رواية سكن الفصل الخامس5الاخير بقلم رانيا عماره
بعد مافتحنا الباب انا وصاحبتي ولقينا المديره واقفه ومبتسمه ووراها شخصين..حرفياً
محستش بـ نفسي غير وانا متربطه في أوضه ضلمه ومش شايفه فيها أي حاجه.
.وشويه وسمعت صوت خطوات بتقرب وباب
بيتفتح..ضربات قلبي زادت وحسيت ان انا في خطر لحد ما النور حد فتحه ولقيت المديره واقفه هى والشخصين اللي كانوا معاها بالإضافه لـ شخص جديد بس خافي ملامحه وماسك في ايده زي كتاب طلاسم وبدأ يقرأ كلام مش
مفهوم وبعد ماخلص قراءه.. شاور على صاحبتي وبص للمديره والناس اللي معاها..لقيتهم بيسحبوها وهى كانت بتعافر بكل قوتها وبتصوت على أمل انهم يسيبوها!.. ابتديت أصوت
انا كمان..سحبوها قدام عينيا ورفعوا السكينه ودبحوها قدامي!!.. وقتها من كتر صويتي والصدمه الشديده اللي بقيت فيها أغم عليا!..ولما فوقت كنت بترعش.. بصيت ملقتش حد خالص..ببص يمين لقيت بنت مربوطه!..وحاطين بلاستر على بؤها كانت بتبصلي وعينيها مليانه حزن وخوف..كأنها
بتقولي انقذيني!..وبعيد لقيت أداه حاده.. فضلت أسحف لحد ما وصلتلها بـ صعوبه وعلشان انا مربوطه وايدي لـ ورا روحت مديالها ضهري ومسكتها بـ ايدي وحاولت اقطع الحبل.. لكن فشلت.. لحد ماسمعت صوت جاي.. وقتها رجعت مكاني بسرعه
وعملت ان انا مغم عليا..لحد مادخلت المديره ومعاها نفس الشخص اللي دبح صاحبتي..وكان بيبص علينا.. مره عليا ومره عليها..لحد ماخرجوا من الأوضه وقفلوها
من برا بالمفتاح.. وبعد مااتأكدت انهم مشوا..رجعت تاني أحاول..وبعد ربع ساعه محاوله كنت فكيت أول جزء من الحبل لحد مااتفكيت تماماً وجريت على البنت المربوطه وفكيتها
هى كمان.. وأول ما فكيتها لقيتها انفجرت من العياط..وقتها حاولت اهديها رغم ان انا كنت بموت من جوايا بعد اللي حصل لـ صاحبتي..فضلنا ندور على أي مخرج لحد ما لقينا فتحه
صغيره ولكن مقفوله بمسامير.. ساعتها استخدمت الاداه الحاده اللي قطعت بيها الحبل في فك المسامير رغم ان الموضوع كان غايه في الصعوبه..وبعد ما فكيته أخدت البنت دي ودخلنا
جوا وفضلنا ماشيين في مكان غريب.. ضلمه كحل مش شايفين منه ايدينا ..لحد ما قابلنا ضوء خفيف جاي من بعيد..ولما قربنا منه اكتشفنا ان ده ضوء الشارع واننا بالنهار لحد ماوصلنا لـ باب مقفول..ساعتها مكنش قدامنا غير حل واحد اننا
نعدي من المجاري!..وبالفعل عدينا منها وكنت انا والبنت مش مستحملين الريحه المميته دي!.. ده بجانب وجود حشرات وصراصير لحد ما رفعنا غطا البلاعه ونطينا في الشارع خرجنا..
لقينا نفسنا في شارع غريب..أول حاجه عملناها هى اننا روحنا للشرطه وحكينالهم كل اللي حصل..وخدوا أمر بـ تفتيش المكان..ولما الشرطه هجمت على السكن..لقوا كمية جثث مش
طبيعيه في أوضه مقفوله..دي نفس الأوضه اللي لما قربت منها..قالتلي المشرفه دي مش نضيفه مينفعش حد فيكم يدخل جوا ده غير إن دي حاجه مش من حقكم..اكتشفت
انه مكنش علشان كده وإنه كان بسبب وجود كميات كبيره من الجثث..واللي كانت زعيمة العصابه هى المديره واللي بعد تحقيق الشرطه معاها تبينلهم انها عملت كل ده تقديم قرابين
للشيطان بالبنات الغير متزوجين وكانت لازم تنفذله طلبه علشان هو كمان ينفذلها طلبها..ولما سألتهم ايه هو طلبها؟.. قالوا ان قطعة الأرض دي كانت بتاعت عمها وفي يوم
سمعته وهى بتتصنت عليه إن قطعة الأرض دي مليئه بالأثار ولإن أبوها كان فقير فكان الطمع مالي قلبها، ولما عمها كل
حق أبوها وباع حتة الأرض لـ شخص تاني.. قررت تثبتله انها أقوى منه وتقدر تعمل أي حاجه لحد مااشتغلت على نفسها لحد مااصبحت مديرة سكن جامعي وبعد مااتغنيت..اشتريتها لغاية مابقيت ملكها.. ولسوء الحظ ان قطعة الأرض دي كان
فيها لعنه ومستحيل ان حد يلاقي أثار فيها سهوله فـ كان لازم تقدمله قرابين فقررت تضحي بالبنات اللي عندها..وبعد
اعترافها حكمت عليها المحكمه بالاعدام.. ومن بعدها السكن ده اتقفل ومحدش بيقدر يقرب ناحيته وطلع عليه سُمعه
وحشه..لدرجة ان الحكومه قررت ازالته
وبعد ما أزالوه بنوا مكانه جامع ومن وقتها واحنا قبل مانروح أي مكان لازم نعرف المعرفه الكافيه عنه!
تمت بحمد الله