رواية احتواء القاسي
الفصل السادس عشر16
بقلم سوسو تويكس
بعد ما ناس خالو مشو رجعت غرفتي وانا تايهة، يا صديق طفولتي والزول البتفهمني والحألقى فرصة اني ارجع أمريكا لانو هو مستقر هناك ولا معتصم البارد المتملك متحكم وقاسي، معتصم القلبو مع واحده تانيه البدخلني في حالة اكتئاب انا في غنى عنها_راسي ح ينفجر من التفكير تاني يوم زي الضهر كده بكري اتصل لي بقيت متوتره لانو هانت لحظة الاختيار يا بكري العارفه مصيري معاهو ح يكون كيف يا معتصم المصيري معاهو مجهول وغامض، انا متأكده انو ما وافق من نفسو اكيد عمي سليمان جبرو، رديت وانا حلقي جافي من التوتر في الاول اتونس معاي حبه تاني سالني بجديه عن رايي، سكت مسافه وشلتا نفس اتكلمت بهدؤ :والله يا بكري انت ماف زيك اتنين و راجل جدعه واي شي بس انا ما شايفاك غير اخوي وصحبي البفهمني والبيست حقي_بكري:😂 حسي في داعي المقدمه الطويله دي، يخ حتى انا
شايفك كده وكنت خايف اتعامل معاك كيف، واتاكدي لو احتجتي لي اي شي انا وراك اخوك وصديقك😂 والبيست كمان_انبسطتا شديد انو هو اتقبل يمكن دي الحاجه البتعجبني فيهو انو ببسط الأمور عشان كده متفاهمين_نادوني تحت للجبنه، اصلا عارفه دي سبلة عشان يعرفو بكري اتصل ولا لأ، لبستا توبي ونزلت لقيتهم كلهم مجتمعين تحت اتونسنا شويه وعمي سالني اذا بكري اتصل ولا لأ، لينه:اتصل_هنا كلهم بقو مركزين معاي الا معتصم بشرب في قهوتو ومشغول مع التلفون كان عارف ردي ح يكون شنو_ساميه:اها ورديتي بشنو _شلتا نفس وحاجه جواي بتقول لي شيلي رجليك واهربي:والله بكري ماف زيو اتنين(هنا لاحظتا لي معتصم ابتسم من ابتسامه جانبيه ما قدرت افسرها شنو) بس انا
شايفاهو زي اخوي ما اكتر_هنا معتصم اتسرق بالقهوة البشرب فيها_سليمان:يعني لي معتصم نقول امين_لينه:انت ادرى بمصلحتي وموافقتي من موافقتك_ضحك وقال:يبقى نقول آميين _خالتو ساميه فكت زغروده طوييله، وملاذ جات تبارك لي يعني كلهم فرحو الا معتصم الكان باين في ملامح الصدمه، وانا مشاعري كلها متناقضه جزو فرحان وجزو بقول لي دي أكبر غلطه عملتيها ما تنسي قلبو مع غيرك، في الف سبب بخليني كان ابتعد وسبب واحد كفيل انو يمحي باقي الأسباب بس الايام بتجي ونشوف.
يتبع