رواية حلم واقع الفصل الثالث عشر13والرابع عشر14بقلم رانيا عماره
ساره:انت مقعدني ليه مادام انا مهمتي خلصت
ياسر :ومين قال انك مهمتك انتهت كده؟
ساره:ااه شكل الموضوع هيطول طيب الخطوه الجايه ايه؟
ياسر:هتروحي لـ فتحي
الكل:فتحي؟؟؟
ياسر:اه فتحي اتخضيتوا ليه
تيم:ازاي بس يا ياسر ماهو لو حد شافها معانا بعد كده هتحصل مشكله كبيره وهيتعرف انها تبعنا؟
ياسر:ولا اي حاجه هتحصل لان ساره هتدخل بـ استايل جديد وطبعا انتوا متعرفوش انها بتتكلم لبناني فـ هتقنعه انها لبنانيه وجايه من بيروت ومتعرفش حد هنا غيره
تيم:وحقي هيرجع؟
ياسر: هيرجع حقك وحق والدتك وحق مدام منال وحق المحامي الـ فتحي قتله
لين:زود عليهم السحر الـ عملتهولي انا وتيم
ياسر:سحر؟
تيم:ايوه يا ياسر الـ متعرفهوش ان انا ولين كنا بنحلم بـ بعض دايما مع اننا متقابلناش قبل كده وروحنا لـ استشاري نفسي يوضحلنا الحاله دي تندرج تحت اي مسمي ولما مقتنعناش وقابلنا الدجال ده عرفنا منه ان ماجده عملتلنا سحر علشان تجمعنا ب بعض وبعد كده نتفرق
ياسر(بإستغراب) :انا اول مره اعرف منك الكلام ده طب ووصلتوا لـ ايه؟
تيم:حلينا المشكله وخلاص مابقتش موجوده عقبال مانوقع فتحي وماجده اخته انا مش مسامحها بعد ما منعت عني ورث ابويا
لين:ورث ابوك؟؟
تيم:الـ انتوا متعرفهوش لحد دلوقت ان ماجده سرقت كل فلوس ابويا قبل مايموت وسابتني انا وامي ملناش غير ربنا بعد مرمطه سنين وشغل والـ قسمته في الفلوس هو اخوها فتحي
لين:ايه الناس القذره دي؟؟ انا مصدومه صدمه عمري
ياسر :انت كده خلتني اصمم اني اكمل فـ علشان كده الخطه الـ انا قولتها دي انسب حل
ساره:متقلقوش انا مش اول مره اعمل حاجه زي دي واسألوا ياسر وهيقولكم
ياسر:فعلا ساره نجحت في كل الخطط الـ عملناها احنا فاعل خير بس كله بفلوس احنا رجعنا حقوق ناس كتير وعرضنا حياتنا للخطر
تيم:انا مقدر مساعدتكم لينا ودي حاجه احنا هنشيلهالكم العمر كله
لين:كده الحساب تقل اوي
لين:دقيقه الفون بيرن
وقامت ترد
لين:ايه ده نور؟؟ انتي رجعتي؟؟ انا مش مصدقه
نور:اه رجعت انا مش متصله علشان تستغربي من رجوعي انا بتصل بيكي علشان اقولك كلمتين انسيني يالين خلاص مابقاش بينا علاقه تربطنا بـ بعض زي زمان
لين:ايه الـ بتقوليه ده؟
نور:زي ماسمعتي علاقتي بيكي انتهت وامسحي رقمي من فضلك ولو افتكرتيني فـ افتكريني بالخير.. سلام
لين(بصدمه) :لااا لااا مش معقول انتي بتهزري؟ الووو... الووو يانور... نووور
تيم:في ايه؟
ياسر:ايه الـ حصل
لين(بعياط) :نور رجعت وقطعت علاقتها بيا.. ليها حق انا السبب في كل الـ حصلها
تيم:وهو انتي كنتي قولتيلها تدخل في حاجه؟ هي الـ دخلت نفسها في المشاكل
لين(بعياط) :مقولتش والله ماقولت هي فعلا الـ دخلت نفسها في كل حاجه وانا حذرتها هي الـ مسمعتش الكلام
تيم:اهدي يالين بلاش عياط، تعالي معايا
وماددلها ايده ولين بتبصله بكل حزن وخدها وراحوا كافيه في مكان جميل وهادي
تيم(بإبتسامه) :اقعدي
وبيشدلها الكرسي تقعد
تيم: من فضلك
_نورتنا يافندم، تحب تطلب ايه؟
تيم:تشربي ايه يا لين؟
لين(حاطه ايدها علي راسها) :مش عايزه حاجه
تيم:طيب ممكن 2ليمون فريش
_تحب حاجه تانيه؟
تيم:وواحد مولتن كيك
_اوكي عن اذنك
تيم:اتفضل، ممكن تهدي يا لين
لين(بعياط) :مش مصدقه ان صاحبه عمري تقطع علاقتها بيا انا مابقاش ليا حد في الدنيا غير ماما خايفه اوي تروح مني
تيم:صدقيني ربنا مش بياخد مننا حاجه حلوه، اي حاجه وحشه هي الـ بتروح وتمشي، الـ بيفضل هو الحلو الـ جواه ابيض ونضيف
لين(بعياط) :بس انا السبب في كل ده
تيم:انتي نصحتي وهي الـ اصرت يبقى مش انتي السبب، ممكن بقى تهدي؟
لين:حاضر
عند ياسر في الشركه
ياسر:ايوه انت فين؟
جوز حنان(بصوت واطي) :انا في المخزن
ياسر:وفتحي فين متعرفش مكانه؟
جوز حنان (بصوت واطي) :قاعد برا هعرفلك منه المكان
ياسر:اشطا مستنيك سلام
جوز حنان (بصوت واطي) :سلام
جوز حنان :اما بقولك يامعلم فتحي
معلم فتحي(بعدم اهتمام) :قول
جوز حنان :مش محتاج اي توصيله للبيت اكل شرب طلبات اي حاجه
معلم فتحي:اشمعنا ياض
جوز حنان :اصل بصراحه عايز فلوس زياده ومش معقول هاخد فلوس علي حاجه معملتهاش
معلم فتحي:فيك الخير عايزك توصل الطلبات دي للبيت وهقولك العنوان
جوز حنان (في سره) :ماهي ماشيه زي السكينه في الحلاوه اهو
جوز حنان :اؤمرني وانا انفذ
معلم فتحي:خد الورقه دي وهات كل الـ فيها اياك تنقص حاجه واحده
جوز حنان :من عينيا هجيبلك كل الـ انت عايزوا
وخد الورقه وراح جاب الطلبات ووداها علي العنوان فـ فتحت مرات فتحي
مرات فتحي:انت مين
جوز حنان:معقول نستينا ياست الكل انا جوز حنان بنت اخت جوزك المعلم فتحي
مرات فتحي:يااهلا وسهلا
جوز حنان :اهلا ده انا دراعه اليمين وشغال معاه وطلب مني طلبات قولت اجيبها كلها لحد البيت
مرات فتحي:تشكر اوعي تكون نسيت حاجه
جوز حنان :وانا اقدر راجعي بنفسك
فـ بصيت في الاكياس واتأكدت
مرات فتحي:مش ناقص حاجه
جوز حنان :حلو بالإذن انا
مرات فتحي:طب اشرب حاجه طيب
جوز حنان :مره تانيه سلام
ولما نزل الشارع اتصل بـ ياسر
جوز حنان(بصوت واطي) :هبعتلك العنوان
ياسر:ابعته انا مستني
وبعد مابعته
ياسر :تمام انا عايزك ترجع المخزن عند فتحي واول مايرجع البيت عرفني
جوز حنان :بس كده ماشي
في العربيه عند عبير وعلى بعد ماخلصوا شغل
علي:مقولتليش تحبي نكتب الكتاب امتي؟
عبير:شوف انت تحب امتي
علي:انا من رايي نكتبه بعد بكرا
عبير:بعد بكرا؟ ايه السرعه دي؟
علي :خير البر عاجله وايه المشكله لما الحياه تبقي سريعه يعني نكتب الكتاب بعد بكرا ونتجوز بعده ونخلف بعد بعده ونحضر تخرج ابننا الاسبوع الـ بعده
عبير(بتضحك) :يخيبك هو في حد سريع كده ههههه
علي(بيضحك بخبث) :طبعا مفيش احسن من السرعه انتي بس قوليلي موافقه ولا انتي مش عايزه تبقي معايا؟
عبير: لا عايزه طبعا
علي :يبقي نقول مبروك؟
عبير:نقول ومنقولش ليه هههه
نرجع لـ تيم و لين
تيم(بإبتسامه) :كلي بقي يالين متغلبنيش معاكي
لين(بتمسح دموعها) :اسفه ياتيم نكدت عليك
تيم(بنظرات حب) :متقوليش كده تاني عُمر ما دموعك بالنسبالي كانت نكد بالعكس انا بزعلك لـ زعلك
لين:ميرسي علي الكلام الحلو ده
تيم:متقوليش حاجه المهم كلي وإلا مش هاكل
لين:لالا خلاص هاكل
تيم(بإبتسامه) :ايوه كده
*عند جوز حنان وفتحي*
جوز حنان :علي فين يامعلم
فتحي: راجع البيت خد بالك علي الحاجه وقفلها قبل ماتمشي
جوز حنان :من عينيا مع الف سلامه يامعلم
ومشي
حماده:اما قولي انت جيت هنا ازاي
جوز حنان (بتوتر) :يعني ايه
حماده: انت تعرف المعلم فتحي منين
جوز حنان (بيضحك) :خال مراتي
حماده:ااه علشان كده
جوز حنان :طيب ياخويا خلص ومتزهقناش
ودخل المخزن من جوا واتصل بـ ياسر
جوز حنان (بصوت واطي) :الو ايوه يااستاذ ياسر
ياسر:ايوه في جديد؟
جوز حنان (بصوت واطي) :فتحي لسه ماشي
ياسر:متعرفش راح فين؟
جوز حنان (بصوت واطي) :رجع البيت انا قولت ابلغكم
ياسر :تمام سلام
جوز حنان (بصوت واطي) :سلام
فـ لقي حماده في ضهره
جوز حنان (بصوت عالي) :ايوه ياحنان مانا قولتلك جهزي الاكل مينفعش كده مش كل يوم هرجع والاقي البيت فاضي مانا مش هصرف فلوسي علي أكل جاهز كل يوم
حماده(بيبصله) :تعالي شيل البضاعه الـ برا معايا
جوز حنان (بصوت عالي) :طيب سلام نشوف الموضوع ده بعدين
حماده(بيبصله) :ها
جوز حنان :من عينيا بس كده اما قولي هي البضاعه دي عباره عن ايه
حماده:ملكش فيه ومتسألش
جوز حنان :خلاص ياعم انت هتاكلني يلا بينا
عند ياسر في الشركه الوهميه
ياسر:يلا ياساره اتحركي
ساره:اديني ربع ساعه هغير شويه حاجات
ياسر:تمام متتأخريش عن كده
ساره:متقلقش
ودخلت تويلت الشركه وقعدت تلعب بالميك اب في ملامحها ولبست لبس بـ استايل مختلف
ساره:انا جاهزه
ياسر:هتروحي علي العنوان ده
وبيوريها ورقه
ساره:تمام هبلغك بكل جديد
ياسر :مستني
وراحت العنوان وخبطت علي الباب فـ فتحلها فتحي لانه كان لسه راجع قبلها بـ دقيقه
فتحي :مين؟
ساره :هالو مستر
فتحي:يااهلا مين وعايزه ايه؟
ساره: انا جديده هون وفي شَخِص قالي راح تسكني في هيك العماره الچديده
فتحي:ااه انتي شكلك مش مصريه
ساره:لا انا مو مصريه انا لبنانيه
فتحي:يااهلا ب أهل لبنان
وطلعلها وقفل الباب براحه الا مراته وعياله يسمعوا
ساره:ميرسي كتير
فتحي:احنا مصريين اه وجدعان اوي وانا فتحي صاحب العماره دي
ساره:اوه ماي جاد مو مصدقه انا غلطت في العنوان صحيح
فتحي: لا وتغلطي ليه مانا اجيبلك شقه هنا انا بأجر شققي
ساره :ما سعر الشقه هون
فتحي:لا علشان عيونك هخليلك السعر حنين مانا هعمل الواجب معاكي
ساره:ميرسي عنجد مو بعرف شو أقِلك ولا كيف أشكرك علي هاد الكرم
فتحي:لا متشكرنيش اتفضلي معايا أفرجك
ساره:اوكي بينا نبرم(نلف)
وخدها وطلعوا في شقه فاضيه وكان عينه منها
ساره (بإستغراب) :كتير حلو هاد المكان وواسع انا حبيته
فتحي:وانا حبيتك احم اقصد ارتاحتلك و ارتاحت لإخواتنا اللبنانين ااه امال ايه
ساره :الله يخليك ويسترها وياك
فتحي:شكرا يا...؟
ساره:انسه كارولين
فتحي:الله كارولين يااه اسم حلو اوي قوليلي تحبي تستلمي الشقه امتي؟
ساره:ميرسي عنجد راح اخد الشقه غدا
فتحي:طيب انتي تجيبي حاجتك واحنا علينا الباقي
ساره:اوكي اشوفك بخير
فتحي:مع الف سلامه
ساره:باي
ورجعت الشركه وحكيت لـ ياسر
ياسر:حلو اوي انا هتصل ب تيم يعدي علي اي معرض موبيليا قديم يجيبلك انتريه على سفره على سرير شويه حاجه مستعمله تقضي الغرض
عند تيم كان خلص هو ولين
تيم:ده ياسر بيتصل
لين:رد يمكن في حاجه مهمه
تيم:ايوه يا ياسر
ياسر:انا بعت ساره لـ فتحي
تيم:وحصل ايه؟ اوعي يكون بان حاجه؟
ياسر:لا متقلقش الدنيا تمام وفل عايزك بس تروح تتفق علي موبيليا مستعمله حتي لو خربانه هاتها اي حاجه بسعر التراب
تيم : ليه؟
ياسر:العماره طلعت بتاعت فتحي وساره هتأجر عنده شقه فتره كده لحد مانشوف هنعمل ايه
تيم:انا عندي فكره احلي
ياسر:ايه هي؟
تيم:كده كده انا هسفر جدتي ممكن ناخد الموبيليا ونوديها علي هناك
ياسر:فكره حلوه طيب مستني ايه لازم تخلص قبل بكرا
تيم:متقلقش انا هخلص كله
لين:في ايه انا مش فاهمه حاجه؟
تيم:ساره راحت لـ فتحي وطلبت منه تسكن في العماره عنده وياسر طلب مني نروح معرض موبيليا ناخد منه شويه حاجات وننقلها علي الشقه بكرا فـ انا قولتله فكره احلي ناخد حاجه جدتي وننقلها هناك ونوفر الفلوس بما انها هتسافر هي وطنط منال
لين:ايوه حقيقي ده فعلا حل مناسب جدا طيب هنعمل ايه دلوقت؟
تيم:هروحك وهروح اجهز الباسبورات
لين:طيب ماما هتيجي معاك؟
تيم:لا هاخد منها شويه اوراق وخليها هي فـ البيت
لين:اوكي
وخدها روحها وخد من منال الاوراق المطلوبه وراح علي المطار وبدأ يجهز الباسبورات بتاعتهم هما الـ 4 منال وجده تيم وتيم ولين
الموظفه:ممكن امضاءه حضرتك
فـ مضي تيم ورجع علي البيت
جده تيم:انت رجعت ياحبيبي
تيم:ايوه ياتيته عامله ايه معلش مقصر معاكي بس انتي عارفه بشتغل علي اخري ومفروم
جده تيم:لا ياتيم يابني مقصر معايا ايه ده انا كل ماافتكر اني هسافر بحس قلبي طاير من الفرحه
تيم(بيقعد) :ايوه ياحبيبتي هتسافري وتعيشي في أأمن مكان وانا عارف انك بتحبي الجو ده
جده تيم:ياحبيبي ياتيم انت الـ فاضلي من ريحه امك الله يرحمها كل ماابصلك افتكرها نفس الملامح نفس الحركات
تيم:الله يرحمها ماما وحشتني اوي
جده تيم(بحزن) :ووحشتني انا كمان اوي
تيم:ربنا يغفرلها
جده تيم:يارب
تيم:كنت عايز افاتحك في موضوع
جده تيم:هتخطب؟
تيم (بيضحك) :لا ياتيته اخطب ايه انا عايزك في موضوع تاني.. دلوقت احنا محتاجين العفش بتاعك الـ هنا ده هناخده فتره وبعدين هنرجعه تاني لاني عارف انه غالي عليكي
جده تيم:خده ميغلاش عليك
تيم :يعني انتي موافقه؟
جده تيم:موافقه مادام هتسفرني بس قولي انت عايزوا في ايه؟
تيم (بيفكر) :عايزوا ف ايه؟
جده تيم:اه
تيم :عايزوا لـ مخرج زميلي طلب مني الموبيليا دي كلها فتره علشان مسلسل
جده تيم:انت مصاحب مخرجين؟
تيم:ايوه
جده تيم :طب ماتخليني امثل
تيم(بيضحك) :ده انتي ياتيته عليكي حاجات انا هقوم بقي هغير وانام عايزه حاجه؟
جده تيم:طب مش هتاكل الاول يابني؟
تيم:لا ياحبيبتي هانام الا مش قادر
جده تيم:طيب يابني تصبح على خير
تيم:وانتي من اهله
------تاني يوم------
في الشركه عند عبير وعلي
علي:بقولك
عبير:خير
علي:ماتروحي تجيبي الفستان علشان مفيش وقت
عبير:مفيش وقت علي ايه كتب الكتاب بكرا
علي: لا فستان الفرح علشان الفرح بعد بعد بكرا😉
عبير:معقول فرحنا بعد 3 أيام؟ايه السرعه دي
علي:انا قولت خير البر عاجله ومفيهاش حاجه لما نعمل كل حاجه بسرعه
عبير(بفرحه وخبث) : طيب والفرح هنعمله فين
علي:لا مااحنا هنشيل فلوس الفرح ونسافر على برا بيها
عبير:يعني ايه انا عايزه فرح زي كل بنات خالاتي ولا هو انا اقل منهم
علي:ماهو علشان انتي مش اقل منهم فـ هتسافري برا وهتشوفي اماكن عمرك ماشوفتيها تختاري يتعملك فرح مفيش منه اتنين ومتسافريش؟ ولا متعمليش فرح وتبقي زفه وبس لكن تسافري برا وتعيشي حياه الملوك؟
عبير(بتفكير) :بصراحه بيني وبينك حياه الملوك احلي اصل انا اتولدت وفي بقي معلقه دهب
علي(بيضحك) :طبعاا ماهو باين عليكي
عبير(في سرها) :هقش كل حاجه امتي ده انا مستنيه بفارغ الصبر
عند تيم صحي لبس وجهز
جدته:صباح الخير ياحبيبي
تيم:صباح النور انا نازل اجيب الناس يشيلوا ويفضوا الشقه
جدته:ماشي خد بالك من نفسك علي اقل من مهلك
تيم:حاضر بعد مانخلص اعملوا حسابكم عندنا طياره الساعه 4 يعني 3 تكوني جاهزه علشان الطريق هياخد وقت
جدته:ماشي يابني انا هجهز الحاجه من دلوقت
تيم:ماشي يلا سلام
وراح جاب ناس ورجع وشالوا الحاجه
*عند لين*
لين:يلا ياماما جهزي معايا
منال:حاضر اهو بجهز اوعي تنسي حاجه يا لين
لين:حاضر
منال:مقولتيش هنسافر فين
لين:انتي نسيتي ياماما مانا قولتلك هنسافر تركيا
منال:معرفش بقيت انسي كتير كده ليه
لين:سلامتك ياحبيبتي انتي كويسه؟
منال :ايوه كملي يالين وانا هروح اخد علاج الضغط
لين:حاضر
وكانت ساره مستنيه هناك وفتحي واقف معاها
ساره:كتير اتأخروا
فتحي:ولا يهمك تحبي تشربي ايه
ساره:ولا أي شئ انا كِل الـ يهمني ان الاساس يوصل سليم
فتحي:هيوصل سليم ولو حاجه اتخدشت انا هكسر دماغ الـ شايلها واجيبلك بدالها احلى عفش يليق بمقامك
ساره (بإبتسامه) :تسلم
عند عبير بعد ماخلصت شغل قررت تروح تشتري الفستان هي وعلي
ولكن في حد ظهر يراقبهم؟؟تفتكروا مين؟؟
الفصل الرابع عشر
عند عبير بعد ماخلصت شغل قررت تروح تشتري الفستان هي وعلي وكانت حنان متداريه ورا شجره بتراقبهم
_يااهلا نورتونا
عبير وعلي:شكرا
_اتفضلوا
وفضلوا يلفوا يشوفوا الفساتين الموجوده
عبير:حلو الفستان ده
على :هاتي الـ يعجبك
عبير:بس كده انا هاخد ده اقيسه
_اتفضلي معايا
وعلي فضل واقف برا يصفر
عبير(بصوت واطي) :بقولك ايه انا عايزه اغلي حاجه هنا
_يبقي حضرتك هتطلعي معايا في القسم الـ فوق الاسعار تبدأ من 50 ألف لـ 100 ألف
عبير(بإستغراب) :ايه الارقام الخياليه دي
_في فستاتين مصممه بـ عقد الماس وفي بالدهب احنا الوحيدين الـ هتلاقينا هنا بنتعامل بالدهب والالماس باقي الاتيليهات مفيهاش غير فساتين مصممه تصميم عادي
عبير(بطمع) :انا عايزه أبو 100 ألف
_واحنا تحت امرك اتفضلي
علي:ايه رايحين فين
عبير:تعالي هنشوف الـ فوق
حنان(بتراقبهم) :كل ده جوا واخرتها ايه انا تعبت
عند ساره كانت الحاجه وصلت وبيكملوا
فتحي:شيل براحه ياض الا اكسر نفوخك ده انا المعلم فتحي مش عايز الحاجه تتخدش خدشه صغيره
ساره(بتضحك) :انت كتير عنيف وبعدين هيك الأساس مو چديد هاد تبع إمي الله يرحمها
فتحي :وايه يعني قديم ده انتي لو تطلبي جديد نجيبلك مفيش مشاكل احنا عنينا ليكي ياانسه كارولين
ساره(بتضحك) :ميرسي.. يلا كَمْلوا
وبعد ماخلصوا خالص
ساره: مو بعرف شو اقلك علي هاد الوقفه القويه
فتحي:لا متقوليش اي حاجه ولو عوزتي اي حاجه احنا تمام التمام ونيجي لحد عندك بس لمؤاخذه ممكن اديكي رقمي عشان لو عوزتي حاجه في وقت متأخر ابعتلك حد من مساعديني
ساره:مساعدينك؟ ليه شو بتشتغل؟
فتحي(بيفكر) :آاا آااا ده شغالين في الحديد عقبال املتك اما انتي بتشتغلي ايه؟
ساره :بشتغل دكتوره
فتحي:دكتوره؟ دكتوره ايه
ساره :دكتوره مخ واعصاب
فتحي:ياسبحان الله ده انا كنت ضايع وعايز دكتور يعالجني
ساره:ليه شو مشكلتك؟
فتحي:عندي مرض مناعي في المخ ومش لاقيله حل ولفيت علي كل الدكاتره قالولي ملهوش علاج بس انا ميأستش ولسه بدور
ساره:اووه لا كِل شئ وله علاج وانا عِندي جميع انواع الأدويه بس بستوردها من الخارج
فتحي:يبقى العلاج علي ايدك يلا مش هكتر السلامو عليكو
ساره :باي
وقفلت الباب وراه
ساره:اوف وشك يجيب خنقه الدنيا كلها
عند تيم ولين في المطار
تيم:الحمدلله هنقدر نسافر وبكل سهوله
لين:بس مش هنتأخر برا يومين ونرجع نكمل
منال:عايزاكم تاخدوا بالكم من نفسكم
جده تيم :اه يامنال يابنتي احنا ملناش غيرهم
تيم:صح عندكم حق بس متقلقوش احنا نقدر على اي حاجه
منال:نوصل بألف سلامه
الكل:يارب
وركبوا الطياره ووصلوا تركيا 🇹🇷وتيم اتصل علي حد معرفه عايش في تركيا يقابله ويشوفوا شقه
جده تيم:ده صاحبك؟
تيم:لا ياتيته هو زميلي بس عارف كل حاجه هنا
جده تيم:ااه ربنا يوقفلك ولاد الحلال يابني
تيم:يارب.. اهو جه... ازيك ياحبيبي اخبارك
وبيحضنه
_الحمدلله بخير انت اخبارك ايه محدش بيشوفك من زمن؟
تيم:انا رجعت مصر بس رجعت ومعايا جدتي وطنط ودي لين صاحبتي
_ اهلا بيكم تشرفنا
جده تيم :الله يخليك
منال:احنا اكتر
_طيب اتفضلوا انا عارف مكان حلو اوي بدل اللف الكتير
تيم: طيب يلا بينا
ووقفوا تاكسي وراحوا المكان وكان مكان في قمه الجمال عماره فوق جبل وفيه جنينه وقدامها البحر وحواليها أشجار وورد وحاجه ولا فـ الخيال
جده تيم:الله ايه الجمال ده
ودخلت تتفرج هي ومنال ولين
تيم:مش عارف اقولك ايه بجد علي وقفتك دي بصراحه المكان حلو جدا وهيفرق معاهم في نفسيتهم
_دي احلي منطقه والـ يعيش فيها ميسيبهاش كفايه الهوا الـ يرد الروح
تيم:علي رايك
_طيب تعالي معايا علشان نمضي العقد
تيم:يلا
وراح معاه
منال:ايه الجمال ده كله مش معقول المنظر ده
جده تيم:ياسلام يامنال يابنتي
لين:اعتقد انكم هترتاحوا هنا اوي
منال:طبعا احنا هنلاقي احسن من كده فين
لين:علفكرا احنا هنشترك في جيم قريب من البيت علشانك ياتيته وعلشان ماما
جده تيم:ياه ده اني عضمي نشف بقالي سنين متحركتش ولا عملت رياضه
لين:لا ياحبيبتي جسمك هيفك واحده واحده
جده تيم:ياريت وارجع شباب كده زي زمان
منال:مانتي شباب اهو ولسه صغيره
جده تيم:يا بكاشه ده انا عجزت
ف فضلوا يضحكوا كلهم
عند عبير كانت اختارت أغلى فستان بـ 100 الف جنيه
علي:فستان ايه الـ ب 100الف انتي شايفاني مصنوع من الدهب ده انا مصنوع من الطين زي زيكم
عبير:وطي صوتك في ايه هو يغلي عليا الـ 100 الف خصوصا انك مش هتعملي فرح
علي:100 الف معنديش مانع اصرفهم في حاجه مفيده انما ده فستان يعني هيتلبس يوم وهيتركن باقي العمر
عبير:لو مستخسر فيا عرفني وانا افضها
علي:خلاص نفضها ايه المشكله
عبير(جابت ورا) :وتهون عليك عبير حبيبتك
علي:مانتي ياعبير ال بتقولي حاجات غريبه هاتي حاجه بـ سعر أقل مش كده
عبير:خلاص يااستاذه هاتيلي الفستان الـ ب80 الف خلينا نخلص
علي(مدايق) :انا هستناكي في العربيه متتأخريش
وسابها ومشي
عبير:بقي كده ياعلي؟ طيب هاتيلي الفستان أبو 100 الف
عند ساره كانت فرشت الحاجه ورميت نفسها على السرير ترتاح واتصلت بـ ياسر
ياسر:عملتي ايه ياساره؟
ساره:كله تمام خلصت سألني شغاله ايه قولتله دكتوره مخ واعصاب واول ماقولتله كده قالي انه عنده مرض مناعي في المخ لما عملت سيرش عرفت انه اسمه مرض الهنتنجتون مرض قاتل مالوش علاج وبيدور على دكاتره ومش لاقي علاج قولتله علاجك عندي
ياسر:تمام بس يفرض قالك هيجيلك المستشفى الـ انتي شغاله فيها؟
ساره:نعمل عياده بـ ورق مضروب
ياسر:انا محتاج شقه تيم نعملها عياده طيب اقفلي وانا هتصرف سلام
ساره: سلام
مشي ياسر من الشركه وركب عربيته واتصل ب تيم
ياسر:ايه وصلت؟
تيم:اه وصلنا الحمدلله
ياسر:حمدلله على السلامه بقولك
تيم:قول؟
وحكاله كل الـ حصل
تيم: استني يومين انا راجع مصر مع لين وهنظبط كله مع بعض وخد الشقه بس احنا دلوقت محتاجين اوضتين في اي اوتيل
ياسر:صح كله محلول المهم ترجع انت و لين متتأخروش
تيم:لا مش هنتأخر وخد المفاجأه انا هجيبلك شويه ترامادول لـ فتحي حاجه كده هتجيب من الاخر
ياسر:حلو الكلام وانا مستني
تيم:تمام اكلمك بعدين سلام
وبعد ماتيم خلص مكنش في غيره في الاوضة كانت مخنوق ومدايق بسبب وفاه والدته
تيم(بعياط) :سيبتيني ومشيتي ليه ياماما؟ سيبتيني وحيد ليه؟؟ انا مش قادر اتمالك اعصابي اكتر من كده حاسس بحاجه مكسوره جوايا مش قادر انسي انهم حرموني منك وانا صغير ملحقتش اشبع منك كان نفسي تكوني جنبي دلوقت كل ماتحصل حاجه اجري احكيلك اه تيته ربنا يديها الصحه واقفه جنبي بس انا محتاجك اوي انا مهما بكبر بحن ليكي اكتر
دخلت لين براحه وهي سامعه كل كلمه تيم قالها وكانت مستغربه لانها اول مره تشوفه في الحاله دي
لين:تيم!!
تيم بيلفلها وبيمسح دموعه وبيداريها
لين:في حاجه حصلت؟
تيم:------
لين:ممكن تتكلم؟
تيم:مفيش حاجه يالين
لين: ودموعك دي؟
تيم(بعصبيه) :قولت مفيش حاجه
لين:بتعيط علشان والدتك صح؟
تيم بيهز راسه بـ بمعني اه
وكانت اول مره لين تحضن تيم وكان تيم الـ مصدق لقي حد يحضنه ويحس بيه وبـ حزنه لدرجه ان عياطه زاد اكتر
تيم(بعياط) :ماما وحشتني يالين وحشتني اووي كان نفسي ابقي معاها انا اتحرمت منها
لين(حاضناه) :كل حاجه هتكون كويسه متقلقش
سابها تيم وبص للحيطه وقالها
تيم:انا مش هسيب فتحي وماجده يفلتوا من عملتهم دي انا هعافر علشان ارجع حقها
لين:انا اسفه ياتيم معرفش ازاي ده حصل
وسابته ومشيت
تيم:لين استنى محصلش حاجه
وراح وراها
تيم:انتي كنتي متعاطفه معايا ومتأثره بالـ انا فيه انا عارف يالين انك مش وحشه ولا عمري هشوفك كده
لين(باصه في الارض) :سوري ياتيم
تيم(بيرفع راسها) :مفيش حاجه يا لين انا الـ اسف اني دايقتك بكلامي
لين(بدموع) :انت عمرك مادايقتني ولا هتدايقني
تيم(بإبتسامه حزن) :ولا انتي لين انا بحس بالأمان معاكي
فـ لين حطت ايديها علي دقنه بإبتسامه خفيفه
لين:انا كمان
عند عبير كانت سحبت من فيزا علي100 الف جنيه تمن الفستان
علي:عملتي ايه؟
عبير :افتح الشنطه الاول
وفتحلها الشنطه وحطت فيها الفستان وركبت جنبه
علي:دفعتي كام
عبير:مالك بتدقق اوي في الفلوس يعني
على :قولي ياعبير جيبتي الفستان بكام
عبير :100 الف
علي(بصدمه) :انتي بتهزري صح؟
عبير:لا مبهزرش ولا هو حلال لـ غيري وحرام عليا وبعدين مانت معاك فلوس كتير قد كده
علي:احنا متفقناش علي كده قولتلك كنا ممكن نعوض الفلوس دي في حاجه اهم
عبير :شكل البخل ظهر من دلوقت
علي:بتقولي ايه انتي؟
عبير:ولا اي حاجة
فـ بصلها وهو متغاظ وشد منها الفيزا بتاعته وطلع بالعربيه
حنان(بتشاور لـ تاكسي) :وديني ورا العربيه دي بسرعه
عند محمود الـ اتحبس بسبب فتحي فاكرينه؟
محمود :انا عايز اطلع ده مكنش اتفاقي مع فتحي
حماده :ماتصبر علي نفسك
محمود :فتحي هيلف عليك زي ما لف عليا واداني الخازوق
حماده:ميقدرش ده انا معايا أسراره ومصايبه كلها يعني لو قل بأصله هو عارف كويس انا هعمل ايه
محمود:بقولك ايه انا مليش دعوه بالحوارات دي انا عايز اخرج بأي شكل
حماده(بيقوم) :هجيلك تاني ونبقي نقرر هنعمل ايه سلام
وسابه ومشي
محمود:انا لسه مخلصتش كلامي!!
نيجي لـ ياسر راح محل بيصنع يفط وبوسترات وبطايق علشان يعمل لوحه مزوره لـ ساره
ياسر:مساؤ
_يااهلا ياباشا منور طلباتك ايه
ياسر :عايز اعمل يفطه لـ دكتوره قريبتي
_اسمها ايه؟
ياسر :دكتوره مخ واعصاب كارولين مراد غسان
خريجه كليه طب حاصله علي دكتوراه في المخ والاعصاب اعملي2 واحده عاديه وواحده صغيره
_تمام هكتب
وكتب الـ ياسر قاله عليه
_ان شاء الله تجيلي بكرا تستلمها
ياسر :تمام هجيلك بكرا
_تنور
ومشي
بالليل
كانت منال وجده تيم وتيم ولين قاعدين في الجنينه بتاعت العماره
منال:مش عارفه اشكرك ازاي ياتيم علي المكان الجميل ده انا ارتاحت نفسيا اول ماجيت هنا
تيم:متقوليش حاجه ياطنط منال انتي تؤمري واي حاجه تطلبيها تجيلك لحد عندك
جده تيم(بتضحك) :طب وانا ياتيم
تيم(بيضحك) :انتي ياتيته لو طلبتي النجمه الـ ف السما دي اجيبهالك لحد عندك
جده تيم(بتضحك) :شايفه الواد بيضحك عليا ازاي
منال:لالا تيم جدع ربنا يخليهولك ويحفظه
جده تيم :ويخليلك لين الـ زي القمر دي
لين(بإبتسامه) :ربنا يخليكي لينا ياتيته
جده تيم :ويخليكوا ليا يارب
منال:طيب انا هطلع انام بقي الا خلاص مابقتش قادره
جده تيم:خديني معاكي يامنال
منال:تعالي ياحبيبتي علي مهلك
وخدتها ومشوا وطلعوا وكانت لين نايمه علي الارض بتقرا كتاب وتيم قاعد قريب منها وكان كل شويه يبصلها ويبتسم وهي تضحك لحد ماقامت ووقفت تبص علي منظر البحر تحت وتيم قام وراها ووقف جنبها وكان في مكان قريب منها مشغل اغنيه لأم كلثوم بتقول
(وقابلتك إنت لقيتك بتغير كل حياتي معرفش إزاي حبيتك معرفش إزاي يا حياتي)
وكان تيم بيبص لـ لين وهي بتبصله
عند علي كان وصل عبير
علي:اطلعي
عبير(بسهوكه) :كده تقفش علي عبير حبيبه قلبك
علي(بقرف) :لا ازاي ده انتي ميغلاش عليكي حاجه سوري ياعبير لو كنت اتدايقت بس خلاص انا مابقتش مدايق واجهزي بكرا علشان كتب كتابنا
عبير(بسهوكه) :مش معقول اخيرا هنتجوز
علي(ب خبث) :طبعاا يلا اطلعي
عبير(بسهوكه) :يلا بااي
وكل ده وحنان بتراقبهم من بعيد واول ما علي مشي خليت التاكسي مشي وراه لحد البيت وعرفت مكان شقته
حنان(ف سرها) :وحياه امي لأوريكي
حنان :اطلع ياسطا
والسواق طلع ووداها علي بيتها
-----تاني يوم------
صحيت لين من النوم من جنب منال وقامت طلعت من الأوضه لقيت تيم في وشها فـ ضربات قلبها بدأت تزيد وتتوتر
تيم:صباح الخير
لين:صباح الخير
ودخلت التويلت وتيم نزل راح يجيبلهم اكل
منال(بتفوق) :هي لين صحيت ولا ايه
وقامت
منال:ايه ده صباح الخير
جده تيم:ياصباح النور والورد والحلويات عليكي يامنال يابنتي
منال(بتبوسها) :حبيبتي ياماما هو تيم مصحاش ولا ايه
جده تيم :ملقتهوش في اوضته شكله نزل
منال:طيب انا هدخل اجهز الفطار
جده تيم :لا استني لما تيم يرجع
منال:طيب ياحبيبتي انا هعمل مج نسكافيه اعملك معايا؟
جده تيم :مليش تقل عليها اعمليلي قهوه ساده
منال:حاضر
فـ لين خرجت من التويلت
لين:صباح الخير ياتيته
جده تيم:صباح الفل ياحبيبتي تعالي اقعدي
ف لين قعدت جنبها وابتسمتلها وشويه وتيم رجع ومعاه الاكل
تيم:صباح الخير
جده تيم:صباح النور ياحبيبي انت نزلت تجيبلنا اكل
تيم :ايوه انا لقيت البيت فاضي ولسه معملناش شوبينج ف نزلت جيبت اكل جاهز لحد ماتنزلي انتي وطنط منال
منال:فيك الخير ياتيم انا مش عايزاك تدفع حاجه تاني
تيم :ايه الـ بتقوليه ده ياطنط
منال:مالوش لزوم يابني المصاريف الكتير انا معايا فلوس
تيم:مش هيحصل ياطنط وعيب ابقي انا موجود وانتوا تدفعوا حاجه
لين:خلاص ياماما
منال:ينفع كده يعني
جده تيم:اسمعي الكلام متبقاش دماغك ناشفه
منال(بتضحك) :طيب هاتلي الاكل ده اجهزه واستنوني لحد مااخلص
عند ساره لبست ونزلت راحت الشركه لـ ياسر
ساره:صباح الخير
ياسر:صباح النور
ساره(بتقعد) :امبارح قال ايه فتحي بيخبط عليا الساعه 2 بالليل
ياسر:اوعي تفتحيله الا يعمل فيكي حاجه
ساره(بإستغراب) :ومن امتي الخوف ده مانت عالطول بتصدرني في كل حاجه
ياسر(بتوتر) :ممم لا ده.. ده.. ده
ساره :مالك اتوترت ليه
ياسر:اصل لو لقدر الله حصل حاجه الموضوع هيبوظ
ساره (بذكاء) :آهااا
ياسر:المهم عايزين ناخد عينه من فتحي
ساره:مش لما نعمل العياده دي الاول
ياسر:كل حاجه متوقفه علي رجوع تيم ولين
ساره:وهيرجعوا امتي
ياسر:بيقول بكرا
ساره :طيب وجوز حنان هتعملوا فيه ايه
ياسر:خليه مع فتحي اهو يجيبلنا اي سر مستخبي
ساره:وهو فتحي ده عبيط يطلع بكل الـ جواه
ياسر:لا مانا عرفت منه ان الواد الـ معاه عارف كل اسراره ده شغال معاه من سنين ف احنا نخلي جوز حنان يتصاحب علي الواد ده ويعرفلنا منه كل بلاوي فتحي
ساره :تعجبني دماغك بتخطط تخطيط جامد اوي
ياسر:ده انا عبقري😉
ساره:اوعي الغرور ياخدك بس😉
عند عبير وعلي كانت جهزت وخدها علي المأذون
علي :يلا ياعروسه
عبير:مش مصدقه اني هبقي مراتك كمان شويه
علي:صدقي ومتصدقيش ليه؟
عبير:يااه اخيرا
علي:اخيرا يلا ندخل زمان المأذون جه من بدري
ودخلوا
عبير:هو مفيش حد ليه؟
علي :ابداا اصل هنعزم ناس ويقعدوا يتريقوا علينا ويقولك فستان العروسه وايه العريس يلا المهم نكون مع بعض
المأذون:يااهلا وسهلا نورتوا
علي :الله يخليك يلا عايزين نخلص
المأذون:موافقه ياعروسه؟
عبير:اه موافقه
المأذون:علي بركه الله. يلا قول ورايا ياعريس
عند جوز حنان مع فتحي
جوز حنان:السلامو عليكو
فتحي:يااهلا جاي متأخر ليه
جوز حنان(بيكدب) :بنت اختك منكده عليا يامعلم وانت عارف النسوان كلامهم كتير
فتحي:الراجل الذكي هو الـ يعرف يحتوي😉
جوز حنان(بيضحك) :طبعا يامعلم ده انت خبره
فتحي:طبعا امال ايه ده انا اخد دكتوراه ياض في معامله الحريم
جوز حنان:ماهو باين عليك يامعلم فتحي
فتحي:وااد ياحماااده
حماده:ايوه يامعلم
فتحي:عايزك تغسل المخزن غسله تمام انا هروح مشوار
حماده:من عينيا
فتحي:يلا بالإذن
وطلع برا واتصل بـ ساره
ساره:ده فتحي
ياسر:ردي
فتحي:الوو يادكتوره ياكارولين اخبارك ايه
ساره:هاي استاذ فتحي انا منيحه
فتحي:الحمدلله انا كنت عايز اجي المستشفى عندك قوليلي مكانك فين
ساره(بتكتم الصوت) :يانهار اسود
ياسر:في ايه؟؟
ساره:فتحي عايز يجي المستشفى!!!!
يتبع