رواية سلطان زمانه الفصل الثامن8بقلم مريم اليوسف
نزلت راسها وقالت : لأنو متزوج
لؤي : شووو ... متزوج؟؟ ... نزلك ع ضرة
رفعت ايدها واشرت بالرقم ٢ ✌️ وقالت : ضرتين
لؤي : عم تمزحي
الاء : لا والله
لؤي : وانت قبلتي عادي
الاء : لا اول ماعرفت جنيت بس ماطلع بايدي اعمل شي ... اخد بسبوري .. وماكنت قادرة اعمل شي ولا حتى انتو كان فيكن تعملوا شي .. هو ماجبرني على شي الا على القعدة ... كان معي كتير منيح وحتى ضرايري مناح معي متقبلين الفكرة .. وهيك لحتى تعلقت فيه وحبيتو وقررت كمل معو
لؤي ؛ بهل البساطة
امو : شو يعني بهل البساطة اختك اقتنعت بحياتها وجوزها منيح .. خلص هاد نصيبها
لؤي : نصيبها ولا غرتكن المصاري
الاء : مصاري ؟؟ ليش بتعرفني هيك
لؤي : ماهو لانوبعرفك مو هيك .. ولانو بعرفك شقد بتغاري
ماردت
لؤي : الاء اختي انت بوعيك لحتى تقبلي تعيشي مع ضراير
الاء : هلق هية صعبة .. بس هشام بحبني كتير حتى اكتر منهن
لؤي : وانت صدقتي
الاء : اي صدقت لأنو شفت هالشي بعيوني وشقد متمسك فيني
لؤي : وبركي هالشي لانك عروس جديدة والاهتمام بس الك بس بكرا لما يصير الاهتمام والحب يتقسم ع تلاتتكن رح تضلي متقبلة الامور بهل الرضا
سكتت وماردت
حمزة : انت لسه مابتعرفو لهشام .. اول شغلة بحبها كتير لالاء وتاني شي بتعرف شو عمل معنا كرمال ابوك... لو ماهشام لهلأ كان ناطر ع الدور لحتى يجي دور العملية تبعتو هي اذا ما فقدناه ونحنا ننطر وماطالع بايدنا شي
لؤي : عنا شقفة ارض ليش مابعتوها
ابوه : انا قلتلن يبعوها والله مو هاين علي صهري يصرف علينا
ام حمزة : شومفكرين تجيب هالارض .. مابتجيب هما .. وبعدين نحنا ماطلبنا منو هو من حالو حجزلو بالمشفى واخدوه
لؤي : حتى لو دفع قليل يلي عملو بالاء ضحك عليها ليتزوجها ... زواج مبني على الكذب والخداع
الاء : لؤي بترجاك تحكي منيح عن هشام صح بالاول كتير كرهتو بس بعدين حسيتو ندم عالشي يلي عملو فيني وحبني كتير ... وحبو الي حببني فيه وتعلقت فيه ... بخاف الله وبصوم وبصلي وبحياتو مازعل وحدة مننا
لؤي : جيت معك هو منيح ومافي منو ... بس انت قدرانة تعيشي مع ضرة .. قصدي مع ضراير الاء انا حافظك كتير منيح ... الضرة مرة يا اختي ... واصعب شي بالدنيا انو المرة وحدة تانية تقاسمها بجوزها
الاء : ماحدا حياتو كاملة ... يعني لو هشام فقير وماعندو غير مرى بس مامعو حق رغيف خبز ايو اهون .. لما ولادك بنص الليل يبكوا بدن ياكلوا ومامعك تطعميهن
لؤي : شايفة انك عم تشوفي الامور من الناحية المادية
الاء : طيب مارح احكي بالمادة .. تخيل تزوجت واحد بيضربني ع الطالعة والنازلة .. او بيشرب .. او بيتعاطى .. او مابجيب ولاد .. او .. او قلتلك مافي حدا حياتو كاملة وكل واحد الله باعتلو غصة .. ومابيقدر يعالجها الا بالصبر .. وانا كرمال ضل جنب هشام رح اصبر على الضراير .. بكفيني انو معبي عيني كرجال
لؤي : اذا هيك الله يخليكن لبعض .. بس بأي يوم حسيتي انك ماعد تتحملي بترجعي لهون على بيت ابوكي معززة مكرمة .. اختي كرامتك فوق كلشي .. وانا اذا اتطر الامر بقطع من لحم كتافي وبطعمكي لاتهكلي هم اي شي بهل الدنيا وانا بضهرك لاخر يوم بعمري .. واذا صار ماصار انت بس خبريني وحياتك بروح بجيبك وين ماكنتي تكوني ان شاء الله على القمر
حمزة بتهكم : شو سهل الحكي
لؤي : عليك مو علي ... ساعتها بشتكي عليه بالسفارة انو خاطف اختي وهنن بخليهن يتصرفو
الاء : شبكن ولوو ماوصلنا لهل المواصيل .. والله هشام منيح كتير والاهم انا بحبو ومستحيل فرط فيه
ابتسم لؤي وقال : طمنتيني الله يخليكن لبعض
الاء : الله يسلمك يارب ويفرحني فيك
لؤي : ان شاء الله
الاء : رح حاكيه يجي مشان يسلم عليك
لؤي : بيتنازل هشام بيك يجي كرمالي
الاء : بالله شوو .. اكيد رح يجي ليش مستقل بحالك اخي
اتصلت فيه وفتحت السبيكر
الاء : الو
هشام : يسعدلي هالصوت
خجلت لانو فاتحة السبيكر وقالت : تسلملي يارب
هشام : شو عم تعملي حبيبتي
الاء : اجا اخي لؤي اجازة
هشام : عنجد اي تمام كيفو طمنيني عنو
الاء : الحمد لله كتير منيح
هشام : طيب ياعمري انا ساعة وبكون عندكن بسلم عليه وبسهر معكن شوي
الاء : اهلا وسهلا بتنور
هشام : بنورك يا نور قلبي
الاء بخجل : اي شو عم تعمل
هشام : هلق طلعنا عمر من المشفى وصار بالبيت
الاء : الحمد لله عسلامتو
هشام : الله يسلمك ... يلا بس اطمن عنو وبجيكن
الاء : اوك
هشام : الله معك
سكرت وحكي لؤي : لا ولوو متواضع هههه
الاء : هههه لو تعرف شو عملت فيهن مارح تصدق
اسماء : احكيلنا الاء
الاء : هاد اول ماوصلت هو كان عليه تهمة مدري شو وفايت ع الحبس واضطرت تجيبني ضرتي يلي انا مابعرفها .. واول ماخبرت اغمى علي ولما فقت كان هو فوق راسي .. وضربتو هداك الكف
لؤي : عنجد
الاء : والله
حمزة : وشو عمل
الاء : ولا عمل شي .. وبلشت مغامراتنا انا على مجاكرة ومشاكل وهو يقلي اطلبي يلي بدك اياه لتكوني رضيانة
حمزة : شو غبية اطلبي شي مليون دولار واهربي فيهن
الاء : هههه لو بطلب كلشي بيملكو بيعطيني بشرط انو ما امشي
حمزة : الله على الحب
الاء : هههههه
~~~~~~~~~~~~•
تاني يوم بالسهرة
وصلت الاء مع هشام لعند بيت اختو وكان الاء حاملة بوكيه ورد وعلبة حلويات
فتحتلن ام عمر وصارت تأهل وتسهل فيهن
الاء : الحمد لله عسلامة عمر وتنذكر وماتنعاد
ام عمر : الله يسلمك ..آمين يارب تفضلوا تفضلوا
هشام : وينو عمر قام من تختو
ام عمر ؛ اي قاعدين بالصالون تفضلو
دخلو وهشام سلم سلام عادي وقعد والاء سلمت وهنت عمر بسلامتو وقعدت جنب جوزها
هشام : شو خال كيفك اليوم
عمر : منيح الحمد لله ... في شوية صداع
هشام : هو الدكتور ماوصفلك دوا مشان الصداع
عمر : مبلى وصفلي ابر بس انا جبت حب بديل مابحب الابر
هشام : وعم تعطي مفعول
عمر : مو كتير يعني الوجع لهلق محمول
هشام :كان لازم تاخد الابرة
عمر : ان شاء الله مابحتاج .. المهم شو جايبلنا معك مبين شي طيب
هشام : اي والله نابلسية
عمر : يا سلاام طيب ما اطعمونا شو ناطرين هلق بتبرد
قامت الاء وقالت انا بسكبها
قامت ملك معها وقالت : جاي ساعدك
طلعو وحكي هشام : حكاني الضابط من المخفر وخبرني انو لقطوا الحرامية
عمر : عنجد اي الحمد لله
هشام : والحمد لله عسلامتك وتاني مرة لاتتصرف هيك تصرف متهور بدون ماتعمل حساب
عمر : لك اعطاني انذار المحل انو عم يتعرض للسرقة قمت نزلت بسرعة وماحسبت حساب شي
محمود : كان لازم تاخد موبايل .. او هويتك .. القتلة واكلتا بس عالقليلة مشان حدا يتعرف عليك
عمر : وقت الله بكون معك لا تاكل هم .. الله بيسهلا وبيبعتلك ولاد الحلال
طلعت ملك والاء من المطبخ ومعن صواني عليها صحون الحلو
ملك : ماعد نخلص من هالقصة
الاء : قصة شو
ملك : ع الحادث يلي صار مع عمر
الاء : صحي كيف صار هيك
ضيفت هشام وهشام اخد منها الصينية وحطها على الطاولة وقعدها جنبو : وقال حرمية كان عم يسرقو المحل وهو حاطط جهاز انذار بالمحل ولما سمع الصوت نزل بسرعة بس هنن كانوا اكتر منو ضربوه ورموه بالشارع وهربوا والباقي بتعرفيه
الاء : وان شاء الله لقطوهن
هشام : اي الحمد لله
رن موبايل هشام بمسج .. فتحو ونزل برداية الاشعارات بس لمحت الاء الاسم وكانت نور : ايمت جايين حبيبي
بس فورا سكر الموبايل ورجعو عجيبتو .. تحت انظار الاء يلي نار الغيرة بلشت تشعل فيها
وشردت بالصحن يلي قدامها
انتبهلا هشام وخاف تكون شافت الموبايل معو
هشام : حبيبتي ماتاكلي حلو .. هاد عزوقك
حكيت بصوت منخفض : هلق باكل يسلمو
وكان عم يحكو وضحكو وهية بغير عالم .. كانت عم تواسي حالها وتقوي حالها : شبك الاء يعني لازم تتعودي على الوضع .. كمان هنن نسوانو والهن عليه حق ... لازم تتحملي .. مافي شي بيجي بالساهل ... رفعت راسها لتفوت بالجو واجت عينها على ملك ومحمود يلي ملك عم اطعميه بايدها ومبسوطين
رجعت نزلت نظرها على الصحن لتحس في شي على كتفها وكانت ايد هشام جذبتها الو وهمس بادنها : شبك حبيبي
الاء : لا مافي شي بس انو مستغربة الوضع شوي .
هشام : نمشي
الاء : لا مابأثر بنقعد كمان شوي مو حلوة هلق جينا
هشام : متل مابدك
الاء : اي صح ايمت بدنا نرجع
هشام : هاليومين
الاء : اي تمام
هشام : بس مو على قطر
الاء : لكن
هشام : ع شهر العسل يلي ناطرنا
الاء بفرح وتعدل مزاجها : عنجد
هشام : اكيد ... انا وعدتك .. وبعدين بدي اقضي معك اكتر وقت بعيد عن الناس كلها .. ليش مين عندي اغلى منك
الاء : الله لايحرمني منك
هشام : ولايحرمني منك
عمر حط الصحن من ايدو على الطاولة بوجع
امو : شبك امي
عمر : رااسي .. حسيتو لمع علي والوجع قوي
هشام ؛ لساتو ولا راح الوجع
عمر : لا لساتو .. وعم يقوى كمان
محمود : كان لازم تاخد الابرة
عمر : مابأثر .. رح اتسطح شوي بركي بخف
تمدد على الكنبة يلي كان قاعد عليها وايدو على جيبنو وعلامات وجهو بتبين شقد موجوع
هشام : يازلمة ليش العناد .. هية ابرة ما اهون ماتتحمل هالوجع
عمر : طيب ماشي .. من هون لربع ساعة يا باخدها يا بكون الوجع راح
مرق عشرة دقايق .. وعمر تجلس ومسك راسو بايده التنتين
عمر ؛ يا الله ... راسي رح ينفجر دخيلكن الحقوني
قام هشام بسرعة لعندو وسحبو من ايدو وقال : قوم معي ..لنروح ع المشفى
وقف عمر بس فورا غمض عيونو وقال : مابقدر .. الدنيا عم تفتل فيني
هشام : حاول امشي معي
عمر : لا لا مابقدر .. الدنيا كلها عم تدور .. كيف بدي اركب بالسيارة
هشام ؛ اتصلو بالدكتور فورا
اتصل محمود وحكالو عن حالة عمر الحالية
رد الدكتور : اخد الابرة
محمود : لا دكتور
الدكتور : عطوه الابرة وبيتحسن ان شاء الله
اخد الموبايل هشام وحكي : مافي داعي نجيبو على المشفى او انت تجي تشوفو
الدكتور : لا حالتو عرضية بس كان لازم ياخد الابرة اول مابلش يحس بالوجع
هشام : طيب مشكور دكتور
الدكتور ؛ اهلا وسهلا .. واذا ما اتحسن بعد الابرة حكوني
هشام : ان شاء الله
سكر وقال : لازم تاخد الابرة
ملك ؛ مافي حدا يعطيه اياها
عمر ؛ هاتوها انا باخدها رح مووت من الوجع حسو فيني
هشام : ليش ماحسيت عحالك من الاول .. المهم مين في هون بيضرب ابر بالبناية
اختو : مافي حدا .. وخصوصا هي ابرة بالوريد لو بالعضل كان ممكن تنحل
الاء ساكتة وماعم تعلق
ملك ؛ اي صح اسماء .. اختك مو ممرضة
الاء بلبكة : اي بس ماممكن تجي بهل الوقت
هشام : انا رايح جيبها
الاء : بس يا هشام
هشام : بس شوو .. الزلمة رح يروح بين ادينا
الاء : مافي شي ..
هشام ؛ انا رايح حكيها خلها تجهز حالا لبين ما اوصل
الاء : ماشي
طلع بسرعة وهية اخدت التلفون واتصلت باختها
~~~~~~~~~~~~•
سحبت الابرة من ايدو وهو عم يتلوى على التخت
اسماء : عمر خلصت بس انت اهدى واسترخي هيك انت عم تزيد الضغط على حالك
عمر : كيف بدي استرخي وراسي رح يفجر
اسماء : حاول .. لا تشد على عيونك كتير ولا تعبس ... خود نفس عميق ..
بلش يطاوعها
اسماء : اي شهيق وزفير ... اذا بدك فيك تضل مغمض عيونك بس لاتشد على جفونك
بلش يسترخي ويفك العقدة بين حواجبو ..
واسترخى ونفسو انتظم
ام عمر : مشي حالو
اسماء : ان شاء الله ... وانا بقول نام
عمر : لا مانمت فايق
فتح عيونو وتجلس
اسماء : خليك نايم احسنلك
عمر : لا نمت كتير
اسماء : كيف حاسس
عمر : الحمد لله الوجع خف كتير واهم شي الدوخة
اسماء : اي الحمد لله .. عسلامة يارب
ترجعت لورا وطلعت من الغرفة كانو البقية برا
هشام : كيف صار
اسماء : الحمد لله احسن
قطعوها ودخلو الا الاء
الاء : ليش ماخليتي حدا يفوت معك
اسماء : توترت .. وبعدين التجمع بزيد الضغط
الاء : اي منيح
اطلعت باسماء كانت لابسة عباية كبيرة شوية لامها بس طالعة مهضومة
الاء : وليش جاي بهل المنظر
اسماء : لسه ماسكرت معك ولا هشام على الباب لبست عباية امي وجيت .. طالعة مبهدلة ماهيك
الاء : لا ولوو طالعة قمر
اسماء : اندهي لجوزك يجي يوصلني مابدي ضل اكتر من هيك مو طايقة شوفها لملك وكمان منظري بيخزي
الاء : ماشي
قربت شوي لعند الباب وحكت هشام تعال مشان توصلنا انا واسماء لعند اهلي
ام عمر : ع وين والله مافي روحة
اسماء : لا شو مافي روحة اتاخرت وبدي ارجع ع البيت عندي دراسة
ملك : اي فنجان قهوة ما بأخرك
اسماء : مو عاملة حسابي والله ..وانا اساسا اتاخرت ... هشام بتوصلني ولا اتصل بأخي
هشام : شبك ولو خمس دقايق
استسلمت وقالت : طيب بس ياريت بسرعة
قعدتها الاء وقعدت جنبها .. وطلع عمر قعد معهن واجت ملك بالقهوة وصارت تضيفن .. واسماء اخدت القهوة منها من دون نفس
عمر عم يتطلع بأسماء الخجلانة وكل شوي تضبط العباية الكبيرة عليها وحاطة عيونها بالارض .. خلصت ملك ضيافة وراحت قعدت جنبها : انا بدي اقعد جنب رفيقتي
قعدت جنبها وضمتها بعفوية وقالت : اشتقتلك كتير
اسماء : تسلمي وانا بالاكتر
ملك : وليش تقلانة علينا
اسماء : استغفر الله ... انا ومن ايمت بتقل عحدا .. بس لما بحس انو غير مرغوب فيني بنسحب
ملك : ومين قال هالحكي
اسماء : احساس
ملك : معك حق انا قصرت بحقكن .. بس كنت مشغولة وهلق ارجعنا عالكروب وعطول عم نحكي بس انت غادرتي المجموعة
اسماء : حسيت مو مرغوب فيني وبعدين انا عندي دراسة مو فاضية
ملك ؛ طيب اذا مزعوجة مني انا بعتذر
اسماء : ولا يهمك
ملك : عم تحكي مع الصبايا
اسماء : قليل
ملك : رح رجعك ع الكروب وتشوفي اخر الاخبار
اسماء : لي شو صاير
ملك : اسمهان ابن عمها حكي فيها
اسماء : عنجد .. وبدا توافق
ملك : اي .. اهلا يلي وافقو هية ما الها كلمة
اسماء : يلا بركي بكون ابن حلال .. الله يهنيها
حكت ام عمر : عقبالك يا حبيبتي
اسماء : تسلمي يارب
خلصت فنجانها وحكت : شو صهري بتوصلني ؟
الاء : انا رايحة معك
هشام : طيب ... مشينا
الاء : مشينا
وقفوا وودعوهن وطلعوا
~~~~~~~~~~~~•
وصلوا لقدام البناية ونزلت اسماء والاء بقيت
هشام : ضروري تنامي اليوم عند اهلك
الاء : لكن وين بدي نام
هشام : مثلا نروح ع الاوتيل
الاء: لا ماحزرت مبارح واليوم طول الوقت مغطية رقبتي
هشام ؛ لي شوفيها رقبتك
الاء : على اساس مابتعرف
هشام : لا مابعرف فرجيني لشوف
الاء : قليل ادب
هشام : ههههه ... المهم اشبعي من اهلك بعد بكرا رح نغادر البلاد
الاء : امم وع وين بدك تاخدني
هشام : انت وين حابة تروحي
الاء : دبي
هشام : تكرم عيونك دبي دبي .. بس انا كنت حابة نروح ع شي دولة اوربية او على شي جزيرة
الاء : لاا دبي حلوة وكتير وبيحكو عربي ع القليلة
هشام : طيب تكرم عيونك .. وبنبقى بنروح شي رحلة عشي دولة اوربية
الاء : ان شاء الله
رن موبايل هشام
الاء : مين
هشام : رياض .. اكيد كرمال الشغل
الاء ؛ لكن انا نازلة
هشام : تعي لهون مافي نزلة بكير
الاء : طيب رد
هشام : الو .. اي .. الحمد لله تمام ... ليش في شي ..... اممم ... معك حق كتير مهم هالمشروع ... طيب رح شوف وبرد عليك خبر ..بس الاغلب رفض ... هيك الوقت مو مناسب .... خلص بفكر وبرد عليك خبر
سكر ونفخ
الاء : شوفي هشام
هشام : شغل ..
الاء : اي فهمت انو شو بس شو قصة المشروع
هشام : عرض شراكة لشركة بتشتغل بنفس مجالنا
الاء : انت تصير شريك معن ولا هنن يصيرو شركا معكن
هشام : لاا انا مابدخل شركا معي بكفي واحد ... انا ادخل شريك معن
الاء : اي كتير حلو .. بس ليش بدك ترفض
هشام : الشركة جديدة وبدا تبني محطة تكرير نفط وطلبو المساعدة لخبرتنا او لخبرتي بالأصح .. لكون معن على ارض الواقع واشرف على الشغل مقابل ادخل شريك .. واذا ماعطتين الموافقة رح يتعاقدو مع شركة تانية
الاء : وليش بدك ترفضو كتير حلو العرض
هشام ؛ بدن يبلشو بالشغل خلال اسبوع بالكتير وانا مو فاضي
الاء : قصدك مشان شهر العسل
هشام : اكيد ياعمري .. بدي بس كون معك
الاء : بس عرض كتيير حلو حرام تروحو عليك
هشام : فداكي
الاء : تسلميلي يا حبيبي ... بس شهر العسل ممكن نعوضو هاد الشغل يمكن مايتعوض
هشام : بكون مقطوع منو النصيب
الاء : لا انا مارح اقبل ... انت لازم تسعى لتكبر ويكبر اسمك .. وبعدها بتصير طلعتنا طلعتين منو شهر عسل ومنو حلوان الشغل الجديد
هشام : اممم
الاء : مابدا تفكير ...
هشام : بس ياعمري الشغل رح ياخد كتير من وقتي واحتمال غيب عن البيت حوالي الشهر
الاء : اف
هشام : اكيد لانو المكان رح يكون بعيد ومافيني روح واجي كل يوم .. وحتى اتصال ما اقدر احكي مع حدا
الاء : اذا هيك مابعرف انا قصدي عشهر العسل بيتأجل .. وانت شوف وضعك
هشام : خلص رح فكر بالموضوع
الاء : وهلق مابدك تنزل
هشام : لا اتاخر الوقت وبكونوا اهلك نامو
الاء : طيب ماشي تصبح على خير
هشام : ايو تصبح على خير .. افتحي واتس بدي حكيكي
الاء ؛ ههه طيب ماشي ... وفكر منيح بالعرض وبعدها خبرني شو رح تقرر
هشام : هلق بكل الاحول بعد بكرا لازم نكون مسافرين
الاء : الله يسر يارب
~~~~~~~~~~~~~•
بعد يومين
قطر
عباب فيلا هشام ..
وقفت السيارة يلي جاي فيها هشام والاء من سفرتن
.. بس الاء ما نزلت والتفت عليها هشام
هشام : شو مو حابة تنزلي
الاء : ياريت خليتني عند اهلي لبين ماخلصت شغلك
هشام : بس ياعمري مابعرف شقد ممكن ضل بالشغل ... ورح اعمل جهدي مشان ارجع عبكير وكون معك الك وبس
الاء : طيب ايمت مسافر
هشام : بعد ٣ ايام
الاء :يعني بتلحق عند كل وحدة ليلة
هشام : واذا بدك بقضيهن بس معك
الاء : ماهيك كان الاتفاق .. بس يلا لعله خير ... مابدي كون ندلة كمان هنن الهن حق عليك
هشام : دخيلو يلي بيفهم وبقدر
الاء : انا رح انزل وانت انطر شوي وبعدها انزل
هشام : ليه
الاء : مابدي شوفهن وهنن عم يستقبلوك
هشام : غيرانة علي
الاء ؛ لا غيرانة عليهن 😒
فتحت الباب ونزلت
وحكت متل ماقلتلك .. رح قلن عم يحكي على التلفون
مشت وهية عم تكابر على حالها ..
دخلت ولقت حلا ونور بقمة جمالهن واناقتهن .. وقفت شوي مصدومة فيهن .. بس اتدارك الوضع ومشت اتجاهن
نور : الحمد لله عسلامتك
قربت وضمتها
الاء : الله يسلمك
حلا : وينو هشام
الاء : عم يحكي تلفون هلق بفوت
حلا : اي الحمد لله على السلامة
الاء : الله يسلمك
نور : كيف كانت سفرتكن
الاء : منيحة
نور : تعي اقعدي مبين عليكي تعبانة من السفر
الاء : لا طالعة عغرفتي
واسرعت بمشيتها وطلعت على الدرج .. بس فضولها استوقفها لتشوف هشام كيف بدو يسلم على نسوانو
وتخبت ورا عامود كبير وعريض وبتقدر تتخبى وراه وصارت تراقب
دخل هشام والابتسامة على وجهو .. واستقبلو اول وحدة نور يلي ضمها بقوة وهية باستو على خدو وبعدت عنو وقربت حلا يلي مسكها من ايدها وفتلها وقال شو هالحلا كلوو
وضمها
واجو ولادو يركضوا لعندو وحملهن واحد واحد وصار يبوسن بحب وحنان
هشام : شو اشتقتلكن
نور : بس للصغار
هشام ؛ الكبار قبل الصغار وحياتك وبعدين شو هالجمال كلو انت واياها
حلا :هلق نحنا متل مانحنا بس يمكن لانو عم تشوفنا بعيون مشتاقة
هشام : معك حق
نور ؛ وين بتحب ترتاح لبين مايصير الغدا
هشام : مين يلي بدها تستقبلني عندها
حلا : وين مابتحب حبيبي الخيار الك
هشام : لكن رح كون اليوم مع نور (وغمز حلا) وبكرا عندك مشان نرجع الدور
حلا : متل مابدك ابن عمي ... انا رايحة شوف الغدا
طلعو نور وهشام على الدرج والاء انسحبت بسرعة وركضت على جناحها .. سكرت الباب وراها وصارت تمشي بتثاقل ... وصلت لعند التخت فكت حجابها ورمتو وقعدت على حافة التخت وعيونها مدمعين ... الغيرة ماحدا بيقدر يتحكم فيها .. شعور صعب كتير وخصوصا النساء
وبعد موجة من البكي .. مسحت عيونها وقالت : خلص لازم اتقبل الوضع .. هنن نسوانو والن حق عليه ... وكمان انا قبلت كون معو معد فيني انسحب ... لازم عود حالي على الصبر ... الله يسامحك يا هشام .. الله يسامحك بس ياريتك ماعملت فيني يلي عملتو ... رح ضل لاخر يوم بعمري احترق بنار الغيرة بسببك ... الله يسامحك بس
مدت ايدها على راسها تحسستو بالم .. وبعدها مسحت دموعها وتمددت على التخت وغمضت عيونها لحتى ترتاح
~~~~~~~~~~~•
المسا
حست الاء على حدا عم يفيقها
فتحت عيونها بتعب واستغربت العتمة يلي محاوطتها
هشام : الاء حبيبتي حاجتك نوم يلا فيقي
تجلست وقالت : شقد الساعة
هشام : ٩ يلا قومي كلي شي لقمة ما اكلتي شي من الصبح وغسلي وجهك مو منيح النوم كتير
الاء : وراحت علي العصر والمغرب
هشام : بعتهن مرتين يفيقوكي وما حسيتي
الاء : شكلي تعبانة من السفر
هشام : مو مشكلة .. قومي اقضيهن وانزلي اتعشي معنا
الاء : مالي نفس
هشام : شو هي مالي نفس .. قومي يلا من الصبح بعدك ع وجبة الطيارة
الاء : طيب هلق بنزل .. روح انت
هشام : واذا مابدي روح
الاء : خليك
قامت ودخلت على الحمام وهية حاسة انو حاملة بقلبها عليه
وقف وهو مستغرب: شو عم يصير معها
شوي وطلعت من الحمام ومعهاومنشفة عم تنشف فيها واتطلعت بالغرفة مالقت حدا
الاء ؛ مابدي روح قال... لك انا غيبة عم صدقو
طلع صوتو من الغرفة التانية يلي بالجناح وقال : بشو كذبت عليكي
خجلت بس ما اهتمت وراحت لعند الخزانة وصارت تاخد تياب الها حطتن على التخت وقعدت قدام المراية تضبط شعرها نزل هو لمستواها وضمها من كتفها واتطلع عليها من المراية وقال : بشو كذبت عليكي
رمت الفرشاية من ايدها وقالت : انت كل حياتك كذب بكذب ... بس انا المجنونة صدقتك وانجريت وراك وصدقت انك بتحبني
هشام : اناا مابحبك
الاء : بجوز بتحبني بس مو اكتر منهن ... مابدي منك شي بس لاتكذب علي وتقلي مافي غيرك بقلبي
هشام ؛ وحياتك عندي مافي غيرك بقلبي
الاء : فوق ماعم تحلف كذب عم تحلف بحياتي
هشام : ياعمري انت حياتي اغلى عندي من كلشي بهل الدنيا
الاء : لك بكفيي حااج .. حااج .. ماعد اتأثر بكلامك الحلو معد يمرق علي
هشام : هيك لكن
الاء : اي هيك
هشام : طيب شوبدك
الاء : مابدي شي بس لعد تكذب علي .. خلينا ع الواقع مشان ما اغوص باحلام تافهة
هشام : بس والله العظيم بحبك ... بحبك وبموت فيكي معقول كلشي عشناه وعم تشككي فيني
الاء : ماهو يلي عم عيشو نور وحلا عم يعيشوه وزيادة اي يمكن بتحبني بس كمان بتحبن متل مابتحبني وحتى اكتر .. وهاد ما اسمو حب هاد اسمو ضحك
هشام : مابنكر انو مابحبن بس والله مو اكتر منك انت مستحلة عرش قلبي كلو .. انت بالقمة
الاء : هاا
هشام ؛ والله .. شو اعمل لحتى تصدقي
الاء : مازال هيك ماننزل على العشا بنتعشى هون
هشام : طيب ماشي متل مابدك بس مابدي هالشي يصير عادة ... عم كون معك وماعم اتطلع وراي بس بنفس الوقت هنن عم ينجرحوا مني
الاء : اي خلص لكن روح لعندن كلشي والا مشاعرن
هشام : يا قلبي ياعمري .. بترجاكي كبري عقلك وفهمي وضعي
الاء : مازال بدك تراعي وضعك لييش جبتني وظلمتني معك ... انا مابقدر عيش هيك .. هنن عم ينجرحوا وانا شو ؟ انا عم اتقطع من جوا بس شوفك قربت من وحدة منن
سكت وماعرف شو يرد
وبعد صمت حكي : يلي صار صار .. بس انا بحبك وانت بتحبيني ... ومافي حل غير انك تصبري يمكن هالفترة تلاقيها صعبة وبعدها يمكن تتعودي متلن .. وانا كرمال تتقبلي الوضع مستعد لكلشي .. بدك تطلعي على بيت لحالك وهيك لابتشوفيهن ولا بشوفوكي
الاء : لا مابدي شي
هشام : طيب عشان اغلى شي عندك ... وعشان حبنا تحملي .. وبعدين بكرا بس تطلعي على الشغل وتشوفي الناس وتتعلمي ع السيارة وتصيري بزنز وامن رح يتعبى وقتك ويصير بحياتك كتير شغلات حلوة ... بدي شوفك احسن الناس وشوف حالي فيكي
نزلت راسها بأقتناع يمكن المصاري او هيك حياة مثالية عنجد بتغري
رفعلها راسها لعندو وقال : بترجاكي بلا نكد .. خلينا نعيش اللحظة وبس .. ولما مابكون عندك لاتفكري فيني اشغلي حالك بأي شي اتجاهلي اي شعور سيء ..
الاء: طيب انت عنجد بتحبني
هشام : لك بحبككك ... بحبككك .. والله بحبك
ابتسمت وقالت : طيب انا شوي وجاي اسبقني
هشام : لا تطولي مارح ناكل لتنزلي
الاء : لا مارح طول
باسها من جبينها وطلع من عندها وهية قعدت ع كرسي المراية مرة تانية وعم تطلع على انعكاس صورتها وقالت : هو اناني كتير .. بس كمان عم يقدملي شي مابحلم فيه وحتى صايرة انانية متلو عم الحق مصلحتي .. يمكن عنجد متل ماقال لازم اصبر .. وغير هيك مابقدر عيش بدونو ... واكيد مافيني قلو طلقهن ... ياارب تكون معي ... انا بمكان لاقادرة عيش ولا قادرة كمل ولا قادرة ارجع كل الطرق اصعب من بعضها ... بس والله مابقدر .. بجن بموت بس اوعى على فكرة انو متزوج غيري ... الله يسامحك بس
~~~~~~~~~~~~•
نزلت ع العشا .. وكانت عم تتصرف بهدوء .. مست عليهن وقعدت كانو عيونها منفخين
من النوم ومن البكي
حلا : ليش هيك عيونك منفخين .. شو كنتي عم تبكي
الاء بغيظ : وليش لأبكي ... كنت نايمة وانا عيوني حساسين دغري ببين عليهن
ابتسم هشام وماعلق ..
اطلعت بالاكل وحست اتجاهو بالقرف ... نفسها مسدودة على كلشي
حطت الشوكة من ايدها ورجعت لورا
هشام : ماتاكلي
الاء : مابنفسي
هشام ؛ بس من الصبح بلا اكل
الاء ؛ والله مابنفسي شي
هشام : يعني الاكل ماعجبك
الاء : خلص لاتاكل همي بعد شوي باكل
حلا : يلا احسن .. مشان تضلي رشيقة مو هيك ابن عمي .. انت مابتحب المرى المربربة
هشام : مو وقت هالحكي
حلا ؛ ليش مو وقتو عم انصحها لمصلحتها .. انتبهي الاء ها هشام ابدا ابدا مابحب المرى السمينة
رفعت نظرها الاء بين هشام وبين حلا يلي هشام بين عليه الانزعاج
ترك من ايدو وقال : نور الحقيني على جناحك
وقف وراح والاء عم تراقبو بعيونها وهو عم يتجنب النظر عيها
وهية قامت طلعت وراه على جناحها
~~~~~~~~~~~~•
قاعد على الكنبة يلي بجناح نور وشابك ايديه ببعضن ومنزل راسو وشارد بالارض
دخلت نور وقعدت جنبو ولفت اديها على كتفو وقالت : شبك ابن عمي .. مبين عليك تعبان
رفع نظرو عليها وقال : اي والله تعبان
نور : سلامة قلبك من التعب
قامت على الحمام وغابت شوي وجابت معها طشت(وعاء ) فيه مي دافية وقعدت عند رجليه
حط رجليك هون وبترتاح
شلح من رجليه وحطهن بالمي ونور صارت تعملو مساج لرجليه داخل المي وهو حس بالرياحة رجع ضهرو لورا وفرد ايده ع ضهر الكنبة ... وشرد بالسقف والابتسامة على وجهو وقال ؛ والله حلوين ولو بصرلي الرابعة مابقول لأ.. وكل وحدة عندها شي مميز عن التانية بخليني اتعلق فيها .. بس انت يا الاء انت معذبة قلبي ... نزل نظرو على نور يلي قاعدة وشعرها نازل ع كتفها وعم تعملو مساج لرجليه بكل طاعة .. مد ايدو وسحب اديها من المي ورفعها ووقف معها .. طلع رجليها من الطشت ووقف قدامها وسرح بجمالها
هشام : يسلم هالايدين يلي كلهن رقة
نور : الله يسلمك حبيبي المهم عندي رياحتك
هشام : وانا كتير مرتاح ... تعي معي لقلك
اخدها من ايدها ودخلو على غرفة النوم
(والله يا الاء صح هو بحبك بس كمان بحب نور وحلا واذا صرتو اربعة كمان رح يحبكن كلكن بس الظاهر انت مميزة .. هدول هنن الرجال شوبدك تعملي 😅😅)
~~~~~~~~~~~•
تاني يوم مرق عادي .. الاء قضتو نوم ماعم تعرف شو هو السبب واكلها خفيف وحتى حكيها خفيف وختمها هشام مع حلا
واليوم التالت كمان نفس الروتين .. الاء ما طلعت من غرفتها وطلبت الاكل لعندها ... حاسة حالها كرهانة نور وحلا كتير ومو طايقة تشوفهن
اجا هشام على وقت الغدا .. سلم على الجميع وفورا على سفرة الغدا ... بس الاء ماكنت موجودة
هشام : وينها الاء
حلا ؛ ماحلك تتعود عليها
هشام : طيب اكلت
نور : اي طلبت اكل على جناحها
حلا : حبيبي شو النظام بس بيمشي علينا .. اذا هيك من بكرا انا بدي اكلي يطلع كلو على جناحي
هشام : نظام هاد البيت مارح يتغير وانا رح احكي مع الاء وفهمها .. او انت نور ابقي احكي معها وفهيميها نظام البيت
نور : ولا يهمك ابن عمي
حلا ؛ ايمت سفرتك
هشام : بكرا ان شاء الله ... خليهن يجهزولي شنتة كبيرة .. وتياب تقيلة الجو عم يقلب ع برد والمنطقة بشكل عام رح تكون باردة
نور : الله يّسر يارب
اكل لقميتن وقام وقال: انا طالع لعند الاء .. يمكن ما انزل على العشا
طلع لعندها .. وفتح الباب ودخل ... شعور حلو تسلل لقلبو لما تنفس ريحتها .. تنهد بحب وكمل لجوا .. شافها قاعدة ع حرف التخت وطابة راسها على الطاولة يلي جنب التخت ولما حست على وجودو رفعت راسها ومبين عليها التعب
راحت الابتسامة عن وجهو وقرب لعندها نزل لعندها هشام : شبك حبيبتي
الاء : راسي واجعني شوي مع دوخة
هشام : لانك ماعم تاكلي منيح
الاء ؛ ماعم يجي عبالي
هشام : تروحي على الدكتور
الاء : لا مافي داعي
هشام ؛ طيب شو عم يصير معك
الاء : من يوم الطيارة حاسة حالي تخربطت
هشام : مع انو لما رحنا ماصار معك هيك
الاء : يمكن لانو كنت متحمسة على الروحة بس بالرجعة ماكان عندي نفس الحماس .. وحسيت باعراض السفر
هشام: امم يعني مو متحمسة على الجية لهون
الاء : عشو بدي اتحمس ع شوفة حلا ونور
هشام : بدنا نرجع لنفس السالفة
الاء : ماحكيت شي
هشام : تسكني لحالك
الاء : لا مابدي .. مشان صير كل تلت ايام شوفك يوم .. لا خليني هون عالقليلة بتابع اخبارك
هشام : دخيلها اخبارك .. اي طمنيني عنك شو اخبارك
الاء : اصلا انا تعبانة لانو مشتاقتلك كتير .. وعم ضل حابسة حالي مشان ماتبين علي
ضمها وقال : مين قلك انو انا مو ميت عليكي وعم اتمنى الوقت يمرق بسرعة لكون معك
الاء : بس انا مشتاقتلك اكترر ... عم نام وفيق بفكر فيك انت شو عامل فيني
هشام : انا ولا انت
~~~~~~~~~~~•
الوقت عند الغروب وهشام والاء قاعدين على بلكونة جناحها .. قاعدين جنب بعض وهية حاطة راسها على كتفو وشاردين بالغروب وايدو على شعراتها عم يلمس عليهن
الاء : شقد بدك تطول سفرتك
هشام ؛ مابعرف .. بس قلتلك رح اعمل جهدي ارجع بكير
الاء : وانا رح اشتقلك كتير
هشام : وانا اكتر
الاء : فيني حكيك مو هيك
هشام : انا بوقت الشغل مابحمل موبايلي الا للضرورة .
الاء ؛ بالله شوو وانا شو اعمل بحالي
هشام : خلص ابعتيلي واكيد رح فضي حالي كرمال حكيكي يا عشقي ... اي صح صار عندك بطاقة بنك ليكيها جنب تختك ومعها كلمة السر
الاء : طيب ماشي يسلمن .... حبيبي
هشام : عمري
الاء : مشتهية الشاورما وتكون مسقسقة بالتوم
هشام باستنكار :توم ؟
الاء : اي كتير هافة على نفسي
هشام : تكرم عيونك يا عيوني
~~~~~~~~~~~~~•
الصبح واقف هشام قدام المراية عم يظبط الكرافة بعد مالبس ساعتو الفاخرة .. وعم يتطلع على الاء يلي غرقانة بالنوم
هشام : الاء... يا الااااء ... شو عم يصير معها هي مابكفي دوختنا بريحة التوم ونامت فورا ملا اشتياق.. في وحدة بتودع جوزها وريحتها توم .. وياريت ودعتني متل الخلق
اخدت شنة يد وطلع برات الجناح
فتحت عيونها بصدمة بعد ماسمعت هالكلمات .. هو كان عم يحكيهن بطريقة عتاب بس هية فهمت غير قصد
تجلست وهية عم تتاوب وعيونها دمعو
بعد صفنة طويلة رفعت الغطا عنها ولبست روبها وطلعت بسرعة من جناحها ومشت بممر الطابق العلوي لوصلت لمقدمة الدرج .. بس وقفت وقت شافتو بعد عن نور وضم حلا وهو عم يقول : رح اشتقلكن كتير ديرو بالكن على حالكن وعلى الولاد
وتركهن وطلع وهية رجعت منهارة على غرفتها ودخلت بنوبة بكى ...
الاء : راح وما ودعني ... وكان عم يشتكي مني ... طيب اشتهيت شوفيها ... ماعد يحبني ... بلش يمل مني ... اكيد هنن احلى مني .. حبو الي كذب بكذب
كانت حالتها غريبة .. وظاهر كتير تخربط الهرمونات عندها .. وصرنا بنعرف السبب تقريبا يلي لسه محد عرفو بقصتنا
~~~~~~~~~~~~
~~~~~~~~~~~~
مرق يومين على حالتها ... ماعم تحكي مع حدا ولا عم تطلع من غرفتها ... مقضتيها بكي ونوم .. ولاحظت على حالها انها عم تنام كتير .. وظنت انها حالة اكتئاب .. وبحثت على غوغل وطلع عندها كثرة النوم بحالة الحزن بداية لمرض النوم القهري
علامة الخوف اجتاحت وجهها
الاء : النوم القهري ؟؟... ليش ... اكيد لانو مقضيتها حزن وبكي ... لازم اطلع من هي الحالة قبل مايتغلب علي المرض ... لازم انشر الطاقة الايجابية حوالي
قامت بدلت تيابها ولبست فستان حلو فيه الوان فرايحية مع لمسة مكياج ناعمة وقررت تنزل تقضي وقت مع ضرايرها
نزلت وكان البيت هادي كتير ومافي اثر لحدا
نزلت وصارت تتفتل بالفيلا وتكتشف شغلات اول مرة بتنتبهلا ليجي عمسمامعها صوت الخادمة : مدام الاء .. طل القمر
التفتت عليها وابتسمت
وقالت : قمر فرد مرة نجود لا تبالغي
نجود : والله ماعم بالغ بتصدقي يمين بالله انو حبيتك من كل قلبي .. حتى اكتر من مدام نور ومدام حلا
الاء : اف
نجود : اي والله .. مع انك مابتضحكي وجدية .. بس هو هالشي يلي بخلي الناس تحبك مانك مصتنعة
الاء : تسلميلي وانت كمان مافي منك وبتنحبي .. والله يبعتلك ايام حلوة
نجود: تسلميلي يارب
ضحكت الاء وقالت : طلع في حدا بهل البيت بحبني عنجد
نجود : ليه عم تحكي هيك وهشام بيك وين راح
الاء : الرجال اكذب مخلوق على وجه الارض
نجود : ليه هيك عم تحكي
الاء : هشام بحب حالو مو اكتر
نجود : لا بالعكس هشام بيك بحبك كتير
الاء : كمان بحب معي نور وحلا
نجود : لا لا انت مميزة عندو ... صرلي فترة منيحة بشتغل هون وصرت حافظتهن بصم وبعرف شو عم يفكرو من عيونن .. وهشام من لما جيتي تغير كتير نظراتو عليكي غير ... سؤالو عنك طول الوقت
الاء حست قلبها رجع ينبض بالفرح ..
الاء : طيب شو بتعرفي عنن هاتي احكيلي .. وشو يلي باكدلك انو بحبني الي
نجود : شغلات كتير وبدها قعدة
الاء : بنبقى بنقعد لكن ... اي صح نور وحلا وينن
نجود : يمكن بالجمعية .. واصلا مدام نور وحلا .. وقت بكون هشام بيك مو بالبيت مابفوتوه... مشاوير ومطاعم وشوبنك وجلسات مساج وعناية بالشعر وبالبشرة وشغلات مابتخلص
الاء :اممم
نجود : صح مدام اطلعي انت وغيري جو والله في اماكن بتجنن
الاء : مابعرف لحالي
نجود : اطلعي مع البيك .. او اذا بتحبي انا بروح معك
الاء : فكرة .. لكن بنظبط روحة
نجود : وانا تحت امرك
الاء : ما يأمر عليكي ظالم
نجود :بتحبي حضرلك شي تشربيه او تاكليه
صفنت الاء وقالت : مشتهية شي حلو ؟
نجود : في كيك شو رأيك
الاء : ياريت
نجود : مع فنجان قهوة
الاء : لا بلا القهوة
نجود : تكرمي
راحت نجود وضلت الاء توجهت ع الصالون ... وهاد اكتر مكان بيجتمعوا فيه وصارت تتذكر هشام وحست انها كتير كتير مشتاقتلو
الاء : شو حلو البيت بدون نور وحلا بس بلا هشام بنوب مو حلو .. ياربي شو صابني كتير مشتاقتلو ... حتى مشتاقة لريحتو وقلبي دايب عليها
اجت نجود بالكيك وكان بالشوكلا
والاء لما شافتو حست بالأشمئزاز : لا لا مابدي
نجود : ليش طيب كتير
الاء : معد بدي ... حاسة بالشبع
نجود : طيب بتحبي اعملك شي تاني
الاء : لا .. انا طالعة ارتاح بغرفتي هالمكان عم يخنقني
طلعت الاء ونجود رفعت كتافها وقالت : تصرفتها غريبة
طلعت على الدرج وكانت رجليها عم تسوقها بسرعة على غرفة هشام الخاصة فتحتها ودخلت شافت قناني البرافان على المراية
اخدت قنينة بخت على ايدها وصارت تستنشقو بارتياح .. غمضت عيونها وصارت تستمع بالريحة
الاء : يا الله شو اشتقتلك .. منيح لقيت ريحتك تصبرني على غيابك
حطت البرفان مكانو وراحت على غرفة الملابس ... فتحت خزانة القمصان واخدت قميص وضمتو الها مع استنشاق ريحتو ... بعدتو عنها وتنهدت بحب .. واجت بدا ترجعو على مكانو .. لفت نظرها شي مألوف عليها وكان محطوط على الرف .. مدت ايدها واخدتها وماكانت الا بجامتها يلي كانت تلبسها ... ضحكت بفرح بعدم تصديق هالحركة بتوضحلا اديش هو بحبها ومحتفظ بشي بخصها
الاء : اكيد بحبني اكتر وحدة ولا ما احتفظ ببجامتي ... ياالله مو مصدقة ... ايمت بدك تجي والله كتير اشتقتلك
رجعت كلشي لمكانو بعد ما حست حالها اكتفت من اشيائو .. وطلعت وطاقتها متجددة.. حست في ضجة تحت وعرفت انن وصلوا نور وحلا وقررت تكمل لعندن لأنو اذا دخلت على غرفتها رح يتغلب عليها النوم
نزلت لعندن ومبين كانوا بالشوبنك ومعن كتير اكياس
الاء : شو جايبين السوق وجايين
حلا : وشو زاعجك
نور : هههههه شوبدنا نعمل كلشي حلو
الاء : وشو اشتريتوا
نور : الاهم انو جبنا اكل جاهز وقلتلن يحطولنا اياه مشان نتغدا
الاء : وشو جبتو
نور : سوشي .. دايقتيه
الاء : لا
نور : رح تحبيه كتير
الاء : بنجرب
نور : كان بدنا ناخدك معنا بس كنتي نايمة
حلا : الحمد لله انك كنت نايمة
نور : خلصنا حلا
حلا : بالله شو.. لا ماخلصنا وبتفهميها تحترم نظام هاد البيت حاج عايشة على كيفها
الاء : واذا ما احترمتو
حلا : والله بدك تحكي هالحكي لجوزك لانو هو يلي طلب انو نفهمك نظام البيت وتحترميه
الاء : مارح صدق
حلا : شو يانور .. شو قال هشام
نور ؛ مابعرف ومادخلني ... وحتى يجي يسطفل منو الها
حلا : لكن عشو عاملة حالك الكبيرة
نور : ماني كبيرة على حدا .. وخلصنا بقا خلينا مروقين
حلا : ليش هالمخلوقة بتكون بمحل وبتخلي الجو رواق
الاء : والله اناماعم اعمل شي انت يلي عم تجني وقت تشوفيني
حلا : وحياتك ولا فارقة معي
الاء : اي واضح
حلا : كلمتين مافي غيرن بدك تحترمي قوانين هاد البيت
الاء : واذا ما احترمتن
حلا : بنحكي مع هشام يا اما النظام بيمشي على الكل يا اما يلاقي حل .. وبتعرفي انت هشام مارح يكون رضيان بهيك مشاكل مشان هيك اقصري القصة وبلا مشاكل وخلينا صحاب
نور : الاء حلا معها حق .. خلص انت صرتي وحدة مننا وفينا وبدنا نعيش مع بعض عطول مو يوم ويومين
الاء بنفاذ صبر : وشو هنن القوانين ؟
نور : الاجتماع على سفرة الاكل اهم قاعدة ... مافي حدا ياكل بغرفتو
الاء : وغيرو
نور : هشام كل يوم عند وحدة ومافي حدا ياخد دور التاني
حلا : ممنوع تطلعي من البيت وقت هشام بكون بالبيت .... وبدك تحترمي يلي اكبر منك .. يعني انت بدك تحترميني متل ما انا بحترم نور .... اما بالنسبة لقوانين هشام الخاصة يلي هية انو مابحب يشوف مرتو اكتر من مرة بنفس اللباس ... وبدك تتعودي على كلمة ابن عمي ... واهم قاعدة اذا بدو يتزوج الرابعة مافيكي تعترضي ... وبالمقابل رصيد بالبنك مفتوح .. سيارة .. شغل ... تحققي احلامك ... ورجال حنون عليكي
الاء : ههههه هالحياة يلي ماشية على قوانين وانظمة انتو متأكدين انو هي حياة زوجية
حلا : ليش شبها
الاء : علاقة مبينة على التبادل .. قدملي لقدملك
حلا : عاساس انت مو هيك ... فيكي تفهميني شو يلي مخليكي بيناتنا لهلق مو المصاري والحياة المثالية
الاء : طبعا لاء .. انا كل هي الامور مابتعنيني
حلا : بالله شووو ... ما عاساس مابتعيشي مع ضراير .. شو يلي غير رأيك .. مو المصاري
الاء : اكيد لاا .. والشي يلي مصبرني هو هشام وانو حبيتو وشي اكيد ماعندك اياه لانو حب المصاري والمصالح عامي على قلبك
حلا ضحكت ضحكة عالية : ههههههههه والله ضحتيني من كل قلبي ... قال حبتو قال
نور : خلصنا بكفي انت وايااها
حلا اتجاهلت نور وتابعت حديثها مع الاء وقالت : روحي احكي هالحكي لغيرنا مو علينا ....
الاء بجكر : بحبو وهو بحبني كمان مشان تموتي بقهرك
حلا : يا حرااام عايشة الدور كتير ... وانت مصدقة من كل عقلك انو هشام بحبك بس الك ... هشام بحب كل نسوان الارض .. وشي اكيد عم يدللك لأنك جديدة وعم يسمعك كم كلمة لحتى يكسبك مو اكتر .. بس نجي فيها للمنطق على شو بدو يحبك اكتر مننا .. انت حاولتي تقارني حالك فينا ... ماعندك اي شي ممكن يجذبو او يحبو فيكي ... جايبك تسلاية مو اكتر صغيرة وهبلة ومنو قال لجرب وحدة عادية زهق من الحلو كتير يقبر قلبي
الاء : كل حكيك مارح يأثر فيني لانو انابعرف انا شو وبعرف هشام شو
حلا : طيب جيت معك .. هشام يلي بحبك حكاكي شي هاليومين
الاء : لا .. بس متأكدة لأنو مشغول بس يصير عندو وقت رح يحكيني
حلا : عجب عندو وقت يحكيني لكن
اخدت موبايلها وفتحت على اسمو وفتحت على فويس جاي من هشام : مرحبا حبيبي كيفك وكيف الجميع اشتقتلك كتتتير مو مصدق ايمت خلص هالشغل واجي لعندك
انسحب اللون من وجه الاء بالصدمة
وانسحبت فورا من المكان وطلعت على الدرج تركض
نور : شووو عملتي انت
حلا : هيك مو طايقتها
نور : شو عاملتك المخلوقة .. ما اذت حدا بكلمة
حلا : شو حبها بالاجباري
نور : وايمت هشام حكاكي
حلا : هههه شو انت كمان غرتي
نور : القصة فيها كذب .. هاتي الموبايل لهون
حلا : مارح اعطيكي اياه
هجمت نور بسرعة مو متوقعتها حلا وسحبت الموبايل من ايدها.. حاولت حلا تسترجع موبايلها .. بس نور قدرت تمنعها بايد وبالايد التاني كانت عم تشوف شاشة الموبايل ...
نور : هاد تسجيل قديم ... وتقريبا من لما كنتي انت عروس .. ومثبيته فوق ... يعني مجهزة لهل الحركة من قبل
حلا : اي مجهزة لهل الحركة من قبل ارتحتي هيك
نور : ماحرام عليكي يلي عملتيه معها
حلا : لا ماحرام .. خليها تنقلع من مكان ما اجت
نور ؛ اي لكن اعملي حسابك اذا انقلعت تنقلعي معها ورح خبر هشام بكلشي .. ولا انت معلش تنزل علي ضرة بس مو معلش حدا ينزل عليكي ضرة
حكت هالكلمتين وطلعت على غرفتها وتركت حلا مصدومة وعم تعيد حساباتها