رواية احتواء القاسي الفصل الثاني والعشرون22بقلم سوسو تويكس
فتحتا باب غرفتو لقيتو بصلي بخشوع واضح لدرجه ملامح كانت هادئه شديد، والصوت في تلاوة القرآن كان هاادئ وجميل، لدرجه وانا منتظراهو لقيت نفسي تلقائي بردد تلاوه السورة البقراها، بعد خلص الصلاة لقاني لسه واقفه ومتلشه فيهو، قالي:مالك اول مرة تشوفي زول بصلي_يا درب وعيت على نفسي وقلت ليهو :انا جوعانه والمطبخ ما فيهو شي يتاكل_قالي وهو طالع من الغرفه:في مطعم قريب بمشي بجيب عشا وبجي_لينه:ماشه معاك_معتصم: عارفه الساعه كم؟ عامله ١١ ماف ليك طلوع_لينه: بدينا التحكم من حسي، وانا قلتا ماشه ما بقعد براي_حمر لي وهو بقول:5 دقايق ما مرقتي بتلقيني مشيت_جريت جري، ولأنها حته راقيه قلتا ما بلبس عبايه، لبستا بنطلون ومعاهو طونيكا لكن طويله تحت الركبه ولبستا الطرحة وجيت مارقه، قال لي:مارقه بالشكل ده_لينه :ايي مالو شكلو_اتكلم بهدؤ :امشي البسي ليك عبايه_لينه:انا ما شايفه لبستي فيها شي غلط والطونيكا ياها طويله_معتصم:معناها اقعدي في مكانك_زعلتا يخ قلتا لي بحده:اسلوب التحكم الشديد ده ما بنفع معاي، مش قلتا زواج عالورق ولا خلاص اتقمصت الدور_هنا انفعل وهو بقرب لمن لقيت نفسي محاصره مع الحيطه:طيب رايك شنو انو طلعه ليك ببنطلون تاني ماف وغير بعبايات تاني ما بتطلعي، وبالنسبه للزواج اذا كان عالورق ولا بالزفت، انتي مرتي وكلامي البقولو يتنفذ بالحرف_اكيد جن كيف ما امرق تاني بلبسات، رغم خوفي منو وحاليا ح يطق ليهو عرق من الانفعال بس انا ما متعوده على التحكم الزي ده قلتا بانفعال:قبيل في التوب وحسي في البنطلون وتقول الا عبايات، ابقى كفتني لو سمعتا كلامك_والله شوية كده ويلصق فيني كف، بس الساعة الجراني من اضاني وهو بقول:يعني متذكره اغلاطك كلها، متذكره انو في عقاب، سريع كم غلط خلال اليوم عديهم_عيوني رغرغو من الألم :طلعتا و.. شعري كاشف_ما حسيت الا على يدو وهو بضربني على كفة يدي الماسكها_معتصم:كملي سريع_لينه:ورشيتك باللبن _تاني ضربني في يدي والمره دي دموعي نزلو عديل_معتصم:وتاني_ لينه :بس تاني انا ما غلطتا_ضربني في يدي وهو بقول:بتعاندي وعايزه تطلعي ببنطلون_وتاني ضربني وقال:وده الغلط الاهم إياك تنسي في يوم انك #مرتي وتقولي ما اتدخل فيك_ومرق خلاني لا عارفه ابكي من يدي الحمرت عديل ولا عارفه اضحك من الحصل لانو منظرنا كان اب بعاقب في بتو😂...
يتبع