![](https://blogger.googleusercontent.com/img/b/R29vZ2xl/AVvXsEjVGuhE2772toGpG9wWUrm9yzqjqjOJ9MmRbB2H_IQ0MAUC5Xv-MMO0GlTNGcJVe_-asepdtyOb2b2T0HcpjhaF1PwZ25wXzqbeHmMwxy05qzZqeALWgnJ0xVrc4zB91q3hXsmYSB-mzR1QJ9qBoKSvjEwS0_csIKbR9z8_jtyax56QjifpkUwvqeUgG3ra/s320-rw/FB_IMG_1715644431771.jpg)
رواية مزاولة حب الفصل الحادي عشر11والثاني عشر12بقلم دودو محمد
فى اسكندريه
كانت تمارا بتكلم امها فى التليفون بطمنها عليهم وقفلت السكه معاها وسمعت صوت دوشه بره خرجت تشوف فيه ايه لاقت الناس بتقول أن فيه حد بيغرق قلقت على كريم وطلعت تجرى تشوف مين لاقته فعلا هو قعدت تصوت وتنادى على حد ينقذه وطلعت تجرى على المايه وقبل ما تدخل لاقت ايد حد بتوقفها بصت ليه وقالت
تمارا :- انت ارجوك الحق اخويه ابوس ايدك
ياسين :- اطلعى انتى متقلقيش ودخل يجرى وبدء يسبح لحد ما وصل عند كريم وشاله ورجع بيه تانى على الشط
تمارا :- طلعت تجرى عليه بدموع وقالت كريم رد عليا ارجوك كريم علشان خاطرى رد عليا وطمنى عليك
ياسين :- لو سمحتى ابعدى شويه علشان أنقذه وبدء يعمله الاسعافات لحد ما كريم بدء يكح بص ليه وقال حمدالله على السلامه يا بطل مدام مش قد السباحه بتنزل ليه
كريم :- قعد يكح
ياسين :- خبط على كتفه وقال اجمد يا بطل وقام وقف ومشى
تمارا :- كريم انت كويس
كريم :- بتعب كويس بس خدينى الشاليه
تمارا :- طيب تعال وسندته قام من على الأرض ودخلتوا الشاليه وقعدته على الكنبه وقعدت قصاده على ركبتها ومسحت وشه وقالت حاسس بتعب ولا حاجه اخدك الدكتور
كريم :- لالالا انا كويس بس كنت حاسس ان انا خلاص مش هعيش تانى
تمارا :- بلهفه بعد الشر عليك يا حبيبى متنزلش البحر تانى بقى
كريم :- لاء ازاى بس وانا جاى هنا ليه
تمارا :- انا خايفه عليك يا كريم
كريم :- متخافيش يا تمارا بس بلاش تقولى لماما اللى حصل ده
تمارا :- لاء طبعآ مش هقولها دى يغمى عليها لو عرفت
كريم :- هقوم اخد شاور واريح شويه
تمارا :- ماشى يا حبيبى
كريم :-سابها ودخل الحمام
تمارا :- خرجت من الشاليه وراحت تتمشى شويه وشافت ياسين راحت عنده وقالت شكرآ
ياسين :- رفع راسه لفوق وقال طيب ونزل راسه لتحت
تمارا :- اتغاظت من طريقته وقالت تصدق انك واحد قليل الذوق
ياسين :- رفع راسه تانى وقال شكرآ
تمارا :- ومستفز
ياسين :- وقف وقال بت انتى عايزه ايه بالظبط
تمارا :- وانا هعوز من شكلك ايه فكرتك بنى أدم وقولت اجى اشكرك علشان أنقذت اخويه بس طلعت غلطانه ولاقيتك واحد حيوان ولسه هتمشى
ياسين :- مسكها من دراعها وقال انا لو عليا مكنتش ساعدك فى حاجه خالص بس انا اخلاقى متسمحش ليا أتأخر فى مساعدت حد حتى لو الحد ده زباله
تمارا :- زباله فى عينك لم لسانك احسنلك
ياسين :- مش هلم ورينى هتعملى ايه
تمارا :- سيب دراعى يا حيوان
ياسين :- داس عليه اكتر
تمارا :- غمضت عينيها بألم وقالت قولتلك سيب دراعى بس حست بأيد تانيه بتشد ايديها من ايد ياسين فتحت عينيها وقالت بصدمه يوسف
يوسف :- داس على أسنانه وقال ازاى تتجرئ وتمد ايدك عليها
ياسين :- وانت مين كمان يا حيلتها
يوسف :- ضربه بالبوكس وقال شئ ميخصكش يا روح امك
ياسين :- ساب دراع تمارا ومسك وشه وقال انت بتمد ايدك عليا
يوسف :- انت شايف ايه
ياسين :- مسكه من هدومه وقال ده انا هدفنك بالحياه هنا
تمارا :- بخوف سيبه يا واطى
يوسف :- ارجعى وراه يا تمارا بقولك ارجعى وراه
تمارا :- رجعت لوراه ودموعها نزلت منها
يوسف :- وقع ياسين فى الارض وقعد يضرب فيه وقال بعد كده لو فكرت تلمسها همحيك من الدنيا خالص فاهم وقام وقف ولسه هيمشى
ياسين :- شده وقعه فى الارض وقعد يضرب فيه وقال متخلقش لسه اللى يفكر يمد أيده عليا يا حيلتها
يوسف :- وهو وشه كله بيجيب دم وقع ياسين على الأرض تانى وقعد يضرب فيه والناس مش قادره تبعدهم عن بعض
تمارا :- بدموع كفايه بقى كفايه
يوسف :- اول ما شاف دموع تمارا قام وقف وتف على ياسين ومسك ايد تمارا ومشى وراحوا على الشاليه بتاع تمارا
تمارا :- سحبت ايديها من ايد يوسف وقالت ممكن افهم انت جاي ورايا ليه
يوسف :- جاى اخدك يا تمارا
تمارا :- تخدنى فين
يوسف :- ترجعى معايا
تمارا :- انت عبيط يا ابنى ارجع معاك فين وبعدين سايب خطيبتك ليه وجاى ورايا ده انت هتبقى عريس بكره مبروك فرحانه علشانك اوى اوى
يوسف :- تمارا انا عارف ومتأكد إن هروبك ده علشان متحضريش فرحى
تمارا :- والله ومين قالك بقى أن شاءالله كل الحكايه أن انا جيت اريح اعصابى شويه من ضغط الشغل
يوسف :- كدابه
تمارا :- وانا هكدب ليه يا ابنى
يوسف :- علشان بتحبينى
تمارا :- انت ليه مش عايز تصدق أن انا خرجتك من قلبى من اللحظه اللى شوفتك خاطب فيها
يوسف :- بالسهوله دى
تمارا :- لفت واديته ضهرها وربعت ايديها على صدرها وقالت اه عادى
يوسف :- راح وقف قصادها وقال تمارا تتجوزينى
تمارا :- بصت ليه بصدمه وقالت نعم ؟!
يوسف :- تتجوزينى
تمارا:- وارين ؟!
يوسف :- هتجوزها برضه
تمارا :- بأستغراب ازاى يعنى ؟!
يوسف:- يعنى هنتجوز انا وانتى النهارده واهلى واهلك جاين النهارده وارين هتجوزها بكره اصلح الغلطه اللى عملتها وهبقى أطلقها قدام شويه
تمارا :- بجد !!!
يوسف :- يا تمارا انا بحبك عارف ان انا غلط فى حقك لما عملت علاقه مع ارين بس انا شاب وضعيف وهناك كل حاجه مباحه واكيد شيطانى هيوزنى وفعلا ده اللى حصل عمرى ما بطلت افكر فيكى كنت بحلم بيكى علطول كنت بتخيل شكلك لما كبرتى ذكرياتنا مع بعض عايشه لحد دلوقتى معايا يا تمارا
تمارا :- ضحكت وقالت يعنى انت عايز كل حاجه ومتخسرش اى حاجه عايزنى انا وفى نفس الوقت عايز ارين والمفروض اول ما تطلب منى الجواز هجرى على حضنك واقولك طبعآ موافقه صح
يوسف :- لاء مش صح انا قولتلك أن انا ندمان على اللى حصل مع ارين بس مقدرش اكون ندل واسيبها بعد اللى حصل بس هتجوزها فتره واطلقها وانتى اللى هتبقى مراتى وحبيبتى وام اولادى وهنعيش مع بعض احلى ايام عمرنا
تمارا:- واهلى واهلك موافقين على الكلام ده
يوسف :- محدش من أهلك ولا بابا يعرف حاجه
تمارا :-امال هما جايين ليه
يوسف :- امى قالت ليهم أننا هنعمل الفرح هنا وهما جايين علشان كده
تمارا :- رفعت حاجبها وقالت شاطر اوى فى الكدب يا يوسف اطلع بره
يوسف :- يا تمارا افهمينى انا بحبك
تمارا :- حاولت تسيطر على دموعها وغمضت عينيها وقالت اطلع بررررره
يوسف :- مسك ايديها وقال علشان خاطرى يا تمارا بلاش غضبك يسيطر على حبك ليا انتى لسه بتحبينى
تمارا :- رفعت ايديها وضربته بالقلم وقالت ده علشان يفوقك يا يوسف روح لخطييتك وانسانى انا عمرى ما هكون ليك عمرى واديته ضهرها
يوسف :- حط أيده على خده وقال انتى عمرك ما هتكون لحد غيرى يا تمارا
تمارا :- غمضت عينيها بوجع وقالت اطلع بره
يوسف :- بص ليها والدموع فى عينيه ومشي وقبل ما يخرج من الباب
تمارا :- استنى
يوسف :- وقف مكانه بأستغراب
تمارا :- دخلت جوه وخرجت وقالت اقعد اعملك الجروح اللى فى وشك دى مينفعش تحضر فرحك بالشكل ده يا عريس
يوسف :- بصلها بوجع وخرج يجرى من الشاليه
تمارا :- دموعها نزلت منها وقعدت على الكنبه وحطت ايديها على وشها وقالت ليه تعمل فيا كده يا يوسف ليه وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى القاهره
فى الشركه
دخلت يارا المكتب بتاعها تخلص شغلها علشان تقدم على الاجازه وبعد وقت دخل مالك وهو قلقان وقال
مالك :- صباح الخير يا يارا
يارا :- صباح النور يا مالك
مالك :- بقلق امال فين ندي
يارا :- ندي مش هتيجى النهارده
مالك :- بلهفه ليه مالها فيها حاجه
يارا :- اطمن يا مالك ندي كويسه بس بتحضر نفسها علشان بكره رايحين اسكندريه
مالك :- بأرتياح الحمدالله انها كويسه يعنى اخوها وافق
يارا :- ايوه كلنا رايحين بكره أن شاءالله وانا هقدم على اجازه ليا وليها
مالك :- وانا كمان كده كده رايح النهارده
يارا :- بأستغراب النهارده طيب وفرح يوسف
مالك :- يوسف اه ما هو ناوى يعمل الفرح هناك
يارا :- نعم
مالك :- صمم انه يعمل الفرح فى اسكندريه
يارا :- يا حظك الاسود يا تمارا يعنى هى هربانه منه رايح وراها ربنا يقويها ويصبر قلبها
مالك :- تمارا شخصيه قويه وهتستحمل
يارا :- صعبه اوى عليها ربنا معاها
مالك :- يارب احم ه.ه.هو انا ممكن اطلب منك طلب
يارا :- اه طبعآ اطلب
مالك :- كنت عايز رقم ندي
يارا :- احم هو انا مقدرش اعمل كده بس ممكن اساعدك بطريقه تانيه
مالك :- بلهفه ايه هى
يارا :- اخليك تكلمها على تليفونى
مالك :- بفرحه بجد
يارا :- ابتسمت ليه وقالت ايوه ثوانى وخرجت تليفونها من الشنطه وطلبت رقم ندى وانتظرت ردها
ندي :- ايه يا مزتى عملتى ايه اخدى اجازه
يارا :- لاء لسه هخلص شغل وهروح اقدم عليها المهم حد جنبك
ندي :- لاء محدش جنبى طمنينى مالك عامل ايه عرف أن احنا رايحين اسكندريه
يارا :- اه عرف ،بقولك هو عايز
ندى :- قطعتها وقالت شكله ايه النهارده اكيد عسل زى كل يوم انا مش عارفه ازاي هيعدى عليا يوم بحاله من غير ما اشوفه ده واحشنى اوى اوى
مالك :- وانتى واحشتينى اوى
ندى :- ها م.م.مالك طيب ازاى ها ازاى هو فى الشغل والبيت ازاى
مالك :- ضحك وقال ما انتى اللى دايمآ متهوره
ندي :- ه.ه.هى فين الواطيه اللى سلمتنى ليك
مالك :- ضحك وقال انا اللى اخد من ايديها التليفون كنت هتجن واسمع صوتك
ندي :- ها
مالك :- احلى خبر سمعته انك هتروحى معانا اسكندريه وهشوفك علطول
ندي :- و.و.وانا كمان فرحانه
مالك :- انا ممكن اخد رقمك
ندي :- ها ل.ل.ليه
مالك :- علشان ببقى عايز اطمن عليك ومش عارف
ندي :- احم م.م.ماشي هخلى يارا تديهولك
مالك :- هتوحشينى لحد بكره باى
ندي :- بتوتر وكسوف ب.ب.باى
يارا :- ندوش قلبى اكيد عكيتى الدنيا كالعاده
ندي :- اللهى يجيبوا ويحطوا عليكى يا بعيده ازاى يا جزمه يا واطيه تديله التليفون وانا بكلمك ده سمعنى وانا بقولك أنه واحشنى
يارا :- بضحك ما انتى اللى متسرعه كنت لسه هقولك أنه عايز يكلمك وقطعتينى تستاهلى
ندي :- بس شوفتى الواد عسل ازاى وهو بيطلب الرقم منى ولا لما قال ان انا هوحشه يا لهوووى انا حاسه نفسى بحلم هو فيه جمال كده فى الدنيا
يارا :- المجانين فى نعيم
ندي :- اديلوا الرقم اصل الواد صعب عليا اوى
يارا :- يا حونينه عقبال ما اخوكى يصعب عليا هو كمان واديلوا الرقم بتاعى
ندي :- بضحك انس يصعب عليكى ميصعبش عليكى غالى يا حبيبتى
يارا :- انا اصلا مش مصدقه نفسى اخوكى كلمنى النهارده
ندي :- بصدمه لاء احلفى
يارا :- اه والله
ندي :- بفرحه قالك ايه
يارا :- كنت ببص على باب اوضه وخبط فيه لاقته بيسألنى ببص على باب اوضه ليه
ندي :- يا خبر ابيض على الكسفه السوده دى وعملتى ايه
يارا :- ولا حاجه حسيت أن قلبى هيوقف عليا زقته وطلعت اجرى
ندي :- يا لهوى عليكم
يارا :- امته الحجر ده هيلين ويحس بيا
ندي :- يارب يا حبيبتى متنسيش بقى الاجازه باى
يارا :- باى وقفلت السكه مع ندى وقعدت تشوف شغلها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى اسكندريه
تمارا حست نفسها مخنوقه خرجت تشم شوية هوا شافت يوسف قاعد فى الشاليه بتاعهم اللى جنب الشاليه بتاعها بصت ليه بقرف ومشيت بصت مكان ما بيكون ياسين قاعد ملاقتهوش مشيت تبص عليه ملاقتهوش سألت الكافتيريا عنه قالوا إنه فى الشاليه الخاص بيه سألت عن مكانه وراحت عنده وخبطت على الباب وانتظرت أنه يفتح ليها وبعد وقت ياسين فتح الباب وبص لتمارا بقرف وقال
ياسين :- نعم عايزه ايه
تمارا :- انا جايه اطمن عليك واقولك انا اسفه
ياسين :- والله واسفك ده هعمل بيه ايه انتى مش شايفه شكلى عامل ازاى
تمارا :- ما هو برضه وشه شوارع بس انا مكنتش عايزه كل ده يحصل والله وبعدين انت اللى بدأت انا كنت جايه اشكرك علشان أنقذت اخويه بس انت استفزتنى لما اتكلمت معايا بأسلوب وحش
ياسين :- سكت شويه وقال عمومآ يا ستى حصل خير وفرصه سعيده ومد أيده وقال انا ياسين عبدالعزيز وانتى مين
تمارا :- مدت ايديها وسلمت عليه وقالت انا تمارا عماد من القاهره
ياسين :- انا كمان من القاهره شكلك مش غريب عليا معقوله انتى اللى فى بالى
تمارا :- بصت فى وشه وقالت وانت شكلك مش غريب حاسه ان شوفتك قبل كده
ياسين :- انتى تمارا عماد اللى كانت فى مدرسة ( ....) صح
تمارا :- صح وانت مين
ياسين :- انا ياسين كنت معاكى فى نفس الفصل وكان معاكى بنت صحبتك اسمها رحمه باين وأخوها كان علطول بيضربنى كل ما يلاقينى بكلمك
تمارا :- ايوه ايوه افتكرتك وضحكت وقالت وعلى فكره اللى ضربك دلوقتى هو هو اللى كان بيضربك زمان يوسف حسام
ياسين :- احلفى
تمارا :- اه والله بس انت هنا بتعمل ايه
ياسين :- شغال مع فريق الانقاذ البحري وانتى
تمارا :- انا جايه يومين اريحى اعصابى شويه من الشغل
ياسين :- واتجوزتى انتى ويوسف ده
تمارا :- بوجع ل.ل.لاء يوسف خاطب وفرحه بكره
ياسين :- غريبه مع أنكم وانتوا صغيرين كان بيحبك اوى وبيغير عليكى من واحد يكلمك
تمارا :- اتنهدت بوجع وابتسمت وقالت اهو انت قولتها واحنا صغيرين مفيش حاجه بتفضل على حالها يا استاذ ياسين
ياسين :- ايه استاذ دى ياسين بس اتفضلى
تمارا :- وده ينفع برضه انا ماشيه سلام
ياسين :- هشوفك تانى
تمارا :- انا لسه اول يوم ليا هنا قاعده اسبوع يعنى هتشوفنى كتير واه بلاش تنام النومه اللى كنت نيمها على الأرض دى وضحكت
ياسين :- ضحك وقال متفكرنيش ده انا طلوعى مش حاسس بيها من ساعة ما وقعتى عليها
تمارا :- متزعلش بقى باى وسابته ومشيت
ياسين :- بص عليها وهى ماشيه وابتسم ودخل وقفل الباب وراه
يوسف:- كان ماشى وراه تمارا ومتابع اللى بيحصل ومتغاظ من وقفت تمارا مع ياسين واول ما ياسين قفل الباب راح مسك تمارا من دراعها بغيظ
تمارا :- انت بتعمل ايه هنا
يوسف :- انتى اللى بتعملى ايه هنا مع البنى أدم ده
تمارا :- شئ ميخصكش وشدت دراعها منه ومشيت
يوسف :- داس على أسنانه بغيظ وقال ماشى يا تمارا ومشى وراها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جاء الليل واهل تمارا وأهل يوسف وصلوا اسكندريه وكانوا تعبانين وكلوا دخل على اوضه وناموا واشرقت شمس صباح يوم جديد بنورها الساطع فى سماء والاسكندريه لتبدء تمارا بفتح عيونها على صوت ابوها ابتسمت ليه وقالت
تمارا :- صباح الخير يا بابا
عماد :- صباح النور يا حبيبتى عامله ايه دلوقتى
تمارا :- كويسه يا بابا الحمدالله
عماد :- انا مش حابب اللى هيحصل ده بس انا مليش دعوه كل واحد حر
تمارا :- تقصد على فرح يوسف يعنى علشان هيعمله هنا عادى وايه يعنى خليه يعمله ويفرح ده لو قدر يفرح
عماد :- قصدك ايه
تمارا :- ولا حاجه متقلقش عليا يا حبيبى انا كويسه انا تربيتك يعنى عندى قوه اقدر استحمل ايه شئ فى الدنيا دى طول ما انت جنبى مفيش اى حاجه تقدر تكسرنى
عماد :- ابتسم ليها وطبطب عليها وباس راسها وقال ربنا يريح قلبك ويسعدك يا حبيبتى وقام خرج وسابها
تمارا :- بصت ليه وهو خارج من الاوضه واتنهدت وقامت دخلت الحمام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى شاليه يوسف
دخلت سميحه اوضت يوسف لاقته قاعد على الكرسى قالت
سميحه :- صحيت يا ابنى
يوسف :- انا منمتش اصلا
سميحه :- انت قولتلها
يوسف :- ايوه
سميحه :- وقالتلك ايه
يوسف :- رفضت
سميحه :- انا قولتلك يا حبيبى أن تمارا صعب توافق على كلامك ده
يوسف :- وانا بحبها ومش هسكت غير لما اخليها توافق
سميحه :- ركز انت فى يومك النهارده ربنا يريح قلبك يا حبيبى وابتسمت ليه وخرجت وسابته
يوسف :- اتنهد وقام دخل الحمام وبعد وقت خرج لاقه ارين قاعده قال خير يا ارين
ارين :- وقفت وقالت جيت هنا عندها قبل مننا قولت ماشى حدد أننا نعمل الفرح هنا قولت مفيش مشكله بس محتاجه افهم ايه اللى بيحصل يا يوسف
يوسف :- تفهمى ايه يا ارين
ارين :- ليه كل ده مدام انت بتحبها هى عايز تتجوزنى انا ليه
يوسف :- اتنهد وقال علشان متعودش اكون ندل لازم اتحمل غلطتى يا ارين
ارين :- غلطتك!! يعنى جوازك منى ده علشان تصلح غلطتك مش علشان بتحبنى ؟!
يوسف :- بص الاتجاه التانى ومردش عليها
ارين :- وقفت قصاده وسحبت وشه ليها وقالت رد عليا يا يوسف انت خلاص مبقتش تحبنى
يوسف :- ارين انا من الاول محبتكيش يمكن اتشديت ليكى شويه بس انا قلبى مع تمارا
ارين :- دموعها نزلت منها وقالت انا حسيت بده من ساعة ما رجعنا لمصر يا يوسف روح ليها يا يوسف مش هقدر اعيش مع واحد قلبه مع واحده غيرى
يوسف :- لاء يا ارين انا لازم أصلح غلطتى
ارين :- لاء متتعبش نفسك الحاجه دى عادى وانت عارف كده دى اخر حاجه افكر فيها يا يوسف أنا كنت عايزاك انت عايزه قلبك مش عايزه انك تتجوزنى لمجرد ما انت حاسس بالذنب
يوسف :- بس
ارين :- مسحت دموعها وقطعته وقالت متقولش حاجه تانى يا يوسف كل كلمه بتقولها بتقتلنى انا هاخد مامى وهنسافر وانت اتجوز اللى قلبك اختارها وبصت ليه مده وخرجت تجرى من الاوضه وخبطت فى رحمه
رحمه :- بأستغراب مالها دى وهزت كتفها وخبطت على باب اوضت يوسف وسمعت صوته بيقولها تدخل فتحت الباب وقالت مالها ارين خارجه من عندك بتجرى وعماله تعيط
يوسف :- ارين راجعه ايطاليا تانى
رحمه :-بصدمه نعم طيب والفرح اللى كل حاجه فيه جهزت دى
يوسف :- هيتعمل بس ليا انا وتمارا
رحمه :- نعم
يوسف :- انا قررت هروح اطلب ايد تمارا والفرح يكون ليا وليها
رحمه :- بفرحه احلى خبر سمعته وقعدت تزق فيه وتقول طيب يلا روح بسرعه مستنى ايه يلا امشى
يوسف :- ضحك وقال طيب اصبرى يا مجنونه هتوقعينى ونزلوا الاتنين راحوا الشاليه عند تمارا وكلهم كانوا قاعدين بيفطروا
سميحه :- تعال يا حبيبى افطر
يوسف :- مش عايز يا ماما انا جاى لعم عماد
عماد :- ليا انا خير يا ابنى
يوسف :- عمى انا جاى اطلب ايد تمارا
الكل بص لبعض بأستغراب الا تمارا كانت قاعده بتاكل وموقفتش اكل
عماد :- بأستغراب ايه اللى انت بتقولوا ده يا ابنى انت فرحك النهارده
يوسف :- لاء ارين هترجع ايطاليا خلاص وانا بتمنى انك توافق ويبقى فرحنا النهارده
سميه :- بفرحه ياريت يا عماد وافق
عماد :-بزعيق اسكتى يا سميه وبص ليوسف وقال يا ابنى هو سليق بيض اهدا كده هو ايه اللى نعمل فرحنا النهارده ما تتكلم يا حسام قول حاجه
حسام :- انا لو عليا اكيد مش هلاقى لابنى عروسه زى بنتكم وفرحت أن ارين هترجع لبلادها بس طبعآ الرأى الاول والأخير لتمارا
سميحه :- ها يا بنتى ايه رأيك
تمارا :- وقفت اكل وقامت وقفت ونفضت ايديها وقالت شبعت الحمدالله ولسه هتمشى
سميه :- رد على سميحه يا بنتى
تمارا :- على ايه مش فاهمه
يوسف :- تمارا بلاش اسلوبك ده انتى فاهمه كل حاجه
تمارا :- ضحكت وقالت لاء مش فاهمه حاجه لاء بجد انت فاهم نفسك اصلا
يوسف :- تمارا انا قولتلك أن غلط وكنت بحاول اصلح غلطى وهى جت منها وقالت هتسافر يبقى ليه العند
تمارا :- ليه العند اممم بص يا ابن الناس طلعنى من دماغك علشان انا عمرى ما هكون ليك
يوسف :- يعنى ايه
تمارا :- يعنى انا مش موافقه عن اذنكم وسابته ومشيت
يوسف :- وانت رأيك ايه يا عم عماد
عماد :- صحبت الشأن رفضت وانا مقدرش اقول حاجه بعد رأيها دى حياته وهى حره فيها
يوسف :- بص ليهم وسابهم ومشي
سميه :- عجبك اللى بنتك عملته ده
عماد :- هى حره تعمل اللى عايزه تعمله وبص لحسام وقال متزعلش منى يا حسام
حسام :- لاء طبعآ مزعلش منك على حاجه زى كده الجواز قسمه ونصيب يا عماد
عماد :- ربنا يديم الاخوه ما بينا المهم تعال عايزك فى موضوع
حسام :- وقف وقال تعال يلا ومشوا الاتنين مع بعض
سميه :- شوفت اللى البت عملته
سميحه :- انا زعلت من تمارا اوى مكنتش اتوقع تعمل كده أبدآ
سميه :- سبيها عليا انا هخليها توافق
سميحه :- لاء غلط طبعآ مينفعش تغصبيها على حاجه
سميه :- واخده دماغ ابوها ناشفه وعناديه
سميحه :- ربنا يصلح الحال تعالى نتمشى شويه على البحر
سميه :- اتنهدت وقالت يلا ومشوا الاتنين مع بعض
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف
راح وهو متعصب عند مالك ودخل قعد من غير ولا كلمه
مالك :- بص ليه بأستغراب وقال صباح التكشيره
يوسف :-بوجع تمارا رفضت
مالك :- طيب ما انا قولتلك كده انها مش هتوافق
يوسف :- بس الكلام ده لو كنت هتجوز ارين
مالك :- نعم امال انت هتعمل ايه
يوسف :- ارين هترجع ايطاليا تانى
مالك :- ايه ده امته وازاى
يوسف :- مش وقته يا مالك المهم انها هتسافر خلاص المهم دلوقتى تمارا
مالك :- اصبر عليها شويه ما هى مش هتنسى اللى انت عملته معاها بسهوله
يوسف :- تصدق انا غلطان أن جيت اتكلم معاك انا ماشي
مالك :- يا ابنى انت استنى
يوسف :- شوح ليه بأيده وسابه ومشى
مالك :- حرك راسه يمين وشمال وقال مجنون وبص على تليفونه وقال اكلمها ومسك تليفونه ولسه هيطلب الرقم قال احسن ما يكون اخوها معاها هى كلها كام ساعه وجايه وساب تليفونه تانى ودخل الحمام
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند تمارا
كانت قاعده عند صخره بعيده عن الناس ودموعها نازله منها وبتفكر فى الكلام اللى قاله يوسف وفى الوقت ده حست بحركه جنبها بصت ليه ورجعت بصت تانى على البحر وقالت
تمارا :- جاى ورايا ليه
🦋مزاولة حب 🦋 12
📌الفصل الثانى عشر📌
فى اسكندريه
كانت تمارا قاعده على صخره بعيد عن الكل ودموعها نازله وحست بحركه جمبها بصت جنبها ورجعت بصت تانى على البحر وقالت
تمارا :- انت جاى ورايا ليه
ياسين :- انا لا جاى وراكى ولا حاجه كل الحكايه أن ده مكانى بحب اقعد فيه علطول
تمارا :- وقفت وقالت اسفه معرفش إن ده مكانك انا متعوده لما باجى هنا بحب اقعد فى المكان ده
ياسين :- ضحك وقال اقعدى بهزر معاكى مالك قفشه كده
تمارا :- قعدت وقالت انا لا قفشه ولا حاجه انت اللى جيت وغلست عليا
ياسين :- انا طيب وحياة سيدى لولو ما حصل
تمارا :- نعم
ياسين :- بهزر معاكى اضحكى بقى
تمارا :- بعصبيه وتهزر معايا بصفتك ايه
ياسين :- انتى مين يا تمارا سبحان الله امبارح كنتى واحده والنهارده واحده تانيه خالص
تمارا :- يووووه عايز تقعد معايا اقعد وانت ساكت
ياسين :- بس انا مش متعود اقعد ساكت وجمبى مزه حلوه كده
تمارا :- تصدق انا غلطانه أن قعد معاك وقامت وقفت
ياسين :- وقف قصادها وقال مش هسيبك تمشى غير لما اعرف مالك
تمارا :- انت ازاى تتكلم معايا كده كأننا أصحاب من زمان مش معنى ان انا جيت واعتذرت ليك نبقى بقينا أصحاب لاء فوق؛ اوعى كده وزقته ومشيت
ياسين :- دى مالها دى مجنونه ولا ايه وهز كتفه وقعد تانى على الصخره
تمارا :- مشيت تجرى وقبل ما تروح عند الشاليه بتاعهم مسحت دموعها وحاولت تظهر انها طبيعيه وراحت لاقت الكل قاعد قالت السلام عليكم وسابتهم ودخلت على اوضتها
رحمه :- اتنهدت ودخلت تجرى وراها وقالت ايه يا ست المجنونه فيه حد يعمل اللى انتى عملتيه ده
تمارا :- رحمه لو هتتكلمى فى موضوع اخوكى ده يبقى اطلعى بره واقفلى الباب وراكى
رحمه :- انتى يا بنتى مش ده يوسف اللى كنتى هتموتى عليه
تمارا :- كنت ومموتش وادينى عايشه
رحمه :- طيب ليه العند ما الزفته دى خلاص هتسافر وهيبقى ليكى لوحدك
تمارا :- وقفت وقالت وانا عمرى ما هكون بديل يا رحمه اخوكى قال ايه بيحبنى بس هو علشان شاب يا حرام ضعف ولما فاق رجع افتكر حبه ليا وضحكت وقالت المشكله أنه مضعفش مره ولا اتنين لاء ده ضعف كتير يعنى كان بينسانى كتير اوى ولما فاق وشبع خلاص معاصى جاى يقولى انا اسف اتجوزينى فى المقابل انا عملت علشانه ايه عيشت مخلصه ليه بحلم باليوم اللى يرجع ليا فيه كنت بستنى اليوم اللى هيجى يوصف ليا قد ايه هو كان مشتاق ليا عيشت سنين طويله بحلم البس ليه الفستان الابيض واكون انا مراته ام ولاده وصحيت بعد ده كله على كابوس كان ايه المنتظر منى بعد ده كله اول ما يطلبنى للجواز اروح اترمى فى حضنه واقوله موافقه لاء يا رحمه مش انا اللى اعمل كده كرامته فوق كل شئ لو قلبى هيكون سبب أن يقلل من كرامتى انا ادوس عليه برجلى حتى لو روحى فى اخوكى وهموت من البعد مش هنزل من كرامتى علشانه اخوكى صفحه وقفلتها من حياتى نهائي يا رحمه
رحمه :- ايه يا بنتى الدماغ دى يخربيتك ده انتى طلعتى دماغك انشف من الحجر وعايزه كسرها
تمارا :- لاء مش كده يا رحمه بس انا واحده عندها عزة نفس وكرامه وكرامتى اغلى شئ فى الدنيا ومش هتنزل عنها مهما حصل
رحمه :- عنادك ده هيموتك وانا متأكدة أن فى الاخر يوسف لتمارا وتمارا ليوسف وبكره افكرك وسابتها وخرجت
تمارا :- ضحكت وقالت يبقى انتى متعرفنيش يا رحمه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يوسف
خرج من عند مالك وهو متعصب وراح يتمشى شويه على البحر وبعد وقت اتخنق ورجع على الشاليه بتاعهم ولسه هيدخل اوضه سمع صوت عياط طالع من اوضت ارين اتنهد وراح خبط على باب الاوضه وقال
يوسف :- ارين افتحى
ارين :- سبنى يا يوسف
يوسف :- افتحى بس
ارين :- بدموع لاء مش هفتح
يوسف :- ما انتى لو مفتحتيش الباب هكسره
ارين :- اتنهدت وقامت فتحت الباب وقالت نعم عايز ايه
يوسف :- بتعيطى ليه
ارين :- لاء أبدآ صباع رجلى الصغير اتخبط فى الباب
يوسف :- ابتسم وقال بتتريقى
ارين :- انت شايف ايه
يوسف :- انا اسف
ارين :- بوجع واسفك ده على ايه على وجع قلبى بعد ما علقته بيك ولا على كسرتى لما قولت ليا انك مش بتحبنى واللى فى قلبك تمارا وبس ولا على كلمة هتجوزك علشان أصلح غلطتى
يوسف :- بوجع على كله انا أعصابه تعبانه اليومين دول متوتر ومش عارف بقول ايه متزعليش منى
ارين :- الكلام اللى انت قولت ليا صعب يا يوسف بيوجع اوى وصعب أنساه
يوسف :- ارين حقك عليا سامحينى ومسك وشها بين ايديه وباس راسها وقال الفرح هيتعمل زى ما هو
ارين :- هتتجوزنى ليه علشان تصلح غلطتك برضه
يوسف :- لاء علشان بحبك
ارين :- بفرحه بجد واترمت فى حضنه
يوسف :- غمض عينه بوجع وطبطب عليها وافتكر تمارا عيونه دمعة مسح دموعه وبعد عن ارين وقال يلا يا عروسه جهزى نفسك علشان نلحق الفرح
ارين :- بفرحه حاضر بسرعه ودخلت تجرى وقفلت الباب وراها
يوسف :- بوجع واخرت اللى انت فيه ده ايه يا يوسف واتنهد وراح الشاليه بتاع عماد وقال يا جماعه كنت عايز اقولكم حاجه
حسام :- قول يا ابنى
يوسف :- الفرح هيتعمل زى ما هو
رحمه :- ومين العروسه
يوسف :- بص فى الارض وقال ارين
رحمه :- ناااااعم مش قولت مش هتتجوزها
سميحه:- فيه ايه يا ابنى انت ليه مبقتش عارف انت عايز ايه كل شويه بقرار انت عمرك ما كنت كده
يوسف :- اتنهد وقال انا جيت ابلغكم وخلاص عن اذنكم وسابهم ومشي
سميه :- امال ايه بقى انا عايز اتجوز تمارا وجاى يطلب ايديها من ابوها وهو رايح يتجوز اللى اسمها ارين دى
سميحه :- مش عارفه ابنى ماله بقى متلغبط ومش عارف هو بيعمل ايه انا خايفه عليه اوى يا سميه
عماد :- علشان كده انا مغصبتش على بنتى لما رفضته لان هو مش عارف عايز ايه عايز تمارا ولا عايز ارين ولا مش عايز يتجوز اصلا انا فخور ببنتى أنها قدرت تاخد منه موقف رغم كل شئ
حسام :- ربنا يحميها ويحرسها ليك يارب كنت أتمنى أن هى اللى تبقى مرات ابنى بس كل شئ قسمه ونصيب
تمارا :- كانت سامعه الكلام ده كله اتنهدت بوجع واترمت على سريرها وقعدت تعيط
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جاء الليل وجهزت ارين والكل جهز وراحوا على القاعه علشان الفرح وكانت تمارا قاعده فى اوضتها على سريرها وضمه رجلها عند صدرها وبتبص قدامها وسرحانه وفى الوقت ده اتفتح الباب ودخل عماد وقعد جمبها وقال
عماد :- مش هتيجى
تمارا :- اتنهدت بوجع وقالت لاء يا بابا
عماد :- اللى يريحك يا بنتى بس عايزك قويه زى ما انا متعود عليكى مش عايز اشوف الوجع اللى فى عينيكى ده عايز بنتى اللى متزعلش على حد مفكرش فيها من الأساس
تمارا :- اتنهدت وقالت الوجع اللى ظاهر فى عنيا ده خارج من قلبى يا بابا غصب عنى بحبه وفكرت أن النهارده فرحه على واحده غيرى بتقتلنى؛ حلم عمرى بيتحقق النهارده بس مع واحده غيرى انا عارفه أن انا فضلت كرامتى عن قلبى بس اهو قلبى بيعاقبنى قايد نار ودموعها نزلت منها واخدت نفس بصعوبه وقالت انا قويه قدام الكل بس ضعيفه اوى اوى قصاد نفسى يا بابا ورجعت شعرها لوره وقالت انت عارف انا حاسه بأيه دلوقتى حاسه كأنى ميته ورغم كده عاملين يضربوا فيا ويعذبونى انا حاسه ان انا فى كابوس نفسى اصحه منه الاقى كل ده محصلش انا بحب يوسف اوى يا بابا اوى واترمت فى حضنه وقعدت تعيط
عماد :- طبطب عليها وقال عيطى يا بنتى طلعى كل اللى جواكى علشان لما تظهرى قدام الناس تبقى قويه
تمارا :- مسكت فيه اكتر وقعدت تعيط وقالت انا بموت يا بابا بموت
عماد :- بعد الشر عليكى يا حبيبتى و دموعه نزلت منه مسحها وقال ايه رأيك نخرج نتمشي على البحر شويه
تمارا :- مسحت دموعها وقالت روح انت الفرح يا بابا متقلقش عليا
عماد :- لاء خلاص مش هروح انتى عارفه ابوكى ملهوش فى جو الافراح ده
تمارا :- علشان خاطرى يا بابا روح متقلقش عليا انا بقيت كويسه
عماد :- لاء
تمارا :- وحياتى عندك روح علشان خاطر عمو حسام ميزعلش
عماد :- اتنهد وقال ماشى بس توعدينى انك هتخلى بالك على نفسك
تمارا :- ابتسمت ليه وقالت اوعدك
عماد :- طبطب على وشها وباس راسها وخرج وسابها
تمارا :- اتنهدت بوجع وخرجت من اوضتها والشاليه وراحت اتمشت على البحر لاقت ياسين قاعد راحت قعدت جمبه من غير ولا كلمه
ياسين :- بص ليها بأستغراب وقال وده اسميه ايه بقى أن شاءالله
تمارا :- سميه زى ما تسميه
ياسين :- بت انتى ملبوسه ولا ايه كل ساعه بشخصيه
تمارا :- شششش اسكت شويه
ياسين :- حاضر لما نشوف اخرتها معاكى ايه
تمارا :- ياسين
ياسين :- مردش عليها
تمارا :- بكلمك على فكره
ياسين :- نهار ازرق عليا يا بنتى انتى مش قولتى ليا اسكت
تمارا :- ايوه حصل
ياسين :- يبقى عايزه ايه
تمارا :- اتكلم وانت ساكت
ياسين :- لا والله ده اللى هو زى مش فاهم
تمارا :- احكيلى شويه على نفسك عملت ايه بعد ما اتخرجت
ياسين :- ولا حاجه قعد على القهوه لحد ما لاقيت خبر فى الجريده على الشغلانه دى قدمت فيها وبس جيت هنا وبنزل يوم فى الاسبوع اطمن على امى وارجع تانى يوم استلم شغلى
تمارا :- وليه مشتغلتش بشهادتك
ياسين :- بأختصار علشان مفيش حد بيشتغل بشهاده فى البلد دى غير اللى معاه وسطه
تمارا :- ومش خاطب
ياسين :- خطبت مره واحده بنت الجيران وشافت أن انا مش هقدر احقق ليها أحلامها فسخت الخطوبه
تمارا :- قد كده حياتك صعبه
ياسين :- بس حامد ربنا عليها مهما كانت صعبه انا فى نعمه كبيره يكفى امى بخير ربنا يخليها ليا مش عايز حاجه من الدنيا تانى
تمارا :- بصت ليه بأعجاب
ياسين :- بتبصى ليا كده ليه
تمارا :- مستغربه ازاى واحد فى ظروفك دى وقادر يكون راضى وسعيد
ياسين :- اوقات رضا النفس بيبقى مش محتاج فيلا ولا عربيه ولا حتى فلوس ساعات كتير الرضا بيبقى عايز راحة بال بيت فيه حضن ام ودافى ضحكه صافيه من امى بتنسينى هموم الدنيا كلها دعواتها ليا وانا ماشى نعمه كبيره من عند ربنا هى دى بالنسبه ليا راحة البال أن تكون امى بصحه جيده واسمع دعواتها ليا دايمآ وأشوف ضحكتها مرسومه على شفايفها
تمارا :- انت حد جميل اوى على فكره
ياسين :- بهزار اعتبر دى معاكسه
تمارا :- بلاش غلاسه
ياسين :- ضحك وقال خلاص خلاص بهزر
تمارا :- امال الشاليه اللى انت قاعد فيها ده بتاع مين
ياسين :- بتاع الشركه بتأجره ليا انا واصحابى طول الصيف
تمارا :- امال فى الشتا بتعمل ايه
ياسين :- بضحك برجع اقعد تانى على القهوه
تمارا :-ضحكت وقالت شكلك عامل عقد مع القهوه
ياسين :- ضحك وقال سيبك منى قوليلى بقى انتى عملتى ايه لما اتخرجتى واوعى تقوليلى قعدى انتى كمان على القهوه
تمارا :- ضحكت وقالت لا معندناش قهوه اشتغلت فى شركه بس المدير بتاعها عايز الدبح بس الصراحه انا بستفزه علطول
ياسين :- ضحك وقال طول عمرك مستفزه فاكره ايام المدرسه لما كنتى تعملى مقالب فى يوسف ده والدنيا تتقلب وفى الاخر تمشوا مع بعض ولا كأن فيه حاجه حصلت
تمارا:- اول ما سمعت اسم يوسف قلبها وجعها وقامت وقفت وقالت أنا ماشيه
ياسين :- هما حضروا ولا ايه
تمارا :- بأستغراب هما مين
ياسين :- اللى عليكى اصلك اتغيرتى فاجئه
تمارا :- ضحكت وقالت لاء بس الوقت أتأخر ولازم اروح
ياسين :- بص فى الساعه وقال يااااه الوقت جرى من غير ما نحس بيه
تمارا :- فعلا يلا باى
ياسين :- هشوفك امتى تانى
تمارا :- هتلاقينى موجوده هنا فى اى وقت وسابته ومشيت
ياسين :- بص عليها بأستغراب وقال مجنونه بس دمها خفيف وابتسم وراح على الشاليه الخاص بيه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
دخلت تمارا الشاليه لاقت امها وأبوها وأخوها قاعدين وقلقانين عليها
سميه :- كده يا تمارا قلقتينى عليكى كنتى فين كل ده يا بنتى
تمارا :- كنت قاعده على البحر ليه القلق يعنى
عماد :- يا بنتى اخوكى دور عليكى كويس واتصلنا عليكى كتير ومش بتردى
تمارا :- انا اصلا مأخدش التليفون معايا وابنك أعمى مش بيشوف انا كنت قاعده على الرمله قصاد البحر
سميه :- الدنيا ضلمه يا بنتى علشان كده مشافش حاجه
تمارا :- عمومآ انا كويسه متقلقوش عليا المهم اتبسطوا فى الفرح
سميه :- فرح دمه تقيل ده حتى يوسف متحركش من مكانه طول الفرح وبوزه ده كان شبرين ومكشر وحالته كانت حاله
تمارا :- ربنا يسعده
سميه :- مش لو كنتى وافقتى على طلبه كان زمانك انتى مكان اللى ما تتسمى
تمارا :- لاء يا حبيبتى مكنتش هبقى مكانها كل شئ قسمه ونصيب عن اذنك تصبحوا على خير ودخلت اوضتها
عماد :- انا مش قولتلك متجبيش سيرة الموضوع ده قدام بنتك تانى خلصنا بقى هو اتجوز وهى بكره ربنا يرزقها بأبن الحلال
سميه :- هوف حاضر ودخلت وسابتهم
عماد :- وانت مش هتنام
كريم :- ها لاء هنام طبعآ تصبح على خير ودخل اوضه
عماد :- اتنهد وبص على اوضت بنته بوجع ودخل نام فى اوضه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الفندق
دخل يوسف وارين الاوضه من غير ولا كلمه وقعد على حرف السرير وهو بيفكر فى تمارا
ارين :- بصت ليه وراحت قعدت جمبه وقالت مبروك يا حبيبى
يوسف :- بص ليها وضحك ليها بتوتر وقال الله يبارك فيكى يا حبيبتى
ارين :- مالك
يوسف :- ها مفيش وقام وقف وقال انا داخل الحمام
ارين :- وقفت وقالت استنى مش هتساعدنى فى الفستان
يوسف :- ها م.م.ماشى ووقف وراها وفتح ليها السوسته بتاعة الفستان وسابها ودخل الحمام
ارين :- بصت وراها على يوسف وهو داخل الحمام ونفخت وقالت يوووه بقى حتى اليوم بتاعى باظ بسبب اللى اسمها تمارا دى وقعدت على حرف السرير وبعد وقت خرج يوسف من الحمام وبص لارين بأستغراب وقال
يوسف :- انتى لسه بالفستان
ارين :- وقفت وقالت ايوه ماسك جامد ومش عارفه اقلعه
يوسف :- اتنهد و وراح عندها وبدء ينزل ليها الفستان لحد ما نزل من على جسمها ولسه هيمشى
ارين :- وقفت قصاده ولفت دراعها حاولين رقبة يوسف وقالت بدلع واحشتينى
يوسف :- ابتسم ليها بتوتر وحاول يبعد عنها
ارين :- قربت منه اكتر وقالت احنا دلوقتى بالحلال ايه حجتك بقى
يوسف :- معلش يا قلبى النهارده اليوم كان متعب خلينا بكره
ارين :- قربت من شفايفه وباسته برقه وقالت سيب ليا نفسك وانا هنسيك التعب كله
يوسف :- بص ليها بتوتر وشافها تمارا قرب منها وقال واحشتينى اوى اخيرآ هتبقى معايا فى وحضنى وابتسم ليها وقرب منها شالها وحطها على السرير وقرب منها و(سكتت شهرزاد عن الكلام الغير مباح )
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
اشرقت شمس صباح يوم جديد بنورها الساطع فى سماء الاسكندريه لتبدء تمارا بفتح عيونها على صوت دوشه قامت تشوف فيه ايه لاقت يارا وندى وانس وبدر قاعدين بره فرحت اوى بوجودهم وخرجت سلمت عليهم بفرحه وقالت
تمارا :- انتوا وصلتوا امته
ندي :- امبارح بليل وجينا مش شايفين قدامنا نمنا لصبح
تمارا :- كده بقى الرحله هتحلو بوجودكم
يارا :- عملتى ايه اليومين اللى فاتوا من غيرنا
تمارا :- ولا حاجه كنت وحيده اوى من غيركم
رحمه :- يا سلام يا ست تمارا يعنى وجودى مكانش مهم بالنسبه ليكى
تمارا :- مهم طبعآ بس انتى كنتى مشغوله امبارح فى فرح اخوكى
يارا :- بصت لندى بوجع رجعت بصت لتمارا وقالت المهم اننا جينا وهنقضى الاجازه مع بعض
عماد :- خدى الشاى يا ندى اديه لاخوكى
ندى :- حاضر يا عمو عماد وراحت اخدت الشاى من عماد وراحت بيه عند انس وفى الوقت ده ندى شافت مالك واقف وراه انس وغمز ليها اتوترت والشاى وقع على انس وهو سخن نار
انس :- بعصبيه اااااخ يا بنت ال مش تخلى بالك وقعد يمسح فى الهدوم بتاعته
ندي :- بتوتر ا.ا انا اسفه والله العظيم مكنتش اقصد اسفه بجد
انس :- بعصبيه اسفه ايه وزفت ايه وسابهم ومشى
مالك :- ضحك على اللى ندى عملته وقعد يبص ليها
يارا وتمارا ورحمه :- بصوا لبعض وقعدوا يضحكوا
بدر :- انتوا بتضحكوا على ايه
تمارا :- وانت مالك بس وبصت للبنات وقالت هدخل اخد شاور بسرعه وهاجى ننزل المايه
يارا :- لاء انا بخاف من البحر
ندى :- يا عبيطه فيه حد يخاف من البحر
يارا :- ايوه انا
رحمه :- سيبك منها وتعالوا ننزل احنا
تمارا :- انتوا عارفين لو نزلتوا من غيرى هولع فيكم فاهمين ودخلت تجرى اخدت شاور وخرجت أدت فرضها وخرجت ليهم وقالت يلا بينا يا بنات
ندي :- بصت لمالك وابتسمت ومشيت معاهم
بدر :- وانت يا اخ مالك مش ناوى تنزل
مالك :- نازل بس انت مالك بتسأل ليه
بدر :- كلام بينى وبينك اصل مش بعرف اعوم
مالك :- يا راجل
بدر :- استر عليا اللهى تنستر
مالك :- بص ليه بقرف وقام وسابه وراح عند المايه ونزل راح عند ندى وقال واحشتينى
ندي :- ها
مالك :- بأبتسامه واحشتينى وفى الوقت ده الموجه جت عليهم ورمت ندى فى حضن مالك
ندى :- اتكسفت وقالت قول يا لهوى كده
مالك :- ضحك على كلمة ندى وقال يا لهوى
ندى :- يا لهوى عليا انا وعلى اللى خلفونى ابعد بسرعه انس خارج من الشاليه وزقته جامد وقع فى المايه جوه وطلعت تجرى جمب البنات
مالك :- طلع من تحت المايه وقال يا بنت المجنونه كنتى هتغرقينى
ندي :-راحت عند تمارا ورحمه وقالت يا بنات هيغمى عليا
تمارا :- ليه مالك
ندي :- ايووووه هو مالك وقعت فى حضنه
رحمه :- يا راجل احلفى
ندى :- وربنا ده لو كان متفق مع الموجه مكانش حصلت بالترتيب كده
تمارا :- وانتى زعلانه يعنى
ندي :- المشكله ان انا مش زعلانه أن وقعت فى حضنه
رحمه :- امال زعلانه ليه
ندى :- علشان اخويه انس طلع من الشاليه وانا ملحقتش اشبع من حضنه
تمارا :- بصت لرحمه وراحوا الاتنين على ندى ومسكوا راسها وقعدوا يغرقوا فيها
ندى :- ابعدوا عنى يا كلاب بلدى هغرق
رحمه :- علشان تحرمى تتكلمى كده تانى
ندي :- بصوت عالى اعمل ايه بس بحبه يا ناس
مالك :- سمعها من بعيد صفر ليها وغمزلها
ندي :- يا بنات يا بنات غرقونى بسرعه شكله سمع
تمارا ورحمه بصوا لبعض وقعدوا يضحكوا عليها
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
فى الفندق
صحى يوسف من نومه بص جمبه لاقه ارين نايمه فى حضنه غمض عينه بوجع واتنهد بحزن وقام من على السرير دخل الحمام اخد شاور وخرج اده فرضه وفى الوقت صحيت ارين ابتسمت وقالت
ارين :- صباح الخير يا حبيبى
يوسف :- من غير ما يبص ليها قال صباح النور يلا جهزى نفسك علشان نرجع الشاليه
ارين :- ايه ده هنروح دلوقتى
يوسف :- ايوه
ارين :- قامت من على السرير وراحت عنده ولفت دراعها حاولين رقبته وقالت ما تخلينا هنا براحتنا
يوسف :- انا مش جاى اسكندريه علشان اقعد فى اوضه فى فندق انا جاى استمتع بهوا اسكندريه وبحرها يلا خلصى نفسك وبعد عنها وسابها وقعد على الكنبه
ارين :- بزعل هوف حاضر ودخلت الحمام وبعد وقت خرجت ولبست هدومها وقالت انا جاهزه
يوسف :- وقف وقال يلا بينا وفتح الباب وخرج
ارين :- بصت عليه وهو ماشى بزعل وخرجت وراه وقفلت الباب ونزلوا ركبوا العربيه وراحوا عند أهله فى الشاليه
سميحه :- ايه ده يا عريس ايه اللى جابك
يوسف :- جيت اقضى الاجازه معاكم ولا انتوا مش عايزنا بقى
سميحه :- لاء طبعآ ايه اللى انت بتقوله ده يا ابنى انا قولت انك هتقضى الوقت مع مراتك لوحدكم
يوسف :- وهو بيبص حاوليه قال امال فين الباقى
سميحه :- ابوك مع عمك عماد جوه وسميه بتعمل فشار وجايه والشباب نزلوا البحر
يوسف :- ماشى هروح اشوف مالك وبص لارين وقال لو عايزه تغيرى هدومك وتنزلى البحر مفيش مشكله وسابها ومشى
ارين :- بصت على يوسف بزعل ودخلت تجرى على اوضتها
يوسف :- راح على البحر ووقف على الشط لاقه تمارا بتهزر وبتضحك مع ندي ورحمه اتنهد بوجع وشاف مالك بعيد عن البنات قال بصوت عالى ماااااالك
مالك :- بص ليه وقال ايه جابك يا عريس
يوسف :- شاور ليه وقال اطلعلى
مالك :- انسى انزلى انت الميه حلوه اوى
تمارا :- وهى بتضحك وتهزر شافت يوسف وهو واقف حست بنغزه فى قلبها وبطلت ضحك
ندي :- ايه فيه ايه مالك
تمارا :- غمضت عينيها واتنهدت وقالت مفيش
رحمه :- بصت مكان ما تمارا بتبص وقالت ايه ده ده يوسف بيعمل ايه هنا ده
ندى :- عرفت سبب تغير تمارا ايه قالت انسي يا تمارا هو دلوقتى مبقاش ليكى
تمارا :- بوجع حاضر هنساه
ندي :- انا عارفه انها صعبه بس انتى قويه وتقدرى
تمارا :- انا تعبت هطلع اريح شويه
رحمه :- كلنا تعبنا يلا بينا وخرجوا البنات التلاته
تمارا :- بصت ليوسف بتحدى وقالت مبروك
يوسف :- بوجع شكرآ
رحمه :- انت جيت ليه مش المفروض تكون فى الفندق
يوسف :- وايه اللى فرضه انا جاى اصيف مش اقعد فى الاوضه
ندي :- مبروك
يوسف :- الله يبارك فيكى عقبالك
مالك :- يااااارب وبص ليها وقال بصوت واطى انا وهى يارب
يوسف :- يا سلام طلعت دلوقتى من الميه ما انا عمال انادى عليك من بدرى
مالك :- مغناطيس سحبنى وجابنى عندك اعمل ايه وغمز لندى
ندي :- اتكسفت ووشها احمر وقالت ع.ع.عن اذنكم
تمارا :- استنى جايه معاكى
رحمه :- وانا كمان والبنات التلاته مشوا
مالك :- عجبك كده اهو المغناطيس مشى
يوسف :- ما تهدا يا ابنى واركز كده
مالك :- ايه يا يوسف مش اتزفت خلاص واتجوزت عايز منى ايه خلينى انا كمان اكمل نص دينى
يوسف :- يا ابنى حس بيا بقى انا بموت انا خلاص مبقتش شايف قدامى غيرها انا امبارح شوفت ارين تمارا حاسس نفسى خلاص هتجنن يا مالك
مالك :- انت اللى عملت فى نفسك كده كانت خلاص مسافره ايه خلاك تمنعها بس
يوسف :- صعبت عليا لما سمعت صوت عيطها متعودش اكون ندل
مالك :- بس اتعود توجع وتكسر قلب عاش عمره كله بيحلم بيك اتعود تخون عهد ناس احتفظت بيه لحد ما ترجع ليها اللى انت شايفه ده حصاد عمايلك انت يا يوسف ولازم انت اللى تدفع التمن ابعد عنها وسيبها تطيب جرحها وتعيش حياتها زى ما هى تحب
يوسف :- انا بحب تمارا يا مالك ومش هقدر استحمل اشوفها مع حد غيرى
مالك :- والله وهى ايه عادى يعنى لما تشوفك مع واحده غيرها فوق لنفسك يا يوسف وكفايه وجع وكسره فى تمارا عن اذنك وسابه ومشى
يوسف :- بص على مالك وهو ماشى وبعدين نفخ وبص للبحر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عند يارا
يارا كانت واقفه على الشط وسرحانه وبتلعب برجليها فى الميه وشافت انس وهو قاعد لوحده اتنهدت وقعدت على الأرض تتابع كل حركاته بحب وساعات كانت بتعمل زى ما هو بيعمل رفع انس نضارة الشمس بتاعته وبص ليارا وهز راسه بمعنى فيه ايه اول ما شافت حركت انس قامت وقفت وطلعت تجرى من قدامه
انس :- ابتسم ولبس تانى النضاره وقام وقف وراح وراه يارا وقال انسه يا انسه استنى
يارا :- وقفت وقالت ت.ت تقصدنى انا
انس :- ايوه انتى
يارا :- ن.ن.نعم
انس :- كنتى بتبصيلى كده ليه وتقلدى كمان حركاته
يارا :- بصدمه قالت ا.ا انا م.م.محصلش
انس :- لاء حصل انا شايفك وانتى بتقلدى حركاتى كلها
يارا :- نهار اسوح شايفنى ؟؟
انس :- ايوه شيفك
يارا :- بتوتر قالت ب.ب.بص اعتبر نفسك مشوفتش حاجه اللهى ربنا يخليك ماشى ولسه هتجرى
انس :- مسكها شدها من دراعها وقعت فى حضنه
يارا :- سرحت فى ملامحها وبصت على شفايفه وبلعت ريقها بصعوبه وقالت س.س.سبنى
انس :- انتى ليه بتعملى كل ده
يارا :- ها
انس :- ليه بتعملى معايا كل ده
يارا :- علشان ب.ب.بحبك
انس :- وانا كمان بحبك وبموت فيكى كمان ومن زمان اوى
يارا :- بعدم تصديق بتحبنى
انس :- قرب اكتر ليها وقال ايوه بحبك وبص على شفايفها وقرب منها ولسه هيبوسها
ندي :- بصوت عالى يارا انتى يا بنتى
يارا :- بصت حاوليها لاقت نفسها قاعده مكانها وبصت على الكرسى اللى كان قاعد عليه انس ملاقتهوش
تمارا :- انتى يا بنتى فيه ايه مالك مش بتردى ليه
يارا :- انتوا ايه اللى جابكم دلوقتى كان خلاص هيبوسنى
رحمه :- هو مين ده
يارا :- اتنهدت وقالت هييييح انس كان بيتهيألى أنه بيعترف ليا بحبه وكان هيبوسنى
ندي :- لاااااا انتى مينفعش يتسكت على حالتك دى ابدااااا
يارا :- هموت والحجر ينطق يا بنات
ندي :- ينطق ايه هو مش حطك فى دماغه اصلا
رحمه :- فيه ايه يا بنتى بتصدميها كده ليه
ندي :- مش احسن ما اسيبها عايشه فى الوهم ده كتير
تمارا :- طيب ايه رأيكم يا بنات نلفت انتباه ليها
يارا :- بجد ازاى
تمارا :- هقولكم................