رواية لأنها توسل
الفصل السادس والعشرون 26
بقلم سوسو تويكس
* مَا كُلُّ نَفْسٍ نَسْتَطِيْعُ فِرَاقِهَا
فَفِرَاقُ مَنْ سَكَنَ الفُؤَاد مَمَاتُ 💔 اليله من الصباح قلبي واجعني والف سؤال في راسي هو حاليا مع اسيل؟،، لحدي زمن الضهر وانا مقلقه شديد وحابسه نفسي في الغرفه وببكي بحرقه وفطوم شغاله تواسي فيني، واثناء ما ببكي جات غزل داخلة الغرفه بقينا نعاين ليها بصدمه،، قعدت جمبي وهي بتقول:ما تعايني لي كده، بالي مشغول عليك كان+انتي عارفه بنات اهلنا ديل ما بحبهم عشان كده هربتا وجيت هنا،، فطوم:مكنه احييك،👋،كده شلتنا اكتملت،، بقيت لا عارفه اضحك ولا اكمل بكاي، طول الوقت ملصوقين فيني ما عايزني افكر في الموضوع لحدي بعد المغرب في رقم غريب رسل لي في الواتس صور فتحتها لقيتها صور الخطوبه واسيل اخر شياكة وصور لي غيث وهو بلبسها الخاتم،، انقعتا تاني في البكا اتخلعو وقت شافو التلفون في يدي وفيهو الصور،، غزل:دي اكيد عمايل اسيل،، فطوم : توتا انتي لازم بكرة ترجعي،، توسل :انتي جنيتي صاح، بعد خطاها سبب واحد بخليني ارجع ماف،، غزل:فطوم معاها حق اذا هي بتغيزك بالصور انتي غيريها على أرض الواقع،، فطوم :اذا هي خطيبتو فانتي مرتو ولازم تحاربي عشانو،، توسل:انا ح ارجع بكرا الصباح واحل الموضوع ده من اخرو،، فطوم :ح تعملي شنو،، توسل :بتعرفو بكرة،، احارب بشنو وانا طاقتي استنفذتها،، غزل رجعت الفيله وفطوم برضو رجعت لانو امها تعبت فاضطرت ترجع،، قعدتا اليل كلو بفكر، في 100سبب بخليني اتمسك في قراري،، جا الصباح وانا عيني ما غمضت كنت حارسه الساعه ٩ تجي بفارغ الصبر عشان امشي وانتهي من الموضوع كلو ايي صاح ح اتألم ، بس اخف من اني اشوفهو مع غيري و يبقو على اتنين الم وانكسار💔،، ورب الم اخف من الم💔،، وصلتا الفيله وكانت فاضيه والشغالات بنضفو في فوضى امس حقت الخطوبه وما لقيت زول في الصاله، ركبتا السلالم وانا قلبي مقبوض،، وصلت الجناح أدخلت كلمة السر وكان الجناح فاضي فجأة سمعتا صوت اسيل جاي من غرفة النوم وهي بتقول:بعده المفروض تمثيليتك تنتهي انت ما مضطر تواصل في اللعبه دي اكتر من كده،، بقيت اكر رجليني كر وانا باجه على باب الغرفة فتحتو في نفس الوقت الحضنتو وهي بتقول :انت عارف اني بحبك، بعده فوق للواقع ووقف لعبتك دي،،بعدها منو وعايز يتكلم بس شافني واقفه جمب الباب...