لجوازات بناتها
حنان(بزعيق) :لا ياخويا انت زودتها لـ تكون فاكر نفسك محسوب علي الرجاله راجل لا فوووق
جوز حنان (بزعيق) :انا راجل غصب عنك
وراح ضاربها بالفازه الـ جنبه علي دماغها فـ وقعت وساحت في دمها
جوز حنان(بصدمه) :حنان!!!.. فوقي يخربيتك هروح في داهيه.. قومي معايا
وبيحاول يقومها لحد مااتصل بـ ياسر
جوز حنان :الحقني يااستاذ ياسر مراتي سايحه في دمها قولي اتصرف ازاي
ياسر:انا مش فاهم حاجة
جوز حنان :اتخانقت معايا روحت كاسر الفازه علي نفوخها
ياسر:يخربيتك هتودي نفسك في داهيه
جوز حنان :قولي اعمل ايه اللهي يسترك
ياسر:طيب انت فين دلوقت؟
جوز حنان :انا فـ البيت
ياسر:هاجي اخدكم
جوز حنان :طيب ياريت مستنيك سلام
عند ماجده في فيلا عبير وعلي
ماجده(بتلف فيها) :ياسلام ياسلام ايه الڨيلا دي كلها بقى انتي هتقعدي في كل ده لواحدك؟
عبير(بتسمي في سرها) :الله اكبر من عينيكي الـ يندب فيها رصاصه
ماجده: ياسلام علي الحلاوه انا عمري ماشوفت كده في حياتي
عبير(بإبتسامه كره) :حبيبتي ياخالتي عقبال ماتجيبي لـ هبه بنتك
ماجده :وهو خطيبها مريش علشان يجيبلها الليله دي كلها ده لو اشتغل مليون سنه مش هيجي حاجه في جوزك علي
عبير:الله اكبر ماجرا ايه ياخالتي انتي هتقري عيني عينك سمي الله في قلبك كده
ماجده:معقول اكره بنت اختي ده انا بتمنالك الخير زي بناتي الاتنين بالظبط
عبير:انتي هتقوليلي.. طيب ماتقعدي ترتاحي اكمنك من ساعه مادخلتي وانتي مريحتيش رجلك دقيقه
ماجده:ارتاح ايه يابت هو الـ يشوف كل ده هيرتاح انا مش هرتاح الا لما اجيب للبت هبه فيلا زيها واحسن كمان
عبير:ماتجيبيلها ياخالتي حد مانعك امال بقي لو شوفتي عربيتي هتعملي ايه
ماجده:هو جابلك عربيه يابت؟؟
عبير:لا بيني وبينك دي عربيته القديمه قالي خليهالك دلوقت لحد مايجيبلي المرسيدس
ماجده ( بتبرق بصدمه) :مرسيدس مره واحده؟؟
عبير(في سرها) :ربنا يستر وميحصلش حريق
نرجع لـ جوز حنان
جوز حنان :الزفت ده اتأخر ليه ده انا شكلي هروح في داهيه
فـ لقي الباب بيخبط فـ فتح
ياسر:هي فين
جوز حنان :مرميه هناك والنبي براحه الا نروح في داهيه الا انا جتتي متلبشه من ساعتها
ياسر:شيل معايا
وشالوها ونزلوها في شنطه العربيه وكان الوقت متأخر ساعتها وراحوا مكان ياسر السري
جوز حنان وهما واقفين قدام العربيه بيطلعوها
جوز حنان :انما انت جايبها هنا ليه
ياسر :انت خايف عليها ولا ايه مش دي الـ دمرتك وبهدلتك؟؟
جوز حنان :ابداا يااستاذ ياسر انا بس بسأل الا خايف علي نفسي
ياسر:لو خايف علي نفسك يبقي اسمع كلامي
جوز حنان :حاضر يااستاذ ياسر
وشالوها ودخلوها جوا وربطوها كويس
ياسر :ادخل املي الجردل ده مايه بسرعه
جوز حنان (بتوتر) :حاضر
ودخل ملاه مايه ورجعله
ياسر:خد بعضك وروح والـ يسألك قوله انا رجعت ملقيتهاش وامسح الدم وشيل اي اثر وعايزك ترش معطر فـ الهوا فاهم؟
جوز حنان :انت تؤمر عايز حاجه
ياسر:امشي يلا
فـ مشي و راح ياسر دالق المايه كلها علي حنان فـ بدأت تصحي وطبعا ياسر كان لابس ماسك
حنان(بتهته) :انا فين... فين... مين انتوا
ياسر(بيضحك) :والله ووقعتي في القفص ياحلوه يابنت الغاليه
حنان(بتهته) :انت مين وعايز ايه
ياسر:انا هسيبك هنا لحد ماتستوي وتجيبي اخرك
وسابها ومشي وهي فضلت تصوت
حنان(بصويت) :لاااا استنى الحقوني استني
---------تاني يوم-------
نزلت لين من باب الفندق قبل تيم فـ واحد نده عليها يسألها عن حاجه
_لو سمحتي يااستاذه هما محتاجين شغل في الفندق هنا؟
لين:لا والله انا معرفش
_معلش متأسف اصل بدور علي شغل بقالي فتره
لين: انت خريج ايه يمكن اساعدك؟
_انا خريج تجاره وكنت عايز اشتغل
Receptionist
لين:ممكن حضرتك تدخل وتسأل جوا وان شاء الله تلاقي شغل
_متشكر لـ حضرتك
فـ لقيت تيم وراها وواقف وكله نظرات غيره
_طيب عن اذنك
لين:اتفضل.. في ايه ياتيم بتبصلي كده ليه؟
تيم(مدايق) :مين ده؟
لين(بتوتر) :مممم عادي ده واحد كان بيسأل على حاجه ومشي
تيم:بيسأل علي حاجه في سنه مش كده
لين :في ايه ياتيم انت بتحاسبني كده ليه مااقف مع الـ اقف معاه؟
تيم(مدايق) :تمام يا لين
وسابها ومشي وهي واقفه مستغربه وفي حاله مابين الفرح وبين الاستغراب لحد ماطلعت اوضتها وفضلت تفكر هو ليه بيعمل كل ده؟
لين(بتبعت مسدج) :تيم انت فين
تيم seen ومابيردش عليها
لين:ميرسي ياتيم علي التجاهل ده، انا كنت بكلمك علشان اعرف هنروح الشغل نكمل ولالا
تيم seen ومابيردش لدرجه ان لين اتدايقت منه اكتر
لين:عموما انا خارجه، باي
ولبست شنطتها وطلعت من الأوضه وقفلتها لقيت تيم طالع من اوضته وساكت فـ بصتله من غير اهتمام هي كمان وراحت مكمله وماشيه وهو ماشي وراها يشوفها رايحه فين
لين(بتلفله مدايقه) :انت ماشي ورايا ليه؟
تيم:مش هسيبك تمشي لواحدك رجلي علي رجلك في اي حته تروحيها
لين:وايه التحكمات دي بقي ان شاء الله
تيم:لا الحقيقه دي مش تحكمات تقدري تعتبريها خوف وعدم اطمئنان مش اكتر
لين(فرحت) :اهاا وانت تخاف عليا بصفتك ايه
تيم:هو لازم تكون صفتي حاجه علشان اجي معاكي انتي نسيتي ان ده شغل ومينفعش حد يكمل من غير التاني
لين:طيب انا همشي
فـ فضل ماشي وراها
عند عبير وعلي
صحي علي ودخل اوضه الـ Dressing room (اوضه الملابس) وكان بيجهز للخروج
عبير:ايه ده انت رايح فين
علي:رايح مشوار
عبير:مشوار ايه
علي:لا ابدا ياعبير ياحبيبتي ده مشوار علي السريع كده
عبير:وموضوعي ياعلي ايه نسيته؟
علي:موضوع ايه ده فكريني بيه
عبير:الڨيلا والعربيه هتكتبهم بـ اسمي امتي؟
علي(بإبتسامه خبث) :هو احنا مش اتكلمنا في الموضوع ده وقولتلك استنى شويه
عبير:انا مش هستني اكتر من كده
علي:اكتر من كده ايه ده احنا مكملناش 3 ايام متجوزين ولا انتي داخله علي طمع
عبير (بتجيب ورا) :هاا.. لا ابدا ياحبيبي اصل لازم كل واحد يعرف راسه من رجله ولا انت يرضيك اكون في حيره
علي:وايه الـ هيجيب الحيره طيب بصي هخلص مشواري واعدي عليكي نكتب العقود
عبير(بفرحه) :بجد؟؟
علي:طبعا يلا علشان متأخرش سلام
عبير(في سرها) :ياااه اخيرااا انا مستنيه من زمن
عند ماجده كانت بتتصل بـ بنتها مابتردش لحد ماجوز حنان قرر يرد عليها ويتمالك اعصابه
ماجده :الو مابترديش عليا ليه يابت
جوز حنان (بحزن تمثيل) :الحقيني ياحماتي انا لسه راجع البيت ملقتهاش قلبت عليها الدنيا مش لاقيها
ماجده (بصدمه) :عملت في البت ايه؟؟
جوز حنان :وانا اقدر اعملها حاجه دي تاكلني ده بعد ماخلصت مشاويري وراجع البيت ببص ملقتهاش حتي كنت لسه هتصل عليكي اسألك هي عندك ولالا
ماجده (بصويت) :البت ضاعت مننااا
هبه:في ايه ياماما
ماجده:جوز اختك بيقول انها مش ف البيت وقالب عليها الدنيا هتروح فين بس
هبه:هتلاقيها راحت تشتري حاجه ياماما
ماجده(بصويت) :وهتسيب موبايلها في البيت يعمل ايه؟؟
جوز حنان (في التليفون) :ماتهدي ياحماتي وهنلاقيلها حل
ماجده(بصويت) :البت لو مرجعتش انا هوديك في داهيه
جوز حنان :وتوديني في داهيه ليه ده انا راجل شقيان بجري علي اكل عيشي علشان أأكل بتك وف الاخر بدل ماتقوليلي شكرا تقوليلي هوديك في داهيه مكنش العشم ياحماتي
ماجده:اقفل دلوقت اما نشوف حل للمصيبه الـ احنا فيها دي
وقفلت معاه واتصلت بـ فتحي اخوها
ماجده (بصويت) :الحقني يافتحي الحقني البت مش موجوده في بيتها والزفت بيقول انه رجع ملقهاش قولي اعمل ايه
فتحي:يعني ايه هي عيله صغيره ياماجده
ماجده(بصويت) :اتصرف يافتحي اتصرف انا عايزه بنتي ترجعلي
فتحي(بزعيق) :طيب اقفلي هشوف حل
عند جوز حنان اتصل بـ ياسر
جوز حنان :الو يااستاذ ياسر الحقني
ياسر:ايوه ياصبري في ايه
جوز حنان :ماجده اتصلت بيا تسأل علي حنان بنتها وقولتلها رجعت ملقتهاش وشكلها اتصلت بـ فتحي ولو عرف ان احنا الـ ورا الموضوع هيطير رقبتي
ياسر:اهدي بص الـ يسألك هي كلمه واحده انا معرفش انت رجعت من برا ملقيتهاش
جوز حنان :قولتلها كده يااستاذ ياسر بس شكلها مش مصدقاني وهتوديني في داهيه
ياسر:تمالك اعصابك واتكلم بثقه ومحدش هيشك فيك وانا عموما رايح المكان بتاعي
جوز حنان :طيب ياريت تخلص الموضوع دي لو رجعت هتوديني في داهيه وهتحكيلهم كل الـ حصل
ياسر:متقلقش من حاجه اعمل زي ماقولتلك
جوز حنان :طيب حاضر حاضر
عند لين فضلت ماشيه لحد ماوصلت قدام النيل وقعدت وكل ده وتيم ماشي وراها وراح قاعد قصادها بعيد وكانت لين بتبصله وهي مدايقه
لحد ماجه اتنين شباب يدايقوها
_ ايه ياحلوه قاعده لواحدك ليه
_شكلها مستنيه حد اما تيجي معانا تنورينا
فـ لين قامت ومشيت وفضلوا ماشين وراها
_ماجرا ايه ماتردي علينا ولا مش عاجبين
فـ تيم طلع يجري عليهم
تيم (بزعيق) :مالك ومالها يا** ياابن الـ*****
وراح ماسكهم ضاربهم
ولين كانت مصدومه وبتصوت
تيم(بزعيق) :يلااا غوروا من هناا يلااا
فـ طلعوا يجروا بعد ما تيم اداهم العلقه التمام
تيم(بزعيق) :يلا ورايا
لين(بعياط) :مش هاجي معاك في حته ياتيم
ومشيت بعيد وقعدت وفضلت تعيط
تيم(بيحاول يهدي) :قومي يا لين
وبيمدلها ايده
لين(بعياط) :مش هروح في حته ابعد عني
لحد ماتيم شدها ومسحلها دموعها
تيم:انا اسف مكنتش اقصد
لين(بتزعق في وشه) :انت مش من حقك ولا من حق حد انه يكلمني كده ومش من حقك تمشي ورايا انا مش عيله صغيره ياتيم
تيم:اوعدك يا لين ان اول ماحقنا يرجع مش هتشوفي وشي تاني وحياتنا هترجع قبل مانقابل بعض، عن اذنك
واداها ضهره وبدأ يمشي في طريقه
لين(بعياط) :تيم!!
تيم بيلف
لين(بعياط) :متمشيش
وبدأت تقرب منه ودخلت في حضنه وكان تيم بيمشي ايده علي شعرها وبيمسحلها دموعها
عند عبير كانت مستنيه علي يرجع ورايحه جايه لحد مالقيت علي جه بـ عربيته واتصل بيها
علي :انا معايا ناس
عبير:ناس مين؟
علي:مش انتي طلبتي مني نكتب العقود؟
عبير:ايوه انا مستنياكم فوق
علي :انزلي علشان نخلص
عبير:طيب
وراحت نازلالهم
علي:ده استاذ فادي من الشهر العقاري وزميلي
عبير:يااهلا نورت
فادي:متشكر تحب نبدأ امتي؟
علي:دلوقت ادوني بس دقيقه اطلع اجيب الورق وانزل
فادي:علي اقل من مهلك
وطلع يجيب الورق
عبير(بإبتسامه) :منور الدنيا
فادي :الله يخليكي، هو حضرتك عايزه البيت والعربيه مش كده؟
عبير :اه عايزاهم اصل علي مش بيبخل عليا بـ حاجه
فادي:لا هو الحقيقه علي مفيش اجدع منه احنا عشره عمر كنا في المدرسه سوا بس انا اكبر
علي:معلش اتأخرت عليكم قبل اي حاجه نشرب حاجه ساقعه كده علشان نكتب العقود بـ روقان
ودخل حط العصير في الكوبايات وطلعلهم وادي لـ عبير كوبايه وصاحبه كوبايه
عبير:انت حاسس بينا الجو نار
فادي :فعلا خصوصا الـ بيلف كتير يعمل ايه بقي
علي:وانت الـ زيك مبيرتاحش ابدا ليل نهار في مشاوير ده انت يااخي مابترجعش بيتك الا كل فين وفين
فادي :عندك حق الموضوع بقي صعب انا مابقتش عارف اقعد مع بنتي
علي :لا بنتك ليها حق عليك
عبير(بدوخه) :علي
علي:ايه مالك؟
عبير:دايخه اوي حاسه الدنيا بتلف بيا ب... بقولك
علي:قولي
عبير :عايزه اطلع انام شويه.. و.. ونمضي بعدين
علي:لا ازاي لازم تضمني حقك يلا فوقي علشان تمضي
*وبقي يسندها وهي تمضي وبعد ماخلصت طلعها تنام في اوضتها*
عند ياسر راح لـ حنان وكانت مربوطه دخل جاب جردل المايه وملاه ودلقه عليها فـ فاقت
حنان(بتفوق) :انت مين؟؟
ياسر:ازيك عامله ايه اتمني تكوني مبسوطه هنا
حنان:انت مين وعايز ايه مني وايه الربطه دي
ياسر:لا مش عايزك تستغربي لانك هتطولي معانا هنا ده لسه بدري اووي اووي اووي
حنان(بصويت) :انا هوديك في داهيه وهعرف انت مين
ياسر:مفيش مشاكل اعرفي ولو عرفتي عرفيني اصل انا بحب اروح في داهيه متعود عليها من وانا قد كده
حنان(بصويت) :مين الـ زاقك عليا؟؟
ياسر:ابدا هيكون مين انا الـ زاقق نفسي عليكي وتعرفي علشان انا بس طيب مش هعملك حاجه ولا هعمل فيكي زي ماخالك بيعمل في الناس
حنان (بصويت) :فكني بقولك
فـ مردش عليها ودخل جوا حطلها اكل ومايه علي الارض
ياسر: مش تواسي خالك فتحي وتقوليله معلش اصله طلع مابيخلفش حلوه دي تحسيها نغمه موسيقيه مانا بفهم في الفن برضه
حنان(بصويت) :انت بتقول اييه
فـ دخل جابلها صاعق كهربائي
ياسر:الـ شايفاه في ايدي ده هينشفلك دمك وعندي استعداد افضل حاطه علي جسمك لحد ماتقابلي وجه كريم بس انا ميرضنيش تقابليه وانتي كلك ذنوب انتي وامك وخالك فـ علشان تخلصي ذنوبك دي محتاجين شويه معلومات
حنان (بصويت) :انت عايز مني ايه فكني بقولك فكني انا عايزه امشي
ياسر:همشيكي في حاله واحده
حنان(بصويت) :ايه هي قول
ياسر:تعملي كل الـ هقولك عليه
عند لين وتيم كانوا قاعدين يتكلموا
لين(بدموع) :انا عارفه ان مامتك وحشتك اوي وانك كان نفسك تكون معاك دلوقت.. زي مانت اتحرمت من مامتك انا اتحرمت من ابويا وعيت علي وش الدنيا من غير اب كنت فاكره فتحي ده ابويا كنت بفرح لما اشوفه داخل البيت بس كنت بتعب اوي لما بلاقيه بيضرب ماما وكل يوم في مشاكل وخناق.. كنت صغيره ومش عارفه اتصرف وماما مرضتش تخلف غيري علشان تديني كل الحب الـ عندها وبعد مااتطلقت منه من قريب بدأ يحاربها مع انها استحملته كتير
تيم:الـ زي فتحي واخته مينفعش يعيشوا مينفعش يناموا وهما ظالمين كل الـ حواليهم انا مش هسيب حق امي ولا حق طنط منال ولازم حق كل واحد فيهم يرجع وحقي وحقك كلنا اتظلمنا منهم والضعيف الـ يتظلم ويسيب حقه ويسكت وانا متعودتش اسيب حقي
لين:حقيقي الكره ملي قلبي ناحيتهم بعد كل الـ حصل يعني معقول فتحي.. قاسم اخته في ورثك؟؟
تيم:قتلوا امي وكلوا ورثي يمكن الحاجه الوحيده الـ كان نيتهم شر بس بالنسبالي خير هي اني قابلتك يا لين
لين(بإحراج) :وايه الـ اتغير لما قابلتني
تيم:كنت حاسس اني وحيد دلوقت بقي ليا صحاب وأهل كفايه طنط منال بعتبرها زي امي لما عرفتها اكتر عرفت ان حنيه الدنيا في قلبها
لين:تصدقني لو قولتلك ان جدتك فيها نفس الحنيه
تيم:انا جدتي اقتنعت ان مامتك خلاص بقيت زي بنتها هي اتحرمت من بنتها ومامتك اتحرمت من امها وكلنا بنعوض بعض
عند فتحي في المخزن لقي جوز حنان داخل
فتحي :وديت البت فين ياصبري؟
جوز حنان (بيمثل) :اااه ياقلبي ياني روحتي وسيبتيني ياحنان يامراتي البيت من غيرك مابقاش له طعم
فتحي:ااه يعني انت متعرفش مكانها؟
جوز حنان :صدقني يامعلم فتحي انا رجعت ملقتهاش بقي قلبي واكلني عليها ده انا الـ اتصلت بـ حماتي ماجده وبلغتها
فتحي(بزعيق) :هتكون راحت فين يعني؟؟
جوز حنان :ده انا رجعت من عندك امبارح دخلت البيت لقيته سكوت مفيش صوت قعدت انده واقول انتي فين ياحنان وادور عليها وهي ابدا مختفيه روحت واخد نفسي وبقيت ماشي في الشارع زي العبيط انده عليها
فتحي :غريبه عمرها ماحصلت لـ يكون حد عمل فيها حاجه
وقام وقف بعيد ورد
فتحي:ايوه يافريد
تفتكروا مين فريد؟
الفصل الثامن عشر
جوز حنان :ده انا رجعت من عندك امبارح دخلت البيت لقيته سكوت مفيش صوت قعدت انده واقول انتي فين ياحنان وادور عليها وهي ابدا مختفيه روحت واخد نفسي وبقيت ماشي في الشارع زي العبيط انده عليها
فتحي :غريبه عمرها ماحصلت لـ يكون حد عمل فيها حاجه
*وقام وقف بعيد ورد*
فتحي:ايوه يافريد عملت ايه
فريد:انا بعت ناس يسألوا بس موصلناش لـ حاجه لسه
فتحي:اتصرف وخلص وعايزك تظهر في الصوره من تاني فاهم ولالا
فريد:هظهر من دلوقت لو تحب
فتحي:ياريت في اقرب وقت
*وبعد ماخلص كلام*
جوز حنان :انما بتكلم مين يامعلم
فتحي :وانت مالك اكلم الـ اكلمه انت ايه دخلك
جوز حنان :معلش يامعلم مقصدش انا بتطمن بس
فتحي:وانت تطمن بتاع ايه يلا اجري شوف شغلك لحد مانشوف حل للمصيبه الـ احنا فيها وااه انا هروح مشوار وهرجع لو لقيت حاجه بايظه في الشغل هخلي ليلتك سواد
جوز حنان:ممم لا كله فل الفل ده انا هشوف شغلي اوي
فتحي:اما نشوف
عند ساره بتكلم ياسر في الموبايل
ياسر:انتي اتفقتي مع فتحي يجيلك امتي
ساره:زمانه علي وصول انا قاعده مستنياه
ياسر:اوعي ياساره حاجه تبان كده ولا كده مش ناقصين
ساره :لا متقلقش انا واخده بالي كويس اوي
ياسر:تمام ابقي طمنيني لما تخلصي معاه
ساره:اوكي هبلغك باي
ياسر:سلام
ساره:مو مصدقه ياهلا مستر فتحي
فتحي:الله يخليكي ماتطمنينا عليكي
ساره:منيحه نشكر الله
فتحي:كنت عاوزك في موضوع قبل مااخد الجرعه بتاعت العلاج
ساره:خير اتفضل
فتحي:انا شايفك يعني من غير راجل ووحيده فـ كنت عايزك يعني
ساره:كمل مستر فتحي
فتحي:انتي زي الفل الله اكبر مفكيش غلطه وانا بصراحه شاريكي في الحلال
ساره:اهاا ليش؟
فتحي :اصل يعني معجب بيكي ياانسه كارولين
ساره:بس انت متزوج مستر فتحي وعندك اولاد
فتحي :الشرع حلل 4 واه كله بما يرضي الله
ساره:بس انت فاجئتني بـ هيك الموضوع
فتحي :اهي جات كده المهم طمنيني موافقه ولالا
ساره:بدي افكر شوي
فتحي:وانا هسيبك تفكري براحتك وخدي وقتك
ساره:اكيد راح افكر بينا ناخد جرعه العلاج تبعك
فتحي :توكلنا علي الله
ساره :تعي مني اعطيله الحقنه
الممرضه:حاضر يادكتوره كارولين اديني ايدك يااستاذ
وبعد ماخدها
فتحي:ااه هي الحقنه بتوجع كده ليه
ساره:مو بتقلق مستر فتحي هيك الجرعه تقيله شوي بس راح تكون بخير انشالله
فتحي:ياريت الا مابقتش مستحملها
عند تيم و لين
تيم :يلا يا لين عايزين نروح للست الـ فتحي كان متجوزها ونفهم منها اكتر
لين:تفتكر انها هتقولك الحقيقه؟ ده غير انها ليه قالت انه ابنه وهو مش ابنه ولا اي حاجه
تيم:اهي مصلحتها تطلع منه بقرشين كلهم تعابين في بعض
لين:عندك حق وربنا يقدرنا ونخلص عليهم قريب
تيم:احنا بنعمل كل ده علشان نخلص ونرتاح
لين:تفتكر هنرتاح
تيم:ومنرتاحش ليه انا يوم ماحقوقنا ترجع هكون اكتر واحد في الدنيا دي مرتاح
لين:خايفه منعرفش نوصل لـ غرضنا مع فتحي
تيم:الـ زي فتحي يتضحك عليه بـ حته لحمه حمرا وهيجري وراها زي الكلب
لين:خايفه فتحي يعمل حاجه فيا ومشوفش ماما تاني
تيم:اوعدك يا لين محدش هيقدر يجي ناحيتك طول مانا موجود
فـ لين ابتسمت
تيم(بإبتسامه) :يلا بينا
لين(بإبتسامه) :يلا
نرجع لـ عبير كانت نايمه ومش حاسه بـ نفسها وبدأت تفوق ومكنتش شايفه كويس
عبير :علي انت فين؟
وقامت تبص عليه لحد ماطلعت من اوضتها وكان قاعد علي المرجيحه وفي ايده سيجاره
عبير :ايه ده انت هنا
علي:لا هناك
عبير :مممم انت عملت ايه انا مش فاكره حاجه
علي :ابداا ده انتي مضيتي علي عقد بيع البيت
عبير (بإستغراب) :عقد بيع بيت مين؟
علي(بيضحك) :بيتك ياعبير
عبير(بزعيق) :بيتي؟؟ بيت ابويا؟؟
علي :امال بيتي انا ههههههه
عبير(بصدمه) :انت بتهزر؟؟
علي:لا مابهزرش انا بتكلم بجد
وقام من مكانه وطلع الورقه وحطها في وشها
عبير(بصدمه) :لاااا لاااا انت بتهزر صح؟
علي:انا قولت اتغدي بيكي قبل ماتتعشي بيا
عبير(بزعيق) :ايه الـ انت بتقوله ده؟؟
علي(بيضحك) :مالك مستغربه كده ليه؟ هو انتي فاكراني باخد علي قفايا تبقي عبيطه ومخك تعبان مش انا الـ يتضحك عليا انا عايز بس اوريكي حاجه قد كده هتعجبك اوي
وكل ده وعبير في صدمه كبيره لحد مافتح اللاب ووراها فيديو ليها وهي في الشركه وبتحطله العمل في الاكل وده في البارت 2
عبير(بصدمه) :انت جيبت الفيديو ده منين؟؟
علي:انا عارف من اول يوم بس قولت امشي معاكي للاخر
علي(بزعيق وانفعال) :مش انااااا الـ يتعمل معايا كده ياعبير الحركاات دي هااا الحركات دي تعمليها علي حد غيري مش عليا
وراح ماسكها من شعرها جامد
علي (بزعيق وعنف) :فاكراااني ايه؟؟ عبيط ومغفل لا اصحيي ده انا علي يعني محدش يقدر يستغفلني ولا يضحك عليا
عبير(بعياط) :اااه
علي(بزعيق) :يلااا وريني هتروحي فين ولا هتعملي ايه
عبير(بعياط) :اااه شعري
علي(بزعيق) :يلاااا من وشي
وراح كاسر الازاز الـ ف البيت وواخد بعضه وماشي وعبير فضلت تصوت وبقيت منهاره
عبير :يانهار اسود!!! ايييه؟؟ انا بحلم؟؟ وانا الـ كنت ناويه ومخططه؟؟ اعمل ايه دلوقت؟؟ اتصرف ازاي
عند تيم و لين راحوا للست الـ كان فتحي متجوزها وخبطوا فـ الست فتحتلهم
تيم:ازيك عامله ايه
_نشكر ربنا اتفضلوا
تيم:اما ابنك عامل ايه
_كويس
تيم:ازاي فتحي ابوه ميسألش عليه كل الفتره دي
_وهو من امتي بيسأل فيه
تيم:اصل التحاليل طلعت
_ طلعت ازاي يااستاذ وانت قايل لازم تحليل من الاب
تيم:لا ماهو فتحي جه معانا وحلل بس مش عيب تكدبي وترفعي قضيه نسب علي واحد مابيخلفش ده احنا ممكن نرفع عليكي قضيه ونلبسك مصيبه بسبب كدبك ده
_استر عليا يسترها عليك ربنا ده انا تعبانه وشقيانه وجريت علي الواد عشان اربيه استرني اللهي يسترك مايفضحك انا مليش غير ابني
تيم:فتحي عقيم هاا ابنه ازاي
لين:براحه عليها ياتيم هنفهم براحه ليه حضرتك قولتي كده؟
_فتحي ضحك عليا وعشمني بالجواز وقتل اخويا ومعرفناش ناخد معاه لا حق ولا باطل واتهمني بحاجات وحشه كتير وانا من حرقتي بعد مااتطلقت من جوزي بسببه لبستله الواد عشان يصرف علينا
تيم:قتل اخوكي؟قتله ليه؟
_انا كنت متجوزه ومستوره يااستاذ جه فتحي خربلي بيتي واتجوزني في السر في شهور العده بعد مااتطلقت بسببه ده راجل ميعرفش ربنا ومسابش حاجه حرام الا لما عملها واكتشفت اني حامل من جوزي الاولاني كنت هعمل ايه يااستاذ ف اخويا مسكتش وحارب فتحي لحد ماقتله وخلص عليه ويتم عياله
تيم:معقول فتحي يعمل كل المصايب دي؟
لين:لالا زودها اوي ومصايبه كترت
تيم:اخر مره فتحي جالك كانت من امتي؟
_يااه من سنين بقولك يااستاذ انه مش سائل فيا
تيم:انتي عملتي زنب كبير
_ندمانه علي ال عملته يااستاذ ندمانه
تيم:ربنا غفور رحيم المهم لو فتحي ظهرلك في يوم من الايام متديلوش وش واتقلي عليه
_حاضر احنا غلابه وعلي قد حالنا وملناش في المشاكل
*فـ راح مطلع مبلغ من جيبه واداهولها*
تيم:دي حاجه بسيطه
_ والله ماعارفه اشكرك ازاي روح ربنا يسترك انت ومراتك
تيم(بيبص لـ لين) :مراتي؟
لين(بإبتسامه) :ميرسي
تيم:طيب احنا هنستأذن ولو احتاجتي حاجه رقمي معاكي اتصلي وهيجيلك ال انتي عايزاه
_روح ربنا يسترها في طريقكم ويكرمكم يارب
تيم:يااارب
وخد لين ومشي
عند عبير لبست هدومها وراحت البنك ومعاها فيزا علي عايزه تسحب منها كل الفلوس
عبير:لو سمحتي
الموظفه :اتفضلي
عبير :عايزه اسحب كل الفلوس الـ في الفيزا
الموظفه:ممكن الفيزا
عبير:اهي
الموظفه:لا احنا عندنا قوانين هنا ممنوع سحب اي مبلغ مالي الا لـ صاحب الحساب او المقربين له+ وجود الـ credit card
عبير:طيب انا مراته
الموظفه:الاسم ايه يافندم
فـ قالتلها الاسم
الموظفه:لا للاسف يافندم اسمك مش متسجل تقدري تروحي تشوفي اسمك في الشهر العقاري الاول
عبير:يعني ايه اسمي مش موجود؟؟
الموظفه:احنا نظامنا مختلف عن اي بنك تاني ومش بندعم غير صاحب الحساب او احد المقربين له
عبير:طيب شكرا
ومشيت
عبير:هروح ازاي دلوقت الوقت اتأخر خليها بكرا
عند ساره بعد مافتحي مشي ورجعت الشركه
ياسر:يعني ايه فتحي عايز يتجوزك؟؟
ساره:يعني زي مابقولك فتحي عايز يتجوزني وطلبني للجواز
ياسر:وانتي قولتيله ايه؟
ساره:قولتله هفكر في الموضوع ده وهرد عليك
ياسر:يعني ايه هتفكري ومرفضتيش ليه؟
ساره:دي فرصه متتعوضش يا ياسر انا لو اتجوزته حق تيم هيرجع
ياسر:وانا مش موافق علي الفكره دي
ساره:عندك طريقه تانيه نرجع بيها حق تيم؟
ياسر:معرفش يا ساره بس الـ اعرفه ان ده مينفعش ازاي تتجوزي فتحي وتآمني لـ نفسك معاه؟
ساره :صدقني ده انسب حل
ياسر:انا مش موافق علي كده يا ساره
ساره:هنرجع حقوق تيم و لين ازاي لو متجوزتهوش؟
ياسر:انا الـ اقرر مش انتي وهتتجوزيه ازاي اصلا؟
ساره :كنت هتجوزه فتره وهتطلق منه
ياسر:ويفرض مرضاش يطلقك نبقي دخلنا في مشكله تانيه؟
ساره:هيبقي زواج اسما وصدقني فتحي مش هيقربلي وانا عارفه سبب رفضك كويس
ياسر(بتوتر) :لا هيكون ايه يعني بس انا رافض الفكره دي ومش حاسس انها مناسبه
ساره:فكر يا ياسر هتلاقي ان كلامي صح
*فـ لقوا تيم ولين داخلين عليهم*
ياسر :يااهلا اهو تيم جه احضرنا انت ولين
لين: في ايه؟
ياسر:دلوقت فتحي عرض الجواز علي ساره
تيم:انت بتقول ايه؟
ياسر:زي مانا بقولك كده وهي قالتله هفكر وانا مش شايف انها فكره مناسبه
لين:انا شايفاها انسب فكره خصوصا ان فتحي نصب علي تيم وحرمه من ورث ابوه
تيم:انت رافض ليه يا ياسر؟
ياسر:ابدا بس يعني لو اتكشفنا هنروح في داهيه
تيم(فاهم) : وانت من امتي بتفكر في كده ماهي لبست دور الدكتوره وهو صدق
فـ تيم شاور لـ ياسر وخده بعيد علي جنب
تيم(بصوت واطي) :رافض ليه يا ياسر؟
ياسر:ها؟؟ ابدا
تيم(بصوت واطي) :فتحي مش هيقرب منها
ياسر:وانا ايه ضمني انه مش هيقرب منها؟ اذا كان هي هتبقي حلاله وهيعمل مابداله فيها؟ حد هيقدر يقوله لا؟ طب مبررها ايه؟
تيم: احنا لو فكرنا وخططنا صح زي كل مره مش هيقدر يقربلها
ياسر:حتي لو خططنا مليون خطه انا مش هقدر
تيم:وانت من امتي بتخاف عليها كده مانت قايل انها معاك من زمان ورجعتوا حقوق ناس كتير؟
ياسر: ياتيم عمرها ماوصلت لـ جواز.. ساره متجوزتش قبل كده
تيم(بيضحك) :وانت عايز تكون اول حد في حياتها؟
*ياسر بص له وهو مدايق بمعني اه*
تيم:طيب ياجماعه احنا لازم نفكر صح
لين:هنعمل ايه؟
تيم: هنزور شهاده مرضيه تثبت ان ساره عندها مرض مُعدي وهو الايدز فـ بالتالي فتحي مستحيل يقربلها
لين:طيب ماهو لو عرف حاجه زي دي مش هيرضي يتجوزها؟
ياسر:لين عندها حق
تيم:الكلام ده هتظهره اول يوم بعد الجواز انما قبل كده فـ انتي سليمه تماما يا ساره
_____تاني يوم_____
صحيت عبير من النوم وطبعا علي ساب البيت ومرجعش وخدت نفسها وراحت تعمل قيد عائلي
عبير:لو سمحتي عايزه اعمل قيد عائلي
وبعد ما مليت البيانات
عبير:هستلمه امتي؟
_الاسبوع الجاي زي للنهارده
عبير :ارجوكي انا محتاجاه ضروري بصي هديكي الـ انتي عاوزاه
_انتي بتقولي ايه؟
عبير (بصوت واطي) :ارجوكي انا محتاجاه *ضروي جدا انا هديكي الـ انتي عاوزاه
وراحت مطلعه فلوس كتير من شنطتها وادتهالها من غير ماحد ياخد باله*
_تيجيلي بكرا تستلميه
عبير:طيب شكرا
وخدت نفسها ومشيت
عبير(في سرها) :معقول انا اسمي مش موجود؟؟ اتاري كل مااسأل علي نروح نغير البطاقه بـ عقد الجواز يقولي مش دلوقت وحياه امك لاخد الـ وراك والـ قدامك كله ووريني هتعمل ايه
عند ماجده
ماجده :اااه يامصيبتي البت مرجعتش لحد دلوقت اعمل ايه
هبه:انا شاكه في جوزها صبري
ماجده:تفتكري الكلب ده هو السبب؟
هبه:انتي نسيتي انه عرف بالـ احنا عملناه يعني اكيد العداوه بينه وبينها اشتغلت وقال يخلص منها
ماجده:ده لو طلع الكلام ده بجد انا هوديه فـ 60 داهيه هو واهله كلهم انا عيالي خط أحمر
*لقيت فتحي بيخبط علي الباب*
ماجده:قومي افتحي لـ خالك يارب يكون جاب اخبار جديده
فتحي:سلامو عليكو ياختي عامله ايه
ماجده:وانا هكون عامله ايه والبت حنان ضايعه ومختفيه ومحدش فينا عارفلها طريق
فتحي:خلاص ياختي اهدي شويه مش كده اكيد هنلاقيلها حل
ماجده:وانت ورجالتك بمعارفك مش عارف ترجع البت لـ حضني؟
فتحي:بنتك هترجعلك وهنفضها سيره
ماجده:اكيد البت حصلها حاجه بسبب عمايلك انت وش المصايب
فتحي :لا بقولك ايه ياماجده انا مش جاي عشان تقعدي تقطمي فيا
*ف بيلمس دراعه وجعه*
فتحي:اه
ماجده:مالك فيك ايه انت كمان؟
فتحي(بيتوجع) :باخد جرعه علاج تقيله شويه للمرض الـ قولتلك عليه
ماجده:وجيبت العلاج منين ده انت قايل انه مالهوش علاج
فتحي(بيتوجع) :لا لقوا علاج ااه
ماجده:جرا ايه يافتحي ياخويا ماتروح تكشف بدل مانت عمال تتوجع كده
فتحي(بيتوجع) :انا هروح للدكتوره اخد الجرعه التانيه الا مبرتاحش الا لما اخدها
ماجده:طيب ياخويا ابقي طمنا وخلي رجالتك تشوف حل انا عايزه بنتي ترجع لـ حضني
فتحي:متقلقيش هنلاقيها يلا سلامو عليكو
َ
وراح لـ ساره في العياده الوهميه
ساره:ياهلا يامستر فتحي شو اخبارك
فتحي:الله يخليكي اهو ماشي الحال انا عاوز اخد الجرعه التانيه الا دراعي قايم عليا بشكل
ساره :اوكي راح تاخدها الله يشفيك
فتحي:يارب ياانسه
ساره(في التليفون) :تعي مستنيه
ساره :منور الدنيا كتير
فتحي:بنور صحابها
عند ياسر في الشركه كان سامع كل حاجه فـ اتصل بـ جوز حنان
ياسر:الو ياصبري بقولك انت فين
جوز حنان :انا داخل علي المعلم فتحي في المخزن
ياسر :وصلت ولا لسه
جوز حنان :لا لسه
ياسر:ارجع وعايزك تاخد البت الصغيره الـ اسمها منار دي
جوز حنان :ليه في حاجه؟
ياسر:وانت مالك انت هتصاحبني انت تسمع الكلام وبس!!
جوز حنان :طيب تحب انفذ امتي
ياسر :دلوقت وعلي المكان بتاعنا
جوز حنان :من عينيا انا راجع
عند ساره في العياده كانت الممرضه وصلت
ساره:مستعد مستر فتحي؟
فتحي :طبعا مستعد علي بركه الله
والممرضه اديتله الحقنه ومشيت
فتحي:يااه علي الراحه ده انا ايدي كانت وجعاني بشكل هو العيب في الممرضه ولا الحقنه
ساره:لالا الحقنه كتير بتوجع الكل مو انت وبس
فتحي :اه علشان كده اما بقولك يااستاذه كارولين قصدي يادكتوره فكرتي في الموضوع الـ قولتلك عليه؟
ساره:أي فكرت
فتحي:وقررتي ايه؟
ساره :قررت اتزوجك
وكان ياسر سامع كل كلمه بتتقال
ياسر:يانهار اسود مكنش اتفاقنا
يتبع